اذهب إلى المحتوى
محاورات المصريين

تعرف ايه عن صناعة التسويق الشبكي Network Marketing ؟


Recommended Posts

كلنا سمعنا عن كلمة تسويق شبكي

و الشجرة :)

يا ترى ايه معلوماتك عن الصناعة دي ؟

و هل الصناعة دي تنفع تساعد اقتصادنا في مصر؟

في انتظار حضراتكم

أعد شحن طاقتك

حدد وجهتك

و اطلق قواك

رابط هذا التعليق
شارك

شكرا لأستاذي و والدي الفاضل أستاذ عادل أبو زيد على رفعه للموضوع ده

http://www.egyptiantalks.org/invb/index.php?showtopic=20783

احذر التنظيمات الهرمية للاستثمار

و طرحه للموضوع ده

أهرام الوهم ( المخطط الهرمي ) والتسويق الشبكي - منقول

http://www.egyptiantalks.org/invb/index.php?showtopic=167965

لتبيان الفرق بين المخطط الهرمي و التسويق الشبكي

الحقيقة في خلط كبير و نقص فادح في المعلومات

مضاف عليهم خوف من الوقوع في عمليات نصب

بداية خللينا نتعرف على كلمة تسويق شبكي

Network Marketing

و قبل ما نتكلم عن ال Marketing

خلينا نتعرف على كلمة Network

أو شبكة

كل حد فينا عنده شبكات في حياته

اولها شبكته الداخلية جسمه و عقله و قلبه و روحه و قناعاته

الشبكة دي تتعاون و تتناغم لخدمة الانسان

و بعدين هو بيتعاون في شبكة تتخطاه و تجمعه مع أفراد أسرته

ثم عائلته

ثم شبكة الجيران و شبكة الاصدقاء و شبكة الزملاء و شبكة المعارف

و كل شبكة رئيسية تتفرع إلى شبكات

محدش بيعيش لوحده

و ايد لوحدها متصقفش

التعاون ينجز العمل أسرع

و خلينا ناخد امثلة على العمل من خلال شبكة

من خبرتي كمترجمة اقدر اطرح المثال ده

كنت باشتغل لوحدي و طبعا كان ده بياخد وقت و جهد

تخيلوا معايا ترجمة 100 ورقة مطلوبين خلال 5 ايام

يعني بمعدل 20 ورقة في اليوم

لو قلنا الورقة الواحدة ترجمة و كتابة و مراجعة تاخد 30 دقيقة

يبقى محتاجة اشتغل 10 ساعات في اليوم

طب لو معايا 4 اشخاص اثق في قدرتهم على العمل و بوسعي قيادتهم لانجاز العمل المطلوب في المواعيد المحددة

كده حنخلص الشغل اسرع و بمجهود اقل و حيبقى عندنا فرصة أكبر لمهمات أكثر

أعد شحن طاقتك

حدد وجهتك

و اطلق قواك

رابط هذا التعليق
شارك

طب لو في المثال السابق

قدرت أدرب ناس أكتر على الترجمة بمهارة اكبر و التزام بمواعيد

و بقى عندي 10 مترجمين أثق في قدراتهم و التزامهم بالمواعيد؟

طب لو كل مترجم منهم قدر يدرب 10 مترجمين ؟

كده بقى عندنا شبكة من المترجمين الكفء و القادرين على الالتزام بمواعيد

و في نفس الوقت همة مش موظفين و لا مرتبطين بساعات عمل محددة سابقا و مرتب ثابت

يعني بيشتغلوا عمل حر Freelance

أعد شحن طاقتك

حدد وجهتك

و اطلق قواك

رابط هذا التعليق
شارك

ده مفهوم العمل في شبكة

بشكل عام

نرجع لموضوعنا عن التسويق الشبكي

و حنلاقيه نفس المفهوم السابق

بدل ما المسوق يشتغل لوحده

او يشتغل في شركة بمرتب و عمولة

احنا بنعمل شبكة من المسوقين بيساعدوا بعض و بيتشاركوا في المكاسب من العمولات

هو ده ببساطة التسويق الشبكي

صناعة المستقبل

https://www.youtube.com/watch?v=Ftm0zjQcPU0

أعد شحن طاقتك

حدد وجهتك

و اطلق قواك

رابط هذا التعليق
شارك

التسويق الشبكي يعتمد على صناعة البيع المباشر Direct Selling

و اللي فيها المنتج أو الخدمة بيوصلوا المستهلك مباشرة عن طريق المسوق الشبكي فقط

و بكده بيوفر المنتجين الملايين اللي بتتصرف على حملات الدعاية و اللي بتتصرف من الجملة لتجار التجزئة لمصاريف ايجارات المحلات و اجور الموظفين لحد ما المنتج او الخدمة تصل المستهلك

و طبعا بيندفع منها عمولات المسوقين الشبكيين و اللي زيادتهم تتناسب طرديا مع زيادة الارباح

يعني المكسب مستمر و متضاعف للمنتجين و المسوقين

A win -win situation

الكل كسبان :)

أعد شحن طاقتك

حدد وجهتك

و اطلق قواك

رابط هذا التعليق
شارك

ده فيديو بيشكر فيه الرئيس الامريكي السابق بيل كلينتون المسوقين في صناعة البيع المباشر

و اللي خلقوا و بيخلقوا ملايين الفرص لتحقيق مكاسب للملايين من الناس

اللي منهم مئات الالوف ناس فوق سن الخامسة و الستين و مئات الألوف من ذوي الاحتياجات الخاصة

و ثلاثة أرباعهم من النساء المسؤولات عن عائلاتهن بدون خوف من المستقبل

الفرص موجودة هنا في مصر و بسواعد مصرية

محتاجة تصديقنا إن احنا نقدر

زي ما في امريكا و روسيا و الصين و غيرهم قدروا

الحلم الامريكي الامريكان مصدقين فيه بقوة

و حلمنا المصري برضه محتاج تصديق عشان يكبر و يتحقق

https://www.youtube.com/watch?v=MihSfsAAK8U

أعد شحن طاقتك

حدد وجهتك

و اطلق قواك

رابط هذا التعليق
شارك

  • بعد 5 شهور...
قمة بتنعقد بقى لها 5 سنين 

اتكلم عليها بيل كلينتون

و دلوقت اوباما هو اللي بنفسه بيعلن عنها السنة الجديدة

و لسه في ناس كل اللي تعرفه عن الصناعة دي 

انها بتاعة الشجرة!!! 

دي مش سخرية من اللي مش عارفين

دي تذكرة  إن عدم معرفة الناس بصناعة ضخمة زي دي مسؤلية كل من يعمل بالمجال الرهيب ده 

اللي حيغير شكل العالم  

 

 


أعد شحن طاقتك

حدد وجهتك

و اطلق قواك

رابط هذا التعليق
شارك

مخاوف الناس في المشاركة بهذا النشاط عالميا 
هي : 
1- معنديش وقت 
2- مقدرش اعرضها على اهلي و أصدقائي ( الخوف من نظرة الناس لي .. اني مادي حقير :) او اني باكلمهم عشان المصلحة  او الخوف اني اورطهم او انهم يدعوا عليا :o

3- مبحبش شغل المبيعات 

4- ده مشروع وهمي مبيقدمش سلع و خدمات بجد 

5- معنديش فلوس 

اضف اليها في مجتمعنا 
انها بتضر اقتصاد البلد:D

و انها حرام شرعا   :o

 

 بصراحة انا مقصدش اعمل حملة توعية بفوائد التسويق الشبكي 
رغم اني كنت معتقدة اننا لازم نطمن الناس و نفهمهم عشان يدخلوا معانا و يشتغلوا وهمة مطمنين و مبسوطين :)


بس بدراستي لسلوكيات العقل البشري بشقيه الواعي و اللاواعي 
فالمجال ده محتاج جرأة و قدرة على الصبر و التحمل و رغبة عارمة في النجاح 

بيخللي الافضل اننا ميدخلش معانا كتير مطمنين من البداية 

لأن الرحلة جمالها انك تدخل و انت معاك كل الشكوك دي 

 

و مرحلة مرحلة من الرحلة 

انت بنفسك اللي حتتخلص من شكوكك واحد تلو الاخر 

و من العبث اني احاول اشيلها انا منك 

كل اللي اقدر اقوله بعد سنة وشهرين من التجربة 

ان الرحلة ممتعة 

و بجد تستاهل 

it's worth it 

أعد شحن طاقتك

حدد وجهتك

و اطلق قواك

رابط هذا التعليق
شارك

من المثير للسخرية أن يكون عيد الشكر Thanks Giving 
هو أكبر تجمع للشكوى!!

و ده في امريكا 
عشان بس تعرفوا ان الشكوى مش بتبقى بسبب الظروف اللي حوالينا 
الشكوى يعني عدم رضا 
و الرضا ده بيجي من جوانا 
مش من برة خالص 
لو زعلان من الظواهر السلبية اللي اخترت تشوفها و تركز عليها حواليك 
ما تكتفيش بالشكوى و اللوم
روح اعمل حاجة زي ما بيقول ايريك ووري 
لو متضايق عشان المشردين روح ساعدهم
ولو شايف التعليم وحش 
روح علم الناس
الشكوى هي أرخص لغة في العالم !


https://www.facebook.com/NMPRO/videos/10153456331469335/
 

أعد شحن طاقتك

حدد وجهتك

و اطلق قواك

رابط هذا التعليق
شارك

  • بعد 4 أسابيع...
اخيرا لقيت الفيديو على اليوتيوب :)
بس اعتذر انه مترجم بالاسباني مش بالعربي
فايدته حتبقى اكتر للي حيعتمدوا على الانجلش بس من غير ترجمة
و اكيد للي بيعرفوا اسباني طبعا 
يللا اهو مراجعة للانجلش :)

 

https://www.youtube.com/watch?v=97hxtt3jp9Q

أعد شحن طاقتك

حدد وجهتك

و اطلق قواك

رابط هذا التعليق
شارك

لا لا لا ياعم 


ده نصب !

حابب تعرف فين النصب ؟؟


1- لما تتقعد تتعلم 18 سنه علشان تشتغل فى ‫#‏وظيفه‬ محترمه وبعد ما ‫#‏تتخرج‬ متلاقيش وظايف يبقى هوه ده النصب

 

2- ولما ربنا يكرمك من وسع وتشتغل فى ‫#‏وظيفه_حكوميه‬ وتلاقيك بتصرف عليها بدل ما تصرف هيا عليك يبقى هوه ده #النصب

3- ولما تقرر تشتغل ‫#‏شغلنتين‬ علشان تكون نفسك وتكتشف إن ‫#‏عمرك_بيتسرق‬ منك وإنك مش بتأخد خطوه لقدام يبقى هوه ده #النصب

4- لما تشتغل 40 سنه وتطلع ‫#‏معاااش‬ تقوم تقبض ربع المرتب إللى كنت بتأخده يبقى هوه ده النصب

5- لما تعرف إن 98% من الناس بعد رحله شغلهم فى الوظايف بيموتوا ‫#‏مديونين‬ أو مفلسين يبقى دول إللى إتنصب عليهم طول حياتهم

لما تلاقى حد بيقولك فكر واعمل مشروع لنفسك والمشروع المناسب دلوقتى مع الشركة الفلانية  فى صناعه البيع المباشر
وبتقولك لو انت شخص زكى وطموح وعايز تعمل مستقبل كويس ليك فانا هوفرك ده واستثمار بسيط وتكون متحمس جدا وشايف الحياه صعبه قدامك وحسيت انك خلاص لقيت الفرصه ويجى واحد غالبا ميعرفش اى حاجه عن حجم الشركه ولا الصناعه ويقولك لالالا ياعم ده حوار فاكس ونصب

ويجى الشخص ده برده هو الى ينصب عليك ويسرق حماسك واحلامك ومستقبلك وتديلو الفرصه انه ينصب عليك ويخليك مديون زيه

بسبب سماعك للاشاعات الى ملهاش دليل 
احب اقولك انت اتنصب عليك كتير بسبب انك ماشى ورا كلام ناس فى مجتمع متصنفين بالعالم التالت 

 

 

البيع المباشر و التجاره الاكترونيه في المرحله المقبله سيشهد ازدهار ونمو أعلى بكثير من أي وقت مضى للاسباب الاتيه:
١) التوجه إلى التجاره الالكترونيه ينموا بشكل قوي جدا وملحوظ
٢) الاقتصاد العالمي يتدهور يوم بعد يوم
٣) الشركات الخاصه تتجه إلى تقليل المصروفات ولذلك هناك تقنين على الموظفين في هذه الشركات مما يعطي عدم امان او استقرار للموظفين داخل الشركات
٤) الوظائف الحكوميه مرتباتها قليله
٥) أسعار المعيشه في تزايد مستمر وملحوظ

 

 

إذا لماذا البيع المباشر هو أفضل اختيار في هذه الظروف ؟
١) مشروع متكامل برأس مال قليل جدا
٢) لا يتطلب خبره أو إمكانيات مسبقه
٣) يمزج ما بين فكره المشتري وصاحب عمل

٥) البيع المباشر ينمي فكر رجل الاعمال والفكر الاستثماري عند الناس وهذا يساعد في إرتفاع إقتصاديات الدول
٦) مع النمو الملحوظ في عدد السكان وتناقص فرص العمل، البيع المباشر هو الحل
٧) البيع المباشر يعطي الانسان العادي فرصه أن يجني ثروات بمجهود وخطه مدروسه

 


البيع المباشر هي لغه المستقبل وفي نمو ملحوظ. كل ما تحتاجه هو الجديه والحلم الواضح لمستقبل مختلف. وأهم نقطه هنا، هي قدرتك عاى أن تأخذ القرار أن تكون ناجحا.

 

:copied:

أعد شحن طاقتك

حدد وجهتك

و اطلق قواك

رابط هذا التعليق
شارك

  • بعد 2 أسابيع...

 

اخيرا لقيت الفيديو على اليوتيوب :)
بس اعتذر انه مترجم بالاسباني مش بالعربي
فايدته حتبقى اكتر للي حيعتمدوا على الانجلش بس من غير ترجمة
و اكيد للي بيعرفوا اسباني طبعا 
يللا اهو مراجعة للانجلش :)

 

https://www.youtube.com/watch?v=97hxtt3jp9Q

 

 

ايريك ووري عامل ويب كاست بكرة 

:) 

http://livestream.com/NetworkMarketingPro/supercharge

أعد شحن طاقتك

حدد وجهتك

و اطلق قواك

رابط هذا التعليق
شارك

  • بعد 2 أسابيع...

روبرت كيوزاكي ملك العقارات 
صاحب كتاب Rich Dad Poor Dad
يتكلم عن قوة التسويق الشبكي Network Marketing

https://www.youtube.com/watch?v=xq_JZTe7M90

أعد شحن طاقتك

حدد وجهتك

و اطلق قواك

رابط هذا التعليق
شارك

و مع اوبرا وينفري 

Why People Should Join A Network Marketing Company

لماذا يجب على الناس الاشتراك بشركة تسويق شبكي 
 

https://www.youtube.com/watch?v=VChd7Y9YS_k

أعد شحن طاقتك

حدد وجهتك

و اطلق قواك

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...