اذهب إلى المحتوى
محاورات المصريين

موسم الهجرة - الغير شرعية - إلى الشمال


se_ Elsyed

Recommended Posts

الموسم بدأ وكل سنة وإنتو طيبين ...

خلال اليومين التلاتة اللي فاتوا المعروف بس هما 5 مراكب طلعوا من الإسكندرية ومطروح متجهة إلى إيطاليا وتحمل كل واحدة ما لا يقل عن 50 راكب مصري غير شرعي وتقريباً كلهم تقاذفتهم الأمواج والله أعلم بمصيرهم ..

وده باعتبره تطور نوعي وخطير في العملية .. فبدل العيال ما تروح ليبيا وتتبهدل وتسافر من هناك على اساس إن المسافة قصيرة بين ليبيا وإيطاليا .. بقوا يطلعوا من مصر وعلى عينك يا تاجر ... وطبعاً ما بيوصلوش ..

فإذا كان دول ناس هواه وغلابه في مخهم وبيفلتوا من تحت إيد حرس السواحل ... ما بالك بقى بمهربي المخدرات ومهربي الأسلحة اللي شككلهم بيفتوا زي السكينة في الجاتوة .... قشطة خالص وصباح الخير يا مصر

ده تحقيق في المصري اليوم أمس

سمسار هجرة غير شرعية يكشف: تهريب ٥ أفواج إلي سواحل إيطاليا واليونان في ٣ أيام

كتب محمد طلعت الهواري ٢١/٩/٢٠٠٨

شهدت الأيام الأخيرة كثافة غير مسبوقة في رحلات هجرة الشباب غير الشرعية إلي سواحل إيطاليا واليونان. كشف علي السعداوي، الذي يعتقد أنه أحد سماسرة هذه الرحلات، عن عملية تهريب ٥ أفواج علي الأقل خلال أقل من ٣ أيام الأسبوع الماضي.

وقال السعداوي لـ«المصري اليوم»: إن الفوج الأول خرج يوم السبت الماضي، من أبوقير بالإسكندرية، في مركب صيد، اسمه «حمامة السلام» قيادة «أحمد أبوتوسة»، وقال إنه مسروق ويحمل علي متنه ٥٠ مهاجراً غير شرعي من محافظات مختلفة.

وأضاف أن المركب المذكور تعطل في البحر المتوسط وانقطع الاتصال به عدة أيام ولم يرسل استغاثات، نظراً لأن أجهزة الإرسال به معطلة ـ علي حد تأكيده ـ وأن المركب خرج من ميناء أبوقير دون رفع أعلام.

وأضاف أن الاتصال عاد مرة أخري بقائد المركب أمس علي بعد ٤ ساعات من غرب مطروح عند منطقة «الشاليه» بعد أن جرفه التيار إلي منطقة «درنة» في ليبيا، مشيراً إلي أن الأفواج الأربعة الأخري، خرجت من دمياط، وأبوقير، والعلمين، ورشيد يوم الاثنين الماضي.

وأكد السعداوي أن فوجي رشيد والعلمين وصلا بالفعل منذ يومين إلي السواحل الإيطالية، فيما ألقت السلطات الإيطالية القبض علي فوج أبوقير وعلي متنه ما يقرب من ٧٠ مهاجراً، علي سواحل «مالطا»، فيما تعرضت أجهزة مركب الصيد الذي يحمل فوج «دمياط» إلي عطل مفاجئ،

وانقطعت الاتصالات بها عند إحداثيات «٢٧ ـ ١٥» طول، «٣٣ ـ ٣٤» عرض، بالقرب من السلوم، ثم تأكد له وصولها إلي سواحل اليونان مساء الجمعة الماضي.

وقال «السعداوي» إن وسطاء وسماسرة حصلوا علي مبلغ ١٠ آلاف جنيه من الشباب المهاجرين، وأنهم وقعوا علي إيصالات أمانة بـ٥٠ ألف جنيه، وأن أغلبهم من محافظات الدقهلية والبحيرة والشرقية والفيوم.

وده النهاردة

العثور علي مركب صيد يقل ٥٠ مهاجرًا مصريا واختفاء مركب آخر قرب سواحل اليونان

كتب جمعة حمدالله ومحمد طلعت الهواري وعادل ضرة وعلي المصري ٢٢/٩/٢٠٠٨

أحمد أبو الغيط

علمت «المصري اليوم» أن إحدي الجهات السيادية أنقذت بعد ظهر أمس، مركب الصيد «حمامة السلام»، الذي يحمل علي متنه ٥٠ مهاجرًا مصريا غير شرعي، علي بعد٨٠ ميلاً بحرياً شرق مطروح.

كانت «المصري اليوم» قد نشرت، أمس الأول، معلومات عن فقدان المركب، الذي خرج من شاطئ أبوقير مساء السبت الماضي، دون رفع أعلام أو التسجيل في دفاتر الميناء.

وقال عدد من الشباب من فوق المركب، تحدثت إليهم «المصري اليوم» هاتفيا، إن الوقود والطعام نفدا من المركب، كما تعطلت أجهزة الإرسال الخاصة به، وظلت الأمواج تتقاذفه، من منطقة «درنة» في ليبيا، وحتي غرب مطروح إلي أن تم العثور عليه أمس. كان المركب «حمامة السلام» قد بعث برسالة استغاثة إلي الموانئ البحرية بالسواحل المصرية في حوالي الساعة الحادية عشرة أمس الأول، لإنقاذه.

وفي الغربية، تبذل السلطات الأمنية جهودًا مكثفة لإنقاذ ٨٠ شاباً كانوا متوجهين إلي إيطاليا في هجرة غير شرعية، وتم إنزالهم في أحد المراكب غربي مدينة مرسي مطروح.

وتلقت شرطة النجدة بلاغًا من المواطن عطية عبدالقادر عبدالله، من قرية بني يزيد، مركز السنطة يفيد بتلقيه اتصالاً من نجله عبدالقادر عطية عبدالقادر، طالب بكلية الشريعة والقانون، بأنه كان متواجدًا علي متن مركب في عرض البحر ومعه العشرات من المصريين كانوا متوجهين إلي إيطاليا في هجرة غير شرعية، وقبل وصولهم تم إعادتهم مرة أخري وإنزالهم في مركب آخر غرب مطروح.

وفي القاهرة، أكدت وزارة الخارجية أنها تتابع مع مختلف الجهات المعنية بالدولة ما أفادت به السفارة المصرية في أثينا من اختفاء مركب هجرة غير شرعية علي متنه ٨٣ مصرياً أمام السواحل اليونانية، وقال بيان صادر عن الخارجية إن المركب غادر ميناء دمياط منذ ثلاثة أيام، وانقطعت الاتصالات به، ولم يرد بما يفيد وصوله إلي الشاطئ اليوناني.

يذكر أن عدداً من الأشخاص المرتبطين بـ «سماسرة الهجرة غير الشرعية» قالوا لـ «المصري اليوم» إن الأيام الماضية شهدت هوجة من خروج مراكب الصيد باتجاه أوروبا محملة بمئات المصريين، وقدم هؤلاء حصرا بخروج ٥ مراكب من أبوقير ورشيد والعلمين ودمياط، وأن مصير ثلاثة منها مازال مجهولاً.

مش بأقول لكم .. إحنا لا عندنا لا حكومة ولا ريس والبلد بتدحرج وماشية بالبركة ...

حسبنا الله ونعم الوكيل

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

  • بعد 3 أسابيع...

متلمتلومش اى حد سافر كل شاب بيحلم انه يكون مستقبله هيعملوا ايه اذا كان كل واحد فيهعم لو خد قرض الحكومة بتوريه الويل ولما الكبار ياخدوا قروض محدش بيتكلم يااخى حتى الحلم بقى غير مباح كل واحد بيسافر بيبقى بايع صيغة امه ولا صيغة مراته علشان يوصل لحاجة وفى الاخر لو وصل بيترحل ولو موصلش بيموت فى البحر بس هتعمل ايه متغيرش الشعب غير اللى فوق الشعب من اول القمة ومتحاولشس تغير من القاع متبتديش الهرم مقلوب وفين وزارة الهجرة اللى قالت ايطاليا هتفتح رسمى لكام الف شاب والموضوع كله كان محجوز حسبي الله ونعم الوكيل فى كل اللى يخدع شاب او اللى ياخد حق حد علشان حد تانى وسلام عليكم

رابط هذا التعليق
شارك

يا أخي الكريم لا يوجد احد في الدنيا يعترض على فكرة السفر ... الشرعي

لكن عشان أسافر وبدل ما أركب القطر أروح رامي نفسي تحت عجلاته وأقول أنا بأسافر ؟

اهو ده اللي بيعملوا بتوع المراكب دي ..

هذا انتحار 100 % يا أخي الكريم ولا علاقة له بالسفر ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

يااخى السفر شرعى ولامش شرعى هى هوجة وموجة هتعمل ايه اذا كان كل واحد مش قادر يسافر ودول مافيا السفر انت مصرى وانت لازم تحس انا ارخص حاجة فى مصر هى حياة البنى ادمين وحسبي الله ونعم الوكيل فى اللى يعشم حد فى سفر ويخلى بيه

رابط هذا التعليق
شارك

  • بعد 3 أسابيع...

السلام عليكم ورحمة الله وبركاته

أخواني الأعزاء

أود أن أوضح بداية أنني من أنصار الهجرة للشمال كما سميتموها سواء ((شرعيه أو غير شرعية))

وعاوز أحكيلكم حكاية صغيره معلش وسعوا لى صدركم

باختصار من غير ماأطول عليكم في جريدة الجمهوريه سنة 2006 تقريبا شهر ابريل أو مايو مش متذكر بالضبط قرأت أن الحكومة بتاعتنا عملت اتفاقية مع ايطاليا مفادها أن الحكومة تقوم بتدريب الشباب المصري على المهن المطلوبة هناك فى ايطاليا وبعدين تعمل اختبار واللى ينجح يعطوه تأشيره عمل لإيطاليا وكان عدد التأشيرات تقريبا 7000 تأشيره هيكونوا على دفعات وده علشان يحدوا من الهجرة غير الشرعيه ويحفزوا الشباب للهجرة بصورة رسميه ......

طبعا قدمت أوراقى وبعدين!!!!!!!!!!!!!!!!

استنى حد يعبرنى أو يتصل بيا يقولى حتى تعالى اتدرب !!!!!!!!!!!!! مفيش

بعد كده بكام شهر ألاقي واحد قريبى شغال مع مكتب من مكاتب السياحه بيعرض عليا العقد ده اللى الحكومة كانت بتتكلم عليه عارفين بكاااااااااام ؟؟؟؟؟؟؟؟

والله العظيم (( 55 ألف جنيه )) وقالي علشان أنا عارف أن أنت هتتجنن عالسفر جبتهولك فكان ردي عليه هو أنا معايا ربعهم !!!!!!!!! أني فعلا كنت لسه أيامها متجوز جديد وطبعا عارفين اللى بيبقى متجوز حالته الماديه لمدة 10 سنين بتبقى عامله ازاى بس والله لو كانوا معايا وقتها كنت دفعتهم

وسألته جبتها منين قالى دي رسمي من الحكومه وطبعا لم يذكروا عنها شيئا لا فى الجرائد ولا الإعلام لأنهم بيقولوا هنعمل بس ويعملوا ضجه على أنهم هيعملوا ولكن لما الفيز وصلت فعلا اتوزعت على كبار المسئولين وأعضاء مجلس الشعب وأمثالهم واللي أكد لي أن قريبى قالي اللى متخفش من كونها تكون مضروبة دي رسمي واللى جابها للمكتب عضو مجلس شعب صديق لصاحب الشركة وكان معاه حوالى 5 تأشيرات ودي آخر واحده

وقالي أن فية بعض الناس لما سمعت بالموضوع عرضت (( 80 ألف جنيه وتشتريها )) بس كانت اتباعت كلها

دي صورة من صور الحلول اللى عرضتها الحكومة شوف بدأت بأيه وانتهت لأيه؟؟؟؟؟؟؟؟

يبقى بتلوهم على ايه ؟؟؟؟؟؟؟؟؟؟؟؟

لما تلاقى الشباب قاعد من غير شغل واتعلم وتعب واتبهدل ومنهم شباب بيعولوا اخواتهم وظروف الناس ربنا اللى عالم بيها بتضيق في وشه الدنيا والحكومه أعطتهم ظهرها واضرب دماغ في أقرب حيط مفيش شغل يعمل ايه يسرق؟؟؟؟؟؟؟؟ولا يتاجر في المخدرات ؟؟؟؟؟؟؟؟؟؟ ولا يبيع نفسه ؟؟؟ ولا يعمل ايه بالضبط؟؟؟؟؟

أنا لا ألوم أى شاب فكر فى الموضوع ده واللى عاش في نفس الظروف دي هو اللى هيحس بالكلام ده مش الناس اللى بتبص من برج عالي نصبت نفسها قضاة وجلاديين

ربنا وحده يعلم أن الشباب دول بيجيبوا فلوس السفر دي أزاى منهم اللى بيبيع صيغة أمه أو أخته وبيستلف عليها ومنهم اللى بيبيع حته الأرض اللى حيلته وكل واحد وظروفه

بس انا عاوز أسأل سؤال هو الواحد فيهم بيركب المركب وهو عارف أنه هيغرق ؟؟؟؟؟؟؟؟؟؟

بالطبع لأ وقتها بيبقى متخيل أنه ساعات وحلمه هيتحقق وهيدخل أوروبا ويساعد أهله ويحسن مستواه و بيبقى شايف وقتها أصحابه اللى سبقوه وربنا قدر لهم أنهم يوصلوا لهناك وأنهم اتحسنت أوضاعهم وحققوا أحلامهم كل ده بيبقى فى تفكيره وقتها ومبيبصش أنه هيغرق بعد كام ساعه أو كام دقيقة

الناس دي من حقها تحلم وتسافر البلد اللي عاوزاها وتشتغل في المكان اللي عاوزاه ودي مسؤلية الحكومة اللي مطنشانا عالآخر وكأننا مش من البلد دي ليه الحكومة مش قادرة توفر لهم عيشه كريمه في بلدهم وليه وليه وليه مليون ألف ليه؟؟؟؟؟؟؟؟؟؟؟

هتقولى ظروف البلد!!!!!!!!!!!!1

الحكومة لما بتتولى المسؤلية وظيفتها أنها تحسن الأحوال مش تطين الأحوال أكتر !!!!!!!!! صح ولا غلط؟؟؟؟؟

واللي مش شايف أنه يقدر يغير ويصلح يسيب مكان لغيره علشان نقدر نحاسب كل واحد قاعد علي كرسي وماسك منصب !! صح ولا غلط

ولا الموضوع حب المناصب وخلاص واللى قعد على كرسي مش عاوز يقوم من عليه؟؟؟؟؟؟؟

الموضوع كبير وأنا شايف أن الحكومة هيا المسؤل الأول والأخير عن أى كارثة تحصل لأى فرد فى المجتمع ولا هما عاوزين يحكموا ويأمروا وينهوا ويسرقوا الشعب ويغرقوا البلد والناس تقف تتفرج عليهم ...

الشباب أصبح أهون عليهم الموت من المعيشه في البلد في ظل الحكومات الرشيده المتعاقبة في الأعوام السابقة والظروف اللى خنقتنا وخنقتهم

وأختم كلامي بكلمة لطفل عمرة (( 15 سنه )) سافر مع مجموعه في نفس عمره تقريبا منذ أيام قلائل عبر مراكب الموت (( كما تسمونها )) وتعطل بهم المركب فى البحر ثم نقلتهم سفينه أخري إلى اليونان وهناك احتجزتهم المافيا لدفع فديه من كل فرد واتصلوا بأهلهم فى مصر وحولوا لهم المال المطلوب ثم تولت المافيا عمليه دخولهم لإيطاليا ثم فرنسا وتوصلوا أخيرا لممثل الجالية المصريه هناك أ // صالح فرهود وآسف لو كنت أخطأت فى الإسم فهو رجل محترم تابعت له عدة لقاءات كانت مواقفه فيها رائعه .

المهم لما قابل الأطفال دول أو الصبيه دول أشفق عليهم كما قال في حديثه عبر الهاتف في برنامج وائل الإبراشي (( الحقيقه )) وذلك لكون أعمارهم تتراوح مابين 15 : 20 وتولى رعايتهم هناك ومحاوله مساعدتهم هو وباقي المسؤلين عن الجاليه

وفي سؤال من ا / وائل لأحدهم قائلا له لماذا سافرت عبر هذه المراكب وانت تعلم أنك ستموت غرقا والحوادث السابقة كثيره قال لهم مجيبا على السؤال (( لو مت هوسع طريق لحد من أخواتي ولو عشت هساعدهم وأحسن حالنا ))

أين حقوق الإنسان وحقوق الطفل و أين الآدمية وفين الحكومة من ده كله؟؟؟؟؟؟؟؟؟؟؟؟؟؟؟؟؟ (( ودن من طين وودن من عجين ))

( خلص الكلام وآسف عالإطالة )

والسلام عليكم ورحمة الله وبركاته

قولوا لا إله إلا الله تفلحوا

إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

إضغط هنا لقراءة القرآن الكريم من المصحف الشريف

إضغط هنا لزيارة موقع رسول الله

إضغط هنا لعرض البث المباشر من المسجد الحرام

تردد قناة الرحمه الجديد على النايل سات التردد 10873 معدل الترميز 27500 رأسي 3\4

تردد قناة الرحمه الجديد على العرب سات التردد 12149 معدل الترميز 27500 أفقي 3\4

6nf2hryf9fiu.gif

رابط هذا التعليق
شارك

نجح إعلام الوصاية على المصريين بامتياز في تحويل كل سفينة مصرية بما فيها سفن الصيد والتجارة الشرعية التي تخرج من المياه المصرية إلى سفينة هجرة غير شرعية فلا يُبكى عليها ولا يهتم أحد بها حتى وإن تعرضت للضرب أو للقرصنة.. مثل تلك السفينة التي تم القرصنة عليها في سواحل البحر الأحمر ونجحت السلطات المصرية في تخليصها..

وباسم الهجرة غير الشرعية يتم تكبير الجي على تلك السفن تماماً وإهمالها على أساس أنها إن تم القرصنة عليها فهي بوبي وراح..

إنه أشبه بالقهر الذي يمارس على الفتاة التي تعرضت للاغتصاب ويحولها من ضحية إلى مجرم..

خلص الكلام

Sherief El Ghandour<br /><br />a furious Egyptian

رابط هذا التعليق
شارك

يا جماعة انتوا لية بتلوموا على الهجرة الغير شرعية وانتوا عارفين ان ارخص حاجة في مصر هوا البني ادم المحصلة واحدة في الاخر الشباب عندها احلام ومعذورة كل واحد من حقة يحلم اما في مصر اظن انهم حتى بقتلوا الحلم اعتبروة حرام علينا على فكرة انا من البلد اللي فيها اكبر نسبة في ايطاليا على مستوى الجمهورية وهما فعلا اغلبهم بقى عندهم قصور وهما سبب غلاء الارض في البلد دي وعشان كدا الشباب فعلا معذورة اعتبروا ان ايطاليا هيا طوق النجاة ومصر للاسف هيا الانتحار فحد ذاته

انا مش بشجع الهجرة غير الشرعية بس انا مشفق على الشباب وحزين على بلدنا

حسبي الله ونعم الوكيل

رابط هذا التعليق
شارك

على فكرة انا من البلد اللي فيها اكبر نسبة في ايطاليا على مستوى الجمهورية وهما فعلا اغلبهم بقى عندهم قصور وهما سبب غلاء الارض في البلد دي وعشان كدا الشباب فعلا معذورة اعتبروا ان ايطاليا هيا طوق النجاة

ياريت يا أستاذ ضياء - إذا كان لك اتصال بهؤلاء الناس - تقول لنا اللى هاجروا هجرة غير شرعية إلى إيطاليا ، اشتغلوا فيها إيه ولمدة كام سنة قبل ما يرجعوا يبنوا قصور فى البلد ؟ ..

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

أ/ ضياء أنت من ( ميت الكرمة )؟؟؟؟؟؟؟؟؟؟؟؟؟

وردا على الأخ اللس سألك هما أشتغلوا ايه هناك ولمدة كام سنه؟؟؟؟

الشغل مش عيب ولو أنه اشتغل في الفاااااااااااعل بس بمقابل وكفاية أنك تحس أنك بتتعامل كبني آدم

ولو كان أيتنى في مصر كان هيشتغل أيه ؟؟؟؟؟ وزير ولا ملحق ثقافي !!!!!!!!

وكان هياخد مرتب كااااااااااااااااام ؟؟

سلااااام

قولوا لا إله إلا الله تفلحوا

إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

إضغط هنا لقراءة القرآن الكريم من المصحف الشريف

إضغط هنا لزيارة موقع رسول الله

إضغط هنا لعرض البث المباشر من المسجد الحرام

تردد قناة الرحمه الجديد على النايل سات التردد 10873 معدل الترميز 27500 رأسي 3\4

تردد قناة الرحمه الجديد على العرب سات التردد 12149 معدل الترميز 27500 أفقي 3\4

6nf2hryf9fiu.gif

رابط هذا التعليق
شارك

أيوا ... هي البلد دي ... ميت الكرمة ....

يا جماعة على فكرة أنا برضه كنت مسافر إيطاليا قبل ما اسافر الخليج ... وقصتي هاحكيهالكوا ... إسمعوها جايز تلاقوا فيها حكمة ولا حاجة...

بداية أدعو لوالدي العزيز بأن يديم ربي عليه بالصحة والعافية والسعادة وراحة البال ... قولوا آمين ....

فكرة عن الحالة ..

برغم أن والدي ميسور الحال فما يمتلكه من مزرعة ومشروع تجاري وعمارة سكنية وسيولة مادية كانت كفيلة لتأمين مستقبلي والحياة حياة كريمة ... إلا أنني كنت أفكر دائماً في أن مال والدي لوالدي وأنه لابد أن أعمل شيء لنفسي وأن أصبح أنا أنا ولست أنا إبن الحاج ... وذلك كما عودني هو حتى أننا إذا ذهبنا إلى المزرعة معاً كان لا يجعلني فقط أُشرف على العمالة ولكنه كان يعطيني جزء من العمل مثلي مثل أي عامل وعليه في نهاية اليوم أن يرى إذا كنت أستحق أجرة هذا اليوم أم لا .... كماأنه كان يحاول بشتى الطرق أن يزيل فكرة السفر من رأسي وأن يقنعني بأن ما ستجنيه بالغربة ممكن ان تجنيه هنا وبمساعدة صغيرة منه في البداية إلى أن أستطيع أن أقف على قدمي ... إلا أنني كنت متمسك برأيي وكان هدفي من السفر ليس جني المال وحسب ولكني كنت أريد السفر للعمل والدراسة معأً حيث أستطيع من خلال العمل أن أصرف على دراستي وفي النهاية بعد سنتين إلى أربع سنين أحصل على شهادة محترمة من جامعة محترمة تكفل لي بعدها حياة كريمة في مستوى معين أريده أنا ... على كل حال

المواجهة ...

مجرد ما تخرجت من الجامعة وواجهت السوق لقيت نفسي ولا حاجه بعد ما كنت فاكر نفسي كل حاجة ... تدور الأيام وتشتد الصراعات بيني وبين والدي على أني لازم أسافر إلى أن أصبح في العلاقة بيننا بعض الشروخ والمسافة بيننا بعد ما كانت ضيقة جداً أصبحت واسعة جداً ... وفي يوم من الأيام لقيت أبويا بيبيع عربيته علشان عايز يغير لموديل أحسن ... المهم المشتري اللي بيشتري العربية بعد ما اشتراها قال لأبويا لو حد عندك عايز يسافر ألمانيا أو إيطاليا أنا عندي تأشيرات سياحة وعمل كمان ... طبعاً سمعت الكلمة وحصلي إذبهلال (مش عارف يعني إيه) أبويا بصلي وأنا بصيتله وبضحكة كلها لئم ضحكت وهزيت راسي ... لقيته قام ضاحك هو كمان ... وقام داخل في الموضوع ... أبويا سأله على سعر التأشيرة وإيه ظروفها ... المهم كانت التأشيرة سعرها 35 ألف وإيطاليا لمدة ثلاث شهور وألمانيا لمدة سنة والسفر من المطار بالطيارة يعني السفر بطريقة شرعية ومافيش فيها أي خدعة ولا لعب ... طبعاً الفرحة ملت قلبي والحياة بئا لونها وردي والأمل في تحقيق أحلامي بئا كبير ... واستقرينا على السفر لإيطاليا لوجود بعض المعارف والأقارب والأصحاب هناك ... وعملت اتصالاتي والكل كان بيشجعني على السفر والناس هناك مستنيني ومجهزلي كل حاجة ...

المماطلة ...

بقينا كل أسبوع الراجل يقوللي يلا يا ابو علي جهز نفسك السفر الأسبوع ده واجهز نفسي واصحابي يسلموا عليا واقول خلاص مسافر بكره ألاقيه يقوللي حصل شوية مشاكل وهنضطر للتأجيل مرة في مرة لما أنا نفسي زهقت وقلتله يا عم مش عايز اسافر خلاص إلى أن جاء الميعاد ...

الخدعة ...

كان الميعاد في اسكندرية في محطة الرمل ولقيته بيوصيني ألبس كويس جداً على أساس إني رايح إيطاليا سياحة بئا ... وفعلا لبست البدلة السمرا والقميص الرمادي والجرافة السمرا والكوفية السمرا والشنطة السمسومايط اللي ليها عجل وليها إيد بتتسحب منه ... تقولش رأفت الهجان ... وتوكلنا على الله ... واتحركنا من المنصورة وودعت أهلي وأصحابي وغرفتي بجدرانها وبصورها وسريري اللي مش عارف هرجعله إمتى ... إتقابلنا في محطة الرمل ولقيت الراجل معاه ناس شكلهم غريب ما يوحيش بخير أبداً ... وإحنا قاعدين على قهوة في محطة الرمل لقيتهم عمالين يلتفتوا يمين وشمال وكإننا بنسرق ولا عاملين عامله ... واتنقلنا من قهوة لقهوة ... قال إيه احتياطات أمنية ... ولقيت الراجل ده بيديلي جوازي ومعاه تذكرة الطيران وكمان ورقه كده ... قولتله دي إيه بئا ... قالي دي إقامه في إيطاليا قولتله إقامة إيه يا عم إنت مش قايللي إنها هتبقى تأشيرة سياحة ... وطبعاً أنا كنت قبلها بقرأ كثير في دموع الندم (جريدة تبع جريدة الجمهورية) على الناس اللي بيتقبض عليهم في المطار بأوراق مزورة ومسافرين إيطاليا وكنت بقول لنفسي لا الحمد لله أنا حالتي مش زي الناس دي ده أنا هسافر وأوراقي سليمة ... المهم أبويا بصلي كده نظرة فيها أسف وفيها كلمة لأ لأ ... والراجل قاعد يقنعني ويقوللي إن مسافر 15 واحد قبل كده وبنفس الطريقة وهما في إيطاليا الوقتي ... قاللي كمان لما تدخل المطار هتشوف بنفسك إن المطار كله متظبطلك ما تقلقشي من حاجه يا ابو علي واتوكل على الله وحفظني الأسئلة الشائعة اللي كثير بيسألوها زي مسافر إيطاليا تعمل إيه؟ وساكن فين هناك؟ وبتعرف تتكلم إيطاليا؟ ... والخطة إني هسافر من اسكندرية أعمل ترانزيت في برلين وبعدين من برلين على إيطاليا ... فكرت في الموضوع وقولت اتوكل على الله أنا خلاص بئيت على الشط والبحر مغري وعايز أجربه ... واتصلت على الناس في إيطاليا وقولتلهم انا هركب الوقتي وقالولي خلاص هما في انتظاري ...

الصدمة ...

دخلت مطار النزهة الساعة ثلاثة ونصف صباحاً وطبعا مش عايز اوصفلكم جو الرعب اللي انا فيه كان بالنسبة لي الورق المزور ده كإني بالظبط شايل مخدرات في الشنطة اللي معايا والمفروض عليا إني أكون واثق من نفسي ومخليش أي حد يشك فيا نهائي ... بئيت أرسم الضحكة وأبين إني واثق من نفسي برغم إن قلبي بيدق في الدقيقة أكثر من ألف مرة وكمية خوف وقلق فظيعة ... أول ما دخلت المطار لقيت رتبة عسكرية كده قابلني قاللي فين أوراقك وشافها قاللي نفس الأسئلة اللي الراجل حفظهالي من شوية ... رايح إيطاليا تعمل إيه؟ راجع شغلي أنا مقيم هناك ... بتشتغل إيه هناك؟ بشتغل بياع في سوق فاكهة؟ ... طيب ساكن فين في إيطاليا؟ ساكن في روما في كوستاريكا ... بتعرف تتكلم إيطالي؟ أه الحمد لله ... لقيته قام مخبط على كتفي مرتين وقاللي ربنا يوفقك يا ابو علي اتوكل على الله ... عرفت إنه من الناس اللي متظبطه ... وده إداني ثقة شوية في نفسي ... دخلت على كاونتر الجوازات ... حطه Lable على الشنطة ووزنت ودخلت على السير ... لقيت موظفة حلوة قوي بتسألني ويندوز أور سنتر ... قولتله لا ويندوز ... طيب ماشي قعدت تقلب في الجواز يمين وشمال وسألتني فين الإقامة اللي المفروض إنها مختومة في الجواز ... طبعا ما كنتش عارف حاجة زي كده واتفاجأت لكن الراجل كان عامل أختام في الجواز خروج من مصر ودخول إيطاليا وخروج من إيطاليا ودخول مصر على فترات متباعدة ... المهم ربنا ألهمني وقومت قايلها أصل الجواز اللي فيه الإقامة ضاع وعملت واحد جديد ... لقيتها برضه مش مقتنعة ومقلقة كده وندهت لواحد تاني زميلها (طبعاً الموظفين الاثنين دول كانوا أجانب) واد عينيه زرقه كده ... وشاف الورق وقام رايح على واحد كده بعيد عنهم اللي يميزه إنه شنبه كبير قوي بطريقة ملفتة للنظر ومرفوع لفوق كده عامل زي شمشون ... إسمه لويس عرفت بعدها إن لويس ده الوحيد اللي كان معارض وبالعافية على ما ظبطوه ... الراجل اخد الورق وراح لويس ... لويس بص في الورق وبضحكة صفرا كده عمال يقلب في الورق ... كل ده طبعاً وأن رجليا خلاص مش قادرة تشيلني ... وبكل ثقة قولتله فيه مشكلة ولا إيه؟ لقيته بيقولي ... نفس الغلطة المعهودة ... قولت غلطة إيه ... في حاجة في الورق ؟ ... قاللي يا بيه إنت خاتم خروج ودخول على عيني وراسي مافيش أي مشاكل ... لكن إزاي يبقى إنت جوازك أول صدوره 2004 وإنت مقيم في إيطاليا من 2002 ... وطبعا دي كانت الغلطة اللي وقعتنا ... أنا طبعا كنت اتخنقت وقولتله بصوت عالي ... يعني إيه في سفر ولا مفيش سفر ؟؟؟ قاللي للأسف لأ مفيش سفر ... قولتله طيب إديني أوراقي هاتوا شنطتي ... ولقيت في ظهري الرتبة العسكرية اللي كان قابلني في الأول وسأله إيه يا لويس في إيه قاله في كذا وكذا ... قاله طيب ماشي ... تعالى معايا يا حسن ... وروحت معاه وسلموني من واحد لواحد لحد ما لقيت نفسي بره المطار ... كان عمي والراجل اللي مسفرني دخلوا وقعدوا في كافيتريا المطار ... عملت نفس مش شايفهم أصل يكونوا سايبيني كده لحد ما يشوفوا مين اللي معايا ومين اللي مسفرني ويقبضوا علينا كلنا ... لقيتهم قاموا وجايين عليا .... ولقيت عمي قام واخدني بالحضن وكإني رجعت من السفر بعد خمس سنين غربه ... إستغربت ليه كده حكيتلهم على اللي حصل كله والراجل يقولي ياه إيه الغلطةالصغيرة دي وزعل قوي وقاللي حسن النهاردة الإثنين مش مكتوبلك تبقى في إيطاليا النهارده إن شاء الله يوم الأربعاء تكون هناك ... طبعا قولتله يا حبيبي ولا أربع ولا جمعة خلاص انا مش عايز اسافر خالص ... وبعد ما طلعنا من المطار أبويا برضه نفس الشيء ... وقعد يحمد ربنا والدموع نزلت من عينيه ... وقاللي أنا الفرحة مش سايعاني لإني ما كنتش مطمن للموضوع وإني لما سلمت عليه وحضنته قبل ما ادخل المطار ما كانشي عايز يسيبني بس يعمل إيه ما باليد حيلة يعمل إيه مع الدماغ الناشفة ...

الفرحة ....

أول ما وصلت البيت لقيتهم برضه مقابلني بنفس الفرحة اللي شفتها وبمجرد ما دخلت غرفتي حسيت إن روحي ردت فيا تاني بئا هاين عليا احضن كل حتة في الغرفة وابوسها وكان عندي مراية طويلة بطول الحيطة علشان لما اجي البس بقف قدامها ... وبقلع البدلة بئا والكلام الفاضي ده وكانت الساعة 5:45 صباحا وكان فيه أغنية لشادية بتاعة والنبي وحشتنا ... مش عارف ليه وانا بقلع هدومي وسمعت الأغنية دي قعدت أرقص ولا اللي نجح في الثانوية العامة ... إوعوا حد يقول أهبل ... بس بجد كانت من فرحتي ...

وبعدها طبعا جالي تأشيرة الكويت وسافرت ... وبرغم رفض أبويا برضه للفكرة نفسها ... خصوصا انه كان في الكويت قبل كده قبل حرب التحرير ...

معليش طولت عليكوا ....

رابط هذا التعليق
شارك

السلام عليكم ورحمة الله وبركاته

أنا يا أبو علي أتعرض عليا نفس الموضوع بس كنت هطلع ليبيا وأسافر من هناك بس للأسف الراجل اللي كان هيخلص الورق اتمسك!!!

نصيبي كده بقى

ولكن مش هستسلم زيك لو كان أيه إن شاء الله هسافر هناك.

بالمناسبة أنت تعرف حد من عائلة المغازي ؟؟؟؟؟؟؟؟

سلااااام

قولوا لا إله إلا الله تفلحوا

إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

إضغط هنا لقراءة القرآن الكريم من المصحف الشريف

إضغط هنا لزيارة موقع رسول الله

إضغط هنا لعرض البث المباشر من المسجد الحرام

تردد قناة الرحمه الجديد على النايل سات التردد 10873 معدل الترميز 27500 رأسي 3\4

تردد قناة الرحمه الجديد على العرب سات التردد 12149 معدل الترميز 27500 أفقي 3\4

6nf2hryf9fiu.gif

رابط هذا التعليق
شارك

السلام عليكم ورحمة الله وبركاته

أنا يا أبو علي أتعرض عليا نفس الموضوع بس كنت هطلع ليبيا وأسافر من هناك بس للأسف الراجل اللي كان هيخلص الورق اتمسك!!!

نصيبي كده بقى

ولكن مش هستسلم زيك لو كان أيه إن شاء الله هسافر هناك.

بالمناسبة أنت تعرف حد من عائلة المغازي ؟؟؟؟؟؟؟؟

سلااااام

لم أكن اتوقع ان اسمع هذا الكلام من شخص مُثقف ...

يبقى سيبنا إيه للجهلة والغير متعلمين ؟ .. لما واحد يخطط للسفر والهجرة عن طريق عصابات مافيا الإتجار بالبشر .. ويروح ليبيا ويتحبس في خندق لعدة أيام بدون اكل او شرب إلا القليل والذي لا يكفي شبع يوم واحد ... ثم يركب فالوكه متهالكة لعدة كيلومترات في البحر لتسلمه إلى مركب متهاكله اخرى لا تأمن إنها تمشي عدة مترات .. ثم تكون النهاية بغرقها في عُرض البحر أو إلقاء القبض على من في المركب من قِبل الشرطة الإيطالية أول حتى لو وصل بالسلامه بيضطر يشتغل في عمل متدني لا يرقى للاعمال الإنسانية المحترمة او يُصاب بالرعب والهلع لو لقى بدله ميري متعلقه على حبل غسيل ...

كل ده والواحد بيتبهدل بفلوسه ودافع ألوفات عشان يموت ...

الخلاصة : ضيق الرزق او التكاسل وعدم السعي نحوم رزق حلال .. ليس مبرراً على الإطلاق للإنتحار ....

أنا عايز أي حد يفكر في هذه الخطو يسأل نفسه سوأل وهو : لو مُت غرقاً مثلما مات المئات قبلك .. هاتقول لربنا إيه ؟ أنا موت سعياً في طلب الرزق يارب !!!!

طب واللي بيسعى على رزقه بيضطر يعمل كل هخطوات سعيه في الخفاء وبعيد عن أعين الناس والشُرطة وجميع تحركاته بتكون في الظلام ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

مع إحترامي للناس كلها ولتفكيرهم ولأهدافهم ...

أنا ما تعبتش نفسي وعمال أكتب قصتي دي كلها علشان في الآخر بدل ما الناس تاخد حكمة وعظة من قصتي ألاقي العكس إن الناس بتتشجع أكثر علشان تخوض التجربة ... يا حبيبي عايز تسافر يبقى تسافر صح ... تسافر وانت بتقابل الطخين وتحط صباعك في عينيه ... تسافر وإنت ليك حقوق تقدر تتمسك بيها مش لو لامؤاخذة أخدت على قفاك هتسكت ومش هتتكلم ... اللقمة اللي ما تجيش وانت رافع راسك يبقى مالهاش لازمة لإنها في الحالة دي مش هتسد جوع لأ دي هتقطع المصارين من مرارتها ...

أنا كتبت إن كان هدفي إني أدرس علشان أخد شهادة محترمة واشتغل الشغل اللي ممكن يساعدني على إني أصرف على دراستي .. وكانت التأشيرة فاكرها سياحة وقولت بدل ما انا قاعد اراسل الجامعات من على النت .. أهو هاقدر اباشر اوراقي عن قرب حتى لو كانت التأشيرة سياحة ...

لكن أنا ضد اللي يرمي نفسه في البحر ويقول علشان أكون نفسي وأحقق أحلامي ... إنسى ...

هاقولك على حاجة .... أنا بعد اللي حصل ده طبعاً جوازي باظ علشان الأختام المزورة اللي فيه ... ولما رحت أمن الدولة وعلشان أعمل جواز جديد طبعت دخلت في متاهة كده بس الحمد لله قدرت أطلع منها ... لكن وأنا في الإجراءات دي قابلت واحد كان مسافر برضه ليبيا علشان يسافر بالمركب وعلى الحدود ضربوا عليهم نار وكان من ضمن الناس اللي اتمسكوا ورجع مصر لما تسمعوا ويحكيلك ازاي اتقابل في المطار مش هتصدق .. وبسؤالي له إذا كان مستعد يخوض التجربة تاني قاللي والله لو قالولي إن فيه مليون جنيه مستنينك على شط إيطاليا مش رايح ... بيقولي إنه شاف الموت بعنيه وياريت مرة واحد لأ ده شاف الموت وفي كل مرة كان استحالة هيعيش وربنا يكتبله عمر تاني ولا لما يحكيلك على منظر المركب اللي ما يشيلش عشرين واحد بالعافية وهما فيه أكثر من 80 واحد وقعدين بطريقة بحيث المكان القليل ياخد أكثر عدد ممكن من الناس يعني كل واحد قاعد وما بين رجليه واحد تاني وهكذا علشان ما يخدوش مساحة ...

واحد تاني

صاحبي كان هيموت زيك كده على السفر لإيطاليا وراح فعلا ليبيا ومن ليبيا على مركب علشان يسافر والمركب غرق باللي فيه بس سبحان الله ربنا كتبله عمر تاني بطريقة زي اللي بنشوفها في الأفلام الأجنبي ... وتعالى إسأله يقولك لو هاكل تراب في بلدي أهون من إني أعملها تاني ...

راجع نفسك واقعد تاني احسبها مع نفسك ... أنا سمعت إنها غلت الوقتي ووصلت لستين وسبعين ألف ... الستين أو السبعين ألف دول مش ممكن مثلا تجيب بهم أو تدفعهم مقدم لعربية ربع نقل وتشتغل عليها ... ده مثال صغير كده ... ولو عقلك الباطن رفض الفكرة يبقى اسمحلي انت عايز الفلوس بالساهل واذا كنت فاكر لما تروح ايطاليا هتلاقي الفلوس بتترمى عليك كده من غير تعب يعادل أو يوازي التعب اللي بتتعبه .. يبقى إنت إسمحلي واهم وحالم ...

تحياتي وتمنياتي لك بالتوفيق

رابط هذا التعليق
شارك

يا أبو على أنت فهمتني غلط أنا مكنتش هسافر من ليبيا بالبحر أنا كنت هطلع من المطار زي ما أنت عملت بالضبط بورق مضروب بس بدل مكنت هطلع من مطا القاهرة كنت هطلع من مطار طرابلس على أساس أني في زياره لأحد أصدقائي في ليبيا وراجع إيطاليا .

وأنا مقدرش أضحي بأبنى اللى عمره سنه ولسه مشفتوش لأني هنا فى السعودية واتعرض عليا موضوع البحر ورفضته وأنت أكيد عارف (( عزبة جوجر )) والمناطق اللى حواليكم والناس اللى بتسفر فيها بس أنا أصلا شايل من دماغي حاليا الموضوع بتاع البحر ده نهائي يمكن لو رجعت زمان كنت عملته بس حاليا خلاص

علشان كده أنا بحاول ألاقي طريقه للوصول لهناك وتكون مشروعه أو لو غير مشروعه تكون آمنه

وبمناسبة اسعار الغير شرعي حاليا بالبحر تقريبا 40.000 جنيه بتدفع جزء في مصر والباقى شيكات أو ايصالات أمانه بتدفعهم لما تدخل اوروبا

وأنا من سنتين اتعرض عليا عقد عمل رسمي ب 55.000 ألف بس للأسف كنت متجوز جديد ومش معايا المبلغ ده ولا ربعه حتى!!!!!!!! نصيب هعمل ايه

أنت تعرف انا دفعت كام علشان ثمن (( فيزا حره )) السعودية والله العظيم 12.000 ريال يعني 18.000جنية مصري وجيت غيرت مهنه 2.000 ريال يعني 3000 جنية مصري

ولسه هنقل كفالة في حدود 2.000 ريال يعني 3.000 مصري وكفيلي أخد 800 ريال مني (( أتاوه )) نقل كفاله يعني الحسبه دخلت في 25.000 جنيه مصري من بدري.

ومستكتر على اوروبا الفلوس دي وانت تفتكر انى كان معايا 25.000 جنيه بتوع السعوديه دول !!!!!!!! ربنا وحده عالم انا اتصرفت فيهم ازاى وبقالي سنه وكام شهر هنا ولسه بسدد فى نصف تمن الفيزا يعني ممكن تمن الفيزا عاوز شغل سنتين لوحد غير التزاماتي وبيتى ومصاريفى وديوني وغيره......

يبقى هناك أحسن ولا لأ؟؟؟؟؟؟؟؟؟؟؟؟؟؟؟

انا لما قلتلك أنى إن شاء الله هروح أقصد أني مش هبطل أفكر وأدور على حل أو طريقه للوصول لهناك وربنا عليه التساهيل

وشكرا لك ومعلش أنى دوشتك معايا .

أخوك

والسلام عليكم ورحمة اله وبكاته

قولوا لا إله إلا الله تفلحوا

إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

إضغط هنا لقراءة القرآن الكريم من المصحف الشريف

إضغط هنا لزيارة موقع رسول الله

إضغط هنا لعرض البث المباشر من المسجد الحرام

تردد قناة الرحمه الجديد على النايل سات التردد 10873 معدل الترميز 27500 رأسي 3\4

تردد قناة الرحمه الجديد على العرب سات التردد 12149 معدل الترميز 27500 أفقي 3\4

6nf2hryf9fiu.gif

رابط هذا التعليق
شارك

أ/ ضياء أنت من ( ميت الكرمة )؟؟؟؟؟؟؟؟؟؟؟؟؟

وردا على الأخ اللس سألك هما أشتغلوا ايه هناك ولمدة كام سنه؟؟؟؟

الشغل مش عيب ولو أنه اشتغل في الفاااااااااااعل بس بمقابل وكفاية أنك تحس أنك بتتعامل كبني آدم

ولو كان أيتنى في مصر كان هيشتغل أيه ؟؟؟؟؟ وزير ولا ملحق ثقافي !!!!!!!!

وكان هياخد مرتب كااااااااااااااااام ؟؟

سلااااام

ازيك يا استاذ عاشق الترحال

اولا انا مش عارف هيا في اي محافظة ميت الكرمة دي لكن انا من الفيوم وهيا فيها اكبر نسبة في ايطاليا قرية تطون لو سمعت بس انا مش من القرية نفسها لكن اعرف ناس فيها

شوف اللنك دا

http://www.asharqalawsat.com/details.asp?s...p;issueno=10804

ودا

http://masrawy.com/Magazines/Allwaa/2005/T...ne/week1/1.aspx

ودا

http://www.islamonline.net/servlet/Satelli...mah%2FNMALayout

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...