اذهب إلى المحتوى
محاورات المصريين

الى أصحاب الذوق الرفيع .. برفان رجالى نضيف


ابو صلاح

Recommended Posts

Wagdi كتب:

ونصيحة مني يا أبوصلاح مادام الأخت فولانة والأخت جيجي ضربتهم الشهامة وقالوا انهم حيهادوك بإزازة...فأطلب إزازة زيت ورد طائفي...يعني...هيا الإزازة الصغيييرة حوالي 12 ملي يعني قد قطارة العنين كدة ممكن تمنها يوصل 4000 جنيه مستريح

انت كده حاتخلى فلانة وجيجى يعتزلوا الكتابة فى المنتدى ، وحايبطلوا عرق الشهامة اللى حايغرمهم ييجى 10000 جنيه والا دولار مش عارف.

وبعدين الراجل لسه مبتدئ ، يعنى ممكن اى شوية ريحة من اللى بيتباعوا قدام الجوامع تمشى معاه ، مش حاياخد باله ، مشى حالك ياوجدى..

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A

***************

رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط
القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك

أخونا وجدي ... مش ممكن.

ما شاء الله عليك ... بجد علامة :rolleyes:

أنا حاسس إن الموضوع ده هينافس موضوع بودا في المطبخ ...

كل لحظة إبطاء في نيل المعتدين جزاءهم ... خطوة نحو كفر المجتمع بالعدالة، ودرجة على سلم إيمانه بشريعة الغاب

رابط هذا التعليق
شارك

ونصيحة مني يا أبوصلاح مادام الأخت فولانة والأخت جيجي ضربتهم الشهامة وقالوا انهم حيهادوك بإزازة...فأطلب إزازة زيت ورد طائفي...

اييييييييييييييييييييييه :blush:

أنا مقلتش حاجه فلانة اللي قالت كده ...

تعالي يا فلانة شوفي الورطة اللي وقعنا فيها ..

بس طالما الحكاية ..حكاية ورد طائفي .. ولا يهمك ..

انا هأوصل للطائف كلها 700 كلم .. واروح الم ورد من الجبال .. واعصرهم بالخلاط ..

واعبيها في ازايز واديها لابوصلاح عشان المحل اللي هيفتحه :blink:

جيجي ...

سعودية الجنسية ... مصرية الهوى ...

رابط هذا التعليق
شارك

السلام عليكم ورحمة الله ..........

شهامة ايه يعنى :blink: ...يعنى ايه شهامة دى :blush: ...ولا أعرفها ولا عمرى قابلتها ولا شفتها ولاقلت لها صباح الخير ...حتى فتشينى ..

وكمان ضربتنى؟؟؟؟.....انا مافيش شهامة تقدر تضربنى ...انا حاروح اعمل لها محضر تعدى واطالب بتعويض كبيررر بس اخد راى استاذنا الافوكاتو اطلب كام يعنى ....قال شهامة قال ...اما والله العظيم ياما فى المنتدى مظاليم....

انا كل اللى قلته - والكلام ده مثبوت فى محاضر المنتدى الرسمية اننا حنلم من بعطشينا قرشين ونبعت لابو صلاح صورة البرفان على الايميل بتاعه ...قوام بقى تدخل ست شهامة فى الموضوع وتعمل لنا حكاية ؟هو المنتدى ناقص ولعة اكتر من اللى هو فيها اليومين دول ...ربنا يصلح الحال ونرجع زى ماكنا ..قولوا امين ..

ابو صلاح..اوعى تزعل ..استنى بس اما الم القرشين وبعدين نتفاهم ...

مصرية الهوى ..ونعم الاخلاق القويمة ونعم السجايا الكريمة (وش حنفى )..ابقى افتكرينى .....

وجدى ..انا سعيدة جدا والله بالموضوع القيم بتاعك ..اضاف لنا الكثير فعلا..ربنا يكرمك .......

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

  • بعد 2 أسابيع...

بأمانة شديدة الموضوع ده من أفضل المواضيع الخفيفة التي قرأتها في الفترة الأخيرة لما فيه من معلوم... وبجد شكراً لكل من أضاف معلومة عن عالم العطور ...

وشكر خاص مُحمل برائحة المسك والعنبر - يوم الجمعة بس وإنت رايح تصلي - لوجدي الحكيم ملك العطور وتاجر الريحة الحلوه والراجل اللي مريحنا ...

----- سيبوكوا من أبو صلاح ... ده زبون مناكف وأخره قزازة ريحة الخنفري من الناس اللي بيعبوها تحت بير السلم في البتاعة دي اللي شبه عصارة البرتقان ....

أبو صلاح ... أنا بأهزر معاك ...

P

-------

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

ب

----- سيبوكوا من أبو صلاح ... ده زبون مناكف وأخره قزازة ريحة الخنفري من الناس اللي بيعبوها تحت بير السلم في البتاعة دي اللي شبه عصارة البرتقان ....

أبو صلاح ... أنا بأهزر معاك ...

P

-------

هو صحيح فين ابو صلاح....بقاله فترة كبيرة مختفي... عل المانع يكون خير إن شاء الله...

فكأننا والماء من حولنا... قوم جلوس وحولهم ماء...

رابط هذا التعليق
شارك

بصوا .. أحسن حاجة عندي

Aqua Di Gio

Boss In Motion

Armani Black Code

Gucci Envy

الحاجات القديمة مشكلتها انها جامدة جدا .. تحس انك داخل خناقة مش عطر :excl:

اذكر أن الامام الشافعي قال .. لو أنفق المرأ نصف ماله على العطر ( أو الطيب ) ما عد ذلك اسرافا .. شكرا على المواضيع ذات الورائح العطرة . :excl:

ذو العقل يشقى في النعيم بعقله.. واخو الجهالة في الشقاوة ينعم

هذه مدونتي:

Fathy

رابط هذا التعليق
شارك

هو صحيح فين ابو صلاح....بقاله فترة كبيرة مختفي... عل المانع يكون خير إن شاء الله

الله يسامحك يا وجدي ... عرفت الراجل طريق المشي البطال ..

بيوقلك من ساعة ما سمع الوصفات بتاعتك دي .. نزل الموسكي إشترى له قد 5 قزازيز أسانس شاديه .. ونازل شُرب فيهم ليل نهار وما بيفوقش . وإنت عارف الأسانسات دي بيبقى فيها نسبة عالية من منقوع البراطيش الذي يُذهب العقل ... ربنا يتوب عليه بقى ... لإن الشاب من دول طالما عرف طريق القزازة - قزازة البرفان - فصحته بتدهول وبيبقى حالته حالة .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

هو صحيح فين ابو صلاح....بقاله فترة كبيرة مختفي... عل المانع يكون خير إن شاء الله

الله يسامحك يا وجدي ... عرفت الراجل طريق المشي البطال ..

بيوقلك من ساعة ما سمع الوصفات بتاعتك دي .. نزل الموسكي إشترى له قد 5 قزازيز أسانس شاديه .. ونازل شُرب فيهم ليل نهار وما بيفوقش . وإنت عارف الأسانسات دي بيبقى فيها نسبة عالية من منقوع البراطيش الذي يُذهب العقل ... ربنا يتوب عليه بقى ... لإن الشاب من دول طالما عرف طريق القزازة - قزازة البرفان - فصحته بتدهول وبيبقى حالته حالة .

biggrin.giflol.giflaugh.gif

44489_10151097856561205_1288880534_n.jpg

رابط هذا التعليق
شارك

هو صحيح فين ابو صلاح....بقاله فترة كبيرة مختفي... عل المانع يكون خير إن شاء الله

الله يسامحك يا وجدي ... عرفت الراجل طريق المشي البطال ..

بيوقلك من ساعة ما سمع الوصفات بتاعتك دي .. نزل الموسكي إشترى له قد 5 قزازيز أسانس شاديه .. ونازل شُرب فيهم ليل نهار وما بيفوقش . وإنت عارف الأسانسات دي بيبقى فيها نسبة عالية من منقوع البراطيش الذي يُذهب العقل ... ربنا يتوب عليه بقى ... لإن الشاب من دول طالما عرف طريق القزازة - قزازة البرفان - فصحته بتدهول وبيبقى حالته حالة .

لا حول ولا قوة إلا بالله... ده أنا كان كل فكري إنه عاوز يتكلين للحلويات... طب حدش يعرف سكته...فيه مصحات كويسة للحاجات دي...وأهو نكسب فيه ثواب بدل ما ذنبه يبقه فرقبتنا.....وإن كنت أظن إن السبب الحقيقي لإختفاءه الغامض هو إن الأختين جيجي وفولانة تنصلوا من وعدهم له ... :wub:

فكأننا والماء من حولنا... قوم جلوس وحولهم ماء...

رابط هذا التعليق
شارك

نصيحة الى كل شاب وكل فتاء .. أبعدو عن سكة الأدمان .. لأن أخرتها وحشه .. زى ما انتو شايفين أهو .. انا كنت زى الفل ده حتى الكله ما بشمهاش .. دلوقتى بتنشأ على أى شراب معفن ... والأخر اطريت اسرق الشراب بتاع أخويا .. علاشان ابيعو لتجار الشرابات وبالفلوس أجيب أزازة برفان أشربها .. لكن البوليس قفشنى وأحنا بنفذ العملية ...

ونصيحة أخيرة .. أوعو تصاحبو سيد كخه أو على علوكه أو سى السيد وأوعو تسمعو كلام وجدى ... لأن دول هما اللى جرونى لسكة الرزيلة

تم تعديل بواسطة ابو صلاح

اللهم أتنى فى الدنيا حسنة وفى الأخرة حسنة ، وقنى عذاب النار

ma.salah ( محمود صلاح )

رابط هذا التعليق
شارك

السلام عليكم ورحمة الله.............

كفارة ياابو صلاح ...خرجت امتى امال؟؟.....حمدلله على السلامة المنتدى كان مضلم من غيرك ....معلش انشاء الله ربنا يتوب عليك من الصنف وتبقى زى الفل ... ..عرفت بقى احنا ليه مش بعتنا لك البرفان على الميل ؟...اهو علشان الادمان وبلاويه ...بس بكره تبقى صاغ سليم او بريزة على حسب صحتك بقى وانت وشطارتك واحنا لازم نساعدك ونينكزك ..لازم ننكزك لازم ....ولا ايه ياجماعة ..ده ابننا برضه مش غريب ....

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

للى عايز يشوفنى ... انا هاطلع يو السبت على القناة الأولى بعد النشرة فى البرنامج المفضل بتاعى ( خلف الأسوار ) :)

اللهم أتنى فى الدنيا حسنة وفى الأخرة حسنة ، وقنى عذاب النار

ma.salah ( محمود صلاح )

رابط هذا التعليق
شارك

ياابو صلاح

الحمد لله ان جن على كده وعرفت الناس اللي جروك لشم الشرابات ، بس انا لاحظت انك بخيل قوي وفي حاجة مش حتغرمك علشان... :)

غامل توقيعك ربنا آتني في الدنيا حسنة وفي الاخرة حسنة ، ياراجل اجمعنا معاك وبلاش الاناننية في الدعاء والا حاقول واغيظك وانا كمان والمسلمين وانت..... معانا باذن الله ;)

ربنا اتنا في الدنيا حسنة وفي الاخرة حسنة وقنا عذاب النار

رابط هذا التعليق
شارك

عايزك تقولى ايه الفرفق ما بين العطور ... يعنى الفرق ما بين المسك و العنبر والبرفان والأسبرى وماء التواليت وكل أنواع العطور ولو فى حاجة كمان مش هيخسر ...  وأيهما أفضل

شوف يابو صلاح....انت دلوقتي قلت تلات حاجات مختلفة...

"الأسبراى"

"البارفان وماء التواليت"

"المسك والعنبر"...

مبدئياً...

العطور بتتباع في أزايز..والأزايز إما بيبقى فيها بخاخ وإما لأة...وبعض الأنواع بتنزل بالاتنين وده حسب تركيزه (وحاقولك التركيزات كمان شوية)... ويستحسن عادة إنك تشتري ابو بخاخ (السبراي) لأن الزجاجة العادية بتحتاج طريقة حفظ معينة خاصة لو حتحفظ بيها لسنين طويلة علشان الكحول فيها ما يتطايرش وتبقى تقيلة أوي (عندي إزازة قلبت زيت تقريباً...)

والعطور بتباع على حسب تركيز الزيوت العطرية فيها (والي بيسموها الjuice ) بالمقارنة بنسبة الكحول والماء فيها...كلما ما تركيز الزيوت زاد كل ما الريحة بتفضل أكتر وكل ما تمنها بيزيد....التقسيمة بتبقى كالأتي:

البارفان (Parfum) وده اعلى تركيز بيتباع تجارياً وبيبقى حوالي من 20 إلى 40 في المية...

ماء البارفان (Eau de Parfum) وتركيزه بيبقى من 10 إلى 30 في المية...

ماء تواليت (Eau de Toilette) وتركيزه بيبقى من 5 إلى 15 في المية...

ماء كولون (Eau de Cologne) وتركيزه من 3 إلى 5 في المية...

After Shave.... وده بيبقى اقلهم تركيزاً وأقلهم سعراً ومابيقعدش اكتر من ساعتين تلاتة...

دول الرئيسيين...فيه برضو تصنيفات تانية بس نادرة جداً زي Parfum De Toilette وده بيبقى مابين البارفان وماء البارفان...

أما بقى بالنسبة للمسك والعود و(العطور الشرقية)زي ما الفاضلة جيجي قالت..فده بقي موضوع يتكتب فيه مجلدات...وأنا معلوماتي فيه تعتبر سطحية...

مبدئياً خلينا نتفق على شوية حاجات...

المسك والعود والعنبر المستخدمة في كل حاجة الأيام دي بتبقى مخلقة صناعياً مش طبيعية...والمسك الصناعي مثلاً موجود في كل حاجة تقريباً...من أدوات تجميل لعطور لشامبوهات ...حتى مكسبات الطعم إلى بتبقي في الأكل...

الحاجات دي غالييييييييييية أوي..فوق ما تتصور... والي بيتعاملوا فيها لازم بيبقوا بيفهموا فيها علشان مايتخموش... يعني بيبقوا زي الجواهرجية كدة... وبتتوارث علمها عائلات بعينها...والناس لما بتشتري مابتبقاش فاهمة أي حاجة في البطيخ وعادة بيكون إلى بيشتروه إما مضروب أو مش نقي تماماً...

اسعار الحاجات دي بتبقى بالجرام زي الدهب...وطبعاً الدهب أرخص لأن جرام الدهب 24 بميت جنيه جرام العود الهندي مثلاً ممكن يوصل مستريح لمتين أو تلتميت جنيه حسب عمره...

يعني من الأخر بلاش حد يقل عقله ويشتري حاجة مندي...ولو لابد ياخد معاه حد بيفهم...طبعاً أنا كل ده باتكلم عن الخامة الأصلية النقية مش الهجص إلى بيتباع في أزايز قدام الجوامع... :)

وطبعاً كل الحاجات دي وخاصة المسك والعنبر لهم خصائص علاجية كتييييير أوي غير إن ريحتهم حلوة ولو تفتح تذكرة داوود الأنطاكي تلاقيه كل شوية يقولك العنبر بيقوي مش عارف إيه المسك بيعالج أبصر إيه...وحتى اليوم في الطب الحديث خصائص المواد دي العلاجية معترف بيها...

طب نبدأ بالمسك ...ومادمنا جيبنا سيرة المسك يبقي نصلي على الحبيب عليه الصلاة والسلام والقائل "أطيب الطيب المسك"...

اصله من الغزال الجبلي إلى بيعيش في التبت وعلى جبال الهيمالايا...وأول من عرفه الصينيون من أربعة الاف سنة... ثم انتشر في الهند وبلاد فارس ومنه للعرب...وبيجي أصلاً من غدة صغيرة في أخر بطن الغزال الذكر البالغ وبتبقى كدة بروز مليان شعر عبارة عن كيس صغير قد اللمونة كدة مكون من طبقات من الجلد...

في أوائل الصيف بيبتدي الزيت يتكون ويتجمع في هذه الغدة...والموضوع ده بياخد شهور الصيف كلها تقريباً...ومع تجمعه بيتكلس و يكون حاجة كدة زي الحبيبات لونها بني محمر وريحتها نفاذة جداً...على دخول الخريف وبداية موسم التزاوج بيبتدي جسم الغزال يتخلص منه عن طريق البول... وبالريحة دي بيحدد مناطق سيطرته وبيجتذب الإناث... وساعات الكيس ده لما بيتملي أوي بيبتدي يضايق الغزال فيقعد يحكه على صخرة مثلاً...فينفتح الكيس مع الحك وينزل المسك على الصخرة... وكانوا لما بيلاقوا الصخور دي ريحتها حلوة أوي مايفهموش ليه ويعتبروها صخور "مقدسة" وكانت توضع في قصور ملوك الصين والمعابد...

ساعات بقى الغزال يفضل يصرف المسك في البول لحد الشتا....وطبعاً الشتا في الهيمالايا الأرض بتبقى متغطية بالجليد... فكانوا يلاقوا على الارض ما يبدوا إنه بول حيوان ولكن لونه احمر مش اصفر وريحته جميلة جداً... وطبعاً ابتدوا يدعبسوا لحد ما عرفوا الحكاية فابتدا صيد الغزلان علشان ياخدوا الغدة دي وابتدت تجارة المسك وابتدت الناس تعرفه وابتدا المشوار يا قلبي....

طبعاً لأن صيد الغزلان كان بيتم كده عمال على بطال الذكر مع الانثى البالغ مع الي مش بالغ ، غزال التبت أو الهيمالايا اصبح مهدد بالانقراض... ومع تطور الكيمياء والتوصل لتخليق رائحة المسك بوسائل صناعية تم "تحديد" صيد الغزلان وووضع شروط صارمة ليها...ده غير إنه إتمنع التداول به تجارياً في العالم كله إلا في فرنسا واليابان (والطبعاً البلاد الي مالهاش صاحب زينا)... علشان كدة بقة صعب جداً جداً إنك تلاقيه لأن الكميات الي بتنتج منه سنوياً محددة ومحدودة وبتبقى أغلبها محجوزة مقدماً لشركات معينة...

أما بقى المسك الموجود المخلق معملياً فده انواع كتيرة... أكتر من 300 نوع.. وبيختلف سعره تبعاً لنوعية تركيبه وطريقة تحضيره ونقائه ودرجة سميته...ومافيش تركيبة واحدة بعينها بتجيب نفس رائحة المسك الطبيعي... إنما مثلاً مركبين العطور بيقعدوا يخلطوا كذا نوع مع بعض علشان "يقربوا" علي قدر الامكان من الطبيعي...

والمسك الطبيعي للي شمه ماينفعش يتوصف...وتحس كده إن قلبك إنشرح وصدرك إنجلى...والي يتعود على شمه ممكن يتحول لشبه إدمان...وكان بيوصف لحالات الاكتئاب...بل استخدمه البعض كتعويض نفسي للعلاج من إدمان الكوكايين... والكتير منه ممكن يقلب البطن ويخليك ترجع...وحتى في القرون الوسطى كانوا بيقولوا إنه ممكن يسبب للستات الجنون أو حالات هيستيريا....ولذلك فالمسك نفسه ما بيتحطش كده بتركيزه ولكن لازم يتم تخفيفه او خلطه بزيوت اخرى...وده فن وعلم في حد ذاته...

على فكرة المسك بيبقى موجود برضه في فصائل معينة من الثيران والسلاحف ودي بتعيش هنا في كندا...وبرضه في أنواع من الثعالب والفئران الجبلية....بس هذا المسك يستخدم أكتر في الأغراض العلاجية واستخلاصه أصعب بكتير من الغزال ومش عملي...وفيه مسك نباتي برضه وبيجي من زهرة يسموهها المسك الأمريكي ودي اصلها في المكسيك والسلفادور....بس برضه مش زي مسك الغزال...

نخش عالعنبر...

العنبر بيجي من الحوت الأزرق... والأصل إن الحوت وهو ماشي كده في البحر يقوم فاتح بقه...يدخل فيه ما يدخل...طبعاً الحوت مابيقدرش يهضم حاجات كتير من العك إلى بلعه...يقوم يفرز في بطنه عصارة تحيط بالحاجات الغير مرغوب فيها وتعزلها... تيجي العصارة دي تنشف وتتحول لمادة راتنجية (حاجةكده زي الشمع) ويطردها جسمه في الماء... ييجي صحابنا الصيادين يلاقوا بلوكات كده لونها رمادي (ساعات بيوصل وزنها لأربعين وخمسين كيلو الحتة الواحدة) عايمة على وش المية... ياخدوها ويبيعوها ويكسبوا على قلبهم... بس تقول إيه بقى في ابن أدم...طماع... لما الطلب زاد وتحول لتجارة رابحة مابقاش الصيادين يستنوا يلاقوا العنبر على وش المية بل بقوا بيصطادوا الحوت مخصوص علشان يشقوا بطنه ويطلعوا العنبر... وكالعادة تحول الحوت الأزرق برضه لفصيلة مهددة بالانقراض... وتم منع وتجريم صيده... وأصبح كل المتاح من عنبر الحوت هو الي بيتفضل علينا بيه سعادته ويخرجه من جسمه ويا حظه يا هناه إلى يلاقيه...

والعنبر لو تشوفه تلاقي شكله كانه صخر...ولونه رمادي وبعروق بيضاء وسوداء...

وده برضه نادر جداً والجرام الخام منه تمنه يوصل لعشرين دولار... يعني لو مرة كنت في اليخت بتاعك بتتفسح في المحيط الهادي ولقيت حتة كدة عايمة وزنها 5 كيلو ممكن تبيعها بميت ألف دولار....وأهو تبقى جبت تمن البنزين والسجاير... ;)

والعنبر فيه منه حيواني الي هو عنبر الحوت...وفيه منه نباتي...

والنباتي ده بيجيي من أشجار معينة بتكون مواد صمغية وراتنجية على قشرتها الخارجية ( إلي هيا لما أتسابت 200 مليون سنة تحولت للكهرمان الي بنلاقيه دلوقت) وبيكون ريحتها قريبة للعنبر الحيواني بس طبعاً مع الفارق...

نيجي عالعود....

وزيت العود...أو بيسموه دهن العود (لأن لزوجته بتبقى عالية أوي) بيستخرج من خشب شجرة العود...وهي شجرة اصلها في الهند... وبتزرع كمان في كمبوديا وماليزيا... والعود بقى علشان تشتريه لازم تبقى فاهم اوي في "نكهاته" لو صح التعبير... فالموضوع كده عامل زي الجبنة... يعني إنت ممكن تنزل تشتري جبنة جوده مثلاً وخلاص...بس لو واحد كييف جبنة حيبقى عايزها مثلاً عمرها 10 سنين...وعلى فرض إن العمر مش مكتوب عليها فحيعتمد على حاسة التذوق عنده علشان يعرف الجبنة القديمة فعلاً من الجديدة.... وكذلك العود....كل ما عمر الشجرة بيزيد كل ما الريحة بتبقى أعمق وأجمل...ولأن ماحدش بيعد ورا الي بيبيع أو الي بيكتب على الزجاجة فيجب أن تعتمد على حاسة شمك وتذوقك لمدى عمق ونقاء العطر... وعلشان برضه أفهمك إنت ممكن تتخم لأي درجه ... سعر جرام العود الهندي القديم ممكن يوصل ل200 جنيه بينما جرام العود الماليزي مثلاً ممكن تلاقيه بجنيه ونص...ده قبل المفاصلة... :)

والعود مايتحطش كده على حيله... وأحسن حاجة تخلطها بيه هو زيت الجوجوبا...

طبعاً العطور الشرقية بالهبل بس هما دول المشهورين أوي....أه...وطبعاً فيه زيت الورد الطائفي...او بيسموه دهن الورد الطائفي...وده زيت بيستخرج من وردة بتنمو في مرتفعات مدينة الطائف.... ونصيحة مني يا أبوصلاح مادام الأخت فولانة والأخت جيجي ضربتهم الشهامة وقالوا انهم حيهادوك بإزازة...فأطلب إزازة زيت ورد طائفي...يعني...هيا الإزازة الصغيييرة حوالي 12 ملي يعني قد قطارة العنين كدة ممكن تمنها يوصل 4000 جنيه مستريح...تبيعها وتفتح محل العطور الي الأخ محمد نصحك بيه...والبلية تلعب...وتبقى تفتكرنا بمزيل عرق ولا حاجة... :D

أخويا وجدي

بجد أنا تنحت من كتر المعلومات

ربنا يزيدك ، بس برضه عايزني أصدق إن الأرض كرويةٌ تلف حول نفسها ؟؟ ياخي اننهههه

قال رسول الله صلى الله عليه وسلم : ( ما كان الرفق في شيء إلا زانه ، ولا نزع من شيء إلا شانه)

( صحيح الجامع 5654).

رابط هذا التعليق
شارك

بس برضه عايزني أصدق إن الأرض كرويةٌ تلف حول نفسها ؟؟ ياخي اننهههه

هيا كروية....بس مين قال إن هيا بتلف؟؟؟؟ :) :D

فكأننا والماء من حولنا... قوم جلوس وحولهم ماء...

رابط هذا التعليق
شارك

  • بعد 4 شهور...

للرفع

موضوع نضيف وريحته حلوه

-----

الإسبوع اللي فات هبينا أنا والأخ العقيد الرُكن " هاندي كرافت " على سوق الروايح الحلوه وقلنا ندلع نفسنا ونشتري كام حُق ريحة ..

وبصراحة كان في نوع قديم قدام الواحد في الرايحة والجايه وماخدش باله منه وطلع نوع عبقري وفي غاية النضافة وهو

cfn_AZZARO_M.JPG

بصراحة حاجة نضيفة وكلاسيكية قوي أنا شخصياً أنصح بشراؤه ..

فبعد صراع طويل مع البرفان بدأ منذ الصغر بــ

cfn_ONE_MAN_SHOW_M.JPG

طبعاً فاكرينه .. لإن الون مان شو عامل زي السجاير الفلوريدا .. يعني مافيش مُدخن مبتديء إلا وشرب فلوريدا ... كذلك النوع ده .. مافيش بارفانانجي مبتديء إلا ولازم يستخدمه ..

إترقيت شويه وربنا فتحها عليه في السبيعينات مع هوجة الإنفتاح - الله يرحم الزعيم المؤمن - وأستخدمت

cfn_TED_M.JPG

بس زمان ماكنتش مدورة كده

وأحيانا في نفس تلك الحقبة الزمنية كنت بأستخدم معاها دي

cfn_OPEN_M.JPG

كبرت وعقلت وقعدت فترة ما غيرتش النوع ده اللي كان عجبني قوي قوي

cfn_FACONNABLE_M.JPG

بس بعد فترة كده وبعد ما قريت الموضوع بتاع إبننا حشيش ده أنا عايز أتكالين واللي كان من الموضوعات النضيفة برضوا وضم أراء نُخبة من صفوت :ph34r: المجتمع .. قلت نغير

وأستخدمت ده لمدة سنة تقريباً

cfn_ARMANI_M.JPG

وبصراحة أخدت مقلب محترم فيه .. وندمت ..بالرغم من إن سعره غالي هنا .. إلا إنه ماعجبنيش وكنت هاقطع مناخيري .. عشان أشم له أي كرامه .. أبداً ..

رحت قالبه ومغير لـ

cfn_HUGO_M.JPG

نوع هادي وناعم قووووووي

لحد ما غيرت بقى للـ Azzaro وبإذن الله ناوي أستمر في مسيرة الكفاح بعد ما عجبني وعجب الآخرين أيضاً ..

ولكم تحياتي ،،،

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

جرب ده يا س س و ح تدعيلى :

10461888Echo_m-resized200.jpg

Davidoff Echo

edt.jpg

HUGO BOSS Baldessarini

و دى حريمي :

Herrera%20212.jpg

Carolina Herrera 212

و دى انا ضعيف جداً قدامها :ph34r:

W80978K.jpg

Kenzo Perfume by Kenzo

قديمة بس ما اتعملش زيها

الماتش متباع

رابط هذا التعليق
شارك

جرب ده يا س س و ح تدعيلى :

و دى حريمي :

Herrera%20212.jpg

Carolina Herrera 212

كده برضوا يا طفطف

إنت فاكرني تامر حُسني هاستعمل برفان حريمي ؟!!!!

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

جرب ده يا س س و ح تدعيلى :

و دى حريمي :

Herrera%20212.jpg

Carolina Herrera 212

كده برضوا يا طفطف

إنت فاكرني تامر حُسني هاستعمل برفان حريمي ؟!!!!

مش انت يا سيد :)

هو المدام ما لهاش نفس (وش واحد بيهدى النفوس)

الماتش متباع

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...