اذهب إلى المحتوى
محاورات المصريين

مبروك يا مغتربين .. وهيا بينا نُسجل أسامينا


Recommended Posts

السلام عليكم

وكل عام وأنتم جميعا بألف خير

ليه يا جماعة احنا دايما بنحب نصعب الأمور على نفسنا؟

حاجة جميلة جدا اننا نوصل لمرحلة الاحساس بقيمة اصواتنا

لكن انا شايف ان تصويت المصريين في الخارج في انتخابات برلمانية

متعددة المرشحين واللجان والقوائم

في تجربة لأول مرة هتكون صعبة جدا ولا أعتقد انها لو تمت هتكون نتائجها ايجابية

بل ستفتح بابا من التشكيك بعد انتهاء الانتخابات

ليه نعمل زي اللي عايز يتعلم لغات نظرا لقيمتها العالية

فبدأ يتعلم انجليزي وفرنساوي والماني وايطالي في نفس الوقت علشان يبقى بيعرف اجادة كل اللغات

وطبعا النتيجة فشل ذريع في الكل

لكن لو بدأ واحدة واحدة أعتقد النتيجة هتكون أفضل

فليبدأ تصويت المصريين بالخارج في انتخابات الرئاسة

واهي هتكون اسهل واسرع لا دوائر انتخاية ولا آي حاجة

الفرد هيختار مرشحه اللي أكيد هيكون مختاره باقتناع وليس عشوائيا لمجرد المشاركة كما سيحدث في الانتخابات البرلمانية

وأعتقد ان الصعوبات اللي تم الاعلان عنها واللي تحدث عنها الأخوة الأعضاء بالمنتدى ستجعل التصويت في الانتخابات البرلمانية القادمة في غاية الصعوبة

وربنا يكتب الخير لبلدنا في الأيام القادمة اللي أنا شخصيا قلقان جدا منها أكتر من أيام الثورة

وجهة نظر مُعتبرة ..

و يبدوا إن هوا داه اللي حنقدر نحصل عليه ف المرحلة الحالية لأن بعد ما سمعنا عن الصعوبات المتعلقة بضيق المساحة المكانية (و غير ذلك من تشكيلة الصعوبات التي ذكروها) بالسفارات و القنصليات بالخارج و حيث إنهم سابونا في حيص بيص مش عارفين يعني ناويين يحلوها و لا بيقولوها لنا علشان يمهدوا لعدم إمكانية اشتراك المصريين بالخارج في الانتخابات البرلمانية .. فلذلك ممكن نتوقع يكون الاشتراك في الانتخابات الرئاسية هو اقصى ما نحلم به في هذا الوقت.

رابط هذا التعليق
شارك

أنا شخصيا بكل جوارحى مع حق المصريين بالخارج فى التصويت فى "أى" عملية انتخابية برلمانية ، نقابية ، أندية .......... ولكن فى نفس الوقت أقدِّر تردد الحكومة والمجلس فى خوض التجربة فى هذه الانتخابات (انتخابات البرلمان) ، وأهم سبب للتردد هو تهديد العملية برمتها وتعرضها للطعن

المفروض كان طلب الأخوة العاملين بالخارج وضغطهم على الحكومة والمجلس يكون علشان "التصويت الألكترونى" .. والنظام ده ما بيخافش منه إلا اللى على راسه بطحة .. واللى واخد على أساليب "معينة" لتعظيم فرصته ..

قبل الثورة كان الحزب الوطنى مصدَّر الطرشة للمطالبة بنظام التصويت الإلكترونى .. بعد الثورة فيه ناس تانية مرعوبة من حكاية التصويت الإلكترونى .. واللى على راسه بطحة عمال يحسس عليها وهو بيقرا الكلام ده

على العموم عاجلا أو آجلا سيكون هناك تصويت إلكترونى يعنى On line..

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

أؤيد حضرتك تماماً أستاذنا الفاضل أبو محمد في موضوع التصويت الإلكتروني .. إمتى داه يحصل .. !

لأنه مش صعب أبداً .. من حيث الموثوقية زيه زي استخدام مواقع البنوك لدفع الفواتير أو ما شابه .. يعني مفيش خطر أكبر من الخطر الموجود في استخدام النت في أمور المال و دفع الفلوس و ما إلى ذلك .. و الإجراءات اللي بيتم اتخاذها من قبل مواقع البنوك لضمان عدم حدوث غش أو سرقة من خلال الموقع الإلكتروني هي نفسها المطلوبة لضمان عدم وجود تلاعب عند اعتماد التصويت الإلكتروني كوسيلة مريحة و موثوقة للتصويت ..

ليه مش عاوزين ياخدوا الخطوة دي .. مش عارف ..

المهم مين بقى اللي شفته بيحسس ع البطحة و انت بتكتب مشاركتك الأخيرة :)

رابط هذا التعليق
شارك

مينفعش حد معاه باسبور مصري يبقى معهوش رقم قومي

أنا اعتقد قصدهم على الرقم القومي ذات نفسه مش ضروري الكارنيه.

من كام يوم كانت البعثة اللي بطلع كارنيهات هنا في تورونتو وقعدوا حوالي 3 ايام بس طبعا ولا عرفت أعمل حاجة عشان كنت غرقانة امتحانات ومش فاضية اترجملهم واوثقلهم المستندات المطلوبه closedeyes.gif

على حد علمي هما دلوقتي في واشنطن

شكراً يا دامو على المعلومة .. ربنا يطمنك ،

يعني طالما معايا جواز سفر .. يبقى لازم في المقابل يكون ليا رقم قومي مسجل في مكان ما في أحد قواعد بيانات الحكومة المصرية،

طب اللي ما يعرفشي رقمه القومي المقابل لرقم جواز سفره .. و بفرض وجود قاعدة بيانات ممكن يتم استعلامها لمعرفة الرقم القومي بمعلومية رقم جواز السفر (أو بمعلومية الاسم الرباعي مثلاً) ، هل في حد عارف موقع إلكتروني (بدون الحاجة للذهاب للقنصلية أو للسفارة) أو ما شابه لاستعلامه عن الرقم القومي بمعلومية رقم جواز السفر؟

مين قال كده ؟

الرقم القومي الممقصود به بطاقة الرقم القومي ... وتكون متجددة كمان

والدليل باين من القرار وهو إنه لن يسمح بالتصويت لمن أستخرج بطاقة الرقم القومي بعد 27-9-2011 .... ده بالنسبة للإنتخابات البرلمانية اللي هي خلاص كمان كام يوم

اما في إنتخابات الرئاسة او قبلها الإستفتاء على الدستور ... فهايسمح بكل من أستخرج البطاقة في أي وقت

وعلى فكرة .. مش كل واحد معاه جواز سفر يبقى معاه بطاقة رقم قومي .. والدليل : الحاجة ام عمر مراتي ( ده أنا بأضحك عليها ضوحك ) لحد دلوقت لم تستخرج بطاقة الرقم القومي ولسه جواز سفرها القديم اللي قد شكارة الأسمنت ساري المفعول لحد 2014

ومن الاخر يعني .. لا علاقة بين الرقم القومي ورقم جواز السفر .. والدليل هو إنك كل ما تيجي تستخرج جواز جديد أو حتت تجددة .. فبتاخد رقم جواز جديد في كل مرة

دامو. ... عبد الله

إركنوا شويه وهانبقى نحكي لكم على التجربة لما نرجع سالمين غانمين آمنين مين مين مين مين

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

لما كان اصحابى البرازيليين او الكنديين يروحوا انتخابات كنت بحس بضيق فى نفسى واحس انى مواطن نص لبه

دلوقت الحمد الله ممكن اللبه تقشر وتكبر وابقى مواطن بجد

بس لاسف والكلام دة من مطبخ العمليات وانت فاهمنى يا سى السيد

انتخابات البرلمانيه للعامليين بالخارج فى الوقت الحاضر اشبه بانتحار موثق ليس لضعف الامكانيات ولكن

لضعف الخبرة فى التعامل وعدم جاهزيه قاعدة بيانات الرقم القومى لهذا العمل

(بتصريحات العمل ونظام الحددود فى المطار بسهوله اعرف المصريين الى خارج مصر بس مفيش نظام لذلك رابط مع الرقم القومى وبيانات الانتخابات )

اصلا مشروع الرقم القومى تم ايقافه بسبب الانتخابات

والرقم القومى ليس مشروع البطاقه كما يتخيله البعض فهو قاطرة التقدم لمصر على مستوى البيانات والتكنولوجيا

ولمعرفه رقمك القومى يكفى ان يكون لديك شهادة ميلاد فقط حتى لو كنت طفل مولود منذ ساعة فالرقم خاص بواقعة الميلاد وليس اصدار البطاقه

ولذلك ارى التركيز على انتخابات الرئاسه فهى اسهل وادق لان فشل الانتخابات البرلمانيه سينعكس على كل الانتخابات التاليه

زكما قال الاخ ابو محمد نجاح انتخابات الرئاسه الكترونيا للعاملين بالخارج افضل الف مرة فى المستقبل من انتخابات البرلمانيه بهذة السرعة الكارثيه

وما لا يدرك كله لا يترك كله

للتاكيد من انك مسجل ادخل رقمك القومى من 14 رقم فى الموقع التالى

http://www.elections2011.eg/

رابط هذا التعليق
شارك

ما انا عارف يا عم موعود ودخلت الرقم طلع لي من الناحية التانية دايرتي في مصر

عارفين هايحصل إيه معانا ؟

لما نسجل من يوم 10-11 ... هاتتحول دائرتنا من داخل مصر إلى خارجها حيث أماكن إقامتنا الان

طب

سؤال خبيث ... معليش إحنا محدثين إنتخابات

لو سجلت دلوقت إني في السعودية ... وقبل إنتخابات الرئاسة نزلت مصر ...

إيه كده هاركب الحلزونه ومش هاينفع أنتخب ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

أؤيد حضرتك تماماً أستاذنا الفاضل أبو محمد في موضوع التصويت الإلكتروني .. إمتى داه يحصل .. !

لأنه مش صعب أبداً .. من حيث الموثوقية زيه زي استخدام مواقع البنوك لدفع الفواتير أو ما شابه .. يعني مفيش خطر أكبر من الخطر الموجود في استخدام النت في أمور المال و دفع الفلوس و ما إلى ذلك .. و الإجراءات اللي بيتم اتخاذها من قبل مواقع البنوك لضمان عدم حدوث غش أو سرقة من خلال الموقع الإلكتروني هي نفسها المطلوبة لضمان عدم وجود تلاعب عند اعتماد التصويت الإلكتروني كوسيلة مريحة و موثوقة للتصويت ..

ليه مش عاوزين ياخدوا الخطوة دي .. مش عارف ..

المهم مين بقى اللي شفته بيحسس ع البطحة و انت بتكتب مشاركتك الأخيرة :)

إيهيه ؟ بقى مش عارف ؟ .. ياعبدالله ياخويا سماح :)

على العموم خد العينة دى تصبيرة كده .. ومعاها الوردة دى :give_rose:

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

سؤال خبيث ... معليش إحنا محدثين إنتخابات

لو سجلت دلوقت إني في السعودية ... وقبل إنتخابات الرئاسة نزلت مصر ...

إيه كده هاركب الحلزونه ومش هاينفع أنتخب ؟

لا مش كدة خالص لان المفروض اصلا انك مش انت الى تسجل انت خارج مصر ولا داخل مصر

المفروض انك مصرى موجود داخل مصر او خارج مصر بتصوت لانك مصرى تحمل الجنسيه ويحق لك الانتخاب فقط مش لانك مسجل بيانات او غير مسجل

لان دة لوحدة باب تزوير ليس له اول او اخر

والانتخاب يكون بجواز السفر فقط البطاقه حارج مصر ليس لها محل من الاعراب

يعنى بالعربى كدة التصويت الالكترونى لا هو حرام ولا بدعة ولا حتى اختراع الموضوع سهل جدا

حتى لو تم فى اماكن محدد فيها الانتخاب مثل السفارات والمولات زيادة فى الامان

المطلوب على الاقل قبول هذا الاتجاة للمغتربيين فقط

والى داخل البلد ينتخب من الداخل بالطريقه العادية (الالكترونى مرحله تانيه)

يعنى انت كدة كدة يا سى السيد اسمك ممكن يكون موجود فى الطريقه القديمة لو نزلت البلد وموجود فى المغتربين ايضا بس مش فى نفس الوقت

هتقولى ازاى هقولك

لو خارج البلد فى حاجة اسمها نظام حدود واحنا على شباك الجوازات بيربط جوازك (الجوازات الجديدة فقط) بالرقم القومى اعرف منه انت خارج ولا داخل البلد

وبناء على ذللك يتم وضع اسمك فى القائمة مغتربين وحذفك من قائمة داخل البلد والعكس صحيح

طبعا ممكن يكون فى اعلان بغلق قاعدة البيانات قبل الانتخابات بشهر

يعنى لو حضرتك سافرت خلال الشهر تبقى على الوضع القديم لتسهيل الامور ومنع التزوير زى ما طول عمرى بطالب ان

عنوان البطاقه لا يعتد به فى الانتخابات قبل مرور 6 اشهر على تغير العنوان لان الحزب الوطنى كان بيلعب فى العنوانين قبل الانتخابات لزيادة التصويت فى دوائر معينه

دة تصور بسيط للممكن يحل المشكله

بس الى عايز اوصله ان الموضوع سهل جدا فى انتخابات الرئاسه ولو ركزنا فى انتخابات الرئاسه هنطلع حلول كتير وافكار جميله

لان انتخابات مجلس الشعب فيها مشاكل كتير جدا مرتبطة بالحى والمنطقه والاقسم

انا لغايه اللحظه ماعرفش فين مقر الانتخاب بتاعى وشكلى هدور عليه بالطريقه القديمة فى الانتخابات

رابط هذا التعليق
شارك

رقم المغتربين السجلين - خطر - حتى امس يُثير الدهشة

120 الف مصري مغترب سجل حتى الان فقط على مستوى العالم من إجمالي 8 مليون مغترب !!!!!!!!!!!!!

منهم

40 الف في السعودية وحدها ... والباقي متنطورين حول العالم .. وثاني دولة في العدد هم مغتربي امريكا

أعلم تماماً إن موضوع بطاقة الرقم القومي سيكون أكبر عائق لإن المغترب كل تعاملاته في الخارج بتبقى بجواز السفر .. وفي ناس كتيرة لا يوجد لديها بطاقة رقم قومي أو حتى ممكن يكون سايبها في مصر

بالإضافة إلى إن اغلب المغتربين لا يعرفون مرشحي البرلمان لانهم مش مقيمون في مصر بشكل دائم

المفاجأة بقى ستكون في التصويت نفسه ... فالنية تتجه حسب كل المؤشرات الأن إلى جعل التصويت شخصي بالذهاب إلى لجنة الإنتخاب ...

طيب في ناس كتيرة جداً جداً ظروفها لن تسمح بالذهاب إلى القنصلية مثلاً ... بالاضافة إلى إن القنصليات لن تتواجد في كل الاماكن .. وعندنا بلاد زي السعودية وأمريكا وكندا مترامية الأطراف .. فهل من المعقول غن واحد يسافر 1000 كم مثلاً عشان ينتخب ؟ لأ وينتخب حد ما يعرفهوش كمان ؟

كنا نتمنى ان يكون التصويت إلكترونياص كما كان التسجيل للتيسير على الناس

لكن انا قولت من البداية خالص وقبل كل شيء انها هاتبقى تجربة وبداية وربنا يسهل الأمور تستقر وتتضح أكتر في إنتخابات الرئاسة

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

"العليا ": حاملو "الرقم القومى" منتهية الصلاحية لهم حق التصويت

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

http://english.ahram.org.eg/NewsContent/1/64/26343/Egypt/Politics-/Egypt-Emigration-Minister-calms-fears-Expatriates-.aspx

The government stated earlier that Egyptians will vote by showing their National ID card with the new national numbering system. This sparked worries within the expat community because many haven't received the new national ID card.

Al-Borai's states, however that all Egyptians born in 1900 or after have already been assigned a national ID number in the database, regardless if they have received the card.

The name on the passport, he explains, will be cross-referenced with the national ID number database

أنا لسة متصلة بالسفارة.

ببساطة قالوا الكلام ده مش صح ومفيش حاجة اسمها تسجيل بدون البطاقة ومش فارقة تاريخ الميلاد.

" Feed Your Faith and your fears will starve to death "

Unkown~

رابط هذا التعليق
شارك

الجالية المصرية فى السعودية هى الاكثر ايجابية فى العالم ... 136 ألف سجلوا بياناتهم منهم 80 % فى الدول العربية ونصف هذه النسبة فى السعودية ..عايز اقول للى كانوا بيتباهوا انهم فى اوروبا وامريكا ايجابيين اكتر من اللى عايشين فى الخليج ... ابقوا تعالوا صوتوا عندنا

الخبر

تم تعديل بواسطة عصام أبوالفتح

( كفى بالمرء إثماً أن يحدث بكل ماسمع )

رابط هذا التعليق
شارك

حد يشوف لنا الموضوع ده يا جماعة

إمبارح برنامج الحياة اليوم كان بيتكلم عن مغتربي الخارج لازم يدخلوا على موقع الإنتخابات ويطبع قائمتين الفردي والقائمة ويختار ويبعت النماذج بالبريد على القنصلية يعني مش مضطر يروح .. بس مالحقتش أشوف البرنامج من أولة

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

حد يشوف لنا الموضوع ده يا جماعة

إمبارح برنامج الحياة اليوم كان بيتكلم عن مغتربي الخارج لازم يدخلوا على موقع الإنتخابات ويطبع قائمتين الفردي والقائمة ويختار ويبعت النماذج بالبريد على القنصلية يعني مش مضطر يروح .. بس مالحقتش أشوف البرنامج من أولة

رد الغريب في موضوع .. شرح بالصور و الفيديو كيف تتم عملية الإنتخاب ..

الموضوع كان راائع جدا ويثبت أن مصر بها عقليات رااائعة

أبتكر الطريقة فريق مكلف من مركز معلومات مجلس الوزراء

الطريقة هتغنينا عن الذهاب للسفارة لأنك هتبعتلهم بريد أو ممكن كل المصريين في كل مكان يجمعوا مظروفاتهم ويقوم المندوب بتسليمها للسفارة

أو الذهاب للسفارة وتسليمها المظروف دون عناء أو طوابير

طيب أيه حكاية المظروف دي !!؟؟

المظروف ده هيكون فيه 3 استمارات سيتم طرحها للتحميل من على موقع اللجنة العليا للإنتخابات في نفس اليوم الذي سيتم فيه إغلاق فترة تسجيل المصريين بالخارج وهو يوم 19/11/2011

هتدخل على الموقع وتدخل الكود نمبر اللي أنت المفروض أنك محتفظ بيه

هيطلعلك بياناتك ومين مترشح في دائرتك ويتيح لك تحميل الآتي :

1- ورقة تعريف بخطوات الانتخاب بالتفصيل.

2- استمارة بيانات الناخب ، سيقوم الناخب بتسجيل بياناته فيها ومنها الكود نمبر والتوقيع عليها وإرفاق أي وثيقة تدل على إستمرارية إقامتك في الدولة التي أنت مغترب فيها سواء رخصة قيادة أو تأشيرة أو ما إلى ذلك.

3- إستمارة تصويت لإختيار مرشح فردي.

4- إستمارة تصويت لإختيار مرشح قوائم.

بعد ذلك ..

1- سيقوم الناخب بإحضار مظروفين.

2- سيقوم الناخب بتدبيس إستمارة بيانات الناخب مع وثيقة تدل على إستمرار إقامته في دولة إغترابه.

3- سيقوم الناخب بإختيار مرشحه في استمارة الفردي وفي إستمارة القوائم.

4- سيضع الناخب إستمارات الإختيار فقط في مظروف.

5- سيضع الناخب مظروف إستمارات الاختيار وإستمارة بياناته في المظروف الثاني.

6- يرسل الناخب المظروف إلى السفارة.

في السفارة ..

1- قبل موعد الانتخابات بثلاثة أيام سيتم فتح المظاريف ليتم سحب إستمارة البيانات منها وتسجيلها في كشوف ، ليتم إثبات تصويت الناخبين.

2-سيتم وضع المظروف الذي يحتوي على إستمارتي التصويف في صندوق الانتخابات.

3- بهذا سيكون تم تسجيل حضور الناخب في الكشوفات من ناحية ، ومن ناحية أخرى سيتم وضع مظروف تصويته في صندوق الانتخابات.

4- قبل موعد الانتخابات بيوم واحد سيتم فض مظاريف التصويت لإعتماد نتائجها.

5- ترسل نتائج التصويت إلى مصر ليتم إرفاقها بالنتائج النهائية.

رابط هذا التعليق
شارك

شكراً يا عماد

لأ انا هارح السفارة بنفسي .. أحسن البريد يتأخر وتبقى كارثة لو وصل بعد الإنتخابات

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

أمانة بكره بعد صلاة الجمعة نسلم على المصريين ونفكرهم بالتسجيل

وياريت نوهب وقت من اليوم لاخوانا فى الخارج لتذكيرهم بالتسجيل ومساعدة من لا يستطيع منهم ذلك

انا متاح من الساعة 1 ظ وحتى التاسعة م

0504299803 مسموح بنشر الرقم لاى مغترب بالسعودية

( كفى بالمرء إثماً أن يحدث بكل ماسمع )

رابط هذا التعليق
شارك

يوم الخميس كنت في مول في الرياض اسمه العزيزية مول..في العليا..قريب من الرياض جاليري..

المهم..كنت قاعد أنا و المدام..وبعدين لقيت داخل عليا..و بيسلم عليا ..و بيتكلم بطريقة محترمة جدا..وبيقوللي .. حضرتك مصري؟..قولتله..أيون..

قاللي .. معاك معرفش مين كده - مش فاكر اسمه بصراحة - من صندوق رعاية المصريين..حضرتك سجلت نفسك في موقع اللجنة العليا للإنتخابات؟

قولتله..أيون..

قاللي..طب معلش..ممكن حضرتك تديني بياناتك عشان لو حصل تغيير في مكان الانتخابات..أو حصل أي جديد نكلمك..

قولتله..هو أنا مش هاروح السفارة أصوت هناك؟..قاللي لأ..مش كل الناس هتروح السفارة..احنا لسه بننظمها ان شاء الله و هنتصل بيك نقوللك علي الأماكن اللي ممكن تروحها..و من ضمنها السفارة برضه..

بصراحة..حاجة محترمة جدا والله..ما كنتش متخيل ان الموضوع هيلاقي الاهتمام ده كله..ان المسئولين هياخدوا الموضوع جد كده..بس ياريت ان شاء الله الموضوع يكمل علي خير..

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك

يوم الخميس كنت في مول في الرياض اسمه العزيزية مول..في العليا..قريب من الرياض جاليري..

المهم..كنت قاعد أنا و المدام..وبعدين لقيت داخل عليا..و بيسلم عليا ..و بيتكلم بطريقة محترمة جدا..وبيقوللي .. حضرتك مصري؟..قولتله..أيون..

قاللي .. معاك معرفش مين كده - مش فاكر اسمه بصراحة - من صندوق رعاية المصريين..حضرتك سجلت نفسك في موقع اللجنة العليا للإنتخابات؟

قولتله..أيون..

قاللي..طب معلش..ممكن حضرتك تديني بياناتك عشان لو حصل تغيير في مكان الانتخابات..أو حصل أي جديد نكلمك..

قولتله..هو أنا مش هاروح السفارة أصوت هناك؟..قاللي لأ..مش كل الناس هتروح السفارة..احنا لسه بننظمها ان شاء الله و هنتصل بيك نقوللك علي الأماكن اللي ممكن تروحها..و من ضمنها السفارة برضه..

بصراحة..حاجة محترمة جدا والله..ما كنتش متخيل ان الموضوع هيلاقي الاهتمام ده كله..ان المسئولين هياخدوا الموضوع جد كده..بس ياريت ان شاء الله الموضوع يكمل علي خير..

بس أنا بصراحة عندي شوية شك في الأخ ده..حسيت لبعض الوقت انها اشتغالة..و هيتصل بيا ان شاء الله يقوللي روح مثلا البطحاء عند محل العصير هتلاقي اتنين من السفارة مستنيينك..

أروح ألاقي اتنين بنجالة..بيقولولي..صديق..ممكن انت سوي انتخابات في محل حق عصير هذا..و أروح هناك بأه و آكللي علقة محترمة كده..

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك

نتعب شوية يا جماعة ونشجع الناس عشان باب التسجيل هايتقفل منتصف الليل

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...