إنتقال للمحتوى


صورة
- - - - -

علاج بسيط وفعال للقولون العصبي


  • من فضلك قم بتسجيل الدخول للرد
4 رد (ردود) على هذا الموضوع

#1 se_ Elsyed

se_ Elsyed

    Super Member

  • Members
  • PipPipPipPipPipPip
  • 25138 مشاركة
  • النوع:ذكر

شريط الأوسمة:

الأعضاء الحاصلين على أوسمة

تاريخ المشاركة 02 September 2006 - 10:41 AM

أنا عارف إن موضوع القولون العصبي مُشكلة مُزمنة ومؤرقة لدى الكثيرين وتقريباً هي من الأمراض أو الأعراض اللي الإنسان بيتعايش معها ويعيش بها ومع مرور الوقت بياخدوا على بعض وبيسلم أمره لله حتى لو إتعالج فالعلاج ما بيبقاش علاج فعال أو بيقضي على هذا العرض

ربنا يعافينا جميعاً

لكن أثناء مشاهدتي لأحد البرامج على قناة المحور - مش فاكر إسمه إيه !!! - لكن اللي بيقدم البرنامج ده طبيب إسمه / عادل عبد العال دكتور متخصص في الطب البديل والحلقة تُذاع كل يوم جمعة في العاشرة مساءً بتوقيت القاهرة ..

قال الرجل وصفة علاج للقولون العصبي والذي يسبب في أحيان كثيرة غازات ومشاكل في الهضم .. وأعتقد إنها فعالة لإنها من الأعشاب الطبيعية والتي ليس لها تأثير جانبي .. وما فيش شك إن الشخص المصاب ممكن يستشير طبيبه في ذلك

الوصفة عبارة عن :

1- بذر شمر
2- بذر شبت
3- نعناع أخضر

ويُخلط المزيج ده بنسب متساوية ويمزج بالماء ويتم غلييه ثم يتناوله المريض لمدة 3 أيام متتالية مرة واحده قبل كل وجبه بنصف ساعة .

بالإضافة إلى كورس علاج أخر عبارة عن

- سنامكه
- كراويه

وبرضوا يتم غليهم بنسب متساوية .. بس ده يؤخذ مرة واحده في اليوم برضوا لمدة 3 أيام .. وده بالذات بيسبب الإسهال .. فالمريض يستحمل بقى وهو حر .. هانعملكوا إيه أكثر من كده ..

وتعيش إنت يا حج ... وبعد كده المريض يتجنب أكل الأطعمة المُهيجية للقولون وخصوصاً المقليات

ممكن الناس تفتكر إن أسماء الأعشاب اللي فوق دي صعب الحصول عليها .. لكن أعتقد إنها متوفرة لدى العطارين في كل مكان داخل وخارج مصر .. ما أعرفش بقى الناس اللي عايشه في الغرب ممكن يكون إيه ظروفها

وتمنياتنا بالشفاء لجميع المرضى

سين سين .... محاسب ومجبراتي وبتاع كله
الأحـــرار يؤمنون بمن معه الحق ..
و العبيــد يؤمنون بمن معه القوة ..
فلا تعجب من دفاع الأحرار عن الضحية دائماً ..
و دفاع العبيد عن الجلاد دائماً

#2 لخبطه

لخبطه

    Advanced Member

  • Members
  • PipPipPipPipPip
  • 802 مشاركة
  • المكان:المحلة الكبرى

تاريخ المشاركة 03 September 2006 - 10:29 AM

والله انا كشفت عند دكتور ببلاش ( بتفرق دي خلى بالك ) اشتكيت له من كام عرض قالى قولون عصبي بس لغايه دلوقتى شاكك ( مش قولت لك ببلاش ) العلاج ياعم قالى دا مالوش علاج اتجنب كل انواع الاكل ( ببلاش) الوصفه دي لو ضبطت ياسي السيد هيبقا لك الحلاوة بس اما اقوم اشوف محل العطار كدا دقيقة

بذر الشمر موجود
بذر الشبت مش موجود يكونش الشبت نفسه ولا ( التقاوي)
اسمه سنا مكي ياعم كل كلمه لوحدها ( احرجتني مع الراجل ) سنا مكي نسبة لمكة اعطهوني بس مش لوحدة فيه معاه كام حاجه مخلوطه حتى فيه شمر كمان وقالى لو اخدته مش تيجي الشغل :wub:
شكرا ياعمنا سي السيد وربنا يجعل الشفا على ايديك
أنا لا أكتب الأشـــعار فالأشعـــــــــار تكتبني

أريد الصمت كي أحيا ولكن الذي ألقاه ُينطقني

#3 se_ Elsyed

se_ Elsyed

    Super Member

  • Members
  • PipPipPipPipPipPip
  • 25138 مشاركة
  • النوع:ذكر

شريط الأوسمة:

الأعضاء الحاصلين على أوسمة

تاريخ المشاركة 03 September 2006 - 11:53 AM

الحلاوة بس اما اقوم اشوف محل العطار كدا دقيقة


حلاوه جبنه هو أحنا شايفين منكو حاجه أساساً .. أأأأأأأأأف .. بالمناسبة إوعى تجيب لي لانشون .. واحد صاحبي إتسمم إمبارح ودخل المستشفى هو وعياله وكانت حوسه ( يعني مش مصر بس اللي اللانشون فيها مضروب )

يا لخبطيطه بيه .. السنامكي هو اللي بننطقها سلامِكي ( بكسر الميم ) وده العشب اللي بيستخدمه الناس اللي عندهم إمساك لإنه بيسهلها جاممممممممممممممممد ومتوفر في كل حته

عامة دور تاني على بِذر الشبت عند عطارين تاني .. ولو مالقتوش إبعت إستورد شويه مع أي حد جاي من مصر ...

وأشوفك يوم الإثنين الجاي وما تاكلش لا سمك ولا بيض ولا أي حاجة أبداً غير شُرب الميه ..

تعالى شيل المريض ده رجعه التلاجه يا عبدو وهات اللي بعده عشان مستعجل ...
الأحـــرار يؤمنون بمن معه الحق ..
و العبيــد يؤمنون بمن معه القوة ..
فلا تعجب من دفاع الأحرار عن الضحية دائماً ..
و دفاع العبيد عن الجلاد دائماً

#4 otaka

otaka

    Advanced Member

  • Members
  • PipPipPipPipPip
  • 893 مشاركة

تاريخ المشاركة 05 September 2006 - 10:36 AM

اسمه سنا مكي ياعم كل كلمه لوحدها

و طبعا سناء مكى و ووفاء مكى مش اخوات ده تشابه اسماء :D
و بكينا.. يوم غنّى الآخرون
و لجأنا للسماء
يوم أزرى بالسماء الآخرون
و لأنّا ضعفاء
و لأنّا غرباء
نحن نبكي و نصلي
يوم يلهو و يغنّي الآخرون

#5 pediatrician

pediatrician

    Junior Member

  • Members
  • PipPip
  • 30 مشاركة

تاريخ المشاركة 02 November 2006 - 06:42 PM

والله انا كشفت عند دكتور ببلاش ( بتفرق دي خلى بالك ) اشتكيت له من كام عرض قالى قولون عصبي بس لغايه دلوقتى شاكك ( مش قولت لك ببلاش ) العلاج ياعم قالى دا مالوش علاج اتجنب كل انواع الاكل ( ببلاش) الوصفه دي لو ضبطت ياسي السيد هيبقا لك الحلاوة بس اما اقوم اشوف محل العطار كدا دقيقة

بذر الشمر موجود
بذر الشبت مش موجود يكونش الشبت نفسه ولا ( التقاوي)
اسمه سنا مكي ياعم كل كلمه لوحدها ( احرجتني مع الراجل ) سنا مكي نسبة لمكة اعطهوني بس مش لوحدة فيه معاه كام حاجه مخلوطه حتى فيه شمر كمان وقالى لو اخدته مش تيجي الشغل :lol:
شكرا ياعمنا سي السيد وربنا يجعل الشفا على ايديك


عشان نشخص القولون العصبى لازم يكون موجود:

-فترات من الإمساك أو الإسهال بس غالبا إمساك مع انتفاخات و بين هذه الفترات يكون الانسان طبيعى
- لا بد من تكرر هذه الفترات لمدة طويلة
- ممكن يبقى موجود ألم فى الجانب السفلى الأيسر من البطن
- و الألم يزول بالتغوط



أما بالنسبة للعلاج ففى وصفات كويسة خالص

ممكن حضرتك تتبع الوصفة دى :

بعد العشاء تتناول كوب زبادى+ معلقة ردة كبيرة+2 كوب مياه

فى الصباح بعد الفطور تتناول 2كوب ماء + معلقة ردة كبيرة
و بعد الإفطار ب 25 دقيقة - لأن هذا ذروة عمل الأمعاء بعد الأكل- تتوجه للحمام و تحاول التغوط

و طبعا فى ادوية بس جرب الوصفة دى

كمان حاول تتجنب الأغذية التى تسبب إمساكا

يعنى لا تاكل الفول بقشره حاول تقشره
د
و ما تاكلش فى الوجبة كمية كبيرة مرة واحدة

أتمنى لك السلامة و طمنى عليك




0 عضو (أعضاء) يشاهدون هذا الموضوع

0 الأعضاء, 0 الزوار, 0 مجهولين


زار هذا الموضوع 0 عضو