اذهب إلى المحتوى
محاورات المصريين

لماضة مصرية جدا

الأعضاء
  • إجمالي الأنشطة

    5,613
  • تاريخ الانضمام

  • آخر نشاط

  • إجمالي الأيام الفائز بها

    23

فاز لماضة مصرية جدا آخر مرة في يوم 15 أكتوبر 2020

لماضة مصرية جدا كان صاحب المحتوى الأكثر إعجاباً!

2 متابعين

معلومات الصفحة الشخصية

  • النوع
    أنثى
  • المكان
    مشتاااااقة....للجنة
  • الإهتمامات
    أن أري الله في كل شيء

آخر الزوار للصفحة الشخصية

11,128 زيارة للملف الشخصي

الإنجازات الخاصة بـلماضة مصرية جدا

عضو جديد

عضو جديد (1/14)

  • Very Popular نادرة

أخر الشارات الممنوحة

854

الشعبية

  1. صباح الخير انا عايزة ارد علي اسئلة حضرتك سؤال سؤال بس صدقني مش هينفع لن واضح ان فيه نقاط كتير واقعة من حضرتك في النص او يمكن واقعة مني بس ممكن اسال حضرتك سؤال واحد طيب روحتوا علي الحرس الجمهوري و شيلتوا مرسي علي الاعناق و شغلنا في الخلفية حمادة هلال و هو بيقول و الله و عملوها الرجالة ممكن تقولي هيرجع يحكم ازاي و هو معهوش و لا اداة من ادوات الحكم لا جيش و لا شرطة و لا قضاء و لا اعلام و كل دول خوووووووووووووووووووووووونة يا استاذنا ماشي و هو اصلا كان مجهز حركة شقلباظ في الجو و هيعمل حركة "تطهير بس هي في الحقيقة اخون و مع سبق الاصرار و الترصد" هيعمل ايه في الناس اللي بحرفية و مهارة منقطعة النظير قسمهم بشكل مبقاش ينفع فيه التصالح رئيسكم المزعوم هو اللي رفض الاستفاء ع فكرة هو اللي استقوي بجماعته و مؤيديه و تمرد معملتشي غير انها غشت منه حشدنا قصاده علشان يعرف ان بره اهله و عشيرته فيه ناس عايزة البلد دي بجد من غير صفقات و لا شعارات رايي الشخصي كل ما تبتدي تتعامل مع الموقف انه تم خلاص ده هيسهل علي حضرتك المستقبل و العوار اللي حضرتك بتحكي عليه يا ريت تاخد نفس عميق كدهوت و تبتدي تبص ل "فصيلك" بعين حيادية ارجع لشعاره الانتخابي هو ارجع بلرنامجه الانتخابي هو ارجع لما انتخبته عليه حضرتك بنفسك حاسبه انت و سيبك من المتمردين الوحشين و سيبك من الجيش و مواقفه اقف مع نفسك انت بمرايته هو نفسه و ابقي اعد طرح نفس الاسئلة كل التحية و الاحترام
  2. صباح الخير يعني ايه شيوخ "معتدلين" و يعني ايه "علماء" انا مش هعرف افتي في السؤال الاولاني بس اقدر بحكم دراستي اتكلم في التاني العالم هو اللي بيخضع المنهج العلمي التجريبي في التفكير و بيمر بمراحل محددة بدءا من وضع الفروض و تقصي البيانات و تجربتها و بعد قبول الفروض او رفضها و بعدين استخلاص النتيجة و محاولة تعميمها في اطار زماني يتعلق بحدود العينة التجريبية ده العالم هو احنا عندنا "علماء" في الدين في ضوء التعريف اللي فوق شكرا مقدما
  3. عايزة احط غنوة بصوتي لانها مناسبة للموقف و كدهوت بانوا بانوا بانوا علي اصلكوا بانوا اهداء خاص لحزب النور :)
  4. صباح الخير يا استاذي "مش عارف" انا بحيي حضرتك فعلا علي اختيارك للكلمات انا مكنتش داخلة ارد و الله لني محددة موقفي من زمان و عارفة انا عايزة ايه و راحية فين بس تسمحلي اسال سؤال لحضرتك هو الرئيس المؤمن (مش السادات طبعا ده المؤمن بتاع رابعة اللي قال عنه بديع لقد تربينا علي مائدة النبوة ) عمل ايه تحديدا في موضوع الخمور و كدهوت و علي العموم انا مش زعلانة من الالفاظ البذيئة و لو اني ملحقتش اشوفها انا عشت البذاءة كلها في السنة اللي فاتت فمش هتفرق معايا كلمتين يعني شكرا من الاعماق صباحك حلو
  5. "الانبا تواضروس لا يمثل الاقباط في مصر" من الحكم الخالدة لزعيم الثورة الفظيع محمد بديع حد يناديله محمد الصاوي يا جدعان...ممثل الاقباط في الدستور
  6. "لن يسرق احد ثورتنا".....المناضل الثوري العظيم عصام العريان يا رااااااااااجل قول كلام غير ده
  7. اختيار موفق جدا للكلمة (وش حد بيضحك بس شرير :) الاحزاب الاسلامية....غسيل مخ تخيل انا قريتها كدهوت انا اذن شريرة للعمق :)
  8. صباح الخير معلشي يا استاذي انا مفهمتش قصد حضرتك اقدر ايه اعتقد اني نوهت في مداخلتين اعلاه ان الخبر جزء من معلومة و جزء من قضية كبيرة و مش مقبول انسانيا التعامل معاه للحشد لاي جهة او استغلاله باي شكل انا مش مع قفل الموضوع لأننا بننشر التقارير دي اللي يعرف تمرد بجد يعرف انها مش مجرد اربع حروف تمرد معناها انك لما تشوف علي حاجة غلط تشاور عليها بكل ما فيك تتمرد علي الوضع الحالي يعني (وش عمرو دياب :) وجهة نظري في عصر زي الانترت انت متقدرشي تخبي حاجة لكن المهم ازاي بتحلل الخبر و بتفسره بس كده علي جنب شكرا استاذي محمد ربنا يخليلك بنوتة حضرتك انا ابويا شخصيا بيقول اني عنيدة و بحب اسيب البلاد الرايقة و اجي اقعد في البلاد اللي بتغرق غاوية شقا و فقرية (بيحبني بعنف الراجل ابويا دوت :) شكرا استاذنا ابو محمد و المحاورات دايما منورة بناسها و ابجديتها
  9. و تصحيح التدليس دوت مظهرشي ليه حضرتك قبل بيان الفريق السيسي مثلا مثلا مثلا و توصيف الكفار علي المخالفين في الراي ميستوجبشي اعتذار و تصحيح مثلا مثلا مثلا و الدعاء علي المنابر بان يهلك اليهود و من هاودهم و النصاريو من ناصرهم...ميستوجبشي برضه الاعتذار و التصحيح اصلي شايفة كله بيودي علي كله....دي تراكمات يا استاذنا..محتاجة مراجعات طويلة اوي انا رايي ان فضيلته يخليه في امور الدين و يقدملنا التحدي الحقيقي ازاي الدين هيطور نفسه في مواجهات تحديات القرن الواحد و العشرين و يسيبه خالص من فتاوي السياسة علشان السياسة بعيد عن حضرتك نجاسة متلقشي بالأطهار الابرار خليه يتفرغ للدين و كدهوت تحياتي
  10. و نشالين يا استاذ محمد في الحج طب تحبوا تنصدوما في الثوابت اكتر فيه تحرش في الحرم المكي الطاهر الشريف ايه رايكم بقي المشكلة مش في التحرش لانه مأساة بصراحة اكبر من اي حد يقف كدهوت و يقعد يتكلم عليها من ورا الشاشة مأساة بمعني الكلمة ان بنت تنزل في يوم و اليوم اللي بعده تلاقي حياتها متغيرة تماما و مش هتقدر تقول لحد مأساة لما تجيلنا حالات بنات بيتم التحرش بيهم من قبل بعض الناس اللي عرفو انهم تم التحرش بيهم....اه حصل تلات حالات انا مش عايزة اصدمكم اكتر من كدهوت بس البوقين اللي احب اقولهم المأساة انك تسيب المأساة دي كلها و تقعد توظفها سياسيا و ده اللي عمله الاخوة شركاء الوطن علي قنواتهم الشريفة العفيفة الطاهرة قبل ما تتقفل دي مسمهاش مأساة دي اسمها حاجات تانية كتير انا مش هقولها علشان بحاول احتفظ بآخر خلية انسانية في دماغي الناس اللي فكرت انها تتاجر بالدين يا ريت ميتاجروش كمان بمأساة البنات اللي هم فعليا ابتدوا يعيشوا مأساة مش علشان حاجة بس علشان كانوا نازلين في الميدان يقولوا عايزين بلد نضيفة و كويسة محدش يتاجر بألم حد محدش يقول ألا اونا الا دوي الا تري لانها مأساة بكل المقاييس الخطاب غير موجة لصاحب الموضوع الخطاب موجه للي هيستغل التقارير ديت لاي نوع من الحشد في غير مصلحة الضحية ذاتها تحياتي
  11. إزيك يا ريم سعيدة انك سعيدة انك خلاص شلتي العبء النفسي عن كتافك و سعيدة انك متصالحة مع نفسك في قرارتك و اللي بتشوفي ان ده الانسب من وجهة نظرك في ضوء معطياتك بس لو تسمحيلي انا لفت نظري حاجة انتي بتشكري تمرد انهم شالوا من عليكي العبء النفسي بتاع عصر اللمون مع انك مشاركتيش حتي بمجرد الامضاء للحملة عارفة يا ريم انا مش زعلانة و لا انا بحاول ابستف حد اطلاقا بس و تمرد بتلف في الشوارع و البيوت...ناس كتير اوي ضحكوا عليهم و قالولهم بقي انتو فاكرين هتسقطوا الرئيس المنتخب بورقة إيه فور....ايون اتقالت كدوت خبط لزق محدش هيستعبط و ينكر دور الجيش بس دوت ممكن نحكي فيه في حتة تانية بس اللي تسمحيلي اقوله مش في كل وقت مسموح للناس انها تبقي علي الحياد في اوقات مبيبقاش عندك رفاهية انك تكوني علي الحياد او انك تقفي تتفرجي لغاية ما تحددي موقفك هتفق معاكي ان المشهد بيكون ضبابي بشكل كبير انه ميكونيش واضح اول حاجة بقولها لنفسي اني مينفعشي انسحب و لا ارجع لورا لكن ينفع اقفل علي نفسي و ابتدي افكر بهدوء انوع مصادري اضيف جديد لمعطياتي احاول اشوف موازين القوي احاول اراجع اهدافي و توجهاتي و مش بعدي الاقي نفسي بتبني توجه تاني ليه بقولك كدهوت لان فعلا مش في كل وقت هيكون عندنا رفاهية الحياد و الايام الجياة مش تخويف بس هتمر علينا اختبارات كتير جميل نستفيد من التاريخ اللي احنا بنكتبه مافيش حد بيقراه لينا و لا بيكتبه من وجهة نظره احنا عايشينه لحظة بلحظة و تحدي بتحدي انتي ممكن تكوني شايفاه فتنة و انتي بتجتنبيها و دايما بلاقي في وقت الازمات ناس بترفعلنا الحديث بتاع فيما معناه اقفل علي نفسك بيتك بس انا شخصيا بشوف ان ده سلبية لاني بنزع عن نفسي مسئوليتي الانسانية ان اقف مع المكان اللي انتمي ليه و ممكن جدا اخطيء لان المشهد ضبابي و علشان كدهوت بنراجع نفسنا و مواقفناو بنتعلم منها لكن مش هغفر لنفسي وقوفي علي الحياد في وقت الازمة دي وجهة نظري و تحياتي
  12. السلام عليكم و رحمة الله و بركاته تحية طيبة و بعد ايه الدخلة الرسمي ديت طيب معلشي خلوني اتكلم في الموضوع ده بجد فعلا كالتالي 1- تحرش حصل....اه حصل و للاسف و محدش بيقول ده من باب انه شمتان في حد تاني لانه فعلا حصل و فيه قوة ميدانية متكونة من اجدع شباب فيكي يا مصر بيشربوا الطين كل يوم و من خلالهم بستقي الخبر 2- ميدان التحرير حلو و جميل و كلنا مرتبطين بيه نفسيا و انفعاليا علشان هو ايوقنة الحرية بالنسبة لينا....بس هو مش الكعبة...بتحصل فيه اخطاء كتيرة و بنحاول فرق العمل الميداني اناه ترصدها و تقاومها علي آد ما تقدر 3-التحرير المرة دي كان مختلف عن 25 يناير (معذرة هصمكم في لحظة الايفوريا و الاحتفالات معلشي ) بس من الاخر اللي كانوا في 25 نياير ببساطة اخدوا بعضيهم و راحوا علي الاتحادية التحرير كان بيشهد الموجة التانية و اكتر التحرشات كانت في محطة السادات و في شارع محمد محمود 4- مافيش حاجة اسمها الثوار الابرار الاطهار و محدش يركب لحد جناحين و لا يرسم دايرة فوق دماغه و يوقل الملايكة جم رقصني يا جدع....الثورة اللي مترعفشي تصحح روحها تبقي مالهاش لزمة و اللي بيحصل ان التحرير زي المجتمع المعفن الكبير اللي احنا عايشين فيه و اللي هينكر ان التحرش بيحصل لكل بنت بمستويات مختلفة يا ريت يقابلني في حتة ناشفة علشان ابقي اتعرف عليه و عليها شخصيا 5- مش عيب نقول ان فيه تحرش لكن سفالة ان مؤسسة الرياسة في وقت المهيطل مرسي في بيانها انها تمسك في البيان اللي "قوة التحرش" بتقدمه بنفسها بنفسها بنفسها علشان تتمسخر بيه علي ميدان التحرير و الحشد...طب اللي بيستخدم البيان ليه مش فاكر ان مسئوليته كمان التامين الشباب اللي في الميدان تقريبا كل يوم بيعملوا بطولات وهمية علشان المحافظة علي البنات و يوميا بتنزل تعليمات حمياة وو التواجد و الاناكن اللي مينفعشي يتواجدوا فيها بالاضافة للدعم الطبي و النفسي بمجهودات ششعبية جدا انتو عارفين ده معناه ايه شباب صغير قادر انه يتحمل كل والوساخة و العفن اللي البعض في مجتمعنا الملائكي مصر انه يكبها علينا 6- الخطوة دلوقتي ان بيتم التعريف بالحالات دي علشان فيه ملف كامل بالتحرش هيتم بشكل موازي مع ملف الشهداء و المصابين و ده هيكون اهم تحدي لمجتمعنا....علشان نشوف ىد ايه احنا هنقدر نعري روحنا و نتحمل خطايا المجتمع و آد ايه عندنا قدرة ان احنا ننقد ذاتنا علشان نكون احسن الحملة اسمها قوة ضد التحرش و فيه خريطة للتحرش بتحدث بيانتها يوميا اللي عايز يكون ايجابي هيعرف يعمل ايه و اللي عايز يتفرج علي الاخبار ديت و يمصمص في شفايفه و يوقل هي ايه الي وداها هناك مينفعشي يترد عليه و اللي هيقول اوعي الناس الطاهرة الشرفية العفيفة....هنقوله يا ام المطره رشي الملح سبع مرات و الل هيقولي و انتي بتعملي ايه....انا بوثق الحدث و في تفاعل مستمر مع قوة تحرش علي آد ما أقدر و اللي هيقولي اتغيرتي يا لماضة و بقيتي عنيفة هقوله معلشي.....اتعلمنا كتير في السنة اللي فاتتت و اللي هيقولي حمدلله ع السلامة هقوله حمدلله علس لامة مصر لينا كلنا بس كده زمانكنت بقولكم فوتكم بعافية دلوقتي هقولكم فوتكم بثورة علي النفس تفضل مستمرة....علشان تطلع الحتة النضيفة اللي لسه بتعارف جوانا
  13. و تقبل احترامي و تحياتي
  14. السلام عليكم و رحمة الله و بركاته استاذنا الفاضل أبو محمد و استاذنا الفاضل شرف الدين....شكرا بعمق علي ترحيبكم و الله كتير عليا كلماتكم الطيبة ديت اللي حسستني اني أكلت ساندوتش مربي القشطة فعملي حالة بهجة غير عادية....بشكركم علي مشاعركم الطيبة و ترحيبكم اللي يليق بشخوصكم الكريمة الحقيقة يا استاذي الفاضل ابو محمد انا لما كتبت لأني موريش حاجة خلال السنة اللي فاتت غير اني اقرا و اتابع الموضوع ده تحديدا و بندهش ايما اندهاش و بنبعج ايما انبعاج ان احنا مصرين نخاطب الافكار اللي ممكن تكون صادمة لينا و بتمش ثوابتنا بنفش القدر من الردود الجاهزة و كان الزمن توقف بينا عند ملخص مادة "الايمان" اللي هنذاكره و نحفظه و بعد كدهوت هنلاقي الفلاح و النجاح و افتكر اني مرة فتحت توبيك بعنوان "فوائد الالحاد" مبني علي مقالة لباسم يوسف" عن ضرورة فهم اعمق للدين و التدين و الأهم تحليل الخطاب الديني طبعا زمان كنا بنتكلم عن "تجديد الخطاب الديني" دلوقتي بقي عندنا واقع صادم ان فيه "دين" اصلا ممكن يكون اتباعه غير قادرين علي حمياته و مصرين انهم ميبصوش حواليهم و يشوفوا الناس بتفكر ازاي و علشان كدهوت كان لازم احدف طوب...في مداخلتي علشان انا مبقوقة بصراحة و معبية آخر سبع حاجات نيجي بقي لمداخلة حضرتك اللي وقفت عندها شوية و خصوصا في استشهادك بالآية القرآنية "و لكن ليطمئن قلبي" و الحقيقة في احد حواراتي مع شخص ما قالي طب لما هو النبي بذات نفسه كان قلبه لسه مطمئنش عايزاني أنا الراجل الصعلوك اللي لا نبي و لا دياولو يطمئن قلبي منين و الحقيقة ده كان مدخل حقيقي اني اتوقف عند الآية ديت ازاي سيدنا ابراهيم يقول لربنا كدهوت و هل ممكن النبي في مرحلة من مرحلة تشكيل نبوته يمر بمرحلة "الشك" اللي تستلزم منه انه يقول "و لكن ليطمئن قلبي" و اللي استوقفني اكتر هو الخطاب الإلهي اللي مزجرشي النبي و لا طرده من رحمته لكنه رفعه لمستوي اعلي خلصت من الآية ديت بفهمي المتواضع ان الإيمان قد يكون ليه أشكال فيه الشكل اللي بيطلقوا عليه "إيمان العوام" يعني انك تبقي "مصدق و خلاص...مش محتاج ادلة و اثباتات او حوارات جدلية و فيه شكل آخر ممكن يحتاج من صاحبه انه يجتهد اكتر علشان يوصل لمرحلة "ليطمئن قلبي" مقدرشي أوقل ان فيه وصفة وحيدة بتخلي كل الناس قلوبهم مطمئنة البعض رحلته بتكون اقصر و البعض ممكن يخوض رحلة اطول بصعودها و هبوطها بس يفتكر انه في خطوته في الرحلة ربنا مطردهوش من الرحمة....و مزجرهوش...لني في رحلته بيبحث عن الله اعتقادي الشخصي اللي بيكون جزء من قدره الرحلة الطول لنه مقدر ليه انه "يعاني" لأنه في فترة ما من حياته هيمد ايده لحد تاني...لسه بيخوض الرحلة مش مطلوب منه يديله اجابة جاهزة عن رحلته الخاصة بس مطلوب منه يديله ادواته في التفكيرو البحث الي هتعينه طول ما هو ماشي في الرحلة و اللي بعدها بيرجع أكثر....... (مش هقول لن كل واحد يكتب نهاية رحلته بمفرداته هو ) و يظل كل دوت مجرد وجهة نظر
×
×
  • أضف...