فزورة أراهنكم لو حد عرف يحلها

[alone_online]

دى اول مشاركة بالنسبة لى وحبيت تكون هذه المشاركة هنا فى ( دعوة للأبتسام ) وجايب لكم فزورة رخمة فى حلها

ذهب ثلاثة اشخاص لشراء كاسيت وسالوا البائع كم ثمن هنا الكاسيت قال لهم ب 30 جنية دفع كل واحد منهم 10 جنية واخذوا الكاسيت ومشيوا . وعندما جاء صاحب المحل قال للبائع ان ثمن الكاسيت بعد التخفيض اصبح 25 جنية ثم اعطى له 5 جنية ليعيدها الى الثلاثة كويس لحد كده . اخد هذا البائع 2 جنيه لنفسه ( سرقهم يعنى)

ثم اعطى لكل شخص من الثلاثة 1 جنية . كده كل واحد دفع 10 جنية ورجع لة 1 جنيه يعنى كل واحد من الثلاثة دفع 9 جنية صح كده .

يعنى الثلاثة دفعوا 27 جنية .بالاضافة الى 2 جنيه اللى مع البائع يبقى المجموع 29 .يتبقى 1جنيه راح فين ؟؟؟؟

نوضحها تانى بالارقام

10*3 =30 كل واحد دفع 10 جنية

5-2=3 البائع سرق2 جنية

10-1=9 كده كل واحد من الثلاثة دفع 9 جنية

9*3=27 كده كلهم دفعوا 27 جنية

27+2=29 ونحط على 27 جنيه ال2 جنية اللى مع البائع يبقى المجموع 29 طب ازاى ؟؟؟؟؟

ياريت كل واحد يفكر فى حاجة يكتبها علشان نشوف كل واحد فكر فيها ازاى واللى عايز يقول عليها رخمة يقول مش هضايق

[m_alaaelden]

أخي الفاضل هناك خطأ في الحساب وتعالى نراجع العمليه سوياً

الكسيت تم سداد ثمنه 30 جنيه

وصاحب المحل أقر بأن الكسيت بـ 25 جنيه

البائع أحتفظ لنفسه بـ 2 جنيه

هنا أصبح سعر الكسيت 27 جنيه ( بصرف النظر عن السعر الأصلي وما سرقه البائع )

فأصبح كل واحد من الثلاث أصدقاء دفع 9 جنيهات ..

وتم ترجيع مبلغ 3 جنيهات للمشترين

فأنني أرى أن ليس هناك مشكله ..... أليس كذلك ؟

[alone_online]

ازاى لما يحتفظ البائع ب 2 جنية يصبح السعر 27 جنيه

انا عايز اقول ان فى اخر العملية كل واحد من الثلاثة دفع 9 جنية والبائع اخذ 2 جنية

يبقى المجموع 29 وليس 30

برضوا مش فاهم وجهة نظر حضرتك

[shawshank]

ذهب ثلاثة اشخاص لشراء كاسيت وسالوا البائع كم ثمن هنا الكاسيت قال لهم ب 30 جنية دفع كل واحد منهم 10 جنية واخذوا الكاسيت ومشيوا . وعندما جاء صاحب المحل قال للبائع ان ثمن الكاسيت بعد التخفيض اصبح 25 جنية ثم اعطى له 5 جنية ليعيدها الى الثلاثة كويس لحد كده . اخد هذا البائع 2 جنيه لنفسه ( سرقهم يعنى)

ثم اعطى لكل شخص من الثلاثة 1 جنية . كده كل واحد دفع 10 جنية ورجع لة 1 جنيه يعنى كل واحد من الثلاثة دفع 9 جنية صح كده .

يعنى الثلاثة دفعوا 27 جنية .بالاضافة الى 2 جنيه اللى مع البائع يبقى المجموع 29 .يتبقى 1جنيه راح فين ؟؟؟؟

نوضحها تانى بالارقام

10*3 =30 كل واحد دفع 10 جنية

5-2=3 البائع سرق2 جنية

10-1=9 كده كل واحد من الثلاثة دفع 9 جنية

9*3=27 كده كلهم دفعوا 27 جنية

27+2=29 ونحط على 27 جنيه ال2 جنية اللى مع البائع يبقى المجموع 29 طب ازاى ؟؟؟؟؟

الخطأ في تدفق (flow) العملية الحسابية ، انت عملت نص الحساب من اليمين للشمال والنص التاني من الشمال لليمين ... ازاي ؟

من الشمال لليمين : كل واحد دفع 9 جنيه ، يبقى 27 جنيه ، منهم 25 لصاحب المحل و 2 للبائع

من اليمين للشمال : دفعوا 30 جنيه ، منهم 25 راحوا لصاحب المحل + 3 رجعوا + 2 للبائع = 30

حضرتك اللي عملته (باللون الأحمر فوق) جمعت 2 على 27 بدل ما تطرحهم عشان يدّوا 25 عند صاحب المحل . أو بمعنى آخر ، مشيت شوية من الشمال لليمين لحد 27 جنيه (باللون الأخضر) ، وبعدين رحت مكمّل من اليمين للشمال بإضافة 2 (باللون الأزرق) ، فهو ده اللي ممكن يخدع المتلقي .

[DARWEEN]

ازاى لما يحتفظ البائع ب 2 جنية يصبح السعر 27 جنيه

انا عايز اقول ان فى اخر العملية كل واحد من الثلاثة دفع 9 جنية والبائع اخذ 2 جنية

يبقى المجموع 29 وليس 30

برضوا مش فاهم وجهة نظر حضرتك

المسأله ببساطه

أن الـ2 جنيه حصل عليهم البائع من الـ 27 جنيه

يجب عليك طرحهم من المبلغ المدفوع وليس إضافتهم عليه

[badroora]

هلا والله استعينا عالشقى بالله

انا بافكر مع نفسي محدش يركز معايا

الاول كل واحد دفع 10 جنية ورجع لة جنية يبقي = 9 جنية للفرد

والبايع لطش 2 جنية يبقي كالاتى

9+9+9+2=29

يبقي اللغز هنا

هى رجعت كتبت تانى

كده كل واحد دفع 10 جنية ورجع لة 1 جنيه (هنا اللغز يا جماعة)

له دى ضمير عائد عالبايع يعنى تكتب بالهاء وليس بالتاء المربوطة

يبقي يا شباب الحساب كالاتى

كاسيت =25

البائع لطش = 2 جنية فى الاول

وبعدين رجع ليهم 3 جنية ورجعلة جنية بقشيش يعنى

يبقي المجموع

9+9+9=27 + 3 جنية مع البايع 2 جنية كتم عليهم فى الاول وجنية بقشيش بعد مرجع ال3 جنيه = 30 جنية ينطح جنية

اى خدمة

تم تعديل 26 أبريل 2007 بواسطة نجفة المغرورة

[alone_online]

محدش جاب سيره جنية بقشيش خالص

وبعدين الخمسة جنيه كل واحد من الثلاثة اخذ جنيه و البائع اخذ 2 جنيه

جه منين الجنيه بتاع البقشيش

[badroora]

انا اقولك

حضرتك كتبتي كل واحد دفع 10 جنية ورجعله جنية

اقري الجملة كويس

لغز اللعبة فى (((له

انا ضفت بقشيش دى منعندى انسيها يا سيتى ولا تزعلى

الجملة معناها انه

رجع لكل واحد جنية

ورجع له جنية يعنى اخد جنيى تالت

هو دا لغز اللعبة

ولو انا غلط وانا لا ظن حليها انتى

وورينى

كلامى صح ولا غلط

تحياتى

نجفة

[alone_online]

أولا و اهم من الفزوره انا واحد مش واحدة وكل كلامى بيقول انى راجل حتى فى الاول بقول جايب لكم فزورة مش جايبة

ثانيا نرجع للفزورة حتى لو فرضنا ان البائع اخذ جنية بقشيش نحسبها مع بعض كده

بعد ما البائع هياخد بقشيش

الاول معاه 9

الثانى معاه 9

الثالث معاه 8 هنقول ان الثالث هو اللى اعطى البائع الجنية البقشيش

البائع معاه 3

9+9+8+3 =29

[badroora]

سورى انا مخدتش بالى معلش

يا استاذ اللغز هنا فى له

كل واحد بقي معاه 9 وبعدين هو اخد جنية

عموما انا راي ان اللعبة لغزها فى له

لو حضرتك مش عاوز تحقرها وتقول الحل دلوئتى يبقي اوك انا هاستنى لاخر

وهاشوف هتتحل ازاى

بس لو اتحلت زى مانا قولتلك يبقي لي عندك تعويض

نجفة

[Abdulaziz Omar]

هم كده دفعوا 27 جنيه + 3 جنيه اخدوها من البائع ييقي المجموع مظبوط 30 جنيه

او نقول السعر بعد التخفيض 25 جنيه...هم دفعوا 27 نطرح منهم 2 جنيه سرقهم البايع يبقي الباقي مظبوط 25 جنيه نحب نضيف تاني عليهم ال 5 جنيه اللي دفعها صاحب المحل يرجع السعر تاني 30 جنيه

بلاش ياسيدي......نقول السعر بعد التخفيض 25 + 3 هم اخدوهم + 2 سرقهم البائع يبقي المجموع = 30

بس خلاص

تم تعديل 26 أبريل 2007 بواسطة Abdulaziz Omar

[نبض الحياة]

27جنيه اللي ادفعو = 25جنيه قيمة الكاسيت+2جنيه سرقهم البائع

27 +3جنيه رجع لكل واحد=30جنيه

[Ghost]

المسأله ببساطه

أن الـ2 جنيه حصل عليهم البائع من الـ 27 جنيه

يجب عليك طرحهم من المبلغ المدفوع وليس إضافتهم عليه

عين العقل

[m_alaaelden]

وبعدين الخمسة جنيه كل واحد من الثلاثة اخذ جنيه و البائع اخذ 2 جنيه

جه منين الجنيه بتاع البقشيش

أديك حلتها ياسيدي ذي ما أحنا قلنا

الكسيت بـ 25 جنيه الباقي من الـ30 جنيه = 5 جنيهات

الـ 5 جنيهات أنت وزعتها في ردك المقتبس المذكور أعلاه

{ كل واحد من الثلاثه أخذ جنيه والبائع أخذ 2 جنيه }

مش كده ولا أيه ؟؟؟؟؟؟؟؟؟

[Diab]

25 نقسم الخمسة وعشرين على التلاتة حا يبقوا 8.333

ونجمع عليم الجنيه الى فضل حا يبقوا 9.328

تعالوا نضرب الناتج الى طلع فى تلاتة يساوى 28

ونجمع عليهم الاتنين جنيه حا يبقوا 30جنيه

تمام كده

:closedeyes:

[قديم]

اعتقد هذا السءال خداع رقمي مثل بعض الصور التي تراها مربعــه وهي في الحقيقه مستطيله او العكس

او مثل بعض المنحدرات فنسحبها مرتفع وهي في الحقيقه منحدر .والامثله على ذلك كثيــره .. ليس وقتها الان

لما سعر الكاسيت بـــ25 مش بـــ 30

يعني مفروض يرجع لكل واحد منهم 5 / 3 = 1,667

بما انه ارجع لكل واحد منهم 1 جنيـــه فيكون اخذ من كل واحد منهم 0,667

ولو حسبنا الــ 0,667 * 3 =2 ريال وهو ما اخذه البائع

[dawoud]

ياعم هى مش فزورة ولا نكتة كمان

هو كل اللى دفعوه كام؟؟؟؟

25 جنيه لصاحب المحل + 2 جنيه للحرامى

يبقى المجموع 25 + 2 = 27 جنيه

اقسمهم على 3

يبقى كل واحد دفع 9 جنيه

[قديم]

العضو dawoud

new Member

المجموعة: Members

المشاركات: 1التسجيل: اليوم, 03:52 PM

رقم العضوية.: 13562

اهلا فيك يا استاذ dawoud والله وجبتها في القوووون وبالثمانيات كمان

اصل السؤال دا اسمع فيه من زمان . وطبعا ما زبطت كل المحاولات للوصول الى اجابه مقنعــه .

ياليت ما تكون مشاركتك هذه مثل الهدف اليتيم للاعب اللي ينزل في اخر الخمس دقايق ويسجل هدف .

عايزينك اساسي بالمحاورات معانا .

ونشوف لك مشاركات أ كثـــر

[عادل أبوزيد]

دي فزورة و الحل طبعا موجود منذ ثمان سنوات

ما سبق كان استهلالا لابد منه

الفزورة حللوها. اعضاء محاورات المصريين منذ ثمان سنوات ،. و الآن مطلوب من الأجيال الجديدة في محاورات المصريين انهم يحاولوا يحلوا من غير غش

هذه الفزورة ليست open book

[Grandma]

نوضحها تانى بالارقام

10*3 =30 كل واحد دفع 10 جنية

5-2=3 البائع سرق2 جنية 

10-1=9 كده كل واحد من الثلاثة دفع 9 جنية

9*3=27 كده كلهم دفعوا 27 جنية

27+2=29 ونحط على 27 جنيه ال2 جنية اللى مع البائع يبقى المجموع 29 طب ازاى ؟؟؟؟؟

 

 

دا اسمه تمويه و خداع مش توضيح 

الخمسة جنيه الفرق اللي رجعهم صاحب المحل المفروض يتقسم على الـ 3 أشخاص

نصيب كل واحد هيطلع جنيه وشوية هو دا النصيب الحقيقي لكل فرد مش الجنيه

الشوية الزيادة دول اللي هيعملوا فرق الجنيه اللي ضايع 

 

و الله انا اما شوفت مسألة حسابية وارقام اتخضيت قلت الفزورة دي مش بتاعتي خالص

ماليش انا في الارقام و الحسابات 

 

بس طلعت خدعة 

بس فيها فلسفة

المقدمات الخاطئة تؤدي الى نتائج خطأ 

وفيها حكمة 

ليس كل ما يقدم لك من معلومات  _تظن انها للمساعدة _ صحيح و يهدف للمساعدة