اذهب إلى المحتوى
محاورات المصريين

أم كلثوم


MZohairy

Recommended Posts

29.jpg

انا معرفش منهم غير فريد الاطرش وام كلثوم ..........

ياتري حد عارف الباقي مين

اول واحد من على اليمين مش واضح

بس اللي بعد كده من اليمين للشمال بالترتيب

فريد الأطرش و بعديه محمد القصبجي و بعدين الست ام كلثوم و بعدين رياض السنباطي بالطربوش

و الصوره دي في اوائل الأربعينات بالكثير

تم تعديل بواسطة mzohairy

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

  • الردود 102
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

فيه أغنية مبنسمعهاش كتير وتستحق التحليل.. أغنية "خارج نطاق الزمن" هي "أصبح لدي الآن بندقية" للشاعر "نزار قباني" وموسيقار الأجيال "محمد عبد الوهاب"..

خارج نطاق الزمن بسبب توزيعها الأوركسترالي شديد الإتقان كما لو كانت تلك الأغنية مسجلة منذ وقت قريب.. توزيع يختلف عن التوزيع الموسيقي بمفهوم الفترة كما قدمه "أندريا رايدر" و "علي إسماعيل" والأخير كان الموزع التقليدي لوطنيات "عبد الحليم"..

أغنية عايزة تحليلاتك يا زهيري..

خلص الكلام

فعلا اغنيه جميله و ليها تسجيل بصوت ام كلثوم و التاني بصوت عبد الوهاب مع الفرقه و التالت عبد الوهاب على العود

بس هي بتقول اصبح عندي الآن بندقيه مش لدي يا شريف

عموما انا تحت امرك حعملها التحضيرات اللازمه و نحللها من عينيه :big_boss:

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

زهيري العزيز

هديتي ليك :blush2:

أمن العدل أنهم يردون الماء صفوا

وأن يكدر وردي

وأن يكدر وردي

عائد أنا من حيث أتيت ....

عائد أنا لمسجدي .....

عائد إلى الصلاة والركوع والسجود .....

عائد إلى الطريق خلف أحمد الرسول .....

عرفت قصة الطريق كلها وعائد أنا برغمها

رابط هذا التعليق
شارك

زهيري العزيز

هديتي ليك :lol:

أمن العدل أنهم يردون الماء صفوا

وأن يكدر وردي

وأن يكدر وردي

يا سيدي هديتك مقبوله و كتر خيرك

بس اشمعنى البيت ده بالذات من قصيدة مصر تتحدث عن نفسها؟

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

برده فنانى الفن جميع عملوا اغانى هلس بس رائعة

ياريت تسمعوا اغنية عبدالوهاب

فيك عشرة كوتشينه فى البلكونه

تلاقى هيافة الكمات بس اغنيه رائعه

ياريت تسمعوها وتدوروا عليها

رابط هذا التعليق
شارك

29.jpg

انا معرفش منهم غير فريد الاطرش وام كلثوم ..........

ياتري حد عارف الباقي مين

اول واحد من على اليمين مش واضح

اول واحد على اليمين هو زكريا احمد بس معرفتوش عشان كان صغير

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

برده فنانى الفن جميع عملوا اغانى هلس بس رائعة

ياريت تسمعوا اغنية عبدالوهاب

فيك عشرة كوتشينه فى البلكونه

تلاقى هيافة الكمات بس اغنيه رائعه

ياريت تسمعوها وتدوروا عليها

اغنية فيك عشرة كوتشينه عملها عبد الوهاب في اوائل العشرينات و تقريبا سنة واحد او اتنين و عشرين

في الفتره دي كانت كل الأغاني هي نتاج لواقع الحياه في مصر وقتها

و ظهرت اغاني هابطه كثيره مثل : ارخي الستاره اللي في ريحنا و بعد العشا يحلى الهزار و الفرفشه و كله الا كده و اغاني جنسيه و تعليقات مسفه و هبوط عام

و عند مقارنة الأغنيه الوحيده لعبد الوهاب التي تنتمي لهذا النمط (مع واحده اخرى بتاعته كمان اسمها بحب المنجه و صوتي كمنجه) نجد ان كلمات عبد الوهاب كانت تتماشى مع عصرها و افضل كثيرا وارقى مما كان يكتب وقتها

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

نرجع لهو صحيح الهوى غلاب

عمنا زكريا احمد كان بيلحن الغنوه دي و هو حاطط في دماغه هدف معين

عايز يقول لأم كلثوم انا حلحنلك لحن كلاسيكي شديد الشرقيه و حتشوفي انه حينجح و يكسر الدنيا برغم عدم وجود الموسيقى الحديثه نسبيا بتاعة الموجي او بليغ حمدي

و فعلا لحنلها الغنوه من مقام الصبا الحزايني الشديد الشرقيه مع تعريجات على بعض المقامات الأخرى

وبالفعل نجح اللحن نجاح ساحق ماحق لسهولته الممتنعه و عذوبته الشديده

و لا ننسى بالطبع ان الست ام كلثوم كانت مازالت محتفظه ببريق صوتها الجبار سنة 1960 فقامت بعمل عرب و زخارف و استعراضات بليغه لصوتها الجبار مع الاستعانه بخبرتها المهوله في اضفاء الجمال و السلطنه على الغنوه

و توفى زكريا احمد بعد هذه الغنوه مباشرة و كانت خير ختام و تتويج لأعمالهم سويا

رحم الله زكريا احمد

رحم الله بيرم التونسي

و رحم الله ست الكل

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

نلتقي قريبا مع اغنية انا وانت ظلمنا الحب

مأمون الشناوي

بليغ حمدي

أم كلثوم

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

انا وانت ظلمنا الحب بإيدينا

http://www.sawari.com/torath/staart/om-kal...%20EL%20HOB.mp3

القاهره 1962

مأمون الشناوي الرقيق جدا

بليغ حمدي فيضان النغم

و ست الكل ام كلثوم

ثاني اغنيه عاطفيه يقوم بليغ بتلحينها للست بعد انت فين و الحب فين عام 60

ما زالت اخواني الست ام كلثوم في هذا الوقت بقوتها الصوتيه التي اعطتها عرضا صوتيا يعوض ضياع الطبقات العاليه من صوتها بسبب السن

يقول عمنا مأمون:

أنا وأنت .. ظلمنا الحب بايدينا

وجينا عليه .. وجرحناه لحد ما داب حوالينا

ما حدش منا كان عايز يكون أرحم من .. التاني

ولا يضحي عن .. التاني

وضاع الحب .. ما بين عند قلب وقلب ضاع

ودلوقت لا انا بنساه ولا بتنساه ولا بتلقاه .. أنا وانت

أنا وانت ظلمنا الحب بالغيره وجبنا للظنون سيره

وقطعنا الأمل مرات مابين الشك والغيره

وكان الحب بينّا كبير صغر لما ابتدينا نغير

وبردت نار وقادت نار وبرضه مشينا في التيار

أنا وانت

أنا وأنت اللي كنا زمان أحن اتنين واحب تنين

وكان أكبر خصام بينا يدوب في يومين يا دوب في يومين

خصامنا ليه النوبه دي زاد وخلّى الخطوه بينَّا بلاد

وفرقنا على طريقين وضاع الحب ضاع

ما بين عند قلب و قلب ضاع

ودلوقتي لانا بنساه ولا بتنساه ولا بنلقاه

أنا وانت

أنا وانت .. نسينا حتى نتعاتب ونتصارح

وعز عليك تسيب العند وتسامح

وعز علي أكون البادي واتصالح

وأصبح كل يوم بينا يفوت أصعب من امبارح

نسينا رقة العاشقين قسينا واحنا مش داريين

نسينا ازاي كده نسينا وايه ده اللي جرى لينا

أنا وانت

المقدمه الموسيقيه مهيبه و الوتريات تقوم بعمل خلفيه تزيد من مهابة الموقف و كأن الست تقوم بالإعتراف

و تتوقف الالات الايقاعيه كالطبله و الرق و خلافه تماما عندما تبدأ الست بالغناء فالاعتراف قد بدأ و يحتاج الى سكون تام

فقط وتريات (كمنجات و تشيلوهات و كونتر باص) الموقف يحتاج الى هيبه و قد حقق بليغ هذه الهيبه بامتياز بهذه الموسيقى

نستكمل معا

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

مش عايز اطول على حضراتكو و لذلك سنقفز سريعا الى الكوبليه التالت و الأخير

مقدمه موسيقيه بالقانون و الوتريات شديدة البساطه و العذوبه معا

من أول : أنا وانت نسينا حتى نتعاتب ونتصارح

وعز عليك تسيب العند وتسامح

وعز عليا أكون البادي واتصالح

(يتوقف الايقاع تماما بعد هذه الجمله تعبيرا عن الصدمه القادمه)

واصبح كل يوم بينا يفوت اصعب من امبارح

نسينا اننا عاشقين

نسينا واحنا مش داريين

(ثم يأتي للجبروت اللحني عندما ينحرف ببساطه متناهيه لمقام البياتي الشديد التأثير)

نسينا ازاي كده نسينا

وايه ده اللي جرا لينا

شيئ غير بشري بالمره من بليغ حمدي الله يرحمه

و تنطلق الست ام كلثوم بصوت مليئ بالحكمه و الحسره و الطلاوه و الندم و الحب في آن واحد في هذه الجمله

ارجوكم حاولوا استرقاق السمع بعد هذه الجمله لصوت الجمهمور المندهش و المتأثر بشده من هذا المقطع ....حنسمع ناس بتمصمص (مش عارف اشرحهالكم ازاي) يعني زي لا حول ولا قوة الا بالله كده... :blink:

خلونا نستمع معا :blink:

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

نلتقي قريبا مع اغنية فكروني

http://www.BLOCKED35/audio/5191645552c840b3/

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

الشاعر الرومانسي عبد الوهاب محمد

الملحن الأويمجي محمد عبد الوهاب

المقام راست

القاهره العام 1966

صوت الست لم يكن قد وصل بعد للعجز النهائي

بمعنى انها كانت مازالت في نهاية حقبتها الجميله

سنجد عبد الوهاب قد اعطاها مساحات طربيه ابداعيه جميله و طويله تستغل فيها بحنكتها و خبراتها الفنيه كل امكانيات صوتها المتبقيه

و هو لحنه الثالث للست ام كلثوم بعد انت عمري عام 64 و انت الحب عام 65

و جاءت فكروني في عام واحد مع قمة أم كلثوم الهرميه (الأطلال)

مقدمه ثريه اليفه خصيبه يحاول عبد الوهاب فيها بمكر أن يلفت النظر للحن أكثر من الأداء القادم

ويدخل في أول كوبليه

وركزوا على ..رجعولي الماضي بنعيمه وهناوته وبحلاوته وبعذابه وبقساوته ... كلها من نفس النغمه تقريبا

ليعبر باعجاز عن ان الماضي كان جميلا بما له وما عليه!!!!

بعد ما صدقت اني قدرت انسى

بعد ما قلبي قدر يسلاك و يقسى

لحن موسيقي أخاذ بيعبر بيه عن مدى صعوبة النسيان ليتحول بعدها بمنتهى السهوله الى انهم .....جم بهمسه وغيروني و بحزن .....كانوا ليه بيفكروني؟

الست ام كلثوم في رأيي استطاعت ان تلفت نظر الجمهور الى الأداء اكثر من اللحن و هذا هو سر عظمتها

لنستمع سويا و نعود قريبا..........

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

  • بعد 1 شهر...

عدنا و الأغنيه القادمه

أروح لمين للعظيم رياض السنباطي

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

  • بعد 7 شهور...

رجعت في كلامي و حجيبلكم اغنية جددت حبك ليه

احمد رامي

رياض السنباطي

أم كلثوم

مقام نهاوند

اربعينات القرن الماضي

تابعونا

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

يبدأ عم رامي الاغنيه بالتساؤل

جددت حبك ليه بعد الفؤاد ما ارتاح

حرام عليك خليه غافل عن اللي راح

و كلمة غافل هنا هي فعلا من اكثر الكلمات توفيقا في قاموس اللغه العربيه لايضاح هذا المعنى

يعني هو مش ناسي اللي راح بس بيتناسى و بيتغافل عنه و الفرق كبير جدا

و يرجع يكمل و يقول

د الهجر و انت قريب مني كان فيه امل لوصالك يوم

لكن بعادك ده عني خلى الفؤاد منك محروم

يا هل ترى قلبك مشتاق يحس لوعة قلبي عليك

و يجدد النار و الأشواق اللي طفيتها انت بايديك

بصراحه سهل ممتنع رامي ده

كلمات بسيطه و ممكن نقول زيها كلنا

انما نحطها في التركيبه العجيبه دي؟ مش ممكن

تذلل جميل و خضوع غريب اللي يخليه يسأل يا هل ترى قلبك مشتاق يحس لوعة قلبي عليك؟ :wub:

رياض السنباطي بقى دخل بلحن ثابت من مقام النهاوند و من نغمته الرئيسيه دو لحن جملة جددت حبك

و استكمل من نفس المقام في نغم حزين و شجي بيوصف الحاله الغريبه اللي حاسس بيها المحب

نستكمل لاحقا

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

أستاذ زهيرى أنا بجد باشكرك على فتحك للموضوع الجميل دة..و إحياؤه بعد 3 سنين

للأسف ماعنديش وقت أقراه من البداية

بس ليا عودة...للأستمتاع و تسجيل بدايتى مع سماع أم كلثوم

أنا بقى وقعت من السما و أنت إستلقتينى

فى أغنية بحبها جدا ليها ذكريات معايا

للأسف مش قادرة أفتكر أسمها...بس فاكرة مقاطع منها

لو حضرتك تتكرم و تقولى إسمها وكمان بقى كرم منك لو جبت الأغنية نفسها

إسمحلى أكتب اللى فاكراه

وقابلته و الأشواق فى عينيه...

سلم..سلم وخد إيدى فى إيديه

وهمس لى قلبى الحق عليه

نسيت ساعتها زعلنا ليه

فين دموع عينى اللى ما نامت ليالى

بإبتسامة من عيونه نسهالى

أمر عذاب...و أحلى عذاب

عذاب الحب للأحباب

مقدرش أصبر يوم على بعده

دة الصبر عاوز صبر لوحده

فى إنتظار كتابتك عن هذه الأغنية الرائعة اللى موسيقتها دايما بترن جوايا

وياريت معلومات عن مؤلفها و ملحنها

على ما أذكر كان عبد الوهاب هو اللى ملحنها

وكل سنة وحضرتك بخير أنت و الأسرة الكريمة

تحياتى

سوسورانى

card10.jpg

لا تندم على حب عشته...حتى ولو اصبح ذكرى مؤلمه..... فأذا كانت الزهور قد جفت وضاع عبيرها ..... ولم يبقى فيها غير الاشواك فلا تنسى انها منحتك عطرا جميلا اسعدك

رابط هذا التعليق
شارك

أستاذ زهيرى أنا بجد باشكرك على فتحك للموضوع الجميل دة..و إحياؤه بعد 3 سنين

للأسف ماعنديش وقت أقراه من البداية

بس ليا عودة...للأستمتاع و تسجيل بدايتى مع سماع أم كلثوم

أنا بقى وقعت من السما و أنت إستلقتينى

فى أغنية بحبها جدا ليها ذكريات معايا

للأسف مش قادرة أفتكر أسمها...بس فاكرة مقاطع منها

لو حضرتك تتكرم و تقولى إسمها وكمان بقى كرم منك لو جبت الأغنية نفسها

إسمحلى أكتب اللى فاكراه

وقابلته و الأشواق فى عينيه... قابلني و الاشواق في عنيه

سلم..سلم وخد إيدى فى إيديه

وهمس لى قلبى الحق عليه

نسيت ساعتها زعلنا ليه

فين دموع عينى اللى ما نامت ليالى... فين دموعي اللي ما نامت لياللي

بإبتسامة من عيونه نسهالى

أمر عذاب...و أحلى عذاب

عذاب الحب للأحباب

مقدرش أصبر يوم على بعده

دة الصبر عاوز صبر لوحده

فى إنتظار كتابتك عن هذه الأغنية الرائعة اللى موسيقتها دايما بترن جوايا

وياريت معلومات عن مؤلفها و ملحنها

على ما أذكر كان عبد الوهاب هو اللى ملحنها

وكل سنة وحضرتك بخير أنت و الأسرة الكريمة

تحياتى

سوسورانى

دي يا ستي اغنية و دارت الأيام للرقيق مأمون الشناوي و المعلم الأسطى الاستاذ محمد عبد الوهاب سنة 1968

و هي كانت رابع اغنيه للست سومه من تلحين عبد الوهاب (على ما اذكر) بعد انفجار انت عمري و انت الحب و أمل حياتي

و فيها مقطع وصفولي الصبر لقيته خيال و كلام في الحب

و هو من اروع المقاطع التي لحنها عبد الوهاب لأم كلثوم في رأيي و من اروع ما لحن عموما

و ده اللينك بتاعها

http://www.medi1.com/player/player.php?i=969939

و اوعدك ان شاء الله نحللها بعد جددت حبك ليه

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

مش عارفة أشكرك إزاى يا أستاذ زهيرى...

أنا بحاول أفتكر إسم الأغنية من ساعة ما جيت كندا و مش عارفة

هو اللينك اللى حضرتك حاطه للأستماع بس

لأنى مش عارفة أعملها داون لود

لو ممكن حضرتك تفيدنى فيها أكون شاكرة جدا

نفسى أحطها على سى دى و أقعد أسمعها كتير

ولو تسمحلى...لو مش هيغير سياق الموضوع و التحليلات

أحكى بدايتى مع أم كلثوم

و إيه حكاية الأغنية دى بالذات

تحياتى

سوسورانى

card10.jpg

لا تندم على حب عشته...حتى ولو اصبح ذكرى مؤلمه..... فأذا كانت الزهور قد جفت وضاع عبيرها ..... ولم يبقى فيها غير الاشواك فلا تنسى انها منحتك عطرا جميلا اسعدك

رابط هذا التعليق
شارك

تحياتى للموضوع وصاحبه المايسترو العظيم

ليه رجائين لو أقدر

الأولاني بلاش بس يا عم زهيري الاصرار على عجز صوت أم كلثوم والتركيز عليه حبا وانتصارا لمعشوقك عبدالوهاب

بلاش تعصب يا مايسترو

عشان حزب ام كلثوم ومنهم العبدلله دي حاجة بتزعلهم

الحاجة التانية هوة طلب لو فى الامكان لو عندك معلومات كفاية عن المقامات

طول عمرى بسمع مقام بياتى

صبا

كرد

لو ممكن تبسيط بسيط لغير المتخصصين

بجد تبقى عملت فيه معروف كبير

وتحياتى يا أكبر الفانز لعبدالوهاب

وكل سنة وأنت طيب

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...