تكاليف الاستقدام تحسب علي الاسره ككل ولا علي عدد الباسبورتات

[ozoozo]

انا في جده بقالي 5 ايام والنهارده الخميس اجازه وبكره اجازه وعمال الف في الشوارع وهاتجنن من الوحده وماليش متنفس غير منتدانا الحبيب لكن المشكله ان النت هنا بتلاته ريال والميزانيه قربت تخرم مني لغايه ماقبض المهم عندي كام استفسار صغير وهي الدنيا ايه غير شويه استفسارات فوق بعض

1-انا ابني عنده سنه وليه باسبور لوحده عشان الجوازات الجديده مابينفعش يضاف علي جواز الام يعني عندي باسبورين واحد لزوجتي والتاني لابني فياتري بدفع 2000 ريال بس ولا اربعه علي اساس 2000 علي كل جواز

2- انا اقامتي علي جده وشغلي هايكون في ابها وهاروح هناك كمان تلات شهور فياتري اعمل استقدام من جده قبل ماروح هناك وهل يمكن عمله من ابها وانا اقامتي علي جده

3-ياتري التاشيره بتاعه الاستقدام 3 شهور برضه ولا كام عشان عايز ابدا في الاجراءات قبل ما امشي من جده بشهر عقبال ماروح ابها يكونو هما خلصو الاجراءات والتاشيره جاهزه

4-عنوان مكتب الاستقدام في جده ايه

انا قاعد في فندق اسمه البرج في حته اسمها باب مكه عامله زي الموسكي بالظبط هي جده كلها كده ولا في اماكن احسن؟؟؟

[بركة]

أولا أهلا وسهلا

جدة بلد تحفة وجميلة وأنت الان تعتبر في منطقة جدة القديمة

يارب تكون مرتاح في السكن بتاعك خلللللللللللللللللي بالك من فلوسك وأوراقك المهمة وبلاش الثقة الزايدة في الشارع اللي عندك وخللييييييييييييييييييييي بالك ماتتكلمش بالموبايل في الشارع وانت ماشي خليك في مكان مضمون واتكلم ولا تخاف انا مش بقلقكك

انا بخليك مصحصح بس والله خير حافظا

1- لازم اولا تكون طلعت إقامة خلاص عشان تستقدم الاولاد والزوجة

2-الاستقدام 2000 ريال ككل مش على كل باسبور ولاحاجة العيلة لو كانت زوجة و4 عيال كلة بال2000 ريال

3-لوتقدر تخلص الاستقدام من جدة دلوقتي طبعا طبعا أفضل حتى لا تتعرض للمماطلة من أحد واللي يقولك الورق ما وصلش والورق ناقص أو ما ينفعش تستقدم ويقرفك عشان مش عايز يتعب نفسة ويشتغل لأن هنا بالهم طويل عامة في الشغل مش زينا حامي حامي

4-أما الأستقدام بالطبع ليس له مدة بمجرد ما توصل الزوجة والولاد بتعملهم إجراءات الاضافة على الاقامة ويبقى كدة خلاص اقامة سارية

ربنا يعين زوجتك على تخليص أوراق مصر هي دي الشغلانة المقرفة فعلا

5-مكاتب الاستقدام في جدة كتير اسأل عندك في الفندق ممكن يدلوك عشان يكون قريب للسكن

6-طبعا إبتدي في الاجراءات فورا بمجرد ماتستلم الاقامة لان الكلام ده بيأخذ وقت عشان المدام إن شاء الله تبدأ في الاستعداد وبمجرد ما تاخد التأشيرة على الباسبورات هيبقى معاها فترة تدخل البلد هنا براحتها

7-وكمان بعد مايكون معاك إقامتك تحطها في عينيك لأن هنا بدل فاقد ده القرف نفسة وب 2000 ريال كمان ربنا يحفظك

واطمن لو عايز اي حاجة إحنا معاك

ومعلش إحنا حاسين بيك دلوقتي أول كام يوم غربة أسوأ أيام العمر بس إن شاء الله غمة وتزول

وأي أستفسار عن أجراءات مصر أنا حاضرة (لاني لن أنسى هذه الايام أبدا ربنا لايحوجنا ليهم ابدا)

وأبها بلد حلوة وهادية جدا ربنا يجعل لك فيها رزق كريم آمين يارب العالمين

[بركة]

أولا أهلا وسهلا

جدة بلد تحفة وجميلة وأنت الان تعتبر في منطقة جدة القديمة

يارب تكون مرتاح في السكن بتاعك خلللللللللللللللللي بالك من فلوسك وأوراقك المهمة وبلاش الثقة الزايدة في الشارع اللي عندك وخللييييييييييييييييييييي بالك ماتتكلمش بالموبايل في الشارع وانت ماشي خليك في مكان مضمون واتكلم ولا تخاف انا مش بقلقكك

انا بخليك مصحصح بس والله خير حافظا

1- لازم اولا تكون طلعت إقامة خلاص عشان تستقدم الاولاد والزوجة

2-الاستقدام 2000 ريال ككل مش على كل باسبور ولاحاجة العيلة لو كانت زوجة و4 عيال كلة بال2000 ريال

3-لوتقدر تخلص الاستقدام من جدة طبعا طبعا أفضل حتى لا تتعرض للمماطلة من أحد واللي يقولك الورق ما وصلش والورق ناقص أو ما ينفعش تستقدم ويقرفك عشان مش عايز يتعب نفسة ويشتغل لأن هنا بالهم طويل عامة في الشغل مش زينا حامي حامي

4-أما الأستقدام بالطبع ليس له مدة بمجرد ما توصل الزوجة والولاد بتعملهم إجراءات الاضافة على الاقامة ويبقى كدة خلاص اقامة سارية

ربنا يعين زوجتك على تخليص أوراق مصر هي دي الشغلانة المقرفة فعلا

5-مكاتب الاستقدام في جدة كتير اسأل عندك في الفندق ممكن يدلوك عشان يكون قريب للسكن

6-طبعالما تاخد التأشيرة على الباسبورات هيبقى معاها فترة تدخل البلد هنا براحتها

7-وكمان بعد مايكون معاك إقامتك تحطها في عينيك لأن هنا بدل فاقد ده القرف نفسة وب 2000 ريال كمان ربنا يحفظك

8-مش هتقدر تستقدم الا بعد مرور 3 شهور دي الفترة اللي مفروض معمولة لإختبار الموظف ليثبت كفاءتة وانه هو وصاحب العمل متفقين على العمل ومافيش مشكلة من ناحيتك أو ناحيته وياريت تسأل في النقطة دي برده

واطمن لو عايز اي حاجة إحنا معاك

ومعلش إحنا حاسين بيك دلوقتي أول كام يوم غربة أسوأ أيام العمر بس إن شاء الله غمة وتزول

وأي أستفسار عن أجراءات مصر أنا حاضرة (لاني لن أنسى هذه الايام أبدا ربنا لايحوجنا ليهم ابدا)

وأبها بلد حلوة وهادية جدا ربنا يجعل لك فيها رزق كريم آمين يارب العالمين

معلش أنا عدلت بند في الرد الاول أرجو المعذرة

تم تعديل 24 أكتوبر 2008 بواسطة بركة

[عاشق الترحال]

اهلا ومرحبا بك في جدة

ده تليفوني لو احتجت أى شئ 0565292547

أخوك أبوعمر

[ozoozo]

انا كنت عايز اعرف مكان مكتب الاستقدام التابع لوزاره الداخليه في جده لانه الافضل اني اخلص معامله الاستقدام بنفسي بدل المعقب علي حسب كلام الاخوه وسين سين في المنتدي

شكرا علي رد الاخ ابو عمر ومقدر شعورك

الاخت بركه شكر علي ردك المفصل وربنا بفك كربك انا متابع موضوعك وقلبي معك انت وزوجك

تم تعديل 26 أكتوبر 2008 بواسطة ozoozo