اذهب إلى المحتوى
محاورات المصريين

ما هو مستوى المعيشة فى الكويت ؟ هل الراتب هذا معقول ؟


Recommended Posts

السلام عليكم

اطلب خدمة من اخواننا فى الكويت حيث يوجد امامى عقد عمل مدرس بمدرسة خاصة بالكويت

- الراتب 220 دينار كويتى

- الراتب 12 شهر

- مع الحق في التمتع باجازات نصف العام واخر العام

- يوجد رعاية صحية

-لا يتم توفير مسكن او تذاكر طيران

فارجوا اخوانى ان تفيدونا هل يعتبر هذا العرض مغرى ام لا ؟

هل ال 220 دينار يضعوا المدرس فى مستوى معيشة معقول ام لا؟ ما مستوى الاكل ؟

يعنى عايز اعرف المرتب يعيشوا الواحد كويس ام لا لان فى مصر ال 1000 جنيه ولا بيعلموا اى حاجة

ياريت الاخوة بالكويت يفيدونا عن كل شىء "اسعار الاكل , التنزه , التاكسى مثلا ......"

وشكرا جزيلا مقدما

lastdinner

تم تعديل بواسطة lastdinner
رابط هذا التعليق
شارك

ارجو معرفة المكان او المنطقة بالضبط حتى يتسنى لنا افادتكم

يعني ح تشتغل في اي منطقة في الكويت لان اسعار السكن متفاوتة وهل ممكن تسكن 3 او 4 في غرفة ولا المبدأده مرفوض؟

رابط هذا التعليق
شارك

220 دينار يعني يساوي 2200 جنيه مصري في مصر

السكن في الكويت غالي برضه و المعيشة مش رخيصه

انت محتاج على الاقل 500 دينار + تذاكر طيران+ تأمين صحي

رابط هذا التعليق
شارك

السلام عليكم ورحمه الله وبركاته

اخى فى الله

والله انا بس كنت عايزه اسالك بعض الاسئله مبدئيا ايه اللى هيخليك تسيب مصر مع انى شايفه ان الالف جنيه ممكن تعيشك كويس جدا هناك في حين الالف جنيه هنا مش يعملوا حاجه

مبدئيا انت هتدور على سكن مع مجموعه من الاشخاص وتتفق معاهم وعلى حسب المنطقه والناس اللى هتعيش معاهم هيتحدد تمن الغرفه اللى هتقعد فيها واللى احتمال تكون فيها لوحدك او تكون مع شخص اخر فى نفس الغرفه المهم الشغرفه دى بيترواح سعرها من 30 دينا حتى 70 دينا ودى على حسب فى حد معاك فى الغرفه ولا لا اما بالنسبه ل لمصاريف فدى بتعتمد على الشخص نفسه فممكن واحد يصرف فى الشهر من 50 الى 100 دينار على حسب انت مدخن ولا لا عايز تعيش نفسك ولا هتعيشها قحط دا طبعا غير المواصلات لانك بالمبلغ اللى موجود فى أذن العمل لو اقل من 250 دينار للمؤهلات العليا وسمعت انهم خلوها دلوقتى 400 لغير المستثنين فبكده مش هتعرف تطلع رخصه وبالتالى مش هينفع تجيب عربيه وتسوق وهتركب مواصلا ت والمواصلات هنا غاليه مش رهيصه وعلى حسب انت ساكن فين ومدرستك فين انا مش عايزه اعقدك بس عايزاك تعرف ان البلد هنا المعيشه فيها غاليه

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

ارجو معرفة المكان او المنطقة بالضبط حتى يتسنى لنا افادتكم

يعني ح تشتغل في اي منطقة في الكويت لان اسعار السكن متفاوتة وهل ممكن تسكن 3 او 4 في غرفة ولا المبدأده مرفوض؟

المنطقة اسمها المنقف

وشكرا على سرعة الرد

تم تعديل بواسطة lastdinner
رابط هذا التعليق
شارك

220 دينار يعني يساوي 2200 جنيه مصري في مصر

السكن في الكويت غالي برضه و المعيشة مش رخيصه

انت محتاج على الاقل 500 دينار + تذاكر طيران+ تأمين صحي

الاخ زعلان

هو الدينار خلاص بقى بـ10 جنيه

رابط هذا التعليق
شارك

شوف يا باشا

المنقف منطقة متوسطة في اسعار السكن يعني لو ح تسكن اتنين في الفرفة وشقة متوسطة برضة يبقى الحساب كالتالي

وده ليس نهائيا وممكن الاخوة هنا برضه يعرضوا وجه نظرهم

السكن: 40 دينار ده متوسط قوي وفي غرفة مزدوجة

المواصلات: لو الشغل في نفس المنطقة : 40 دينار ( تاكسيات)

التليفونات داخلية و لمصر: 15

الاكل :75 دينار

الاجمالي بيكون في المتوسط 160 او 170 دينار

المتبقى 50 دينار تقريبا يعني 950

ده غير حساب تذكرة الطيران والهدايا ودق الاقامه والتامين الصحي 50 دينار في السنة

راي بصراحة العرض متواضع جدا جدا

رابط هذا التعليق
شارك

والله كفيت ووفيت يا اخ ميزوووووووووووووووو وربنا يكرمك يارب اللهم امين

اتمنى ان الاخر لاست دنر يصلي استخاره قبل ما يجي وربنا يكرمه ويخيرله الافضل يارب اللهم أمين

انا بس حبيت اضيف ان الحياه هنا هاديه وجميله ويمكن تعرف تدى تدروس ولو عرفت العيشه هتنغنغ معاك طبعا لان هنا الدروس بالساعه بس تكون الماده بتاعتك قويه يعنى رياضات او فيزيا او كيمياء او انجليزى دول مطلوبين جدا فى الدروس وخصوصا انك مدرس ثانوى لان اللى بياخد 220 دا مدرس ثانوى وربنا يوفقك ان شاء الله للي فيه الخير

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

السلام عليكم

انا مدرسه رياضيات بقالى اسبوع فى الكويت تبع عقد حكومي

موضوع ان حد يقولك مستوي المعيشه هيكلفك كام اعتقد انه مش بيبقي صح فى الغالب

انا قريت كتير على المنتدي وكتر خيرهم فادوني كتير لكن نقطه الفلوس والمصاريف للاكل تختلف

انا قريت ناس كاتبه ان خمسين دينار تكفى وفيه ال كاتب 100 ديناار واهو عدي اسبوع عليا ودفعت حوالى تلاتين دينار وكنت فاكره ان المصاريف ليا هتبقى قليله بس الحمد لله كنت عامله حسابي يعني المساله فعلا مساله نسبيه وانت ومستواك فى المصاريف ومش تقول هاجي واوفر لانك لو متعود عل مستوي معين صعب تتنازل عليه فى الغربه

تاني شىء والاهم ما تستني شهر 12 وقدم تبع السفاره الكويته وتتقبل فى الحكومه زيي على الاقل انت راجل وبيكون للرجال بدل سكن

عامه ربنا يوفقك وفى الاول وفى الاخر صلى استخاره وشوف نصيبك فين لكن متاخدش فى بالك موضوع انك تسأل كم مصاريفك فى الشهر على الاكل والشرب لان غالبا مش بتبقى واحده واهو انا جربتها

وربنا يكرمك

رابط هذا التعليق
شارك

السلام عليكم

انا مدرسه رياضيات بقالى اسبوع فى الكويت تبع عقد حكومي

موضوع ان حد يقولك مستوي المعيشه هيكلفك كام اعتقد انه مش بيبقي صح فى الغالب

انا قريت كتير على المنتدي وكتر خيرهم فادوني كتير لكن نقطه الفلوس والمصاريف للاكل تختلف

انا قريت ناس كاتبه ان خمسين دينار تكفى وفيه ال كاتب 100 ديناار واهو عدي اسبوع عليا ودفعت حوالى تلاتين دينار وكنت فاكره ان المصاريف ليا هتبقى قليله بس الحمد لله كنت عامله حسابي يعني المساله فعلا مساله نسبيه وانت ومستواك فى المصاريف ومش تقول هاجي واوفر لانك لو متعود عل مستوي معين صعب تتنازل عليه فى الغربه

تاني شىء والاهم ما تستني شهر 12 وقدم تبع السفاره الكويته وتتقبل فى الحكومه زيي على الاقل انت راجل وبيكون للرجال بدل سكن

عامه ربنا يوفقك وفى الاول وفى الاخر صلى استخاره وشوف نصيبك فين لكن متاخدش فى بالك موضوع انك تسأل كم مصاريفك فى الشهر على الاكل والشرب لان غالبا مش بتبقى واحده واهو انا جربتها

وربنا يكرمك

الف شكر ليكى اخت سارة

رابط هذا التعليق
شارك

220 دينار .. لشاب عازب .. تعتبر بداية معقولة مش وحشة وهو ده رنج الرواتب للمدرسين بالمدارس الخاصة .. وإن شاء الله لما تدي دروس العملية تظبط معاك شوية .. رأيي لو انت عازب اتوكل على الله .. لكن لو متزوج وعايز تستقر هنا انت والمدام يبئا يا إما المدام يكون ليها شغل هنا يا إما تنسى الموضوع لإنه هيكون صعب جدا بس مش مستحيل ...

الموضوع فعلا نسبي أنا هقولك على المتوسط يعني عيشة لا هي تعتبر رفاهية ولا هي تعتبر متدنية قوي

.. المصاريف هنا لشاب عازب بتتراوح من 80 إلى 110

متزوج (زوج وزوجة بس) 300 إلى 350

متزوج (زوج وزوجة وطفلين) 450 إلى 500

ولو عايز تفاصيل الحسبة دي أنا تحت أمرك .. أو لو فيه حد عايز يناقشني فيها أهلا وسهلا ..

بالتوفيق

رابط هذا التعليق
شارك

  • بعد 8 سنة...

السلام عليكم ورحمة الله وبركاته استأذن الاخوه الكرام حد يدلني انا جايلي عقد ب250 بس كل شىء عليا بصراحه حاجات كتير زي تذاكر طيران سكن والمعيشه من أكل وشرب ولبس ومواصلات داخليه وتأمين يعني من الألف للياء واللي هيبعت الفيزا بيقول كل مصاريفك من الألف للياء 100 دينار هل ده صح ولا هروح الاقى الوضع غير 

رابط هذا التعليق
شارك

11 ساعات مضت, Mohamed Hazz said:

السلام عليكم ورحمة الله وبركاته استأذن الاخوه الكرام حد يدلني انا جايلي عقد ب250 بس كل شىء عليا بصراحه حاجات كتير زي تذاكر طيران سكن والمعيشه من أكل وشرب ولبس ومواصلات داخليه وتأمين يعني من الألف للياء واللي هيبعت الفيزا بيقول كل مصاريفك من الألف للياء 100 دينار هل ده صح ولا هروح الاقى الوضع غير 

و الله انا شايفة ان المرتب قليل جدا .. حضرتك بتشتغل ايه؟ 

لو حضرتك تقبل تعيش مع اكتر من شخص في شقة متواضعة .. وتربط الحزام عالآخر وتمشي جنب الحيط .. ومافيش سفر لاهلك الا كل ٣ سنوات ممكن يمشي الحال 

بس الحقيقة ٢٥٠ دينار دول بهدلة عالفاضي 

مستوى المعيشة في الكويت مرتفع جدا 

وممكن ما تحوش من راتبك حاجة لان الاغراءات كتيرة . 

خير الكلام ما قل ودل وإتكتب بالمصري الفصيح

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...