تكلفة المعيشة في البحرين

[alaqrabalmasry]

السلام عليكم اخواني الكرام

اولا كل عام وانتم بخير بمناسبة شهر رمضان

ارجو من الاخوة في البحرين الافادة عن تكاليف المعيشة في البحرين بالنسبة للاسرة وعن المدارس و مستواها

علما اني طبيب اخصائي وجالي عقد براتب 800 دينار وانا بصراحة مش عارف هل الراتب ده معقول ولا لا؟؟

ارجو سرعه الرد علشان اقدر اخد قرار

و شكراا

[اسكندرية تانى]

اخى المصرى

اقل راتب لطبيب فى وزارة الصحة و العسكرى هو 1250 دينار + تذاكر سنوية و مصاريف مدارس ل 3 اطفال

اعتقد ان الخاص بياكلو ا حق الاطباء

مع تمنياتى لك بالتوفيق

تم تعديل 30 أغسطس 2008 بواسطة اسكندرية تانى

[alaqrabalmasry]

اخي العزيز

اشكر سرعة ردك انا عايز اعرف 800 دينار مش كفاية؟ مصاريف المدارس كام؟وينفع يخشوا مدارس حكومية ولا لا؟تكاليف المعيشة كام في الشهر؟ مع العلم انهم هيوفرو السكن

شكرا جزيلا معلش هتعبك معايا

[أحمد سيف]

أخي الكريم ... كما ذكر الأخ اسكندرية ثاني 800 دينار تعتبر قليلة جدا كراتب طبيب اخصائي في البحرين ولكن إذا كنت بتتكلم عن كفايتها للمعيشة فممكن تعيش بيها في مستوى متوسط لو كان معاك أولاد لإنك هاتصرف ثلثها تقريبا في المصاريف اليومية (أكل وشرب ومواصلات) ومحتاج أيضا تدفع اقساط سيارة ومستلزمات متنوعة هاتاخذ الثلث الثاني والباقي ممكن تحوش منه أو تدفعه مصاريف مدارس لاولادك، بخصوص المدارس فالخاص هنا أسعاره نار (الشويفات مثلا هاتكلفك من 3000-5000 دينار سنويا للطفل الواحد حسب المرحلة الدراسية) ولكن هناك مدارس خاصة أقل مستوى وأرخص، الحكومي هنا مش بطال بشرط تختار مدرسة جيدة وتتعب شوية مع أولادك في موضوع اللغات.

[alaqrabalmasry]

اخي الكريم ansaif

طيب المفروض اطلب كام راتب؟؟ مع العلم انا خبرة 5 سنوات بعد الماجستير

بالنسبة للمدارس ينفع الاولاد يدخلوا مدارس حكومية مع العلم ان انا هاشتغل في مستشفى خاص مش حكومي؟؟وبالنسبة لاسرة مكونة من 5 افراد متوسط المصاريف الشهرية في حدود كام؟؟

[أحمد سيف]

الحقيقة أنا مش شغال في القطاع الصحي فمش هاقدر أديلك ارقام دقيقة، لكن أعتقد الرقم اللي الأخ اسكندرية ثاني قاله معقول جدا.

الدخل المناسب لأسرة 5 أفراد يعتمد على حاجات كثير منها عاداتك الشرائية وسن أولادك وطبيعة عملك، لكن بصورة عامة رقم 400-600 دينار ممكن يكون مناسب.

حسب آخر حاجة أعرفها أبناء العاملين في القطاع الخاص ممكن يدخلوا أبنائهم مدارس حكومية، لكن الأفضل تتصل بوزارة التربية والتعليم تتأكد من الموضوع وده السايت بتاعهم:

www.education.gov.bh

[alaqrabalmasry]

انا متشكر جدا على اهتمامك و كل سنة وانت طيب

رمضان كريم