اذهب إلى المحتوى
محاورات المصريين

خريطة مدينة بدر


abuAdham

Recommended Posts

  • الردود 595
  • البداية
  • اخر رد

أكثر المشاركين في هذا الموضوع

اخي العزيز ابو ادهم اشكرك شكرا جزيلا على خريطة مدينة بدر لكن لو عندك خريطه تفصيليه للحي المميز فيلات b اكون شاكر جدا لحضرتك لو قمت بتنزيلها

رابط هذا التعليق
شارك

اخي العزيز انا سعيد اني اجد احد مهتم بتلك المدينة المجهولة وانا عملت المستحيل للوصول لهذة الخريطة واقوم الآن بتصميم خريطة تفصيلية ولحسن حظك انها للحي المتميز B بارقام القطع واضحة وصحيحة وملونة واماكن الخدمات والحدائق من واقع خريطة ابيض واسود متهالكةتم تصويرها بماكينة ليس بها حبر تسلمتها من جهاز المدينة وافوم الان باعادة صياغتها واعدك بأن اقوم بتحميلها علي الموقع فور الانتهاء منها وامامي اسبوع تقريبا لكنها خريطة تحفة اقوم من خلالها بتوضيح كل تفاصيل الحي وان شاء الله تنال اعجاب الجميع واتمني ان يكون هناك ملتقي من خلال هذا الموقع لتناول اخبار مدينة بدر

تم تعديل بواسطة abuAdham
رابط هذا التعليق
شارك

اخي الفاضل.... انا مهتم جدا جدا بمدينة بدر حيث اني ارى في هذه المدينه مستقبل جيد جدا وذلك لقربها من مدينتي ووقوعها امام مدينة الشيخ خليفه بن زايد التي سيتم بنائها في القريب وارى ان هذه المدينه ستكون حتى افضل من الشروق من حيث تخطيطها لأن منطقة الفيلات ستكون مميزه جدا لبعدها عن المساكن الشعبيه وقربها من المنطقه الترفيهيه ووقوعها على طريق مصر السويس الصحراوي مباشرةوانا بالفعل عندي قطعة ارض بالحي المميز فيلات B قطعه رقم 328 وقد استخرجت لها تصاريح البناء وسأشرع في بنائها بأذن الله العام القادم وربنا يوفقنا جميعا

واذا كان عندك فكره عن اسعار الأراضي هناك ياريت تتفضل وتبعتلي اسعارها لأن واحد صديقي هنا يريد الشراء فيها

ولك تحياتي

رابط هذا التعليق
شارك

السلام عليكم

اخي الفاضل اكرر لك اني سعيد بالتعرف عليك من خلال هذا المنتدي الكريم واحب اقول لحضرتك اني شفت قطعتك علي الخريطة وهي مساحة 600 متر ومميزة لان هناك شارع عمودي عليها وهي ثالث قطعة علي اليمين وانت داخل من الشارع وانا جارك بيني وبينك 7 قطع وربنا يبارك لك فيها واوعي تبيع او تفكر في البيع انا تاجرت كتير في اراضي بدر وغيرها ونصيحتي لك موضوع البيع دة ميجيش في بالك خالص والحمد لله انك خلصت الرخصة انا احتمال استلمها عن قريب وياريت تكون عامل بدروم لانة مهم جدا ومش هيفرق كتير في التكلفة اما بالنسبة لصديقك فسعر القطعة ال 600 متر داخلي ( شارع 20 متر ) مثل قطعة حضرتك تعمل 140 او 150 حسب ظروف البائع ولو واجهة علي الشارع الفاصل بين الاحياء ( عرض الشارع 35 متر تعمل 160 ) ولو ناصية او بحري تزيد ممكن خمسة وخلي بالك لو هيشتري يتأكد من صحة التوكيلات وتسلسلها وياريت يكون الشراء من أصيل ( مالك اصلي ) او توكيل واحد لان كثرة التوكيلات مش ميزة ويشتري في ال B او A لانهم اميز وامام طريق السويس والمنطقة الترفيهية وهليوبلس ومستقبلهم افضل ومعظم اراضيهم رملية والسوق دلوقتي يسمح ممكن تختار ذي ما يعجبك المعروض كثير لكن انجز واشتري بسرعة واحترس من الوسطاء متخلهوش يقنعك بأي شيئ وصدق عينك فقط وممكن ترسل لي ارقام القطع المعروضة ونختار سويا الافضل وذي ما حضرتك ذكرت الفيلات في بدر مميزة اكثر من العائلي والعمارات في الشروق لانها متخططة صح ومعزولة عن العمارات بالحديقة المركذية وبعيد ة تماما عن المساكن والمصانع وابشرك بان الوزير قد اجل لنا دفع القسط الاول لحين النتهاء من سداد جميع الاقساط يعني تدفع القسط الاول بعد السابع ( المفروض انك تدفع اول قسط في 2011 لا هتدفع في 2012 يعني الاقساط اتأجلت سنة راجع جريدة الاخبار الجمعة 23 \ 1 ولك تحياتي

رابط هذا التعليق
شارك

شكرا استاذ ابو ادهم على معلومة السنه التأخير في القسط الأول وانا فعلا كنت قرأتها على النت في الجريده بس حضرتك سمعت عن ان القرعه الخامسه الي هتنزل بيقولو في شهر 4 الي جاي بيقولو سعر الأرض في بدر فيلات هينزل في القرعه الجايه من 660ج الى 710 حسب تميز القطعه ولو الكلام ده صحيح يبقى الأرض هتنط نطه كبيره اوي اوي وربنا يوفقنا ونبني

طيب بعد اذنك لو حضرتك موجود في مصر وبتتردد على المكان هناك ياريت تقلي اذا كان حد بنى في هذا المكان ولا لأ؟او حتى على الأقل بدأ في البناء؟

اكون شاكر ليك جدا لأني خارج مصر ومش هرجع قبل شهر 7 الي جاي

رابط هذا التعليق
شارك

انا كنت هناك اخر مرة في شهر 9 ومتابع حركة البناء ولسة حتي الان محدش بدا بناء لان الجميع مشغول في التراخيص والناس التي بدأت بناء في الاراضي التخصيص في ال A وانا عارف ناس منهم مش قرعة والناس بانية علي مستوي عالي جدا اما بالنسبة لاسعار القرعة فهيعدلوها لانهم لاقوها اوفر وكمان دة مش سعر الاراضي الحقيقي في بدر لان الصيف ال قبل الماضي قبل القرعة الرابعة كانت ال600 فيلات تعمل 250 الف لكن القرعة نزلت الاراضي وكان وقتها نازل 1490 قطعة والقرعة الخامسة عدد القطع بسيط لن يتعدي ال 400 قطعة ومعظمهم عمارات في الحي الثالث والرابع بس ياريت لو حضرتك تقولي انت في اي بلد او ترسل ايميلك للتواصل

رابط هذا التعليق
شارك

  • بعد 4 أسابيع...

السلام عليكم

أ / هشام هذا الرابط يمكن من خلاله التعرف علي مدينة بدر والشروق والمدن الجديدة مع العلم بان الصور قديمة من عام 2005 لم تتغير لكن الملاحظات المسجلة علي قطع الاراضي حديثة وهو رابط من جوجال لكن به تفاصيل ادق وافضل ارجوا ان تتحقق منه الافادة لجميع الاعضاء

http://wikimapia.org/#lat=30.1230806&l...amp;m=a&v=2

وان شاء الله سوف اجهز خريطة الحي B التفصيلية وخريطة اكتوبر ايضا واعتزر علي التأخير

تم تعديل بواسطة abuAdham
رابط هذا التعليق
شارك

الاخوه الفضلاء تابعت مداخلاتكم، ولى طلب فى قطعتين متجاورتين دبل فيس فى بدر فد حدود 1200 مترـ أرجو الافاده أو اذا كنتم لديكم بائع "مالك أصلى)

أو نصيحتكم.

ولكم جزيل الشكر ـ الاميل للتواصل samra.abdel@gmail.com

رابط هذا التعليق
شارك

الاخوه الفضلاء تابعت مداخلاتكم، ولى طلب فى قطعتين متجاورتين دبل فيس فى بدر فد حدود 1200 مترـ أرجو الافاده أو اذا كنتم لديكم بائع "مالك أصلى)

أو نصيحتكم.

ولكم جزيل الشكر ـ الاميل للتواصل samra.abdel@gmail.com

رابط هذا التعليق
شارك

السلام عليكم ,,,

أنا مصري مقيم بالسعودية و الحمدلله طلعلنا أرض في القرعه الربعة باسم زوجتي في مدينة بدر الحي المتميزk فيلات رقم 61 مساحتها 711 متر مربع و امامها شارع بعرض 32 متر و الحمدلله عملنا الرخصة مع بدروم, فكرنا كتير اننا نبنيها بس الكل نصحنا ان احنا مش هينفع نتابع مع المقاول اللي هيبني و مش بنفهم اصلا في الحجات دي فالاكيد هيتنصب علينا في الاسعار و في حجات كتير و ده انا جربته لما جيت اعمل الرخصه, انه بيتفق معاك و بيثبتك بكلام ولما يجي وقت الجد تلاقي نفسك بتدفع اضعاف اللي سمعته........

فكرنا ان احنا نبيع بس انا مش عارف هي تجيب كام و ابعها ازاي, الرجاء النصيحة اعمل ايه و شكرا

رابط هذا التعليق
شارك

السلام عليكم ,,,

أنا مصري مقيم بالسعودية و الحمدلله طلعلنا أرض في القرعه الربعة باسم زوجتي في مدينة بدر الحي المتميزk فيلات رقم 61 مساحتها 711 متر مربع و امامها شارع بعرض 32 متر و الحمدلله عملنا الرخصة مع بدروم, فكرنا كتير اننا نبنيها بس الكل نصحنا ان احنا مش هينفع نتابع مع المقاول اللي هيبني و مش بنفهم اصلا في الحجات دي فالاكيد هيتنصب علينا في الاسعار و في حجات كتير و ده انا جربته لما جيت اعمل الرخصه, انه بيتفق معاك و بيثبتك بكلام ولما يجي وقت الجد تلاقي نفسك بتدفع اضعاف اللي سمعته........

فكرنا ان احنا نبيع بس انا مش عارف هي تجيب كام و ابعها ازاي, الرجاء النصيحة اعمل ايه و شكرا

اخى الكريم

المنطقة هناك واعدة و حتتعمر بسرعة لوجود مناطق صناعية

عشان كده فكر انك تبنى بنظام اتحاد ملاك و تبقى نسبة مساهمتك هى الارض

او تبنيها مشاركة مع مقاول و دول كتير جدا

" ربي أوزعني أن أشكر نعمتك التي أنعمت علي وعلى والدي وأن أعمل صالحا ترضاه وأصلح لي في ذريتي إني تبت اليك وإني من المسلمين "

رابط هذا التعليق
شارك

جزاك الله خير

هو ايه نظام اتحاد الملاك بالضبط؟ و يفرق ايه عن المقاول؟

هل نظام المقاول مضمون و الا فيه لعب؟ و هحسب النسبة ازاي أو بمعنى أخر هي الارض تجيب كام علشان اقدر اعرف نسبتي؟

أشكرك على التعقيب...

رابط هذا التعليق
شارك

جزاك الله خير

هو ايه نظام اتحاد الملاك بالضبط؟ و يفرق ايه عن المقاول؟

هل نظام المقاول مضمون و الا فيه لعب؟ و هحسب النسبة ازاي أو بمعنى أخر هي الارض تجيب كام علشان اقدر اعرف نسبتي؟

أشكرك على التعقيب...

اول شئ فى اتحاد الملاك انك تعرف القيمة السوقية للارض و تزيد فوقيه قيمة الاقساط

و تبقى دى نسبة مساهمتك

و حضرتك كمان تكلفت مصاريف الرخصة فكمان تضيفها

و تشوف اخرين يحبوا يساهموا مع حضرتك و يكون للشخص المسئول عن مباشرة البناء نسبة 15 % نظير هذه المسئولية

بعد كده تحسبوا التكاليف

و كل واحد ياخد نسبة شقق حسب مساهمته

او تباع الشقق و يحسب مكسب السهم و كل واحد ياخد قيمة مادفع بالاضافة الى مكسبه

و ربنا يوفقنا جميعا

" ربي أوزعني أن أشكر نعمتك التي أنعمت علي وعلى والدي وأن أعمل صالحا ترضاه وأصلح لي في ذريتي إني تبت اليك وإني من المسلمين "

رابط هذا التعليق
شارك

اخي الكريم أ / احمد

نصيحتي لك ولوجه الله اوعي تبيع هذه الارض تمسك بها مهما كانت الظروف

وبالنسبة للمقاولين حضرتك عندك في الرسومات امتار مكعبة للاساسات والاعمدة والسقف ولكل مرحلة مثلا عندك الاساسات 70 م مكعب هتشوف مقاول ادي البناء مونة واجرة شامل يعني اسئلة بتعمل المتر بكام مثلا ب 1000 ج شامل مونة واجرة حتي لو كسب منك او نصب عليك فهيكون بمبلغ بسيط زيادة عن سعر السوق او شوف مهندس ابن حلال يشرف لك علي البناء وياخد نسبة انا عندي ارض بالقرب منك في بدر فبكلمك من خلال الواقع لو دفعت قرش زيادة لمهندس مثلا بدل 70 الف اساسات + 5 الاف لمهندس هتبقي الحكاية بسيطة ومتستاهلش انك تفرط في الارض دي علي طريق السويس وامام مدينتي وبجوار هليوبلس اعمل بدروم ولا دور وواجهة خارجية وانساها هتبقي استثمار احسن من البنوك وانا عندي مهندس ابن حلال مكتبة في الشروق وبيبني في بدر ممكن ارسل لحضرتك رقمة علي الخاص وهو هيحاسبك ذي المقاول يعني لو المقاول ب 950 المثر مثلا هو هياخد نفس المبلغ والفايدة انة مهندس هيبني ويشرف وهو اكيد هيحاسب العمال بسعر اقل مثلا ب 800 ج والباقي له مش مشكلة بس حافظ علي ارضك لان كل المستقبل هناك العبور مشاكلها كثير والشروق اراضيها هتخلص وبدر مش بعيدة عن الشروق ولسة فاضية عشان كدة اسعارها نازلة لكن تخطيطها ممتاز والمتميز مفصول عن المتوسط والصناعي بعيد جدا وادخل علي الرابط السابق وشوف بنفسك وربنا معاك

رابط هذا التعليق
شارك

  • بعد 3 أسابيع...
الاخوه الفضلاء تابعت مداخلاتكم، ولى طلب فى قطعتين متجاورتين دبل فيس فى بدر فد حدود 1200 مترـ أرجو الافاده أو اذا كنتم لديكم بائع "مالك أصلى)

أو نصيحتكم.

ولكم جزيل الشكر ـ الاميل للتواصل samra.abdel@gmail.com

السلام عليكم

اخي الفاضل كان فية اعلان اليوم في جريدة الوسيط واحد بيبيع قطعة 1600 م في بدر حضرتك ممكن تدخل علي موقع الوسيط علي النت وتشوف الاعلان ورقم التليفون

رابط هذا التعليق
شارك

مساء الخير عليكم جميعا

شكرا علي المنتدي الجميل ده

واضح نمن كلام الاخ ابو ادهم ان له خبرة كبيرة ببدر فياريت يساعدني و حياة ادهم.

انا اشتريت قطعة في المتميز 600م و لكن هاعمل تعديل علي الرخصة علشان تبقي بدروم و ارضي و اول علي نفس المساحة الموجودة حاليا

سؤالي كم تكلفة التعديل فحت و ردم لحد استلام الرخصة ?

تاني حاجة مفيش مقاول ابن حلال تعرفوه ينفذ الشغل و ان شا لله يبني البدروم و الارضي فقط?

انا عندي المهندس اللي هايشرف علي البنا و الراجل مقللي الاحمال و اعطاني تقدير 67الف تكلفة البدروم و الاساسات عضم فقط علي مساحة 160م فهل التكلفة دي مظبوطة ?

تالت حاجة هي تكلفةالمتر مكعب او المربع لو حد هايعملهالي مونة و مصنعية تبقي كام?

و مصنعية بس كام?

معلهش طولت عليكم بس انا برا مصر و لايس شوية

رابط هذا التعليق
شارك

السلام عليكم

اولا ارض حضرتك 600 م فممكن تبني لغاية 240 م وهي ال 40 %

وافضل قرار حضرتك اتخذته هو عمل بدروم لانك هتكسب دور زيادة وفي نفس الوقت الفرق بسيط جدا

اما بالنسبة للتعديل فحضرتك تذهب الي ادارة التراخيص في جهاز بدر الدور الثاني عند المهندس محمد عمارة او أ/ هشام وقول لهم عاوز طلب تعديل رخصة هيعطيك ورقة مطبوعة بها طلباتهم للتعديل والمرفقات وهي هتشتمل علي الرسومات الجديدة للبدروم من اساسات والاعمدة وسقف البدروم والمتكرر وتكون معتمدة من المكتب الهندسي والاستشاري وتقدم طبعا التوكيل ال حضرتك اشتريت به ( التوكيل الاداري ) وليس توكيل البيع لان الارض ال حضرتك اشتريتها ارض قرعة لازم فيها توكيلين ولو معاك توكيل واحد فقط بلغني والحل موجود ان شاء الله

تتسلم الاوراق وتاخد رقم والموضوع المفروض هيستغرق 10 ايام لكن عندهم هيستغرق شهرين لانهم بيشتغلوا بسرعة شوية لكن انصحك اعمل الرخصة ب ال 40 % يعني 240 م حقك والبني المساحة ال تعجبك مثلا ال 160 م واسئلهم للتأكيد

اما عن التكلفة ف المهندس هياخد منك من 1500 الي 2000 لانها رسومات جديدة والجهاز رسوم التعديل هتدفع الفرق بين المدفوع سابقا والمفروض تدفعة الان المهم لا تتعدي 1500ج لكن ادفع ودة لمصلحتك وانصح اي حد انة يعمل بدروم خاصاً في الاراضي المنخفضة

اما عن الاسعار هناك المتر ( المكعب ) 130 ج اجرة فقط والمونة عليك اما مونة واجرة 900 ج بعد تعديل الرسومات ممكن نحسب التكلفة التقريبية

ومش هتقدر تعمل اي شيئ في الارض قبل ما تضبط الرخصة في الجهاز وتستلم الرخصة بعد التعديل

اما عن الحفر حسب نوع الارض لكن ياريت لو حضرتك تقول لي الارض في اي حي A B L K

وبالنسبة للمقاول عندي مقاول ومهندس ممكن ارسل لك تليفوناتهم علخاص وعندي خريطة الحي المتميز B سوف ارفعها علي المنتدي قريبا فور الانتهاء من رسمها خلال يوم او اثنين ارجوا ان تكون قطعتك في B

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...