وقف التأشيرات الفردية للسائحين القادمين لمصر بين الرفض والتأييد

[التونسى]

إسترعى انتباهى هذا الخبر

قررت وزارة الخارجية بوقف منح التأشيرات «الفردية» للسائحين القادمين لمصر فى جميع المطارات والموانئ المصرية اعتبارا من منتصف مايو القادم وضرورة الحصول على تأشيرات مسبقة من السفارات المصرية.

فى رأيكم هل هذا قرار خاطئ ؟ .. أم أنه قرار قد تأخر كثيرا؟ .. وماهى ايجابياته وسلبياته.. وتأثيره على الامن القومى من جهه .. وعلى تدفق حركة السياحه من جهة اخرى ؟

[Scorpion]

اعتقد ان القرار ما يصبش في صالح السياحة ابدآ ...

السفارات المصرية و خصوصآ في اوربا ما بتغطيش كل المدن الرئيسية .. يعني انا هنا مثلآ بيني و بين اقرب سفارة ساعة بالطيارة ... و عندي فيه كتير اوي انديفيديوال بيحبوا يقضوا اجازتهم في البحر الأحمر ... فما افتكرش بعد قرار مماثل حياخدوا طيارة رايح جاي علشان ياخدو الفيزة و بعدين ياخدوا طيارة تانية يروحوا بيها مصر ..

انا بتكلم عن جزء كبير فعلآ في ايطاليا كمثال مافيش جنبه سفارة .. و قيس علي ده بقية الدول ...

ممكن يخلوا القرار ده مقتصر علي جنسيات معينة ممكن يكون فيه قلق من ناحية رعايا بلدها ...

[التونسى]

كلام حضرتك منطقى فعلا فيما يخص السياحه .. وممكن يتم حل مشكلة بُعد السفارات ان الفيزا تبقى عبر النت .. لكن تبقى نقطة الامن القومى مهمه جدا لان مينفعش فعلا ان كل من هب ودب يدخل البلد كده بسهوله بدون معرفة أسباب دخوله .. هل للسياحه ام التسكع ام للعمل الغير مشروع ام لاغراض تضر بالبلد ؟.. وكمان شايف فى الموضوع ده مزيد من ((الكرامه)) للبلد .. تخيل انى بالباسبور البريطانى ممكن اروح كندا واميركا ((كسياحه)) وأحصل على التأشيره عبر النت بسهوله أكتر من حصولى على تاشيرة الهند مثلا .. وده حدث بالفعل .. كنت من حوالى خمس سنين بفكر انى اروح الهند للسياحه والدراسه فى نفس الوقت .. وكنت فاكر انى كبريطانى مش محتاج حتى فيزا فى مطارات الهند .. لكنى فوجئت ان الامر معقد وممكن ياخد اسابيع او حتى شهور عشان احصل على فيزا دخول الهند (كبريطانى) !!

أنا معاك فى ان القرار يكون مقتصر على جنسيات معينه .. ومش شايف فيها تمييز .. لان دول العالم كلها بتعمل كده .. أى بتسمح لبعض الدول بدخول اراضيها بدون اى تاشيرات اصلا .. وبتشدد الاجراءات على دول اخرى على حسب ((المصلحه))

تم تعديل 25 مارس 2015 بواسطة التونسى

[Scorpion]

تمام كده .. لو اتحلت عن طريق النت .. و اتعملت بشكل صح مافيهوش بيروقراطية .. يبقي قرار صح الصح ..