اذهب إلى المحتوى
محاورات المصريين

لو سمحت يا دادي عايز اشترك في نادي


se_ Elsyed

Recommended Posts

إقراوا الأرقام الخزعبلية التالية .. وهارجع تاني نكمل حوار .. بس بعد ما أخد حبايه الضغط ومعجون السنان عشان ما يجليش المرض البطال

صدق أو لا تصدق

اشتراك الجزيرة بلغ‏102‏ ألف جنيه‏..‏ والصيد‏90‏ ألفا‏..‏ وهليوبوليس‏17,5‏ ألف دولار‏!‏

نادي المقاولون بـ‏25‏ ألفا‏..‏ والزهور ارتفع إلي‏70‏ ألفا ليمنع العضويات الجديدة

تحقيق ـ عـلي بركه‏:‏

هل الاشتراك في ناد رياضي صار حلما من الأحلام المستحيلة لاعداد ضخمة من ابناء الشعب المصري؟‏!‏

السطور التالية قد تستفزك لكنها حقيقة تجعلك تحدد موقفك وتختار المنطقة التي ستقف فيها ما بين الاقتناع والغضب علي الأرقام التي سوف تقرأها في هذا التحقيق‏.‏

لايزال نادي الجزيرة يتربع علي القمة في قيمة الاشتراك الجديد به والذي وصل إلي‏102‏ الف جنيه بواقع ألفي جنيه لاستمارة الانضمام ومائة الفا لرسم الاشتراك‏..‏

وفي ذلك يقول المصرفي الكبير جمال محرم أمين الصندوق‏:‏ النادي معذور تماما في رفع ثمن الاشتراك لأنه مملوك لاعضائه وينبغي ان يدار ماليا كمؤسسة‏,‏ وهو لايحصل علي أي دعم من الدولة التي نؤيدها تماما في موقفها الداعم لمراكز الشباب في القري والنجوع‏,‏ بمعني أنه ليس من المنطقي ان تدعم الدولة نادي الجزيرة علي حساب الدور الذي يجب أن تقوم به في دعم من يستحقون منها ان تقف بجانبهم‏..‏ وهناك حقيقة مهمة جدا وهي أن نادي الجزيرة الذي افتتح في‏18‏ اكتوبر‏1882‏ بعدد محدود جدا من الاعضاء يظل علي نفس المساحة التي صارت تحتضن‏33‏ الف عائلة‏,‏ وهؤلاء يجب أن نقدم لهم افضل الخدمات والمنشآت علاوة علي الصيانة الدورية للمنشآت الحيوية بالنادي والمرافق المختلفة وهذه الأمور تتكلف الملايين علاوة علي رواتب المدربين والعمال والموظفين‏,‏ فمن اين تتوافر الاموال للانشاءات الضخمة والتي تتعدي الملايين بل عشرات الملايين عند اقامة فروع جديدة في المدن الجديدة التي اراها الحل الوحيد لمشكلة التكدس الموجودة بأي ناد في مصر؟

‏50‏ محظوظا سنويا

وفي نادي الصيد بالدقي توجد مئات الطلبات التي يرغب اصحابها في الانضمام لأسرة النادي والتي ارتفع رسم العضوية الجديدة فيه إلي نحو‏90‏ الف جنيه والواسطة فقط في أن يوضع اسم العضو ضمن اصحاب الحظ السعيد في الانضمام للنادي من بين‏50‏ طلبا ـ أو أقل ـ يتم قبولهم سنويا من بين هذه الاعداد الهائلة من راغبي نيل شرف عضوية نادي الصيد وفي ذلك يتحدث المهندس خالد عبدالعزيز صاحب الشعبية الضخمة في مجلس الإدارة والحاصل علي أعلي نسبة اصوات في تاريخ النادي في الانتخابات الأخيرة للعضوية فوق السن حيث يقول ان النادي يضم حاليا‏120‏ الف عضو‏,‏ وقبل عشرة اعوام كانت العضوية بـ‏15‏ الف جنيه فقط‏,‏ غيرأن استقلال الاعضاء بعد تخرجهم ونقل عضويتهم من توابع إلي عاملين وزواجهم بعد ذلك وتكوين اسر جديدة جعل النادي غير قادر علي استيعابهم حيث مازالت المساحة كماهي‏55‏ فدانا منذ بدء تأسيس النادي عام‏1939‏ وهو ما جعل مجلس الإدارة يقرر افتتاح فرع جديد بالقطامية نظير رسم‏25‏ ألف جنيه‏.‏

الدخول بـ لجنة‏!‏

وفي نادي المقاولون العرب تبدو الصورة براقة بعض الشيء بعد أن رفع رئيسه شعار إنه نادي كل المصريين عندما قرر فتح باب العضوية امام غير العاملين بالشركة ألام التي يتبعها النادي‏,‏ ولم يكن يعتقد أن الاقبال سيكون بهذا التدفق المطرد السريع‏,‏ اذ حصل الآلاف علي العضوية العاملة منذ أغسطس‏2004‏ وحتي الآن نظرا لضآلة المبلغ المطلوب سداده مقارنة بمعظم المنشآت والخدمات المتاحة علاوة علي الطبيعة الخلابة سواء الموجودة عند أعلي قمة بالقاهرة في فرع النادي بالجبل الأخضر بمدينة نصر أو في فرع النادي المطل علي نيل الجيزة‏..‏ مثلما يري المحاسب سعد البنا مدير عام النادي الذي تحقق في فترة وجوده أعلي عائد سنوي في تاريخ النادي حيث يقول إن البداية كانت بـ‏18‏ الف جنيه يدفعها العضو مقسطة بمعرفة احد البنوك المتعاقدة مع النادي بموجب الفيزاكارد وأنه تم رفعها مؤخرا لتصل إلي‏25‏ ألفا فقط وان تعليمات رئيس النادي والشركة المهندس ابراهيم محلب بعدم تجاوز هذا الرقم بأي شكل من الاشكال تسهيلا علي ابناء الشعب لتحقيق مقولة انه ناد لكل المصريين وهناك لجنة لمقابلة الاعضاء الجدد يرأسها المهندس فيصل مرتضي نائب رئيس النادي لضمان عدم انخفاض المستوي الاجتماعي

للاعضاء‏..‏ وأشار المحاسب سعد البنا إلي أن الصيف المقبل سوف يشهد طفرة اجتماعية وثقافية غير مسبوقة تستعد لها إدارة النادي من الآن‏.‏

لانريد أعضاء

‏..‏وفي نادي الزهور يبدو الأمر مختلفا ايضا ولكن من وجهة نظر اخري بعد أن قرر مجلس الإدارة الحالي رفع قيمة العضوية إلي‏70‏ الف جنيه اذ تقول المهندسة ياسمين الخطيب عضو مجلس الإدارة ان النادي يضم في عضويته‏22‏ ألف أسرة علي مساحة أرض‏26‏ فدانا‏,‏ وأنه بصدد اقامة فرع جديد له بالتجمع الخامس علي مساحة‏42‏ فدانا‏,‏ وتم الاتفاق علي أن تكون العضوية في الفرع الجديد بمبلغ‏20‏ ألف جنيه فقط علي أن تصل إلي‏70‏ الف للعضوية في كلا الفرعين‏..‏ وتعترف المهندسة ياسمين الخطيب يأن الاقبال علي الاشتراك الجديد في فرع مدينة نصر يكاد يكون ضعيفا للغاية‏..‏ وفي ذلك ترد علي من ينتقد مجلس الإدارة في زيادة الاشتراك إلي‏70‏ الفا بقولها ان المجلس قد اتخذ قراره هذا ليحد من العضويات الجديدة علي اعتبار ان النادي متكدس بالاعضاء‏.‏

الدفع بالدولار‏!‏

وأمام المهندس حسن صقر رئيس المجلس القومي للرياضة طلب من نادي هليوبوليس يقضي برفع قيمة العضوية الجديدة إلي‏17,5‏ الف دولار أمريكي أو ما يعادلها بالجنيه المصري بسعر يوم الدفع‏..‏ ويقول الكابتن صلاح حسني عضو مجلس الإدارة ان النادي بصدد بناء فرع جديد له في مدينة الشروق ويتم حاليا تجهيز صالة مغطاة به تتكلف‏13‏ مليون جنيه‏,‏ وان النادي الذي تأسس سنة‏1907‏ كان رسم العضوية فيه خلال فترة الثمانينيات من القرن الماضي لايتعدي مبلغ الـ‏10‏ آلاف جنيه موضحا ان عدد الاعضاء الحاليين به زاد علي‏40‏ الف اسرة وكلهم من الطبقات الراقية بالمجتمع‏.‏

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

  • الردود 43
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

قرأت سطورك مرة ... ومرة تانية ... ومرة تالة ...

وبدأت أحسب .. القيمة بالدولار ...

ثم قارنت ... "المستوى" بينه وبين النوادى فى "أوربا ... ألمانيا .. فرنسا ... إنجلترا ... جزر الباهـاما "

ووصلت للقرار التالى

يـــاســـلام على قــعـــدة "قهوة المنفــــوشى" ...

والله مافيش أحلى منها فى مـــصــــر

يالله بينا عالحسين .... ... "طـــول مـا أنــا فى مـــصـــر" وأوفر فلوسى

يحى الشاعر

لن يمتطى شخص ظهرك ، ما لم تقبل أن تنحنى له

إسـلـمى يـــــامـــصــــــــر

الوجه الآخر للميدالية ، أسرار حرب المقاومة السرية فى بورسعيد 1956

yamain8vi2xi.jpg

رابط هذا التعليق
شارك

- انت بتروح نادي ايه ؟

- أنا في نادي الصيد من أبو 90 ألف جنيه في السنة .

- أنا بقه بروح نادي الجزيرة من أبو 102 ألف جنيه :excl:

لايزال نادي الجزيرة يتربع علي القمة في قيمة الاشتراك الجديد به والذي وصل إلي‏102‏ الف جنيه بواقع ألفي جنيه لاستمارة الانضمام ومائة الفا لرسم الاشتراك‏..‏

... التي صارت تحتضن‏33‏ الف عائلة ...

... فمن اين تتوافر الاموال للانشاءات الضخمة والتي تتعدي الملايين بل عشرات الملايين ...

بس رسوم العضوية بتوفر آلاف الملايين :rolleyes:

102 ألف جنيه * 33 ألف عضو = 3.4 مليار جنيه سنويًا حصيلة رسوم العضوية في نادي الجزيرة .

وفي نادي الصيد بالدقي ... ارتفع رسم العضوية الجديدة فيه إلي نحو‏90‏ الف جنيه ...

... النادي يضم حاليا‏120‏ الف عضو‏ ...

90 ألف جنيه * 120 ألف عضو = 10.8 مليار جنيه سنويًا حصيلة رسوم العضوية في نادي الصيد .

وفي نادي المقاولون العرب ...

... البداية كانت بـ ‏18‏ الف جنيه ... تم رفعها مؤخرا لتصل إلي‏25‏ ألفا فقط ...

... لتحقيق مقولة انه ناد لكل المصريين ...

كل المصريين يقدورا يدفعوا أكتر من 2000 جنيه شهريًا في نادي ؟

وأمام المهندس حسن صقر رئيس المجلس القومي للرياضة طلب من نادي هليوبوليس يقضي برفع قيمة العضوية الجديدة إلي‏17,5‏ الف دولار أمريكي أو ما يعادلها بالجنيه المصري بسعر يوم الدفع‏ ...‏

:sad:

... عدد الاعضاء الحاليين به زاد علي‏40‏ الف اسرة ...

17.5 ألف دولار * 40 ألف أسرة = 700 مليون دولار سنويًا .

كل لحظة إبطاء في نيل المعتدين جزاءهم ... خطوة نحو كفر المجتمع بالعدالة، ودرجة على سلم إيمانه بشريعة الغاب

رابط هذا التعليق
شارك

انا قررت انى مش حاشترك فى سموحة الى اشتراكة ب40 الف ولا باسبورتنج الى اشتراكة حوالى 70 الف

انا مشتركة فى اكاسيا لان طبيعة سفرنا لا تكفل انتظام فى نوادى

فقررت ان اول سؤال لاى عريس حيكون مش شهادتك ولا عائلتك لا

عندك اشتراك فى سموحة ولا اسبورتج وعلى هذا الاساس نقبل العريس ونوفر الالفات دى لجهاز العروسة :rolleyes:

رابط هذا التعليق
شارك

يا س س

هو ده اللي هيموتني .....فيه اد ايه ناس في مصر معاها فلوس مش عايزاها بالالوف و ترميها في عضويه نادي....احتمال فساد اولاده بسببه

اكبر بكتير من احتمال تحقيقهم بطوله ما في لعبه ما

و الفرق القاتل في مستوي المعيشه في مصر و بالتحديد في القاهره ....

يعني لما يبقي موظف بسيط يقرا المبالغ ديه وهو عارفه انه هايعيش ويموت ومش هايحصل علي 1% من المبالغ ديه ممكن يحس بايه

هي مصر غنيه ولا فقيره ...و شعبنا شبعان و بيرمي الوفه في الارض ....و لا هيموت من الجوع وبالعافيه بيحصل قوت يومه

احنا رجعنا لايام قبل الثوره ... المجتمع يا فوق فوق يا تحت تحت .....لايام الاحتكار والباشوات....بس حتي باشاوات اليومين دول معظمهم فلصوا

نانسي كنت تخليكي واعيه من الاول ....انا مشتركه في نادي سبورتنج و جوزي في سموحه بس طبعا من زمان من يوم ما اتولدنا

والعمليه دلوقتي ماشي معاناه تمام التمام :rolleyes:

طب استني و الله احكيلكم حكايه ....ايام ما كنت باشتغل جات المديره بتاعتي قالت لي يا نانو يا حبيبتي ( وهي عمرها ما بتقولي يا حبيبتي)

عايزاكي في موضوع مهم

انا نفسي اوي اشترك في نادي سبورتنج و عارفه انك لو اتجوزتي... جوزك بياخد العضويه منك و حتي لو اتطلقتي مش بتتسحب منه

و طبعا انا مش فاهمه في ايه...و بعدين كملت كلامها

.ايه رايك في 10000جنيه

قلت لها بتوع ايه مش فاهمه

قالتلي جوزي يتجوزك علي الورق و ياخد العضويه وبعدين يطلقك و تاخدي انتي 10000جنيه (طبعا كنت وقتها لسه مخطوبه)

انا طبعا جالي اذبهلال و شلل خماسي و طرش وخرس وصم :excl:

there is a miracle called friendship,that dwells in the heart

you donot know how it happens

or when it gets its start

رابط هذا التعليق
شارك

الأخ / شاوشانك

لا لا الحسبة بتاعتك غلط لأن الأرقام اللي في المقال اللي فوق هي أرقام العضوية الجديدة يعني تدفع مرة واحدة "وكمان على دفعات" وليس سنويا والإشتراكات السنوية بتكون أقل من كده بكتير يعني من 1000 جنيه لحد 5000 فقط (الله أعلم ما أنا مش مشترك في نوادي أساسا) وهتلاقي معظم الأعضاء مشتركين من زمان أيام العضوية ما كانت ببلاش أو أسر ظباط ودافعين مبالغ رمزية لكن لو الإشتراك السنوي 102 آلف يعني اليوم ب 280 جنيه محدش هايعتبها ولما يحبوا يروحوا النادي يروحوا داي يوز في فندق خمس نجوم أوفر.

لكن 10,8 مليار جنيه دي ميزانية وزارات التعليم والصحة والمواصلات وكام وزارة هايفة كمان عليهم.

مفيش حياة إلا عند غيرك تعيش في خيره ويعيش في خيرك

"فؤاد حداد"

رابط هذا التعليق
شارك

للأسف الأسعار الفلكيه للإشتراك في النوادي..أصبحت ظاهرة مزعجه...كأن الأشتراك بيكون في الجنه...

وللأسف نتيجه أرتفاع مدخولات الساده الأعضاء...اللهم لا حسد..وإشتراكهم في هذه النوادي في الوقت الحالي..ولا أتكلم عن فترة ذهبيه أيام كان نادي الشمس للعائله كلها لا يتجاوز الخمس ألاف.....الحمدلله...لازال أشتراكنا ساري....

إلا أن الملاحظ أنتشار المخدرات داخل وخارج أسوار هذه النوادي...نتيجه أرتفاع المستوي المادي للأعضاء....وإنتشار مظاهر مؤسفه...لشباب وفتيات في عمر الزهور علي شفا الإنهيار...

أنا شخصيا رميت كل ده وراء ظهري........وأشتركت في نادي الرحاب......اللي ماسك قسم الكورة فيه الخطيب......

شوفتوا الصدف الجميله.؟؟

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك

لكن 10,8 مليار جنيه دي ميزانية وزارات التعليم والصحة والمواصلات وكام وزارة هايفة كمان عليهم.

تمام .

أحمد ... شكرا جزيلا إنك نورتني .

أنا برضه قلت فيه حاجة غلط .

كل لحظة إبطاء في نيل المعتدين جزاءهم ... خطوة نحو كفر المجتمع بالعدالة، ودرجة على سلم إيمانه بشريعة الغاب

رابط هذا التعليق
شارك

'طبعا المبالغ خرافية والمقصود منها هو تحديد الاشتراك لفئة معينة ومنع باقى الفئات من دخول هذه النوادى

انا شخصيا اعمل فى نادى الجزيرة وارى انه لا يستحق ربع هذا المبلغ ولكن النادى يضم فعلا فئة واحدة كلهم من الاثرياء القدامى الذين لا يميلون الى الاختلاط بباقى طبقات المجتمع

ربنا يصبرنا

رابط هذا التعليق
شارك

انا عندى عضوية نادى اهلى للبيع وكمان نادى القاهرة وحعمل اوكازيون طبعا موش 10000 زى ماعرضوا على ناش زمان انا ممكن اوافق ب 50000 بس

لاحول ولا قوة الا بالله

شكرا لك يا ابى ان منحتنا هذا بفضل الله ايام ماكانت الرسوم 5 جنيه

وحسبكم الله يا ابنائنا :rolleyes:

عندما تشرق عيناك بإبتسامة سعادة

يسكننى الفرح

فمنك صباحاتى

يا ارق اطلالة لفجرى الجديد

MADAMAMA

يكفينى من حبك انه......يملأ دنياى ....ويكفينى

يا لحظا من عمرى الآنى.....والآت بعمرك يطوينى

يكفينى .....انك........................تكفينى

رابط هذا التعليق
شارك

انا كنت مهندس التكييف في نادي الصيد بالقطامية-تحت الإنشاء- مش ممكن يا جماعة كمية الإسراف اللي كانت بتتصرف في تأسيس النادي

يعني مثلا في صالونات النادي جايبين بلاط فيه عامل زي الحجر بتاع الجبل مش كفاية أنه بيوجع بطن القدم - جاي من الإمارات علي فكرة - إلا انه غالي جدا

مش فاكر سعر المتر منه كام بس غالي جدااااااااااااااااااااااااااااااااا

كان في غرفة بيسموها البريدج وانا كنت بسميها أوضة القمار

الحمد لله مشيت قبل ما أركب التكييف فيها :rolleyes:

تم تعديل بواسطة Diab

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

مثل هذه الاخبار المؤكده والأسعار الفلكية بتخلق نوع من انواع الحقد الطبقي .... بجد

يعني الفقير ده مش من حقه يلعب في نادي .. ولا يكتفي باللعب في مناخيره بس ؟

أنا لا أُطالب بإن الدولة تأسس أندية فاخرة فيها حمامات سباحة وجا كوزي وحركات والفقرا يدخلوا يستمتعوا ببلاش

ولكن على الأقل يا أخي نعمل زي دولة من دول العالم الثالث وهي البرازيل ونوفر ساحات شعبية يُمارس الجميع فيها الرياضة بدون تكاليف وبدون فلسفة ولا حركات إلتفافية

واظن الساحة دي ما بتكلفش حاجة .. مكان فاضي وفيه جونين لكرة القدم وشبكتين للعب السلة وسلامو عليكم وحد يراعيها عشان ما تتحولش لأوكار للبلطجية والمتشردين ..

لكن للأسف يوم ما بتتوفر عندنا اماكن زي دي بنتصرف بمنتهى الغباء وبنهدر تلك المساحات على الفاضي ..

خدو عندكو ....

- المساحة المهولة التي تحتلها حديقة الميريلاند بمصر الجديدة والتي تحولت إلى اوكار لطالبي المتعة المحرمة ... هل مش ممكن نصغر المساحة بتاعت الجنينة ونعمل ساحتين تلاتة مفتوحين للجميع ولا مطلوب مننا نعدي وإحنا ساكتين جنب سور نادي هليوبليس أو الغابة أو هوليليدو أو نادي النصر ونبص للناس النضيفة اللي بتستحمى كل يوم وتحط كولونيا ونمصمص شفايفنا ونروح ندور على أتوبيس نجري وراه عشان نعرف نروح ؟

- المساحة المهولة التي كان يحتلها سوق السمك في غمره والذي تم نقله إلى سوق العبور وعملو فيه مستشفى اليوم الواحد والباقي جناين عبيطه ..

- المساحة المهولة التي كان يحتلها سوق الخضار بروض الفرج وبرضوا لم يتم إستغلالها ...

هو في إيه .. وليه نظرتنا بتبقى دنيئة لمثل هذه الأشياء وممكن نقول : يا عم لما نبقى نوفر للناس الأكل نبقى نفكر في اللعب ...

وبعد ده كله نقول إرهاب وشباب متعطش جنسياً وممكن سلوكه يبقى منفلت في بعض الاحيان او إنتشار ظاهرة العنف والتلوث السمعي والبصري وانعدام تذوق الجمال

أنا شخصياً تخرجت من كلية التجارة سنة 93 وخير اللهم اجعله خير روحت ازور الكلية بعدها ما فيش بسنيتن لقيت التتار أستولوا على ملعبي كرة القدم والسلة وحولوهم إلى كتل خرسانية ومدرجات إضافية لإستيعاب تلك الاعداد الضخمة من حملة الثانوية العام ... والله يا جماعة بقت كلية التجارة عاملة زي الغابات الإستوائية عالية الأشجار والتي لا تصل الشمس إلى أرضها أبداً .. وبقى المنظر العام عبارة عن مباني مُلاصقة لبعضها والطلبة بيعدوا من ممرات تحت المباني الشاهقة وكل واحد يلعب في كتف اللي جنبه .. وطبعاً تنضرب بالنار لو فكرت تروح تلعب في المدينة الجامعية وإنت هنا جاي وجايب معاك طاسة فول تاخد فيها العلم وبس ..

لعب إيه وكلام فارغ إيه جاتكو القرف

اما عن الملاعب في المدارس - الحكومية وكثير من المدارس الخاصة - فحدث ولا حرج ... وأساساً لو أتكلمت عن حاجه إسمها ملعب هناك هايبصوا لك بإستغراب ويقولوا عليك راجل جاي من القرون الوسطى .. طب فين يا جماعة مُدرس الألعاب ؟ ده سيادتك عنده حصة فرنساوي أصل أستاذ الجغرافيا غايب فدخل بداله يدي درس تربية قومية ....

الاجازة اللي فاتت دي روحت مدرسة " الشويفات " في التجمع الخامس - يا ترى إنت فين يا كليو يا بنتي - والله عيني كانت هاتدمع من منظر ملعب كرة القدم الذي يُضاهي في جماله ملعب ستاد القاهرة .. وقولت بإذن الله لما أستقر في مصر أبقى أحاول أقدم لأولاد إبني عُمر في المدرسة دي .. ما هو اعز من الولد .. ولد الولد .. ومش هايجيني اعز من ولاد إبني عمر لما يكبر ويتجوز إن شاء الله وأنا اكون لسه ما أتخرجتش التخرج الكبير

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

مثل هذه الاخبار المؤكده والأسعار الفلكية بتخلق نوع من انواع الحقد الطبقي .... بجد

يعني الفقير ده مش من حقه يلعب في نادي .. ولا يكتفي باللعب في مناخيره بس ؟

أنا لا أُطالب بإن الدولة تأسس أندية فاخرة فيها حمامات سباحة وجا كوزي وحركات والفقرا يدخلوا يستمتعوا ببلاش

ولكن على الأقل يا أخي نعمل زي دولة من دول العالم لاثالث وهي البرازيل ونوفر ساحات شعبية يُمارس الجميع فيها الرياضة بدون تكاليف وبدون فلسفة ولا حركات إلتفافية

واظن الساحة دي ما بتكلفش حاجة .. مكان فاضي وفيه جونين لكرة القدم وشبكتين للعب السلة وسلامو عليكم وحد يراعيها عشان ما تتحولش لأوكار للبلطجية والمتشردين ..

لكن للأسف يوم ما بتتوفر عندنا اماكن زي دي بنتصرف بمنتهى الغباء وبنهدر تلك المساحات على الفاضي ..

خدو عندكو ....

- المساحة المهولة التي تحتلها حديقة الميريلاند بمصر الجديدة والتي تحولت إلى اوكار لطالبي المتعة المحرمة ... هل مش ممكن نصغر المساحة بتاعت الجنينة ونعمل ساحتين تلاتة مفتوحين للجميع ولا مطلوب مننا نعدي وإحنا ساكتين جنب سور نادي هليوبليس أو الغابة أو هوليليدو أو نادي النصر ونبص للناس النضيفة اللي بتستحمى كل يوم وتحط كولونيا ونمصمص شفايفنا ونروح ندور على أتوبيس نجري وراه عشان نعرف نروح ؟

- المساحة المهولة التي كان يحتلها سوق السمك في غمره والذي تم نقله إلى سوق العبور وعملو فيه مستشفى اليوم الواحد والباقي جناين عبيطه ..

- المساحة المهولة التي كان يحتلها سوق الخضار بروضل الفرج وبرضوا لم يتم إستغلالها ...

هو في إيه .. وليه نظرتنا بتبقى دنيئة لمثل هذه الأشياء وممكن نقول : يا عم لما نبقى نوفر للناس الأكل نبقى نفكر في اللعب ...

وبعد ده كله نقول إرهاب وشباب متعطش جنسياً وممكن سلوكه يبقى منفلت في بعض الاحيان او إنتشار ظاهرة العنف والتلوث السمعي والبصري وانعدام تذوق الجمال

أنا شخصياً تخرجت من كلية التجارة سنة . . وخير اللهم اجعله خير روحت ازور الكلية بعدها ما فيش بسنيتن لقيت التتار أستولوا على ملعبي كرة القدم والسلة وحولوهم إلى كتل خرسانية ومدرجات إضافية لإستيعاب تلك الاعداد الضخمة من حملة الثانوية العام ... والله يا جماعة بقت كلية التجارة عاملة زي الغابات الإستوائية عالية الأشجار والتي لا تصل الشمس إلى أرضها أبداً .. وبقى المنظر العام عبارة عن مباني مُلاصقة لبعضها والطلبة بيعدوا من ممرات تحت المباني الشاهقة وكل واحد يلعب في كتف اللي جنبه .. وطبعاً تنضرب بالنار لو فكرت تروح تلعب في المدينة الجامعية وإنت هنا جاي وجايب معاك طاسة فول تاخد فيها العلم وبس ..

لعب إيه وكلام فارغ إيه جاتكو القرف

اما عن الملاعب في المدارس - الحكومية وكثير من المدارس الخاصة - فحدث ولا حرج ... وأساساً لو أتكلمت عن حاجه إسمها ملعب هناك هايبصوا لك بإستغراب ويقولوا عليك راجل جاي من القرون الوسطى .. طب فين يا جماعة مُدرس الألعاب ؟ ده سيادتك عنده حصة فرنساوي أصل أستاذ الجغرافيا غايب فدخل بداله يدي درس تربية قومية ....

الاجازة اللي فاتت دي روحت مدرسة " الشويفات " في التجمع الخامس - يا ترى إنت فين يا كليو يا بنتي - والله عيني كانت هاتدمع من منظر ملعب كرة القدم الذي يُضاهي في جماله ملعب ستاد القاهرة .. وقولت بإذن الله لما أستقر في مصر أبقى أحاول أقدم لأولاد إبني عُمر في المدرسة دي .. ما هو اعز من الولد .. ولد الولد .. ومش هايجيني اعز من ولاد إبني عمر لما يكبر ويتجوز إن شاء الله وأنا اكون لسه ما أخرجتش التخرج الكبير

الشويفات يا قادر :rolleyes:

رابط هذا التعليق
شارك

مثل هذه الاخبار المؤكده والأسعار الفلكية بتخلق نوع من انواع الحقد الطبقي .... بجد

يعني الفقير ده مش من حقه يلعب في نادي .. ولا يكتفي باللعب في مناخيره بس ؟

أنا لا أُطالب بإن الدولة تأسس أندية فاخرة فيها حمامات سباحة وجا كوزي وحركات والفقرا يدخلوا يستمتعوا ببلاش

ما هي الدولة مشكورة أيام الإشتراكية أسست مراكز الشباب والساحات الشعبية علشان الفقرا يستمتعوا بحياتهم ويلعبوا رياضة وبرضة الدولة مشكورة بالإدارة الفاشلة دمرت كل مراكز الشباب وخلت حالها عدم وقلتها أحسن. وأكبر مثال مركز شباب الجزيرة الملاصق للنادي العريق.

"انا شخصيا اعمل فى نادى الجزيرة وارى انه لا يستحق ربع هذا المبلغ ولكن النادى يضم فعلا فئة واحدة كلهم من الاثرياء القدامى الذين لا يميلون الى الاختلاط بباقى طبقات المجتمع"

طبعا الجزيرة كنادي أجتماعي ورياضي لا يستحق ربع هذا المبلغ لكن الوجاهة الإجتماعية تساوي أضعاف هذا المبلغ وكمان علشان الباشوات الصغيرين ما يلعبوش مع ولاد الشعب.

مفيش حياة إلا عند غيرك تعيش في خيره ويعيش في خيرك

"فؤاد حداد"

رابط هذا التعليق
شارك

بغض النظر عن كل الآراء المعارضة ..

فإن النادي في مصر نافذة إجتماعية ورياضية ممتازة للأبناء ..

ولكل من يقدر أو يستطيع على دفع إشتراك أي نادي فعليه أن يسارع بذلك .. فهذا أفضل للأبناء ..

لأن البديل عن النادي بالنسبة لأبناؤك في مصر هي المقهى أو الكافيتريا أو الدوران في الشوارع ..

نعم الإشتراكات في النوادي في مصر مرتفعة وتستهدف طبقة محددة بعينها ...

وللعلم .. ليس كل المطلوب المال وفقط .. بل هناك بعض الشروط الأخرى مثل المؤهل والوظيفة ..

نعم .. ليس كل المصريين قادرون على الإشتراك في النوادي .. ولا يمكننا المطالبة بذلك ..

ولكن يمكن المطالبة بأماكن تستهدف الطبقات الأقل دخلاً .. والفقراء ..

ويمكننا أن ننادي بعودة أنشطة الساحات الشعبية .. ونوادي بالأحياء .. والنوادي الصيفية في المدارس ..

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني ..
بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك

هو فعلاً الإشتراكات بتبقى بالأسعار دى فى أول سنة فقط .... لكن بعد كده رسوم الإشتراك بتبقى قليلة بالتدريج...

يعنى أول سنة بتبقى بهذة الأسعار ... ثانى سنة بتقل النصف... و ثالث سنة بتقل .... و هكذا...

بالنسبة إلىّ فبما أنى لسا فاصل العضوية بتاعتى عن عائلتى جديد فعضوية النادى عندى لا تكلف سنوياً أكثر من 300 جنيه فى نادى الشمس... و كذلك نادى الطيران و نادى هليوليدو و نادى الغابة و كلهم بمصر الجديدة.

فعلاً على رأى مدام إيمان الحمد لله على أن آبائنا اشتركوا أيام العز و لم يكونوا يعرفوا ما الذى سيحدث ....

و الطريف فى الموضوع أن جدى كان رافض اساساً فكرة الإشتراك بالنوادى بحجة انها "فلوس على الفاضى" mfb: ... رحمه الله لم يكن يعرف أن الإشتراك فى نادى أصبح من ضمن متطلبات الزواج هذة الأيام :rolleyes:

44489_10151097856561205_1288880534_n.jpg

رابط هذا التعليق
شارك

وفي نادي المقاولون العرب تبدو الصورة براقة بعض الشيء بعد أن رفع رئيسه شعار إنه نادي كل المصريين عندما قرر فتح باب العضوية امام غير العاملين بالشركة ألام التي يتبعها النادي,‏ ولم يكن يعتقد أن الاقبال سيكون بهذا التدفق المطرد السريع‏,‏ اذ حصل الآلاف علي العضوية العاملة منذ أغسطس‏2004‏ وحتي الآن نظرا لضآلة المبلغ المطلوب سداده مقارنة بمعظم المنشآت والخدمات المتاحة علاوة علي الطبيعة الخلابة سواء الموجودة عند أعلي قمة بالقاهرة في فرع النادي بالجبل الأخضر بمدينة نصر أو في فرع النادي المطل علي نيل الجيزة‏..‏ مثلما يري المحاسب سعد البنا مدير عام النادي الذي تحقق في فترة وجوده أعلي عائد سنوي في تاريخ النادي حيث يقول إن البداية كانت بـ‏18‏ الف جنيه يدفعها العضو مقسطة بمعرفة احد البنوك المتعاقدة مع النادي بموجب الفيزاكارد وأنه تم رفعها مؤخرا لتصل إلي‏25‏ ألفا فقط وان تعليمات رئيس النادي والشركة المهندس ابراهيم محلب بعدم تجاوز هذا الرقم بأي شكل من الاشكال تسهيلا علي ابناء الشعب لتحقيق مقولة انه ناد لكل المصريين

عاوزين إيه بقى ياجماعة ؟ ... ماهو فيه أندية برخص التراب أهو .. يعنى ممكن أطفال الشوارع يشتركوا فيها .. وبعدين هى الناس عاوزة أندية ليه .. ما عندكو الحدائق العامة اللى فى كل مكان من اسكندرية لأسوان .. وفيها ملاعب وكافيتيريات وكله كله ..

بعد المقدمة القصيرة اللى تجيب الضغط دى .. المفروض كلنا ندعى إن ربنا يكون فى عون أجهزة الشباب والرياضة لأنهم يا ولداه مشغولين بتأجيل مباريات الكورة .. وحل مجالس الإدارات فى الأندية .. وتعيين مجالس إدارات .. والنظر فى مشكلات الشباب الطماع إللى عاوز نادى ومش طايل .. وعاوز شقة ومش لاقى .. وعاوز يتجوز ومش عارف .. ومن كتر النظر عنيهم بقت شيش بيش وأصبحوا مابيشوفوش حاجة خالص :rolleyes:

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

وهل هناك أي مكان بالععالم (أقصد أي دولة بالعالم) توفر الكماليات (إذا أن العضوية بالنوادي الإجتماعية من الكماليات) لكل أفراد الشعب ..

بما فيهم أطفال الشوارع ..

المبالغة في مناقشة أي أمر يفقد الموضوع إتزانه ويجعل مصيره الإهمال ...

بالمناسبة ..

منذ عدة سنوات إشتركت بالنادي الأهلي برقم يعتبر اليوم مبلغاً زهيداً بالمقارنة بقيمة الإشتراك الحالي (أعتقد أنه يقرب من سبعون ألف جنيه 0 غير متأكد- ) ولكن هذا المبلغ الذي إشتركت به كان يعتبر مبلغ كبير جداً وقتها ....

المبلغ كان تقريباً 15000 جنيه

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني ..
بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك

معليش يعني.....ليس كوني أعيش في الخليج...أو عندي أشتراك قديم في نادي محترم......سابقا طبعا...

وكعضوة أيضا في نادي أخر محترم..جديد..لا يمنعني من النظر بواقعيه لمعاناة غيري......

نحن كمسلمين نحب لغيرنا مانحبه لإنفسنا....

كون أن أسعار النوادي تصل إلي هذة الأرقام الفلكيه..وتبقي محصورة علي فئه واحده..وهي فئه الأثرياء..بغض النظر عن كيفيه تكوين ثرواتهم..أو مصدرها..فهذا منتهي الظلم..لإننا نجد فئه غلبانه جدا..وهي فئه المتعلمين أصحاب الشهادات الشرفاء كالطبيب أوالمهندس...من ذوي الأصل والفصل..والمكانه الإجتماعيه المحترمه لا يجرؤون بالحلم في الإشتراك في أحدي هذه النوادي...والتي بصراحه لم تعد الأمل والمطلب والمنتهي...نتيجه السلوكيات العجيبه..والتي أضحت علي الملأ بعد أن كانت تمارس في الخفاء....

أساسا كل تلك الطاقات المهدرة..هي في واقع الأمر قنبله زمنيه موقوته...حينما يأتي الوقت ستنفجر في وجوهنا جميعا....

لذلك علينا أن نهاجم

وليس علينا أن نقارن.....وطننا بوطن غيرنا...

لما بس الأول تعطي مصر لمواطنيها ...نصف ماتعطيه الدول الأخري ..برضه لمواطنيها...ساعتها يحق للأخر أن يحجر علي آرائنا...

المقارنه أصلا ظالمه ...بدرجه ظلم حكامنا....

لذلك أنا لا أجد أي مبالغه في مناقشة هذا الأمر المزري...وإذا كان مصيرة الإهمال فقولوا لي..ما الأمر أو

الموضوع ..الذي يمس قطاع عريض من الشعب...لم يكن مصيرها الأهمال؟؟

تم تعديل بواسطة nash

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 0
      عرض المقال كاملاً
    • 0
      هذه الحكايات حكايات من وحى خيال الكاتب والرسام وليست لها أى علاقة بالواقع الجميل حكاية أب شايف المصلحة وعارعرض الصفحة
    • 0
      هى المخالفات على مين مخالفات الزوجة الأصيلة اللى بتربى عيالك.السؤال ده مهم جدا حاليا بما أننا بنعيش فتراتعرض المقال كاملاً
    • 0
      منذ أيام أعلنت إدارة نادى لاتسيو الإيطالى عن عزمها تعويض جماهير الفريق التى اشترت تذاكر حضور مباراة فريقها مععرض المقال كاملاً
    • 227
      عاجبك كدة يادكتور هوبا اللي حصل في السودان !!! والله فضيحة ما بعدها فضيحة - كنا المفروض نتغلب 6 أو 7 على الأقل !! اللعيبة بالكامل شايلة أكياس رمل في رجلها - مفيش لعيب بيضغط على أي لاعب سوداني علشان ياخد الكورة - لعيبة بتترقص في نص سنتي !!! الأستاذ تامر عبدالوهاب كتر خيره خلص على الفرقة بدري بدري . حسيت إن الزمالك بيلاعب منتخب العالم مش الهلال السوداني !!! كدة نبصم بالعشرة إنهم خارج البطولة لو استمروا على ماهم فيه !!! 90 دقيقة الزمالك لم يلمس فيها الكورة على الإطلاق وكأنهم خشب مسندة في
×
×
  • أضف...