روحى يا شيخة .. إلهى يعمر بيتك .. ويهديلك جوزك

[أبو محمد]

قرأت الآتى بقلم واحدة ست ما اعرفهاش إسمها "سارة الذهبى"

ذهبى أصلى مش قشرة

:)

أرشحها ناطقا رسميا باسمنا نحن الرجال

 

ﺍﻟﺮﺍﺟﻞ ﺍﻟﻤﺼﺮﻱ ﺑﺎﺧﺘﺼﺎﺭ

==============
# ﺍﻧﺴﺎﻥ ﻣﻘﻀﻲ ﺣﻴﺎﺗﻪ ﺑﺨﻤﺲ ﺗﻲ ﺷﻴﺮﺗﺎﺕ ﻭ ﺑﻨﻄﻠﻮﻥ ﺟﻴﻨﺰ ﻭ ﻛﻮﺗﺸﻲ ﻭ 3 ﺷﺮﺍﺑﺎﺕ ..

ﻭ ﺑﻘﺎﻟﻪ ﻛﺪﻩ 30 ﺳﻨﺔ ..
ﻓﺎ ﻣﺎ ﺗﺴﺘﻨﻴﺶ ﻣﻨﻪ ﻳﻠﻒ ﻣﻌﺎﻛﻲ ﻋﻠﻲ ﻣﺤﻼﺕ ..
ﻫﻮ ﻟﻮ ﻳﻄﻮﻝ ﻳﻘﻮﻟﻚ ﻣﻠﻌﻮﻥ ﺃﺑﻮ ﺍﻟﺸﻮﺑﻴﻨﺞ ﻋﻠﻲ ﺍﻟﻤﻮﻻﺕ ﻛﺎﻥ ﻗﺎﻟﻬﺎ

ﺑﺲ ﻫﻮ ﺧﺎﻳﻒ ﻋﻠﻴﻜﻲ ﻣﻦ ﺃﺛﺮ ﺍﻟﺼﺪﻣﺔ ..
ﻫﻮ ﺑﺎﻟﻨﺴﺒﺎﻟﻪ ﻛﻤﻴﺔ ﺍﻟﻠﺒﺲ ﺍﻟﻠﻲ ﻋﻨﺪﻙ ﻭ ﺍﻟﺸﻨﻂ ﻭ ﺍﻟﺠﺰﻡ ﺩﻩ ﺳﻔﻪ ..

ﻣﻤﻜﻦ ﻳﺘﺎﺟﺮ ﺑﻴﻬﻢ ﻭ ﺗﺌﺒﻮﺍ ﻋﻠﻲ ﻭﺵ ﺍﻟﺪﻧﻴﺎ ﺑﻘﻲ ..
ﻭ ﻣﺶ ﻫﻴﺼﻌﺐ ﻋﻠﻴﻪ ﺍﻧﻚ ﻣﻌﻨﺪﻛﻴﺶ ﺑﺎﻟﻴﺮﻳﻨﺎ ﻓﻴﻬﺎ ﻧﻔﺲ ﺩﺭﺟﺔ ﺍﻟﺸﻨﻄﺔ ..

ﻫﻴﺒﺼﻠﻚ ﺑﻤﻨﺘﻬﻲ ﺍﻻﺣﺘﻘﺎﺭ ..

ﻣﺎ ﺗﻌﺼﺒﻴﻬﻮﺵ .. ﻭ ﻫﺎﺗﻲ ﺍﻟﺒﺎﻟﻴﺮﻳﻨﺎ ﻣﻦ ﻭﺭﺍﻩ ..
 

# ﺍﻟﺮﺍﺟﻞ ﻣﺶ ﺑﻴﻔﺮﻕ ﻣﻌﺎﻩ " ﻳﻮ ﺍﺱ ﺑﻮﻟﻮ" ﻣﻦ "ﺗﻮﻣﻲ " ﻣﻦ ﺍﻟﺘﻮﺣﻴﺪ ﻭ ﺍﻟﻨﻮﺭ ...

ﺍﻫﻮ ﻛﻠﻪ ﻟﺒﺲ ﻭ ﺧﻼﺹ ..
 

# ﺍﻧﺴﺎﻥ ﺑﺴﻴﻂ ﺟﺪﺍﺍ ...
ﻛﻞ ﺩﺭﺟﺎﺕ ﺍﻻﻟﻮﺍﻥ ﺗﺘﻠﺨﺺ ﻓﻲ ﺍﺑﻴﺾ ﻭ ﺍﺳﻮﺩ ﻭ ﺍﺯﺭﻕ ﻭ ﺍﺣﻤﺮ ..
ﻣﺎﻟﻮﺵ ﺑﻘﻲ ﻓﻲ ﻗﺎﻣﻮﺱ ﺍﻻﻟﻮﺍﻥ ﺍﻟﻠﻲ ﺍﻧﺘﻲ ﻧﺎﺯﻻﻟﻪ ﺑﻴﻪ ﺩﻩ ..
ﺃﻛﺮﻣﻠﻚ ﻣﺎ ﺗﺴﺄﻟﻴﻬﻮﺵ ﺗﻔﺘﻜﺮ ﺍﻟﺒﻴﻨﻚ ﺃﺣﻠﻲ ﻭ ﺍﻟﻼ ﺍﻟﺒﺮﺑﻞ ﻭﺍﻟﻼ ﺍﻟﻜﺎﻓﻴﺔ ﺃﻭﻟﻴﺔ ..
ﻫﻮ ﻏﺎﻟﺒﺎ ﻫﻴﻘﻮﻟﻚ ﻛﻠﻬﻢ ﺣﻠﻮﻳﻦ ﻭ ﻟﻮ ﺭﺑﻨﺎ ﻛﺮﻣﻪ ﻭ ﺍﺧﺘﺎﺭ ﻟﻮﻥ

ﻓﺎ ﻭﻏﻼﻭﺗﻚ ﻫﻮ ﻗﺎﻝ ﺍﺳﻬﻞ ﻟﻮﻥ ﻋﺮﻑ ﻳﻨﻄﻘﻪ ﻣﺶ ﺍﻛﺘﺮ ﻭ ﻻ ﺃﻗﻞ ..

ﻭ ﻟﻤﺎ ﺗﻠﺒﺴﻴﻪ ﻓﻲ ﺍﻟﺒﻴﺖ ﻫﻴﻘﻮﻟﻚ ﻣﻴﻦ ﺍﻟﻠﻲ ﺍﺧﺘﺎﺭﻟﻚ ﺍﻟﻠﻮﻥ ﺍﻟﻌﺠﻴﺐ ﺩﻩ ..

ﺍﺳﺄﻟﻲ ﻣﻨﻲ ﻋﻠﻲ ﺍﻻﻟﻮﺍﻥ ﻋﺸﺎﻥ ﺗﻔﻴﺪﻙ ..
 

# ﺍﻧﺴﺎﻥ ﻣﺘﺼﺎﻟﺢ ﻣﻊ ﻧﻔﺴﻪ .. ﻣﺶ ﺑﻴﺮﻛﺰ ﻣﻊ ﺳﺘﺎﺗﺲ ﺻﺤﺎﺑﻪ

ﻭ ﻻ ﺑﻴﺎﺧﺪ ﺍﻟﻜﻼﻡ ﻋﻠﻲ ﻧﻔﺴﻪ ﻭ ﻻ ﻟﻴﻬﻢ ﻓﻲ ﺟﻮ ﺍﻟﺨﺮﺯﺓ ﺍﻟﺰﺭﻗﺎ ﻭ ﺍﻟﺤﺴﺪ ﻭ ﺍﻟﻌﻴﻦ

ﻟﻮ ﺍﻟﻌﺮﺑﻴﺔ ﺍﺗﺪﺷﺪﺷﺖ

ﻣﺎ ﻳﻘﻮﻟﺶ ﺍﺻﻞ ﻣﺤﻤﻮﺩ ﺭﻛﺐ ﻣﻌﺎﻳﺎ ﻭ ﺣﺴﺪﻧﻲ

ﻭ ﻻ ﻫﻴﻔﻀﺢ ﻣﺤﻤﻮﺩ ﻭ ﺍﻟﻠﻲ ﺟﺎﺑﻪ ﻭ ﻳﺠﺮﺳﻪ ﻋﻠﻲ ﺍﻟﻔﻴﺲ ﺑﻮﻙ .. ﻋﻠﻲ ﻧﺎﺱ ﻧﻌﺮﻓﻬﻢ ﻛﻮﻳﺲ

# ﻣﺎ ﺗﺴﺄﻟﻴﻬﻮﺵ ﺍﺳﺌﻠﺔ ﻣﺤﺮﺟﺔ ﺯﻱ ﺗﺤﺐ ﺗﻴﺠﻲ ﻣﻌﺎﻳﺎ ﻋﻨﺪ ﻣﺎﻣﺎ ﻭ ﺍﻟﻼ ﺗﻨﺰﻝ ﺗﺨﺮﺝ ﻣﻊ ﺻﺤﺎﺑﻚ ...؟؟
ﺑﻴﻨﻲ ﻭ ﺑﻴﻨﻚ ﺍﻟﺴﺆﺍﻝ ﺩﻩ ﻣﺎ ﻳﺘﺴﺄﻟﺶ

ﺍﺟﺎﺑﺘﻪ ﻻ ﻳﺨﺘﻠﻒ ﻋﻠﻴﻬﺎ ﺭﺍﺟﻠﻴﻦ ﻋﻠﻲ ﻭﺟﻪ ﺍﻟﻜﻮﻛﺐ ﺩﻩ ..
ﻭ ﻣﺶ ﻫﻔﺴﺮ ﺃﻛﺘﺮ ﻣﻦ ﻛﺪﻩ ..
ﻳﺎﺭﺏ ﺗﻜﻮﻧﻲ ﻓﻬﻤﺘﻲ ..
 

# ﻟﻮ ﻗﺎﻟﻚ ﻣﺒﻴﺤﺒﺶ ﺍﻟﺴﻮﺷﻲ ﺍﻭ ﺍﻟﺘﺸﺎﻳﻨﻴﺰ ﺍﻭ ﺍﻟﻬﻨﺪﻱ ﺍﻭ ﺍﻱ ﺣﺎﺟﺔ ..

ﻣﺎ ﺗﺤﺎﻭﻟﻴﺶ ..

ﻭ ﻣﺶ ﻫﻴﺤﺒﻬﺎ ﻟﻮ ﻛﻠﻬﺎ ﻣﻦ ﺍﻳﺪﻙ  .. ﺑﺮﺿﻪ ﻫﺘﺘﺮﻣﻲ ...

ﺧﻠﻴﻜﻲ ﻓﻲ ﺍﻟﺨﻀﺎﺭ ﺑﺎﻟﻠﺤﻤﺔ .. ﺳﻬﻞ ﻭ ﻟﺬﻳﺬ ..
 

# ﻟﻮ ﺑﺘﻌﻤﻠﻴﻠﻪ ﺗﺎﺝ ﻭ ﻣﺶ ﺑﻴﻌﺒﺮﻙ ...ﺍﻭﻋﻲ ﺗﺤﺮﺟﻲ ﻧﻔﺴﻚ ﺗﺎﻧﻲ ..
ﺑﻄﻠﻲ ﺟﻮ ﺍﻝ 5000 ﻣﻴﻨﺸﻦ .. ﻣﺶ ﻫﻴﺮﺩ .. ﻃﻠﻌﻴﻪ ﻣﻦ ﺩﻣﺎﻏﻚ

ﻭ ﺍﻋﻤﻠﻲ ﺗﺎﺝ ﻟﺪﻳﻨﺎ ﺻﺎﺣﺒﺘﻚ ﻫﺘﺮﺩ ﻓﻲ ﺛﺎﻧﻴﺘﻬﺎ ..
 

# ﻟﻮ ﺑﻴﺠﺒﻠﻚ ﻫﺪﻳﺔ ﻓﻲ ﺍﻟﻔﻼﻧﺘﻴﻦ .. ﻓﺎ ﻫﻮ ﻣﺶ ﻣﻘﺘﻨﻊ ..
ﻟﻮ ﺑﻴﺠﻴﺒﻠﻚ ﻫﺪﻳﺔ ﻓﻲ ﻋﻴﺪ ﺟﻮﺍﺯﻛﻮﺍ، ﻓﺎ ﻫﻮ ﻣﺶ ﻣﻘﺘﻨﻊ ..
ﻟﻮ ﺑﻴﺪﻳﻜﻲ ﻋﻴﺪﻳﺔ ﻓﺎ ﻫﻮ ﻣﺶ ﻣﻘﺘﻨﻊ ...
ﺑﺲ ﺑﻴﺮﻳﺤﻚ ﻭ ﺑﻴﺮﺣﻢ ﻧﻔﺴﻪ ﻣﻦ ﺑﻮﺯ ﻳﻘﺪﺭ ﺏ 7 ﻣﺘﺮ

ﻭﺻﻼﺣﻴﺘﻪ ﻟﻤﺪﺓ 3 ﺳﻨﻴﻦ ﻗﺎﺑﻠﺔ ﻟﻠﺘﺠﺪﻳﺪ ..
 

# ﻣﻔﻴﺶ ﺭﺍﺟﻞ ﺑﻴﻔﻬﻢ ﺍﻟﺘﺤﻮﻳﺮ ﺑﺘﺎﻋﻨﺎ ..
ﺍﻟﻠﻲ ﻫﻮ ﺍﻧﺘﺎ ﻣﺶ ﺑﺘﺨﺮﺟﻨﻲ ﺧﺎﻟﺺ .. ﻭ ﺍﻧﺖ ﻣﺶ ﺑﺘﺤﺒﻨﻲ ..
ﻫﻴﻘﻮﻟﻚ ﻣﺎ ﺍﻧﺎ ﺧﺮﺟﺘﻚ ﻳﻮﻡ ﺍﻟﺨﻤﻴﺲ 2 ﻳﻮﻟﻴﻮ ﺳﻨﺔ 2015
ﺍﻟﺴﺎﻋﺔ 8 ﺑﺎﻟﻠﻴﻞ ﻭ ﺭﻭﺣﻨﺎ ﺳﻴﻨﻤﺎ ﻭ ﻛﻠﺘﻲ ﻣﻦ ﻛﻨﺘﺎﻛﻲ ﺩﻳﻨﺮ ﺑﻮﻛﺲ ﻭ ﺟﺒﺘﻠﻚ ﻛﻮﻟﺴﻠﻮ ..
ﻓﺎ ﺧﻠﻴﻜﻲ ﺩﻭﻏﺮﻱ ..
 

# ﻟﻮ ﻗﻮﻟﺘﻲ ﻟﺠﻮﺯﻙ ﻣﺎﻟﻚ ﻭ ﻗﺎﻟﻚ ﻭ ﻻ ﺣﺎﺟﺔ ..
ﺳﻴﺒﻴﻪ ﺑﺮﺍﺣﺘﻪ ..
ﻫﻮ ﻣﺶ ﺯﻳﻨﺎ ﺑﻴﻌﻮﺯ ﺣﺪ ﻳﺘﺤﺎﻳﻞ ﻋﻠﻴﻪ ﺑﺪﻝ ﺍﻟﻤﺮﺓ ﺍﻟﻒ ..

ﻫﻮ ﺑﺠﺪ ﻣﺶ ﻋﺎﻳﺰ ﻳﺘﻜﻠﻢ ..
 

# ﺍﻟﺮﺟﺎﻟﺔ ﻣﻠﻬﻤﺶ ﻓﻲ ﺟﻮ ﺍﻟﺘﺼﻮﻳﺮ ﻛﻞ ﺩﻗﻴﻘﺘﻴﻦ ﺑﺘﺎﻋﻨﺎ ﺩﻩ .. ﻫﻮ ﻟﻮ ﺍﺗﺼﻮﺭ ﺑﻴﺒﻴﻘﻲ ﻣﻦ ﻏﻠﺒﻪ ..

ﻭ ﻋﺸﺎﻥ ﺗﻨﺰﻟﻲ ﻣﻦ ﻋﻠﻲ ﻭﺩﻧﻪ .. ﻣﺶ ﻋﺸﺎﻥ ﺣﺐ ﺍﻟﺘﺼﻮﻳﺮ ﻓﺠﺄﺓ ..
 

# ﺑﻼﺵ ﺳﻴﻠﻔﻲ ﻣﻊ ﺭﺍﺟﻞ .. ﻣﺶ ﻫﺘﻌﺠﺒﻚ ﺍﻟﻨﺘﻴﺠﺔ ..

ﻣﺶ ﻫﻴﻌﻤﻞ ﺑﻮﺯ ﺍﻟﺒﻄﺔ ﻭ ﻟﻮ ﻋﻤﻠﻪ ﻫﻴﺒﻘﻲ ﺑﻮﺯ ﺍﻟﺪﻳﻨﺎﺻﻮﺭ ..

ﺑﻼﺵ ﺍﺣﺴﻦ ..
 

# ﻣﻔﻴﺶ ﺭﺍﺟﻞ ﺑﻴﻤﻮﺕ ﻓﻲ ﺍﻟﺰﻳﺎﺭﺍﺕ ﺍﻟﻌﺎﺋﻠﻴﺔ ﺯﻱ ﻣﺎ ﺍﻧﺘﻲ ﻓﺎﻛﺮﻩ ..

ﺩﻱ ﻣﺠﺎﻣﻼﺕ ..
 

# ﻣﻔﻴﺶ ﺭﺍﺟﻞ ﺑﻴﺤﺐ ﺍﻟﻤﻔﺎﺟﺂﺕ ..

ﺍﻟﺮﺟﺎﻟﺔ ﻣﺶ ﺑﺘﺤﺐ ﺍﻟﻮﺭﺩ ..

ﺍﻟﺮﺟﺎﻟﺔ ﻣﺶ ﺑﺘﺤﺐ ﺟﻮ ﺍﻟﻌﻴﺪ ﻣﻴﻼﺩﺍﺕ ﻭ ﻻ ﺍﻱ ﺍﺣﺘﻔﺎﻻﺕ ..

ﺍﻟﻜﺐ ﻛﻴﻚ ﺑﻴﻌﺼﺒﻪ ..
 

# ﺍﻟﺮﺍﺟﻞ ﻣﺎﻟﻮﺵ ﻓﻲ ﺟﻮ ﺍﻟﺴﺮﺑﺮﺍﻳﺰ ﺑﺎﺭﺗﻲ

ﻭ ﻻ ﺍﻧﻚ ﺗﺠﻴﺒﻴﻠﻪ ﺗﻮﺭﺗﻪ ﻭ ﻳﻬﻒ ﻓﻲ ﺍﻟﺸﻤﻌﺔ ..

ﻭ ﻣﻔﻴﺶ ﺭﺍﺟﻞ ﺑﻴﺤﺐ ﻳﺠﻴﺐ ﺩﺑﺎﺩﻳﺐ ﻭ ﻻ ﻳﺘﺠﺎﺑﻠﻪ ﺩﺑﺎﺩﻳﺐ ..
 

# ﺍﻟﺮﺍﺟﻞ ﻣﻤﻜﻦ ﻣﺎ ﻳﺮﻛﺰﺵ ﻟﻮ ﺣﺎﺟﺔ ﻣﺶ ﻧﻀﻴﻔﺔ ...

ﺑﺲ ﻛﻠﻪ ﻛﻮﻡ ﻭ ﺍﻟﻌﺮﺑﻴﺔ ﻛﻮﻡ ..

ﺍﻋﺘﺒﺮﻱ ﻧﻔﺴﻚ ﻗﺎﻋﺪﺓ ﻓﻲ ﺣﻀﺎﻧﺔ ﺍﻃﻔﺎﻝ ﺭﺿﻊ

ﻭ ﻟﻮ ﻗﺪﺭﺗﻲ ﺗﻠﺒﺴﻲ ﻛﻴﺲ ﺑﻼﺳﺘﻴﻚ ﻓﻮﻕ ﺍﻟﺠﺰﻣﺔ ﺍﻟﺒﺴﻲ .. ﻫﻴﺤﺒﻚ ﺃﻭﻭﻭﻭﻱ ..

ﺍﻭعى ﺗﺎﻛﻠﻲ ﺍﻭ ﺗﺸﺮﺑﻲ ﻓﻴﻬﺎ ... ﺑﺮﺿﻪ ﻫﻴﺤﺒﻚ ﺍﻭﻭﻭﻭﻭﻱ ...
 

# ﻣﻔﻴﺶ ﺭﺍﺟﻞ ﺑﻴﺤﺐ ﺍﻟﺮﻏﻲ ..

ﻣﺶ ﻫﻴﻴﺠﻲ ﻳﻘﻮﻟﻚ ﻛﻠﺖ ﺍﻳﻪ ﻭ ﺷﺮﺑﺖ ﺍﻳﻪ ﻭ ﻋﻤﻠﺖ ﻛﺬﺍ ﻓﻲ ﺍﻟﺨﺮﻭﺟﺔ ..

ﺩﻱ ﺣﺮﻛﺎﺗﻨﺎ ﺍﺣﻨﺎ ..
ﺑﺎﻟﻨﺴﺒﺔ ﻟﻠﺮﺟﺎﻟﺔ "ﺍﻟﺤﻤﺪ ﻟﻠﻪ" ﺩﻩ ﺍﺟﻤﻞ ﺭﺩ ﻟﻜﻞ ﺣﺎﺟﺔ ..

ﻛﻠﻬﻢ ﻛﺪﻩ ..
ﻣﺶ ﻫﻴﻔﺮﻕ ﻣﻊ ﺭﺍﺟﻞ ﺍﻥ ﻣﻨﺔ ﺣﺎﻣﻞ ﺍﻭ ﺍﻥ ﻣﻴﺎﺭ ﺳﺎﺑﺖ ﺷﻐﻠﻬﺎ ..

ﺍﻭ ﺿﺮﺑﺖ ﻣﺪﻳﺮﻳﺘﻬﺎ ﻭ ﺟﺎﺑﺘﻬﺎ ﻣﻦ ﺷﻌﺮﻫﺎ ...

ﻛﻞ ﺩﻩ ﺑﺎﻟﻨﺴﺒﺎﻟﻪ ﻫرﻱ ..
 

# ﺍﻛﺒﺮ ﺟﻤﻴﻠﺔ ﺗﻌﻤﻠﻴﻬﺎ ﻟﺮﺍﺟﻞ ﺳﻴﺒﻴﻪ ﻧﺎﻳﻢ ﻋﻠﻲ ﺍﻟﺴﺮﻳﺮ

ﻭﺍﺩﻳﻠﻪ ﺍﻟﺮﻳﻤﻮﺕ ﻭ ﺍﺷﺘﺮﻛﻴﻠﻪ ﻓﻲ ﺍﻝ beIN Sports ﺍﻭ ..OSN

ﺻﺪﻗﻴﻨﻲ ﺩﻱ ﺑﺎﻟﻨﺴﺒﺎﻟﻪ ﻛﺄﻧﻪ ﻭﺩﺍﻛﻲ ﺍﻟﻤﺎﻟﺪﻳﻔﺰ ﻓﻲ ﻓﻨﺪﻕ 7 ﺳﺘﺎﺭﺯ ... all inclusive ..
 

# ﺍﻟﺮﺍﺟﻞ ﻭ ﻫﻮ ﻣﻬﺎﺟﺮ ﻣﻤﻜﻦ ﻳﺤﻂ ﻫﺪﻭﻣﻪ ﻛﻠﻬﺎ ﻭ ﺟﺰﻣﻪ ﻓﻲ ﻛﻴﺲ ﺑﻼﺳﺘﻴﻚ ﻣﻦ ﺑﺘﻮﻉ ﻛﺎﺭﻓﻮﺭ ..

ﺍﻧﺘﻲ ﺍﻟﻠﻲ ﺑﺘﺎﺧﺪﻱ ﺍﻟﻮﺯﻥ ﻛﻠﻪ .. ﻣﺎ ﺗﺤﻮﺭﻳﺶ ...
ﻓﺎ ﻟﻮ ﻃﺎﻟﻌﻴﻦ ﺍﻟﺴﺎﺣﻞ ﻣﻤﻜﻦ ﻳﻜﻮﻥ ﺣﺎﻃﻂ ﻟﺒﺴﻪ ﻓﻲ ﺟﻴﺐ ﺍﻟﺒﻨﻄﻠﻮﻥ ...

ﺍﻧﺘﻲ ﺍﻟﻠﻲ ﻣﻤﺮﻣﻄﺎﻩ ﻓﻲ ﺍﻟﺸﻨﻂ ﻭ ﺍﻟﺸﻴﻞ ﻭ ﺍﻟﺤﻂ ..
 

# ﺍﻳﻮﻭﻭﻥ ... ﺧﺮﻭﺟﺔ ﺻﺤﺎﺑﻪ ﺍﺟﺪﻉ ﻋﻨﺪﻩ ﻣﻦ ﺍﻟﺨﺮﻭﺝ ﻣﻊ ﺻﺤﺒﺎﺗﻚ ﺍﻟﻤﺘﺠﻮﺯﻳﻦ ﻭ ﺍﺟﻮﺍﺯﻫﻢ ﻣﻠﻴﺎﺭ ﻣﺮﺓ ...

ﺗﻌﺎﻳﺸﻲ ﻭﺑﻄﻠﻲ ﺯﻥ ..
 

# ﺍﻟﺮﺟﺎﻟﺔ ﻣﺎﻟﻬﻮﻣﺶ ﻓﻲ ﺍﻟﺘﻮﺍﺭﻳﺦ ..ﻓﺎﻛﺮ ﺍﻭﻝ ﻳﻮﻡ ﺍﺗﻘﺎﺑﻠﻨﺎ ﻛﺎﻥ ﻛﺎﻡ ﻣﻴﻼﺩﻱ؟

ﻭ ﺍﻭﻝ ﻳﻮﻡ ﺍﺗﺨﺎﻧﻘﻨﺎ ﻛﺎﻥ ﻛﺎﻡ ﻫﺠﺮﻱ؟

ﻭﻛﻨﺖ ﻻﺑﺲ ﺍﻳﻪ ﻟﻤﺎ ﻗﺎﺑﻠﺖ ﺑﺎﺑﺎ ﺍﻭﻝ ﻣﺮﻩ ..
ﺍﻟﺪﻳﺘﻴﻠﺰ ﺩﻱ ﺑﺘﺼﻴﺒﻪ ﺑﺎﻹﻋﻴﺎﺀ ﻭ ﻣﻤﻜﻦ ﻳﻔﺸﻜﻞ ﺍﻟﺠﻮﺍﺯﺓ ﻛﻠﻬﺎ ..

ﻫﻮ ﻣﺶ ﻓﻲ ﺍﻣﺘﺤﺎﻥ ﺛﺎﻧﻮﻳﺔ ﻋﺎﻣﺔ ..
 

# ﺍﻟﺮﺍﺟﻞ ﻣﺶ ﺑﻴﺎﺧﺪ ﺑﺎﻟﻪ ﺍﻧﻚ ﺻﺒﻐﺘﻲ ﺷﻌﺮﻙ

ﺍﻻ ﻟﻮ ﻛﺎﻥ ﺷﻌﺮﻙ ﺍﺳﻮﺩ ﻭ ﺑﻘﻲ ﺍﻭﺭﺍﻧﺞ ﺍﻭ ﻓﻮﺷﻴﺎ ..

ﻟﻜﻦ ﻟﻮ ﺻﺒﻐﺘﻲ ﺑﻨﻲ ﺑﻨﺪﻗﻲ ﻭ ﻻ ﻫﻴﻌﺒﺮﻙ ﻣﻦ ﻫﻨﺎ ﻟﻘﺮﻥ ﺟﺎﻱ ..

ﺍﻧﺘﻲ ﻧﻔﺴﻚ ﻣﺶ ﻣﻼﺣﻈﺔ ﺍﻟﻔﺮﻕ ﻳﺎ ﺑﺎﻳﺨﺔ ... ﺍﻋﺘﺮﻓﻲ ..
 

# ﺍﻟﺮﺍﺟﻞ ﻋﻨﺪﻩ ﺍﻟﻠﻲ ﻳﺼﺤﻴﻪ ﻣﻦ ﺍﻟﻨﻮﻡ ﻣﻦ ﺍﻟﻤﺤﺮﻣﺎﺕ ..

ﻭﻟﻮ ﻓﻜﺮﺗﻲ ﺗﺼﺤﻴﻪ ﻳﺒﻘﻲ ﻟﺴﺒﺐ ﻗﻬﺮﻱ .. ﺑﺘﻮﻟﺪﻱ ﻣﺜﻼ ..

ﻏﻴﺮ ﻛﺪﻩ ﺍﺳﺘﻨﻲ .. ﻛﻠﻬﺎ 16 ﺳﺎﻋﺔ ﻭ ﻳﺼﺤﻲ ﻣﻦ ﺍﻟﻘﻴﻠﻮﻟﺔ ﺑﺘﺎﻋﺘﻪ ..

ﺍﻟﺪﻧﻴﺎ ﻣﺎ ﻃﺎﺭﺗﺶ ..
 

# ﺟﻮ .. ﺃﺻﻞ ﻣﺎﻣﺘﻚ ﻭ ﻣﺎﻣﺘﻲ ﻭ ﺧﺎﻟﺘﻚ ﻭ ﺧﺎﻟﺘﻲ ﻭﺍﺧﺘﻚ ﻭ ﺍﺧﺘﻲ ..
ﺍﺧﺮﺗﻪ ﺣﺎﺟﺔ ﻣﻦ ﺍﻻﺗﻨﻴﻦ .. ﻳﺎ ﻫﻴﺴﻴﺒﻠﻚ ﺍﻟﺒﻴﺖ ﻭ ﻳﻄﻔﺶ ..
ﻳﺎ ﺍﻧﺘﻲ ﻫﺘﻌﻴﻄﻲ ﻟﺤﺪ ﻣﺎ ﺟﻔﻮﻧﻚ ﺗﺒﺄﻟﻞ ﻭ ﺗﺒﺎﺗﻲ ﻋﻨﺪ ﻣﺎﻣﺘﻚ ﻳﺎ ﻓﺎﻟﺤﺔ
.. ﻓﺎ ﺑﻼﺵ ﻣﻨﻪ ..
 

# ﻣﺎ ﺗﻐﻠﻄﻴﺶ ﻓﻲ ﺻﺤﺎﺑﻪ ﻭ ﻻ ﻓﻲ ﻗﻌﺪﺓ ﺍﻟﻘﻬﻮﺓ ..

ﺍﻟﺤﺎﺟﺎﺕ ﺩﻱ ﺭﻳﺪ ﻻﻳﻦ ... ﺗﻮﻗﻔﻲ ﻋﻨﺪﻫﺎ ﻭﺳﺘﻮﻭﻭﺏ ﻳﺎ ﺃﻣﻮﻭﻭﺭﺓ ..
 

# ﺃﻛﻞ ﻣﺎﻣﺘﻪ ﺃﺣﻠﻲ ﻣﻦ ﺃﻛﻠﻚ ﻭ ﻣﻦ ﺃﻛﻞ 10 ﺯﻳﻚ ..

ﺩﻱ ﻣﻦ ﺍﻟﺜﻮﺍﺑﺖ ﺍﻟﻜﻮﻧﻴﺔ ﺯﻱ ﺍﻟﺸﻤﺲ ﺑﺘﺸﺮﻕ ﻣﻦ ﺍﻟﻤﺸﺮﻕ ﻛﺪﻩ ..

ﻣﺎ ﺗﺘﻌﺒﻴﺶ ﻧﻔﺴﻚ ﻭ ﺗﺤﺮﻗﻲ ﺳﻌﺮﺍﺕ ﻋﻠﻲ ﺍﻟﻔﺎﺿﻲ ...
 

# ﺗﺒﻘﻲ ﻻﻣﺆﺍﺧﺬﻩ ﻓﻲ ﺍﻟﻜﻠﻤﺔ ﻋﺒﻴﻄﺔ ﻟﻮ ﻗﺎﺭﻧﺘﻲ ﻧﻔﺴﻚ
ﺑﺒﻼﻱ ﺍﺳﺘﻴﺸﻦ ﺍﻭ ﺍﻛﺲ ﺑﻮﻛﺲ ﺍﻭ ﺑﻮﻟﺔ ﺍﺳﺘﻴﻤﻴﺸﻦ ﺍﻭ ﺑﻤﺎﺗﺶ ﺍﻟﻜﻼﺳﻴﻜﻮ ..
ﺍﻭ ﺣﺎﻃﻴﺘﻲ ﻧﻔﺴﻚ ﻓﻲ ﻣﻘﺎﺭﻧﺔ ﻣﻊ ﺍﻻﻫﻠﻲ ﺍﻭ ﺍﺑﻮ ﺗﺮﻳﻜﺔ ...
ﻳﻌﻨﻲ ﻣﺎ ﻳﻨﻔﻌﺶ ﺗﻘﻮﻟﻴﻠﻪ ﺃﻧﺎ ﺃﻫﻢ ﻭ ﺍﻟﻼ ﻣﻴﺴﻲ؟؟
ﻭ ﺍﻟﻼ ﻣﺎ ﺗﻄﻨﺶ ﻣﺎﺗﺶ ﺭﻳﺎﻝ ﻣﺪﺭﻳﺪ ﻭ ﺗﻌﺎﻟﻲ ﻧﺮﻭﺡ ﻟﻤﺮﻭﺓ ..
ﻭ ﺍﻟﻼ ﻣﺎﺗﺶ ﺍﻻﻫﻠﻲ ﺃﻫﻢ ﻭ ﺍﻟﻼ ﺍﻧﻨﺎ ﻧﺨﺮﺝ ﺳﻮﺍ! ؟؟
ﻻﺯﻡ ﺗﺒﻘﻲ ﻣﺘﺄﻛﺪﺓ ﻣﻦ ﺍﻻﺟﺎﺑﺔ ..
ﻣﻴﺴﻲ ﻃﺒﻌﺎً ..
ﻭ ﺭيال ﻣﺪﺭﻳﺪ ﻣﻴﻦ ﺍﻟﻠﻲ ﻳﺘﻄﻨﺸﻠﻪ ... ﻭ ﻣﻴﻦ ﻣﺮﻭﺓ ﺍﺻﻼ ! ؟
ﻭ ﻣﻌﺮﻭﻓﺔ ﺍﻥ ﺍﻻﻫﻠﻲ ﻓﻮﻕ ﺍﻟﺠﻤﻴﻊ ..
ﺍﻧﺘﻲ ﻋﺒﻴﻄﺔ ﻳﺎ ﺑﻨﺘﻲ ..
 

ﺍﻟﺮﺟﺎﻟﺔ ﺍﺑﺴﻂ ﻣﻤﺎ ﺗﺘﺨﻴﻠﻮﺍ ﻳﺎ ﺟﻤﺎﻋﺔ ..
ﺍﺣﻨﺎ ﺍﻟﻠﻲ ﺗﻔﺎﺻﻴﻠﻨﺎ ﻛﺘﻴﺮ ﺑﺰﻳﺎﺩﺓ ...
ﻋﺮﻓﺘﻮﺍ ﺑﻘﻲ ﻳﻌﻨﻲ ﺍﻳﻪ ﺍﻟﺮﺟﺎﻟﺔ ﻣﻦ ﺍﻟﻤﺮﻳﺦ ..
ﻛﻮﻛﺐ ﺩﻣﺎﺍﺍﺍﺍﺍﺍﺍﺍﺍﻍ ..
ﻣﻠﺤﻮﻇﻪ ﻟﺰﻡ ﺍﻟﺘﻨﻮﻳﻪ ﻋﻨﻬﺎ ...

ﻣﺶ ﺷﺮﻁ ﻛﻞ ﺍﻟﺼﻔﺎﺕ ﺩﻱ ﺗﺘﺠﻤﻊ ﻓﻲ ﻛﻞ ﺭﺍﺟﻞ ..
ﺑﺲ ﻟﻮ ﺍﺗﺠﻤﻌﺖ ﻳﺒﻘﻲ ﺩﻩ ﺣﻈﻚ ﺑﻘﻲ ﻳﺎ ﺑﻨﺖ ﺍﻟﻤﺤﻈﻮﻇﺔ ..
=========================================================

# ﺍﻟﻜﺘﺎﻟﻮﺝ_ ﺍﻟﻌﺼﺮﻱ_ ﻟﻠﺮﺍﺟﻞ_ ﺍﻟﻤﺼﺮﻱ

للاستاذه ساره الذهبي

 

 

[tarek hassan]

 فاهمة الرجالة صح 

[أبو محمد]

بصراحة أنا شكيت فى الأول إن ممكن يكون اللى كاتب الكلام ده راجل

ولكن

:)

الرغى ده كله والتفاصيل دى كلها مش ممكن يكون راجل اللى كاتبهم

[Grandma]

يا جماعة انتم فاكرين ان الستات مش فاهمة طباعكم 

دا احنا حافظينكم صم 

و عارفين اللي اكتر من كدا كمان 

لكن دا لا يمنع أبدا من اننا نستعبط علشان ننكد عليكم  ha) 

[Salwa]

[Grandma]

 

 

الجماعة اللي من المريخ فاهمين نفسهم أحسن من اللي من كوكب ( فينوس )   

[Salwa]

http://www.oshogulaab.com/PSICOLOGIA/hombres_marte_mujeres_venus_1.html

 

الرجال من المريخ والنساء من الزهرة..كتاب جون جراى.

الموضوع المكتوب على الفيسبوك منقول  ومأخوذ- بتحفظ - من كتاب جون جراى.

قرأت الكتاب سنة ١٩٩٣..ب لغة  اجنبية وليس ب لغة عربية.

الكتاب ممتع حقا ..وتوجد نسخ متنوعة باللغة العربية.

[مسافر زاده الخيال]

عشان كدة..فكرة المساواة (ظلم بين)...فلا مساواة بين الشمس و القمر و لا الليل و النهار و ﻻ البحر و اليابسة وﻻ السكر مع الملح وﻻ الخضراوات مع الفواكه....و بالطبع وﻻ الذكر و اﻷنثى (الرجال بالنساء)...ففي التنوع و اﻹختلاف تناغم يثري الحياة....و تشبه كل جنس بآخر يثير اﻹشمئزاز عند الفطر السليمة...

[أبو محمد]

إحنا مالنا .. نطلع احنا منها

دى مسألة بين الست وحماتها

:)

[Grandma]

 

إحنا مالنا .. نطلع احنا منها

دى مسألة بين الست وحماتها

:)

 

 

 

الزوجة ما عملتش حاجة غير انها رجعت الزوج لطبيعته  :baby: 

[أبو محمد]

الزوجة ما عملتش حاجة غير انها رجعت الزوج لطبيعته  :baby: 

برضه دى حاجة بتاعة حماتها .. يصطفلوا مع بعض

إحنا مالنا

:)

خلينا بعيد .. بعيد..  بعيد أسلم

[أبو محمد]

 

مع احترامى للمكتوب تحت الصورة

صحيح نفس البروش ونفس الحلق ونفس العقد

بس انا شايف إن بعد العمر الطويل ده

هى لسه بتبتسم .. إنما هو - يا ولداه - مش قادر

:)

ما اقصدشى حاجة وحشة على فكرة

[Grandma]

 

 

مع احترامى للمكتوب تحت الصورة

صحيح نفس البروش ونفس الحلق ونفس العقد

بس انا شايف إن بعد العمر الطويل ده

هى لسه بتبتسم .. إنما هو - يا ولداه - مش قادر

:)

ما اقصدشى حاجة وحشة على فكرة

 

 

 

هي بتبتسم علشان لسه محتفظة بشياكتها و جاذبيتها و شبابها

 

أما هو يا عيني لازم يكشر مقهور على نفسه وصل سن اليأس  ​

[مسافر زاده الخيال]

هي بتبتسم علشان لسه محتفظة بشياكتها و جاذبيتها و شبابها

 

أما هو يا عيني لازم يكشر مقهور على نفسه وصل سن اليأس  ​

اهي كسرت الريكورد المتسجل للملكه فيكتوريا.و بقت اطول ملكة حكمت بريطانيا العظمى!!!!.بس انا مستغرب من الناس الخواجات دول يعني يكون مخلف بنت وعادي تبقى ملكه و الملك ينتقل في سلالة اجواز بناتهم!!!! بالذمه ده كلام؟؟؟؟ الواحد يتعب و يؤسس مملكه بعدين جوز بنته و اوﻻده يصيروا اﻻسره المالكه!!!! يعني الملكة فكتوريا من ال هانوفر اﻻلمان و تزوجت من المات من بيت ساكس معرفش ايه وصار الملك في نسلهم ....و بعدين كذا ملك لغاية اليزابيث اللى اتزوجت يوناني و الملك حيبقى في نسله عن طريق تشارلز او ويليام!!!!

يا سلام على حكام الشرق مفيش عندهم الكلام الفاضي ده...

[Grandma]

يا سلام على حكام الشرق مفيش عندهم الكلام الفاضي ده...

 

 

ما هو دا الفرق بين بريطانيا العظمي وبلاد الشرق التعبانة 

النساء و لدن ليكن ملكات   

هما الرجالة بيعرفوا يعملوا حاجة !!!  :baby: 

[مسافر زاده الخيال]

ما هو دا الفرق بين بريطانيا العظمي وبلاد الشرق التعبانة 

النساء و لدن ليكن ملكات   

هما الرجالة بيعرفوا يعملوا حاجة !!!  :baby: 

 

مش ده قصدى...و نسبة الملوك اكتر من الملكات في بريطانيا العظمى....لكن يصح ان ملكة تنقل سلالة العرش ﻷوﻻدها الغرب عن العيله؟؟؟؟؟ طب تتزوج ابن عمها عشان الملك ما يرحش للغرب...(وازاي ملوكهم عندهم عادي تكون خلفته كلها بنات!!-و البنات كلهم خير و بركه-بس الولد اللى يخلي سلالة الحكم تستمر)

[Grandma]

مش ده قصدى...و نسبة الملوك اكتر من الملكات في بريطانيا العظمى....لكن يصح ان ملكة تنقل سلالة العرش ﻷوﻻدها الغرب عن العيله؟؟؟؟؟ طب تتزوج ابن عمها عشان الملك ما يرحش للغرب...(وازاي ملوكهم عندهم عادي تكون خلفته كلها بنات!!-و البنات كلهم خير و بركه-بس الولد اللى يخلي سلالة الحكم تستمر)

 

الاجانب مش فارقة معاهم سلالة ولا مش سلالة 

زمان كانوا بيسموا الأبناء على اسم الامهات مش الاباء و بكدا بيبقى الابناء من سلالة الأم مش الأب

كلها اعراف و تقاليد .... لكن الابناء بيورثوا صفاتهم الجينية من الاباء و الامهات مش من طرف واحد 

[أبو محمد]

هي بتبتسم علشان لسه محتفظة بشياكتها و جاذبيتها و شبابها

 

أما هو يا عيني لازم يكشر مقهور على نفسه وصل سن اليأس  ​

:)

صح .. ولكن

ليه ؟ .. هه ؟ .. ليه ؟

بلاش ليه

مين ؟ .. هه ؟ .. مين ؟

:quest: :Exclam:

تاخذ قلبه لو أحبها

تاخذ كرامته لو عاكسها في الشارع

تاخذ راحة باله عندما يفكر فيها

 تاخذ تحويشة عمره لو فكر يخطبها

تاخذ مرتبه لو اتجوزها

تاخذ معاشه لو مات

وفى الآخر تقولك : "خدنا إيه م الرجالة"

 

[Grandma]

 

:)

صح .. ولكن

ليه ؟ .. هه ؟ .. ليه ؟

بلاش ليه

مين ؟ .. هه ؟ .. مين ؟

:quest: :Exclam:

 

 

دا انتم شايلين مننا موووت   

هو دا اللي معجزكم بدري  :old: 

ما تفكروش احنا بناخد ايه  :Icecream: 

فكروا احنا بندي ايه  :coffeenews: 

[أبو محمد]

فكروا احنا بندي ايه  :coffeenews: 

 

خد كيس الزبالة معاك وانت نازل

خد الريسيفر ده صلحه

خد بالك ماما جاية تقعد معانا يومين

:)

وممكن تقلب فى الآخر إلى :

خد اشرب بالسم الهارى

وبعدين تاخد هى اكياس الزبالة اللى فيها "الأجزاء" تتصرف فيها

بيتعبوا أوى الستات دول