اذهب إلى المحتوى
محاورات المصريين

دورنا كمواطنين


عبير يونس

Recommended Posts

في الواقع لم أكن لأتحدث في مثل هذا الموضوع و أنا مغتربة وبعيدة عن أرض الواقع

كنت قد وعدت حضراتكم في موضوع "عيد ميلادي الثاني و الأربعون " أن أتحدث عن الكثير مما أراه و أرصده هنا على أرض المحروسة

في هذا الموضوع

و بنظرة ايجابية

لن نشتكي و ننتقد

لن نلوم

لن نقارن أنفسنا و بلدنا بغيرنا

لن نعتبر أنه ليس بالعالم غيرنا فقط

و لن نعيش في الماضي و نظل ندور في مشاعر الحزن أو الغضب أو حتى الفخر

سنتعامل مع الماضي كصندوق للدروس و الخبرات

سنتعامل مع بلدنا كجزء من منظومة كبرى على مستوى القارة و الشرق الأوسط و العالم

سنقارن بلدنا " الآن" مع بلدنا " سابقا" لنقيس التطور و لنخطط لبلدنا " مستقبلا"

سنترك لوم الحكومة على أننا لم نستطع النوم جيدا بالأمس :) فما أقلقنا بالأمس كان الصوت العالي للدي جي لمن يحتفلون بليلة الحنة لابنهم العريس,, ناس من الشعب,, ناس مننا احنا مش من الحكومة!

سنترك الشكوى و النقد قليلا و نبحث عن ايجابيات تحدث و لا أحد يعطيها حقها من الشكر في سيل عارم من الشكوى التي أرى أن البعض اعتنقها و صارت لهم تيارا فكريا!

هنا و في هذه المساحة

مرحبا بكل عمل ايجابي

نفكر به

ندل عليه

نقوم به

على مستوى البناية التي نقطنها

الشارع الذي نسكن به

المربع السكني

الحي

نحن مسؤولون

الحكومة مسؤولة

و لابد من التعاون معا

لتحقيق ما نرجوه لبلدنا التي تجمعنا معا

أنتظر حضراتكم

أعد شحن طاقتك

حدد وجهتك

و اطلق قواك

رابط هذا التعليق
شارك

عندما كنت اخطط منذ سنوات للهجرة لكندا

كنت أستعين بالخرائط

لأتعرف على مقاطعات كندا

و على مدن كل مقاطعة

و على خريطة المدينة و أحيائها

و على خريطة الحي و المربعات السكنية و المناطق الحيوية و المواصلات و الخدمات

للتعرف على المكان و معرفة كيف يمكن أن "أعيش" فيه

و هذا ما فعلته بمجرد وصولي للقاهرة بعد اغتراب دام 12 عاما في السعودية

تغيرت خلالها معالم عديدة و تطورت بها أشياء و تفاصيل

حتى لو لم تكن مغترب

سيدهشك كم التفاصيل التي لم تكن تلحظها في أقرب الأماكن لديك

و مؤكد ستفتح لك العديد من الأفكار و الفرص لأشياء لم تكن تخطر ببالك من قبل

أدعو حضراتكم لاستخدام الخرائط للتعرف على تفاصيل أين نقيم و ما حولنا

هي نظرة جديدة و منظمة لها عظيم الفائدة

و تستحق التجربة

َ

أعد شحن طاقتك

حدد وجهتك

و اطلق قواك

رابط هذا التعليق
شارك

خريطة القاهرة من موقع جوجل

شكرا للتقنيات الحديثة و مخترعيها

و شكرا موقع جوجل

كافئوا أهل الفضل

:)

http://www.worldmapfinder.com/Map_Earth.php?ID=/Ar/Africa/Egypt/Cairo

أعد شحن طاقتك

حدد وجهتك

و اطلق قواك

رابط هذا التعليق
شارك

هل تعرف حجم ما تقدمه هيئة النقل العام من خدمات؟

هل تعتقد أنك خبير في المواصلات و تعرف تماما الوسيلة المناسبة لإيصالك لوجهتك؟

لا شك أن شعبنا الجميل مستعد دوما لمساعدتك و مشاركتك ما لديه من معلومات تساعدك

ما سأقدمه لحضراتكم اليوم

مجهود رائع لشاب مصري جميل

صمم موقع أسماه " أركب إيه"

دليل المواطن التايه :)

وضع به خاصية بحث

و ما عليك ادخاله فقط من بيانات

هما:

مكانك الذي ستتحرك منه

و وجهتك التي تريد الوصول إليها

فيعطيك خيارات متعددة من أرقام الاتوبيسات و الميني باصات

أو خطوط مترو الانفاق

مع امكانية معرفة كل المحطات التي يمر عليها كل اتوبيس او ميني باص بالضغط على رقمه

الموقع رائع و سلس و مكثف الفائدة

و جهد مصري 100%

تفضلوا

http://www.arkabeh.com

أعد شحن طاقتك

حدد وجهتك

و اطلق قواك

رابط هذا التعليق
شارك

jتحياتي استاذة عبير انا بس حابب اكد ع ان المواطن ليس وحده المنوط به الاصلاح ، ومازلت مصر ع نفس الميدا

السلم بيتكنس من فوق

وتحياتي لاي مجهود يبذله المواطن وربنا يصبره لان مجهوده ف دقائق بيضيع مع قرارات وتصرفات المحليات ومجالس المدينة

رابط هذا التعليق
شارك

jتحياتي استاذة عبير انا بس حابب اكد ع ان المواطن ليس وحده المنوط به الاصلاح ، ومازلت مصر ع نفس الميدا

السلم بيتكنس من فوق

وتحياتي لاي مجهود يبذله المواطن وربنا يصبره لان مجهوده ف دقائق بيضيع مع قرارات وتصرفات المحليات ومجالس المدينة

أهلا بيك يا باشمهندس

معاك حق طبعا ان المواطن مش مسؤول لوحده

و ده اللي قلته بالضبط في رأس الموضوع

نحن مسؤولون

الحكومة مسؤولة

و لابد من التعاون معا

لتحقيق ما نرجوه لبلدنا التي تجمعنا معا

و عليه

خلينا نقوم بمسؤولياتنا كمواطنين و نبقى عارفين كويس اللي لينا و اللي علينا

عشان نحدد ايه هي حقوقنا اللي نطالب بيها

سرني مرورك هنا :)

أعد شحن طاقتك

حدد وجهتك

و اطلق قواك

رابط هذا التعليق
شارك

دي مداخلة لى فى نوفمبر 2009

في موضوع بعنوان "مكانة مصر "

أوردها هنا

فقط لأقول أن ما نريده يتحقق

شكرا لمحاورات المصريين

لولاكم ما كنت الآن أتنفس هواء المحروسة

عارف يا فندم احنا مشكلتنا ايه؟اننا عايزين نعيش في يوتوبيا

و ننسى أو نتناسى أن الشر والفساد حيفضل موجود و عمره ما حينتهي

و الخير دايما بينتصر

المشكلة ان الخوف ركبناو اتشحنا بوشاح السلبية

كل واحد في حاله

و لسان حاله بيقول وانا مالي

انا عندي عيال عايز اربيهم

ده الناس بقت بتخاف من الشهامة والجدعنة!!!لأحسن نتيجة الجدعنة دي تيجي على دماغه

في مشكلة كبيرة جدا كمان

ان معظم الناس تجهل القانون و بالتالي بتضيع حقوقها أو بتوقع نفسها في مشاكل

و ممكن ضعاف النفوس من المسئولين يستغلوا هذا الجهل للإضرار بالمواطنين

و قصاد ضعاف النفوس دولفي كتير اويمن المسئولين الشرفاءبس احنا للأسف بقينا بنشوف نصف الكوب الفارغ

أنا أذكر مرة و أنا في أولى جامعةضاعت بطاقتي الشخصية

ذهبت للقسم فورا أحرر محضر

سألني الضابط على أساس اني بنوتة صغيرة

ليه اهتميتي بسرعة كده

قلت له دي هويتي ممكن أي حد يلاقيها و يعمل بيها أي مصيبة تؤذيني

كان الضباط كلهم مبسوطين ان بنت عندها 17 سنةعارفة القانون

دول كانوا بينادوا بعض عشان يوروهم البنوتة دي والكلام اللي بتقوله

احنا بندي ودانا لقاسم السماوي

اللي بيشوف كل حاجة وحشةو مبيعترفش أصلا ان في حاجة حلوة

احنا بندور على الحقوق وبس

فين واجباتنا

هي الضرائب كل حاجة؟؟!!

هل بنهتم بالمرافق بتاعتنا؟؟

هل بنشغل نفسنا بالمحافظة عليها؟؟

معقول الدولة تكون مسئولة عن كل حاجة؟؟!!!

فين دورنا كمواطنين؟؟؟

من أيام تزوير الانتخابات في الثمانينات

و الناس فقدت الثقة بالبطاقة الانتخابية

أنا أول واحدةمعنديش بطاقة انتخابية

لأن اللي نشروا و ضخموا استفادوا من احجام المواطنين عن التصويت

لو كل واحد فينا عمل بواجباته و تمسك بحقوقه أكيد حنعمل حاجة

بتتكلموا عن الواسطة؟؟

طيب ايه رأيكم انها متفشية في كل حتة في العالم

وفي الدول المتقدمة على وجه الخصوص

الفرق انهم ما بيسكتوش

ما بيقفوش مكتوفي الأيدي

بيحاربوا عشان يوصلوا لحقوقهم

ما يضيعش حق وراه مطالب

انا على فكرة بأفكر مع حضراتكم بصوت عالي

و بأوجه الكلام لنفسي قبل ما أوجهه لحضراتكم

أنا أول واحدة تعبت بسرعةو طفشت برة البلد

عمري ما كنت بأفكر في الكلام اللي بأقوله دلوقتي

عشت كتير في الغيبوبة

احنا بندي وداناوناخد على أساس كده قرارات

يعني مثلا كمغتربين الناس تروح مصر أجازةترجع تحكي عن السلبيات بس

و الناس كلهابتقول مصر بقت وحشة

اوي

الله؟

أمال الناس اللي عايشين و ناجحين في مصر دول ايه؟؟؟

طب نجحوا ازاي؟؟؟

معقول كلهم ناجحين بالواسطة؟؟؟

معقولة كلهم نصابين و حرامية و مرتشين؟؟

و الا تضخيم موضوع التحرش حسسني اني اللي بتمشي في الشارع بيغتصبوهاو الا أي حد ماشي بيتسرق

طول عمر الشر موجود

و الجريمة موجودة

و الفساد موجود

الموضوع و ما فيه انه اتبروز وتم تضخيمه

عشان الصحف و التلفزيونات تاكل عيش

لما بيتكلموا عن الفساد و الحوادث والجرائم تلاقيهم يفردوا صفحات و ساعات من البث

هل زمان الناس كلها كانت طيبة و ما كانش في مجرمين؟؟

الفساد انتشر و زاد لأن الإعلام بقى بيعرضه كدروس تعليمية للي عنده استعداد للانحراف و مش لاقي حد يوجهه

بتوريه الجريمة وايه اللي خلاها تنكشف

حثا منها على ان يتفوق المجرم في كل مرة عن المرة السابقة ليصل الى مستوى الجريمة الكاملة

بتلافيه للأخطاء التي وقع فيها من سبقوه

لو علمتم الغيب لرضيتم بالواقع

خدنا ايه من حرية الصحافةاللي ما بتراعيش مشاعر الناس و بتهديهم لحد بيوتهم كل ما يؤرق و يؤزم و يصيب بالإحباط

الهدف هو التغيير مش كده؟

يا جماعة السلبية مرض خطير و فتاك و للأسف معدي

آن الأوان لتجاهل السلبيات و إبراز الإيجابيات

و تضخيمها والترغيب فيهاو الحث عليها

و كفانا بحثا عن المصائب والكوارث وكأننا بننكش ع النكد بمنكاش

يا ريت يا جماعة نقوم بحملة للتفتيش عن الإيجابيات في حياتناو نبطل ندي للسلبية أكتر من حجمها

تحياتي :roseop:

أعد شحن طاقتك

حدد وجهتك

و اطلق قواك

رابط هذا التعليق
شارك

المكان : شارع الأهرام بمصر الجديدة

أقف بانتظار ميني باص في منتصف الشارع

حيث اعتدت أن الميني باص يقف بأي مكان لأى أحد

شيء جميل طبعا لما يكون الحد ده هو انت

لكنك ستكون اول المتذمرين عندما يكرر السائق فعلته و انت بالفعل بالداخل و ترى وقوفه المتكرر تعطيل لحضرتك

ما علينا

لقيت رجل ربما خمسيني يوجه لي الحديث

يا مدام لو منتظرة اتوبيس المحطة هناك

رديت بلا وعي..مهو بيقف في أي حتة

رد و قال المحطة أهي بدل ما يزحم الشارع

نظرت إليه و قد اذهلني أنني لا أدرك أنني مخطئة

و كأنما قرأ ما يدور بخاطري.. فأردف قائلا

كلنا بنحب البلد و عايزينها أحسن

و بنظرة مشدوهة

لم ألحظ أين ذهب

أو أين اختفى!!

أعد شحن طاقتك

حدد وجهتك

و اطلق قواك

رابط هذا التعليق
شارك

استاذة عبير كلام حضرتك ممتاز لكن ماتنسيش اصلا ان حضرتك ف مصر الجديدة

الاتوبيس اللي بيقف ف اي حته موجود ف شارع شبرا وفي حتت اصلا الاتوبيس مش بيقف ف المحطة لان مفيش محطة أصلا

لازم لما تتكلمي عن مصر تحددي انت بتتكلمي عن أي مصر

اه والله في مصرين مش مصر واحده في مصر العادية وفي مصر المميزة زي الاتوبيس كده العادي والخدمة المميزة

رابط هذا التعليق
شارك

استاذة عبير كلام حضرتك ممتاز لكن ماتنسيش اصلا ان حضرتك ف مصر الجديدة

الاتوبيس اللي بيقف ف اي حته موجود ف شارع شبرا وفي حتت اصلا الاتوبيس مش بيقف ف المحطة لان مفيش محطة أصلا

لازم لما تتكلمي عن مصر تحددي انت بتتكلمي عن أي مصر

اه والله في مصرين مش مصر واحده في مصر العادية وفي مصر المميزة زي الاتوبيس كده العادي والخدمة المميزة

الاسبوع الماضي كنت بشارع شبرا و تحديدا المحطة اللي بعد شارع الراعي الصالح

الناس كانت واقفة ع المحطة

و انا وقفت معاهم :)

أعد شحن طاقتك

حدد وجهتك

و اطلق قواك

رابط هذا التعليق
شارك

بنفس اليوم استقليت بالفعل ميني باص و قطعت تذكرة

و سألت السائق عن أقرب مكان لشارع عباس العقاد عشان اخد تاكسي لهناك

ما كان منه غير انه اخد التذكرة و رجع لي فلوسي و قال لي خدي ميني باص رقم 10 من الشارع المقابل

الخير موجود و كتير اوي كمان

محتاجين بس يقين في رب العباد و فيمن يستعملهم لخدمة عباده

عمار يا مصر

أعد شحن طاقتك

حدد وجهتك

و اطلق قواك

رابط هذا التعليق
شارك

بنفس اليوم استقليت بالفعل ميني باص و قطعت تذكرة

و سألت السائق عن أقرب مكان لشارع عباس العقاد عشان اخد تاكسي لهناك

ما كان منه غير انه اخد التذكرة و رجع لي فلوسي و قال لي خدي ميني باص رقم 10 من الشارع المقابل

الخير موجود و كتير اوي كمان

محتاجين بس يقين في رب العباد و فيمن يستعملهم لخدمة عباده

عمار يا مصر

استاذة عبير محدش قال ان مصر بلد اهلها مفيهومش خير

بس انظمة ادارة الدول لا تقاس بطيبة شعبها او قلبهم الابيض او الخير اللي ف قلبهم

استاذتي الفاضلة حكمك ع الامور وانت ف مصر بتتعاملي معاها كسائحه مختلف جدااااااااااااا عن تعاملك مع مصر كموظفة

يعني انا حاليا ف مصر بتعامل عادي وبفوت ليه ؟؟؟ لان انا ف اجازة عادي لما حد يغلي عليا الاجرة عادي لما سائق التاكسي يتاخر ولا الطريق يقف ماهو انا نازل ولا رايح مشوار اتفسح ، انما من 10 سنوات كانت كارثة لان كان عندي شغل وهتاخر هاخد جزاء

اتمنى تكون الرسالة واضحه حضرتك بتشوفي مصر وانت سائحه

وانا وغيري لم نقل ان الشعب المصري سئ ولا اتحدث عن الشعب لان الدول لاتحكم ولا تتقدم بالشعب فقط بل بالمنظومة

الشعب المصري ضحية منظومة فيها الكثير من الفساد والخلل بل والروتين الغبي

عاوزة تتكلمي يا استاذة عبير كلميني عن المرور (تجديد ترخيص-تجديد رخصة -شهادة براءة ذمة )، كلميني عن التعاملات مع الصنايعية (تشطيب بيت-فيلا -شقة زوجية - تشطيب عفش او اي شئ ) وعن حاجات كثير فيها سلبيات جزء كبير منها مش الشعب لا المنظومة

اما الناس فهم طيبون ويستاهلوا منظومة كويسة بس حظهم

رابط هذا التعليق
شارك

انا مش سايحة يا باشمهندس

و من ساعة ماجيت و أنا باتعامل مع المصالح الحكومية و المواصلات العامة

و باشوف الله يعزك إزالة في كل حتة و اللي اكيد مش الحكومة اللي رمياها

لو رجعت حضرتك لرأس الموضوع و عنوانه حتلاقي أن المطلوب هنا هو الحاجات الإيجابية في البلد

حضرتك انا دلوقتي باتكلم من قلب الحدث مش كمغتربة باتفرج من بعيد

و الفرق اكيد واضح

أعد شحن طاقتك

حدد وجهتك

و اطلق قواك

رابط هذا التعليق
شارك

تخليت عن قيادة السيارة بنفسي منذ سنوات عديدة , و من وقتها و أنا أشعر كما لو كنت رهين الإعتقال صحيح أن عندي سائق خاص يعرف مصر كلها و مطيع و لا يتأفف من أي مشوار و لكن هذا لا يغني عن حرية الحركة من خلال المواصلات العامة التي أفتقدها

ما سبق كان إستهلالا لابد منه

الفاضلة عبير أشعر بعظيم الإمتنان لموضوعك هذا و مشاركتك هذه فقد أعدتي لي الأمل في حرية الحركة كما عهدتها كنت أرمح في القاهرة من أقصاها إلى أقصاها صحيح كان ذلك في الأيام الخوالي أيام أن كان الأتوبيس ينقلني من كوبري القبة للتحرير "بخمسة ساغ" أو أيام الأبونيه كل الخطوط و الذي كانت يتكلف جنيه و نص في الشهر.

حنيني ليس إلى فترة الستينيات - عاوزنا نرجع زي زمان قول للزمان إرجع يا زمان - حنيني لفترة التسعينيات و قت أن توقفت مكرها عن السياحة في القاهرة أي مشوار بالتاكسي كان ينتهي بإمتعاض شديد و عدم رضا من سائق التاكسي.

التعامل مع المواصلات العامة و الدردشة مع الركاب متعة حقيقية و حياة حقيقية

مواطنين لا متفرجين


رابط هذا التعليق
شارك

انا مش سايحة يا باشمهندس

و من ساعة ماجيت و أنا باتعامل مع المصالح الحكومية و المواصلات العامة

و باشوف الله يعزك إزالة في كل حتة و اللي اكيد مش الحكومة اللي رمياها

لو رجعت حضرتك لرأس الموضوع و عنوانه حتلاقي أن المطلوب هنا هو الحاجات الإيجابية في البلد

حضرتك انا دلوقتي باتكلم من قلب الحدث مش كمغتربة باتفرج من بعيد

و الفرق اكيد واضح

أستاذتي الفاضلة حضرتك تعاملك مع الجهات الحكومية متمثل ف تجديد اجازة عمل او تصريح عمل او مرور وع فكرة اتحداكي لو حضرتك مقتنعه بالآلية اللي بيتم بيها هذا الحدث لكن ف الاخر اسمك ف اجازة يعني نازلة مصر وعارفه انك قاعده فيها فترة زي حالاتي وحال غيرنا من الاخر عارفه ان يومين وهيعدوا والحمد لله الامور المادية والوقت مش فارق قوي

انا بتكلم ع اللي كل يوم رايح جاي ف المواصلات او ف الطريق الدائري ،انا مش بقول ان مصر كلها سواد بس حضرتك بتقولي المواطن

يا استاذتي الفاضلة انا معاكي ان المواطن اللي بيرمي الزبالة ف الشارع حلو جدا طيب وفري له صناديق زبالة

اكيد حضرتك شوفت عربية الزبالة ع الطرق وهي مفتوحة وبتوقع الزبالة

أكيد حضرتك شوفت الاشغالات ع الطريق اللي يتحمل مسئوليتها تجاوز من المواطن واهمال وتراخي او فساد من الحكومة

استاذتي الفاضلة انا ليا تجربة بسيطة ايام غزو العراق للكويت توقفت طبعا شركات النظافة النتيجه البلد بقة مزبلة فالمواطن له دور ولكن الحكومة والادارة هي السلطة تنفذ وتطبق القانون

استاذتي انا كمواطن بسوق ع الطريق الدائري ما دوري ف محاربة سائقي المقطورات وتجاوزاتهم الرهيبة ؟؟ مش معايا سلطة

كلام حضرتك عن دور المواطن شئ مهم جدااااااااااا بس ماتنسيش ان الحكومة للاسف بتراخيها او اهمالها بتشجع المواطن ع الاهمال

بم انك ف مصر اتمنى حضرتك تصوري ليا شبابيك محطة مترو رمسيس او العتبه وتبصي ع شبابيك التذاكر تلاقي 2 موظف او 3 ع الرغم من وجود اماكن لصرف التذاكر تسع موظفين اكثر وف الاخر اعيب ع المواطن لانه مش ملتزم بالنظام طب ما احنا اللي كنا سبب ف ظهور الزحام ، ومن المبكي ان اقف طابور واقطع التذكرة والاقي غيري بينط من غير تذكرة من ماكينة العبور ع فكرة مرة اتكلمت وزعقت ايه راي حضرتك ان المواطن المخالف كان هيتخانق معايا باللفظ وباليد ولما روحت كلمت بتاع التذاكر قالي معلش !!!! شوفتي ايجابيتي اخرتها ايه

وهناك الكثير من المواقف لكثير من المواطنين ومازلت بقول لحضرتك انت بتتعاملي مع مصر كضيفة جاية تادي كم مهمة وترجع ثاني ونفضل كالمعتاد نتكلم ونحلم

رابط هذا التعليق
شارك

  • بعد 6 شهور...

ظاهرة جديرة بالاحترام و النشر

في موقف ميكروباصات رابعة في منطقة الألف مسكن

يصطف المواطنون طوابير بلا منظمين و بلا توجيه ليستقلوا الميكروباص بمنتهى الهدوء

و حين يكتمل العدد يغلق باب السيارة و ينطلق

و باقي الطابور واقف زي ما هو بنظام و اكرر بلا تنظيم او توجيه من احد

و ده بيحصل كل يوم الصبح للي عايز ينزل يشوف

عمار يا مصريين

ياحلوين اوووووي

أعد شحن طاقتك

حدد وجهتك

و اطلق قواك

رابط هذا التعليق
شارك

ظاهرة جديرة بالاحترام و النشر

في موقف ميكروباصات رابعة في منطقة الألف مسكن

يصطف المواطنون طوابير بلا منظمين و بلا توجيه ليستقلوا الميكروباص بمنتهى الهدوء

و حين يكتمل العدد يغلق باب السيارة و ينطلق

و باقي الطابور واقف زي ما هو بنظام و اكرر بلا تنظيم او توجيه من احد

و ده بيحصل كل يوم الصبح للي عايز ينزل يشوف

عمار يا مصريين

ياحلوين اوووووي

رابعة !!!!!!!!!!!!!!!

واكيد موقف ميكروباص عشوائي

عموما ظاهرة تستحق الدراسة

رابط هذا التعليق
شارك

11180611_1019007688124176_61488168269746

نقلاً عن Sherif Nader

"النهارده نازل من بيتي في رحلتي اليوميه للشغل 36 كم على طريق السويس ومعايا كالعاده بنتي علشان اوصلها المدرسة.

المهم دورت العربية وطلعت حسيتها تقيلة شوية وما بتمشيش كويس، فقرصت عليها برضه مش عايزة تسحب، قولت خلاص لما اروح الشغل ابقى اشوف مالها.

طلعت طريق السويس واسمع وررررررررررررر العجلة اللي قدام راحت في داهية!

الحمد لله عرفت اسيطر ولميتها لغاية ما ركنت ع اليمين، وكلمت مراتي كانت نازلة بعدي علشان تيجي تاخد جوجو توديها المدرسة، وانا ربنا يتولاني برحمته، فعلاً جت وخدت جوجو وانا دخلت قعدت في التكييف ادور في الموبايل على نمره ونش، وفجأه الاقي نقل كبيره وشايل كونتينر جه وركن قدامي ونزلي وقالي خير، شرحتله اللي حصل، قالي انا معايا منفاخ هوا هنفخهالك.

وفعلاً نفخها بس طلعت متفرتكة، قاللي معاك استبن؟ قولتله اه، راح جابه ولقاه نايم هو كمان، قاللي ولا يهمك نغيره الاول، وقعد غيره وبعدين نفخهولي، قمت حطيت ايدي في جيبي قالي والله لو طلعتلي فلوس هزعل منك قلتله ليه بس، قالي انا بساعدك لله.

قالي ممكن تفتح الشنطه، قلتله ليه؟ قالي عايز اديلك حاجة، فتحت الشنطه راح جايبلي من عربيته شوال بطاطس وقالي دي لسه صابحة، قلتله ربنا يكرمك مالوش لازمه يا عم، صمم وقال والله لازم، سلمت عليه واتصورت معاه وشكرته وقلتله ما البلد فيها شباب محترم اهوه، قالي انا اخوك محمود من دمياط، قولتله الف شكر وربنا يسترلك طريقك ‏‎smile‎‏ رمز تعبيري"

‪#‎Bey2ollak‬

لمتابعة أحوال المرور لحظة بلحظة نزل بيقولك على موبايلك

http://app.bey2ollak.com?id=1745641442

لمزيد من أحوال المرور تابعنا على تويتر من هنا:

www.twitter.com/bey2ollak

وكالريح لا يركن إلي جهه

إلا وهيأ لأخري راحله ...

 

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 21
      ما هو دورنا كمسلمين نحو غزو العراق ؟؟ دورى أنا ..و أنت ...و كل مسلم و مسلمة ؟ و أسأل عن دورنا و لا أسأل عن موقفنا الذى لا يختلف عليه اثنان من رفض هذا الغزو. و الموقف شيئ و الدور شيئ آخر خاصة الآن بعد أن أعلنت عدة حكومات عربية عجزها عن أى دور .. أعلنت عن هذا العجز بجرأة لا تحسد عليها .. و بذلة ما كنا لنتصور أن نسمعها علانية .. و بسياسة نخشى أن تكون تمهيدا و توطئة لهذا الغزو. و نحن كمسلمين لنا منهج ربانى لا يميل مع الرياح السياسية و لا يتلون مع المتغيرات الدولية. منهج يرسم لنا طريق النصر و يصف
    • 17
      نحن من سنذهب إلى صناديق الإنتخابات لندلى بأصواتنا .. أصواتنا نحن هي من ستحدد الرئيس القادم لمصر و ليس أصوات شعب آخر .. لسنا قطيعا لننساق دون وعى لدعاوى مشبوهة لاتباع مرشح معين وإن ظهر في ثوب براق .. لكل منا مرشح يؤمن بكفائته وقدرته على تحقيق طموحه لغد أفضل . وأنا أحسن الظن بالجميع هنا , ولا أظن أن منا من يرضى بأن يحكمنا فل من الفلول ليعود بنا إلى المربع صفر مرة أخرى .. فليحكم كل منا ضميره وهو يدلى بصوته , وليتذكر دماء الشهداء التى أريقت من أجلنا وليس من أجل غيرنا.. قدموا العفو الشامل للشاط
    • 19
      إخواني و أخواتي أطرح بين يديكم فكرة للتغيير الإيجابي لابد أن يكون لنا كمغتربين عن أرض الوطن دور فيه كمغترب لك أهداف معينة من اغترابك و التي ليس من حق أحد عليك أن تشرحها له تفضل معنا هنا دون أن يشكك أحد في حبك لبلدك و دون أن يزايد عليك أحد فلا يوجد منطق يمكن الاستدلال به على أن من يعيشون في مصر حاليا هم أكثر حبا لها و رغبة في وصولها لأفضل الأحوال ممن يعيشون خارجها وجودنا كمغتربين بعيدين عن مصر في أي مكان في الشرق أو الغرب لا يعني أننا لم نعد نفكر بمصر فلا زال أهلنا و أصدقاءنا هن
    • 6
      حددت اسرائيل مهمة القوات المصرية التي سيسمح لها بالانتشار على حدود مصر مع قطاع غزة وعددها ونوعها كما يلي (عن القدس العربي عن يدعوت احرنوت): تحارب القوات المصرية الإرهاب والتهريب والتسلل على طول الحدود لكنها لا تقوم هناك بأي نشاطات عسكرية، ويستطيع المصريون استخدام الأسلحة والمعدات المتفق عليها فقط وهي: 750جندي (تقريبا فصيلة) و27 قاذفة أر، بي، جي، وثماني طائرات مروحية وأربع سفن دورية و31 مجنزرة و44 سيارة جيب و504 بنادق و67 مدفع رشاش و9 بنادق قنص و94 مسدسا (لا تعليق) و3 أجهزة رادار و63 موقع حراسة.
    • 0
      رغم أن عمليّات التحديث والمشاريع الاصلاحيّه المتعثّرة مرّت فى عالمينا العربى والاسلامى بمنحنيات عديدة (بفعل الواقع السياسى والاجتماعى ونمو التيّارات الفكريّه والسياسيّه والأصوليّه المناهضة له) الاّ انه لابد وأن نؤكّد على اصالة الشخصيّه المصريّه وتسامحها الدينى والعقائدى والفكرى وقدرتها على التواصل والانفتاح على العالم من حولها واذا كان كل شعب يكتسب على مر العصور خصائص وسمات تميّزه عن غيره من الشعوب وتحفظها ذاكرته السياسيّه والتاريخيّه لترسم ملامح شخصيّته وهويّته الوطنيّه فانه من المستحيل تناول
×
×
  • أضف...