إنتقال للمحتوى


صورة

طريقة عمل الفسيخ في البيت .. خطوه بخطوه و بالصور


  • من فضلك قم بتسجيل الدخول للرد
25 رد (ردود) على هذا الموضوع

#1 زهرة الجبل

زهرة الجبل

    Super Member

  • Banned
  • PipPipPipPipPipPip
  • 1505 مشاركة
  • النوع:أنثى
  • المكان:مصرية الهوى و الهويه

تاريخ المشاركة 22 April 2011 - 02:47 AM

السلام عليكم و رحمة الله و
بركاته


أيها المحاورون و المحاورات .. و بالأخص المغتربين
منكم و المغتربات .. و اللي بيستنوا أي فرصه حد جاي من مصر و يطلبوا منه الفسيخ
بالذات
..


إسمعوا و إعوا .. فإن ما فات قد فات .. و زمن الفسيخ هو
الزمن الآت



القصه و ما فيها يا جماعه انه بمناسبة إقتراب شم النسيم
و كل عام و الجميع بخير .. قررت أشارككم بطريقتي لعمل الفسيخ علشان الكل يشم النسيم
براحته



الطريقه مجربه أكثر من مره و الحمد لله... و النتيجه أكثر من
رائعه و آخرها إنهرضه إتغدينا فسيخ فوق الوصف و الصور
تشهد



صورة







البدايه
طبعاً في شراء السمك البوري



بداية من شراء السمك ...
كل ما كانت السمكه طازجه و حجمها أكبر كل ما كانت افضل لأنها بتكون سمينه و ده أفضل
للفسيخ



أنا بشتري السمكتين أكتر من كيلو و نصف بشويه .. و لو لاقيت
اكبر بيكون أفضل .. و الحجم ده للموجودين في الكويت غالباً تلاقوه في كارفور أو
جيان


إشتري السمك و أغسلي خياشيمه كويس جدا لمده لا تقل عن خمس إلي ستة
دقائق لكل سمكه تحت الماء إلى أن يصبح لون الخياشيم أبيض تقريباً


صورة





صورة



ده
شكل السمك بعد الغسيل و بعدها ندخل مرحلة التجفيف و دي بتاخد مش أقل من أربعه و
عشرين ساعه



لكن لا شمس و لا في البلكونه و لا الكلام ده خالص ...
بنجيب صينيه و نفرشها ورق ابيض علشان يمتص الماء اللي ممكن ينزل من
السمك


و طبعا كل كم ساعه بنغير الورق و نقلب السمك على جمب آخر
بحيث يتعرض من جميع جوانبه للهواء علشان ينشف


(يتبع)


تم التعديل بواسطة زهرة الجبل, 22 April 2011 - 02:49 AM.




صورة


#2 زهرة الجبل

زهرة الجبل

    Super Member

  • Banned
  • PipPipPipPipPipPip
  • 1505 مشاركة
  • النوع:أنثى
  • المكان:مصرية الهوى و الهويه

تاريخ المشاركة 22 April 2011 - 03:11 AM





ده شكل السمك و هو لسه طازج بعد الغسيل صورة







و
دي صورته أثناء التنشيف
صورة



في
خطوه لازم نعملها أثناء التنشيف مرتين تلاته بين كل مره و مره عدة
ساعات



هتمسكي السمكه و تحطي في كل خيشوم منديل ورق و تمسكي الرأس
بمنديل تالت و تمسكي السمكه رأسها لأسفل و تضغطي عالرأس بشكل يضمن نزول أي سوائل
منها و طبعا بعد كده بنشيل المنديل من الخياشيم و نسيبه يكمل تنشيف عالصينيه مره
أخرى



المرحله دي زي ما قلت بتاخد يوم كامل او أقل بشويه .. أنا
بشتري السمك بالليل و أغسله و أسيبه يتنشف لتاني يوم .. الليل بيقضيه عالمكتبه قصاد
التكييف و طبعاً متغطي بقماشه خفيفه جداً

صورة





و
الصبح باخده يكمل تنشيف في المطبخ و شباك المطبخ مفتوح للتهويه لكن لام
تحافظي على انه يظل طول الفتره دي متغطي تماماً لضمان النظافه




و لما بينشف تماماً هتعرفيه من ملمسه بيبقى جاف تماماص من بره و
لونه يبيض كله و يبقى جامد مش طري زي ما كان طاج يعني السمكه تمسكيها من
الذيل تظل متماسكه بدون انثناء



و ممكن بالنهار بعد ما يمر
عليه الليل و قبل التمليح توقفي السمك فتره علشان لو فيه سوائل تنزل .. أنا بفتح
زجاجة ماء معدنيه من الأعلى و أضع فيها من أسفلها مناديل ورقيه علشان تمتص اي
قطرات تنزل منه و أضع فيها السمكه واقفه رأسها لأسفل



كده


صورة







و دي صورة السمك بيكون شكله كده بعد التنشيف تماماً

صورة



المرحله
الجايه مرحلة التمليح



يتبع







صورة


#3 محمد حامد الغنام

محمد حامد الغنام

    Advanced Member

  • Members
  • PipPipPipPipPip
  • 478 مشاركة
  • النوع:ذكر

تاريخ المشاركة 22 April 2011 - 03:16 AM



صورة


بجد بجد بجد

تسلم ايدك







#4 زهرة الجبل

زهرة الجبل

    Super Member

  • Banned
  • PipPipPipPipPipPip
  • 1505 مشاركة
  • النوع:أنثى
  • المكان:مصرية الهوى و الهويه

تاريخ المشاركة 22 April 2011 - 03:24 AM

قبل التمليح هنمسك السمكه من عند الديل و
نضغط عليها علشان تبقى طريه



هتضغطي عكس طبيعة الذيل .. يعني تضغطي
على الذي بشكل رأسي .. مش في اتجاه الرأس .. كأنك بتفرديه




بعد كده هنجيب الملح الخشن .. و ده برضه هتلاقيه في كارفور
في قسم الخضروات مش عارفه ليه بس هو موجود هناك



الكيس عباره عن
كيلو ملح مجروش أو خشن و هو مكتوب عليه انه ملح سعودي



دي
صورة الملح
صورة




بنستعمل
تقريباً ثلاثة ارباع الكيس . أو ثلثينه ... أول خطوه بنملأ الخياشيم تماماً لدرجة
انها تبقى مفتوحه و الملح لا يسمح لها بالإنغلاق



كده

صورة



و
نرص السمك رأس جمب ذيل . يعني خلف خلاف السمكه دي رأسها بجانب
ذيل التانيه



ثم نرش باقي الكميه التي سنستخدمها فوق و تحت و بجانب
السمك



كده



صورة



صورة



بكده
انتهى التمليح و تقفلي الكيس كويس جداً و كوني حريصه على عدم بقاء الهواء فيه و
لفيه في أكتر من كيس فوق بعض



أنا بلفه في حوالي سبعه او ثمانية
اكياس لضمان الحراره اولاَ و عدم دخول الهواء ثانياً



صورة





يتبع








صورة


#5 زهرة الجبل

زهرة الجبل

    Super Member

  • Banned
  • PipPipPipPipPipPip
  • 1505 مشاركة
  • النوع:أنثى
  • المكان:مصرية الهوى و الهويه

تاريخ المشاركة 22 April 2011 - 03:41 AM

كده انتهت مرحلة التمليح و اللف و بدأت مرحلة الصبر



هتحطي اللفه المحترمه جداً دي في مكان جاف ( أنا بحطه في فرن البوتوجاز )
و تحرصي تماماً ان كل
فتره تقلبي اللفه من جانب لآخر



و ده علشان تضمني توزيع الملح .. و اللفه طبعاً هتحطيها في صينيه أو ما شابه علشان لو نزل منها ميه يبقى مش
تبهدل لك المكان او الفرن او كده



و بتسيبيها تقريباً خمسة ايام و
تفتحيها



أهم ما في الأمر هو تقليبها في اليوم ما لا يقل عن اربع او
خمس مرات .. يعني كل ما تفتكريها تفتحي الفرن و تقلبيها علشان الملح يتوزع
تماماً



المرحله الجايه بقى .. مرحلة البكاء من فرط
اللذه



طبعاً المفاجأه إني عملت فسيخ دي لوحدها كانت بالنسبه لي في
أول مره عملته كانت فوق الوصف


لكن بعد كده الموضوع هيبدأ
يبقى طبيعي و سهل



دي صورة الغدا إنهرضه و إتفضلوا
معانا



الفسيخ قبل ما نفتحه و ده لونه بيكون ابيض و لامع و ده معناه
انه الحمد لله آمن و نظيف

صورة






الصور
دي بقى قبل ما نقضي عليه مباشرة


صورة





*******



صورة


التجربه مش صعبه أبداً .. هي تخوف في الأول لكن النتائج إن شاء الله مضمونه



يا ريت اللي يجرب يقول لنا أخباره إيه



و هنا و صحه مقدماً و كل شم
نسيم و الجميع بخير

تحياتي

أم كريم





تم التعديل بواسطة زهرة الجبل, 22 April 2011 - 03:44 AM.




صورة


#6 Simba

Simba

    Super Member

  • Members
  • PipPipPipPipPipPip
  • 3719 مشاركة
  • النوع:ذكر
  • المكان:مصري مقيم بالكويت

تاريخ المشاركة 22 April 2011 - 03:55 AM

تسلم ايديك يا مدام زهرة الجبل
حقيقي حقيقي وصفة هايلة وسهلة خصوصا لو ظبطت في الاخر

وطبعا علشان حضرتك في الكويت شكر مرة تانية انك بتعرفينا الحاجات دي بتيجي منين بالظبط


الفسيخ اللي عملتيه شكله شهي جدا قريب من فسيخ الحاج محمود اللي جالنا قريب وصاية من مصر بقيادة الزعماء :)


#7 زهرة الجبل

زهرة الجبل

    Super Member

  • Banned
  • PipPipPipPipPipPip
  • 1505 مشاركة
  • النوع:أنثى
  • المكان:مصرية الهوى و الهويه

تاريخ المشاركة 22 April 2011 - 02:05 PM



بجد بجد بجد

تسلم ايدك








الأخ محمد الغنام


شكراً جزيلاً


دمت بخير




صورة


#8 زهرة الجبل

زهرة الجبل

    Super Member

  • Banned
  • PipPipPipPipPipPip
  • 1505 مشاركة
  • النوع:أنثى
  • المكان:مصرية الهوى و الهويه

تاريخ المشاركة 22 April 2011 - 02:08 PM

تسلم ايديك يا مدام زهرة الجبل
حقيقي حقيقي وصفة هايلة وسهلة خصوصا لو ظبطت في الاخر

وطبعا علشان حضرتك في الكويت شكر مرة تانية انك بتعرفينا الحاجات دي بتيجي منين بالظبط


الفسيخ اللي عملتيه شكله شهي جدا قريب من فسيخ الحاج محمود اللي جالنا قريب وصاية من مصر بقيادة الزعماء :)




الأخ الكريم سمبا


حضرتك إن شاء الله تجرب الطريقه دي

و هتطلع أحلى من فسيخ الحاج محمود اللي جالكم قريب وصايه من مصر بقيادة الزعماء :closedeyes:


تحياتي و دمت بخير

أم كريم


تم التعديل بواسطة زهرة الجبل, 22 April 2011 - 02:13 PM.




صورة


#9 AccOunTanT

AccOunTanT

    new Member

  • Banned
  • Pip
  • 11 مشاركة
  • النوع:ذكر

تاريخ المشاركة 22 April 2011 - 02:40 PM

تسلم ايدك يا أم كريم

مع انى مش من هواة الفسيخ بس هحاول وربنا يستر


:give_rose:
Good FRIENDS are hard to find, harder to leave, and impossible to forget

صورة

#10 aimen

aimen

    Super Member

  • Members
  • PipPipPipPipPipPip
  • 3297 مشاركة
  • النوع:ذكر

تاريخ المشاركة 22 April 2011 - 02:44 PM

تسلم ايدك يا مدام زهرة الجبل

احسن حاجه فيه انه تجربة بيتوتية صرفة
اى نعم حتلاقى هناك ضحايا كثير من الورق والقماش اللى تلاقيه اتبهدل
بس بصراحة ورغم انى مش من عشاق الفسيخ والحاجات دى اجمالا
بس
والله شكله فعلا يفتح النفس وكفاية انه من البيت

مرة تانية تسلم ايدك يا مدام زهرة الجبل



صورة

صورة



#11 se_ Elsyed

se_ Elsyed

    Super Member

  • Members
  • PipPipPipPipPipPip
  • 25138 مشاركة
  • النوع:ذكر

شريط الأوسمة:

الأعضاء الحاصلين على أوسمة

تاريخ المشاركة 22 April 2011 - 05:43 PM

أحلى حاجه في الموضوع إن السعودية متواجدة فيه هههههههههه


لاحظت إن الملح صنع في السعودية


كل شم نسيم وأنتم طيبين ... وتسلم إيدك يا أم كريم
الأحـــرار يؤمنون بمن معه الحق ..
و العبيــد يؤمنون بمن معه القوة ..
فلا تعجب من دفاع الأحرار عن الضحية دائماً ..
و دفاع العبيد عن الجلاد دائماً

#12 محمود البصيلى

محمود البصيلى

    Super Member

  • Members
  • PipPipPipPipPipPip
  • 3120 مشاركة
  • النوع:ذكر

تاريخ المشاركة 22 April 2011 - 06:02 PM

حقا وصدقا .. تسلم الايادى يا أم كريم:clappingrose: :clappingrose: :clappingrose:

انا عن نفسى واحد من الناس اللى بيعشقوا السمك المملح والمدخن كمان .. انا بيت العيله كان فى حى الى حد ما شعبى .. امام البيت مباشرة كان فيه محل فسخانى .. وكنت متعود اشوفه وهو بيقوم بتمليح السمك ووضعه فى براميل .. يعنى نشأت و ترعرت على رائحة الفسيخ ههههههههههههههه.. ومن الطبيعى انى احبه واحب ريحته لان فيه بينها وبين ذكريات الطفوله وبيتنا القديم ارتباط شرطى ((بتكلم بجد والله)) :wub: ..

انا كان من هواياتى تمليح السردين .. واللى وصفلى طريقه سحريه لعمله ((وللطرافه)) كان دكتور كبير ايام الجامعه .. وكان من المستشارين الاعلاميين لجيهان السادات .. وكان عنده نفس المزاج .. طبعا انا نسيت تفاصيل الطريقه .. لانى معملتهاش من حوالى 12 سنه كده .. وبقيت بشترى جاهز:closedeyes:

المهم انا حجرب طريقتك ان شاء الله وحوافيكى بالنتيجه :) وكل شم نسيم وانتى بخير وصحه انتى والاسره الكريمه


واعتصموا بحبل الله جميعاً ولا تفرقوا

 

""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""

 

 أَحِبُّوا أعداءَكم. باركوا لاعنيكم. أحسنوا إلى مُبغِضيكم. وصلوا لأجل الذين يسيئُون إليكم ويطردونكم 


#13 زهرة الجبل

زهرة الجبل

    Super Member

  • Banned
  • PipPipPipPipPipPip
  • 1505 مشاركة
  • النوع:أنثى
  • المكان:مصرية الهوى و الهويه

تاريخ المشاركة 23 April 2011 - 10:28 AM

تسلم ايدك يا أم كريم

مع انى مش من هواة الفسيخ بس هحاول وربنا يستر


:give_rose:



إن شاء الله ربنا هيستر
..



و لسه قدامك وقت من هنا لشم النسيم حضرتك جرب و إن شاء
الله هتبقى من هواة الفسيخ



تحياتي



أم
كريم







صورة


#14 زهرة الجبل

زهرة الجبل

    Super Member

  • Banned
  • PipPipPipPipPipPip
  • 1505 مشاركة
  • النوع:أنثى
  • المكان:مصرية الهوى و الهويه

تاريخ المشاركة 23 April 2011 - 10:35 AM

تسلم ايدك يا مدام زهرة الجبل

احسن حاجه فيه انه تجربة
بيتوتية صرفة
اى نعم حتلاقى هناك ضحايا كثير من الورق والقماش اللى تلاقيه
اتبهدل
بس بصراحة ورغم انى مش من عشاق الفسيخ والحاجات دى اجمالا
بس

والله شكله فعلا يفتح النفس وكفاية انه من البيت

مرة تانية تسلم ايدك
يا مدام زهرة الجبل








شكراً جزيلاً
أخي الكريم أيمن



و هو بالفعل أحسن حاجه فيه إنه بيتي 100 % و كل
شئ واضح و مضمون


صحيح الضحايا مناديل ورق و أوراق بيضا لكن
النتيجه تستاهل التضحيه :happy:




كل سنه و حضرتك طيب و شم نسيم سعيد إن شاء الله




تحياتي



أم كريم






صورة


#15 زهرة الجبل

زهرة الجبل

    Super Member

  • Banned
  • PipPipPipPipPipPip
  • 1505 مشاركة
  • النوع:أنثى
  • المكان:مصرية الهوى و الهويه

تاريخ المشاركة 24 April 2011 - 03:25 PM

أحلى حاجه في الموضوع إن السعودية
متواجدة فيه هههههههههه


لاحظت إن الملح صنع في السعودية


كل
شم نسيم وأنتم طيبين ... وتسلم إيدك يا أم كريم



صح و الله
الملح سعودي



يعني السمك من الكويت و الملح من السعوديه و الأكله
أصلاً مصريه صميم



هي دي الوحده العربيه



تسلم
أخي الكريم سي السيد و كل سنه و حضرتك بألف خير



تحياتي




أم كريم





صورة





5 عضو (أعضاء) يستعرضون هذا المنتدى

0 أعضاء, 5 زوار, 0 أعضاء متخفين


زار هذا الموضوع 108 عضو


    , , , , م تيمور المراغي, أمل حياتي, لماضة مصرية جدا, أمعبدالملكصلاحرضا, abaomar, abofasad, AccOunTanT, أبو محمد, أبو العز, أبو يمنى, أبو عاصم, أبوعمار, ahlord, ahmedhamdyyy, ahmedshaker, أحمد محمد, محمد حامد الغنام, أحمد سيف, محمود البصيلى, محمود الدكر, aimen, Alattar, alex man, Alrefaey, amgadibrahim, مسافر, أستاذة جيجي, مصري أصيل, مهندس حسام الخواص, لونا, bmbm, bodi, ام عمر وعلى, المتوكله علي الله, الدكتور ياسر, الشامي, الغريب, ابراهيم عبد العزيز, con ahmed hassan, Damo, dawn walker, Diab, DoodoAmin, drTOTA, بيبو كندا, eman mostafa, engmido, ترنيم, eslamfares, بندق أفندى, Folana, hamedfahim, Handasah, Hend Ali, Hesham Zaki, Hisham, Hisham, honest reader, Ibn Sami, خالد شحاته, KEAN, kelkholy, khofo, kokomen, magna, mamdowh, Melhakim, mhfarag, mohamed awad, Mohamed shaheen, Mohammad, mustafagamiel, nana, om saif, omabdallah, ozoozo, زهرة الجبل, سقراط المصري, Prince Amir, rewsha, saad hassan, salahabc, Salwa, salwasamer, se_ Elsyed, shiko, shiref, Simba, simpleDeveloper, solimady, suma, عادل أبوزيد, عبداللة المصرى, عبدالحميد ابراهيم, عبير الشرقاوي, عطر الجنة, wahed_masry, XXusamaXX, فاطمة محمد, فرح المصريه, نجماية, نودي, نورالعين, نوران