اذهب إلى المحتوى
محاورات المصريين

هواية صيد السمك في مصر و العالم


الطفشان

Recommended Posts

صيد سمك التراوت Trout في الانهار

سمك التراوت هو من احب الاسماك الى الصيادين هنا

و التراوت نوعين

ال Brown Trout

و هي تعيش في اكثر انهار اوروبا، و تم ادخالها الى قارة امريكا الشمالية في اواخر القرن التاسع عشر

و ال Rainbow Trout

و موطنها الاصلي الساحل الغربي لامريكا الشمالية

و تم نقلها من هناك الى انهار كثيرة في القارة

و سمك التراوت من اسماك المياة الباردة

فيفضل العيش في الماء الجاري البارد الرائق و تكون ارضية النهر حصى

و لا تقطن الانهار الدافئة و لا العكرة و لا ذات الارضية الطينية

و هو سمك يقتات بالحشرات المائية، و بيض الاسماك الاخرى، و الاسماك الصغيرة ايضا

و من افضل طرق صيده هو Fly Fishing

و هذه الطريقة موال لوحده

نشأ في اسكتلندا من قرون

اذ يستخدم بوصة خاصة و شعر خاص و ماكينة خاصة و طعم خاص

الطعم عبارة عن مجموعة من الريش و الشعر بالوان معينة، ملفوفة على الصنار (الخطاف) بطريقة تحاكي الحشرات المائية

و يمتلك الصياد بهذه الطريقة حوالي 50 نوع من هذه الحشرات الصناعية

و السبب هو انه عند تحول هذه الحشرات من طور اليرقة (التي تعيش تحت الماء على الصخور) الى طور الحشرة، تطفو على السطح ثم تنسلخ من جلدها و تطير

و في هذا الوقت، يأتي سمك التراوت و يخرج الى السطح و يبتلع الحشرات

و الصياد يرمي بالحشرة الصناعية على سطح الماء لتحاكي نوع و لون الحشرة الطبيعي فيبتلعها السمك

و الانواع المختلفة لكل موسم

فكل نوع من الحشرات يفقس في عدة ايام ثم يليه نوع اخر ثم اخر

و البوصة طرية للغاية كالكرباج

و الهدف منها رمي الشعر الى المكان المراد بحركات غير تلك التي نعرفها في سائر انواع الصيد العادي

و الشعر يطفو على سطح الماء

و لا يستخدم اي ثقل مع الطعم الصناعي

كل هذا اسمه Dry Fly اي الحشرة الجافة

لانها تطفو على السطح

هناك انواع تانية من الطعم تكون تحت سطح الماء

و شكلها يكون كالحشرات في طور اليرقة

و تعرف باسم nymph او Wet fly

و معدات هذا النوع من الصيد غالية نوعا ما

مثلا بوصة و ماكينة ممكن بسهولة ان تصل الى 500 دولار

و الرخيص في حدود 70 دولار (الكوري يعني)

و هناك كورسات تدريبية تعطى في هذا النوع لصعوبته الشديدة

الشعب اراد الحياة و القيد انكسر

رابط هذا التعليق
شارك

  • الردود 53
  • البداية
  • اخر رد

أكثر المشاركين في هذا الموضوع

حلوه يا مكسوف حكايه اتصور معاها و ارجعها

اتخيلت المنظر والسمكه و سطكم واثقه ا نها

راجعه الميا وبتقلوكو ساي تشيز

كما قال الطفشان جرب ال cat fish مقلي ولكن بعد سلخه و هناك حاجه زي الكماشه

بتتباع في محلات ادوات الصيد نجعل عمليه السلخ سهله.

رابط هذا التعليق
شارك

الصيد هنا لا يمارسه الهواة من اجل الحصول على طعام

بل هو للترويح عن النفس و الهواية اولا

العملية ينظر لها انها فن اكثر من جمع سمك للاكل

و كيفية التحايل على السمك الكبير و اخضاعه

و بالتالي اكثر انواع الصيد انتشارا هي Catch and Release

يعني تمسك السمكة و تتصور معاها و ترجعها

تعيش و تبيض سمك تاني و حد تاني يصطادها

الشعب اراد الحياة و القيد انكسر

رابط هذا التعليق
شارك

والله يا إخوانى أنا بعد ما قرأت اللى أخونا الطفشان كتبه عن ال cat fish سألت الناس اللى معايا فى الشغل لو كانوا بياكلوه و كلهم قالوا إنهم ما بياكلوهوش باستثناء واحد صينى. و كلهم أكدوا المعلومات اللى عندى إنه سمك scavenger و لحمه خشن (coarse) و بيستهلك كميات مهولة من الزيت عشان يستوى. يمكن اللى عندنا هنا مختلف عن اللى عندكم لإن النهر هنا ملوث .

م

"و من يتق الله يجعل له مخرجا" صدق الله العظيم

اللهم إنى أستغفرك من كل ذنب تبت اليك منه ثم عدت فيه

اللهم إنى أستغفرك من كل عقد عقدته لك ثم لم أوف لك به

اللهم إنى أستغفرك من كل نعمة أنعمت بها على فقويت بها على معصيتك

اللهم إنى أستغفرك من كل عمل عملته لوجهك خالطه ما ليس لك

رابط هذا التعليق
شارك

سمك القط انواع

في flat head و فيه blue و فيه channel و bullhead و غيرهم كثير

و ادي صور الناس اللي اصطادته

http://www.carpecarpio.com/bigcatfishpictures.html

و كلهم بيتاكلوا

لحمه خالي من الشوك تماما

و يمكنك ان تنزع الجلد الاملس (بدون قشر) باستخدام سكينة فيليه Fillet knife

بص بقى الطرق اللي بيتعمل بيها

http://directory.google.com/Top/Home/Cooki...eafood/Catfish/

http://www.justseafoodrecipes.com/rindex.p...d&rtype=catfish

http://www.catfishworld.net/catfish_recipes.asp

و دي الطريقة المفضلة عندي

http://www.landbigfish.com/recipes/showcas...se.cfm?recipe=7

كلها بس و ادعي لي!

او روح مطعم اسماك و اطلبها بطريقة Cajun

الشعب اراد الحياة و القيد انكسر

رابط هذا التعليق
شارك

إييييييييه ولا زمان

انا لا أحب سمك الترع ولا النهار و خاصة فى مصر علشان التلوث, أفضل سمك هو سمك المالح "اصلى انا ميه مالحه ووشوش كالحه"

انا صحيح صعيدى ولكن كنت أقيم فى الاسماعيلية و أفضل الصيد على شط القناة بالسنارة او الحداف وهو عبارة عن خيط طويل بدون عصا. وأوقات كنا بنستعمل التقفيصة و هى عبارة عن قفص مصصم بحيث يدخل فيه السمك و لا يستطيع الخروج و كنا نضعها باليل و نرجعلها الصبح (صيد الكسالى) و أفتكر و أنا صغير كنا بنصطاد السمك و نبيعه للمطاعم يعنى ممكن نصطاد سمكتين ولا ثلاثة و نبيعهم ب15 او 20 جنيه مبلغ كبير فى الزمان ده وبعدين نروح نشترى بالفلوس سمك تانى أرخص (وش واحد مبتسم) ولكن الكمية أكبر

لكن ده كان أيام البال الرايق مفيش اسرة و لا أولاد

mycopy10.gif
رابط هذا التعليق
شارك

او روح مطعم اسماك و اطلبها بطريقة Cajun

المطاعم هنا ما بيعملوش Cat Fish لإن ماحدش بياكله و اللى بيطلع من النهر هنا حجمه كبير و يمكن ده واحد من الأسباب إنه مش مرغوب فيه.

م

"و من يتق الله يجعل له مخرجا" صدق الله العظيم

اللهم إنى أستغفرك من كل ذنب تبت اليك منه ثم عدت فيه

اللهم إنى أستغفرك من كل عقد عقدته لك ثم لم أوف لك به

اللهم إنى أستغفرك من كل نعمة أنعمت بها على فقويت بها على معصيتك

اللهم إنى أستغفرك من كل عمل عملته لوجهك خالطه ما ليس لك

رابط هذا التعليق
شارك

و الله المثل دة صحيح:

One man's garbage is another man's treasure

قمامة احدكم كنز للآخر

يعني هنا هو سمك غالي، او متوسط السعر

و عندكم ماحدش بياكله

نفس الكلام عن سمك ال carp

بتوع شرق اوروبا و بتوع اسيا ياكلوه و يحبوه قوي

و هنا يقرفوا منه

يبقى سيادتك تعمل مشروع تصدير سمك القط و البلية تلعب معاك!

(بس ابقى افتكرنا)

الشعب اراد الحياة و القيد انكسر

رابط هذا التعليق
شارك

اية دة انتوا المفروض تسموا المنتدى منتدى الصيادين

انا طبعا صياد صغنون اوي جنبكم

طبعا باصيد في اسكندرية فية اماكن كتيرة في جليم و لسان سان ستفانو ((اتشال دلوقتي )) و محطة الرمل و لوران و مكان سري في الخربان (( ايوة الخربان )) و فية حتة في مظلوم كنا نروح نصطاد هناك بالبوصة المكنة ... في المية العذبة ما روحتش كتير بس كانت الملاحات افضل مكان اصطدت فية كمية سمك رهيبة اينعم صغيرة بس من نوع اسمة الخنيني (( لا مش الخوميني )) ودة افضل نوع و طعم بلطي تاكلة .

الطعم ... افضل طعم تصطاد بية هو دود البحر طبعا دة نادر تلاقية و بيكون غالي جدا ... بس لوران فيها اماكن كتير تجيب منها دود البحر .

فية طبعا العجينةو النطيط (( الجمبري الصغير ))

السمك سأبدأ بالاكثر انتشارا ... الجعير (( ضمة على الجيم وفتحة على الياء )) يوجد بكثرة بين الصخور بارمية للقطة بتقرف تاكلة و بينزل مادة لزجة على ايدك و انت ماسك المهم حاجة تقرف .

البطاطا ... و يا عيني على البطاطا لما تاخد الشكة منها تبقى عايز تقطع ايدك و على فكرة بتختلف قوة الشكة من مكان لمكان ((مكان صيدها ))

الشراغيش ... من احلى الاسماك برضة بس اصبحت نادرة في الفترة الاخيرة .

المكرونة .. بقابلها بالصدفة شبة الجعير من بعيد بس فاتحة شوية ووشها مختلف .

طبعا القاروس و الدنيس والوقار دولة ما قابلتهمش غير مرة و لا اتنين

الحوادث .. لا تعد (( شكل واحد اتبهدل من البحر ))

الله غايتنا....الرسول قدوتنا ......القرآن دستورنا ......الجهاد سبيلنا ............الموت في سبيل الله اسمى امانينا.

رابط هذا التعليق
شارك

  • بعد 1 شهر...

حتة تاريخ

أول كتاب باللغة الانجليزية عن رياضة صيد الاسماك، هو كتاب إسحق والتون Izaak Walton المسمى ب The Compleat Angler

و في عنوانه ايضا

or, the Contemplative Man’s Recreation

هواية الرجل المتأمل!

(لاحظ اختلاف هجاء كلمة compleat عما هو شائع الان)

و الكتاب طبع اول مرة سنة 1653 م

و يحاول المؤلف فيه اثبات ان رياضة صيد الاسماك افضل من رمي الحيوانات او القنص بالصقور

و لا يقتصر الكتاب عن كيفية الصيد، بل به وصف لمعدات الصيد و كيفية صنع بعضها، و وصف للريف الانجليزي، و ايضا كيفية طبخ السمك الذي يصاد

نبذة عن اسحق والتون

http://www.bartleby.com/65/wa/Walton-I.html

الكتاب نفسه

http://justus.anglican.org/resources/pc/walton/angler/

الشعب اراد الحياة و القيد انكسر

رابط هذا التعليق
شارك

  • بعد 4 سنة...
  • بعد 2 شهور...

جدى الله يرحمه كانت هوايته صيد السمك وانا كنت زى خياله فكنت اروح معاه وكنت امل من السكوووووووون والصبر

وممكن يقعد 4 ساعات وميطلعش غير سمكة ولا

اتنين والغريب انه كان بيبقي مبسوط ..... :rolleyes:

انا بقي كنت اخلص كل الطعم افضل اشيل السيناره واحط اشيل واحط والطعم يروح بس الشهادة لله كنت اشطر من جدي

كنت بانضف المنطقة اللى كنا بنصطاد فيها من ورق لاكياس لفردة شبشب معدية ميضروش مكنتش بافوت اى حاجة تيجي فى وشي

بس بصراحة اتعلمت شوية الصبر والتأمل ......ايييييييييه الله يرحمك يا جدي بقي ويرحم ايامك ....قلبتوا على المواجع ... :blush2:

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك

dيا راجل حرام عليك ... إستعمال الديناميت محرم دوليا و غير صحى ولا آمن بالمره ... جرب البوصه و حتلاقيها أفضل كثيرا و حتحس بطعم اللى إصطادته

كلمه حكمه قالها ابويا ...( انت راجل فخليك قد الكلمه دى )

رابط هذا التعليق
شارك

dيا راجل حرام عليك ... إستعمال الديناميت محرم دوليا و غير صحى ولا آمن بالمره ... جرب البوصه و حتلاقيها أفضل كثيرا و حتحس بطعم اللى إصطادته

الراجل ما عندهوش صبر يا عزيزي hopsan... هما صباعين ديناميت .. و هوب تلاقي سطح الميه مليان سمك ميت ... بس ده مالوش دعوة بالصيد خالص ...

لكن طبعآ مش ده القصد من المداخلة دي .. القصد انك وقعت في الشبكة لوحدك .... معلش القافية حكمت ... قصدي الواحد ما صدق انه شافك ي الموضوع ده يا صديقي العزيز ...

و بما انه آدي العيش لخبازه ... و لا يفتي و مالك في المدينة ...

حضرتك سلانسيه سالانسيه كده .. ممكن تشرح بالتفصيل الممل .. للي عاوز يبتدي الهواية الرائعة دي .. اللي ممكن تتكلف من حوالي مافيش .. لبتوع البوصة و حتة العيش علي شط الترعة .. لحد بتوع اليخوت علي ساحل الريفييرا .. لكن هي هي نفس الترقب و الأنتظار .. و خفقات القلب عندما "تغمز السنارة".. أو تشوف الغطاس عمال يقب و ينزل تحت سطح الميه ...

فيا ريت بجد يا hopsan .. كام درس أولي كده عن الصيد ...

و آدي :unsure: تحت الحساب ....

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

همممم..

اليوم رجعت بسمكتين قد الكف ....











وقرش ..smile.gifsmile.gif

قرش طوله متر وعشرين تقريباً صغنن يعنى ..

بس طلع عنينا على ما خرج من المياه ..

من فضلك ..دعنى أرى كيف تتحدث حتى أعرفك .. ودعنى أرى كيف تختلف حتى أحترمك .

رابط هذا التعليق
شارك

السلام عليكم دى اول مشاركة لى فى المنتدى

انا عندى سؤال ايه هو افضل مكان اشترى منه ادوات الصيد فى مصر؟

و ايه هى افضل ماكينة و حلوة فى مصر ؟

و ايه هو افضل مكان اروح اصطاد فيه لأن دى اول مرة اروح اصطاد فى مصر :closedeyes:

تم تعديل بواسطة The Shark
رابط هذا التعليق
شارك

  • بعد 4 شهور...
هنا في كندا باصطاد فى معظم الأوقات فى النهر. إصطدت سمك كبير - أكبر واحدة كانت 112 سم . 90% من السمك Cat fish و بارجعه فى الترعة لإنه مش أعظم سمك فى الدنيا.

يا راجل!

صحيح هو شكله مش و لابد

بس من احلى لحوم الاسماك

مافيهوش شوك خالص و طعمه جميل

جربه مقلي بخلطة توابل ال Cajun و ادعي لي!

الأنواع التانية هى ال Perch و ال Pickerel و ال Carp. الطعم فى جميع الحالات هو الدود.

ال perch نوع كويس و طعمه كويس

و لكنه سمك صغير نوعا ما

اما ال pickerel فيطلق على عدة انواع من الاسماك

اما ال carp فهو سمك مستقدم الى امريكا الشمالية و غير مستوطن بها

و يحبه بعض الصيادين لانه قوي جدا، و بيعافر جامد

و لكن لحمه ليس ممتازا، و به شوك كثير

و هو سمك منتشر جدا في شرق اسيا و له شعبية هناك

كما يحبون صيده في انهار اوروبا

و قد تم استقدامه الى مصر و تجربته في المزارع السمكية تحت اسم "المبروك"

لكن يبدو انه فشل لعدم اقبال الناس عليه

من لا يجد الدود لاستعمالة فى الصيد ممكن استعمال احشاء الدجاج و ممكن يخسل الامعاء جيدا و يملحها وياخد على قدة وممكن الباقى يضعة بالفريزر

احلى الاماكن للصيد عندى لسان شاطىء النخيل بالعجمى 6 اكتوبر عند اللسان روح بالليل و خد معاك وكمان وترمس شاى

وعيش

اية رايكم فى مذاق الطعم الصناعى روعة

لاالله الا الله محمد رسول الله

اللهم انك عفو تحب العفو فاعفوا عنا

قولوا اميين [وسط][/وسط]

رابط هذا التعليق
شارك

  • بعد 3 أسابيع...
أفضل طريقة لصيد السمك هي بإستخدام الديناميت

أنت أكيد كان جيشك قريب من البحر :closedeyes:

لأن مفيش إلا عساكر الجيش اللي بيعملوا كدا علشان يتغدوا

بس أعتقد أن الديناميت لا يميت السمك..!!

هو فقط يفقده التوازن لفترة من الزمن يعني " بيروح في غيبوبة مؤقته "

موضوع شيق لهواية اعشقها رغم غياب اوقات الفراغ والصحبة المشجعة

لسه فاكر عم مينا ..

عم مينا بتاع زمان ..

المقدِس اللي كان ..

بيفوت علينا بالأمان..

:

عـم مينـا وشيخ أميــن ...

ألله عليهم لما كانوا...

بيضحكوا على نكته واحده ..

مـش مهم ميـن يقولها ..

المهـم النكـتـه حـلـوه ..

:

والـلي أجمـل ..

والـلـي أحلـى ..

ضحكـه طالعـه مـن روحيـن

:

عـم مينـا وشيـخ أميـن ..

شـوف حـروف الإسـم حـتـى ..

مينـا نفس حروف أميــن

رابط هذا التعليق
شارك

  • بعد 3 شهور...

الاخوة الاعزاء بعد التحية

بدأت هواية الصيد عدى بعد سفرى للمملكة السعودية حيث اعمل طبيب بشرى فى احدى المدن الساحلية القريبة من جدة والاسماك الموجودة التى اصطدتها هى الشعور والبياض والهامور والبركودا وافضل الدخول بالقارب بجوار الشعاب حيث تتواجد الاسماك بمختلف الانواع بكميات وافرة ويكون الصيد بواسطة خيط 1 ملى بدون سنارة اما صيد الشاطئ فممل جدا وبلا عائد

رابط هذا التعليق
شارك

  • بعد 4 أسابيع...

bv:- bv:- bv:- بسم الله الرحمن الرخيم

السلام عليكم ورحمة الله وبركاته

اخوكم ....ابو اميره ..صياد قديم..بعا مثل كل الهواة الضيد فى المنتدى

الجميل اللى سخن الجمجمه ورجع كل ذكريات البحر فى ثانيه.....

لى طلب صغير فى المنتدى..وهو ان نفيد بعضنا البعض وهذا من خبراتنا

وناخذ كمثال المصطلاحات العامه للبحر..يعنى مثل

طالعه_رحله صيد

الميه حاميه_التيار سريع

الدور_المكان الذى سوف تجلس فيه لتصطاد

الوش_الخيط الذى بوضع فيه الصنار

وهكذا كل من لديه معلومه عن مكان مياه عن كيفية عمل طعم كالعجين

يقوم بوصفه لتنتقل بيننا المعلومه ولتكن باخلاص..وانا اسف اذ كنت قد اطالت

عليكم فى اول مشاركه لى...اخوكم ابو اميره bv:- bv:- bv:-

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...