السلام عليكم جميعا
عندي تساؤلات كتيرة و ياريت تفيدوني افادكم الله
ان شاء الله في نية للهجرة لكندا و عندي استفسارات بالنسبة لبعد الهجرة وفال application اللي يقدر يفيدني يبقى جزاه الله كل خير
_امتحان ielts للزوجين ولا main applicant فقط؟
_مش مطلوب لا شهادات تخرج ولا شهادات خبرة عمل مش اقل من سنة زي ماهم مشترطين طب ايه الاثبات ان دي مهنتي او اني مارستها فعلا مش اقل من سنة؟ ولا هم طالبينها وانا اللي مخدتش بالي؟
_مطلوب اسم المقاطعة هل هيجيلي الهجرة عليها ولا مش شرط؟
_fee payment مش فاهمة ازاي الباند دة يتعمل
لو حصل و هاجرت
_بالنسبة لمقاطعة BC الاحسن جوا فهل دة بيوفر مثلا ففواتير الكهربا او الغاز عن باقي المقاطعات؟
_ايه الفروق فالمصاريف الشهرية فالBCعن باقي المقاطعات بالتقريب كدة؟ متضمنة مواصلات او بنزين عربية و مصاريف تعليم
_المعونة الحكومية و التغطية الطبية بتبدأ بعد اد ايه من نزولي للبلد؟ و الفترة اللي منغير الدعم دي هتكلفني ماديا اد ايه بالتقريب لحسبة 4 افراد منهم فردين سن اقل من 6 سنين؟
_لو عاوزة حد من الوالدين يجوا بقدر ابعتلهم من امتى؟
_انا مسلمة و محجبة يا ترى ممكن الاقي عنصرية فالتعامل خصوصا الجيران و زملاء العمل و مديرالعمل و خصوصا جدا مدرسين وزملاء اولادي
فالمدارس ؟
_بالنسبة للحوم هل بتذبح او في اماكن معروفة ان الحيوانات بتذبح فيها؟ ولا ناكل نباتي؟
_هل في احياء بيبقى غالبيتها مصريين او فيها مصريين كتير عشان نحس بالفة؟
_اولادي مش بيعرفوا انجليزي كويس هل اعالج المشكلة دي من وانا فمصر ولا عادي هيتعلموا هناك؟
_طبعا مش هتكلم عن النفسية فالغربة بس الكبير بيقدر يواسي نفسه طيب و بالنسبة للاطفال هيتعودوا بسرعة ولا ايه اللي ممكن نواجهه ؟
مشكورييييييييييييييين جدااااااااااااااااااااااااا و اسفة بجد اني طولت بس مصدقت الاقي حد ممكن يفهمني من خلال تجربة واقعية و عملية بحتة