عيد القيامة وعيد شم النسيم .. كل سنة وانتم طيبين

[أبو محمد]

أنا باعيـِّد عليكم بدرى عشان حاخد أجازة

ومش عارف حيكون فيه انترنت متاحة ولا لأ

كل سنة وأصدقائى المسيحيين طيبين بمناسبة عيد القيامة

أعاده الله عليكم بالخير والسعادة

وكل سنة وجميع المصريين طيبين بمناسبة شم النسيم

وكل سنة نحتفل بيه فى جو أحسن من السنة اللى قبلها

[عبير يونس]

كل سنة و كل اخواتنا المسيحيين بخير

و عيد قيامة مجيد

[أيمن عبد العزيز]

كل سنة و أشقائنا المسيحيين بخير و عيد قيامة مجيد

و نتمنى أن تعيش مصر بمسيحييها و مسلميها في سلام دائم و خير وفير بإذن الله

[عادل أبوزيد]

كل سنة و إحنا طيبين. و احنا كلنا طيبين

و بالتفصيل إهنئ الاقباط او المصريين المسيحيين بعيد القيامة المجيد أعاده الله عليهم باليمن و البركات....

و اهنئ نفسي و كل المصريين في مشارق الأرض و مغاربها بعيد شم النسيم. و أوصيكم بالفسيخ و البصل و البيض الملون و الخس و الملانة نريدها معركة يتحدث عنها الركبان ... نريد وكالات الأنباء العالمية أن تتحدث عن شم النسيم كما يمارسه المصريون

[باهى الطائر الحزين]

كل سنه واحنا / وحده زى ما احنا

شراكاء الوطن

عيد قيامه مجيد ...

تم تعديل 18 أبريل 2014 بواسطة باهى الطائر الحزين

[Alshiekh]

كل عام ومصر بخير

كل عام وإخوتنا المسحيين بخير

أعاد الله علينا هذه الذكرى وقد ساد الحب والأمن والأمان والرخاء ربوع مصر وبيوتها

http://www.youtube.com/watch?v=7OvuTnI_S2I

[Salwa]

كل عام وكل مصر بخير .

عيد قيامة مجيد لكل الأخوة المسيحيين .

وعيد شم نسيم سعيد لكل المصريين.

ويارب يحفظ بلدنا ونعيش كلنا فى أمان وسلام ومحبة .

[Scorpion]

و انتم طيبين ..

و احنا كلنا بخير و صحة و سعادة و راحة بال ...

يا رب

[بيبو كندا]

الله يحفظكم جميعا و يديم هذه المحبه يا رب

[عطر الجنة]

كل عيد و مصر و شعبها بكل خير

كل عام و نحن على درب الحياة سائرون

نرجو من الله توفيقا

و تقدما و حرية

http://www.youtube.com/watch?v=v8Xpe2nzBzM

[عطر الجنة]

HAPPY EASTER MY FRIENDS

[إيزيس]

كل سنة و احنا طيبين مسيحيين و مسلمين و ربنا يجعله عيد سعيد يارب

[أبو محمد]

(1)

يا قاعدين

وانا قاعد فى ملاذى جاءنى إبنى وزوجته وحفيدتى

قضينا يوما ممتعا على شاطئ البحر

يعنى على حافة اليابسة .. بنشم أول قطفة من النسيم

وورانا التسعين مليون بيتنفسوا الهوا بعد ما ناخد نصيبنا

والبنوتة بتلعب وتتنطط وقعت وسنتها دخلت فى شفتها

دم كتير .. انزعاج وصراخ الأم .. والبنت مفزوعة من منظر الدم

ما بيعملوش حاجة غير الانزعاج والارتباك

مسكت شفتها بمنديل لوقف النزيف

قلتلهم بسيطة .. والشفة نسيجها من أسرع الأنسجة التئاما

صمموا ياخدوها وينزلوا البلد على أقرب قسم طوارئ فى أقرب مستشفى

هم أخدوها وانا أخدت مودم موبينيل اللى مع ابوها

:)

فاجأتنى أم محمد بمثل شعبى قديم مش عارف جابته منين

"قلت للنحس انا طالعة اتفسح .. قاللى وراكى وراكى هو انا مكسح"

أنا سمعت المثل من هنا وما اقدرتش امسك نفسى من الضحك لمدة لاتقل عن 5 دقائق

المهم وصلوا والدكتور قال لهم لا داعى لأى غرز وأعطاها مضاد حيوى

(2)

مبروك يا عمو حررنا النادى

دى كانت SMS من أحد شباب المهندسين فى عائلتى

قام المهندسون اليوم بنزع السلك الشائك الذى وضعه نادى قضاة مجلس الدولة

لمنع المهندسين من دخول بحيرة ناديهم

بناء على مؤامرة إخوانية لنزع الأرض

وتخصيصها للصيادلة وقضاة مجلس الدولة وأعضاء هيئة تدريس الجامعة

اليوم قام شباب المهندسين بتحرير الأرض ونزع السلك الشائك

وتم فتح الشاطئ للمهندسين وعائلاتهم لقضاء شم النسيم ككل عام

ما أخذ بالقوة لا يسترد بغير القوة

وكل سنة وانتم طيبين

[Alshiekh]

(1)

يا قاعدين

وانا قاعد فى ملاذى جاءنى إبنى وزوجته وحفيدتى

قضينا يوما ممتعا على شاطئ البحر

يعنى على حافة اليابسة .. بنشم أول قطفة من النسيم

وورانا التسعين مليون بيتنفسوا الهوا بعد ما ناخد نصيبنا

والبنوتة بتلعب وتتنطط وقعت وسنتها دخلت فى شفتها

دم كتير .. انزعاج وصراخ الأم .. والبنت مفزوعة من منظر الدم

ما بيعملوش حاجة غير الانزعاج والارتباك

مسكت شفتها بمنديل لوقف النزيف

قلتلهم بسيطة .. والشفة نسيجها من أسرع الأنسجة التئاما

صمموا ياخدوها وينزلوا البلد على أقرب قسم طوارئ فى أقرب مستشفى

هم أخدوها وانا أخدت مودم موبينيل اللى مع ابوها

:)

فاجأتنى أم محمد بمثل شعبى قديم مش عارف جابته منين

"قلت للنحس انا طالعة اتفسح .. قاللى وراكى وراكى هو انا مكسح"

أنا سمعت المثل من هنا وما اقدرتش امسك نفسى من الضحك لمدة لاتقل عن 5 دقائق

المهم وصلوا والدكتور قال لهم لا داعى لأى غرز وأعطاها مضاد حيوى

(2)

مبروك يا عمو حررنا النادى

دى كانت SMS من أحد شباب المهندسين فى عائلتى

قام المهندسون اليوم بنزع السلك الشائك الذى وضعه نادى قضاة مجلس الدولة

لمنع المهندسين من دخول بحيرة ناديهم

بناء على مؤامرة إخوانية لنزع الأرض

وتخصيصها للصيادلة وقضاة مجلس الدولة وأعضاء هيئة تدريس الجامعة

اليوم قام شباب المهندسين بتحرير الأرض ونزع السلك الشائك

وتم فتح الشاطئ للمهندسين وعائلاتهم لقضاء شم النسيم ككل عام

ما أخذ بالقوة لا يسترد بغير القوة

وكل سنة وانتم طيبين

حلو قوي المثل ده

بس أول مرة أسمعه

العيال مش بيتربوا بالساهل

واسترجاع النقابة لأصحابها مش بيتم بالساهل أيضا

مبروك رفع الأسلاك الشائكة وعودة مياه البحر تحت أقدامكم