إنتقال للمحتوى


صورة

ماهو افضل محضر طعام ؟؟؟


  • من فضلك قم بتسجيل الدخول للرد
13 رد (ردود) على هذا الموضوع

#1 aimen

aimen

    Super Member

  • Members
  • PipPipPipPipPipPip
  • 3297 مشاركة
  • النوع:ذكر

تاريخ المشاركة 21 June 2010 - 06:56 PM

اخوكم تايه وبيتعرض لمحاولة استغلال من بعض الزملاء

الفكرة انى يفترض اشترى محضر طعام
food processor - kitchen machine او خلاط وغيره

سؤالى ايها افضل شراء كل حاجه منفصلة - خلاط - مفرمة - عجانه

ام اشترى حاجه فيها الكل ؟

وما افضل نوع وايه سر الفرق فى السعر بين مولينكس وكينوود وفليبس
فى هايبر بنده لقيت كينود وفليبس فى حدود 380 ريال
ومولينكس فى البطحاء عند بغلف 650 ( طبعا مش عارف 32 وظيفة )

ايه موضوع الوظائف ده ؟
وهل الكل يستخدم فى المطبخ فعليا ولا مجرد اكسسورات وخلاص
زى حبيب الكل النيش ( انا بكرهه )

اى مساعدة

صورة

صورة



#2 صافى

صافى

    Advanced Member

  • Members
  • PipPipPipPipPip
  • 257 مشاركة
  • النوع:أنثى
  • المكان:مصر و جدة
  • الإهتمامات:الرسم والاشغال اليدوية

تاريخ المشاركة 21 June 2010 - 07:17 PM

اخوكم تايه وبيتعرض لمحاولة استغلال من بعض الزملاء

الفكرة انى يفترض اشترى محضر طعام
food processor - kitchen machine او خلاط وغيره

سؤالى ايها افضل شراء كل حاجه منفصلة - خلاط - مفرمة - عجانه

ام اشترى حاجه فيها الكل ؟

وما افضل نوع وايه سر الفرق فى السعر بين مولينكس وكينوود وفليبس
فى هايبر بنده لقيت كينود وفليبس فى حدود 380 ريال
ومولينكس فى البطحاء عند بغلف 650 ( طبعا مش عارف 32 وظيفة )

ايه موضوع الوظائف ده ؟
وهل الكل يستخدم فى المطبخ فعليا ولا مجرد اكسسورات وخلاص
زى حبيب الكل النيش ( انا بكرهه )

اى مساعدة




والهى انا بلنسبة لى افضل شى كامل وبعدين الخلاط او الكيتشن ماشين يعتبرو روح المطبخ وليس اكسسوار وطبعا افضل نوع مولينكسوالوظائف معناها مفرمة ومطحنة ومعصره واشياء كتير تهم ست البيت لكن لو لوحدك ويدوب هتعمل شوية مكرونة يبقى خلاط وخلاصوبلتوفيق
عفا اللة عما سلف

#3 رضوي

رضوي

    Super Member

  • Members
  • PipPipPipPipPipPip
  • 1877 مشاركة
  • النوع:أنثى

تاريخ المشاركة 21 June 2010 - 07:33 PM

السلام عليكم ورحمة الله وبركاته

اعتقد ان افضل نوعين هما المونوليكس ...... والبراون

وطبعاً دة حسب الاستعمال ........ يعني لو استعمال حضرتك كبير وهتستخدمه في التقطيع والبشر والفرم والضرب .....الخ

يبقي اكيد طبعاً الكيتشن ماشين كامل هيفيدك جداً ........ لأنه فيه كل الوظائف اللي ممكن تحتاجها وموش هتبقي ديكور ولا حاجة

أما لو استعمل حضرتك بسيط ...... يعني مجرد عصر وفرم مثلاً

يبقي تجيب خلاط عادي وكبة عادية ....... علي اد استعمالك يعني

أفضل النوعين السابقين علي ما أعتقد هو البراون ............. صناعته المانية ونضيف جداً

وفيه كل الامكانات اللي ممكن تحتاجها


سعره هنا في مصر ......... حوالي الف جنيه
معرفش سعره خارج مصر بصراحة

وربنا يوفقك ان شاء الله

اللهم إرزقني بفرحة ... تجعلني أسجد لك باكية .



#4 لونا

لونا

    Advanced Member

  • Members
  • PipPipPipPipPip
  • 1269 مشاركة
  • النوع:أنثى
  • المكان:أرض الله
  • الإهتمامات:القراءة

تاريخ المشاركة 21 June 2010 - 07:57 PM

لو لأسرة يبقى الfood processor هيكون مفيد

و البراون طبعاً ماركة لا يعلى عليها .. و تعيش معاك العمر

و باقي الماركات المعروفة بعد كدة تيجي في مرتبة واحدة


لو حضرتك ما إشتريتش أي أجهزة للمطبخ قبل كدة

روح إتفرج على كينوود kitchen machine.. أو بمعنى أصح خلي المدام تتفرج .. يجنن

فيه كل أجهزة المطبخ .. في جهاز واحد

و ممكن إضافة أجهزة أخرى زي المفرمة و ماكينة المكرونة

و كله بسعره طبعاً .. يبدأ من 1700 ريال و يصل إلى 3000 ريال :cry1: حسب الأجهزة اللي عايز تضيفها

لو حضرتك في الرياض في محل لا أذكر إسمه الحقيقة .. موجود أمام هيبر بندة اللي في الرياض جاليري

يعرض أجهزة كينوود .. و عامل فيديو بيعرضه على شاشة في المحل عن كل الإستخدامات

ممكن تتفرج عليه من باب العلم بالشيء ..

فيه حاجة صغيرة.. أنا ما جبتش الكينوود و ما أعرفش حد إستعمله .. بس لو ما كنتش جبت أجهزة المطبخ من قبل كدة ..كنت فكرت .. فكرت أجيبه :cry1:

ربنا آتنا في الدنيا حسنة .. و في الآخرة حسنة .. و قنا عذاب النار

.. يا رب ..
احفظ مصر و المصريين


#5 engmido

engmido

    Super Member

  • Members
  • PipPipPipPipPipPip
  • 1883 مشاركة
  • النوع:ذكر
  • المكان:مصر

تاريخ المشاركة 22 June 2010 - 06:41 AM

منتظرين مشاركة مدام ضحى .حجة المحاورات
﴿ قال رسول الله صلى الله عليه وسلم
كلمتان خفيفتان على اللسان ثقيلتان فى الميزان حبيبتان الى الرحمن


صورة

صورة

#6 بركة

بركة

    Advanced Member

  • Members
  • PipPipPipPipPip
  • 977 مشاركة
  • النوع:أنثى
  • المكان:مصرية في جدة

تاريخ المشاركة 22 June 2010 - 08:07 AM

الكينوود ممتازة عندي منها كذا حاجة

عامة الأسرة لما بتبقى لسه صغيرة مش هتحتاجو الكيتشن ماشين الكبيرة بل بالعكس

الاجهزة المنفصلة بتبقى افضل

بس اللي على بعضها بتبقى احسن لو الزوجة بتحب تعمل الحاجة بكمية وتشيل في الفريزر

عشان تريح نفسها أو موظفة أو الاسرة كبيرة ماشاء الله ..

وهنادي لكم ضحى بردو :lol:
قال الله تعالى في حديث قدسي

( أنا عند ظن عبدي بي فليظن بي ما شاء........... )

نستطيع تغيير حياتنا بهذا الحديث من الان

مع الأخذ بالأسباب............

#7 pink rose

pink rose

    Super Member

  • Members
  • PipPipPipPipPipPip
  • 4625 مشاركة
  • النوع:أنثى

تاريخ المشاركة 23 June 2010 - 01:15 AM

صورة


شايفين دي؟ هي دي اللي هاتطلع عيني عليها و ان شاء الله ناوية اجيبها

و فيها مفرمة كمان

تحفة تحفة تحفة بجد

انا حاليا عندي دي

صورة

و ضحى عندها اختها كانت كتبت كده هنا مرة قبل كده

#8 Dr ammar

Dr ammar

    new Member

  • Members
  • Pip
  • 23 مشاركة

تاريخ المشاركة 23 June 2010 - 11:46 AM

:cheer: الكينوود مميز في اجهزة المطبخ وله مميزات عديدة

#9 مسافر

مسافر

    Advanced Member

  • Members
  • PipPipPipPipPip
  • 607 مشاركة

تاريخ المشاركة 23 June 2010 - 12:56 PM

:cheer: الكينوود مميز في اجهزة المطبخ وله مميزات عديدة


أولا عند شراء الاجهزة الكهربائية يجب مراعاة الاتي

هناك أجهزة تستخدم بكثرة واخرى بقلة فالترتيب عندي كالاتي
1 الخلاط
2 الكبة
3 العصارة
4 المضرب
5 العجانة
6 المفرمة
7 القطاعات المختلفة

ثانيا ما سبق يعني أن هناك أجهزة يكون عمرها أقل من أجهزة أخرى نظرا للاستهلاك

فاثناء الحياة الزوجية ممكن تبدل الخلاط كل سنتين اوثلاثة وكذلك المضرب

اما الكبة ممكن خمس سنين

ثالثا ممكن تشتري محضر طعام كبير ثم تفاجأ في بداية حياتك الزوجية المسخدم هو الخلاط فقط

رابعا محضر الطعام غالبا يكون موتور واحد ذو قدرة عالية ويحرك الادوات عن طريق سيور

خامسا عند احتياجك لصينة أي جزء تأخذه غالي أو قطعة غيار

سادسا نصحيتي هي شراء كبة وخلاط فقط وأرشح كينود ومشكلته انقطاع السير بعد سنتين

وتمنه في مصر 60 جنيه وممكن تركبه بنفسك

بعد ذلك حاول بقية الاجزة تبقى منفصلة كل جهاز بمتوره

الاخت ريمو العجانة اللي نفسك فيها بتتبع في الامارات من غير المفرمة أرجو التأكد
عائد أنا من حيث أتيت ....
عائد أنا لمسجدي .....
عائد إلى الصلاة والركوع والسجود .....
عائد إلى الطريق خلف أحمد الرسول .....
عرفت قصة الطريق كلها وعائد أنا برغمها

#10 اغابي

اغابي

    Super Member

  • Members
  • PipPipPipPipPipPip
  • 6321 مشاركة
  • النوع:أنثى
  • المكان:بحبك اوى يا مصر

تاريخ المشاركة 23 June 2010 - 01:04 PM


KENWOOD

على الاطلاق - هو الافضل


http://www.kenwoodworld.com/uk/



اغابي
:cheer:

تم التعديل بواسطة اغابي, 23 June 2010 - 01:07 PM.

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط
نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم


فرسـان العالـم الحقيقيـون . . هــم شعــوب الارض


#11 doha

doha

    Super Member

  • Members
  • PipPipPipPipPipPip
  • 3241 مشاركة
  • النوع:أنثى
  • المكان:مصر

تاريخ المشاركة 24 June 2010 - 02:43 PM

طيب ياجماعه انا سبت حتتين الغسيل الي في ايدي والعيال الي بتعيط والقط الي عاوز يرضع ( ايوه متستغربوش مهو انا اشتريت من حلالي علة ورحت جبت لبنتي قط بيصحيني كل يوم الفجر عشان اكله ومباكلش غير اناوله الاكل في بقه ربنا يسامحه )


سبت ده كله وجيت جري بعد ماسمعت نداء الاستغاثة من بركه ..


ماسبق كان هلالا لابد منه ..


بص ياسيدي انا عندي البراون الي حطتها ريمو ماشاء الله بقالها من يوم ماتجوزت وبستخدمها تقريبا كل يوم .. ممتازه ولا يعلى عليها .. وكذلك والدتي عندها منها من زمان مشتكيناش منها ابدا ..

سعرها في مصر الف وشويه بس سعرها في السعوديه اقل بكتير فاعتقد انها استثمار ممتاز لو عاوز تشتريها ..

الملحقات بتبقى اضافية يعني مبتحتاجهاش اوي وتشمل قطاعة بطاطس شيبس او مبشرة كمان ممكن يحط لك عصارة برتقال او عصارة جزر .. بتاعتي كانت جايه بكل الملحقات لكن محسيتش باهمية الملحقات دي اوي يعني لو حاسس الفرق كبير في السعر مابين الي بالمحلقات والي من غير هات من غير ملهاش اهمية اوي ..

كذلك الحلة الثانية فيها الي شكل الخلاط دي مستفدتش منها .. هي مش خلاط ولكن تقدر تقول مفرمه للكميات الصغيره .. لو اشتريت ممكن تشتري البراون الي جايه بحلة وحده واستفيد من الفرق في شراء خلاط حقيقي من الكبير ده .. لاغنى عنه لان الفود بروسيسور لا تقوم مقام الخلاط بشكل كامل هي مفرمه اكتر منها حاجه تانيه ..

ارشح لك خلاط براون برضه وده هتلاقي سعره في حدود 300 ريال .. ممكن تجيب خلاط بكأس زجاجي او تجيب عمود خلط براون برضه .. الاثنين هيؤدوا نفس الغرض

لو مفيش امكانية تجيب خلاط وفود بروسيسور يبقى هات الاخيرة كفايه هي اهم من الخلاط والى حد ما ممكن تغنيك عنه ..


بالنسبة للكينوود فلا انصحك بيها نهائيا تجاربي معاها سيئة معرفش بحس ان اسوأ ماركتين في الاجهزه الكهربائية هي الكينوود ثم الفيليبس .. بحس ان اجهزتهم ضعيفه ومش عمليه في الاستخدام حتى هتلاحظ كمان اسعارها اقل من البراون الي تعتبر قمه في الاجهزه المنزلية ..


عن نفسي وبرغم القناعه السابقة كنت هموت واجيب عجانة كينوود .. طبعا منعني سعرها الي واصل لـ 3000 ريال !!

كنت بقنع نفسي ان العجانة استثناء من مستويات كينوود المعروفه بدليل انتشارها في التلفزيون بالشكل الكثيف الي بنشوفه في كل برامج الطبخ .. بعدين انتبهت لحقيقة هامه جدا انها بتظهر ف البرامج دي على هيئة اعلان مدفوع الاجر .. يعني ميغركش انهم بيستخدموها ممكن جدا تكون فشنك زي بقية اخواتها ..

بالمناسبة العجانة التانية المشهورة اوي في برامج الطبخ هي كتشن ايد والي جربوها بيقولوا هي افضل من الكينوود ..


طبعا انا بقولك الكلام ده كله بناء على خبرة اكتر من 25 سنة حيث ان والدتي مدمنة اجهزه كهربائية بمعنى الكلمه وطوال عمرها تشتري اي جهاز يظهر جديد في السوق واحا نجرب فيه براحتنا وياما خربنا اجهزه وياما عمرت معانا اجهزه تانيه برضه ..

الخلاصة .. اشتري فود بروسيسور براون بوعاء واحد وخلاط براون ولو امكن هات مضرب بيض من الي بيتمسك في الايد مولينكس .. وبس

..إذا دعتك قدرتك على ظلم الناس فتذكر قدرة الله عليك ..


#12 tahereyad

tahereyad

    Full Member

  • Members
  • PipPipPipPip
  • 174 مشاركة
  • النوع:ذكر
  • المكان:بعد العودة الحمد لله,,, مصر - 6 أكتوبر

تاريخ المشاركة 25 June 2010 - 03:39 PM

السنة اللي فاتت كنت باشتري محضرة طعام لأختي اللي علي وش جواز,, و سألت فالسوق و أصحاب الخبرة و كلهم فعلا اتحدوا علي رأي واحد و هو البراون الكومبي ماكس 700,, و فعلا اشتريتها السنة اللي فاتت بحوالي 550 ريال,, و سألت عليها في مصر لقيتها بألف جند,,, و هي علي فكر تصنيع مجري و مافيش منها ألماني؟؟؟!!!

السنة دي المودام أصرت اننا نجيب كيتشن ماشين علي بعضها,, مع اني عندي كل حاجة بس لوحدها,,, و حبينا نجيب حاجة مختلفة,,,و بعد لف كتير و سؤال برضه,, اجتمعت الآراء علي المولينيكس ال 34 وظيفة,,, و اقل سعر شوفناه ب 790 ريال,, في أقل منها ال33 وظيفة بالمفرمة,, و ال29 وظيفة ال2لتر و كلهم صناعة فرنساوي وممتازين

بالنوسبة لباقي الأنواع الفيليبس و الكينوود مش كويسين خالص و كلهم صناعة صيني, حتي الغالي منهم بيوصل 1600 و برضه تصنيع صيني, و بالذات الكينوود ابعد عنها لأن أعطالها كتير و قطع غيارها مش متوفرة
ســـــــــــالمة يا سلامة روحنا و جينا بالسلامة

#13 pink rose

pink rose

    Super Member

  • Members
  • PipPipPipPipPipPip
  • 4625 مشاركة
  • النوع:أنثى

تاريخ المشاركة 29 June 2010 - 12:32 PM

صورة


مريم بنتي لو شافت الكيتشن ايد دا مش هانخلص من زنها عشان نجيبه مش لحاجه غير لانه لونه بينك :lol:

#14 kitkat

kitkat

    Advanced Member

  • Members
  • PipPipPipPipPip
  • 349 مشاركة
  • النوع:ذكر
  • المكان:Tabuk-KSA

تاريخ المشاركة 30 June 2010 - 09:33 PM

البطحا دي عاملة زي العتبة خلي بالك

خليك في المحلات النضيفة اكسترا وبست والكترو

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "
(88) :: سورة الانبياء



Half Turkish
Half Egyptian

Proud to be both :)




1 عضو (أعضاء) يشاهدون هذا الموضوع

0 الأعضاء, 1 الزوار, 0 مجهولين


زار هذا الموضوع 6 عضو


    , محمد العقلي, aimen, المهندسه, capitshino, Samar fathi