إنتقال للمحتوى


صورة

كعك العيد


  • من فضلك قم بتسجيل الدخول للرد
15 رد (ردود) على هذا الموضوع

#1 zelsarawy

zelsarawy

    new Member

  • Members
  • Pip
  • 6 مشاركة

تاريخ المشاركة 19 October 2006 - 05:26 AM

السلام عليكم
انا عضوه قديمه في المنتدي لكني قليلة الكتابة جدا
انا اقيم خارج مصر منذ زمن وكبرت في مخي هذا العام عمايل الكعك رغم اني مش شاطرة خالص في اي صنف حلويات
هل عند اي احد وصفه سهلة مجربة مع الاخذ في الاعتبار اني لا استطيع الحصول علي مسحوق ريحة الكعك من هنا
ولكم مني جزيل الشكر

#2 Folana

Folana

    Super Member

  • Members
  • PipPipPipPipPipPip
  • 6166 مشاركة
  • النوع:أنثى

تاريخ المشاركة 19 October 2006 - 09:42 AM

السلام عليكم ورحمة الله....

ختى الفاضلة..مرحبا بعودتك مرة اخرى بيننا...ونتمنى انك تفضلى معانا على طول ...

بصى ياست الكل..نصيحة منى ..اوعى تخش العشة ياديك.....بمعنى انه مافيش داعى ابدا تحاولى تعملى الكعك ده..انا جربت مرة قبلك وكبرت فى دماغى برضه...طلع جميل جدا ....بس شراية العبد ولا تربيته زى مابيقولوا...

انا اجرب مرة واحدة وخلاص..ربنا يخلى لنا الجاهز...خصوصا اننا مش بنحبه قوى ..ولكن ....

علشان احنا بنحبك وبنحب كل الاعضاء ومش بنحب نزعل حد مننا ..انا رجعت لامهات الكتب اللى عندى ووصلت لمعلومة يمكنك تفيدك....

رائحة الكحك ...دى عبارة عن بهار كحك..ويتكون من ...

محلب ....قرفة......قرنفل......حبهان......كافور..........كبابة صينى..........خميرة عرب

او.........

محلب ......ينسون .شمر مطحون..



جالى تليفون من الوزير...حاكتب لك الطريقة بعد الفاصل ..........انتظرونا
<p class='bbc_center'><span style='font-size: 24px;'><em class='bbc'><span class='bbc_underline'> </span></em></span> </p><p class='bbc_center'><span style='font-size: 24px;'><em class='bbc'><span class='bbc_underline'> </span></em></span> </p><p class='bbc_center'><span style='font-size: 24px;'><em class='bbc'><span class='bbc_underline'><span style='font-family: Verdana'><span style='color: #ff0000'>{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }</span></span></span></em></span></p>

#3 Folana

Folana

    Super Member

  • Members
  • PipPipPipPipPipPip
  • 6166 مشاركة
  • النوع:أنثى

تاريخ المشاركة 19 October 2006 - 10:33 AM

السلام عليكم ورحمة الله............

كعك العيـــــــــــــــــــــد...


المقادير...

كيلو دقيق
2باكو خميرة جافة
نصف كيلو سمن بلدى
2 ملعقة سمسم
نصف ملعقة ملح ناعم
كوب ونصف ماء دافىء للعجن
ملعقة صغيرة رائحة الكعك..او تحاولى تحصلى على اى شىء من مكونات البهار ده بس يكون ناعم..

الطريقة.....

تخلط الخميرة مع نصف ملعقة سكر مع نصف كوب ماء دافىء وتترك لتتخمر

- ينخل الدقيق والملح والبهار او رائحة اكعك وينثر السمسم (يكون منقى طبعا) فوق الدقيق

- اعملى حفرة فى وسط الدقيق

- يقدح اسمن ثم يصب فوق الدقيق ولكن بحذر ويقلب بواسطة ملعقة خشبية حتى يتجانس ويشرب الدقيق السمن

- ولما يبرد شوية نبدأ نقلب بالي ثم نفركه لمده نصف ساعة تقريبا

- يضاف الخميرة الى ادقيق وندعك باليد مع اضافة الماء تدريجيا ..ويستمر الدعك حتى تتكون عجينة متماسكة وناعمة

- نغطى العجين بقطعة قماش نظيفة ونتركه فى مكان دافىء ليتخمر...وحتعرفى انه اتخمر لما تلاقى حجمه زاد

- يقطع العجين على شكل كور فى حجم عين الجمل مع الدعك جيدا علشان تتجانس
-

تساويها فى ايدك لو مش عندك قوالب كعك..بحيث تبقى مدورة على شكل الكعكة كده ..وتبدأى تنقشيها بالمنقاش..ولو مش عندك ..ممكن تستخدمى اشوكة

- ترص الوحدات فى صاج فرن وتغطيها لحد ماتختمر مرة ثانية ...وتلاقى حجمها اتضاعف

- تخبز فى فرن متوسط الحرارة مدة 25 الى 30 دقيقة ..وممكن اقل حسب ماتشوفى...لونه يبقى دهبى فاتح

- يبرد وبعد كده ترشيه بسكر بودره ....


اذا عايزة تحشيه ...

الحشو........

حشو العجوة...

حتحضرى نص كيلو عجوة (تمر) منزوعة النوى ومفرومة ...

ممكن تضيفى عليها نصف ملعقة سمسم ...وملعقتين زيت ..ونصف ملعقة صغيرة قرفة او حبهان مطحون ..(هال)

ويتعجنوا مع بعض ويشكل على هيئة كرات صغيرة

وانت بتدورى عجينة العك تعمل بها ثقب باصبعك وتحشى التمر وتروحى قافلة تانى ومكورة تانى

حشو المكسرات ...

حتحضرى المكسرات اللى انت عايزاه وليكن عين جمل مفروم او فستق مفروم خشن جدا يعنى يادوب فة واحدة فى اخلاط
نصف كوب سكر

شوية ماء زهر

ويتخلطوا ببعض ..طبعا ماء الزهر يدينا رائحة فقط يعنى الاساس عندنا المكسرات

وممكن تاخدى عين جمل صحيح وتحشى به

حشو العجمية ....

كوب عسل نحل

3 ملاعق كبيرة سمن بلدى

3 ملاعق كبيرة دقيق

2 ملعقة سمسم

3 ملاعق ماء دافىء

1 ملعقة ماء ورد

( وممكن تضيفى عين جمل اختيارى)

نحمر السمسم فى السمن لحد مايصفر ونضيف الدقيق ونحمر لحد مالونه يصفر ..نضيف العسل ونقلب باستمرار لحد ما يبدأ يغلى ثم نضيف الماء ونقلب لحد ماتبقى عجينة ...
نرفع من على النار ونسيبها تبرد ثم نضيف ماء الورد او ماء الزهر ..(ونضيف عين الجمل لو عايزين)...وبعد كده نكور قطع صغيرة مستديرة..

نحشى بها وحدات الكعك كما سبق ....ونبطط الكعك برضه ونرصه ونسيبه يخمر ثم نخبزه.........ز




يارب اكون قدرت افيدك....وممكن اكتب لك طرق عمل ابسكويت والبتى فور كمان لو تحبى ..........

وكل سنة وانت طيبة ...وكل سنة وكل المسلمين بخير

والعيد فرخة .كاك ..كاك.........
<p class='bbc_center'><span style='font-size: 24px;'><em class='bbc'><span class='bbc_underline'> </span></em></span> </p><p class='bbc_center'><span style='font-size: 24px;'><em class='bbc'><span class='bbc_underline'> </span></em></span> </p><p class='bbc_center'><span style='font-size: 24px;'><em class='bbc'><span class='bbc_underline'><span style='font-family: Verdana'><span style='color: #ff0000'>{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }</span></span></span></em></span></p>

#4 Lembic

Lembic

    Advanced Member

  • Members
  • PipPipPipPipPip
  • 470 مشاركة
  • النوع:ذكر
  • المكان:حكون فين يعنى؟ أكيد بره مصر!
  • الإهتمامات:متعدش!

تاريخ المشاركة 19 October 2006 - 01:41 PM

ممكن والله طريقة عمل القرص أم عجوة؟ والف شكر محشى مكسرات. :unsure:

ياريت نصحى من الغيبوبة وكفاية سلبية! نحن لسنا قطيعا لكى نساق!

#5 Folana

Folana

    Super Member

  • Members
  • PipPipPipPipPipPip
  • 6166 مشاركة
  • النوع:أنثى

تاريخ المشاركة 19 October 2006 - 02:02 PM

السلام عليكم ورحمة الله .............

الاخ الفاضل ليمبك...من عنيه الاتنين حاضر.....

القرص بالعجــــــــــــــــــــــوة...


المقاديـــــــر...


كيلو دقيق
تمن كيلو سمسم
كوب سمن ..(وممكن نزود شوية لو محتاجيين)
كوب الا ربع زيت ذره
ربع ملعقة ملح ناعم
2 باكو خميرة نشطة
كوب ماء دافىء للعجن
تمن كيلو يانسون

نصف كيلو عجوة منزوعة النوى

الطريقة........

ننخل الدقيق والملح ويوضع فى اناء عميق ونعمل حفرة فى الوسط نضع فيها السمسم

- نقدح السمن والزيت ونضيفه بالتدريج على السمسم اللى فى النصف ونقلب ..حنلاقى السمسم اخد لون محمر شوية

- نقلب المقادير بملعقة خشب حتى يتشرب السمن فى الدقيق

نرش الينسون ونقلب جيدا

نكون خمرنا الخميرة بالطريقة المعتادة ...يعنى مع ملعقة سكر وماء دافىء ونغطيها ونسيبها لما تتخمر ..وتتخمر دى يعنى تفور ويظهر بها فقاعات كثيرة

نضيف الخميرة ونقلب ونعجن بايدنا ..وبعد كده نضيف الماء الدافىء تدريجيا مع العجن ..وعلى فكرة مش شرط اننا نستخدم كل كمية الماء...يعنى حسب الحاجة ولو احتجنا نزودها شوية برضه ده بيعتمد على شكل العجينة...

ولما نحصل على عجينة متماسكة نغطيها ونسيبها تخمر يعنى مش اقل من ساعة ..

نقطع العجينة قطع مدورة متساوية ونكورها فى ايدنا ونفتح فيها فتحة بالاصبع عن طريق الضغط عليها

حنكون مجهزين العجوة المفرومة وعليها شوية سمن وشوية سمسم ..


نضع العجوة فى المنتصف ونكور تانى علشان تقفل ..وبعد كده نبططها بايدنا ..اما تاخد الشكل المدور..او نعملها على شكل نصف دائرة زى القطايف ونشكل الطرف بالشوكة

نسيبها تخمر كمان شوية ...

وممكن بقى ندهن الوش ببيضة ..او نرشها بشوية ميه علشان الوش يحمر..وممكن ندهن الوش سمسم او حبةة البركة

وتخبز فى فرن حار لمدة ربع ساعة حتى يحمر الوش...............


حاكتب لكم طريقة عمل كعب الغزال يامتحنى بعد شوية ...........
<p class='bbc_center'><span style='font-size: 24px;'><em class='bbc'><span class='bbc_underline'> </span></em></span> </p><p class='bbc_center'><span style='font-size: 24px;'><em class='bbc'><span class='bbc_underline'> </span></em></span> </p><p class='bbc_center'><span style='font-size: 24px;'><em class='bbc'><span class='bbc_underline'><span style='font-family: Verdana'><span style='color: #ff0000'>{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }</span></span></span></em></span></p>

#6 zelsarawy

zelsarawy

    new Member

  • Members
  • Pip
  • 6 مشاركة

تاريخ المشاركة 19 October 2006 - 02:59 PM

السلام عليكم
اشكرك جدا اخت فولانة على تعبك و سوف اوافيك بالاخبار
دعواتك وكل سنة وانتم طيبيين

#7 غادة شريف

غادة شريف

    new Member

  • Members
  • Pip
  • 7 مشاركة

تاريخ المشاركة 20 October 2006 - 08:40 PM

تسلم إيديكى يا فلانة !!!

ممكن اطلب خدمة كبيرة قوى. أنا نزلت مصر من تلات سنين وقت العيد وأكلت بتيفور بالمربة من تسيباس بس بصراحة كان دمار و طعمه يجنن. هو زى ماتقولوا كده معمول كقالب ومتقطع مربعات والمربة مغطية القالب كله. و كانت المربى لونها برتقالى. و بصراحة نفسى هافة عليه قوى بس يا مين يبعتهولى من مصر. ياترى فى حد يعرف طريقة عمايل البتيفور أو البسكوت ده؟ والله يعنى يبقى جزاكم الله كل خير

غادة شريف

#8 بنت الشاطئ1

بنت الشاطئ1

    Advanced Member

  • Members
  • PipPipPipPipPip
  • 507 مشاركة

تاريخ المشاركة 20 October 2006 - 09:20 PM

السلام عليكم عزيزتى zelsarawy
انا قرأت مداخلتك الان وقد ذكرتينى بأول محاولة لصنع الكحك وكانت الحمد لله ناجحة جدا وانا بالطبع قمت بتنفيذ الخطوات ولكن استعنت لمن لهم الخبرة فى هذا الموضوع وساقول لك المقادير التى قمت بها والطريقة بالحرف الواحد ولو صنعت الكحك هذا العيد سأريكى الخطوات بالصور ولكنه سهل جدا ولا تخافى من التجربة ممكن تبدأى بنصف المقدار
المقادير كالأتى
كيلو دقيق
400 جم زبدة واجعلى 100 جم زيادة احتياطى على جنب ممكن تزودى منه للعجين اذا كان ناشف يعنى تستخدمى 400 فقط و100 احتياطى
50 جم سكر ناعم
فنجان صغير من الماء الدافئ
1 ملعقة من السمسم المنقى والمحمص قليلا على نار هادئة
ربع ملعقة صغيرة جدا خميرة من خميرة الخبز
الطريقة
نضع الخميرة فى نصف كوب ماء دافئ ومعها ربع ملعة سكر لتنشط
لا تحاولى زيادة كمية الخميرة لأى سبب من الاسباب
تحضرى طبق العجن وتضعى فيه الدقيق بعد نخله والسكر والسمسم والسكر غير ضرورى لأن الكحك يرش سكر بعد النضج لكن ضعى قليل لن يؤثر
وتقلب هذه المقادير بملعقة خشب

#9 Folana

Folana

    Super Member

  • Members
  • PipPipPipPipPipPip
  • 6166 مشاركة
  • النوع:أنثى

تاريخ المشاركة 20 October 2006 - 09:28 PM

السلام عليكم ورحمة الله............

الاخت الفاضلة zelsarawy....مافيش تعب ولاحاجة ..انا سعيدة جدا انى قدرت اقدم لك حاجة انت محتاجها وابقى طمنينى على النتيجة ..وخلينى اقرأ لك باستمرار معانا هنا...


الاخت الفاضلة غادة شريف ..اهلا بك معانا ونورتينا..اسمك جميل وسينمائى....شوفى ياست الكل انا حاكتب كذا طريقة للبتى فور..وطبعا اللون البرتقالى ده يبقى مربى مشمش او لارنج او برتقال ...

وابعت لنا بس انت العنوان واحنا نبعت لك تسيباس شخصيا بالدى اتش ال....

البتى فور....

المقادير....

كيلو دقيق...

حوالى 3 كوب زبدة
ربع كيلو سكر بودرة
8 بيضات ...باكو فانيليا
باكو بيكنج بودر
كاكاو خام (يعنى من غير سكر)

الطريقة....

نضرب الزبدة بالمضرب الكهربائى لحد ماتنعم زى الكريمة ...مع اضافة السكر بالتدريج واستمرار الضرب بالمضرب

نخفق البيض والفانيليا ونضيفهم للخليط السابق

ننخل الدقيق والبيكنج بودر ونضيف بالتدريج للخليط السابق حتى تتكون عجينة متماسكة ممكن نشكلها

نقسم العجينة نصفين

نشكل النصف الاول بواسطة ماكينة البتى فور او كيس الحلوانى

نخلط الكاكاو على النصف الاخر من العجينة ...- فاكراه؟- ونقلب ونبدأ نشكل الجزء الى بالكاكاو ده

نسيب الكلام ده يرتاح شوية لمده نصف ساعة كده ثم نخبزه فى فرن متوسط الحرارة لمدة ربع ساعة ...وبعد كده نسيبه يبرد

تبدأى بقى تجمعى الاشكال مع بعضها وتلصيقها بالمربى ..وممكن تجمل الاطراف بالشيكولاتة الفورماسيل الل ىهى زى العصيان المكسرة دى ..او جوز هند او مكسرات

الغريبة.........

كوباية زبدة ...نص كوب سكربودرة....2 كوب دقيق..تمن.ملعقة صغير بيكنج بودر ...نصف ملعقة صغيرة ماءورد او فانيليا

فستق او قرنفل او لوز للتزيين


نضرب الزبدة بالمضرب الكهربائى لحد ماتبقى عاملة زى القشدة ويبيض لونها

نضيف السكر ونستمر فى الضرب ...- افترا بقى -

ننخل الدقيق وعليه بكربونات الصودا (الكربوناتو)..وماء الورد او الفانيليا

ونضيف الدقيق بالتدريج للزبدة لحد مايبقى عجينة ناعمة وطرية وكلها حنية

نشكل العجينة على هيئة كور مستديرة ونضغط عليك بالابهام برفق كده..ونغرس فيها بقى وحدة فستق او لوز مقشر طبعا او قرنفل ..

نرصها فى الصينية ونخبز فى فرن هادىء لمدة 10 دقائق ونسيبها تبرد وبعدين نرصها فى طبق التقديم

طبعا مش حنسيبها فى الفرن كتير يعنى لونها مش مفروض يتغير ولا يصفر ولا يحمر...تانى حاجة نسيبها فى الصينية لحد ماتبرد تماما....


بسكويت لانكشير ...

المقادير...

3 اكواب دقيق
كوب سمن
كوب سكر ناعم
كوب كورن فلور
3 بيضات
بيكنج بودر وفانيليا

2 ملعقة كاكاو خام

الطريقة.............

برضه نمارس هوايتنا وننفس عن مشاعر االغضب باننا نضرب الزبدة بالخلاط الكهربائى لحد ماتستغيث

نضيف لها السكر مع الضرب المستمر

نرب البيض مع الفانيليا ونضيفه للدقيق ونضرب .- اوعوا تبطلوا ضرب -
ننخل ادقيق والكورن فلور والبيكنج بودر ونضيفهم للخليط الستبق مع التقلب لحد ماتتكون عجينة نعرف نشكلها

نقسم العجينة نصفين ..ونضيف على نصف منهم كاكاو علشان ياخد لون ..ونسيب العجينة ترتاح ..علشان احنا فى ايام مفترجة والضرب حرام

نشكل البسكوت على شكل كور ضغننة نونو - مش نونو قوى لكن نونو كبير شوية -
نرص الكور دى فى صينية الفرن ونسويها فى فرن هادىء لمده 10 دقائق ..برضه مش حتاخد لون

نسيبها لحد ماتبرد وبعد كده نلصق بقى كل اتنين فى بعض بالمربى


وبالهنا والشفا ...........
<p class='bbc_center'><span style='font-size: 24px;'><em class='bbc'><span class='bbc_underline'> </span></em></span> </p><p class='bbc_center'><span style='font-size: 24px;'><em class='bbc'><span class='bbc_underline'> </span></em></span> </p><p class='bbc_center'><span style='font-size: 24px;'><em class='bbc'><span class='bbc_underline'><span style='font-family: Verdana'><span style='color: #ff0000'>{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }</span></span></span></em></span></p>

#10 بنت الشاطئ1

بنت الشاطئ1

    Advanced Member

  • Members
  • PipPipPipPipPip
  • 507 مشاركة

تاريخ المشاركة 20 October 2006 - 09:49 PM

الماء الذى يوضع على الخميرة هو نفسه الذى ذكرناه فى المقادير ونأتى للزبدة نضعها على النار حتى تقدح جيدا ونضعها بسرعة على الدقيق ونقلب بملعقة خشب وبعد قلبيل نرمل العجينة يعنى تستخدمى كفيك الاثنين وتفركى فى العجينة حتى تصبح كالرمل وهذا يستغرق تلت ساعة تقريبا او نصف
ثم تضعى الخميرة النشطة الان وضعيها بالتدريج لاتضعيها كلها لأن العجينة اصلا كلها زبدة ولو اكثرتى الماء سيتلف منك الكعك لان الكعك اصلا انا اعتبره معجون بالزبدة ولكن الماء فقط للم العجينة ضعى الخميرة بالماء بالتديج والافضل بالملعقة ةاعجنى بيديك ةاذا كانت العجينة محتاجة ملعقة اخرى ضيفى ثم اعجنى جيدا حتى تصبح العجينة سهلة التشكيل
وانا لم اضيف رائحة الكحك ولا اى شئ وكان رائعا
ثم قرصيه على هيئة كور بالحجم الذى تحبيه ثم نأتى للحشو اجمل شئ العجمية وعين الجمل
مقادير العجمية
ملعقة ونصف زبدة
ملعقة سمسم ملعقة ونصف دقيق
نصف كوب عسل
فانيليا
الطريقة نضع الزبدة على النار ومعها السمسم ونقلب قليلا ثم نضيف الدقيق ونقلب دقيقتين ثم العسل ونقلب حتى تصبح كالبشاميل ثم الفانيليا انت هتلاحظى ان القوام خفيف لكن هيتقل اذا تركتيه قليلا وبعد قليل تكوريها قطع صغيرة
ثم تأخذى كور الكحك وتضعين قطعة عجمية مع عين جمل وتغلقيها وتشكليها بالشوكة انا اتجنب قوالب الكحك لأن الحشو يخرج على السطح بسبب الضغط على العجينة والمهم بعد ذلك انك ترصى الكعك فى صينية وتتركيه نصف ساعة يرتاح ثم تضعينه فى فرن متوسط الحرارة وبعد ان تجدى ان القاع لونه احمر قليلا نفتح النار العلوية حتى يتحمر الوجه قليلا وعندما تفتحى النار العلوية قفى بجانب الفرن لأن السطح يتحمر سريعا بعد ان يبرد يرش بالسكر الناعم وبالهنا والشفا واتمنى الا اكون نسيت شئ

#11 بنت الشاطئ1

بنت الشاطئ1

    Advanced Member

  • Members
  • PipPipPipPipPip
  • 507 مشاركة

تاريخ المشاركة 20 October 2006 - 10:01 PM

انا نسيت شئ وهو الا تتركى العجينة تخمر ابدا مش حلو ولكن بعد التقطيع والحشو تتركيها ترتاح دون تغطيه وهذا عن تجربه
المهم انا كتبت مداخلتى الاولى وانتهت صفحة الرد وعندما اكملت وجدت ان هناك من كنب مداخله بعدى ولذلك الموضوع غير متصل
اسفه هذا خطأ ليس لى دخل فيه

#12 Lembic

Lembic

    Advanced Member

  • Members
  • PipPipPipPipPip
  • 470 مشاركة
  • النوع:ذكر
  • المكان:حكون فين يعنى؟ أكيد بره مصر!
  • الإهتمامات:متعدش!

تاريخ المشاركة 20 October 2006 - 10:03 PM

حاكتب لكم طريقة عمل كعب الغزال يامتحنى بعد شوية ...........


ألف شكر على الوصفة وربنا يخللى القرص والكحك والذى منه... بخصوص كعب الغزال ممكن؟ :)

ياريت نصحى من الغيبوبة وكفاية سلبية! نحن لسنا قطيعا لكى نساق!

#13 Folana

Folana

    Super Member

  • Members
  • PipPipPipPipPipPip
  • 6166 مشاركة
  • النوع:أنثى

تاريخ المشاركة 20 October 2006 - 10:17 PM

السلام عليكم ورحمة الله ....ز

تسلم ايديك يابنت الشاطىء1 ..وان شاء الله منورنا دائما ........


كعب الغزال ...يامتحنى خلتلى ايه علشان اغنى ....

المقاديـــــــر...


كوب وربع دقيق
نصف كوب ماء دافىء للعجين
نصف ملعقة ماء ورد او ماء زهر
نصف كوب زبدة
نصف ملعقة صغيرة ملح

للحشو.زممكن عجوة مفرومة وعليها زبدة وسمسم ..

او ممكن نحشيه باللوز

يعنى نحضر كوب لوز متقشر ومفروم ناعم ...نصف كوب سكر ناعم ....نصف ملعقة قرفة ( اختيارى)...ملعقة ماء زهر كبيرة ...قطعة زبدة فى حجم الليمونة...وكل ده يتعجن مع بعضه باليد

وعلشان نجهز الحشو ....حنشكله على هيئة اصابع صغيرة

الطريقــــــة...


ننخل الدقيق والملح ..ونضيف الزبدة وماء الزهر وتفرك المواد باليد

يضاف الماء تدريجيا وتعجن حتى يصير عجينا ناعما مطاطيا

يمد العجين على سطح مرشوش بالدقيق خفيف علشان العجينة ماتلزقش..ونفرده لحد مايبقى رقيق

نقطع العجين دوائر متوسطة القطر ...

نوضع الحشو داخل كل دائرة ونقفل الدائرة

وممكن نضع الحشو على الطرف ونلف العجينة عليه ونقطعها بالسكين ..يعنى تبقى على شكل عصا طويلة وننقلها فى الصينية ونقطعها قطع بالسكين

ونخبزها فى فرن متوسط الحرارة لمده 20 دقية وممكن نرش السطح بالماء علشان يحمر ..ولما تستوى وتبرد خالص نرصها فى طبق التقديم ...........
<p class='bbc_center'><span style='font-size: 24px;'><em class='bbc'><span class='bbc_underline'> </span></em></span> </p><p class='bbc_center'><span style='font-size: 24px;'><em class='bbc'><span class='bbc_underline'> </span></em></span> </p><p class='bbc_center'><span style='font-size: 24px;'><em class='bbc'><span class='bbc_underline'><span style='font-family: Verdana'><span style='color: #ff0000'>{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }</span></span></span></em></span></p>

#14 بنت الشاطئ1

بنت الشاطئ1

    Advanced Member

  • Members
  • PipPipPipPipPip
  • 507 مشاركة

تاريخ المشاركة 20 October 2006 - 10:18 PM

اليك طريقة الكحك كاملة هنا المقادير كيلو دقيق
400 جم زبدة واجعلى 100 جم زيادة احتياطى على جنب ممكن تزودى منه للعجين اذا كان ناشف يعنى تستخدمى 400 فقط و100 احتياطى
50 جم سكر ناعم
فنجان صغير من الماء الدافئ
1 ملعقة من السمسم المنقى والمحمص قليلا على نار هادئة
ربع ملعقة صغيرة جدا خميرة من خميرة الخبز
الطريقة
نضع الخميرة فى نصف كوب ماء دافئ ومعها ربع ملعة سكر لتنشط
لا تحاولى زيادة كمية الخميرة لأى سبب من الاسباب
تحضرى طبق العجن وتضعى فيه الدقيق بعد نخله والسكر والسمسم والسكر غير ضرورى لأن الكحك يرش سكر بعد النضج لكن ضعى قليل لن يؤثر
وتقلب هذه المقادير بملعقة خشب
الماء الذى يوضع على الخميرة هو نفسه الذى ذكرناه فى المقادير ونأتى للزبدة نضعها على النار حتى تقدح جيدا ونضعها بسرعة على الدقيق ونقلب بملعقة خشب وبعد قلبيل نرمل العجينة يعنى تستخدمى كفيك الاثنين وتفركى فى العجينة حتى تصبح كالرمل وهذا يستغرق تلت ساعة تقريبا او نصف
ثم تضعى الخميرة النشطة الان وضعيها بالتدريج لاتضعيها كلها لأن العجينة اصلا كلها زبدة ولو اكثرتى الماء سيتلف منك الكعك لان الكعك اصلا انا اعتبره معجون بالزبدة ولكن الماء فقط للم العجينة ضعى الخميرة بالماء بالتديج والافضل بالملعقة ةاعجنى بيديك ةاذا كانت العجينة محتاجة ملعقة اخرى ضيفى ثم اعجنى جيدا حتى تصبح العجينة سهلة التشكيل
وانا لم اضيف رائحة الكحك ولا اى شئ وكان رائعا
ثم قرصيه على هيئة كور بالحجم الذى تحبيه ثم نأتى للحشو اجمل شئ العجمية وعين الجمل
مقادير العجمية
ملعقة ونصف زبدة
ملعقة سمسم ملعقة ونصف دقيق
نصف كوب عسل
فانيليا
الطريقة نضع الزبدة على النار ومعها السمسم ونقلب قليلا ثم نضيف الدقيق ونقلب دقيقتين ثم العسل ونقلب حتى تصبح كالبشاميل ثم الفانيليا انت هتلاحظى ان القوام خفيف لكن هيتقل اذا تركتيه قليلا وبعد قليل تكوريها قطع صغيرة
ثم تأخذى كور الكحك وتضعين قطعة عجمية مع عين جمل وتغلقيها وتشكليها بالشوكة انا اتجنب قوالب الكحك لأن الحشو يخرج على السطح بسبب الضغط على العجينة والمهم بعد ذلك انك ترصى الكعك فى صينية وتتركيه نصف ساعة يرتاح لا تتركى العجينة تخمر ابدا مش حلو ولكن بعد التقطيع والحشو تتركيها ترتاح دون تغطيه وهذا عن تجربه
ثم تضعينه فى فرن متوسط الحرارة وبعد ان تجدى ان القاع لونه احمر قليلا نفتح النار العلوية حتى يتحمر الوجه قليلا وعندما تفتحى النار العلوية قفى بجانب الفرن لأن السطح يتحمر سريعا بعد ان يبرد يرش بالسكر

#15 Folana

Folana

    Super Member

  • Members
  • PipPipPipPipPipPip
  • 6166 مشاركة
  • النوع:أنثى

تاريخ المشاركة 29 October 2006 - 04:59 PM

السلام عليكم ورحمة الله..............


ام البنات ....نعتذر عن التأخير ..ولو انك مختفية ومش بتشاركى معانا ..ليه بقى كده؟ هه ليه بقى .. :wub: ..ولو ان بعد العيد مايتعملش كحك بس انا اللى اتأخرت معلش..


المعمــــــــــــــــــــــول...



المقادير...


نصف كوب لبن

كوب زبدة

2 كوب دقيق سميد

1 كوب دقيق

ربع كوب سكر

2 ملعقة ماء زهر....قرفة لو حبيتى

سكر بودرة

الطريقة...


نضيف اللبن مع الزبدة على نار متوسطة لحد البن مايغلى .......
نخلط الدقيق ودقيق السميد والسكر (والقرفة فى حالة استخدامها) ونصب عليه اللبن والزبدة ونقلب بملعقة خشب ..ونسيب الكلام ده يبرد شوية

بعد كده نرش ماء الزهر على العجين ونبدأ نفرك بأطراف الاصابع

نغطى العجين ونسيبه 8 ساعات ..ويفضل لو عملتيه من بالليل علشان تخبزيه الصبح ..

تعالى بقى نجهز الحشو فى الفترة دى ...




ممكن تحشى بالتمر....

وفى الحالة دى حتجيبى كوبيتين تمر مفروم ..2 ملعقة سمسم ...3 ملعقة كبيرة زيت ...نصف ملعقة حبهان ناعم او قرفة

نعجن التمر كويس جدا بالسمسم والزيت والقرفة او الحبهان ..وتشكلى الحشو على شكل كرات صغيرة الحجم


وممكن تحشى مكسرات .........

وفى الحالة دى تحضرى كوبين عين جمل مفروم او فستق مفروم ....كوب الا ربع سكر....ربع كوب ماء زهر

نخلط المقادير معا


تعالى بقى نشوف العجينة ...

نعجن العجينة بعد مرور 8 ساعات حتى تصير ناعمة ومتماسكة ونبدأ نشكلها على شكل كرات فى حجم عين الجمل

نضغط على الكورة دى من المنتصف يعنى تبقى عاملة زى الفنجان كده ...ونحشيها بالحشو المطلوب سواء تمر او مكسرات ...

ونقفلها باحكام...وممكن تستخدمى القوالب الخاصة..

بعد كده نسخن الفرن حوالى ربع ساعة قبل الخبز..

ونخبز المعمول فى الرف الاوسط لمدة تلت ساعة او الى ان يصبح لونه ذهبى قليلا...

ونسيبه لحد مايبرد .....وخلاص...لو عايزة ترشى عليه سكر بودرة مافيش مشكلة بس كده حيبقى معسل جدا.........


وشكرا .........
<p class='bbc_center'><span style='font-size: 24px;'><em class='bbc'><span class='bbc_underline'> </span></em></span> </p><p class='bbc_center'><span style='font-size: 24px;'><em class='bbc'><span class='bbc_underline'> </span></em></span> </p><p class='bbc_center'><span style='font-size: 24px;'><em class='bbc'><span class='bbc_underline'><span style='font-family: Verdana'><span style='color: #ff0000'>{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }</span></span></span></em></span></p>




0 عضو (أعضاء) يشاهدون هذا الموضوع

0 الأعضاء, 0 الزوار, 0 مجهولين


زار هذا الموضوع 0 عضو



Free counter and web stats