ساعدونى فى ارفف الثلاجة توشيبا

[ام جودى]

ثلاجتى توشيبا 12 قدم بقالها عندى 3 سنين

وللاسف المساحة بين الارفف ضيقة جدا

وطبعا ما اخدت فى ايدى وقت وكسرت كل الارفف حتى الدرج

وطبعا استعمالها بقى بالنسبة لى عذاب ومش عارفة اغيرهم منين محتارة وورق التلاجة كله عناوين توشيبا ف بنها وانا ف القاهرة ونفسى اخلص من الموضوع ده انتو فاهمين بقى التلاجة عصب المطبخ فهل ممكن حد يساعدنى ارجوكم

ولكم الشكر مقدما

[Folana]

السلام عليكم ورحمة الله...

أختى الفاضلة أم جودى......بالنسبة لأرفف الثلاجة حضرتك بتتحكمى فى المسافات تبعا لاستخدامك...بمعنى ان كل رف له عدة مستويات ممكن يثبت فيها

حضرتك ممكن تتصلى بصيانة توشيبا وتحددى ميعاد

ممكن تحصلى على ارقام الصيانة من الدليل ..

او بيكون فيه رقم موحد ممكن يكون قى الجرايد.او عن طريق دليل التليفونات ايضا أظن رقم الدليل هو (140)..

للاسف أنا مش عارفة الرقم...لكن ان شاء الله اشوفه لحضرتك...

تحياتى

[metwallly]

دى أرقام الخوط الساخنة بتاعة توشيبا العربى

ولو طلبتيهم تبلغيهم بالمشكلة وهيجوا لحد البيت ويجيبوا لكى الأرفف

أرقام الخطوط الساخنة

توشيبا العربي 19319 -

توشيبا أجهزة مكتبية و كمبيوتر 16525 -

شارب تكييف 19444 -

والأفضل تستخدم الرقم الأول

[جنى]

على فكره حصل معايا نفس الحكايه بس فى رف واحد و حماتى بردو تلاجتها توشيبا و رفين انكسروا

واضح انها ضعيفه من الاصل مش سوء استخدام يعنى

[Ghost]

نفس المشكله حصلت مع امي منذ اكثر من سنه و فعلا اتصلت بالشركه و قالوا ان ده عيب ظاهر في الارفف و قاموا باستبدال الارفف المكسوره فعلا

ممكن تعرفي نمره الصيانه من الدليل 140 و تتصلي بهم و هم ناس ذوق بجد

[nora]

حصل معي نفس الشيء ان اتكسر عندي رفين بس عايزة اقولكم حاجه الا وهي ان ارفف التلاجه مش بيروحو ليها البيت انتم المفروض تخدوها وتروحو مركز توشيبا وهما هيدوكو بدلها بس لازم تاخد الفارغ معاك :happy: اقصد الارفف المكسورة

[ام جودى]

السلام عليكم ورحمه الله وبركاته

والله حبيت اشكركم جزيل الشكر على المساعده واخص بالشكر فلانه -ومتولى -وجنى -وجوست -ونورا على روح التعاون جزاكم الله خيرا على مساعدتكم لى وحبيت اطمنكم انا عملت ايه

فعلا اتصلت بالرقم الساخن اللى اداهولى الاخ متولى وقلتلهم على مشكلتى وردت على البنت بمنتهى الذزق وطلبت منى انى آجى واجيب الارفف المكسورة والضمان عشان اثبت ان انا اول مرة اغيرهم ورحت لهم فى عنوانهم فى المنطقة الصناعيه فى العباسيه وفى دقيقتين اخدوا الارفف المكسورة والدرج المكسور واعطونى غيرهم وقالتلى هما غيرو شويه فى تركيبه الارفف وحافظى عليهم عشان المرة الجايه بفلوس الرف ب12 جنيه والدرج ب40 جنيه وكتبتلى فى الضمان انى غيرت الارفف

ماتتصوروش سعادتى ايه بعد ما ثلاجتى رجعت تانى يااااااااااااااااااااااااااااااااااه من سنتين ماشوفتش ثلاجتى كده

ربنا يكرمكم يارب ويقدركم على مساعده الغير وانا كتبت اللى حصل بالتفصيل لانى عارفه ان فى ناس كتيييييير حاصل معاهم نفس الموضوع ومش عارفين يتصرفو ازاى

يتصلوا بارقام توشيبا الساخنه او يطلبوها من الدليل 140 وربنا معاهم وشكرااااااااااااااااا جزيلا والى لقاااااااااااااااااء

السلام عليكم ورحمه الله وبركاته

[mohamed elaraby]

السلام عليكم و رحمة الله و بركاتة

السادة الاعضاء الافاضل

احب في البداية ان اعرفكم بنفسي انا اسمى محمد صلاح العربي و انا احد افراد عائلة العربى اصحاب شركة العربي اللتى تمتلك توكيل شركة توشيبا و شارب

بداية احب ان اوضح لكم القصة الحقيقية لارفف الثلاجات التوشيبا : كنا نصنع هذة الارفف في مصانعنا من مواد عالية الجودة و لكن بعد فترة من الابحاث اتضح لنا ان صلابة هذة الماد غير كافية للاستخدام المصرى لذلك قررنا ان نستبدل لكل مستخدمينا حاملى الضمان هذة الارفف و الادراج دون مقابل و ذلك حرصا منا على بقاء ثقة العميل الذي نكن له كل احترام و تقدير لذلك كل من له اي مشاكل فى هذة القصة الوجة الى فرع الصيانة الخاص بنا و هو ب 19 ش سليم عبدة-ميدان عبدة باشا و هم باذن الله سيقوموا بعمل اللازم و نحن نعتذر عن اى مشاكل قد تكون تسببت لكم من هذة الاشياء

كما من له اي مشاكل اخرى او استفسارات الاتصال على

TOSHIBA 19319

-TOSHIBA Office Equipment 16525

-SHARP (A/C) 19444

و شكرا لكم جميعا

[elshafey]

بيغيروا الارفف مرة واحد ببلاش وبعد كده بفلوس معرفش بكام بصراحة

وعلي فكرة بتتكسر تاني برده

تم تعديل 6 نوفمبر 2008 بواسطة amelshafey

[ترنيم]

الاستاذ سيد العربى شعور طيب منك حرصك على توضيح الأمر بس الى عدى فترة الضمان مع أن الأرفف دى مكسورة عنده من زمان جدا وأنا طبعا بتكلم عن نفسى يعمل ايييييييييييييييييه والى سمعته من أختى وهى عندها نفس الثلاجة وطبعا نفس المشكلة انها اتصلت بالتوكيل قالوا الرف الواحد ب 80 جنيه وطبعا كلهم عندى مكسرين

[elfakhrany]

يا جماعة فى أرفف معدنية لموديلات التوشيبا موجودة بالأسواق سعر الرف 20 جنية وبيعيش معاك مدى الحياة :lol:

[زعلان]

شكرا لأم جودي انها طمنتنا ان مشكلتها اتحلت اتمنى ان كل عضو يحط استفسار يطمنا بعد كده حصل معاه ايه

مبروك على الثلاجة الجديدة

[اسامة السعيد]

اعزائ الرواد

احب ان احيطكم علما بان ارفف الثلاجات المصنعة من الحديد المطلي بلاستيك افضل بكثير ورخيصة ومعمرة ايضا

واي زائر يريد ارفف ثلاجات باي مقاسات ممكن ان يتصل تليفونيا بالرقم

0238705935 رقم شركة السعيد لتصنيع ارفف الثلاجات وايضا سبت الديب فريزر باسعار معقولة جدا

واوجة نظر سيادتكم بانة دائما ياتي الي ارفف بلاستيك مكسرة لعمل غيرها من السلك المطلي بلاستيك

واوجة نظر الاخ الفاضل محمود العربي ان يجرب الارفف وعموما رقم موبيلي

0106639191

[عادل أبوزيد]

للرفع

[باهى الطائر الحزين]

الأستاذ عادل

قلبه حاسس بالأعضاء

الفريزر مالوش 6 اشهر

اتكل

بتوع الضمان جم شالوه

مرابعه

لكن حقيقه خدمة عمله

ممتازه

فيها حاجه حلوه ...

[عبير يونس]

تندرج الثلاجات تحت بند السلع المعمرة

لكن منذ سنوات طويلة اختفى هذا المفهوم

و هذا بديهي

فالمصنع لن ينتج سلعة تظل مع المستهلك سنوات لا يحتاج فيها لغيرها!!

كما أن الصناع دوما في حالة تطوير و ابتكار كل جديد

لا أبرر بالطبع عيوب التصنيع و الغش و التدليس

لكن هناك دوما عمر افتراضي لكل سلعة عادة ما يكون غير طويل

لإعطاء فرصة للسلع الجديدة

شريطة أن يلتزم المستهلك بإحسان الاستخدام

و بكده يكون الكل كسبان :)

[خالد شحاته]

انا جبت منهم شارب للاسف اشتغلت يومين وكرهوني في العربي كله اتصلت اكتر من 20 مره وكله يماطل كان اسوء معامله مع العربي للاسف علشان تركو الاولاد من غير ثلاجه في رمضان وكان حر رهيب اشتريت فريز علشان يعدي الشهر بس بجد العربي للاسف بلاش اقول شي احسن