روسيا أم أمريكا ؟

[Scorpion]

بعد انتهاء هيمنة انجلترا و فرنسا علي العالم .. ظهر في التاريخ المعاصر قوتين جداد ... 

امريكا و روسيا .. و  مع الحرب الباردة اللي كانت بينهم كان فيه شبه توازن قوي في العالم ..

 

ما بين نظام رأسمالي يظهر بمظهر الشرطي الطيب الداعم للديموقراطية مهاجمآ  نظام شيوعي  "بياكل العيال الصغيرة " زي ما كانوا بيشنعوا عليهم .. العالم كان ممشي حالهم معاهم .. رقعة شطرنج تتحرك قطعها بين ايديهم حسب الحاجة ... وصلوا لدرجة التصادم النووي و التهديد بكده مرات عديدة ..

فضل الحال علي كده لحد ما جورباتشوف سلم الراية البيضا و الطريق بقي زلابية قدام الأمريكان .. و من ساعتها الدنيا ما شفتش خير ..

 

السؤال بقي .. من العبث ان الواحد ممكن يقول انا ممكن امشي حال بلدي من غير اي تأثير من دهو لا من ده .. يعني لازم يكون دايمآ  جانب مسيطر في الصورة ..

العالم كسب .. او ممكن يكسب اكتر لو انحاز  لمين فيهم ؟

 

و احنا في مصر جربنا الروس ايام ناصر و جربنا الأمريكان  ايام السادات .. 

و لعبنا المستهبلة ايام مبارك 

و دلوقتي شكلنا ينراهن علي الروس من جديد ..

 

في صالحنا الكلام ده ؟؟ و ليه آه و ليه لأ ؟

[Salwa]

أنا اليوم صباحااااا كنت اسأل نفسى نفس السؤال وفجأة ...

قلت ..

الله؟ 

طيب ماهو بشار  سند عليهم وعلى الصين ...سوريا فين؟ 

مين مع مين ؟

اليوم صباحااا اتخنق ٥٠ سورى ف كاميون على حدود ايطاليا.

المانيا بقى تتوقع ان يصلها قبل نهاية العام ٩٠٠ألف سورى.

مين توم ؟ ومين جيرى ؟

ومين الكلب الضخم اللى بيهوهو بس؟

العالم بيتغير بخرايطه..وف الآخررررر

محدش بيضحى بنفسه علشان حد .

ده حتى ف الروايات الرومانسية لغوا التضحيات ..والدنيا مصالح ياسى صالح شوف مصلحتك.

تحيا مصر ..بولادها.

[Scorpion]

اسم اللعبة يا مدام سلوي هو كل واحد يدور علي مصلحته ...

 

كل بلد تدور علي مصلحتها ..

 

و مصر دلوقتي مصلحتها مع مين ؟؟

 

احنا عادينا الروس  لما السادات قال ان كل مفاتيح اللعبة في ايدين الأمريكان و من مصلحتنا اننا نلف في مدارهم و تمن ده هو  اننا نحلف بالطلاق عالروس ..

و الاعلام  كتر خيره ما جصر .. عمل منها اللي مطلوب منه و اتربطت بالشيوعية و الشيوعية بقت مرادف للألحاد ..  خلاص اتحط عليها الختم ...

 

لكن لما فكرت اليومين اللي فاتت و حطيت في الميزان ايه اللي عاد علي مصر لما كانت منحازة لروسيا و ايه اللي عادلها لما كنا في مع الأمريكان

 

لقيت ان مصر كسبت اكتر مع الروس . او بصورة اوضح كسبت بس مع روسيا ..

لكن مع امريكا ماكانش فيه غير خسارة و بس ..

 

صح الكلام  و الا فيه فايدة عادت علينا من ساعة ما اتكتب كتابنا علي الأمريكان ؟

[Scorpion]

 

أنا اليوم صباحااااا كنت اسأل نفسى نفس السؤال وفجأة ...

قلت ..

الله؟ 

طيب ماهو بشار  سند عليهم وعلى الصين ...سوريا فين؟ 

مين مع مين ؟

اليوم صباحااا اتخنق ٥٠ سورى ف كاميون على حدود ايطاليا.

المانيا بقى تتوقع ان يصلها قبل نهاية العام ٩٠٠ألف سورى.

مين توم ؟ ومين جيرى ؟

ومين الكلب الضخم اللى بيهوهو بس؟

العالم بيتغير بخرايطه..وف الآخررررر

محدش بيضحى بنفسه علشان حد .

ده حتى ف الروايات الرومانسية لغوا التضحيات ..والدنيا مصالح ياسى صالح شوف مصلحتك.

تحيا مصر ..بولادها.

 

 

في رأيي يا مدام سلوي ظهور داعش كان الحل الأمريكاني لرفض روسيا انهم يشيلوا حليفهم بشار من الحكم ..

يعني لو فاكرين الدنيا كانت اتقلبت خلاص كلها عليه و المشروع كان جاهز زي ما كان جاهز لمصر .. و موجة الخريف العربي كانت وصلت خلاص لقصر الرئاسة و الكل في انتظار رصاصة الرحمة .. لكن بوتين خبط ايده عالترابيزة و قلبها علي امريكا .. اللي هددت شوية .. ما نفعش .. قالت خلاص تنزل المرة دي .. و طلعت من البرنيطة داعش و عمالة تقول جلا جلا للدنيا ..

[Grandma]

بعد انتهاء هيمنة انجلترا و فرنسا علي العالم .. ظهر في التاريخ المعاصر قوتين جداد ... 

امريكا و روسيا .. و  مع الحرب الباردة اللي كانت بينهم كان فيه شبه توازن قوي في العالم ..

 

ما بين نظام رأسمالي يظهر بمظهر الشرطي الطيب الداعم للديموقراطية مهاجمآ  نظام شيوعي  "بياكل العيال الصغيرة " زي ما كانوا بيشنعوا عليهم .. العالم كان ممشي حالهم معاهم .. رقعة شطرنج تتحرك قطعها بين ايديهم حسب الحاجة ... وصلوا لدرجة التصادم النووي و التهديد بكده مرات عديدة ..

فضل الحال علي كده لحد ما جورباتشوف سلم الراية البيضا و الطريق بقي زلابية قدام الأمريكان .. و من ساعتها الدنيا ما شفتش خير ..

 

السؤال بقي .. من العبث ان الواحد ممكن يقول انا ممكن امشي حال بلدي من غير اي تأثير من دهو لا من ده .. يعني لازم يكون دايمآ  جانب مسيطر في الصورة ..

العالم كسب .. او ممكن يكسب اكتر لو انحاز  لمين فيهم ؟

 

و احنا في مصر جربنا الروس ايام ناصر و جربنا الأمريكان  ايام السادات .. 

و لعبنا المستهبلة ايام مبارك 

و دلوقتي شكلنا ينراهن علي الروس من جديد ..

 

في صالحنا الكلام ده ؟؟ و ليه آه و ليه لأ ؟

 

 

دايما اسأل نفسي السؤال دا ، اللي مع مين يكسب ..... روسيا ولا أمريكا ؟

 

و الاجابة  : أمريكا أكييييييييييييييييييييييييد 

[Scorpion]

طب ما مبارك كان مع أمريكا ...

و الأخوان كانوا معاهم ...

 

و العريان كان معاهم من ايام ما كان متغطي ..

 

كسبوا ؟؟؟ 

[Grandma]

طب ما مبارك كان مع أمريكا ...

و الأخوان كانوا معاهم ...

 

و العريان كان معاهم من ايام ما كان متغطي ..

 

كسبوا ؟؟؟ 

 

 

طبعا كسبوا 

مبارك 30 سنة حكم ...ايه اكتر من كدا !!

الامريكان دافعوا عن الاخوان بضراوة و المعركة مازالت مستمرة 

وما تنساش حضرتك امريكا برضو لازم تدور على مصلحتها 

و بعدين انا في رأي ان روسيا مش ند لامريكا هي اضعف كتير من الهالة اللي حواليها 

بوتين اللي عامل لها منظر 

[Scorpion]

الهالة اللي حواليها يا سيدتي الفاضل وراها ترسانة نووية بتجبر امريكا تفكر ميت مرة قبل ما تتهور في اي حركة غلط  ..

زي برضه ما بتتعامل مع كوريا و الصين .. دي حتي ايران عملتلها حساب ..

 

امريكا بتتشطر بس علي اللي ماعندهمش ضهر .. نووي ..

 

و ادينا اهه مع روسيا حنخش عالنووي ..

[Grandma]

الهالة اللي حواليها يا سيدتي الفاضل وراها ترسانة نووية بتجبر امريكا تفكر ميت مرة قبل ما تتهور في اي حركة غلط  ..

زي برضه ما بتتعامل مع كوريا و الصين .. دي حتي ايران عملتلها حساب ..

 

امريكا بتتشطر بس علي اللي ماعندهمش ضهر .. نووي ..

 

و ادينا اهه مع روسيا حنخش عالنووي ..

 

طيب واحنا اما ندخل على النووي برجلنا الشمال ... ياترى امريكا هتخاف مننا زيهم ؟!!

أشك 

أشك اصلا ان امريكا هتسمحلنا باننا نكمل في الموضوع دا 

[Scorpion]

عالعموم الضبعة اعتقد انه حيكون كارت مساومة مش اقل او اكتر ..

 

المهم الرسالة الواضحة علي الأقل ان مصر خرجت من السيطرة الأمريكية ..

و علي الأقل ممكن نخرجلنا بكام مشروع اقتصادي تنموي ... مش معونات ..

[أبو محمد]

أعتقد أنه من الخطأ النظر إلى "الطفرة الاستراتيجية" فى العلاقات مع روسيا

على أنها علاقة كيدية أو عقابية أو انتقامية من اللوع والاستغلال الأمريكى

على فكرة تعبير "الطفرة الاستراتيجية" ده تعبير السيسى فى المؤتمر الصحفى مع بوتن

السيسي: هناك طفرة في العلاقات الاستراتيجية بين روسيا ومصر

الموضوع تبادل مصالح وليس أمريكا أحسن أم روسيا

ولكل مرحلة سياستها وملامحها ففى الوقت الذى قال فيه السادات أن 99% من أوراق اللعبة فى يد أمريكا

كان الوضع فعلا كذلك وكانت روسيا (أو الاتحاد السوفييتى .. ما تفرقش)

قد دخلت فى الفخ الأمريكى - عام 1972 - باتفاق الاسترخاء العسكرى فى منطقة الشرق الأوسط (لا حرب ولا سلم)

ثم دخلت برجليها الاتنين عندما تمكنت أمريكا من تفتيت الاتحاد السوفييتى

 

ويُحسب لمبارك أنه أعاد - على استحياء - العلاقات مع روسيا بعد رحيل السادات

ولكنه لم يكن يستطيع فكاكا من سيطرة القطب الأوحد أو الإفلات من قبضته

 

ليس فى السياسة فراغ .. درس تعلمناه من الخمسينات مع مشروع أيزنهاور لملء الفراغ

والفراغ المقصود كان هو الفراغ الناشئ عن انحسار الإمبراطوريتين البريطانية والفرنسية

(نلاحظ التقارب الخليجى ومعهم الأردن مع روسيا)

 

والآن - شكرا لأوباما ورهانه الخيبان على الإخوان - نشأ فراغ تملأه روسيا المؤهلة لذلك تماما

وكما كان الفضل لمصر لكى يضع الاتحاد السوفييتى قدمه فى المياه الدافئة أيام جمال عبد الناصر

فإن لمصر الفضل - الآن - لعودة تلك القدم إلى المياه الدافئة وفى مقدمتها مياه البحر المتوسط

التى وضعها بوتن ضمن العقيدة البحرية للقوات الروسية

بعد أن لم يصبح لها موضع قدم فيه سوى فى ميناء طرطوس السورى

وقد رأينا أول مناورات بحرية مصرية روسية الشهر الماضى فى مياه البحر المتوسط

 

نحن مقدمون على "علاقة استراتيجية" مع روسيا يجرى الآن رسمها بكل حرص وتؤدة

وربما يكون هذا هو سبب عدم توقيع اتفاق نووى مع روسيا فى هذه الزيارة كما توقع المراقبون

فالعلاقة النووية هى علاقة ذات اتجاه واحد .. عندما تبدأ فمن الصعب جدا إن لم يكن من المستحيل التراجع عنها

خصوصا أن روسيا - بخلاف أمريكا - لا تمانع ليس فقط فى بناء منشآت نووية والتدريب عليها بل وفى نقل التكنولوجيا

وهو ما حدث مع إيران .. فنقل التكنولوجيا رادع كاف للقوى ذات القدرات النووية فى المنطقة

ليس رادعا بتصنيع السلاح النووى ولكنه رادع بـ "المعرفة"

معرفة كيف تنتقل من الاستخدام السلمى إلى الاستخدام العسكرى طالما "أدخلت التكنولوجيا" إلى بلدك

 

أعتقد أننا وضعنا القدم على طريق الاستقلال الوطنى بعلاقتنا الاستراتيجية مع روسيا

وبالحفاظ - فى نفس الوقت - على علاقتنا الاستراتيجية مع أمريكا ولكن فى إطارها الصحيح

أخيرا أصبح عندنا "الإرادة" السياسية للاستقلال الوطنى

ولكن .. ربنا يستر .. فالأشرار لم ولن يتوقفوا عن العمل أيضا

[أبو محمد]

عالعموم الضبعة اعتقد انه حيكون كارت مساومة مش اقل او اكتر ..

 

المهم الرسالة الواضحة علي الأقل ان مصر خرجت من السيطرة الأمريكية ..

و علي الأقل ممكن نخرجلنا بكام مشروع اقتصادي تنموي ... مش معونات ..

 

مشروع الاستخدام السلمى للطاقة النووية هو مشروع مصر منذ الستينات

فبعد مفاعل انشاص - الذى بناه الاتحاد السوفييتى - بدأ العمل لإنشاء محطات قوى نووية

ولكن حرب 67 أوقفته

ثم جاء السادات وأحياه بعد انتصار اكتوبر وأخذ شوطا كبيرا

واستقر السادات - برغم توجهه إلى أمريكا - على التعاقد بالأمر المباشر مع فرنسا لإنشاء محطات قوى فى الضبعة

(وهذه كانت سياسة السادات فحتى مع صفقات السلاح الأمريكى كان يعقد الصفقات مع فرنسا للميراج وصواريخ الكروتال)

ثم جاء مبارك وفضل طرح مناقصة بدلا من الأمر المباشر .. لتأتى كارثة تشيرنوبيل ليتوقف مبارك

مرددا - بينه وبين نفسه - عبارته الأثيرة : "أنا مرتاح كده .. أنا مبسوط كده .. بلا وجع دماغ"

ولم يظهر المشروع على السطح مرة أخرى إلا ضمن "تكتيكات" التوريث

 

كما قلت فى المداخلة السابقة فإن الاتفاق على التكنولوجيا النووية هو اتفاق استراتيجى One way

له جوانب عدة :  فنية .. إجتماعية .. اقتصادية .. سياسية

ولابد من المواءمة مع كل تلك العوامل

لذلك فالمشروع تحت الدراسة لحوالى نصف قرن من الزمان

[herohero]

Money talks 
مصر وغيرها بتبقى مع اللي بيدعمها وده طبيعي باختصارمصر ما ينفعش تبقى مع روسيا او امريكا هي بتبقى مع الاثنين ده عادي جدا ومطلوب لحد ربنا ما يكرمنا ويبقى لنا حرية الاختيار فعلا 
يعني ما ينفعش اكون باخد دعم لامحدود من الخليج ويكون الخليج مثلا مرتمي في أحضان امريكا والاقي مصر تاخد موقف معاكس هههههههههههه يعني الرئيس السيسي التقي برؤساء محسوبين ع امريكا في روسيا  ورايحين يشتروا سلاح من روسيا هل معنى كده ان مواقفهم اتغيرت \

المصااااااااااااالح دلوقت فيه قرار بضرور التخلص من بشار ووضح حل روسيا هتاخد المعلوم والصين والخليج والعرب عموما هتدفع 

مش فاهم ايه الجديد للاسف العرب مفقعول به بعيدا عن كلام طق الحنك الامور مصالح كل رئيس من الدولتين الكبريتين عنده target لازم يلم فلوس لبلده والا عقده مش هيتجدد هيلم فلوس منين من العرب المغفلين 

 

مصر لا هتستفيد من امريكا ولا من روسيا العكس صحيح لكن للاسف احنا فقدنا كل أوراق الضغط 

 

مصر هتستفيد لما تبقى مع مصر والمصريين 
 

[Scorpion]

الهالة اللي حواليها يا سيدتي الفاضل وراها ترسانة نووية بتجبر امريكا تفكر ميت مرة قبل ما تتهور في اي حركة غلط  ..

زي برضه ما بتتعامل مع كوريا و الصين .. دي حتي ايران عملتلها حساب ..

 

امريكا بتتشطر بس علي اللي ماعندهمش ضهر .. نووي ..

 

و ادينا اهه مع روسيا حنخش عالنووي ..

و ابتدا المشوار ...