إنتقال للمحتوى


صورة

ايه رايكم فى سيراميكا الامراء وفينيسيا


  • من فضلك قم بتسجيل الدخول للرد
8 رد (ردود) على هذا الموضوع

#1 moataz

moataz

    Junior Member

  • Members
  • PipPip
  • 42 مشاركة

تاريخ المشاركة 14 June 2010 - 01:40 AM

يا ريت يا جماعه لو حد جرب اى نوع فيهم يقولى رايه..

#2 fatfouta

fatfouta

    Super Member

  • Members
  • PipPipPipPipPipPip
  • 8372 مشاركة
  • النوع:أنثى

شريط الأوسمة:

الأعضاء الحاصلين على أوسمة

تاريخ المشاركة 14 June 2010 - 09:48 AM

حضرتك قصدك على سيراميكا الامير مش الامراء صح؟

عموما فينيسيا مش كويس قوى احسنهم كيلو باترا والجوهرة برضو بس الجوهرة اسعاره غالية كمان عن كيلوباترا

انما فينيسيا لما كنا بنتفرج عليه حسيت انه عامل ذى الفرز التانى ولما تشوف الاعلان فى التليفزيون غير لما تشوفها عالطبيعة خالص

انما الامير معرفش بصراحة ماشوفتوش

#3 moataz

moataz

    Junior Member

  • Members
  • PipPip
  • 42 مشاركة

تاريخ المشاركة 14 June 2010 - 11:11 AM

بالنسبه للسيراميك اقصد الامراء بس سمعت من بعض الناس انه بيشرب مياه كثير وبتبان عليه فمش عارف مدى صحة الكلام ده والف شكر لرد حضرتك جزاءاك الله كل خير ..

#4 اغابي

اغابي

    Super Member

  • Members
  • PipPipPipPipPipPip
  • 6321 مشاركة
  • النوع:أنثى
  • المكان:بحبك اوى يا مصر

تاريخ المشاركة 14 June 2010 - 01:10 PM

بصـــراحة انا مركبة فى شقتى اللى فى مصر سيراميك كيلوباترا

بس انا اسمع ان فى حالة البديل عن كيلوباتر ممكن سيراميك الامير وبيقولوا اسعاره ممتازة
دى المعلومة اللى قابلتنى وقت ما كنت بعمل انقلاب لشقتى الصيف اللى فات

هو كيلوباتر غالى جدا - الحمام بس كلفنى 7 الاف ج - داه غير باقى ارضيات الشقة كلها والغرف و المطبخ - فغالى اوى

بصراحة نسفت الشقة كلها مش بس الحمام - وانا عندى شقتى مساحتها كبيرة
(( 5 غرف وصالة كبيرة جدا وبلكونيتين ومطبخ وحمام )) او تقدر تعتبرهم شقتين فى بعض

فالكل اقترح عليا انى استبدل سيراميك كيلوباترا بسيراميك الامير لان سعره كويس
وبكدا حاوفر ونوعيته ممتازة لكن انا بصراحة كان حظى سيراميك كيلوباترا .. بس سيراميك كيلوباترا تحفة بجد . .


دي معلوماتى


اغابي

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط
نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم


فرسـان العالـم الحقيقيـون . . هــم شعــوب الارض


#5 moataz

moataz

    Junior Member

  • Members
  • PipPip
  • 42 مشاركة

تاريخ المشاركة 14 June 2010 - 03:50 PM

عندك حق اختى العزيزه اغابي كليوباترا والجوهره اعلى حاجه فى السوق بس للاسف انا ميزانيتى محدوده فعاوز اجيب حاجه رخيصه او سعرها معقول وفى نفس الوقت جودتها كويسه والانواع بره فى السوق كثير اوى تخلى الواحد يختار عموما الف شكر على ردك جزاءاكى الله كل خير ...

#6 fatfouta

fatfouta

    Super Member

  • Members
  • PipPipPipPipPipPip
  • 8372 مشاركة
  • النوع:أنثى

شريط الأوسمة:

الأعضاء الحاصلين على أوسمة

تاريخ المشاركة 14 June 2010 - 04:13 PM

انا هقولك حاجة يا معتز يا خويا طالما ميزانيتك على ادك انت ساكن فين القاهرة ولا فين؟؟

لو فى القاهرة عندك اسواق كتير للسيراميك بتبيع الفرز التانى وبيبقى والله فيه حاجات مش بتفرقها عن الفرز الاول

اولا فى سوق اسمه سوق التونسى مش عارفة فى السيدة عائشة تقريبا قرب البساتين كده هتلاقى فيه اشكال كتييييييرة وانواع كتيرة وحاجات حاوة برضو

وفيه سوق تانى فى امبابة برضو نفس الكلام بس بلاش ده عشان اللى فيه على اد ماهو رخيص بس مش هتستريح له

وعليك وعالفجالة ولما تروح هناك بلاش تدخل المعارض الكبيرة بتاعة سيراميكا كيلوباترا والجوهرة فيه معارض تانية بيبقى فيها انواع كويسة وارخص كتير والله بس جرب

وان عن نفسى ارشحلك الفجالة انضف حاجة وهتلاقى انواع كتير قوى وماتستعجلش هناك لما تروح وتجيب من اول حاجة تقابلك لانك هتلاقى الاسعار بتتفاوت والاشكال كتيرة

جرب كل الاسواق دى واعملك لفة عليها كده وان شاء الله ربنا يوفقك وتلاقى اللى انت عاوزه

بالتوفيق يارب

#7 مهندس ابو يوسف

مهندس ابو يوسف

    Advanced Member

  • Members
  • PipPipPipPipPip
  • 970 مشاركة
  • النوع:ذكر
  • المكان:مصر

تاريخ المشاركة 14 June 2010 - 09:10 PM

عندك حق اختى العزيزه اغابي كليوباترا والجوهره اعلى حاجه فى السوق بس للاسف انا ميزانيتى محدوده فعاوز اجيب حاجه رخيصه او سعرها معقول وفى نفس الوقت جودتها كويسه والانواع بره فى السوق كثير اوى تخلى الواحد يختار عموما الف شكر على ردك جزاءاكى الله كل خير ...



اخي العزيز:
في في سيراميك كليوبترا يتراوح سعره من 25الى 30ج وفي التخفيضات والمعارض بينزل كمان عن كده
كليوبترا سيراميك عالى الجوده وهو والجوهره وبعديها رويال اذواقه عاليه جدا واسعاره معقوله
واللي مايعجبك سعره هاته فرز تاني مش بيفرق ف الجوده خالص ولا في المقاس
ومش بيبان انه فرز تاني الا لو واحد تمحص وفكر وعنده خبره طويله بانواع السيراميك
اما بالنسبه لباقي الانواع ماشي حالها نظام يعني لو عايز بعد كم سنه تغير
وفي فعلا مناطق بتبيع سيراميك رخيص زي ماتفضلت الاخت فتوفوته
والراي الاول والاخير ليك
بس حاسب المناطق ده يكون الخم ( الضحك ع الزبون ) فيها كبير
لازم تكون مصحصح ليهم وعينك في وسط راسك
وتفتح جميع الكراتيين
لو عايز تشتري دماغك عليك بالمعارض الكبيره لانها بتحافظ ع سمعتها

تحياتي
مهندس ابو يوسف

#8 moataz

moataz

    Junior Member

  • Members
  • PipPip
  • 42 مشاركة

تاريخ المشاركة 14 June 2010 - 09:26 PM

اشكرك اختى العزيزه fatfouta واخى العزيز مهندس ابو يوسف على نصائحكم الغاليه جزاءاكم الله كل خير ......

انا ساكن ناحية ميدان لبنان وسوق امبابه قريب منى لاحظت فيه كذا محل مكتوب عليهم موزع معتمد لسيراميك رويال مثلا وهكذا ايه رايكم المحلات ده تبقى مضمونه طالما مكتوب عليها موزع معتمد ولا مش شرط ...

#9 shiko

shiko

    Super Member

  • Members
  • PipPipPipPipPipPip
  • 2238 مشاركة
  • النوع:أنثى
  • المكان:فى قلب البلد ...
  • الإهتمامات:الالـهام ***الامـــــــــانى***الاسكـواش
    السـفـر *** الاطلاع *** الانترنت

تاريخ المشاركة 14 June 2010 - 09:56 PM

اشكرك اختى العزيزه fatfouta واخى العزيز مهندس ابو يوسف على نصائحكم الغاليه جزاءاكم الله كل خير ......

انا ساكن ناحية ميدان لبنان وسوق امبابه قريب منى لاحظت فيه كذا محل مكتوب عليهم موزع معتمد لسيراميك رويال مثلا وهكذا ايه رايكم المحلات ده تبقى مضمونه طالما مكتوب عليها موزع معتمد ولا مش شرط ...



مصانع سيراميكا كليو باترا فى العاشر من رمضان بتبيع بسعر تجارى ..
تقدر حضرتك تروح وهايبعتوك تستلم من المخازن ..بسعر الجملة ..
بس خلى بالك النقل مكلف فى الحالة دى وممكن فرق السعر ...يغطيه تكلفة النقل ...
ده طبعا على حسب الكمية ..والاذواق اللى هاتخترها ...بس عموما هاتفرق مع حضرتك لما تختار فرز تانى او تالت فى السعر حوالى 50% عن اسعار المعارض
وحاول فى الاول تستقر على موديل معين ...فى سيراميكا كليو باترا وادينى رقمه والكمية المطلوبه وانا هاحاول اساعدك واجابلك سعره فى المصنع كام ؟؟

تم التعديل بواسطة shiko, 14 June 2010 - 10:01 PM.

صورة





0 عضو (أعضاء) يشاهدون هذا الموضوع

0 الأعضاء, 0 الزوار, 0 مجهولين


زار هذا الموضوع 3 عضو


    nana, s s s, xlove

Free counter and web stats