اذهب إلى المحتوى
محاورات المصريين

مصر للطيران تفتتح الحجز الالكترونى بموقعها


Recommended Posts

اخيرا افتتحت شركة مصر للطيران الحجز الالكترونى بموقعها على الانترنت و لكن......

كما قال الشاعر كم ذا بمصر من المضحكات و لكنة ضحك كالبكاء

1- الحجز غير متاح الا فى الاتجاة من مصر فقط الى اى دولة اخرى بمعنى اذا كنت بالكويت لا يمكنك ان تحجز تذكرة كويت- القاهرة-الكويت و لكن يمكنك ان تحجز الاتجاة القاهرة -كويت -القاهرة و عجبى

2- لا يمكنك اصدار تذكرة الكترونية كما تفعل اى شركة محترمة او حتى غير محترمة و لكن يجب ان تختار

ان يبعثوا اليك بالتذكرة على عنوانك فى مصر بالبريد السريع و طبعا تمن البريد السريع على حساب سعادتك

او ان تستلم التذكرة من احد مكاتب مصر للطيران التى تختارها

او تستلمها فى المطار قبل الرحلة بساعتين و نصف على الاقل

3- و هو الاهم يجب على من حجز التذكرة بالفيزا كارد الخاصة بة ان يحضرها معة و لا يمكن تسليم التذكرة الا لمن دفع بالفيزا كارد الخاصة بة

اتمنى ان اسمع تعليقاتكم و كيف نوصل صوتنا للمسئولين فى مصر للطيران و نبعد عن البيروقراطية و نظام هات اثنين موظفين معاك مرتبهم لا يقل عن 120 جنية لاستلام التذكرة :blink: :unsure: :blush: :happy: :happy: :blink:

تم تعديل بواسطة اسكندرية تانى

canada.gif

رابط هذا التعليق
شارك

إنت بتتكلم جد؟؟؟!! :blink:

عموماً ده إمتداد للحكومة الاكترونية الذكية اللي بتحط فاتورة الزباله على فاتورة الكهرباء

"نحن شعب ينتحر -بمزاجه- إنتحاراً جماعياً ببطء كين

~~~~~

قال رسول الله صلى الله عليه و سلم : "انها ستكون سنون خداعات .. يخون فيها الأمين ويؤتمن فيها الخائن .. ويكذب فيها الصادق .. ويصدق فيها الكاذب .. وينطق فيها الرويبضة .. قالوا وما الرويبضة يا رسول الله ؟ قال : الرجل التافه يتكلم فى أمر العامة

~~~~~

فكيف إذا جئنا من كل أمة بشهيد وجئنا بك على هؤلاء شهيدا (41) يومئذ يود الذين كفروا وعصوا الرسول لو تسوى بهم الأرض ولا يكتمون الله حديثا (42){النساء}

رابط هذا التعليق
شارك

ممكن تكتب لنا الموقع ؟؟؟

لحسن الشركة دي ليها اكتر من موقع كل ما اكتب في الجوجل مصر للطيران يطلع لي 60 موقع

تم تعديل بواسطة الحازم حسن

Many of life's failures are people who did not realize how close they were to success when they gave up

Thomas Edison

Failure Is Not An Option

hazemhassan435686.jpg

رابط هذا التعليق
شارك

اخى الفاضل حازم حسن

الموقع هو www.egyptair.com.eg

و تقبل تحياتى

تسلم ايدك

Many of life's failures are people who did not realize how close they were to success when they gave up

Thomas Edison

Failure Is Not An Option

hazemhassan435686.jpg

رابط هذا التعليق
شارك

هل قواعد المُنتدى تمنع أي عضو من إنه ( يزغرط ) ؟

لأ

طب شُكراً

يبقى

لوووووووووووووووووووووووولييييييييي

وإليكم التالي :

- تم الاعلان رسمياً الإسبوع الماضي عن خسائر بالملايين .. وأكرر بالملايين في شركة مصر للطيران ؟

يا ساتر يارب ... ليه يا سي سين سين ؟

السبب مصري وبسيط للغاية ... فلقد قامت شركة مصر للطيران بتطبيق نظام حجوزات جديد " أسباني " يُسمى ( أماديوس ) والعبد لله خيره جيدة فيه بدون الدخول في التفاصيل ... والخساير جاءت من عدم تطبيق أدنى مباديء العمل التقني

فأنا لما أعوز أطور برنامج عندي وخصوصاً تلك البرامج الخطيرة مثل برامج الحجوزات .. لازم اخلي النظام القديم شغال زي ماهو واعمل حاجة إسمها Parallel Work أو حاجه إسمها الـ Trail Operation أو ببساطة أشتغل على البرنامج الجديد بشكل متوازي مع القديم في فترة تسمى بالفترة التجريبية حتى يتم التأكد من إن النظام الجديد يعمل بكفاءة وليس له أي تأثير سلبي على سير العمل .

ما علينا عشان ما أصدعكمش

العكس هو اللي حصل

البهوات قلبو النظام القديم وأشتغلوا على الجديد بغشومية ... فأصبح مكتب حجز التذاكر ييجي يعمل حجز لواحد يظهر عنده إن الطيارة مليانة ومافيش اماكن ويرحلة على ميعاد تاني ... تيجي بقى الطيارة تطلع خلاص .. تلاقي اكثر من نصها فاضي .. ودوخيني يا لمونه

والله العظيم يا جماعة قرأت هذه الفضيحة وأنا في البحرين وبعد أن أنتهيت من العمل هناك توجهت إلى مصر .. وفي الرجعة مالقيتش حجز على الخطوط السعودية فالشركة حجزت لي مصر للطيران .. وطلعت الطيارة من النوع الكبير في الحجم التلات صفوف ده .. وأُفاجا إن درجة كاملة فيها لا يقل عن 70 كُرسي ليس فيها سوى 6 ركاب غير الدرجة اللي كنت قاعد فيها كل واحد كان قاعد مرحرح وناقص ينام على تلات كراسي .

ولتكملة الموضوع اللي ماكنتش عايز أتكلم فيه أساساً ..

إن يوم وصولي كانت الرحلة على طيارة صغير يادوب 100 راكب يعني ممكن يخلصوا أختام الدخول والشُنط والكلام ده في ربع ساعة .. وكلن مكثت هناك أكثر من ساعة

فبعد ان وصلت إلى ضابط الجوازات قال لي بالحرف الواحد : أرتاح شويه لحد ما ننده عليك .... أنا قلت بركاتك يا محاورات ... لكن اللي طمنني إن كل الطيارة إرتاحت معايا فقلت مش معقول كلهم محاورات خصوصاً غن معانا اجانب

وطبعاً البيه الحكمدار ماقالناش إحنا بنرتاح ليه ؟ ومين اللي قالوا إن إحنا تعبانين من وعثاء السفر وكآبة المنظر ؟

هووووووووووب ربع ساعة ووصلت طيارة مصر للطيران من نيويورك وأرتاحوا معانا برضوا وكان في أمريكان قاعدين جنبي وسمعت تعليقاتهم وضحكهم على تخلف بلاد الواق الواق

فين وفين وبعد أن طال الوقت على الرُكاب واللي جري كلامهم في سؤال وجواب وبعد شويه أصبحوا أحباب ... عرفنا إن السيستم داون وإن العملية شغاله بالمنافلة يعني يدوي ..

وكل خمس دقايق يخرج علينا البية المقدم المحترم ماسك أربع خمس جوازات في إديه وينده علينا بطريقة إعلان نتيجة الثانوية العامة والكل ملموم حواليه واللي في الأخر مش سامع اللي في الأول .. وطبعاً طريقة نطقه لأسامي الأمريكان كانت تهلك من الضحك وممكن واحد جنبه واقف ومش سامع إسمه لإنه مش إسمه اللي بيتنده ده ..

لحد كده انا مش شايف مشكلة لو كان حصل الأتي :

1- إعتذار لطيف من البيه الظابط اللي طوال سنوات غربتي في الخارج مش هاغير فكرتي عنهم .. فضباط الجوازات والمنافذ المصرية يعطوك إنطباع إنهم كانوا نايمين في سابع نومه وبعدين دلقوا عليهم ميه وصحوهم عشان يتعاملوا مع الرحلة اللي وصلت .. فتخيل بقى هايعاملك إزاي ؟

2- حشد جميع العاملين في المطار لإنهاء إجراءات الوصول يدوياً بدل تركها لموظف أو إتنين وبالتالي لطع مئات الركاب بهذه الطريقة الغير أدمية ..

وكفاية كده عشان نفسي غمت عليه .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

الحمد لله ان ربنا رحمنا وبطلنا نسافر على مصر للطيران

من بعد ما بدأ طيران الجزيرة ربنا يخليهونا

bn-010.gif

أهوى الحياة كريمة لاقيد .. لا استهزاء .. لااستخفاف بالانسان ..

فإذا سقطت ... سقطت أحمل عزتي يجرى دم الأحرار في شرياني

رابط هذا التعليق
شارك

الحمد لله ان ربنا رحمنا وبطلنا نسافر على مصر للطيران

من بعد ما بدأ طيران الجزيرة ربنا يخليهونا

طيران الجزيرة ده حكاية تصوروا يا حضرات في فترة العرض تقدر تحجز تذكرة الكويت الإسكندرية الكويت ب 660 جنيه مصري لا غير يعني أقل من الأوتوبيس والحجز اليكتروني مفيش تذاكر بس تطبع حجزك من الكمبيوتر وتروح على المطار والعيوب بسيطة مفيش أكل على الطائرة والشنط 20 كيلو لكل مسافر و7 كيلو في الطائرة وطبعا كل ده يهون قدام السعر الخطير.

مفيش حياة إلا عند غيرك تعيش في خيره ويعيش في خيرك

"فؤاد حداد"

رابط هذا التعليق
شارك

يابوحميد انا حجزت على الجزير على آخر السنة بما يوازى 800 جنيه ذهاب وعوده

وحجزت لأسرتين مكونين من 11 فرد يعنى 11 تذكر ه تعرفوا بكام ...

بـ 8600 جنيه وصدقوني ذهاب وعوده

ولا عزاء لمصر للطيران

bn-010.gif

أهوى الحياة كريمة لاقيد .. لا استهزاء .. لااستخفاف بالانسان ..

فإذا سقطت ... سقطت أحمل عزتي يجرى دم الأحرار في شرياني

رابط هذا التعليق
شارك

اليوم سمعت أن طيران الكويتيه رفعت قضيه على طيران الجزيره لمخالفتها شروط طيران عالميه أنا مش عارفها بصراحه و أن الجزيره ستنقل مقرها إلى دبى يعنى اللى عاوز يسافر عليها يروح دبى الأول حتى حتلاقى على موقع الجزيره الإعلانات بالدرهم الإماراتى ... و العهده على الراوى

تم تعديل بواسطة drhouba

دى لا باظت و لا خربت ..... و لا جابت جاز لا مؤاخذه

دى عيشه ظريفه جدا

و لا فيه دماغ ضربت ..... و لا حد بيشتكى لحظه

ماشيه و الأشيه معدن

http://www.youtube.com/profile_videos?user=drhouba&p=r

http://www.arabtube.tv/users/drhouba68

رابط هذا التعليق
شارك

ربنا يستر و لا اعتقد ان الجزيرة يمكن ان تتنقل من الكويت بس فعلا همة وسعوا من شغلهم فى دبى و بقى مقر تشغيلى ثانى للشركة فى دبى و دة يدل على اتجاة توسعى لشركة الجزيرة فى المنطقة

و لابد ان مصر للطيران ان تطور من نفسها بسرعة و تلحق لان السجاد بيتسحب من تحت رجليها وزى ما احنا عارفين ان الموضوع كلة يعتمد على السعر الاقل و بدل ما الواحد حينزل مرة فى السنة حينزل مرتين و تلاتة زى ما انتم شايفين

canada.gif

رابط هذا التعليق
شارك

ربنا يستر :closedeyes:

جبت معلوماتك دي منين يادكتور عبدالوهاب

bn-010.gif

أهوى الحياة كريمة لاقيد .. لا استهزاء .. لااستخفاف بالانسان ..

فإذا سقطت ... سقطت أحمل عزتي يجرى دم الأحرار في شرياني

رابط هذا التعليق
شارك

  • بعد 1 شهر...

مفيش فايدة فى البلد دة خلاصصصصصصصصصصصصصصصصصصصصصصصصصصصصصصصصصصصصصصصصصصص

الواحد تعب وزهئ من كل حاجة لا نظام وامن ولا سيستم الناس كلها بتتطور واحنا بنرجع ورا وهنفضل طول عمرنا كدة

وسعد قالها فى كلمته المشهورة

مفيش فايدة

رابط هذا التعليق
شارك

حاجة غريبة يامصريين بتبص على اللي سعره اقل ومش مهم عندك اي حاجة تانية

ممكن عشان احنا اتعودنا على الرخيص مش عيب نوفر شوية فلوس

ولكن مش اتكلمتوا عن الفرق بين مصر الطيران وباقي شركات الطيران الاخري بلاش نتكلم عن شركات الاروبية

ولا الامريكية (الدول المتقدمة)

نتكلم شركات العربية اللى جبينا بص ياسيدي

شوف شركة الطيران القطرية مثلا عملة ازاي حاجة تفرح تركب فيها

ولا امارتية حاجة تشرف

ولا سعودية

احنا فين من دول

خد دي كمان شوف مطار القاهرة ومطارات العربية اخري

لية موقف حصل مع مطار القاهرة (الدولى) كنت مسافر الى الخليج ومستجعل المهم روحت مع والداي نوقف سيارة في موقف السيارات امام باب سفر اعرف ان فى مصعد عند موقف تطلع بيه عند باب اكتشفت ساعتها انه معطل ومفيش حل تاني غير انى اشيل كل شنط واطلع بيها مايقرب بين 20 الى 30 سلمة كدة عملتها مرتين لغاية روحى طلعت وندمت حظي على السفر من اساسه (لاتعليق)

لا يكفي ان تكون في النور لكي ترى......... بل ينبغي ان يكون في النور ما تراة

رابط هذا التعليق
شارك

طيران الجزيرة عند بداية افتتاح خط دبي اعلنت عن اسعار مخفضه حجزت تذكرة دبي الكويت اسكندرية ذهاب وعوده ب 520 درهم يعني حوالي 800 جنية وطبعا لا الاعلان ولا التذكرة عليها اي تفاصيل وحجزت السفر 15 مارس والعودة 31 مارس

المهم بالسؤال والبحث والتحري عرفت ان الوزن 20 كيلو فقط و7 كيلو هندباج قلت كما قال الاخرون مع السعر كله يهون (طيران الامارات من دبي للاسكندرية مباشرة ب 950 درهم) طبعا الرحلة فيه 3 ساعات ترانزيت في مطار الكويت وبدون اي ضيافه في الطائرة

عند السفر دفعت 500 درهم وزن زيادة {لان الساده بيحاسبو الكيلو ب 40درهم} اشركات الاخرى تتراوح بين 20 و30 درهم كحد اقصى

في العوده تاخرت الطائرة حوالي 40 دقيقة وايضا اخذو مني وزن زيادة {اول مرة تحدث خلال 20 سنة سفر كل سنه 3 مرات في المتوسط}

اخدو 150 جنية وزن وعلى راي احد الركاب الذي قال " ما دفعناه عند الحجز كان مقد حجز فقط "

كله ممكن يهون لكن الكارثه فيما حدث داخل الطائرة اقسم بالله انها اسؤ رحلة سافرت فيها من حيث ضعط الطائرة من الداخل فكل الراكب اشتكو من اذانهم وكل الاطفال لم يتوقفوا عن البكاء والصراخ بسبب ضغط الطائرة اضافه الى العذاب في الهبوط مرتين في الكويت ودبي

حمدت الله على الخروج من هذه التجربة المؤلمه بسلام ولعنت ابو خاش الجزيرة واصحابها فلتوحيا مصر للطيران بكل عيوبها البسيطه مقابل عذاب طيران الجزيرة

Yasso.gif

رابط هذا التعليق
شارك

مفيش فايدة فى البلد دة خلاصصصصصصصصصصصصصصصصصصصصصصصصصصصصصصصصصصصصصصصصصصص

الواحد تعب وزهئ من كل حاجة لا نظام وامن ولا سيستم الناس كلها بتتطور واحنا بنرجع ورا وهنفضل طول عمرنا كدة

وسعد قالها فى كلمته المشهورة

مفيش فايدة

#$5#$^&&**(( :rolleyes: mfb:

أستغفر الله

يا سيدي هو انت عملت اية علشان تستغفر

لما يظبطوا المرور و لا عربات السرفيس يبقوا ينظموا موضوع مصر للطيرن الي بتقول عليه الكتروني ال

backqp2.jpg

الحفاظ على قفاك مسئوليتك الشخصية

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 2
      أكررها و لو سنسافر على مصر للطيران ، إقرأوا تاريخها
    • 9
      ده الخبر : كابتن طيار .. من منا لم يحلم بان تكون هذه مهنة مستقبله .. صورة الطيار كان يصاحبها دائمآ اطار كامل من اشياء ايجابية كثيرة سواء رغد العيش و المستوي الأجتماعي العالي و برستيج .. الخ الخ .. لذا كان خبر تلك الإستقالة بالأضافة انها جماعية و لعدد لا بأس به من طيارين ما اثار دهشتي .. قبل ان اطرح الموضوع للنقاش حول ملابساته .. و بما ان سبب الأستقالة في النهاية مادي بحت .. هل هناك منا من هو علي دراية بالمرتب المتوسط لطياري شركة مصر للطيران .. فعلي هذا الأساس نستطيع ان نتفهم طلباتهم ا
    • 4
      لماذا تخسر شركة مصر للطيران 3 مليار جنيه سنويا بعد الثورة؟ هل اللصوص الجدد أكثر شراهة من اللصوص القدامى؟ هل الفاسدون الجدد متعجلون للنهب عمان سبقوهم من الفاسدون؟ أم أنها الإدارة السيئة هي التي جلبت لنا الخسائر التي يدفعها الشعب من دمه نتيجة سوء الاختيار وتصفية الحسابات؟ هل زادت أسعار البترول على مصر للطيران فقط؟ أم أنها زيادة عالمية تسري على جميع شركات الطيران العالمية؟ أم ترى أن أحمد شفيق كان يستخدم بنزين 80 المدعوم وبعد الثورة ومع ترك شفيق للوزارة تم منع بنزين 80 واضطرت الادارة الجديدة إل
    • 3
      السلام عليكم ما هو الوزن المسموح به حاليا على مصر للطيران من القاهرة للرياض مع العلم ان التذكرة تنص على قطعتين فهل الوزن الكلي 23 ام 46 كيلو؟؟ وجزاكم الله خيرا
    • 1
      هلا يا جماعة دلوقتى انا الحمد لله لقيت تاشيرة حرة بمسمى عامل معمارى .... الكفيل عملى تفويض الكترونى باسم المكتب ... السؤال بقا ازاى اتاكد من التفويض دة ؟؟؟؟
×
×
  • أضف...