إنتقال للمحتوى


صورة
- - - - -

الباحثون عن عمل - ح نساعدك تشتغل في مصر


  • من فضلك قم بتسجيل الدخول للرد
11 رد (ردود) على هذا الموضوع

#1 abdulmuttaleb

abdulmuttaleb

    Advanced Member

  • Members
  • PipPipPipPipPip
  • 572 مشاركة
  • النوع:ذكر
  • المكان:Egypt

تاريخ المشاركة 15 April 2011 - 09:28 PM

مش عايز أقول كلام كتير، بس أنا مع الظروف الحالية في مصر قررت إعادة الحياة لمكتبي الاستشاري (الافتراضي الانترنتي) كنت بدأته 2009م خاص باستشارات التخطيط الوظيفي والسيفيهات للباحثين عن عمل مع إضافة استشارات التسويق أونلاين (الفيسبوك ولنكد إن وإعلانات الانترنت والاستراتيجيات المرتبطة بها مثلا) وتقنيات الانترنت

مدونتي الشخصية عليها مواضيع كثيرة، أهمها إرشادات السيرة الذاتية (العناية بشرح طبيعة كل وظيفة وإمكانية عمل أكثر من سيفي للشخص إذا عمل في أكثر من مجال تسويق وتوظيف مثلا)
http://jobseekereg.b...iew-part-2.html

لا أحب أن يتحول الموضوع إلى دعاية سخيفة، ولكن كل من يبحث عن عمل داخل مصر ولديه سؤال أو استفسار عن مقابلة شخصية أو تجربة أو المفاضلة بين وظيفتين، أو خبرة فحبذا لو شاركنا بها، وسنحاول جميعا مساعدته (على الأقل مرتين أسبوعيا سأشارك زميلاتي وزملاءي هنا)، وفي كل الأحوال بدء من نهاية الشهر سأبث معلومةأو وظيفة دوريا على صفحة الفيسبوك:
http://www.facebook....187629834615852

  • fatfouta, Om Zayd, Damo و 1 آخر معجبون بهذا

يا رب عفوك ورضاك


#2 hOuSsAm

hOuSsAm

    Super Member

  • Members
  • PipPipPipPipPipPip
  • 1595 مشاركة
  • النوع:ذكر
  • المكان:Jeddah

تاريخ المشاركة 15 April 2011 - 09:41 PM

اخى عبد المطلب

موضوع اكثر من رائع وبصراحة فى وقته لان اثناء الثورة شركات كتيرة سرحت الناس اللى شغالة معاها واللى مازال فى العمل خفضت مرتباته

هستاذنك ادخل معاك فى الكلام لو لاقيت حاجة عندى ممكن اضيفها (عندى خبرة قليلة بموضوعات السيرة الذاتية والانترفيوهات) وباذن الله تعالى هحاول اضيف بعض الوظايف فى الخليج (مع عدم مسئوليتى عن الشركة او الاتفاقات - هبقى مجردناقل للاعلانات وده بعد موافقة زميلى عبد المطلب)

تقبلوا تحياتى
  • abdulmuttaleb معجب بهذا

طول ما املى معايا معايا وفى ايدي سلاح
حافضل اجاهد وامشى وامشى من كفاح لكفاح
طول ما ايدي فى ايدك اقوم واقف واهتف واقول
حيّ حيّ على الفلاح
داري يا داري انا احميك بايمـــــانى
طول ماذراعى معايا ابني واعلي بنياني
حافضل عايش فيها بجهدي واملى ابنيها
انا روحى فداها وفدا اهلى واوطـــــاني
زاحف يا شعبي تمحي الماضي رياحك
عهــدك جوا ف قلبي والبطولة جراحك
أيامنـــــا اللي جاية وارادتنا القويـــــة
تنصرنا يا وطني ويملا الدنيا صباحك
نمشي ونمشي والعزة تعيــــــش ويانا
لأ احنا منرجعش ولاتتراجع فى خطانا
تهتف اراضينا لنا والنصر ينــــادينا
يلا بينا يلا وربــنا معانا


#3 abdulmuttaleb

abdulmuttaleb

    Advanced Member

  • Members
  • PipPipPipPipPip
  • 572 مشاركة
  • النوع:ذكر
  • المكان:Egypt

تاريخ المشاركة 15 April 2011 - 10:27 PM

hOuSsAm
يا بيه اتفضل محدش محتاج عزومة كله يدخل ويشارك وخصوصا لو التركيز على مواقع التوظيف (وليس بالضرورة وظائف فردية منعا لاستهلاك الصفحات) أو إرشادات وخبرات البحث عن وظيفة والشركات التي تعلن عن توظيف، شكرا جزيلا مقدما.
======

ده فيديو عن إرشادات لإعداد سيرة ذاتية بصوت العبد لله
10 Practical CV Tips
http://www.BLOCKED15...h?v=OwhGjSyfcGY

تم التعديل بواسطة abdulmuttaleb, 15 April 2011 - 10:57 PM.


يا رب عفوك ورضاك


#4 fatfouta

fatfouta

    Super Member

  • Members
  • PipPipPipPipPipPip
  • 8372 مشاركة
  • النوع:أنثى

شريط الأوسمة:

الأعضاء الحاصلين على أوسمة

تاريخ المشاركة 15 April 2011 - 10:29 PM

بصراحة مباردة طيبة من حضرتك ربنا يبارك لك ويكرمك ويجازيك خير

ربنا يحمى ولادك يا مصر :clappingrose: :clappingrose:
  • abdulmuttaleb و عطر الجنة معجبون بهذا

#5 الباشمهندس ياسر

الباشمهندس ياسر

    Super Member

  • Members
  • PipPipPipPipPipPip
  • 5420 مشاركة
  • النوع:ذكر

تاريخ المشاركة 16 April 2011 - 09:55 PM

موضوع رائع

في ميزان حسناتكم


انا برفعه عشان لو حد بيدور شغل م الاخوة


و كان ليا تجربة هبقي اكتبها و بالمرة نتناقش سوا
  • abdulmuttaleb معجب بهذا

تفاءلوا بالخير تجدوه
بعضا مني هنا .. فاحفظوه


#6 hOuSsAm

hOuSsAm

    Super Member

  • Members
  • PipPipPipPipPipPip
  • 1595 مشاركة
  • النوع:ذكر
  • المكان:Jeddah

تاريخ المشاركة 17 April 2011 - 04:46 AM

اخى عبد المطلب فديو رائع ومهم جدا

وهدلى بدلوى فى موضوع اعدادالسيرة الذاتية من خلال بعض ملاحظاتى والدراسة اللى درستها فى المجال ده

شكل السى فى وترتيب المعلومات بها (ابوس ايدك لوكنت عايزتشتغل فى شركة كبيرة يبقى السى فى انجليزى مش عربى)(ومعلهش تعالى على نفسكعشان هو ده الواقع)

النقاط التالية بالترتيب وهتفيد الناس اللى خبرتهم من سنة واحدة لمستوى المديرين فى الادارة المتوسطة

1- عاليمين من فوق صورتك الجميلة (وتكون فورمال يعنى بدلة اوقميص وكرافت عالاقل)وياريت تكون الالوان بها من فئة الوان الرسمية (للامانة المهنية بعض المتخصصين فى المواردالبشرية مش بينصحوا تحطوا الصور الا لو طلب فى الاعلان ذلك attach recent photo) فيه ناس بتستسهل وتحطها فى اى اعلان وبالذات لوكانت الصورة كويسة
2- فى نص الصفحة بالعرض وجنب الصورة اسمك (الاسم واللقب بس يعنى كلمتين) وعنوانك باختصار جدا زى ما الاستاذ عبد المطلب قال وتليفونك متبوع بالرقم الدولى وايميلك ويكون الايميل يعبر عن حاجة فورمال بمعنى انه ميكونش مثلا love_forever وده مثال عالتايتل فى السى فى

Hosam Abd El-Fatah
Address: Haram ,
Giza, Egypt.
Mobile: 002 012 .
E-mail: perfer your name@gmail.com



3- Objective Career:
وده بتحط فيه الهدف الوظيفى بتاعك ورؤيتك لوظيفتك فى سطرين مثلا لو انت بتاع تسويق تقول انك عايزتشتغل فى شركة ليها ماركات متنوعة اقدر اعملها خطة تسويقية واستثمر فيها دراستى وهكذا.............

4- Education:
ودى تحط فيها كل دراساتك الاكاديمية بدا من الاخر يعنى لو معاك دكتوراة تبدا بيها
محدش يحطدراسته الثانوية الا لو كانت فى مدارس عالمية ليها اسم غير كدة ملهاش لازمة

هتكتب التخصص اللى متخرج منه والكلية والجامعة وتكتب بكالريوس ولا ليسانس (كل ده فى سطر واحد)
تكتب التقدير فقط لو كان جيد لاعلى غير كدة تجاهل التقدير ومتقولش انك مقبول

خانة التعليم مش بيكتب فيها الكورسات

5- Work Experience:
تبدا بالاحداث فالاقدم

فى نص الصفحة اسم شركتك وعنوانها باختصار يعنى القاهرة - مصر وممكن تحط ويب سايت
تكتب فترة الالتحاق بالشركة
March 2010 till now

المستوى الوظيفى بتاعك
Marketing Director

المهام الوظيفية اللى كنت بتعملها فى الشركة (باختصار كل يوم كنت بتروح الدكانة وترش مية وبتعمل ايه بعد كدة)
والمفروض ان فيه standard عالمى لكل وظيفة يعنى لو بحثت عن مهام الوظيفية بتاع المبرمج بلغة sql هتلاقيها متوحدة بنسبة 80% على مستوى العالم
وكل ده فى شكل نقاط

May 2008 till February 2010
دى شركة تانية اشتغلت فيها فى الفترة دى وبالله عليكوا محدش يحط ايام تعامل بالشهور
وياريت تبقى الفترات مش متعارضة مع بعضها

وبردوا تذكر المهام الوظيفية اللى كنت بتعملها فى الشركة السابقة

نقطة مهمة جدا قالها عبد المطلب يبقى الكاريير بتاعك منطقى يعنى مش اكتب انى اشتغلت فى اول شركة واول سنة خبرة مدير مبيعات (طيب منين)
واحد اول شركة كاتب فيها مدير حسابات - تانى شركة كاتب محاسب (ازاى يعم الحاج هى الناس بتطلع ولا بتنزل- انا عارف الرد - هيقول اصل اول شركة كانت صغيرة ودكان الحاج عبده فكنت ماسك حساباته كلها وكان مفهمنى انى مدير الحسابات هنا وبعدين رحت لشركة كبيرة فعينونى محاسب) طبعا الكلام ده غلط لانك كنت شغال فى دكان الحاج عبده كاتب حسابات وليس محاسب اصلا فعشان كدة متوهمش نفسك واعرف انت ايه بالظبط

6- Training:
مش لازم كل تدريب اخدته اكتبه عشان هيبقى فيه حجات ضدك ومش لازم كل تدريب ماخدتش فيه شهادة مكتبوش لان الشهادات معتش ليها لازمة (اذكر انى منذ تخرجى من الكلية مستخدمتش ولا شهادة عندى غير شهادة التخرج استخدمتها مرة واحدة باين عشان اطلع التاشيرة غير كدة عمرى مستخدمت حاجة فيهم)

طيب التفاصيل بقى يعم الحاج
بردوا هنكتب الكورسات بالتواريخ وفى الحالة دى هنستخدم الايام ده لوكان الكورس متحدد بالايام اما لو كان بالشهور زى منحة وزارة الاتصالات فالوضع يختلف
كمثال
January 12 to February 15 - 2100

هتكتب اسم الجهة المدربة كمثال الجامعة الامريكية
هتكتب التدريب كان ايه وكمثال Book keeping and preparing financial statements
ممكن تكتب النقاط اللى انت اخدتها فى التدريب لو كنت لسه قليل الخبرة المهنية عشان تدعم السيرة الذاتية ولو كنت خبرتك المهنية كبيرة يبقى يكفى العنوان

انا قولت قبل كدة ان التدريب سلاح ذو حدين
يعنى تدريب اخدته فى حاجة هيسالك عليها وممكن بالتفصيل كمان فلو انت مكنتش متمكن منه هيبقى نقطة ضعف بالنسبة ليك فاما تبقى متمكن او متكتبوش

سعات فيه ناس بتاخد تدريبات مش فى مجالها يعنى تلاقى محاسب واخد تدريب 6 شهور فى خدمة العملاء وآليات السوق (طبعا اللى هيشوف السى فى هيحس انه مشتت وبناء عليه هيعملها دليت)

ابوس ايدك متكتبش كورسات الانجليزى اللى اخدتها ودورات الكمبيوتر فى المهارات الاساسية(زى الويندوز والورد) عشان دى حجات اساسية فى حياتك زى الهوا والمية

ولكن عشان كلامى ميتفهمش غلط او انت اخدت كورسات فى برامج محاسبة او اوتوكاد او متخصصة فى حجات ادارية معينة فتكتبها عالطول

6- Computer:
بتكتب مهاراتك فى الكمبيوتر بصرف النظر اخدت كورسات ولا لاء (ومعلهش مش لازم تجيد كل حاجة فى الكمبيوتر باحتراف) يعنى اكتب انك بتعرف تستخدم مثلا الاكسيل والبوربوينت ومتكتبش حجات ملهاش علاقة بمجالك عشان متشتتش السى فى

7- Language:
• Arabic: Native Language.
• English: Good
بالله عليك يا شيخ عشان الحتة دى بتضايقنى جدا
متكتبش انك ممتازفى قراءة العربية وتجيد الكتابة والاستماع (مفيش حاجة اسمها تقييم للغتك الام)
Arabic: Excellent readding and listenning طبعا الكلام ده مرفوض جدا وعن نفسى لو براجع سى فى ولاقيتها كدة مش هعرف اكملها

8-Interests:
المفترض يكون ليك هوايات وانشطة بتعملها
ودى حجات بتدى مؤشرات للموارد البشرية اذا كان الموظف ده بيرفه عن نفسه ولا هيبقى شكله ايه بالظبط

9- Personal Information:
اخر حاجة تكتبها مش فى الاول عشان لما تبقى الحجات اللى هو بيدور عليها تعجبه يبقى يتصل بيك بعدها وياريت متكررش المعلومات اللى انت حاططها فى التايتل وتستهلك حبر عالفاضى (انا بس مكرر اسمى بالكامل )


------------------------------------
السى فى ابيض واسود بس ودى الالوان الفورمال (الالوان والبمبى والنبيتى والحجات دى بلاش منها لان شكلها وحش اوى وبتتقطع وتترمى فى سلة المهملات ده لوكانت شركة محترمة)

بلاش برواز للسى فى وتعمل لنفسك قيود (خليك كدة متحرر)

مش كل حاجة فى حياتك بتكتب فى السى فى لان كل كلمة مكتوبة هتتسال عليه وهيتعملها زووووووووووووم بس بردوا متتهاونش بالحجات الصغيرة لانها فى شركات تانية ممكن تبقى كبيرة اوى

فونط خط الكتاب بيكون 11 والعناويين 12 bold واسمك اللى فوق اللى هو عنوان السى فى انا مكبره شوية 24

بلاش الكلمات دى فوق عشان الراجل بتاع الموارد البشرية مش بصمجى
cv
سيرة ذاتية

عشان انت وهو وكل الناس عارفة انها سيرة ذاتية فمش محتاجة تعريف

حاول بعد متخلصها حد من اصدقائك الثقة يقرها مرة واتنين وتلاة لربما فيه حاجة غلطانت مش شايفها
وياريت لو حد الانجلش بتاعه تمام يراجع الاخطاء اللغوية فيها

بلاش تستعمل ضمائر فى السى فى (احنا عارفين انه انت يا سيدى)
I Graduated
I have certified
I will
طبعا الكلام ده مش تمام ادخل عالحدث عالطول

السى فى دايما محتاجة لتعديل وتظبيط واضافة وحذف على حسب الوضع الحالى وطبيعى كل شوية هتحاول تغير فى شكلها وتزيد من مضمونها وهى حاجة كدة زى التطور الطبيعى للحاجة الساقعة

---------------------------------------------
اخوانى الزملاء الكلام اللى مكتوب فوق ده مش قران قد يحتمل الصواب او الخطا ولكنى بنيته على دراستى فى الموضوع ده وخبرتى العملية فاعذرونى اذا كان فيه ما يخالف الواقع

وانا موجود لو فيه اى حد ليه استفسار عن اى حاجة بخصوص الموضوع ده
اتمنى لكم التوفيق جميعا واشكرا الاخ عبد المطلب لفتحه الموضوع ده
  • Handasah معجب بهذا

طول ما املى معايا معايا وفى ايدي سلاح
حافضل اجاهد وامشى وامشى من كفاح لكفاح
طول ما ايدي فى ايدك اقوم واقف واهتف واقول
حيّ حيّ على الفلاح
داري يا داري انا احميك بايمـــــانى
طول ماذراعى معايا ابني واعلي بنياني
حافضل عايش فيها بجهدي واملى ابنيها
انا روحى فداها وفدا اهلى واوطـــــاني
زاحف يا شعبي تمحي الماضي رياحك
عهــدك جوا ف قلبي والبطولة جراحك
أيامنـــــا اللي جاية وارادتنا القويـــــة
تنصرنا يا وطني ويملا الدنيا صباحك
نمشي ونمشي والعزة تعيــــــش ويانا
لأ احنا منرجعش ولاتتراجع فى خطانا
تهتف اراضينا لنا والنصر ينــــادينا
يلا بينا يلا وربــنا معانا


#7 abdulmuttaleb

abdulmuttaleb

    Advanced Member

  • Members
  • PipPipPipPipPip
  • 572 مشاركة
  • النوع:ذكر
  • المكان:Egypt

تاريخ المشاركة 17 April 2011 - 05:31 PM

fatfouta - مراسلة قطاع الأخبار في محاورات المصريين:)
حفظك الله شكرا على تشجيعنا جميعا لإثراء الموضوع

الباشمهندس ياسر
في انتظار تجربة حضرتك


hOuSsAm
أنا كمان حاولت أرفع السيفي بتاعي على الانترنت بعد حذف المعلومات الشخصية كملف وورد ممكن أي حد ياخده ويضع بياناته هو:
https://sites.google...redirects=0&d=1

ملاحظات ونصائح حضرتك ما شاء الله تبارك الله، جزاك الله ألف خير، لي إضافات بس بسيطة:

التلفون الدولي - ده في حالة التقديم على شغل برة مصر لكن لو داخل مصر فيفضل وضع رقم التلفون العادي زيرو اتناشر كده يعني من غير المفتاح الدولي
وده طبعا يرجعنا تاني لأهمية عمل أكثر من نسخة من السيفي واحد لمصر وواحد للسفر للخارج لأن الأخير لازم يكتب فيه إن معاه جواز سفر ساري
Have a Valid Passport
ولو كان مصري في السعودية يبقى يكتب أنه مثلا معاه إقامة سارية قابلة للتحويل
Valid Transferrable Iqamah

الكارير أوبجتف - أنا شايف إضافة لكلام حضرتك إنه ممكن يختلف لو واحد مثلا معاه خبرة في المحاسبة وكمان خبرة في التمويل أو المراجعة، فممكن يعمل نسختين واحدة يلخص خبراته أو مهاراته في التمويل، وفي النسخة بتاعت وظائف المحاسبة يلخص مهاراته في الحسابات
أنا مثلا في السيفي الخاص بوظائف المبيعات والتسويق والبيزنس ديفيلوبمنت كاتب التالي:
Career Objective
Creative result-oriented IT engineer with excellent communication skills; experienced in marketing and sales (both IT services and retail products) with successful growth records
بينما في السيفي بتاعي الخاص بوظائف التسويق الرقمي وشركات الانترنت واستشارات التسويق عبر السوشيال ميديا فيسبوك وخلافة فأنا كاتب التالي واضح مثلا إني مركز على أني بأستخدم الانترنت منذ زمن علشان ده يدعم موقفي في الشركات دي:
Career Objective
Experienced IT engineer (+ MBA) with marketing talents in social media (Facebook, etc), internet marketing (using Internet since 1999) and web solutions with successful IT sales records

باقي تعليقات حضرتك متفق تماما، والحقيقة الواحد بيشوف فعلا حاجات غريبة في بعض السيفيهات تخيل واحد باعت سيفي حاطط خلفية صور ورد غامق وألوان وفرح اللي هو أصلا بياناته مش واضحة في الفايل.
وبعدين اكتشفت فيه ناس بتنقل السيفيهات ييجي مثلا يكتب جووود نيجيوشيشن سكلز نيجي نسأله احكي يا بابا موقف تفاوضي كده كان عندك السكلز دي يرد ويقول هي فين أنا كاتبها فين فنكتشف إن البيه ناقل السيفي (ناس كتير بتنقل حكاية المهارات والمواصفات الشخصية بالمسطرة).
احنا ممكن نعمل كتاب في مواقف المقابلات الشخصية وطرائفها وأحداثها، واحدة زميلتنا عملت مقابلة لواحدة قعدت تحكي لها عن خطيبها وازاي فتح مشروع وخسر وبعدين فسخ خطوبتها وقعدت تعيط في الانترفيو، بصراحة ربنا يكون في عون كل واحد بيشتغل في مجال التوظيف او بيتعامل في المسائل دي بتبقى فعلا مسؤولية كبيرة جدا أمام ربنا أولا لأن الواحد بيتعامل مع بشر لحم ودم، وكمان أمام الشركة أو المؤسسة نفسها.

لي صديق محترم جدا، بعد كل مقابلة ياخد المتقدمين كل واحد لوحده لو مش ناجحين أو مش نافعين يعني، يوضح لهم ايه نقاط الضعف عندهم كل واحد سبعة لعشر دقائق يشرح له بهدوء وتفهم وناس كتير كانوا بيتفهموا ده ويشكروه عليه ويوعدوه إنهم يراعوا ملاحظاته في المقابلات المستقبلية,

تم التعديل بواسطة abdulmuttaleb, 17 April 2011 - 05:33 PM.


يا رب عفوك ورضاك


#8 abdulmuttaleb

abdulmuttaleb

    Advanced Member

  • Members
  • PipPipPipPipPip
  • 572 مشاركة
  • النوع:ذكر
  • المكان:Egypt

تاريخ المشاركة 18 April 2011 - 03:00 PM

آسف للإزعاج دي هي الصفحة المخصصة للوظائف ونصائح التوظيف والموارد البشرية، حيث خصصت صفحة الفيسبوك الرئيسية فقط لأنشطة المكتب الاستشاري "الافتراضي=أونلاين"
الصفحة الجديدة عنوانها مثل عنوان المدونة
Job Seeker
باحث عن رزق حلال
http://www.facebook....218587138157896

---
مواقع التوظيف

1*موقع الغرفة التجارية الأمريكية في مصر:
http://www.amcham.or.../search_vac.asp
اضغط على Search لتتصفح الوظائف اليومية التي تعلن عنها شركات كبيرة.
اضغط على الوظيفة المختارة لتتعرف على تفاصيلها بما في ذلك الايميل الذي يفترض أن ترسل لهCV.

2*CareerMidEast.Com :
http://www.careermid.../JobSearch.aspx
اختر الدولة التي ترغب في البحث عن وظائف داخلها (مصر).
اضغط زر (Search).
بعض الوظائف تتطلب التسجيل في الموقع وتحميل الـCV (التسجيل والتحميل مجانا).

3*جروبات الفيسبوك والمدونات الإرشادية:
اهتم بالاشتراك في أهم صفحات الفيسبوك الخاصة بالتوظيف ونصائح الموارد البشرية مثل:
صفحة باحث عن رزق حلال Job Seeker
http://www.facebook....218587138157896
صفحة بشر للتوظيف
وظيفة في مصر
مع متابعة مدونات مثل مدونة باحث عن رزق حلال(Job Seeker).

4*مقهى الصيادلة (مجموعة ياهو):
http://health.groups...rmacists_coffee
تستهدف بشكل رئيسي خريجي كليات الطب والصيدلة والطب البيطري.
تنشر إعلانات الوظائف المرتبطة بالمجال الطبي والتي تنشرها صحيفة أهرام الجمعة.
يمكن الاشتراك مجانا بإرسال رسالة إلى Pharmacists_coffee-subscribe@yahoogroups.com


5* Bayt.Com:
http://www.bayt.com/...countries/Egypt
يستهدف بشكل رئيسي الباحثين عن عمل ممن تجاوزت خبراتهم العملية 4سنوات.
يمكن البحث عن وظائف خارج مصر كذلك.

6* مواقع الشركات:
ابحث عن الشركات الكبرى في مجال تخصصك. إذا كنت خريجا من كلية الهندسة، فابحث عن مواقع
Vodafone, Orascom, ITWorx, TEData, Mantrac, Biomedical & Maritime Equipments, Huwawei, NetSignature, Alcatel, Microsoft, IBM & Orange
وقدم للوظائف عبر المواقع الخاصة بتلك الشركات، وهذه الشركات يمكنك الوصول إليها إذا حصلت على دليل المعارض المتخصصة، فمهندس الاتصالات سيجد عشرات الشركات في دليل معرض القاهرة للاتصالات والمعلومات السنوي Cairo ICT حيثُ يمكنه بسهولة التقديم للوظائف الشاغرة بها.
بعض هذه الشركات الكبرى تعرض قائمة بأحدث الوظائف الشاغرة لديها، وبالتالي وباستخدام اسم وكلمة السر الخاصة بك يمكنك بكل سهولة التقديم لتلك الوظائف.

بعض الشركات الكبرى تكتفي بكتابة ايميل الموارد البشرية، لذا أرسل إليهم الـCV مع CoverLetterمناسبة توضح رغبتك في المشاركة في فريق عمل الشركة. لا تنس متابعة طلبك بالهاتف مع الشركة.

7*مكاتب التوظيف واستشارات الموارد البشرية:
لا تكتفي بإرسال CV فقط! بعد إرسال CV بادر فورا بالاتصال بالمكتب طالبا مقابلة، أو اطلب متابعة ملفك. بعض مكاتب الموارد البشرية لديها موقع الكتروني ولكنها أيضا تدعوك لمقابلة شخصية برفقة أوراقك الرسمية.

8* عدد أهرام الجمعة:
مناسبة جدا للبحث عن الفرص وعروض التدريب والمنح الدراسية.

9* موقع شغلانتي:
يتضمن نشرا لإعلانات أهرام الجمعة مع صورة فوتوغرافية للإعلان:
http://shoghlanty.moheet.com/

10* دليل الأعمال:
عدد من الشركات الجيدة ليست متعددة الجنسيات، ولكنها تقدم رواتب مجزية ومزايا رائعة والأهم: فرصا وظيفية رائدة. يمكنك البحث عن هذه الشركات بتصفح مواقع دليل الأعمال YellowPages أو غرف التجارة. أيضا، يمكنك البحث في Google وتويتر عن صناعة معينة investment brokers EGYPT أو web designer
جرب مثلا البحث في قاعدة بيانات شركات نظم المعلومات المصرية:
https://login.itida....mpleSearch.aspx

11* غرفة التجارة الألمانية في مصر:
http://www.metrace.com/default.asp

12* الوسيط:
http://ww1.ewaseet.c...p?country_id=EG

13* مجلة (The Employer) :
http://the-employer.net

14* موقع وظائف:
www.wzayef.com

15* مدونة وظيفتي:
http://wazafty.blogspot.com/



قائمة مكاتب الموارد البشرية في مصر

(معظم هذه المكاتب يشترط مقابلة شخصية بعد إرسال CV)
يمكنك استخدام Google للبحث عن مكاتب أكثر

1*القاهرة:
http://www.multi-skills.com
http://www.thejobmasters.com
http://www.peopleplusonline.com/
http://www.dealshr.com/
http://www.topbusiness.com.eg
http://www.jobalertegypt.com/
http://www.premieregypt.com
http://www.businesspowereg.com/
http://www.afbconsulting.net (متخصصون في وظائف الحسابات والتمويل)
www.quick-egypt.com
NewEgyptHR@Gmail.com (أرسل ملف السيرة الذاتيةCV)


2*الإسكندرية:
www.jobnile.com
www.targetdHR.com

تم التعديل بواسطة abdulmuttaleb, 18 April 2011 - 03:03 PM.

  • hOuSsAm, Om Zayd و jasmin hamed معجبون بهذا

يا رب عفوك ورضاك


#9 Om Zayd

Om Zayd

    Super Member

  • Members
  • PipPipPipPipPipPip
  • 2535 مشاركة
  • النوع:أنثى

تاريخ المشاركة 06 May 2011 - 05:01 AM

السلام عليكم و رحمة الله و بركاته

موقع سمعت عنه في البي بي سي

http://kareerak.com/

و ربنا ييسر لنا جميعا الرزق الواسع الحلال و يبارك لنا فيه


#10 abdulmuttaleb

abdulmuttaleb

    Advanced Member

  • Members
  • PipPipPipPipPip
  • 572 مشاركة
  • النوع:ذكر
  • المكان:Egypt

تاريخ المشاركة 13 August 2011 - 01:40 PM

السلام عليكم و رحمة الله و بركاته

موقع سمعت عنه في البي بي سي

http://kareerak.com/

و ربنا ييسر لنا جميعا الرزق الواسع الحلال و يبارك لنا فيه


وعليكم السلام ورحمة الله

موقع رائع جزاك الله خيرا

يا رب عفوك ورضاك


#11 mickky

mickky

    Junior Member

  • Members
  • PipPip
  • 38 مشاركة

تاريخ المشاركة 13 August 2011 - 03:09 PM

عزل المشير ده حقيقى
يا طير يا عالى فى السما طز فيك
ماتفتكرشى ربنا مصطفيك
برضك بتاكل دود وللطين تعود
تمص فيه يا حلو ويمص فيك

#12 mickky

mickky

    Junior Member

  • Members
  • PipPip
  • 38 مشاركة

تاريخ المشاركة 13 August 2011 - 03:10 PM

مش عارف ليه مش مصدق
يا طير يا عالى فى السما طز فيك
ماتفتكرشى ربنا مصطفيك
برضك بتاكل دود وللطين تعود
تمص فيه يا حلو ويمص فيك




0 عضو (أعضاء) يشاهدون هذا الموضوع

0 الأعضاء, 0 الزوار, 0 مجهولين


زار هذا الموضوع 78 عضو


    , , , , , , , , , م تيمور المراغي, أمل حياتي, abdulmuttaleb, adrianocrespo, أبو محمد, أبوعمار, محمد مطاوع, aimen, akramgroup, Alattar, Alrefaey, Alshiekh, مروان, مسافر زاده الخيال, أسد, مصطفى يونس, arkan, مهندس ابو يوسف, موعود, لونا, ام داليا, الباشمهندس ياسر, امير مجروح, الجعيدى, capitshino, ابراهيم عبد العزيز, Damo, Diab, egyptawy, engmido, ترنيم, برنس الشرق, ErinnMackie, fatfouta, Handasah, Hend Ali, herohero, hOuSsAm, jasmin hamed, kazabaza, kelkholy, mahmoh, marselia, masraweya, masrymasry, mekkawy, Melhakim, mezo, mickky, Mr MAGED, MrASaif, mustafagamiel, Nileman, سامح بيه, Om Zayd, ozoozo, ProgrammerEgypt, raouf, rewsha, se_ Elsyed, shiko, عبدالحميد ابراهيم, عبير الشرقاوي, غريب الخبر, عطر الجنة, waaaf, WAEL AHMED, wahed_masry, قاهريه