مساعدة - الاستقدام بعد تغيير المهنة بالرياض

[محمود الدكر]

يا جماعة انا الحمد لله بعد معاناة سبع سنوات اخيرا غيرت مهنتي من نجار مباني الي مدقق حسابات والكلام دا يوم 21/01/2012 م عقبال الجميع المهم خدت بعضي النهاردة وطلعت علي مكتب استقدام جده عشان اشوف ايه النظام ودا يوم 22/01/2012م اول ما دخلت فوجئت بواحد زي حالاتي مغير مهنه عالنظام الجديد قالولو فوت علينا بعد اسبوعين حاليا لسه مفيش استقدام للناس اللي مغيره مهن عالنظام الجديد رحت سالت الموظف نفسه بتاع الاستقدام قالي ان اول ما بدا تغيير المهن فضلت مفتوحه تجيب استقدام لمدة تسع ايام وبعد كده جالهم قرار يقفلوها حاليا لمدة شهر ومنتظرين القرارات الجديده يا إما يفتحوها تاني او يبقي الوضع كما هو عليه لكن الناس اللي جايه علي مهنة محاسب مثلا فدا بيعمل استقدام عادي ما دام دي اصل الفيزاودا الوضع حاليا بمكتب استقدام جدة اما الزيارات فشغاله عادي للمهن اللي اتغيرت جديد

سؤالي بقه

انا لما رحت للموظف في مكتب استقدام جده وبعد الحوار اللي حصل فوق قلتله انا كفيلي تابع لمنطقة القصيم ينفع استقدم زوجتي من جده قالي لا عليك وعلي الرياض قلتله انا شغال في جده بشركة تحت التدريب لحين نقل الكفاله ممكن اجيب لك منلها خطاب اني بعمل بيها قاللي الشركه دي تابعه لكفيلك قلتله لا شركة تانيه قالي ماينفعش لك استقدام من جده ودا كلام نهائي لازم تخلصها من الرياض

فالمهم يا شباب انا عايز اعرف الاستقدام بعد تغيير المهنه مفتوح بالرياض ولا لأ بدل ما اخبط مشوار من جده للرياض وارجع تاني بلا فايده لو في حد غير مهنته عالنظام الجديد وعمل استقدام من مكتب استقدام الرياض ياريت يفيدني وياريت يحدد تاريخ الاستقدام اذا كان اليومين دول او الاسبوع دا تحديدا مفتوح ولا لأ لأن لو من شهر ممكن تكون اتقفلت حاليا ارجو الافاده اذا تكرمتم

ووفق الله الجميع ولم شمل اسر ضحايا النظام السابق اللي مبهدلنا في بلاد خلق الله اللي واخده منا اعز الاحباب

تم تعديل 22 يناير 2012 بواسطة محمود الدكر

[محمود الدكر]

صباح الفل يا جماعه انا بس بصبح ومش مستعجل عالرد خالص ولا مستني حد يعبرني باي افاده ابدا ابدا يظهر ان مفيش حد مالرياض هنا يا رجاله

[محمد افندى]

يا محمود بالنسبة للرياض ودة كلام اكيد لحد قبل اسبوع مفيش استقدام للى مغيرين مهنة بالنظام الجديد زيارة بس

عموما بعتلك رقمى ع الخاص كلمنى ضرورى

[محمد افندى]

يا محمود كلمنى او ابعتلى رقمك وانا اكلمك

[اكون او لا اكون]

هو صحيح يا جماعة مهنة السائق الخاص داخلة في موضوع التغيير اللي حاصل دة ولا لا

[محمود الدكر]

هو صحيح يا جماعة مهنة السائق الخاص داخلة في موضوع التغيير اللي حاصل دة ولا لا

بص طبيعة السائق الخاص والخادمه ان هم بييجو علي المواطن السعودي نفسه يعني لا لي دخل بالسجل التجاري ولا مكتب العمل وبالتالي هو مالوش دعوه بموضوع نطاقات ولا بنسبة السعودة ولا هو علي انهي نطاق لان كفالته علي فرد مش علي شركة او مؤسسة لكن كل حاجه واكيد ليها سكة بس اكيد هتكلفك وربنا يوفقك ولو في حاجه تانيه اكيد اخوانا هيفيدوك فيها

[محمود الدكر]

يا جماعه انا النهارده واحد زميلي اتصل بمكتب خدمات في الرياض علي اساس اني اعمل ليه تفويض ويخلصلي موضوع الاستقدام العائلي بالرياض لاني تابع لمكتب استقدام الرياض وانا من الناس اللي غيرت مهنتهم جديدوحكيناله عالوضع ان بيقولوا ان مفيش استقدام عوائل للناس اللي مغيره مهن جديد من الرياض لكن فوجئنا بالمكتب بيقول لا الاستقدام مفتوح للناس كلها بس لازم صاحب الشان هو اللي يروح او الكفيل بتاعه مباشرة

فهل الكلام دا صحيح ولا مضروب ياريت حد يفيدنا لو راح استقدم مالرياض بعد تغيير المهنة قريب

[محمد افندى]

كل عام وانتم بخير بمناسبة العيد الاول لثورة 25 يناير

رحت اليوم 25/1/2011 م استقدام جدة ولقيت نفس الكلام اللى مغير مهنة بيقولة ملكش استقدام راجعونا بعد اسبوعين

لقيت واحد مصرى لسة مغير مهنة فى التعديلات الجديدة من 3 اسابيع وكان جالهم 3 مرات قبل كدة وكل مرة يكتبو له على الورق ويقولة راجعنا بعد اسبوع راح له اليوم على طول طبع لة الورقة الصفراء

اللى عندة جديد يقولة يا جماعة الخير

ولكن الموظفين ومساعدى المدير بيقولة بعد اسبوعين

[محمود الدكر]

كل عام وانتم بخير بمناسبة العيد الاول لثورة 25 يناير

رحت اليوم 25/1/2011 م استقدام جدة ولقيت نفس الكلام اللى مغير مهنة بيقولة ملكش استقدام راجعونا بعد اسبوعين

لقيت واحد مصرى لسة مغير مهنة فى التعديلات الجديدة من 3 اسابيع وكان جالهم 3 مرات قبل كدة وكل مرة يكتبو له على الورق ويقولة راجعنا بعد اسبوع راح له اليوم على طول طبع لة الورقة الصفراء

اللى عندة جديد يقولة يا جماعة الخير

ولكن الموظفين ومساعدى المدير بيقولة بعد اسبوعين

ربنا يبشرك بالخير وحاول تعمل زي صاحبك وروح بورقك مره واتنين وتلاته يمكن تفرج

[محمد افندى]

يا شباب اية الاخبار الجديدة مفيش تجارب جديدة حد سمع عنها بخصوص الاستقدام بعد تعديل المهنة

[AbkaReno]

انا متابع بستمرار ولسه مفيش جديد اول ما يحصل جديد هبلغك بيه ان شاء الله بس انت اعمل زياره دلوقت مشي حالك الكام شهر دول

[محمود الدكر]

انا متابع بستمرار ولسه مفيش جديد اول ما يحصل جديد هبلغك بيه ان شاء الله بس انت اعمل زياره دلوقت مشي حالك الكام شهر دول

انا ناوي اسافر الرياض الاسبوع اللي جاي عشان اعمل استقدام وبيقولولي انك ممكن تعمل استقدام عادي بس لازم تروح بنفسك وانا مغير مهنه جديد فانت ايه رايك فالكلام دا اسافر دلوقتي ولا لأ وانت تقصد بمتابع دي مكتب استقدام الرياض ولا جدة

[محمد افندى]

يا محمود بك مش قولت لنا عملت اية فى الاستقدام يا اخوانا افيدونا

الرياض

الدمام

جدة

اخبار الاستقدام اية ؟

[محمود الدكر]

يا محمود بك مش قولت لنا عملت اية فى الاستقدام يا اخوانا افيدونا

الرياض

الدمام

جدة

اخبار الاستقدام اية ؟

لسه مفيش اخبار والله يابو حميد منتظر الكفيل يبعتلي خطاب التعريف وطلب الاستقدام ولما يجي هبقي اطلع الرياض واشوف الدنيا فيها ايه

[hamadaslk]

يا جماعة انا الحمد لله بعد معاناة سبع سنوات اخيرا غيرت مهنتي من نجار مباني الي مدقق حسابات والكلام دا يوم 21/01/2012 م عقبال الجميع المهم خدت بعضي النهاردة وطلعت علي مكتب استقدام جده عشان اشوف ايه النظام ودا يوم 22/01/2012م اول ما دخلت فوجئت بواحد زي حالاتي مغير مهنه عالنظام الجديد قالولو فوت علينا بعد اسبوعين حاليا لسه مفيش استقدام للناس اللي مغيره مهن عالنظام الجديد رحت سالت الموظف نفسه بتاع الاستقدام قالي ان اول ما بدا تغيير المهن فضلت مفتوحه تجيب استقدام لمدة تسع ايام وبعد كده جالهم قرار يقفلوها حاليا لمدة شهر ومنتظرين القرارات الجديده يا إما يفتحوها تاني او يبقي الوضع كما هو عليه لكن الناس اللي جايه علي مهنة محاسب مثلا فدا بيعمل استقدام عادي ما دام دي اصل الفيزاودا الوضع حاليا بمكتب استقدام جدة اما الزيارات فشغاله عادي للمهن اللي اتغيرت جديد

سؤالي بقه

انا لما رحت للموظف في مكتب استقدام جده وبعد الحوار اللي حصل فوق قلتله انا كفيلي تابع لمنطقة القصيم ينفع استقدم زوجتي من جده قالي لا عليك وعلي الرياض قلتله انا شغال في جده بشركة تحت التدريب لحين نقل الكفاله ممكن اجيب لك منلها خطاب اني بعمل بيها قاللي الشركه دي تابعه لكفيلك قلتله لا شركة تانيه قالي ماينفعش لك استقدام من جده ودا كلام نهائي لازم تخلصها من الرياض

فالمهم يا شباب انا عايز اعرف الاستقدام بعد تغيير المهنه مفتوح بالرياض ولا لأ بدل ما اخبط مشوار من جده للرياض وارجع تاني بلا فايده لو في حد غير مهنته عالنظام الجديد وعمل استقدام من مكتب استقدام الرياض ياريت يفيدني وياريت يحدد تاريخ الاستقدام اذا كان اليومين دول او الاسبوع دا تحديدا مفتوح ولا لأ لأن لو من شهر ممكن تكون اتقفلت حاليا ارجو الافاده اذا تكرمتم

ووفق الله الجميع ولم شمل اسر ضحايا النظام السابق اللي مبهدلنا في بلاد خلق الله اللي واخده منا اعز الاحباب

[bakaraswan]

السلام عليكم و رحمة الله و بركاته

اخوكم محمد من المنطقة الشمالية

انا يا جماعة مغير مهنة في الفترة الاخيرة لما فتحوا باب التغيير و كانت مهنتي اللي جاي عليها عامل معماري و غيرت المهنة و الحمد لله ل محاسب عام و نويت اعمل استقدام و روحت مكتب استقدام جدة و اول ما دخلت لقيت الموظف بيقول اي حد مغير مهنة ملوش استقدام دلوقتي روحت اخدت بعضي و سافرت علي الرياض روحت المكتب اللي هناك و قدمت أوراقي اللي كانت عبارة عن خطاب تعريف من الكفيل فيه الراتب و لا يقل عن 3500 موثق من الغرفة التجارية و نموذج طلب الاستقدام موقع من الكفيل و موثق من الغرفة التجارية و المؤهل موثق من الخارجية و السفارة و عقد الزواج موثق من الخارجية و السفارة و صورة الاقامة و صورة جواز الزوجة و صورة جواز سفرك و ايصال سداد 2000 ريال رسوم الاستقدام

و روحت من الساعة 5 و نص لقيت في ورقة الناس بتسجل فيها اسمها بالدور و ياريت تروح بدري عشان تخلص بدري لحد ما بيجي عسكري الساعة 7 و نص و يأخد الورقة و تدخل جوه علي الشباك بتاخد رقم علي حسب الورقة بتاعت الدور و دخلت و لله الحمد و انا براجع الموظف لقي التأشيرة عامل معماري و المهنة محاسب عام قالي راجع المدير و روحت للمدير اللي كان راجل ذوق و محترم و الراجل كتب لا مانع و وقع و رجعت للموظف و خلصت و اخدت التأشيرة و الحمد لله

انا اشتركت في الموقع مخصوص عشان اقولكم ان الاستقدام في الرياض مفتوح بعد تغيير المهنة علي شرط علي حسب ما شوفت هناك ان المهنة الجديدة تكون مطابقة للمؤهل الدراسي يعني مثلا محاسب عام يبقي بكالوريوس تجارة هتتقبل ان شاء الله

و أي استفسار انا جاهز للرد و علي فكرة انا عملت الاستقدام الاسبوع اللي فات في الرياض يوم 22/2/2012 :egyflag:

[desertsniper]

السلام عليكم و رحمة الله و بركاته

اخوكم محمد من المنطقة الشمالية

انا يا جماعة مغير مهنة في الفترة الاخيرة لما فتحوا باب التغيير و كانت مهنتي اللي جاي عليها عامل معماري و غيرت المهنة و الحمد لله ل محاسب عام و نويت اعمل استقدام و روحت مكتب استقدام جدة و اول ما دخلت لقيت الموظف بيقول اي حد مغير مهنة ملوش استقدام دلوقتي روحت اخدت بعضي و سافرت علي الرياض روحت المكتب اللي هناك و قدمت أوراقي اللي كانت عبارة عن خطاب تعريف من الكفيل فيه الراتب و لا يقل عن 3500 موثق من الغرفة التجارية و نموذج طلب الاستقدام موقع من الكفيل و موثق من الغرفة التجارية و المؤهل موثق من الخارجية و السفارة و عقد الزواج موثق من الخارجية و السفارة و صورة الاقامة و صورة جواز الزوجة و صورة جواز سفرك و ايصال سداد 2000 ريال رسوم الاستقدام

و روحت من الساعة 5 و نص لقيت في ورقة الناس بتسجل فيها اسمها بالدور و ياريت تروح بدري عشان تخلص بدري لحد ما بيجي عسكري الساعة 7 و نص و يأخد الورقة و تدخل جوه علي الشباك بتاخد رقم علي حسب الورقة بتاعت الدور و دخلت و لله الحمد و انا براجع الموظف لقي التأشيرة عامل معماري و المهنة محاسب عام قالي راجع المدير و روحت للمدير اللي كان راجل ذوق و محترم و الراجل كتب لا مانع و وقع و رجعت للموظف و خلصت و اخدت التأشيرة و الحمد لله

انا اشتركت في الموقع مخصوص عشان اقولكم ان الاستقدام في الرياض مفتوح بعد تغيير المهنة علي شرط علي حسب ما شوفت هناك ان المهنة الجديدة تكون مطابقة للمؤهل الدراسي يعني مثلا محاسب عام يبقي بكالوريوس تجارة هتتقبل ان شاء الله

و أي استفسار انا جاهز للرد و علي فكرة انا عملت الاستقدام الاسبوع اللي فات في الرياض يوم 22/2/2012 :egyflag:

مشكوررررررر يا اخي على اهتمامك بعرض تجربتك بس عندي سؤال انت كفالتلك على شركة ولا مؤسسة وايه خلاك تروح جده وبعدين الرياض انتم لكم غرفة تجارية في الرياض وجده؟ يعني الشركة او المؤسسة لها فروع

تم تعديل 26 فبراير 2012 بواسطة desertsniper

[محمد افندى]

الف الف مبروك يا اخ BAKARASWAN

وربنا يوفقك ويقدر لك كل خير

احكيلنا انت اقامتك صادرة من فين والرياض قبلت ورقك ازاى وكفالتك فرد ولا مؤسسة ولا شركة يعنى اسم صاحب العمل فى الاقامة

[bakaraswan]

السلام عليكم و رحمة الله و بركاته

الله يبارك فيكم يا جماعة و ربنا يسهلكم الحال ان شاء الله

بخصوص الاستفسارات انا اقامتي صادرة من عرعر في المنطقة الشمالية و احنا تبع منطقة الرياض و لكن في ناس معايا في الشركة عملوا استقدام من الدمام بس من غير تغيير مهنة و كفالتي كانت علي فرد لكن اتحولت شركة قريب علي نفس الشخص عدلت بس مسمي الكفيل و بقي شركة في الاقامة و احنا الشركة ملهاش فروع في جدة او الرياض و الورق بتاعي وثقته من الغرفة التجارية اللي في عرعر و بخصوص جدة انا كنت راجع من اجازة علي جدة و سمعت ان المكتب هناك متعاون و اسهل من الرياض بس طبعا لما روحت هناك اكتشفت العكس و كل حاجة خلصت من الرياض و الحمد لله

و انا تحت امركم في اي استفسار يا جماعة

[محمد افندى]

انا برضة اقامتى على فرد وعاوز اعرف اغيرها ازاى ويكون كفيلى فى الاقامة المؤسسة

ممكن تفيدنى لو سمحت الطريقة ازاى