الصويا صوص ....ما استعمالاتها ؟

[بركة]

الاستفسار عن الصويا صوص ..

كيف نستعملها ونحطها على ايه من اصناف الاكل ؟

[زعلان]

الصويا صوص في منها المالح وده سائل خيفيف زي الخل وفي منها حلو وده ثقيل شوية زي العسل

ممكن تحطهم على السلطة و لاحظ ان الصوايا المالحة حتزود نسبة الملوحة فبلاش تستخدم الملح كتير

ممكن يتحطوا على طبخات كثير بما فيها الفول بس طبا حيدي لون غامق للأكل المكرونات او التودلز بالفراخ او السمك او اللحمة بتحب الصوايا صوص المالح و الحلو وده بيدي نكهة خاصة للأكل

الصويا صوص بتسرع انظاج الاكل

ينفع تحطها على الخضروات المقلية في المقلاة الغويطة مع زيت قليل مع اي نوع لحوم مقطع شرائح زي صدور الدجاج او السمك او اللحوم الحمراءوجنبها نودلز او مخلوط معاها او شرائح مكرونة او مكرونة اي نوع

[بركة]

شكرا جزيلا يا أستاذ زعلان

جزاك الله خيرا .. :)

ولو حد يقولنا مثلا ينفع نتبل بيها الدجاج أو اللحم لعمل صنف جديد يبقى كتر خيره

زي مثلا اما بنتبل الشيش طاووق بالكاتشب فبيديله مذاق جميل .. :unsure:

[مغتربة]

كل الاكل الصينى بيدخل فيه الصويا صوص

فلو انت من محبى الاكل الصينى هتستخدميها كتير

و ممكن تكتبى فى جوجل اكل صينى

وهيطلع لك وصفات كتيره

ممكن تطبقى منها

[ozoozo]

اعتقد كمان بيتحط مع السوشي لكن بصراحه طعمه ماعجبنيش لا هوه ولا السوشي

[بندق أفندى]

وسعووووووووووووووووووووووووووووووووووو

انا جيت ..

الصويا صوص هو صويا مكسبة طعم ونكهة ولون ولا تضاف الا فى مراحل الطبخ النهائية مع السوتيهات .. أو الخضروات مع أى شئ (رز مكرونة لحم سمك جمبرى والذى منه)

ومع المشويات فى تتبيلة يدهن بيها المشوى قبل النضج تماما .. بخلطة متساوية من الخل والصويا صوص وزيت الزيتون .. لأنه لو وضعت منذ البداية لو المشوى هيصير أسود ولم ينضج كفاية بعد ..

طبعا فيه وصفات زى الأرز بنودلز الدجاج والخضار عشان بيكون طاجن فى الفرن بيضاف الصويا صوص قبل ما ندخلها الفرن لأنه أصلا بيكون كل المكونات تقريبا ناضجة ..

بس

[بركة]

الغالية مغتربة شكرا جزيلا وهحاول اجرب الصيني ..انا سمعت ان في ناس لما بتجربه بتدمنه

الفاضل ozooozo شكرا على المرور والاضافة

بندق افندي الفاضل شكرا لأ بصراحة انت جبت اللي كنت عاوزاة بالظبط

ربنا يكرمك وما يحرمنا من تفانينك

[toota]

اهو بندق قال الي عايزه اقوله....هي فعلا بتدي لون وطعم مختلف في الاكل....وحلاوتها في اللحوم اكتر

[لولا]

الصويا صوص غالبا مكون اساسى جدا فى الأكلات الصينيه ..

فى اكلة سهلة جدا يا مدام بركه ممكن تجربيها

ممكن تتعمل بفراخ او لحوم .. افضل هنا اللحوم

لحمة تتقطع قطع صغيره جدا وتتشوح مع البصل المبشور والثوم بعد ما يكون البصل دبل ..

تضيفى توابل عبارة عن ملح فلفل اسود ومعلقتين او ثلاته كبار "حسب كمية اللحمة " صويا صوص حلوه مش النوع المالح

تسيبى اللحمة تتسبك بعد ما تزودى الميه شويه وتخليها على نار هاديه .

ممكن لو تحبى تضيفى شوية فلفل رومى فى نص عمليه الطبخ حتضيف نكهة ولون جميل للطبق..

فى المرحلة النهائيه حتلاقى اللحمة استوت والصوص تقيل شويه "لزج " والطعم رائع وده عن تجربه .

الأكلة دى ممكن تعمليها مع رز بسمتى ساده وحتكون هايلة .

ممكن كمان نفس الطريقه تتعمل بيها الفراخ بس تكون متقطعه قطع كبيره اكتر من اللحمة .

فى كمان المكرونات الصينيه حتلاقيها فى السوبرماركت ممكن تقطعى الخضار " ملفوف بصل اخضر وجزر وبسلة فلفل رومى"

شويه ثوم فى الزيت تتشوح وبعدها البصل الأخضر وتضيفى عليها الخضار على نار متوسطه وملح وفلفل اسود وصويا صوص

وبعدين تضيفى نوع النودلز اللى تحبيه ممكن اندومى او اى نوع من النودلز الصينيه.

تحياتى .

لولا