ازاي نربي ولادنا لما نروح كندا؟

[MZohairy]

الأخوه الأعزاء

طاب صباحكم

العنوان واضح و محتاج مداخلات ذوي الخبره و اللي عندهم اولاد و عاشوا في كندا

هل اضطروا لبعض التنازلات؟

ولا كثير من التنازلات؟

و لا متنازلوش خالص؟

سمعت حاجات غريبه ميصحش الواحد يحكيها هنا

هل اللي سمعته ده بيمثل نسبه كبيره لأولاد الشرقيين و العرب و المسلميين في كندا؟

أفيدونا

وخصوصا الخديوي هادي باشا

و ايهاب بيه سالم

و الجميع

[nancy]

شوف يا زهيرى

انا اختى فى كنده وعندها بنتين وولد البنات محجبات رغم انهم 12 و9 والولد بيصلى فى المسجد وعندة 13 سنة وهى محجبة زى السعودية يعنى طرحة وعباية سودة على طول

وعايشين فى كيوبيك

فهى مودية الولاد مدرسة عربى يوم الاحد الى اجازة وطول الاسبوع فى مدارس عادية

وبعدين العالم بتاعهم هما اصدقاء الجامع والحلقات

فانت ممكن تعمل العالم بتاعك زى ما نت عايز

هناك فية حرية انك تكون متدين او لا وهما هناك حيحترموا اتجاهك ايان كان

فمتقلكش كل الموضوع عليك وعلى مامتهم

ونوعية الاصدقاء الى حتخترها هناك

ولو رايح كيوبيك اخليك تتعرف علىاختى واخويا ويدلوك على طبيعة حياتهم هناك

وربنا يوفقك

[MZohairy]

كتر خيرك يا نانسي

جانب ايجابي مشرق يارب يكون ده رأي الأغلبيه

لما نشوف في جوانب تانيه ولا لأ

[Hammer]

هي مهمة فعلاً صعبة يا زهيري ...

فتأثير المجتمع بيكون في حالات كتير أقوي من تأثير الأسرة

هو في حاجة بوظتنا إلا الصحبة الحلوة :)

المشكلة كمان إن الأولاد بتقضي وقت طويل خارج المنزل و طبعاً الأمر لن يخلي من بعض التواصل الإجتماعي مع الزملاء .

و طبعاً الرقابة اللصيقة هنا غير ذات جدوي في حالات كثيرة لصعوبة التطبيق و أعتقد إن ما فيش حل للمواضيع دي إلا خلق ضمير صاحي للأولاد يتولي هو عملية الرقابة ... و ما فيش أضمن في المواضيع دي من الوازع الديني مع محاضرات مكثفة مدعمة بالقدوة و المثل من أولي الأمر ( اللي هو حضرتك )

و ربنا يعينك و يعينا علي هذه المهمة الصعبة

[wagdi]

يا عم زهيري...

زي ما حتربي ولادك في مصر ربيهم في كندا.... والقصص إلى تشيب إلى سمعتها لو فكرت شوية حتلاقى نفسك سمعت زيهم ويمكن أسوأ في مصر... وأنا أعرف نماذج لناس كتيير أوي أولادهم ما شاء الله زي الفل وحاجة تفرح... وأنا في رأيي الشخصي المتواضع إلى ممكن ناس كتير تختلف معايا فيه إن أسهل تربي هنا في مونتريال مثلاً عن ما تربي في القاهرة... المهم مين بيربي وإزاي... مش فين...

بقولك إيه... سيبك إنت... إلى بيتقى ربنا، ربنا بيبارك له في عياله...

وإبقى جيبلنا معاك شوية بسطرمة بلدى وأنت جاي...وسلامي لتاتا شمس النفوس...:)

[maksoof]

فانت ممكن تعمل العالم بتاعك زى ما نت عايز

هناك فية حرية انك تكون متدين او لا وهما هناك حيحترموا اتجاهك ايان كان

وربنا يوفقك

زي ما حتربي ولادك في مصر ربيهم في كندا....

أهه ده الكلام اللى فيه الشفا !

[هادي]

عزيزي الدوق زهيري ..

قرأت موضوعك عن السلطان (الشيخ محمد رفعت ) سلطان وشيخ المقرئين لكتاب الله الكريم

موضوع أكثر من رائع

أما بخصوص سؤالك

فكما قال اخويا الكبير وجدي :

زي ما حتربي ولادك في مصر ربيهم في كندا....

مع الأخذ في الاعتبار .. شخصيتك وشخصية الطفل والعلاقة بينكما !! ايه الكلام الكبير ده :unsure:

قصدي .. لو كان طفلك من النوع المتمرد بطبعه .. مأموريتك هتكون أصعب شوية

لكن لو بيحبك ومتعلق بيك .. يبقى بيسمع كلامك ولك تأثير قوي عليه .. كده مأموريتك أسهل

كل ده .. حتى انتهاء فترة الطفولة !!

بعد كده .. تخش ع المراهقة والشباب .. يبقى امسح ما تم ذكره أعلاه

وتذكر ما يلي .. :

إلى بيتقى ربنا، ربنا بيبارك له في عياله...

من روائع اخويا وجدي

وتذكر :

ما فيش حل للمواضيع دي إلا خلق ضمير صاحي للأولاد يتولي هو عملية الرقابة ... و ما فيش أضمن في المواضيع دي من الوازع الديني مع محاضرات مكثفة مدعمة بالقدوة و المثل من أولي الأمر ( اللي هو حضرتك )

من روائع اخويا Hammer

وبالتأكيد ..

فمتقلكش كل الموضوع عليك وعلى مامتهم

ونوعية الاصدقاء الى حتخترها هناك

من روائع اختنا nancy

وعشان انت حبيبي وراجل بتحب تهدي النفوس .. تذكر ..

بس ياريت لما تسأله و يرد عليك تبقى تشاركنا في رده

من روائع اخونا ايهاب سالم

وكما قال اخونا مكسوف

أهه ده الكلام اللى فيه الشفا !

فوتك بالعافية :wub:

[يوسف رضوان]

واللهى نفس هذا السؤال يجب ان نسأله لانفسنا :

كيف نربى اولادنا فى مصر

يا ريت اصحاب الخبرات يفيونا بالمره بحيث تصبح الفائده فائدتين

[El-Masri]

رمضان اللى فات فى المسجد شفت كندى فى سن المراهقة عنده خمستاشر سنه ولما إتكلمت معاه قاللى إنه عرف الإسلام من طالب فلسطينى معاه فى الفصل.

يعنى ممكن تربى أبنك وتربى ولاد الجيران كمان. هاهاهاها

تم تعديل 10 يونيو 2006 بواسطة El-Masri

[sendrella119]

معلش انا لسه شايفه الموضوع دلوقتي

بصراحة وجدي اخد الكلام من علي لساني وقاله

انت اللي بتربي مش البلد اللي حواليك

حريتك محفوظة ..........وزيادة تعمل اللي انت عايز تعمله

انا اولادي في حضانة وبصراحة انا باعاني معاناة قاسية مع ابني في تحفيظ القرآن ...

علي العموم لو اولادك صغيرين ...في مدارس عربي ومدارس لتحفيظ القرآن ايام السبت او الاحد

لو عندك مدموزيل في سن المراهقة هي دي اللي تتكلم معاها ...لانها في مدرستها بتشوف وبتبص وبتتسئل

انا لي واحده صاحبتي بنتها في الصف الثامن ..في المدرسة هنا في حصص للسباحة فطبعا مش حتقدر تلبس مايوه ..والدها جاب لها اذن او شهادةمن دكتور انها ما تقدرش تنزل المية...المهم طفشوها في عيشتها ..فاكرين انها مجبرة علي عدم نزول البيسسين....او لبسها للحجاب...لغاية ما اقتنعوا في النهاية.

لو عندك شاب ..هنا في كنترول كبير بمعني ..........البلد هنا مفتحة عنيها اوي علي الاولاد

خلاصة الكلام....ابنك او بنتك من دلوقتي ..سواء كانوا كبار او صغيرين ...مفيش امامك غير لغة الحوار والاقناع

يعني تتكلم معاهم ليل نهار وتحضر الحجة لاقناعهم ..ا

حنا مين .....وبنعمل ايه ...وهدفنا ايه :) ( ارهاب طبعا :blush: )؟

بس اجمل حاجة هنا فعلا .....انك بتربي... بتلاقي

تزرع........ تحصد

ما تقلقش...........هنا اسهل من هناك ;)

[kareemabdou]

معلش انا لسه شايفه الموضوع دلوقتي

بصراحة وجدي اخد الكلام من علي لساني وقاله

انت اللي بتربي مش البلد اللي حواليك

حريتك محفوظة ..........وزيادة تعمل اللي انت عايز تعمله

انا اولادي في حضانة وبصراحة انا باعاني معاناة قاسية مع ابني في تحفيظ القرآن ...

علي العموم لو اولادك صغيرين ...في مدارس عربي ومدارس لتحفيظ القرآن ايام السبت او الاحد

لو عندك مدموزيل في سن المراهقة هي دي اللي تتكلم معاها ...لانها في مدرستها بتشوف وبتبص وبتتسئل

انا لي واحده صاحبتي بنتها في الصف الثامن ..في المدرسة هنا في حصص للسباحة فطبعا مش حتقدر تلبس مايوه ..والدها جاب لها اذن او شهادةمن دكتور انها ما تقدرش تنزل المية...المهم طفشوها في عيشتها ..فاكرين انها مجبرة علي عدم نزول البيسسين....او لبسها للحجاب...لغاية ما اقتنعوا في النهاية.

لو عندك شاب ..هنا في كنترول كبير بمعني ..........البلد هنا مفتحة عنيها اوي علي الاولاد

خلاصة الكلام....ابنك او بنتك من دلوقتي ..سواء كانوا كبار او صغيرين ...مفيش امامك غير لغة الحوار والاقناع

يعني تتكلم معاهم ليل نهار وتحضر الحجة لاقناعهم ..ا

حنا مين .....وبنعمل ايه ...وهدفنا ايه :happy: ( ارهاب طبعا rs: )؟

بس اجمل حاجة هنا فعلا .....انك بتربي... بتلاقي

تزرع........ تحصد

ما تقلقش...........هنا اسهل من هناك :)

انا على العموم مش خايف من النقطة دى حاليا لانى لسه متجوزتش

بس بجد مش عارف اعمل ايه لما اخلف

[mR Basha]

انا رح ارد عليك كيف

طريقة صحيحة كيف تربي ولادك

اول شي تخليهم في كندا عادي لما يصير عمره 12 سنة

توديه على مصر

يقعد فيها لحد قبل ثانوية العامة

وترجعه

بكون وقتها تعلم عادات العربية ودينية

ويرجع احسن ما يكون متربي في كندا

ترباية في كندا صعبة جدا جدا او الاغلب مستحيلة

يعني انا في تورينتو واخت مرتي عمرها 9 سنين

احنا في بلادنا نستحي نرفع صوتنا على كبير

هي عادي وحنا نحاول نعلمها غلط

تروح على مدرسة في مدرسة بعلموها ماتخلي حدا يرفع صوتك عليه ووووو بعلموها كل شي بالك واهم شي انه حكومة معها هاد اهم درس

طريقتي احسن شي

تقبل مروري

[يوتوبيا]

الموضوع فعلا مهم جدا

انا هنا شفت عائلات كتيرة عرب كنديين بيرجعوا بأولادهم وهم في سن المراهقة الاعدادي والثانوي يعني

وبعدين يرجعوا على الجامعة في كندا

بس اللي انا ملاحظاه اكثر ان فتيات العائلات دي محجبات ما شاء الله

بس انا برضه بفكر في شئ

العائلات دي تقريبا اولادهم اتولدوا هناك او على الاقل قضوا جزء كبير من طفولتهم هناك عشان كده كانت فكرتهم انهم يرجعوا لبلاد عربية عشان اولادهم يتطبعوا بطبع العرب

لكن في منا اللي اولاده عدوا 10 سنوات اقل شوية اوزيادة شويه وبالفعل الابناء دول اخذوا جرعة كافية من الطباع والتقاليد الشرقية يعني مع سفرهم في العمر ده وعلى ما يعرفوا يتواصلوا مع المجتمع الغربي

هيتكون شخصيتهم اتكونت فعلا مع اهتمام العائلة بتنمية الحس الديني والاخلاقي وكذلك حس الحوار الذي لا يخلوا من احترام الصغير للكبير كما تربينا نحن

يعني ان المشكلة دي ممكن تكون اقوى مع الاطفال الذين لم يتجاوزوا الخمس سنوات او اللي هيتولدوا هناك

في الحالة دي اعتقد ان قرار الرجوع لبلدك او اي دولة عربية اخرى في عمر الاعدادي والثانوي هو قرار حكيم ان شاء الله

الا من رحم ربي

وربنا يعافينا ويعافي اولادنا من كل شر

[ابنه النيل]

الأخوه الأعزاء

طاب صباحكم

العنوان واضح و محتاج مداخلات ذوي الخبره و اللي عندهم اولاد و عاشوا في كندا

هل اضطروا لبعض التنازلات؟

ولا كثير من التنازلات؟

و لا متنازلوش خالص؟

سمعت حاجات غريبه ميصحش الواحد يحكيها هنا

هل اللي سمعته ده بيمثل نسبه كبيره لأولاد الشرقيين و العرب و المسلميين في كندا؟

أفيدونا

وخصوصا الخديوي هادي باشا

و ايهاب بيه سالم

و الجميع

و الله يا زهيري يا أخويا كان بودي أفيدك

لكن أنا حالي من حالك محتار نفس الحيره

و بعدين أنا كل اللي قعدته في كندا أسبوع و رجعت .. هأفيدك بأيه يا راجل :lol:

وموضوع العيال ده بالذات من أكتر الحاجات اللي محيراني و مخلياني متردد أروح و ألا أفضل في قطر زي ما أنا

ننتظر رأي الناس اللي قاعده هناك زي أخونا هادي و باقي الشله

برضه يمكنك سؤال عمدة الكنادوه في هذا الموقع سابقا .. السيد / FREE FREER

و الذي انفصل من الموقع بعد حادث أليم و تم رفع أسمه من أكثر 10 شخصيات مشاركة

رغم أنه أكثرهم بلا منازع

و لكن تقول أيه

حرية التعبير مكفوله للجميع

عموما هو عمل منتدى تاني

منديات حريه

و أعتقد أن تجربته هتكون أعمق لأن أولاده كبار في ثانوي و هو هناك من فتره

بس ياريت لما تسأله و يرد عليك تبقى تشاركنا في رده

حلو قوي الموضوع ده خساره انه اتقفل الكلام فيه عند هذا الحد لو لاحظتوا تاريخه من سنه 2006

يا تري رد حضرتك علي الموضوع ده ايه دلوقتي يا مهندس ايهاب اول رد ليك عليه كان قبل السفر

الان خبره حضرتك ماشاء الله اوضح بعد قرار الانتقال؟

يا تري فعلا هيكون الحل اننا نرجع عيالنا تاني بعد ما يقضوا 5-6 سنوات بكندا لمصر عشان يتربوا

افتكر ان ده مش منطقي واننا بكده نبقي بنقضي عليهم.

عشان اولا هنبوظ تعليمهم الحلو الي كان سبب لهجرتنا من الاول

وكمان ممكن قوي ده يسبب عدم اتزان في شخصيه عيالنا لاني اعرف قد ايه الاطفال بيتعلقوا بكندا والحياه هناك

لان كندا بلد الاطفال.

ده الواحد عايش في السعوديه وخايف ان الرجوع لمصر واختلاف الدراسه يسبب للولاد مشاكل !!!!!

مابالكم بالرجوع من بلد متقدمه زي كندا لعده سنوات والرجوع للجامعه

الموضوع مش سهل مش كده ولا ايه؟؟؟؟؟؟؟؟؟؟؟

[يوتوبيا]

يابنت النيل ادينا بنفكر مع بعض بصوت عالي وفي الاخر اللي ربنا كاتبه هو اللي هيكون

زائد ان الظروف لها عامل كبير جدا في ان الواحد يحدد هيمشي حياته ازاي

وفي الاخر لا نملك الا الدعاء واخلاص النية بتربية صالحة لأولادنا اللي تقريبا كلنا راحين عشان خاطرهم

ربنا يكتب لنا الخير جميعا

[kareemabdou]

انا متهيألى يا جماعة ان لازم في يوم من الايام اولادنا حيبقوا شبهم

اذا مكنش فى الجيل الاول حيبقى فى التانى او التالت

صعب جدا يا جماعة اننا نكون زى اهلنا واخواتنا لو قدرنا نحافظ على ده

فده حيكون فى الفترة اللى عايشين فيها لاكن بعد ما نموت ؟؟؟؟؟؟

[ابنه النيل]

انا كمان بفكر بصوت عالي وبقول بس رأيي في الحل الي بيقول نرجهم مصر في النص يتربوا

واتمني اسمع رد من حد ولاده كبار ويقول لنا ايه الصعوبات الي قابلته واتغلب عليها ازاي

ودمتم بود

[Nassarlink]

انا متهيألى يا جماعة ان لازم في يوم من الايام اولادنا حيبقوا شبهم

اذا مكنش فى الجيل الاول حيبقى فى التانى او التالت

صعب جدا يا جماعة اننا نكون زى اهلنا واخواتنا لو قدرنا نحافظ على ده

فده حيكون فى الفترة اللى عايشين فيها لاكن بعد ما نموت ؟؟؟؟؟؟

التغيير سُنة الحياه

واللي قبل انه يهاجر الي اي بلد مختلفه في عاداتها وتقاليدها عن عاداته وتقاليده اللي اتربي عليها

شخص اخذ قرار بسرعة التغيير في شكل الجيل الثاني والثالث من اسرته

ولازم يتقبل هذا التغيير

وإلا هيشعر بالندم لمجرد انه حس باختلاف في طريقة تفكر ابناؤه عنه

احنا بنلمس الفارق في اسلوب التفكير ونمط الحياه بين جيلنا وجيل آباؤنا وطبعا جيل اجدادنا

ولكن طول الفترات الزمنيه اللي حصل فيها التغيير بيخاينا لانشعر به بشكل قوي في حياتنا

لكن لان التغيير في اسلوب الحياه والعادات والتقاليد السريع اللي هنلمسه في حيات ابناؤنا بسبب هجرتنا

هيخلينا نشعر بفارق كبير

زي اللي يكون ماسك كبايه ساقعه وبعدين يمسك كبايه سخنه جدا

الاستعداد وقبول فكره ان ابناؤنا هيكونوا مختلفين عننا بشكل سريع هو الحل لعدم الشعور باي الم نتيجة التغيير السريع

طبعا انا كلامي ليس معاناه تغيير في الدين

وانما قد يمس التغير نمط معالجه الامور الدينيه

[norbakrahmed]

انا اظن يا استاذ مذهيري ان المهم البيت و سواء في مصر او دوله عربيه او كندا البيت هو الاساس في التربيه و المتابعه و تعليم الطفل اصول دينه

بس ارجو من الناس اللي في كندا يفيدونا فعلا في النقطه دي و هل تربية الولد تفرق عن تربية البنت في كندا و لا لا؟؟؟؟

[ابنه النيل]

يبدو ان الموضوع لم يستفز اي من المهاجرين بالفعل الي كندا للدخول والتحدث عن مخاوفنا

من موضوع تربيه الاولاد

انا واحده من الناس كنت ضد الهجرخ جدا خوفا علي الولاد

بس ضيق العيش بالسعوديه

وصعوبه الرجوع لمصر

دفعتني للتفكير الجاد في تغيير مسار حياتنا

بحثا عن حياخ افضل لاولادنا يتعلموا صح

يكبروا في بلد بتحبهم وتحترم ادميتهم

ونذلل لهم الصعاب التي واجهتنا في حياتنا

بس مازال خوفي عليهم قائم

وخوفي من انفلات امرهم شبيه بالكابوس ليل نهار

ومتكله علي الله انه يحميهم ويحفظهم

بس فعلا نفسي اسمع من حد بالفعل هناك

يحيكي عن يوميات بيقابلها وازاي قدر يتعامل او لا يتعامل معها

يعني شبه بالتجارب الي ممكن الواحد يقابلها هناك

عشان يبقي الواحد عامل حسابه

او حتي يبدأ يكلم ولاده في الاور دي تحسبا

وجزي الله كل من يحاول اثراء هذا الموضوع واحياءه كل خير

ودمتم بود