إنتقال للمحتوى


صورة
- - - - -

منظار المعدة وارتجاع الحجاب الحاجز


  • من فضلك قم بتسجيل الدخول للرد
21 رد (ردود) على هذا الموضوع

#1 هشام عبد الوهاب

هشام عبد الوهاب

    Admin on leave

  • Members
  • PipPipPipPipPipPip
  • 2573 مشاركة
  • النوع:ذكر

تاريخ المشاركة 01 October 2004 - 06:20 PM

دكاترة المنتدى الأفاضل

غدا إن شاء الله سأذهب لعمل منظار معدة علوى ...
الأعراض كلها تشبه اعراض مرض فى القلب وعملت كل انواع اتحاليل والأشعات وجاءت كلها سليمة الحمد لله .. غيرت الدكتور ، وذهبت الى دكتور صديق (مدير احدى المستشفيات الخاصة ) تخصصه باطنى وقلب .تشخيصه الأولى (( ارتجاع فى عضلة الحجاب الحاجز واحتمال وجود فتق فى الحجاب الحاجز )) يؤدى لخروج جزء من المعدة والضغط على عضلة القلب مسببا الآم رهيبة تشبه تماما اعراض القلب ... ويجب التأكد بعمل منظار للمعده من اعلى .

هل من ضمن هذا المرض حدوث رجفات متتالية فى القلب او كأنها تاتى من القلب
مسببة الام تشبه الذبحة الصدرية ...
قرأت ان فتق الحجاب الحاجز لا يعالج بالأدوية ولابد من عمل جراحة ...ارجو افادتى بهذه الجراحة وكم تأخذ من الوقت للعودة للحالة الطبيعية وممارسة العمل .

#2 linux

linux

    Advanced Member

  • Members
  • PipPipPipPipPip
  • 1229 مشاركة
  • المكان:ماما امريــكا
  • الإهتمامات:مصـــــر أم الدنيا

تاريخ المشاركة 01 October 2004 - 07:04 PM

الف سلامة ياأخي هشام و ربنا يطمنك أن شاء الله و يعافيك.

rs: rs: rs:

#3 هشام عبد الوهاب

هشام عبد الوهاب

    Admin on leave

  • Members
  • PipPipPipPipPipPip
  • 2573 مشاركة
  • النوع:ذكر

تاريخ المشاركة 01 October 2004 - 08:23 PM

اخى لينكس
الف شكر ، بارك الله فيك . rs: rs: rs:

#4 kfaya

kfaya

    Advanced Member

  • Members
  • PipPipPipPipPip
  • 1004 مشاركة

تاريخ المشاركة 01 October 2004 - 10:25 PM

أخى الحبيب هشام .....

ألف سلامة ليك , يارب نتيجة المنظار تكون سلبية و مفيش فتق ولا حاجة .... عموما ربنا يطمنك و يطمنا عليك .....

عايزينك فى رمضان تكون فورمة و فت ...... خلى المعنويات حديد يا وحش ..

rs: ..... rs: ..... rs:


#5 Cleo

Cleo

    Super Member

  • Members
  • PipPipPipPipPipPip
  • 5450 مشاركة

تاريخ المشاركة 01 October 2004 - 10:45 PM

ألف سلامة يا إتش....

الدكاترة قالولك كله تمام.... بتفعص تانى ليه فى الكلام؟؟

إنشاء الله خير وكله تمام...

ربنا يتم شفاك و يجعله فى ميزان حسناتك إن شاء الله...

مستنيينك يوم الثلاثاء إنشاء الله تعالى....

(شوفت بأة إنت اللى بتتلكك... rs: )

rs:

Posted Image

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ
المائدة - 51


Posted Image
مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ
الأحزاب - 23


#6 maksoof

maksoof

    Advanced Member

  • Members
  • PipPipPipPipPip
  • 824 مشاركة
  • النوع:ذكر
  • المكان:وينيبج - كندا

تاريخ المشاركة 01 October 2004 - 11:06 PM


الأخ العزيز هشام

سلامتك ألف سلامة. أعراض فتق الحجاب الحاجز موجودة فى الموقع ده.

و ممكن تلاقى مواقع أخرى إذا عملت بحث عن

Diaphragmatic Hernia

أو

Congenital Hernia of the Diaphragm

و ربنا يطمئنك بإذن الله



م

"و من يتق الله يجعل له مخرجا" صدق الله العظيم

اللهم إنى أستغفرك من كل ذنب تبت اليك منه ثم عدت فيه
اللهم إنى أستغفرك من كل عقد عقدته لك ثم لم أوف لك به
اللهم إنى أستغفرك من كل نعمة أنعمت بها على فقويت بها على معصيتك
اللهم إنى أستغفرك من كل عمل عملته لوجهك خالطه ما ليس لك

#7 disappointed

disappointed

    Super Member

  • Members
  • PipPipPipPipPipPip
  • 4302 مشاركة
  • النوع:ذكر
  • الإهتمامات:EGYPT

تاريخ المشاركة 02 October 2004 - 10:43 AM

عزيزى هشام

أولا ألف سلامة عليك

نعم......الأعراض قد تكون كما ذكرت , و إذا كنت أنت قد إعتقدت أن الأعراض لها علاقة بالقلب فإنه فى بعض الأحيان يحدث العكس و تمر حالات كثيرة من جلطات القلب التى تحدث فى الجدار الخلفى السفلى من البطين الأيسر دون أن يتم تشخيصها و يصاب المريض بالجلطة و هو ماشى على رجليه و عادى جدا ( يحدث ان يتم تشخيص الحالة على أنها مشكلة بالمعدة)

إذا كانت الحالة إرتجاع نتيجة فتق فى الحجاب الحاجز يأخذ معه جزء من المعدة فلا حل سوى الجراحة

أما إذا كانت الحالة إرتجاع نتيجة خلل فى عمل العضلات الدائريّة فى أسفل المرّيئ مما يؤدّى إلى إرتجاع الحامض من المعدة إلى المرّيئ فسيكون العلاج بالعقاقير الطبّية و أهمّها :

= دواء منظّم لحركة المريّئ و المعدة , و أفضل الموجود عقار الـــ Motilium ( كان فيه دواء هايل لحركة المريّئ إسمه Prepulsid بس للأسف تم سحبه من الأسواق نهائيّا بسبب ثبوت تسبيبه لأعراض جانبية على القلب)

= مثبّط لمضخّات البروتونات المعويّة Proton pump inhibitor
( Omeprzoles)
و أشهرها Nexium & Losec ( وهى الأقوى تأثيرا و إن كانت باهظة الثمن .... ممكن العلبة الواحد توصل 180 أو 200 جنيه فى مصر) مع بدائل أخرى أرخص ثمنا وإن كانت فعّالة أيضا كالــ Pantozol , Omiz ,Omedar , Epirazole , Gastrazole , Lanzor

كلام صديقك الدكتور صحيح فى وجود إمكانية حدوث فتق فى الحجاب الحاجز , بس انا مستغرب شويّة من إنه إختار المنظار للتأكّد من التشخيص , فالتأكّد من التشخيص يكون عن طريقة عمل أشعّة للمعدة بصبغة الباريوم ( بيجيب لك الصبغة فى كأس و تشربها و بعدين يصوّرك أشعّة عاديّة خالص).... بينما الفحوصات الـــ invasive قوى كده زى المنظار فهى تشخص حالة جدار المعدة و المريّئ الداخلى ( يعنى تقول لك فيه قرحة والاّ لأ... فيه إلتهابات والاّ لأ.... و الإلتهابات فين؟؟؟.... يعنى تخّص إرتجاع الحامض فى حد ذاته... و تشخّص كمان حالة عضلات أسفل المريئ)

عموما...لو ما عملتش أشعّة معدة بصبغة الباريوم فأنصحك بها (لإستبعاد فتق الحجاب الحاجز)

عموما.... الف سلامة .... و ما أقدرش أقول لك رأيى النهائى إلا لو قلت لى تقرير المنظار مكتوب فيه إيه بالضبط ( لو تقدر تعمله سكانينج و تنزله على المنتدى يبقى كويس قوى)
إن أخشى ما أخشاه هو :

أن تصبح الخيانة يوما ما.....مجرّد.....وجهة نظر




صورة

#8 Salwa

Salwa

    Super Member

  • مشرف عام
  • PipPipPipPipPipPip
  • 5705 مشاركة
  • النوع:أنثى

تاريخ المشاركة 02 October 2004 - 06:23 PM

الأخ الفاضل هشام .
سلامتك الف سلامة ....

ارجو ان يكون كل شئ على خير ما يرام ...

خللى تكالك واعتمادك على الله وكل شئ نتيجته خير ان شاء المولى الكريم .....

تحياتى .....
<span style='font-size: 14px;'><span style='color: #FF0000'>(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93]</span></span>

#9 هشام عبد الوهاب

هشام عبد الوهاب

    Admin on leave

  • Members
  • PipPipPipPipPipPip
  • 2573 مشاركة
  • النوع:ذكر

تاريخ المشاركة 03 October 2004 - 04:10 AM

شكرا لكل حبايبى ....
المنظار كشف وجود التهابات شديدة فى الأثنى عشر والتهاب فى نهاية المرئ .
والعلاج .. Motilium ...
Parit 20 mg
Vomistop ....

وشخصيا ارى انه لا علاقة بين الأعراض التى تشبه الذبحة وما كشف عنه بالمنظار . رغم تاكيد الطبيب مرة اخرى !!!!!!!!

المهم بقى انى اخدت مقلب عمرى .. بعد مادخلت غرفة السلخانة(قصدى العمليات ) مع صديقى ضابط المخابرات (اقصد الطبيب المعالج ) فوجئت بالأخ مندوب امن الدولة (قصدى طبيب المنظار )
يحاول اقناعى بأنه لا داعى للبنج وان الأمر سهل جدا ولن يستغرق سوى 60 ثانية ،
وكان اسلوبه تمام زى بتوع امن الدولة ... المهم بصيت لصديقى الطبيب اللى اشار بهز رأسه مصدقا على كلام الباشا بتاع امن الدولة ...

ونيمونى على جنبى ووضعو ذراعى الأيمن والأيسر خلفى كأنى متكتف بالضبط ثم تحول وفجأة امسك بى المخبر (التمرجى ) من الخلف بمنتهى الرقة فشعرت ببداية غدر ... ووضعوا فى فمى حاجة بلاستيكية منها عضاضة ومنها تمنعك تقفل بقك ..

وفجأة بدأت عملية تشفية الذبيحة وتم ادخال خرطوم فى الفم شعرت ان طولة 50 متر .... ...كفاية كده .... الباقى صعب شرحه غير ... اووووع ...اااااااااه ..خد نفس من مناخيرك ...اوووووووع ..بلاش دلع ...اااااااااههه....الخ .....

وبعدها ....... تبطل السجاير وتكون انسان جديد ... وطبعا بعد العلقة رميت السجاير والولاعه فى الزبالة .. الكلام ده من حوالى 5 ساعات ... ولوقتى انا ولعت اول سيجارة .....

تسلموا وبعيد عنكم المنظار بدون بنج شئ صعب جدا .......

اخى الفاضل محبط ... كل صور الأشعة والتحاليل عندى على الكومبيوتر هابعتهالك فى اقرب فرصه ....

#10 disappointed

disappointed

    Super Member

  • Members
  • PipPipPipPipPipPip
  • 4302 مشاركة
  • النوع:ذكر
  • الإهتمامات:EGYPT

تاريخ المشاركة 03 October 2004 - 07:49 AM

حمد الله على السلامة

بص بقى يا سيدى :

معلش مع إحترامى لصديقك ضابط المخابرات , فطالما بتستعمل الـــ Motilium يبقى الــــVomistop مالوش أى لازمة ( خلاص... الـــ Motilium له نفس الـتأثير الدوائى و هو
الأفضل كمان... بس ماتنساش تستعمله قبل الأكل بربع ساعة)

بالنسبة بقى للـــ Parit 20 mg فهو ليس سوى أحد أصناف الـــ Proton pump inhibitor
( Omeprzoles)

يعنى أخو رصّة البدائل اللى قلت لك عليها..... وطبعا جرعته مرّة واحدة بس يوميّا ( لو حد قال لك خذ منه مرتين يوميّا طنّشه)

وفى إنتظار التحاليل و تقرير المنظار

(لو أخذوا عيّنة بالمنظار ياريت تقول لى على نتيجتها , علشان لو positive for H. Pylori يبقى حتحتاج كمان لكورس Flagyl مع مضاد حيوى ( يا Amoxycillin - بنسلين يعنى - يا Klacid) للقضاء على هذه الجرثومة

وألف سلامة عليك
إن أخشى ما أخشاه هو :

أن تصبح الخيانة يوما ما.....مجرّد.....وجهة نظر




صورة

#11 إبن مصر

إبن مصر

    Super Member

  • Members
  • PipPipPipPipPipPip
  • 3336 مشاركة
  • النوع:ذكر

تاريخ المشاركة 03 October 2004 - 02:51 PM

بسؤال المتخصصين لدينا ( وانت عارفهم طبعا ) :
اولا:
نعم اعراض الارتجاع بالمرىء يمكن ان تتشابه مع اعراض القلب والذبحه الصدريه .
ثانيا:
العلاج بالادويه يؤدى الى الاستجابه فى معظم الحالات وما كتب لك طبقا للتشخيص مناسب جدا.
ثالثا:
الجراحه ضروريه فقط عند عدم الاستجابه للادويه او تكرار الاعراض بعد نهايه كورس العلاج اكثر من مره مع ملاحظه ان الاعراض تشمل الرجفات المتكرره بالقلب.
رابعا :
ضعف عضله الحجاب الحاجز هو السبب المؤدى الى الارتجاع الحمضى والالتهاب اسفل المرىء . وفتق الحجاب الاحاجز ليس سببا ضروريا للارتجاع.
خامسا:
يتم عمل المنظار دائما تحت تأثير مهدىء عام .ما حدث لك يثبت نظريتى الخاصه بمدى كونك محظوظا يا صاحبى
وشكرا
..أشعر بالفخر انى ابن مصر وانى شاركت فى كتابه تاريخ..

#12 هشام عبد الوهاب

هشام عبد الوهاب

    Admin on leave

  • Members
  • PipPipPipPipPipPip
  • 2573 مشاركة
  • النوع:ذكر

تاريخ المشاركة 03 October 2004 - 03:02 PM

اخى ابن مصر ... شكرا لأهتمامك وهذا ماعهدته دائما منك :huh:

ما حدث لك يثبت نظريتى الخاصه بمدى كونك محظوظا يا صاحبى

ياراجل اقولك ذبحونى زى الخروف تقوللى محظوظ ... :lol:

#13 إبن مصر

إبن مصر

    Super Member

  • Members
  • PipPipPipPipPipPip
  • 3336 مشاركة
  • النوع:ذكر

تاريخ المشاركة 03 October 2004 - 03:09 PM

لا قصدى اكتر انك يعنى اتوصوا بيك قووووووووووووووى
..أشعر بالفخر انى ابن مصر وانى شاركت فى كتابه تاريخ..

#14 Cleo

Cleo

    Super Member

  • Members
  • PipPipPipPipPipPip
  • 5450 مشاركة

تاريخ المشاركة 03 October 2004 - 10:40 PM

يابن مصر الراجل بيقولك مريض وعملية وآلام وموتيليم...

بدال ما تخش عليه بكيس برتقال....












تخش عليه بده..

صورة



:angry:

Posted Image

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ
المائدة - 51


Posted Image
مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ
الأحزاب - 23


#15 ragab2

ragab2

    Super Member

  • Members
  • PipPipPipPipPipPip
  • 6910 مشاركة
  • النوع:ذكر
  • الإهتمامات:الموسيقى والرسم والاطلاع

تاريخ المشاركة 04 October 2004 - 03:10 AM

ألف سلامة ياملك
وعذرا للتأخير
بسبب بعض المشاغل
والحمد لله أنك اطمأنيت وطمنتنا عليكم
وحكاية
التهابات الجزء السفلى من المريئ وضعف العضلة القابضة فى آخره والموجودة بين المريئ والمعدة الكثير يعانى منها فى مصر
والتى تتسبب فى رجوع حامض المعدة الى هذا الجزء من المريئ
مما يؤدى الى حرقان بالصدر أو ألم شديد بالصدر ويخلط الكثير بينه وبين آلام القلب أو الذبحة الصدرية ونفس الألم يحدث أيضا للمصابين بالالتهاب البللورى وهو الغشاء المبطن للرئة بعد الاصابة بالنزلات الشعبية
مع العلم بأن غالبية حالات فتق الحجاب الحاجز تحدث فى الأطفال نتيجة تشوهات خلقية ونادرا ماتحدث للكبار نتيجة الحوادث أو ضعف عضلات الحجاب الحاجز وتختلف اعراضه كثيرا عن الأعراض التى ذكرتها وأهمها كرشة النفس والضعف العام مع الشعور بالألم عند التنفس
وكما ذكر دكتورنا العزيز وليد
ياريت تحلل لاستبعاد بكتريا Helicobacter pylori
لأنه اتضح أنها السبب فى كثير من حالات قرحة المعدة ومشاكل الجهاز الهضمى
وللأسف مازالت فى مصر لا تحظى بالاهتمام وقليل من المعامل التى تقوم بفحصها
ومع استعمال الأدوية لابد من تقليل التدخين والقهوة والشاى واستبعاد تناول الأكلات الحريفة والموالح والملح والتوابل والدهون والبصل النيئ
وألف سلامة
مصر أكبر من نظام الحكم الفردى الديكتاتورى الإستبدادى
الذى فرضه علينا عسكر حركة يوليو فى الخمسينات
وصار نظاما لحكم مصر



برنامج الرئيس الإنتخابى لإسكان فقراء الشباب ..
سرقه مسؤولون وزارة الإسكان مع المقاولين ..!




0 عضو (أعضاء) يستعرضون هذا المنتدى

0 أعضاء, 0 زوار, 0 أعضاء متخفين


زار هذا الموضوع 3 عضو


    , أبو إياد, green bird