أسعار الطيران الرخيصة من السعودية إلى مصر

[أسد]

النوعية دي من خطوط الطيران وطريقة الحجز

جديدة علينا

علشان كده نتجرع من سلبياتها الكثير ..

ولازم تعدي الفترة الأولى لحد ما المجتمع والنظام والدول تعود على هذا النظام ..

هذا النظام معمول به في دول كثيرة ..

أعتقد انه خلال سنة أو سنتين حيبقى تمام التمام

والدليل ان خطوط الاتحاد والعربية الإمارتيين دلوقت كويسين جداً ..

[kokomen]

أنا سافرت مرتين على طيران العربية من الرياض الي الإسكندرية

من أساسيات السفر على خطوط الطيران منخفض التكاليف هو نظام

الحجز المبكر .. فكلما حجزت مبكرا أي قبل السفر ب 6 أشهر أو 4 أشهر مثلا

يكون سعر التذكرة منخفض جدا ..... وهذا السعر المنخفض يخضع لمواسم السفر

بمعني إختلاف سعر التذكرة مع إختلاف السيزون ... يعني السفر في أوقات ميتة لايوجد

بها ضغط إجازات أو مناسبات كالأعياد مثلا ... تكون الأسعر منخفضة جدا .. وهي الأسعار

التي يعلن عنها مثل 375 ريال أو 450 ريال على طيران سما في السعودية .. وهذة الأسعار

المنخفضة ليست هي في مواسم الإجازات الصيفية أو الأعياد .. حيث يرتفع سعر التذكرة فيصل الحد

الأدنى للتذكرة هو 900 ريال للإتجاه الواحد ... وزي ما ذكر الأخوة الأفاضل الوزن المجاني 20 كجم

والزيادة ب 20 ريال لكل كيلو جرام ... ومسموح بحمل حقيبة يد وزنها لا يزيد عن 7 كجم فقط

يجب على المسافر أن لا يتأخر على صعود الطائرة قبل الموعد بساعتين على الأقل .. ويوجد تشدد في ذلك

لأنك لو تأخرت عن ذلك الوقت المحدد سوف يلغى سفرك ويضيع عليك المبلغ الذي دفعته .. ولا يمكن إسترداده

مسموح للراكب أن يحجز ذهاب وعودة مثل الرياض الأسكندرية الرياض ... من الرياض ... وإذا أردت الحجز

من الإسكندرية للرياض مثلا .. جربت ذلك على طيران العربية .. سمحوا لي بقطع التذكرة من الرياض بس لازم

تروح لمكتب سياحة معتمد في مصر يعني وكيل لهم وتدفع مبلغ على سبيل تأكيد الحجز ليعطي لك ورقة تفيد تأكيد حجزك

أيضا يمكنك الحجز من الإسكندرية الي الرياض من مكاتب سياحية بمصر .. ولكن التذكرة غالية جدا لوجود ضرائب وعمولات المكتب

بالنسبة لشركة سما .. أنا سافرت عليها من جدة الي الرياض وهي طائرات جميلة أير باص 320 A وأسعار الوجبات بسيطة

وكذلك المشروبات رخيصة ومقبولة جدا ... ونفس الأسعار على العربية للطيران .. وهي تسمح ب 30 كجم مجانا من الرياض للإسكندرية

نحن الآن حاجزين على شركة سما لإجازة الصيف من الرياض للإسكندرية والعكس ب 1650 ريال كرحلة خاصة على مكتب الخلف للسياحة

واللي عايز يلحق السعر ده قبل ما يزيد .. لأنه مرتبط بإكتمال عدد المقاعد ... وهو رحلة خاصة بشركة الخلف للسياحة بالرياض

نتمنى للجميع سفرا مريحا وتصحبكم السلامة وفي رعاية الله

تم تعديل 15 أبريل 2008 بواسطة kokomen

[فعال]

هل مسموح انى اخد معايا لابتوب فى الطائرة سواء ناس او سوا وهل عليه جمرك؟؟؟

متوفر لى حاليا حجز لسما ولناس فى نفس الموعد ايهما تفضلون لى مع العلم ان ناس ارخص حوالى 100 ريال بس عن سما؟؟؟؟؟؟؟

وياترى حد عنده فكرة عن العروض الموجوده حاليا فى الخطوط السعودية عن تذاكر الذهاب والعودة لمدة سنه او 9 اشهر من جده الى القاهرة او اسكندرية؟؟

جزاكم الله كل خير

تم تعديل 6 مايو 2009 بواسطة فعال

[somayasaleh]

هل مسموح انى اخد معايا لابتوب فى الطائرة سواء ناس او سوا وهل عليه جمرك؟؟؟

متوفر لى حاليا حجز لسما ولناس فى نفس الموعد ايهما تفضلون لى مع العلم ان ناس ارخص حوالى 100 ريال بس عن سما؟؟؟؟؟؟؟

وياترى حد عنده فكرة عن العروض الموجوده حاليا فى الخطوط السعودية عن تذاكر الذهاب والعودة لمدة سنه او 9 اشهر من جده الى القاهرة او اسكندرية؟؟

جزاكم الله كل خير

اللاب توب مسموح به علي اي طيران

واللاب توب الشخصي ليس عليه اي جمارك

وبعدين طيران سما وناس.... لازم تدفع الفلوس علشان تحجز.... مفيش حاجة اسمها احجز في الاتنين

كده يبقي ح يروح عليك تمن واحدة من الاتنين

وبعدين سما وناس مفيش فيهم اماكن للاسكندرية من الرياض او جدة من اكتر من شهرين؟؟؟؟؟؟؟؟؟؟؟؟؟

[فعال]

لسه متوفر بعض الحجوزات على النت بس ايهما تفضلون سما ام ناس

[فعال]

لسه فيه حجوزات فى شهر 5 على سما وناس

[om maryaaam]

طيب ياريت تفيدونى هو فى رحلات لسما او الناس فى شهر عشره وياريت لو فى موقع منه اعرف مواعيد العروض او مواعيد الرحلات المخفضه لانى دخلت على موقع سما بس مش عرفت اوصل منه للرحلات

[se_ Elsyed]

طيب ياريت تفيدونى هو فى رحلات لسما او الناس فى شهر عشره وياريت لو فى موقع منه اعرف مواعيد العروض او مواعيد الرحلات المخفضه لانى دخلت على موقع سما بس مش عرفت اوصل منه للرحلات

منين لفين يا ام مريم ؟

وبعدين الموقع سهل

تختاري جهة الاقلاع وجهة الوصول والتاريخ وتشوفي السعر

وخلي بالك هايظهر لك في الاسكندرية مطارين

اختاري حضرتك التاني مش الاولاني

وفي رحلات رخيصه

انا مصدق الاسعار دي لكنها الحقيقة

واخبار مريم ايه دلوقت ؟

[om maryaaam]

مريم كويسه الحمد لله بتسلم عليكم ونفهسا تنزبل مصر بقا

انا عايزاها من الدمام او الرياض للاسكندريه فى شهر عشره بعد العيد

انا دخلت الموقع وكل ما اكتب اى تاريخ فى شهر عشره مش بلاقى

ممكن لانى بعمل المطار الاول فى الاسكندريه

شكرررررررا على المعلومات

[KAhamid]

طيب يا جماعه انا اقدر احجز من الاسكندرية لجده ذهاب فقط ولا موش هاينفع الرحلة ان شاء الله هاتكون علي 15 /8/2009

وكمان ياريت لو في رقم تليفون اقدر اتكلم من خلاله واستعلم

[خالد شحاته]

طيب يا جماعه انا اقدر احجز من الاسكندرية لجده ذهاب فقط ولا موش هاينفع الرحلة ان شاء الله هاتكون علي 15 /8/2009

وكمان ياريت لو في رقم تليفون اقدر اتكلم من خلاله واستعلم

السلام عليكم ورحمة الله وبركاته

نعم تقدر تحجز عادي جدااااااااااااااا بس احجز قبل تغير الاسعار

[النجم الثاقب]

الحقيقة يا جماعة شركة ناس محترمة جدا و مواعيدهم مظبوطة .

بالنسبة للحجز انا حجزت من الرياض للاسكندرية ( برج العرب ) بدون عودة ( على أساس انى مش راجع .. بس رجعت :rolleyes: ) .. و بعدين حجزت تانى عن طريق مكتب سياحة فى ميدان التحرير - القاهرة على رحلة من الاسكندرية ( كان وقتها مطار النزهة ) للرياض .. الوزن المسموح 30 كيلو ( برغم ان المكتوب فى موقعهم 20 كيلو ) + 7 كيلو على الطيارة .

[KAhamid]

طيب يا جماعه انا اقدر احجز من الاسكندرية لجده ذهاب فقط ولا موش هاينفع الرحلة ان شاء الله هاتكون علي 15 /8/2009

وكمان ياريت لو في رقم تليفون اقدر اتكلم من خلاله واستعلم

السلام عليكم ورحمة الله وبركاته

نعم تقدر تحجز عادي جدااااااااااااااا بس احجز قبل تغير الاسعار

تمام ياباشا

بس انا احجز من علي الموقع اللي علي النت لطيران سما ولا في مكاتب حجز في القاهرة احجز منها

[om maryaaam]

هو مين احسن طيران سما ولا الناس؟

هو طيران الناس او سما فى ترانزيت ولا هاينزلنى فى اسكندريه على طول يعنى من الرياض للاسكندريه على طول ان شاء الله؟

فى تاخير فى مواعيدهم لانى بعيده شويه عن الرياض ولا بعد ما اروح الرياض اعرف ان الطياره مش جايه النهارده وخاصه انى هاكون انا وصحبتى ومريم لوحدنا ان شاء الله فمش عايزه اتسوح

يلا مستنيه ردكم

[أحمد سيف]

أنا ليا تجربه سيئة مع شركتي ناس وسما السعوديتين ... كنت رايح الرياض مره من البحرين وقبلها كان عندي اجتماع في الدمام ... قلت ما دمت كده كده هروح بري لحد الدمام يبقى أركن العربية في مطار الدمام وأخذ طياره للرياض وأرجع في نفس اليوم بدل ما أسوق رايح جاي ... حجزت ذهاب على ناس وليلة السفر لقيتهم باعثين لي SMS بيقول الرحله اتلغت ولازم تستنى للرحلة اللي بعديها ... ده كان أول مقلب بس كان برضه أحسن من الثاني لإني في العودة على رحلة سما لغوا الرحلة من غير ما يقولوا للناس واستنيت في المطار لمدة 12 ساعة حتى موعد الرحلة التالية.

أفضل طيران اقتصادي تعاملت معه هو طيران البحرين ... أسعار رخيصة وكراسي مريحة ومواعيد دقيقة ... أنا باسافر عليه كل اسبوعين بين البحرين وأبوظبي ودائما الطائرة توصل قبل موعدها بربع ساعه والرحلة رايح جاي بتكلف 270 درهم بس.

[خالد شحاته]

أنا ليا تجربه سيئة مع شركتي ناس وسما السعوديتين ... كنت رايح الرياض مره من البحرين وقبلها كان عندي اجتماع في الدمام ... قلت ما دمت كده كده هروح بري لحد الدمام يبقى أركن العربية في مطار الدمام وأخذ طياره للرياض وأرجع في نفس اليوم بدل ما أسوق رايح جاي ... حجزت ذهاب على ناس وليلة السفر لقيتهم باعثين لي SMS بيقول الرحله اتلغت ولازم تستنى للرحلة اللي بعديها ... ده كان أول مقلب بس كان برضه أحسن من الثاني لإني في العودة على رحلة سما لغوا الرحلة من غير ما يقولوا للناس واستنيت في المطار لمدة 12 ساعة حتى موعد الرحلة التالية.

أفضل طيران اقتصادي تعاملت معه هو طيران البحرين ... أسعار رخيصة وكراسي مريحة ومواعيد دقيقة ... أنا باسافر عليه كل اسبوعين بين البحرين وأبوظبي ودائما الطائرة توصل قبل موعدها بربع ساعه والرحلة رايح جاي بتكلف 270 درهم بس.

بس انت عارف ياخ احمد ان طيران البحرين للازم يكون من البحرين لان طبعا مش هركب طيران البحرين من الرياض واروح بيه الاسكندريه

[Ahmed Unknown]

هحكيلكم تجربتى مع سما فى اخر زياراتى لمصر

كان مفيش اماكن و داخلين على العيد الكبير و اضطريت احجز على سما كانت الوحيده المتاحه و كمان كانت من الرياض لأسيوط مع العلم انى من القاهرة بس هعمل ايه يعنى

المهم يوم رحلة الذهاب كبنا الطيارة و استنينا فترة كبيرة و الطيارة مبتطلعش و فجأة لقينا واحد من الركاب بيصرخ الحقوا دول بينزلوا الشنط ...................

طبعا حصل هرج و مرج فى الطيارة و خناقات و زعيق و شتيمة لحد ما فتحوا الباب تانى و دخل واحد قال لنا بالحرف

الطيارة حمولتها كبيرة و الطيار مش عايز يطلع فهننزل نص الشنط و هنبعتها فى الرحلة اللى جاية كمان يومين :h!!!h:

و اللى عايز يركب يركب و اللى عايز ينزل هوه حر

طبعا الناس كانت عايزه تعرف هل شنطها على الطيارة ولا لأ عشان تعرف تاخد قرارها بس طبعا لا حياة لمن تنادى نزلوا الشنط الكبيرة و كل واحد و حظة

طبعا انا كنت من المتمردين و مرضيتش اركب الطيارة انا و كام واحد و عملنا اعتصام فى المطار و قدمنا شكاوى و عملنا شوية قلق لحد ما تعهدولنا انهم هيركبونا رحلة اسكندرية فى اليوم اللى بعده

و طبعا الرحلة كانت متقفله قبلها بشهر بس هما قالوا ملكومش دعوه احنا هنتصرف

و تانى يوم ركبنا طياره اسكدندرية زى ما وعدونا و طبعا كان فى ناس غلابة تانيين مركبوش و حطونا مكانهم

المهم ركبنا الطياره و بدأت تتحرك و احنا مش مصدقين نفسنا :closedeyes:

و فجأة الطيارة وقفت و الباب اتفتح و دخل موظف بيقول احنا اسفين هنضطر ننزل بعض الشنط عشان الحمولة زياده !!!!!!!!!!!!

و طبعا اتكرر الهرج و المرج و الخناقات و قلة الادب و فى ناس ركبت و ناس مركبتش و كده

المره دى بقى انا قعدت فى مكانى و مرضيتش اتحرك

المهم توصلوا لفكره انهم يشوفوا الشنط اللى نزلت بتاعت مين و يقولوا لأصحابها و بعدين هما حرين فى اتخاذ قرارهم

و بعد ساعه جت المضيفه بكشف و قعدت تنادى الاسامى اه و الله كانت بتنادى الاسامى و طبعا اللى عنده اكتر من شنطة و اسمه اتنده مرة واحد معناه ان فى شنط على الطياره و شنط نزلت يعنى كده مده فى حاجات ضايعه

المهم انا كملت على الرلحه اللى وصلت اسكندرية بعد اكتر من 3 ساعات بيقولوا ان طياراتهم قديمة و بتمشى على مهلها و فى ناس قالت عشان محملة زياده

و الحمد لله فى مطار اسكندرية كنت من القلائل اللى لقى شنطته و اخدتها و مشيت

و طبعا مش محتاج اقول لكم ان اللى ركب الطيارة و ساب شنطه فى الرياض مشافهاش تانى

ولا اللى نزل من الطيارة و شنطة راحت مصر اكيد اكيد مشافهاش تانى

[Ahmed Unknown]

رحلة العودة بقى

طبعا قضينا العيد بنحاول نلاقى طريقة نروح بيها اسيوط (معلش اصل انا من القاهرة و ابعد حته روحتها كانت اسكندرية و الصعيد بالنسبة لى حاجه بشوفها فى التليفزيون :h!!!h: )

المهم رسينا على القطر و طبعا كان شبه استحاله ان الواحد يلاقى مكان فاضى خصوصا انه اول يوم بعد اجازة العيد المهم بعد ما الواحد جاب واسطة و كلم معارف مهمين قدر يظبط تذكرتين :closedeyes:

اقلعنا فى الرحلة الصبح و طبعا بعد اكتر من 5 ساعات فى القطر وصلنا محطة اسيوط

اخدنا تاكسى من هناك و رحنا المطار اللى هوه بعيد اصلا عن محطة القطر

على البوابة الامن وقفنا حضراتكوا رايحين فين؟ و طبعا ده اجراء طبيعى

قلنا رايحين الرياض على رحلة سما

رد الراجل علينا اسف و الله الرحلة اتلغت :bsmal:

كان هناك اكتر من 100 واحد و الناس معظمها من القاهره و اسكندرية كفر الشيخ و كله واخد مسافه اد كده عشان يروح اسيوك

طبعا كل واحد اتصرف بطريقته اللى ركب من هناك على سفاجا و راح برى

و اللى رجع على القاهره تانى و انا كنت منهم

و حسبى الله و نعم الوكيل

نصيحة لكل الاخوه و الاخوات الابتعاد عن طيران سما فهم يفتقدون ابسط معانى الاحترام و الالتزام

طيران ناس افضل بكثير لكل من يرغب فى طيران رخيص

[أحمد سيف]

أنا ليا تجربه سيئة مع شركتي ناس وسما السعوديتين ... كنت رايح الرياض مره من البحرين وقبلها كان عندي اجتماع في الدمام ... قلت ما دمت كده كده هروح بري لحد الدمام يبقى أركن العربية في مطار الدمام وأخذ طياره للرياض وأرجع في نفس اليوم بدل ما أسوق رايح جاي ... حجزت ذهاب على ناس وليلة السفر لقيتهم باعثين لي SMS بيقول الرحله اتلغت ولازم تستنى للرحلة اللي بعديها ... ده كان أول مقلب بس كان برضه أحسن من الثاني لإني في العودة على رحلة سما لغوا الرحلة من غير ما يقولوا للناس واستنيت في المطار لمدة 12 ساعة حتى موعد الرحلة التالية.

أفضل طيران اقتصادي تعاملت معه هو طيران البحرين ... أسعار رخيصة وكراسي مريحة ومواعيد دقيقة ... أنا باسافر عليه كل اسبوعين بين البحرين وأبوظبي ودائما الطائرة توصل قبل موعدها بربع ساعه والرحلة رايح جاي بتكلف 270 درهم بس.

بس انت عارف ياخ احمد ان طيران البحرين للازم يكون من البحرين لان طبعا مش هركب طيران البحرين من الرياض واروح بيه الاسكندريه

واخذ بالي طبعا بس أنا كنت باتكلم بصورة عامة ... على فكره فيه ناس كثير من المنطقة الشرقية بتيجي تسافر من مطار البحرين بس طبعا من الرياض صعب

[HassanAboali]

السلام عليكم

ربنا يجزي الأخوة الكرام على شرح وكان لي سؤال إن شاء الله أنوي النزول برمضان وكنت أسأل ما الطيران الأفضل السعودي والطيران المصري

ولكم جزيل الشكر