تغييرات في الابليكيشن فورم للفيدرال من اول 18 يوليو 2011

[starsideus]

يا جماعة لو حد هيقدم اوراقة من اول 18 يوليو 2011 خدو بالكم عشان الابليكيشن بتاعت الفيدرال اتغيرت:

http://www.cic.gc.ca/english/information/applications/skilled.asp

[engMostafa]

يا جماعة لو حد هيقدم اوراقة من اول 18 يوليو 2011 خدو بالكم عشان الابليكيشن بتاعت الفيدرال اتغيرت:

http://www.cic.gc.ca/english/information/applications/skilled.asp

فعلا حصل تغيرات في كتيب التعليمات وورق التقديم

الف شكر ليك يا starsideus

[momolife]

السلام عليكم و رحمة الله و بركاتة ,

أنا كان عندى استفسار بعد اذن حضراتكم , ان شاء الله ناوى أهاجر الى كندا , و ياريت الى فى كندا يجاوبنى و يقولى خبرتة , أنا خريج كلية تجارة جامعة القاهرة و كنت بفكر فى السفر من زمان من حوالى 3 سنين , و خبرتى كويسة فى مجال المحاسبة و درست فى الغرفة التجارية الأمريكية و ان شاء الله هاخد كورسات من الغرفة التجارية الكندية , مع العلم بأنى سوف أجهز نفسى للخوض فى دراسة مجال " أوراكل " لأن معظم الدول الأوروبية بتشتغل على " اوراكل و ساب " , و الانجلش بتاعى كويس جدا و درست فى مراكز " بيرلتز للغات " , و عندى كمان استعداد لدراسة اللغة الفرنسية , فهل كدة أنا أقدر أقدم على الهجرة , أنا من مواليد 1990 , و خريج 2011 . و طبعا أنا ههاجر من خلال موقع الهجرة الرسمى http://www.cic.gc.ca , لأنى شايف أن الموضوع مش مستاهل محامى و مصاريف على الفاضى ...

لكن يا جماعة فى أسئلة بتراودنى و بتشتت ذهنى , هل أنا فعلا لو سافرت الى كندا هتبدل و هغسل صحون ولا فى شغل محترم هشتغلة , و أنا عارف طبعا ان هيكون فى فرق بينى و بين المواطن الكندى أو بمعنى أصح من لديهم الخبرة الكندية , و انا بتابع باستمرار موقعكم الرائع و المفيد و حصلت على العديد من الأجوبة المهمة جدا لكل مهاجر جديد الى كندا , جزاكم الله كل خير . أنا بقى عاوز أطور من نفسى فى مصر أكثر و أكثر بحيث انى لما أروح كندا أبقى على الأقل قريبت من الخبرة الكندية فى العمل . و ياريت يا جماعة بالنسبة للناس الى فى كندا دلوقتى , همة أول ما سافرو و وصلو بالسلامة الى كندا , " اتبهدلو و شافو الويل و تعبو " ولا وجدو من يساعدهم أو حتى الاجراءات بسيطة ...

و ياريت طبعا لو حد لدية صديق يعمل فى مجال " المحاسبة أو اى مجال يتعلق بالمالية و التمويل و التجارة " , وشكرا جزيلا و جزاكم الله كل خير , كل عام و انتم بخير

بالتوفيق

[engMostafa]

عزيزي momolife

اي خبرة بتتحسب سنوتها بتكون بعد التخرج وليس قبل التخرج

وبما انك خريج 2011 فده معناه انك لسه فريش ومفيش اي سنوات خبره معتمده

لازم تشتغل بشهادتك بعد التخرج علشان تتحسب ليك نقاط بيها

وكورسات الانجليزي مش كفايه لازم تاخد شهادة الايلتس بسكور عالي علشان برده تديك نقاط اكثر

اما بقى التعب في كندا وغسيل صحون وكده فا اي شغل مش عيب المهم انك تقدر تكون نفسك

تحياتي

[momolife]

شكرا جزبلا للأخ engMostafa

طب بعد اذنك انا كان عندى استفسارات , فى البداية انت لسة مهاجر جديد الى كندا , ولا انت فى كندا , أنا الصراحة عملت العديد من الزيارات للعديد من مكاتب الهجرة فى مصر و أنا كنت عاوز أهاجر من دلوقتى و أكتسب الخبرة من كندا , لكن بما انك بتقولى أن لازم أكتسب الخبرة من مصر فى مجال عملى كدة تمام , بس فى نقطة مهمة بالنسبة لى خريج كلية تجارة - قسم محاسبة فى هجرة متاحة ليا ولا لأة , و النقطة المهمة جدا جدا أن أنا عاوز أكسب وقت نفترض انى قدمت بعد 3 سنيين , بعد ما أبعتلهم ملف الهجرة الرد هيجى و التأشيرة هتوصل أكيد بعد 12 شهر زى ما بسمع أو ممكن أكثر من كدة بكثير . فأنا بفكر فى فكرة و أتمنى من حضرتك اعطائى النصيحة و هى " اكسب وقت "

أنا ان شاء الله قررت فى سنة واحدة باذن الله أن أدرس " IELTS " , " اللغة الفرنسية " مع العلم بانى عندى خلفية كبيرة عن اللغة الالفرنسية و مستوايا كويس , و هل لو هاجرت " كيبيك " ممكن من هناك أنتقل الى اى مقاطعة أخرى ام صعب . أرجو الرد

و شكرا جزيلا لتعاونكم معى

بالتوفيق و النجاح

[engMostafa]

عزيزي momolife

الشكر لله واحنا هنا علشان نساعد بعض

انا لسه مش هاجرت انا جيت اقدم السنه دي والمحامي رفض ياخد الورق مني لان لسه ناقص ليه نقطتين

فانا حاليا بحسن مستواي في اللغه الانجلزية علشان اعلي السكور بتاع الايلتس

علشان تهاجر يبقى لازم تجيب حد النقاط بتاع الهجرة وهي 67 نقطة في الفدرايل وتكون اشتغلت في مهنة من المهن اللي محددينهاعلى الاقل سنه

ادخل على موقع وزارة الهجرة الكندية واقراء المهن المكتوبه وشوف اقرب مهنة انته اشتغلتها وعندك خبره فيها

والنظام الجديد التاشيرة فيه بتاخدها من ساعه تقديم الملف بعد سنة تقريبا

الايلتس كل ما كان الاسكور فيه عالي كل ما نقاطك زادت

لو عندك خلفية كويسه في الفرنسي تقدر تقدم كيبك ولما تدخل كندا عادي تقدر تروح اي مقاطعه تانيه

للاسف انا معنديش معلومات كافيه عن كويبك لاني هقدم فيدرال

بس تقدر تشوف الموضوعات هنا في المنتدى اللي متعلقه بكيبك

تحياتي

[momolife]

شكرا جزيلا engMostafa على المعلومات القيمة , أنا ان شاء الله هجهز نفسى فى خلال سنة للهجرة , بس أنا روحت لثلاثة مكاتب هجرة لكندا فى مصر , لكن الصراحة أنا بعد متابعتى للمنتدى أنا متابع هذا المنتدى من حوالى 9 شهور و قرأت العديد و العديد من الموضوعات , منتدى ممتاز جدا , وجدت ان فى أشخاص كثير هاجرو من غير محامى , و ياريت يا أستاذ engMostafa تقولى انت بتتعامل مع محامى اية , أنا على فكرة مجمع كل مكاتب الهجرة فى كندا سواء من على الانترنت أو من خلال الجرائد , عملت دليييل مكاتب الهجرة علشان لما احتاج ليهم , لأن فعلا موضوع الهجرة دة مهم جدا بالنسبة لى , و بالمناسبة انا أماى فرص عمل متميزة فى مصر على الرغم أنى خريج 2011 , بس أنا الصارحة والدى بيشجعنى من زمان للهجرة الى كندا , و انا عاوز أكمل بقيت حياتى فى كندا أو استراليا ,

لكن احتمال كبير أستقر على كندا , و بالنسبة للمعلومة بتعات الهجرة الى " كيبيك " أنا بدات الأن فى تعلم اللغة الفرنسية بالاضافة الى تطوير مهاراتى فى اللغة الانجليزية و ما الى ذلك , أقدر أهاجربعد سنة مثلا الى كيبيك على الرغم انى بالنسبة للقوانين كدة ممكن يحتسب لى خبرة سنة مثلا , بس دة بالنسبة لكيبيك , اننت اية رأيك

لأنى بجد عاوز اهاجر من دلوقتى و انا جااااااااااااااهز , ياريت لو تقدر تفيدنى فى الموضوع دة ,

و ياريت نبقى على تواصل من خلال الايميل

دة الايميل بتاعى

mokfas@gmail.com

و شكرا جزيلا للمتابعتك معايا و ان شاء الله ربنا يوفقك و تكمل مسيرة الهجرة بنجاح

بالتوفيق و النجاح

تم تعديل 25 يوليو 2011 بواسطة momolife

[engMostafa]

المحامي اللي انا روحت قدمت عنده موجود هنا في الامارات لاني مقيم حاليا في ابوظبي

فمعنديش فكرة بصراحة بالمكاتب اللي موجوده في مصر

عموما هو المحامي مش بيعمل حاجه زيادة وممكن تقدم من غير محامي لكن بالنسبه لحالتي

انا اخترت محامي مجرد تسهيل ليه مش اكثر هيترجم الورقم وهيمليء هو الابلكيش وهو اللي هيتابع

ولما هعمل لاندنج هاخد عنوان منه هناك هستلم كارت ال PR عليه وكده يعني ...

بالنسبه للشغل طالما لسه مش اشتغلت شوف وظيفه من اللسته المطلوبة وتقدر تشتغل فيها وخد خبره فيها

واللي يقدر يفدك اكثر في موضوع كيبك ادخل على موضوع الاستستفارات بتاعت كيبك واكتب كل حاجه عايز تعرفها

وهتلاقي ناس كثير مقدمه وعندهم خبره عني في كيبك

ومين بس مش عايز يهاجر من دلوقتي انا نفسي اهاجر النهارده قبل بكرة....

واكيد طبعا نكون على تواصل ولو احتجت حاجه تاني اسئل

تحياتي

[momolife]

شكرا جزيلا engMostafa على تواصلك معايا و ان شاء الله هشوف موضوع الكيبيك دة و احتمال أهاجر عن طريقة لكن فى كلا الحالتين أنا طالما نويت الهجرة الى كندا لازم أتعلم اللغتين علشان أستفيد من " النقاط "

ان شاء الله نبقى على تواصل دائم , جزاك الله خير

بالتوفيق