ام نور محمود

اشكرك بشدة على سرعة الرد جزاك الله الف خير

الاخ الفاضل والله انا مارضيتيش ابعت لحضرتك رسالة لاني صدعتك كتير اليومين اللي فاتوا بس حضرتك كالعادة بتطمني بردودك الطيبة ربنا يريح بالك ويصلح لك الحال اللهم امين حضرتك متأكد ان تجديد الاقامة لا يتطلب جواز سفر ساري ؟ بالنسبة لجواز سفري انا والاولاد مفيش مشكله فاضل فيه سنتين لكن جواز سفر زوجي هاينتهي وهو جدده مسبقا لمده سنتين يعني مفيش تجديد تاني ولازم الجواز المميكن وده بيطلع في مده طويله اوي وهايعطلني ويلخبطلي الدنيا معلش بغلس على حضرتك بس الله يخليك تأكدلي على المعلومة دي لاني سألت في منتدى عن الورق المطلوب لتجديد الاقامه وكان الرد ان اول حاجة الجواز الساري المفعول اشكرك على كرم اخلاقك

المشكله انهم في السفارة بيقولوا الجواز الورقي ده خلاص مش هايتجدد تاني ولازم تعملوا المميكن بس بيخلص في شهرين ودي المشكله - هايكون الدكتور سافر وشبع سفر شكرا لرد حضرتك

السادة الافاضل هل الاقامة ماينفعش تتجدد الا لو الجواز ساري ؟ وهل ممكن تجديد الجواز الورقي ولو لشهر واحد كاستثناء بدلا من عمل جواز اليكتروني يستغرق شهرين بالتمام والكمال ؟ الحكايه يا سادة اني حجزت عشان انزل اسكندرية لاني محتاجة اعمل عمليتين جراحيتين في اقرب وقت بس تأتي الرياح بما لاتشتهي السفن الاقامة هاتخلص يوم السبت والجواز هايخلص يوم الاربعاء اللي بعد السبت وورق المؤسسة في مكتب العمل لسه هيستلموه السبت يعني احتمال 90% مانلحقش نجدد الاقامة قبل انتهاء الجواز السؤال بأه .. السفارة مش ممكن تعمل استثناء نظرا للظروف الطارئة دي عشان نقدر نجدد الاقامة والحق معاد السفر ومعاد الدكتور قبل مايسافر من اسكندرية ؟ واخيرا ماتحرمونيش من صالح الدعاء

والله ياريهام ملقتش طابع بوسطه فجبت بداله بيبي :) ربنا رزقني بادهم وانت عارفه بأه العيال الزنانه مابتسيبش فرصه لاي حوارات انترنتيه :) والكتاب مش لاقيه بس هادور تاني لان انا كمان بعشق الادب الساخر .. واهو نضحك بدل مانطق سعيده اوي اني اتطمنت عليكي احبك في الله

ريهام العزيزة جدا هفيتي عليا جدا اليومين اللي فاتوا فسجلت دخول ( وانا نادرا ما افعل ) وحاولت اكتبلك على الوول او ابعتلك رساله بس معرفتش .. اوعي تكوني حظرتيني :) المهم فضلت انكش لحد ماعترت فيكي هنا فاستجمعت شجاعتي وعملت حاجة بقالي بتاع سنه معملتهاش وهي اني اكتب رد في المحاورات وكله عشان خاطرك المهم انا داخله اقولك انك في البال وان قلبي بيدعيلك من معاميق قلبه صحيح .. كنت هانسى .. الكتاب شكله مشوق اوي واكيد هادور عليه واقراه في حفظ الله

المخلوقين اللي غنوا الاغنية الكارثية دي اسمائهم على ما اعتقد ولى حسب ماقريت في اول الاغنية ماريا متري و كووووووووووما مش عارفة المعلومات دي كافية لملاحقتهم قضائيا ولا لأ جميل اوي التوبيك يا مغتربة هاروح اقلب في الذكريات المنسية واجي اقولك على اوحش اغنية سمعتها

استاذي الفاضل سين سين عندك حق - انا بطبيعتي قلوقة حبتين - الطبع غلاب انا اقتنعت بان موعد العمليه يبقى اول الاجازة وفعلا الواحد دلوقتي بس انتبه لنقطه سقف التوقعات دي :) اضحك الله سنك وجزاك الله كل خير

استاذي الفاضل عليكم السلام ورحمة الله فعلا انا بسمع الكلام المقلق ده عن وضع اسكندرية والله لو ينفع نأجل كنا اجلنا بس الحالة النفسية لينا ماتستحملش حبسة اكتر من كده وكمان العمليه بتاعة ابو نور مستعجلة فاحنا مضطرين للاسف فعلا بنفكر في السيناريو ده - نبدأ بالعمليه وبعدين نروح اي مكان يمكن الحل يهدى شوية واول مرة افكر في العين السخة - طب حضرتك شايف ان مكاتب السياحة افضل من الرحلات المرتجلة ؟ فعلا احنا على الخطوط السعودية وعملنا عضوية الفرسان وربنا يستر في الوزن جزاك الله الف الف خير

على جنب بأة يا أ/ حسام أنا من أخواتكم اللي في الرياض بس ماعرفش الحاجات دي بتتجاب بأسعار كويسة منين ممكن تقولي؟ انا تحت امرك يالونا شوفي عايزة تشتري ايه وانا ادلك ان شاء الله انا بقالي سنتين هنا بسأل وبستشير وبأه عندي خبرة الحمد لله جزاك الله خيرا

فعلا يامصرية مهم اوي اننا نزور التحرير وشكرا للاخ حسام انه نبهني للنقطة دي بس انتي كده ضحكتي عليا فين خبراتك القيمة في الاجازات والفسح اشكرك على مرورك العطر