إنتقال للمحتوى


صورة
- - - - -

كيف تنجح فى"امتحان رخصه القياده"......(الرياض)


  • من فضلك قم بتسجيل الدخول للرد
47 رد (ردود) على هذا الموضوع

#1 amostafa

amostafa

    Member

  • Members
  • PipPipPip
  • 91 مشاركة
  • المكان:الرياض

تاريخ المشاركة 07 December 2004 - 10:02 AM

السلام عليكم ...

سأحاول ان اغطى كل الخطواط و الاوراق اللازمه لإستخراج رخصه القياده الخصوصى فى السعوديه ,فى الرياض , و احاول اعطيكم بعض النصائح و الارشادات اللتى بلأزن الله تنفعكم اثناء الامتحان ,,,

طبعا هذه النصائح ممكن استخدامها بصفه عامه لأنها قواعد اساسيه ,فى الامتحان او غيره ,,,,

بالنسبه للخظواط و الاوراق المطلوبه لمقيمى الرياض سأتكلم عن فئه الناس اللذين ليس لديهم رخصه دوليه و لا حتى رخصه من بلدهم :
  • مدرسه تعليم القياده :

    مدرسه تعليم القياده فى الرياض و التابعه للمرور هى مدرسه "دله" ,و هى معروفه جدا فى الرياض و اى تاكسى يعرفها ,و تليفونها 4567777 , اول شى بتذهب للمدرسه و تشترى الملف ,هذا الملف هو اللذى سيكون فيه كل الاوراق الخاصه بيك و استماره الامتحان ,... , و بيكون فيه الاتى :
    • "تعريف الأجانب الذين على كفاله افراد" و النموزج كما هو موضح فى الصوره ,بتكمل البيانات االلتى فيه و بيمضيه الكفيل و تصدقه من الغرفه التجاريه.

      صورة
    • "طلب اصدار رخصه قياده"و النموزج كما هو موضح بالصوره ,هذه الاستماره بتكملها و بيكون فيها المعلومات اللى بتظهر على الرخصه ,بعد النجاح فى الامتحان انشاء الله.

      صورة
    • و بتزود الملف بالأتى :

      - صوره بطاقه الكفيل
      - صوره من الباسبور
      - صوره من الاقامه (طبعا لازم يكون معاك اقامه)
    كل الاوراق اللى فوق دى لازم تكون جاهذه قبل ما تروح لإمتحان المستوى
  • إمتحان المستوى:

    إمتحان المستوى بيكون فى المدرسه ,و الممتحنيين هم المدربين ,و اهميه الامتحان انه يحدد فتره التعليم اللتى تحتاج لها,وتكون:
    • مجموعه أ : 4 ايام (من الساعه 3 عصرا الى 9 مساء)
    • مجموعه ب : 10 ايام (من الساعه 6 عصرا الى 9 مساء)
    • مجموعه ج : 15 ايام (من الساعه 3 عصرا الى 9 مساء)
    • مجموعه د : 20 ايام (من الساعه 3 عصرا الى 9 مساء)
    و الامتحان ليس صعبا ,ولكن للذين لم يسوقو من قبل ,سيحتاج تدريب قبلها ,و بيكون كالتالى كما هو موضح فى الصوره :

    صورة

    بتحرك العربيه من النقطه 1 الى النقطه 2 و بعدين بترجع بظهرك الى النقطه و احد مره تانيه ,و خلى بالك عربيات الامتحان عندهم جيده جدا و دواسه البنزين حساسه جدا ,فا حاول الا يعلو صوت العربيه عند بدأ الحركه , و حاول تدرب على الامتحان مع احد اصدقائك .

    بعد الامتحان و تحديد المستوى ,بتدفع 450 ريال و و بتاخذ جدول الايام و المواعيد و لك 3 ايام غياب فقط ,و بتاخد وصل المبلغ و

    بتعطيهم الملف بالورق اللذى بالاعلى .. حافظ على الوصل لأن به ساتستلم ملفك كله بعد النجاح و تسلمه للمرور لإصدار رخصتك انشاء الله
  • الخطوات اللتى يجب ان تتقنها اثناء التدريب:
    هذه الخطواط يجب ان تتحول الى عادات عندك تعملها تلقائيا و بعضها ,الظابط اللى سيمتحنك فى الاخر سيتابعها معك اثناء الامتحان.
    • اول شىء ,اول ما تقعد على كرسى القياده قل "بسم الله الرحمن الرحيم"
    • خطوات بدايه الحركه:

      • عدل الكرسى على طولك,لأن ممكن الشخص الى قبلك كان اقصر او اطول منك.
      • شغل الموتور.
      • ظبط المريات ,حتى لو مظبوطه.
      • ارط حزام الامان.
      • لو هاتطلع فى البدايه على اليمين او اليسار ماتنساش الاشاره.
      • دوس الدبرياج (يسمى فى السعوديه كالتش) على الاخر.
      • هات الجيير على الاول.
      • نزل فرامل اليد.
      • بص يميناك و شمالك لتتأكد ان لايوجد عربيات مقتربه.
    • كن و اثق من نفسك اثناء القياده و لا تخف.
    • حاول ان يكون تغييرك للجيير فى سلاسه.
    • يجب ان تغير الجيير تبعا للسرعه التى انت عليها ,فمثلا عندما تكون على الخامس و ماشى بسرعه 10 ولا 20 ,(لأنك كنت بتدخل شارع جانبى مثلا) ,فيجب تغيير الجيير بما يتناسب مع السرعه ,ايضا ليكون فى عزم فى العربيه.
    • اثناء القياده ,كل شويه تابع المريات.
    • خطوات التوقف:
      فى الغالب ها يطلب منك ان تتوقف فجأه ,لكى يرى الظابط كيف سستعامل ,و الخطواط هى:
      • اولا تبص على المريات و تتأكد انه لايوجد عربيه خلفك.
      • اعطى اشاره يمين (لانك هاتقف على اليمين مش فى نصف الشارع).
      • تبدأ تدوس على الفرامل و الدبرياج و تجعل السياره تهدى و حاول مايكنش التوقف فجأه.
      • عندا تتوقف العربيه تقف ,"ماور" العربيه (لا تنسى هذه الخطوه ,ناس كتير سقطو بسببها) .
      • ارفع فرامل اليد.
      • ارفع رجللك من الدبرياجو الفرامل.
      • اضغط على اشاره التوقف.
  • الامتحان النهائى:
    بعد الانتهاء من الدوره التدريبيه ,سيحدد معاد الامتحان ,عليك ان تذهب الى هناك فى يوم الامتحان مبكرا ,تكون هناك الساعه السابعه صباحا ,ويكون معك الوصل و الإقامه.

    ينقسم الامتحان اللى:
    • إمتحان القياده:
      طبعا الممتحنيين يكونون ظباط من المرور ,عند بدأ الامتحان يبدأ كل ظابط بأخذ 4 من المتقدميين للأمتحان ,واحد على مقعد القياده و اثنين فى الخلف,و يكون معه استماره امتحان لكل طالب (وهى احد الاوراق الهامه من الملف) كما فى الصوره التاليه:

      صورة

      حاول ان تكون هادىء ولا تخف و لا تعطى الموضوع اهميه و ضع كل تركيزك فى القياده و تزكر دائما الخطوات التى ذكرتها بالأعلى ,و امشاء الله ستكون من الناجحين ,كما هو موضح فى الصوره ,يضع الظابط علامات امام نقاط الامتحان ,للنجاح يجب ان تحصل على 75% (هذا ما سمعناه من المدربين و لكنى لست متأكد) و اذا لا قدر الله رسبت يمكنك ان تعييد الامتحان بعد شهر بدون دوره اخرى.
    • إمتحان الإشارات:
      بعد الانتهاء من امتحان القياده بنجاح ,ستتوجه اللى امتحان الاشارات ,ويجب عليك ان تحفظ جميع الاشارات التى فى لوحه الاشارات اللتى تستلمها فى المدرسه ,وهى كالاتى:

      صورة


      صورة

      صورة

      سيسألك الظابط عن 3 اشارات عشوائيه .فى الاغلب سيكونو : محطه البنزين ,المستشفى و المطعم.
بعد النجاح فى الامتحان سيختم الظابط على اوراقك بختم "ناجح" كما هو موضح على استماره الاختبار,و سيلحق الاستماره بالملف الخاص بك ,و بعدها ستتوجه الى غرفه استلام الملفات (غرفه 4) و لإستلام ملفك ,وقد تأخذ بعض الوقت فى الانتظار ,بعد استلام الملف ,ستبقى اخر خطوه و اخر ورقه لازمه لإكمال ملفك و هى التأمين على الرخصه ,فقد اصبح اجباريا ,ستجد شركه التعاونيه للتأمين فى نفس المدرسه ,و تصدر تأمين الرخصه و يكون بمبلغ 350 ريال ,و تصور وثيقه التأمين على الرخصه و تلحق الصوره بالملف ,و بهذا يكون الملف قد اكتمل تماما ,بعدها تتوجه الى غرفه استلام الرخصه (غرفه 1) ,و تسمهم الملف ,يقوم الظابط المختص بمراجعه الاوراق كلها و بعد فتره سينادى على اسمك لتستلم رخصتك,والف مبروك مقدما...

يا رب يكون الموضوع افادكم و انشاء الله من الناجحين فى امتحان الرخصه.

تم التعديل بواسطة amostafa, 07 December 2004 - 01:57 PM.

البركان المصري الخامد بدأ يطلق حممه

بعض الناس يحلمون بتحقيق إنجازات عظيمة,بينما آخرون يظلون مستيقظين ليحققوها.

‎ (ربنا هب لنا من أزواجنا وذرياتنا قرة أعين واجعلنا للمتقين ‎إماما)‎

#2 egyptforever

egyptforever

    Full Member

  • Members
  • PipPipPipPip
  • 200 مشاركة
  • المكان:KUWAIT

تاريخ المشاركة 07 December 2004 - 10:22 AM

حذفت حرصا على مشاعر الاخرين

تم التعديل بواسطة egyptforever, 07 December 2004 - 11:02 AM.

تســـــقـــــط الامـــــــــم عــــنـــــدمــــــــا تــــحــــرم مــــن حــــق الــــمــــنـــــاقــــشــــه

#3 amostafa

amostafa

    Member

  • Members
  • PipPipPip
  • 91 مشاركة
  • المكان:الرياض

تاريخ المشاركة 07 December 2004 - 10:57 AM

حذفت حرصا على مشاعر من يحرص على مشاعرالاخرين :D

تم التعديل بواسطة amostafa, 07 December 2004 - 11:31 AM.

البركان المصري الخامد بدأ يطلق حممه

بعض الناس يحلمون بتحقيق إنجازات عظيمة,بينما آخرون يظلون مستيقظين ليحققوها.

‎ (ربنا هب لنا من أزواجنا وذرياتنا قرة أعين واجعلنا للمتقين ‎إماما)‎

#4 egyptforever

egyptforever

    Full Member

  • Members
  • PipPipPipPip
  • 200 مشاركة
  • المكان:KUWAIT

تاريخ المشاركة 07 December 2004 - 11:01 AM

ياااااااااااااه ده انت زعلت بجد

معلش يا عم و الله كنت باهزر

هاشيلها خالص علشان متزعلش

حقك عليا
تســـــقـــــط الامـــــــــم عــــنـــــدمــــــــا تــــحــــرم مــــن حــــق الــــمــــنـــــاقــــشــــه

#5 se_ Elsyed

se_ Elsyed

    Super Member

  • Members
  • PipPipPipPipPipPip
  • 25138 مشاركة
  • النوع:ذكر

شريط الأوسمة:

الأعضاء الحاصلين على أوسمة

تاريخ المشاركة 07 December 2004 - 11:26 AM

شكراً للأخ amostafa على المعلومات القيمة دي ، بس عايز أوضح نقطتين مهمين :

1- كان المفروض تاخد رأيي الأول .. حيث إن محسوبك ساقط 5 مرات في عين العدو لحد ما كانوا هايعينوني مُعيد عندهم .

2- بالنسبة للتأمين على الرخصة في شركات تاني كتير دخلت المنافسة والسعر عند بعض منها وصل 230 ريال فقط / سنوياً ... والحكومة السعودية بصدد إلغاء تأمين الرخصة للتلاعب الذي حدث في هذا الموضوع سواء من قِبل الشرطة او الأشخاص .. وبالتالي فهي تدرس جعل التأمين إجباري على السيارة ليكون أشمل وأعم .
الأحـــرار يؤمنون بمن معه الحق ..
و العبيــد يؤمنون بمن معه القوة ..
فلا تعجب من دفاع الأحرار عن الضحية دائماً ..
و دفاع العبيد عن الجلاد دائماً

#6 amostafa

amostafa

    Member

  • Members
  • PipPipPip
  • 91 مشاركة
  • المكان:الرياض

تاريخ المشاركة 07 December 2004 - 11:47 AM

egyptforever وانا كمان حزفت مدخلتى , عشان مايبقاش حد احسن من حد :unsure: ..

هو اللى زعلنى انى بعد ساعتين كتابه فى الموضوع دا ,مدخلتك يأستنى شويه و افتكرت هانى رمزى فى مسرحيه و " جه نظر" بتاعه محمد صبحى و هو بيقول "مافيش فايد ه ,مافش فايده" ... :rolleyes:

سى السيد

كان المفروض تاخد رأيي الأول .. حيث إن محسوبك ساقط 5 مرات في عين العدو لحد ما كانوا هايعينوني مُعيد عندهم


ياه 5 مرات!!! اومال لو كنت فى دبى كنت عملت ايه؟ انا سمعت ان امتحان دبى ,المحترف سواقه بياخد الرخصه بعد ما بيسقط 6 او 7 مرات chn:

بالنسبه لتأمين الرخصه ,فى شركات كتييرو بأسعار اقل من 350 ريال, بس اللى اسمعه ان اغلب شركات التأمين بتماطل فى الدفع و الاغلبيه بيشكرو فى التعاونيه علشان بيدفعوبسرعه و كمان علشان ليهم مكاتب فى ادارات المرور ...
البركان المصري الخامد بدأ يطلق حممه

بعض الناس يحلمون بتحقيق إنجازات عظيمة,بينما آخرون يظلون مستيقظين ليحققوها.

‎ (ربنا هب لنا من أزواجنا وذرياتنا قرة أعين واجعلنا للمتقين ‎إماما)‎

#7 Tafshan

Tafshan

    Super Member

  • Members
  • PipPipPipPipPipPip
  • 1691 مشاركة
  • المكان:دبي

تاريخ المشاركة 07 December 2004 - 11:53 AM

اه 5 مرات!!! اومال لو كنت فى دبى كنت عملت ايه؟


انا اخذتها في دبي بعد 3 مرات afr2:

الماتش متباع


http://tafshan-gedan.blogspot.com


#8 عصام أبوالفتح

عصام أبوالفتح

    Super Member

  • Members
  • PipPipPipPipPipPip
  • 1694 مشاركة
  • النوع:ذكر
  • المكان:هجرتى لم تعد إلى الأبد بعد 25 يناير

تاريخ المشاركة 18 December 2007 - 01:18 AM

العسكرى يوم الامتحان قعد يطقطق لى ببقه والثلاثة اللى كانوا ورايا بعد الامتحان قالولى انت ساقط ساقط .. :roseop:
المهم انا نزل عليا برود الدنيا يومها وطنشت خالص .. وبعدين لاقيت اسمى فى الاشارات بيندهوا عليه .. كانت فرحتى مش سايعانى

ومن اول مرة :roseop:

اهم حاجة الهدوء وضبط الاعصاب واضيف على اللى ذكره الاخ amostafa التاكد من قفل الابواب ودى تريكة بيعملها العسكرى بيتعمد يفتح بابه عشان يشوف هاتاخد بالك ولا لأ .. بعدين لازم تشوفه رابط حزامه ولا لأ وتقوله يربطه لو قالك اطلع .. اطلع بهدوء .. ووقف العربية بهدوء
بحيث ميطلعش جسمه لقدام بالقصور الذاتى ..

اذا بطلت منك السيارة اهدأ وشغلها ومتبصش للعسكرى ابداً :roseop:

لو طلعت على الطريق السريع فراعى انك تحضن عربيتك بره الطريق قبل ما تقف لو قالك تقف يوم ما اختبرت كل اللى بيختبروا طلعوا على الطريق وطبعا اصعب واحد هو اللى بيطلع بالعربية من المدرسة واللى بعدوا هو اللى بيرجع بيها لانه بيركبها على الطريق فى الهو ..وبعدين بيرجع لزحمة المدرسة وظروف محتاجة قرارات بسرعة .. اما الاول يعينى فبيطلع بالعربية وسط الظروف دى فدايما بيكون اصعب

انا ركبت اول واحد وطلعت من المدرسة زى الفل واخدت يمين عشان اطلع على الطريق لكن مشيت شوية ناحية الشمال ولاقيت عربية جاية فى وشى وصاحبنا هاينط فى كرشى رحت عادى جدا مهدى وواخد يمين وموسع للى جاى وبعدين هديت فى الدوران ودخلت شمال وانا رايح للطريق كل ده بالاشارات طبعا وباصص يمين وشمال قبلها وجيت عند الطريق و وانا بهدى العربية بطلت ... رحت مدور واستنيت كام عربية لما عدوا وبعدين اخدت يمين ومشيت شوية لحد ما قالة اقف .

ياريت اخوانا المعيدين يحكوا عن تجاربهم .. اكيد هايفيدوا الناس من غلطاتهم :roseop:

( كفى بالمرء إثماً أن يحدث بكل ماسمع )


#9 deemuck

deemuck

    Advanced Member

  • Members
  • PipPipPipPipPip
  • 578 مشاركة
  • المكان:-

تاريخ المشاركة 18 December 2007 - 01:35 AM

انا برضه اخد الرخصة من اول مرة من الرياض سنة 2001 والي كان قاعد جنبي كان عسكري محترم قالي بهزه راسة اني ناجح.

بالنسبة لتأمين الرخصة على السيارة لسة اجباري؟

انت جددت الاستمارة بدون تأمين من منطقة الوجه و كمان بدون فحص
قلبك عربية تاكسي ....................... ماشي فالحب عكسي
عمال يدهس حبايب ....................... ولا بيسمع كلاكسي

عواطف سيد التاكسجي

#10 badroora

badroora

    Super Member

  • Members
  • PipPipPipPipPipPip
  • 3519 مشاركة
  • المكان:Two Seas
  • الإهتمامات:Swimming <br />(Reading (kids stories<br />Computer &amp; internet <br /> walking,gym<br />watching cartoons

تاريخ المشاركة 18 December 2007 - 01:49 AM

انا بقي حكايتى تتدرس فى المدارس :rolleyes:

انا اجتزت الامتحان من تالت مرة :happy: وهما اللى كانوا مستقصدنى .
انا مكش عندى مشكلة فى انى امشي عربية بس مشكلتى كانت فى لغه الطريق مكنتش باعرف الاتجاهات معناها ايه والمدرب بتاعى مكنش طيقنى فكان بيخلينى اسوق وهو اللى بعمل كل حاجة ينقلي الجير من الاول للتانى للتالت على حسب طبعا بفلوسي امال :closedeyes: كان يقولى امشي امشي اقفي اقف وكنت اتحايل عليه نفسي اسوق فى الحارة اليمين او الشمال كان عملى رعب وكل يوم التدريب يمشنى من طريق كله حوادث فاثر على نفسيتى .

اول امتحان كنت ساقطة وانا فى البراكنج :rolleyes: مخرج االبارك عالشارع وانا يادوب عملت الطقوس اللى كنت باحفظها لنفسي قبل الامتحان وبعدين اتفقت معاه انه هو عليه يبدلى من الاو للتانى اصلي باتلخبط بينهم
وقولتله ومعلش كمان الرابع والخاامس مش بيظبطوا معايا بيجي روس طبعا هو بلع كلامى وقالى ماشي
المهم وانا طالعه من الجراج وعربية كانت جاية وانا طبعا مبصتش بس ستر ربنا ان السرعه داخل المدرسة بطيئة فى العربية فرملت ووقف
طبعا الراجل انصدم وقالى ايه دا يا شيخة انا طبعا مش فاهمة حاجة قولتله هو اللى غلطان مش شايفنى طالعه قالى هو الطريق كان لمين قولتله لكل الناس قالى طب كملى
انا الطبيعيى بتاعى عندى يمينى شمالى وشمالى يمنى يعنى مينفعش حد يقولى روحى يمين لاء لازم يشاورلى بايدة على الاتجاة
طبعا الراجل غلطان انه معملش معايا كدا
قالى ادخلى شمال دى فهمتها ودخلت الشارع رايح جايى وانا اخترت الحارة الشمال مش اليمين لانى معرفش مين المفروض يروح فين طبعا كل دا انا عالاول
بيقولى مغيرتيش ليه قولتله مش احنا اتقفنا انك اللى هتنقل الجير انا هاسوق اتوماتك فمش محتاجة النقل المهم الراجل مكملش
امتحانى استغرق 5 دقايق ياا دوب عملت يو ترن ورجعت على البراكنج
بعد ماوقفت بيقولى ايشلون امتحانك قولتله ياه بسرعه كدا خلص وكنت فرحانه اوى قالى انت محتاجة 3 سنين تدريب احبطنى كتبلي ساقطة وقالى ادربي 6 ساعات وتعالى
طبعا انا مكنش عندى اى عيب دا عيب المدرب
تانى مرة سقط على المطلع العربية رجعت منى للخلف قولته وايه المشكلة قالى لا مايصير وسقطت

بعد تانى مرة كنت استلمت عربيتى ومركونه عشان مش عرفه اسوقها وفى يوم طقت فى دماغى هامشيها واللى يحصل يحصل الكل قالى فيها حبس وانا ولا همنى فيها غرامة ولا بسمع
فى الشهر اللى سوقت فيه بدون رخصة اتعلمت لوحدى والاهم انى تجرأت واتعلمت ازاى احضن بين الحارات لان العربية كانت بتروح يمين وشمال منى وانا سايقة
كنت عقدتى الدواوير روحت مكان فيه 22 دوار اتضربت عليهم كلهم الصبح بدرى والبلد فاضية وعشت حياتى
والحمدلله دخلت الامتحان تالت مرة كنت قوية واثقة من نفسي فاهمة لغة الشارع كويس الارشادات المكتوبة ومعانيها
والحمدلله نجت فى الامتحان مع انى يوم الامتحان كنت ريحالهم بعربيتى بس ركنتها بعيد عن المدرسة عشان ميخدوش بالهم :rolleyes:

بس مشكلتى كانت بقي فى الباركنج كنت وانا داخلة وانا خارجة لازم لازم اكحت فى حاجة ولو مافيش عربيات اكحت فيها كنت اكحت فى الرصيف :rolleyes:
ولكن دلوئتى بسم الله
يعنى مش هتكلم عشان الحسد :rolleyes:
فى الاخر الموضوع عاوز كنترول وثقة بالنفس وتبقي فاهم انت بتعمل ايه وتبقي بارد جدا
وبالتوفيق للجميع

تم التعديل بواسطة Badria Mekkawy, 18 December 2007 - 02:10 AM.

  • mohamed abd el hamid معجب بهذا

A liberal is a man or a woman or a child who looks forward to a better day, a more tranquil night,and a bright, infinite future



.


#11 عصام أبوالفتح

عصام أبوالفتح

    Super Member

  • Members
  • PipPipPipPipPipPip
  • 1694 مشاركة
  • النوع:ذكر
  • المكان:هجرتى لم تعد إلى الأبد بعد 25 يناير

تاريخ المشاركة 18 December 2007 - 02:09 AM

انا برضه اخد الرخصة من اول مرة من الرياض سنة 2001 والي كان قاعد جنبي كان عسكري محترم قالي بهزه راسة اني ناجح.

بالنسبة لتأمين الرخصة على السيارة لسة اجباري؟

انت جددت الاستمارة بدون تأمين من منطقة الوجه و كمان بدون فحص



طبعا عند تجديد الاستمارة لازم فحص وتامين على السيارة ( اجبارى لسنة تجديد الاستمارة على الاقل زى الفحص )

السطر الاخير مفهمتش حاجة منه

( كفى بالمرء إثماً أن يحدث بكل ماسمع )


#12 عصام أبوالفتح

عصام أبوالفتح

    Super Member

  • Members
  • PipPipPipPipPipPip
  • 1694 مشاركة
  • النوع:ذكر
  • المكان:هجرتى لم تعد إلى الأبد بعد 25 يناير

تاريخ المشاركة 18 December 2007 - 03:04 AM

تانى مرة سقط على المطلع العربية رجعت منى للخلف قولته وايه المشكلة قالى لا مايصير وسقطت


:closedeyes: مش ممكن .. والله افتكرت يوم ما اشتريت العربية ومروح بيها وجه قدامى كوبرى وجالى خوف رهيب من الكوبرى وتصورت برضو العربية هاترجع منى لورا وتعمل حادثة .. قوم علمت ايه ؟.. ركنت فى الشارع ووقفت ليموزين وقولتله يركب معايا يسوق عربيتى للبيت ويروح بعد كده بليموزين لعربيته وأديته اجرته مرتين ... طبعا عبقرى مش كده ؟.. امال اموت يعنى على الكوبرى .. وبعدين لما اخدت على العربية بقيت حريف كبارى :rolleyes:
  • mohamed abd el hamid معجب بهذا

( كفى بالمرء إثماً أن يحدث بكل ماسمع )


#13 deemuck

deemuck

    Advanced Member

  • Members
  • PipPipPipPipPip
  • 578 مشاركة
  • المكان:-

تاريخ المشاركة 18 December 2007 - 06:04 PM

تانى مرة سقط على المطلع العربية رجعت منى للخلف قولته وايه المشكلة قالى لا مايصير وسقطت


:closedeyes: مش ممكن .. والله افتكرت يوم ما اشتريت العربية ومروح بيها وجه قدامى كوبرى وجالى خوف رهيب من الكوبرى وتصورت برضو العربية هاترجع منى لورا وتعمل حادثة .. قوم علمت ايه ؟.. ركنت فى الشارع ووقفت ليموزين وقولتله يركب معايا يسوق عربيتى للبيت ويروح بعد كده بليموزين لعربيته وأديته اجرته مرتين ... طبعا عبقرى مش كده ؟.. امال اموت يعنى على الكوبرى .. وبعدين لما اخدت على العربية بقيت حريف كبارى :rolleyes:



انا اقصد ان التامين ليس الزامي الي الان على جميع مناطق المملكة. من 3 شهور جددت الاستمارة بدون تأمين أو فحص في منطقة الوجه(في تبوك). بس طبعا كان في وسطى للفحص فقط.
قلبك عربية تاكسي ....................... ماشي فالحب عكسي
عمال يدهس حبايب ....................... ولا بيسمع كلاكسي

عواطف سيد التاكسجي

#14 hhanafy

hhanafy

    Junior Member

  • Members
  • PipPip
  • 27 مشاركة

تاريخ المشاركة 07 July 2008 - 12:07 PM

انا معى رخصة دبي ورخصة من مصر؟

فهل يمكن إستبدالهما؟

#15 Diab

Diab

    Super Member

  • Members
  • PipPipPipPipPipPip
  • 2089 مشاركة
  • النوع:ذكر
  • المكان:النوبة أرض الدهب

تاريخ المشاركة 07 July 2008 - 01:31 PM

طيب خلينا نتجه بالموضوع لسؤال تاني منعا لعدم التكرار في فتح المواضيع
لو أنا معايا رخصة سعودية سارية ممكن أسوق في مصر بدون مشاكل ولا لازم أعمل حاجة ( توثيق ....ألخ ) قبل ما أسافر
لأني مش عاوز أدي جماعة المرور فرصة
بالمناسبة أنا لقيت الصفحة دي بس بصراحة ممكن كلام الحكومة في ناحية والتنفيذ في الناحية التانية

رخص القيادة الدولية والأجنبية



أن تأتي متأخراً خيراً من أن لا تأتي أبداً
Better Late Than Never




0 عضو (أعضاء) يستعرضون هذا المنتدى

0 أعضاء, 0 زوار, 0 أعضاء متخفين


زار هذا الموضوع 170 عضو


    , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , Abdallah Gamil, abolmar, abomohab, aboueyad alex, Abu Yassin, Acc Mohamed, أبو أحمد وعبد الرحمن, Aggressor, ahmadelmihy, ahmed hanafy, ahmedabedeen, ahmedezzat, ahmedramy, أحمد محمد علي عمر, محمد المعلاوى, محمد البصيلى, محمود الطاهر, Alattar, alikhedr, ALMOSAFER, Amrelrefaay, anis71, مروان, مصراووى, ayman87, منتال, Blue, ام اسراء, الاسم مصري, الحياة, امير مجروح, capitshino, Capotchino, الكينج مجدى, Clinical chemist, انسان مخنوق, dcosameh, dr m vet, egyprogramer, egyption man, Elcommander, elham elzoghby, elmhamy, elsayed, eng solom, engamino, essamelsaid, freshengbadr, herohero, himahamid, husaly, د مروه, Ibrahimkandil, حسام الغرباوي, kab, KAhamid, kareemz, kazabaza, khalad, lovelyramy, magedshahen, Mahmoud Youssef, mahoraaa, MAZ, mezo, MEZO OZOO, MFadel, MohaB, mohamed abd el hamid, MohamedMido, MohMohsen, mohussein, mokhtarelmalahy, moshtaak, mostafahakeem, MSHASHEM, mtawfeek, muhammadon, mustafagamiel, necromancor, Obied Allah, سعيد مجدى, سقراط المصري, sherifsamer, shiref, sniperA, supergenius, Tots, umesbah, waledhekal, WELL-DONE, yasser elaraby, yassinworld, zima zima, zizo abdallah, zizoooo, كريم طاهر