اذهب إلى المحتوى
محاورات المصريين

تغيير قانون العمل والعمال السعودي


Recommended Posts

موضوع الاماره انا سالت وقالولى انه ممكن يطول ياخدله حوالى سنه او سنتين وفي الفترة دى طبعا الواحد بيكون ساب الشغل عند كفيله ومش بيشتغل طبعا لان ما معهوش باسبوره او خطاب التنازل ... يعني بيقعد فى بيتهم وما بيقدرش يعمل اى حاجه لا يشتغل ولا اى حاجه خالص لحد ما الامور دي تتحسم ... ارجو الافاده الكلام ده صح ولا غلط ؟

رابط هذا التعليق
شارك

  • الردود 86
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

موضوع الاماره انا سالت وقالولى انه ممكن يطول ياخدله حوالى سنه او سنتين وفي الفترة دى طبعا الواحد بيكون ساب الشغل عند كفيله ومش بيشتغل طبعا لان ما معهوش باسبوره او خطاب التنازل ... يعني بيقعد فى بيتهم وما بيقدرش يعمل اى حاجه لا يشتغل ولا اى حاجه خالص لحد ما الامور دي تتحسم ... ارجو الافاده الكلام ده صح ولا غلط ؟

غلط :closedeyes:

لإن خلال فترة النزاع بينك وبينك كفيلك الإمارة بتعطي لك خطاب رسمي مختوم يفيد بالتصريح لك بالعمل في أي مكان لحين إنهاء النزاع يعني كإنك بتبقى على كفالة الإمارة ... يعني حتى الشركة الجديدة الي إنت عايز تشتغل عندها هاتريحهم لا نقل كفالة ولا صداع وفي نفس الوقت الخطاب ده من القوة بحيث إنك ممكن تدبه في عين التخين اللي يكلمك بس كده ممكن تدخل نفسك في قضية فقع عين hpc:!: ....

--------

أخونا المهندس المدني

يُسعدني الإجابة على أي تساؤل لأي مصري مغترب في السعودية وربنا يقدرنا ونكون في عون الاخرين .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

السلام عليكم ورحمة الله ...

والله يا إخواني انا عشت الظروف الصعبة دي بقالي 6 شهور ولسة فيها والحمد لله على كل حال بس تقريبا الموضوع قرب يوصل لنهايته لأني كان معايا مشكلة مع الكفيل واتجهت لمكتب العمل بأطالب فيه بحقوق 5 شهور سابقة خاصة بمكافأة ميزانية عن اعوام سابقة (وكنت كتبت حكايتي في الموقع )+ حقوقي الكاملة وصدر الحكم في اوائل رمضان ولم يتحكم لي الا بحقوق نهاية الخدمة فقط .. وانا توجهت اكتر من مرة لإمارة مكة المكرمة للحصول على تصريح عمل مؤقت مختوم منهم لأتمكن من العمل ولم يعطوني اي شئ بل حولوا الطلب لمكتب العمل في مكة وبعدين حولوه للرياض ورجع لجدة وحاجة استغفر الله العظيم وحسبي الله ونعم الوكيل في اللي كان السبب ... وفي النهاية مخدتش ورقة ولا حاجة ولم اعمل خلال هذه الفترة وصرفت اللي حوشته تقريبا على العيشة هنا .

وأنا لسة لم اسـتأنف الحكم(يجب ان يستأنف الحكم خلال 30يوم من صدوره ) ولسة ادامي بتاع حوالي 9 أيام من اليوم قبل نهاية مدة الإستئناف قبل ان آخد حقوقي المحكوم بيها والكفيل طبعاااا يعطيني خروج نهائي لأنه رافض اي تفاوض ... لكن لما قريت انه ممكن اروح للجنة العمالية في الإمارة علشان نقل الكفالة !!! هل ممكن الحكاية دي تنفع في الحالة بتاعتي دي ..ولا خلاص عليه العوض ومنه العوض .. على فكرة انا بقالي مع الكفيل 15سنة ويمكن تستغربوا ان راتبي كان فقط 3500ريال ومش كل فترة الخدمة ده بس آخر 8سنوات... قبل كده كان نصهم بس ...وكان جلوسي في مكة المكرمة يعني لي الكثير والله أعلم بذلك وصبرت على ظلم الكفيل واللي كان بيصبرني هو جلوسي في مكة لكن لما ربنا رزقني بإبنتي بعد فترة من الزواج حسيت اني لازم اطالب بحقوقي منه زي ما المحاسبين التانيين اللي مش مصريين طبعا بياخدوا منه ... المهم يعني بمعنى آخر انا لسة محتاج اقعد اشتغل هنا لأني يدوبك لسة شاري شقة لي ولمراتي وبنتي في مصر فهل ممكن حد يفيدني ...

وكل عام وأنتم بخير

رابط هذا التعليق
شارك

الاخ / خالد

أنا مش فاهم ما هي النصائح التي تريدها تحديداً ؟

مع العلم إن في شركتنا نفسها يعمل موظفون لديهم مشاكل مع كفلائهم ومعهم تصاريح مؤقته من الإمارة

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

اخي الفاضل سي السيد كل عام وأنت بخير

معلش يمكن موضحتش سؤالي بما فيه الكفاية ... انا بأتساءل على حكاية نقل الكفالة لما يكون الكفيل متعنت ومش عايز يساويني بباقي المحاسبين في أخذهم مكافأة الميزانية وسألت ناس كتير واستشرت أكتر علشان اقدر انقل كفالتي من الراجل الظالم ده ومكنش فيه اي مخرج لنقل الكفالة لأنه رافضها.. في حين انك بتقول ان لو الواحد راح للجنة العمالية بالإمارة وشرح لهم تعنت الكفيل وان أنا قدمت استقالتي مجبر لعدم مساواتي بباقي المحاسبين (وأخذهم لمكافأة الميزانية مسجل في الأوراق والميزانيات).. وفي الإمارة بيجبروا الكفيل على نقل الكفالة ..هل بكده ممكن يكون فيه أمل بنقل الكفالة بتاعتي ؟؟؟

بالنسبة للتصريح انا والله قدمت على تصريح العمل ده في الإمارة وهم قالوا لي احنا مش جهة اختصاص روح قدمها في مكتب العمل في مكة ولما رحت لمكتب العمل قالي برضة احنا مش جهة اختصاص وحولها للرياض للعمالة الوافدة ودوخيني يا ليمونة .. وفي النهاية مخدتش حاجة وملقيتش أي ورقة احطها في عين أي حد .. ده انا حتى سألت واحد اخدتها إزاي قال لي جبت واسطة واخدتها من وزارة الداخلية ومش بس انا اللي دايخ فيه برضة دكتور مصري اعرفه دايخ على التصريح ده ... علشان كده انا مستغرب انها سهلة كده ....

رابط هذا التعليق
شارك

  • بعد 2 سنة...

أنا أحمد عفيفى وإن شاء الله مسافر السعوديه على تأشيره حره يوم الخميس الجاى ومعيييش أى دورات غير icdl وعايز أعرف إيه إللى ممكن أعمله ومشتغلتش خالص من ساعه ما خلصت الكليه على فكره أنا خريج 2008 بكالوريوس تجاره جامعه بنها

وعايز أعرف شغل المحاسبه كووووويس ولا لأ لو سمحتو عاااااايز أكتر من حد يرد عليا وألف شكر وعلى فكره مسمى التأشيره نجار مبانى .

لا إله إلا أنت سبحانك إنى كنت من الظالمين

رابط هذا التعليق
شارك

أنا أحمد عفيفى وإن شاء الله مسافر السعوديه على تأشيره حره يوم الخميس الجاى ومعيييش أى دورات غير icdl وعايز أعرف إيه إللى ممكن أعمله ومشتغلتش خالص من ساعه ما خلصت الكليه على فكره أنا خريج 2008 بكالوريوس تجاره جامعه بنها

وعايز أعرف شغل المحاسبه كووووويس ولا لأ لو سمحتو عاااااايز أكتر من حد يرد عليا وألف شكر وعلى فكره مسمى التأشيره نجار مبانى .

السلام عليكم

حضرتك هتشتغل في شركة تخصصها ايه وايه حجمها لو تعرف ؟

لو فيزا حرة وممكن تشتغل في اي مكان

يبقى اطمن خالص , ممكن تشتغل في اماكن كتيرة

على العموم في السعودية ممكن اي حدحديث يشتغل في اماكن كتيرة والخبرة الفعلية من خلال المسئولية اللي بتلقى على عاتقه

انا مش محاسب بس اعرف ناس كتير بالشكل ده سواء في مجال المحاسبة او غيره

تم تعديل بواسطة محمد الششتاوي
رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...