اذهب إلى المحتوى
محاورات المصريين

مطبخ الست غاليه .. حلاوة الأكلة الشعبيه :)


لولا

Recommended Posts

اممممم عايزه اقول ان عشت سنين الجواز كلها بعمل محشي بتنجان وارصه بالعرض ويادى الكسوف يادى الخيبه يادى الوكسه اكتشفت من غاليه انه بيترص بالطول :blink: حتقولى دى معلومه عبيطه واساسي حقولكم مانا مكنتش اعرف :Head: :sad:

لحظة من فضلك يا لولتي

حأخرجك شوية من جو المطبخ و اسأل سؤال ذا طبيعة فلسفية

الباذنجان لما كنتي بترصيه بالعرض كان بيستوي كويس؟؟؟؟

أصله لو كان بيستوي كويس يبقى مفيش مشكلة

ومش لازم تلتزمي برصه بالطول

زي قصة السمكة اللي بنقطعها لما بنقليها

والسبب ان اللي عملت كده كانت طاسة القلية عندها صغننة :blush2:

و انه بالامكان لو عندك طاسة كبيرة انك تقلي السمكة بحالها :cheer:

آه و ربنا

يعني قصدي من كل ده

ان في حقائق فيزيائية وكيميائية لا يمكن تجنبها و الا أدت لكوارث

و في حاجات تانية ممكن تتعمل بطرق كتير اوي و تؤدي لنفس النتيجة

وهنا عليّ أن أتذكرمقولة خالدة لماما الله يرحمها

" أن الغلطة في الوصفة قد تحوّلها إلى وصفة جديدة تماما" :closedeyes:

شكرا على المساحة غاليتي

:give_rose:

أعد شحن طاقتك

حدد وجهتك

و اطلق قواك

رابط هذا التعليق
شارك

لولا الغالية طلعت م المطبخ وعايزة حد تجرب فيه :D

الست غالية .. سرقت الكاميرا من جميع القنوات اللى بتقدم أكلات

السبب .. بساطتها .. أكلاتها الشعبية .. مطبخها الغير مستفز للغالبية العظمى من ستات مصر .. مفيش أسماء أجنبية بتتقال .. كله مصرى شعبى

أم محمد بتحبها جدا

عارفين بتتذاع على قناة إيه .. بتتذاع على قناة 25tv .. بتاعة الأخوان المسلمين ..

شايفين الشغل ؟ .. ما تزعلوش بقى لما يتفوقوا على "النـُخب" فى أى انتخابات ..

"حزب الشلتة" تعداده كبير يا "اخوانا" ngh:

اتفضلوا يا ستات .. حتلاقوا كل حلقاتها على اليوتيوب

ههههه نو نو مش دخلت المطبخ لسه اطبقها انا قلت حد يطبقها ويقولى فأتشجع اكتر انا اصلا عاجبنى جدا اسمها وبساطه مكوناتها

الحاجات البسيطه دى بتفكرى لما كنا اطفال كانت ماما بتعملنا حاجات بسيطه من اصناف الحلويات فى البيت وبتشكل جزء جميل من ذكريات الطفوله ... بيصعب عليا الجيل الحالى هيكبر يفتكر ايه بس ؟؟ انه كان بيجب كريسبي دونات ولا سينابون من بره ؟؟

ريحه الفرن والكيك والحلويات اجمل شيء بيعمل فى البيت دفا وتتجمع حوليه العيله ... :wub:

آه طبعا ليها حق ام محمد تحبها حقيقي الست دى بتطبخ من قلبها وبصدق ومن غير تكلف وبحس انها قدرت تدخل قلوبنا عشان هى فعلا حد بسيط واصيل ومش مصطنع ..

انا بستمتع جدا جدا بفقرة التليفونات .. عارف بحب فى الفقره دى انى ناس مختلفه من كل شكل ولون وطبقه اجتماعيه بتتصل واحس فى الساعه اللى بتتذاع فيها الحلقه انى خدت جرعه مهوله من ريحه مصر واصالتها فى صدرى ياااااااه احساس مش يتوصف ابدا ابدا .

كنت لسه عايزه انزل بأى يوتيوب ليها عشان لو حد مش عارفها يعرفها ويتابعها على القناه بتاعتها هى بتقدم حلقه كل يوم

احد وتلاثاء وخميس .

منور التوبيك ياغالى :give_rose:

منك لله يا لولا وجعتى قلبى بالمداخلة .. ذكرتينى بوالدتى رحمها اللى وقت كانت تصحى الفجر فى أيام الشتا وعلى ما نصحى للمدرسة نلاقيها فطيرة دقيق ذرة بالجبنة

ولا سخينة رقاق بالحليب ولا فطاير رحالى (عجينة الفطير المشلتت لكنها تختلف انها مش 5000 طبقة ومعجونة بالقشدة مش بالزمن

وفى الليل أصناف الحلويات العجيبة الغريبة .. خصوصا المشمشية ولا البليلة ولا فطرة التفاح ولا المهلبية مثلا

رحم الله أمى ..

حبيبتى كالشمس لا نظر ولا اقتراب ولا استغناء

فالكل موت محقق

أنا الذى نظر الأعمى إلى أدبى وأسمعت كلماتى من به صمم

رابط هذا التعليق
شارك

اممممم عايزه اقول ان عشت سنين الجواز كلها بعمل محشي بتنجان وارصه بالعرض ويادى الكسوف يادى الخيبه يادى الوكسه اكتشفت من غاليه انه بيترص بالطول :blink: حتقولى دى معلومه عبيطه واساسي حقولكم مانا مكنتش اعرف :Head: :sad:

لحظة من فضلك يا لولتي

حأخرجك شوية من جو المطبخ و اسأل سؤال ذا طبيعة فلسفية

الباذنجان لما كنتي بترصيه بالعرض كان بيستوي كويس؟؟؟؟

أصله لو كان بيستوي كويس يبقى مفيش مشكلة

ومش لازم تلتزمي برصه بالطول

زي قصة السمكة اللي بنقطعها لما بنقليها

والسبب ان اللي عملت كده كانت طاسة القلية عندها صغننة :blush2:

و انه بالامكان لو عندك طاسة كبيرة انك تقلي السمكة بحالها :cheer:

آه و ربنا

يعني قصدي من كل ده

ان في حقائق فيزيائية وكيميائية لا يمكن تجنبها و الا أدت لكوارث

و في حاجات تانية ممكن تتعمل بطرق كتير اوي و تؤدي لنفس النتيجة

وهنا عليّ أن أتذكرمقولة خالدة لماما الله يرحمها

" أن الغلطة في الوصفة قد تحوّلها إلى وصفة جديدة تماما" :closedeyes:

شكرا على المساحة غاليتي

:give_rose:

لا مدام عبير انتى ومدام لولا

محشى الباتنجان والكوسة والفلفل ينفع يتعملو بالطول وبالعرض

لو بالعرض يبقى لازم تحطى كل واحدة فى وش التانية عشان الرز ما يطلعش برة

طبعا الأسهل هو يترص واقف بس الحلة هتاخد سطر واحد بس

والدتى رحمها الله فى الكميات الكبيرة ترصه بالعرض

وفى العينات بالطول

حبيبتى كالشمس لا نظر ولا اقتراب ولا استغناء

فالكل موت محقق

أنا الذى نظر الأعمى إلى أدبى وأسمعت كلماتى من به صمم

رابط هذا التعليق
شارك

قرأت الموضوع مساء أمس و تحدثت مع زوجتي عنه واتصلت بالفضل ابو محمد اسأله عن تردد القناة التى تبث البرنامج

ما سبق كان إستهلالا لابد منه

حادثين الفاضل أبو محمد مساء أمس و أخبرني أن إعادة البرنامج يتم بثها الآن و ناديت زوجتي و بدأنا في المشاهدة و لا أريد أن أكرر كل ما جاء بالموضوع و لكننا ببساطة إنبهرنا بالبرنامج ومحتواه

اليوم فتحت الفيديو كليب المعروض هنا و ركزت فيه جداً كل شئ يبدو طبيعيا جداً إلا وجود صينية القلل في المطبخ. ووجود بلاص في الركن المجاور البوتاجاز وحيث أني أذكر تماماً وجود البلاص في بيتنا كجزء من المخزون السلعي الضروري و لأننا نمتلك عصارة لصناعة العسل الأسود في قريتنا فكان وجود البلاص عندنا شيء عادي أستطيع أن أجزم أن المطبخ طبيعي جداً. و لعله هو الموجود فى كل البيوت المصرية

ملاحظة : تردد القناه هو10911 رأسي 27500 3/4 و إسم القناة 25tv

السلام عليكم يا استاذ عادل

البلاص أساسى فى كل بيت ريفى .. لكنه فى الأساس ليس لتخزين العسل .. حيث انه العسل يباع فى جرار رخيصة

أما البلاليص شئ قيم كانو يتوراثونها وهى للجبنة القديمة بالتحديد .. أذكر حكاية من أحد أقربائنا كانت تحكى لى كيف انها المفروض ترث من البلاليص الأربعة التى نملكها والتى وعيت عليها ولا زالت موجودة

لما عدت للتاريخ ورتبت الأحداث وسألت شيوخ المقام وجدت انه عمر البلاليص وقتها يتجاوز 200 عاما وقتها وقيمتها انها منحوتة من الحجر وليست فخار هههههه

حبيبتى كالشمس لا نظر ولا اقتراب ولا استغناء

فالكل موت محقق

أنا الذى نظر الأعمى إلى أدبى وأسمعت كلماتى من به صمم

رابط هذا التعليق
شارك

[لحظة من فضلك يا لولتي

حأخرجك شوية من جو المطبخ و اسأل سؤال ذا طبيعة فلسفية

الباذنجان لما كنتي بترصيه بالعرض كان بيستوي كويس؟؟؟؟

أصله لو كان بيستوي كويس يبقى مفيش مشكلة

ومش لازم تلتزمي برصه بالطول

زي قصة السمكة اللي بنقطعها لما بنقليها

والسبب ان اللي عملت كده كانت طاسة القلية عندها صغننة

و انه بالامكان لو عندك طاسة كبيرة انك تقلي السمكة بحالها

آه و ربنا

يعني قصدي من كل ده

ان في حقائق فيزيائية وكيميائية لا يمكن تجنبها و الا أدت لكوارث

و في حاجات تانية ممكن تتعمل بطرق كتير اوي و تؤدي لنفس النتيجة

وهنا عليّ أن أتذكرمقولة خالدة لماما الله يرحمها

" أن الغلطة في الوصفة قد تحوّلها إلى وصفة جديدة تماما"

شكرا على المساحة غاليتي

لالالالالالالالا اثبتو على كلمة طيب احسن انا دماغى ساحت خلاص بالطول ولا بالعرض بالعرض ولا بالطول :Head:

ماهو انت ياعبير مش تقوليلي الحكايه تجى بالعرض عادى بعد ما انا استحقرتنى خااااالص خاااالص على الجهل المدقع اللى كنت فيه وانا بخالف قانون غالية سرسخوس فى فن رص البتنجان فى حلل المحشي :sad:

ثم انا مش فاهمه انتى متوقعه انى هسمع حاجه من غاليه وافكر بعدها اساسا :P ايش دخل المنطق فى قوانين الطبيخ طيب ؟؟ بذمتك كده لو احنا هنشغل دماغنا فى منطقيه رص البتنجان بكره الموضوع يبقي اخطر ونحلل منطقيه شهقة الملوخية :blink:

ههههههه تسدقى عندك حق .. بس انا اتدايقت انى مش كنت اعرف اانه بيترص بالطول وفكرت انه الأنسب فعلا كان يبقي بالطول بدل ما بلاقي ساعات حبة رز ممكن تخرج شويه من البتنجان .

اممممم طب عادى يعنى اقلي السمكه بطولها مش لازم اقطعها نصين :P :P

طائره ورقيه

رياح شديده

خيط قصير

الطائره ليست بين السماء ولا الأرض

..هذه انا!!

لولا

رابط هذا التعليق
شارك

أنا من محبي الست غالية وأحرص على مشاهدة حلقاتها الممتعة، التي هي صالون اجتماعي أكثر منها حلقات طبخ.. سيدة طيبة القلب، ودودة، مؤدبة، لسانها بينقط عسل.. مثال لبساطة وأدب أمهاتنا وأخواتنا..

اه نسيت أقول إن صفحتها رقم 1 عندي في الفيس بوك.. وعمار يا مصر يا أرض الخير والبركة والناس الطيبين

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...