اذهب إلى المحتوى
محاورات المصريين

ساعدوني في اختيار تورتة لمريم


pink rose

Recommended Posts

محتاجة منكم يا حلوين مساعدة

عاوزة اختار تورتة لعيد ميلاد مريم

و محتارة بجد

الاشكال كتير اوي

منها سهل و منها صعب

و فكرت اني اخد رأيكم

هاقولكم معلومة صغيرة و منتظرة منكم تساعدوني بانكم تحطوا هنا صور لتورت اقدر اعمل زيها

انا عاوزة التورتة تكون دورين

عليكم بقى تيجبوا هنا صور تعجبكم تكون التورتة فيها دورين

ينفع و لا ما ينفعش اعتمد عليكم و نتكلم و نختار سوا

و لما ان شاء الله اعملها اصورها و احط صورتها هنا

هو عيد ميلاد مريم يوم الجمعة ان شاء الله

بس بسبب تعبي مضطرة ااجله شوية

فا قدامكم 10 ايام بحالهم نختار فيهم تورتاية

ها قولتم ايه؟؟؟؟؟

رابط هذا التعليق
شارك

لا يفتي ومالك في المدينة

كل سنه ومريم بصحه وسعاده وفرحه وربنا يخليكم بعض

انا عجبني دي

080401163058i4Sv.jpg

المجد لولادك المخلصين ...

رابط هذا التعليق
شارك

السلام عليكم و رحمة الله و بركاته

و ها هي ريمو البريمو تعود من جديد لتقضي علي احلامي المتواضعة بانجاز طبق زلابية من غير ما تتحجر العجينة

ليه يا امي كدهوت

بس نجول ايه

كله علشان خاطر مريم ربنا يسعدك بيها و يقر عينك بيها دنيا و آخرة

بصي بقي

انا مصرة ان التورتة تكون علي شكل حدوتة

يعني يبقي ليها معني

الحقيقة انا مبحبش حكاية نرص العيال كدهوت حوالين التورتة و بعدين نغني اغاني الفلكور بتاعت ابو فصادة و ابو قردان صديق الفلاح مع احترامي يعني لمريم و انتي و الناس الحلوة و الجدعان و انا و انتي و اللي بيحبنا ميضربشي نار

هتقوليلي طب قولي يا فقر الحدوتة نجيبها منين

اقولك

من مريم نفسيها

من كراسة الرسم بتاعتها

من الكمبيوتر بتاعها

اكيد فيه حدوتة هي بتحبها

او حبكة يعني نقدر نبني التورتة علي اساسها

اوعي تكوني فاكرة التورتة شوية دقيق علي لبن و اعجن...ابتا...(وش اسامة السيد اللي هموت و اعرف هو مرتبط و لا لا:)

التورتة دي في حد ذاتها ممكن تحكي حدوتة و تفضل ذكري العمر كله

اللي مشجعني علي ده هو انك بتقولي عايزة ترمي الاساسات و تطلعي بالعمدان دور تاني...(هو واضح بعد ما بابا بقي ثورجي يا ريمو في اسكندرية و انتي بقيتي بتحبي تبين...اتكلي علي الله يا امي طالما مش في الممنوع....وش اي حد مدخل سبعين حكاية في بعض)

لسه من يومين سيفت عندي صورة عبارة عن بنوتة قاعدة و بتبص في السما و نازل من السما دوت بيت

طبعا انا عجبنتني اللقطة علشان هي ممكن ترتبط معايا باحداث معينة

بطلة السي علي نفس الحكاية

يعني ممكن تكون مريم هي بطلة الحدوتة و تكون في الدور اللي من التحت و فوق منها سما و فيها نجوم كتير...و كل نجمة منهم المفروض تحكيلها اني دي هدية او دعوة من بابا و ماما و جدو و تيتة و طنط و خالو و بقيت افراد اليوم المفتوح

الحاجة بقي الافتكاسة انك تخلي مريم هي ذات نفسيها تصمم التورتة

ايون

انا شخصيا بحب كدهوت..اينعم لما بنشتغل انا وولاد اخويا و ببدا هذا الاقتراح الظريف عليهم بيجيلي حول في عيني اليمين و ببقي هاين عليهم احدفهم في اول صينية في الفرن بس النتيجة بتبقي حلوة اوي و بيحسوا انهم يعني عملوا انجاز فظيع

كل سنة و مريم بكل الو السعادة و يا رب كل حياتها الجاية تكون تورتة سعادة بمقادير دعواتك ليها انتي و بابا

صباحك حلويات يا زلابية....(وش صبحي في المسرحية:)

رابط هذا التعليق
شارك

كل سنه و مريومه بخير و سعاده يا رب

بصى بقى دول عجبونى و حسيت انهم مناسبين لعيد ميلاد طفله

ممكن دى لو هى بتحب كاتى و الحاجات دى

20700.png

و تكتبى اسمهما بدل اسم ساره المكتوب

او تعمليهالها على شكل هديه كدا هتكون حلوه اوى

و بيتهيىئ لى ان دى اسهل من الى فاتت فى عمايلها

13190329971.jpg

دى كمان حاجه جميله و تكتبى سنها مكان رقم 16

cake454.jpg

يمكن دى اصعب واحده فيهم لكن البناويت بيحبوا جو الميرميد و البحر و بيتبسطوا بيه

Sea-Princess-Cake.jpg

يا رب يعجبك حاجه منهم و عقبال ما ننقى معاكى شكل تورته فرحها باذن الله

EjGPv-c584_381280136.jpg

ما اجمل الانوثه عندما تمتطى صهوه الحياه

رابط هذا التعليق
شارك

كل سنة و مريم بخير ..

أعذريني مليش في جو المطبخ دا خالص و مش هقدر أفيدك ..

بس جبت هديه مريم معايا إديهالها قوليلها عقبال 100 سنة

و تكبر و تشوفيها أحلي عروسة في الدنيا

ربنا يخليهالك :give_rose:

11605b.jpg

رابط هذا التعليق
شارك

birthday.gif

كل سنة و مريم طيبة و عقبال 100 سنة

ربنا يبارك لكم فيها و يحفظها و يسعدكم clappingrose.gifclappingrose.gifclappingrose.gif

أنا حرمت أقترح أي حاجة في موضوع أعياد الميلاد smile.gif

 

رابط هذا التعليق
شارك

birthday.gif

كل سنة و مريم طيبة و عقبال 100 سنة

ربنا يبارك لكم فيها و يحفظها و يسعدكم clappingrose.gifclappingrose.gifclappingrose.gif

أنا حرمت أقترح أي حاجة في موضوع أعياد الميلاد smile.gif

هههههههههههـ لية بس ، عملت إية ؟؟!!! ;)

رابط هذا التعليق
شارك

السلام عليكم و رحمة الله و بركاته

التوبيك دوت موترني و مفوترني...يعني مخليني اصرب اخماس في اسباع

يا حاااااااااجة

انتي يا حاااااااااجة

هو احنا مش راح نتعزم علي ايتوها حاجة من الحاجات دي و لا ايه

نفسي هافاني علي اي حاجة حلوة

حد يديني حتة بسبوسة بالقشطة

قوليلنا بقي

هتعملي ايه...يا حااااااااااااااااااااااجة...(وش اي واحدة بتنادي علي جيرانها من البلكونة)

مساكي حلويات....كلاكيت العمر كله

رابط هذا التعليق
شارك

1321432739821.jpg

كل عام ومريم طيبة وعقبال 200 سنة يا رب :clappingrose::clappingrose:

وانتي طيبة يا نوران يا رب

و ميرسي على التورتة الجميلة

هي طريقتها سهله على فكرة و ممكن اعملها

بس الفكرة ان العدد هايكون كبير لان مريم هانم مصرة اعزم اصحابها اللي معاها في الفصل و كمان اللي ف الباص

و بكده هاتكون التورتة صغننة و مش هاتكفي

عشان كده عاوزة اعمل تورتة دورين لزيادة العدد

و ميرسي مرة تانية يا جميل و يا رب الولاد يرجعوا لحضنك النهاردة بالف الف سلامة

رابط هذا التعليق
شارك

لا يفتي ومالك في المدينة

كل سنه ومريم بصحه وسعاده وفرحه وربنا يخليكم بعض

انا عجبني دي

080401163058i4Sv.jpg

و حضرتك طيب يا باشمهندس

و ميرسي على التورتة الرقيقة

رابط هذا التعليق
شارك

السلام عليكم و رحمة الله و بركاته

و ها هي ريمو البريمو تعود من جديد لتقضي علي احلامي المتواضعة بانجاز طبق زلابية من غير ما تتحجر العجينة

ليه يا امي كدهوت

بس نجول ايه

كله علشان خاطر مريم ربنا يسعدك بيها و يقر عينك بيها دنيا و آخرة

بصي بقي

انا مصرة ان التورتة تكون علي شكل حدوتة

يعني يبقي ليها معني

الحقيقة انا مبحبش حكاية نرص العيال كدهوت حوالين التورتة و بعدين نغني اغاني الفلكور بتاعت ابو فصادة و ابو قردان صديق الفلاح مع احترامي يعني لمريم و انتي و الناس الحلوة و الجدعان و انا و انتي و اللي بيحبنا ميضربشي نار

هتقوليلي طب قولي يا فقر الحدوتة نجيبها منين

اقولك

من مريم نفسيها

من كراسة الرسم بتاعتها

من الكمبيوتر بتاعها

اكيد فيه حدوتة هي بتحبها

او حبكة يعني نقدر نبني التورتة علي اساسها

اوعي تكوني فاكرة التورتة شوية دقيق علي لبن و اعجن...ابتا...(وش اسامة السيد اللي هموت و اعرف هو مرتبط و لا لا:)

التورتة دي في حد ذاتها ممكن تحكي حدوتة و تفضل ذكري العمر كله

اللي مشجعني علي ده هو انك بتقولي عايزة ترمي الاساسات و تطلعي بالعمدان دور تاني...(هو واضح بعد ما بابا بقي ثورجي يا ريمو في اسكندرية و انتي بقيتي بتحبي تبين...اتكلي علي الله يا امي طالما مش في الممنوع....وش اي حد مدخل سبعين حكاية في بعض)

لسه من يومين سيفت عندي صورة عبارة عن بنوتة قاعدة و بتبص في السما و نازل من السما دوت بيت

طبعا انا عجبنتني اللقطة علشان هي ممكن ترتبط معايا باحداث معينة

بطلة السي علي نفس الحكاية

يعني ممكن تكون مريم هي بطلة الحدوتة و تكون في الدور اللي من التحت و فوق منها سما و فيها نجوم كتير...و كل نجمة منهم المفروض تحكيلها اني دي هدية او دعوة من بابا و ماما و جدو و تيتة و طنط و خالو و بقيت افراد اليوم المفتوح

الحاجة بقي الافتكاسة انك تخلي مريم هي ذات نفسيها تصمم التورتة

ايون

انا شخصيا بحب كدهوت..اينعم لما بنشتغل انا وولاد اخويا و ببدا هذا الاقتراح الظريف عليهم بيجيلي حول في عيني اليمين و ببقي هاين عليهم احدفهم في اول صينية في الفرن بس النتيجة بتبقي حلوة اوي و بيحسوا انهم يعني عملوا انجاز فظيع

كل سنة و مريم بكل الو السعادة و يا رب كل حياتها الجاية تكون تورتة سعادة بمقادير دعواتك ليها انتي و بابا

صباحك حلويات يا زلابية....(وش صبحي في المسرحية:)

مش عارفة يا ريهام اقولك ايه الصراحة

ايه يا حاجه انتي الافتكاسات و كراسات الرسم و مريم تفنن و تختار

و انا عليا انفذ و كل الحوارات الجامدة دي

ياما انا لسا على ادي في الحوار دا و لو سمعت لخالتك مريم يبقى هاتعقد و اسيب الشغلانة و انا لسا في بداية الطريق

مريم لو سيبنا الحوار لدماغها مش بعيد تلاقيها عاوزة تورتة لقصر ملكي و على الصفين واقفين الملوك و الملكات و الامراء و الاميرات من شتا بقاع الارض

لان مريم مقتنعة في قرارة نفسها انها برنسيس بس احنا اللي مش معيشنها في قصر زي كل الاميرات بتوع ديزني

قوليلي بقى ساعتها انا اعمل ايه اتعقد و لا اعقد البنت في حياتها

هو حلو اوي اني افرجها على صور تورت و هي تختار شكل ممكن ينفذ

رورو يا اختي دانا غلباااااااااان

صباحك ملبس سمارتس عشان بحبه اوي ممكن كمان m&m

يالا عن ما حد حوش

رابط هذا التعليق
شارك

كل سنه و مريومه بخير و سعاده يا رب

بصى بقى دول عجبونى و حسيت انهم مناسبين لعيد ميلاد طفله

ممكن دى لو هى بتحب كاتى و الحاجات دى

20700.png

و تكتبى اسمهما بدل اسم ساره المكتوب

او تعمليهالها على شكل هديه كدا هتكون حلوه اوى

و بيتهيىئ لى ان دى اسهل من الى فاتت فى عمايلها

13190329971.jpg

دى كمان حاجه جميله و تكتبى سنها مكان رقم 16

cake454.jpg

يمكن دى اصعب واحده فيهم لكن البناويت بيحبوا جو الميرميد و البحر و بيتبسطوا بيه

Sea-Princess-Cake.jpg

يا رب يعجبك حاجه منهم و عقبال ما ننقى معاكى شكل تورته فرحها باذن الله

مغتربة يا جميلة

يسلملي ذوقك يا رب

بصي يا ستي الاولى دي تحفة و رقيقة جدا و ممكن ناخد منها بعض اشياء

التانية انا عاجباني اوي النجوم اللي طالعة من كل مكان دي و ان شاء الله هانفذها بس بالوانات تانية

اما الاخيرة صعبة اوي اختك لسا نونو في حوار التورت دا

رابط هذا التعليق
شارك

كل سنة و مريم بخير ..

أعذريني مليش في جو المطبخ دا خالص و مش هقدر أفيدك ..

بس جبت هديه مريم معايا إديهالها قوليلها عقبال 100 سنة

و تكبر و تشوفيها أحلي عروسة في الدنيا

ربنا يخليهالك :give_rose:

11605b.jpg

و انت طيب يا عمدة

و يارب قريب نباركلك على العروسة

رابط هذا التعليق
شارك

birthday.gif

كل سنة و مريم طيبة و عقبال 100 سنة

ربنا يبارك لكم فيها و يحفظها و يسعدكم clappingrose.gifclappingrose.gifclappingrose.gif

أنا حرمت أقترح أي حاجة في موضوع أعياد الميلاد smile.gif

كل سنة و حضرتك طيب استاذ عادل

الله يكرمك على دعواتك

اما اقتراحاتك على العين و الراس

قول براحتك و شاركنا في اختيار الوان التورتة

رابط هذا التعليق
شارك

السلام عليكم و رحمة الله و بركاته

التوبيك دوت موترني و مفوترني...يعني مخليني اصرب اخماس في اسباع

يا حاااااااااجة

انتي يا حاااااااااجة

هو احنا مش راح نتعزم علي ايتوها حاجة من الحاجات دي و لا ايه

نفسي هافاني علي اي حاجة حلوة

حد يديني حتة بسبوسة بالقشطة

قوليلنا بقي

هتعملي ايه...يا حااااااااااااااااااااااجة...(وش اي واحدة بتنادي علي جيرانها من البلكونة)

مساكي حلويات....كلاكيت العمر كله

ايوة يا ست شوشو جارتنا

انا جيت اهو يا حبيبتي

ازاي بقى مش معزومين دا كلام يا عبد السلام

دا النبي وصى على سابع جار يا حبيبتي

ايش حال انتي بقى و الحيطة في الحيطة و لا كأنك قاعدة معانا في الشقة و سامعة كل حوارتنا و ودنك قصدي قلبك معانا دايما

ازاي تقولي مش معزومة

دا انتي روحي روحي روحي كده

ههههههههههههههههههههههههههههههههههههههههه

خلاص الحمدلله خلصنا جو الجيران في فيلم اولاد حارتنا

بصي يا رورو

انتي تتوكلي على الله و تعملي زيارة عمرة للسعودية و اظن من عندك سهل

و تيجي تنورينا في العيد ميلاد و الله باتكلم جد و مش هزار

هو ان شاء الله كده هانعمله في اول 12 لان باباها عنده شغل في مصر و هايرجع على اول 12 كده

هاااااا تلحقي تقدمي طلب زيارة و لا ايه النظام

فكري و ردي عليا

و اهو تيجي و نقعد نعمل سوا التورتة و لا تحسي ابدا احساس التوتر اللي انتي فيه دا

و نظام ادوني حتة بسبوسة و لا حتة كنافة بالقشطة

ايه قولك يا اعتدال؟؟؟؟؟؟

رابط هذا التعليق
شارك

انتي تتوكلي على الله و تعملي زيارة عمرة للسعودية و اظن من عندك سهل

و تيجي تنورينا في العيد ميلاد و الله باتكلم جد و مش هزار

هو ان شاء الله كده هانعمله في اول 12 لان باباها عنده شغل في مصر و هايرجع على اول 12 كده

هاااااا تلحقي تقدمي طلب زيارة و لا ايه النظام

السلام عليكم و رحمة الله و بركاته

صباحك نور من الجنة يا ريمو

و ع فكرة انا بتكلم بجد برضه انا ممكن اعملها و جدي كمان (وش جوني في الكابير جوي)

اينعم انا مقدرشي اخش السعودية غير علي عمرة او حج و دمتم

بس علشان خاطر مريم و ام مريم و شوشو و اعتدال (مين دولم يا امي)

و اينعم اختك راكبة الحلزونة من شهر ابريل اللي فات و كل ما اقول هتروق و تحلي تغفلج عليا...رب لك الحمد علي كل حال...فمافيش ايتوها خطة راكبة خالص معايا

و بناء علي ما سبق في عريضة الادعاء

اقدر اقولك

يمكن مش راح اكون موجودة لكن من جوه قلبي اوي بدعي لمريم ان عمرها كله يكون تورتة سعادة

بدعيلها ان حياتها تكون اسهل من حياتنا و افضل

بدعيلها انها تفضل تتدلع مع ماما و بابا و تاخد منهم حب يكفيها العمر بحاله

بدعيلها تكون البنوتة اللي تفاخري بيها دايما ان هي دي هدية ربنا ليكي اللي بتعيشي علشانها عمرك بحاله

ربنا يسعدك بيها و يسعدنا بوجودكم معانا في تفاصيل الفرح

بوسيهالي بوسة بحجم القلب اللي بيدعيلها

و احضنيها آد بحر اسكندرية

صباحك ريمو.....ذرية صالحة تقر بيها عنينا

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...