كله تمام يا أفندم ..

[Scorpion]

الجملة الخالدة التي  يتوارثها مسئولي كل المرافق في بلدنا منذ ناصر ..

عند السؤال .. ايه الأخبار ؟ .. فيه مشاكل ؟ .. الشغل ماشي كويس ؟ الأمن مستتب ؟  اي سؤال ممن يسبقه حتي و لو بدرجة بسيطة يكون رد المسئول بدون ذرة تردد

 

كله تمام يا أفندم ...  

 

و بكده المسئول الكبير يمشي و هو مرتاح الضمير  فمرؤسه أكد له ان كل شيء تمام ..

و الأمر ما فيهوش اي تمام و لا سلام ..

و الأمر مليان مصايب و فساد و مشاكل ..

 

لكن ازاي ؟؟!!  ازاي أكون عارف ان اللي تحت مسئوليتي عامل زي المنخل من كتر الخروم اللي فيه  حتي و لو ما كنتش شريك فيها لكن أكفي عالخبر ماجور و اعتبر ان اعترافي ان هناك مشاكل هو اقرار بعجزي و عدم استحقاقي لمنصبي و خوف من ان ده حيخلي شكلي زفت قدام الكبار بدل ما اعتبر ان الاقرار بأن فيه مشاكل و فساد هو اول الطريق الصحيح لحلها ..

 

ما نحن بصدده هو مثال لما يحدث في جميع مرافق البلد خليط من  الفساد المعشش .. انعدام الذمم و الضمير .. الفهلوة و النصب .. عدم المواجهة او الهروب من المواجهة .. و في النهاية لا عقاب و ... كله تمام يا أفندم ...

 

 

الخطوة الأولي : البلاغ او التحذير لما يحدث 

 

 

 

-  الو .. مصلحة الآثار ؟

- ايوه .. مين معايا

- انا  كبيركم يا ابني .. اديني عبد البصير 

- لحظة واحدة يا افندم

بعد لحظة بالمللي

- ايوه يا افندم .. صباح الخير معاليك 

- صباح الزفت ... ايه اللي بيقولوا عليه ده عالنت

- الله يخرب بيت النت و سنين النت و اللي بيتنتتوا و اللي جانا من ساعة ما الزفت ده اتبلينا بيه ... هو فيه يا افندم ؟

- فيه ان الهرم بقي بيتباع فرط يا افندي .. و كلها كام سنة و الناس حتروح تزور الأهرامات في الصين .. و الجيزة نحولها لأرض تدخل كوردون البنا

- كذب و عهد الله يا باشا .. معقول ده .. هو مين اللي يستجري يخدش حجراية في الهرم .. كله متراقب و تحت السيطرة

- يعني الأخبار دي اشتغالة يا عبد البصير .. و ما فيش مشاكل

- كله تمام يا أفندم .

 

- ريحتني .. الواحد مش ناقص .. عالعموم فتح عينيك كويس اليومين دول

- إتطمن معاليك .. كله تحت السيطرة

- طب ابقي طلعلي تكذيب للنتش اللي شغال ده ... سلام

- حيحصل يا افندم  ... مع السلامة يا باشا .. في رعاية الله 

 

الخميس، 04 فبراير 2016 - 12:10 م منطقة الأهرامات كتب أحمد منصور – سمر مرزبان نفى الدكتور الحسين عبد البصير، مدير منطقة آثار الهرم، ما تردد حول قيام بعض الأشخاص بتكسير أجزاء من الأهرامات بـ"شواكيش" وبيعها للسائحين بـ1000 دولار للقطعة. وأضاف "عبد البصير" أن هذا الكلام ليس له أساس من الصحة، حيث تنتشر قوات شرطة السياحة والآثار وأمن وزارة الآثار بكثافة فى المنطقة ويقومون بالمرور بشكل دورى على المواقع الأثرية وباستمرار، بالإضافة إلى أنه يتم تفتيش ذاتى لجميع الزوار إلى جانب وجود كاميرات تعمل على مدار 24 ساعة، كما يتم منع دخول أى معدات أو سكاكين أو شواكيش ولا وجود لأى تجاوزات. وكان قد انتشر بوست على موقع التواصل الاجتماعى "فيس بوك" يدعى أن هناك أشخاصا يصطادون الناس اللى داخله الهرم ويبيعوا حتت من الهرم بألف دولار الحتة وكمان بيكسرها بنفسه بشاكوش قدام السايح "إن وجد" عشان السايح يتأكد أنه ما بينصبش عليه". 

http://s.youm7.com/2569638

 

[Scorpion]

كله تمام يا أفندم ؟؟؟ 

قوات الشرطة و الأمن منتشرين بكثافة و بيمروا بشكل دوري علي المواقع الأثرية ؟؟

بيفتشوا الزوار تفتيش ذاتي ؟؟

 

طب ابقي قولهم انا كمان عايز حتة من الهرم ...  " جَبر يلم العفش" 

 

 

https://www.youtube.com/watch?v=Uz1n6RT5DTc&feature=youtu.be

[باهى الطائر الحزين]

حديث عاري من الصحه

يحيط جوانب الهرم الأربع عشرة افراد مابين اثريين وامن

كل الحكايه نصاب كان بيحاول يضحك علي سائح وتم

القبض عليه ، وكل كام شهر هتلاقي نفس البوست منشور

مصطفي بيحكي لها او ابن صاحبتها قال لها ...

[باهى الطائر الحزين]

رئيس قطاع الآثار المصرية يؤكد القبض علي ثلاثة اشخاص كانوا قد ظهروا في الفيديو المتداول لبيع قطع من أحجار الهرم

:

رئيس قطاع الآثار المصرية : قومنا بتحرير محضر ضد الموقع الالكتروني الذي قام بتصوير الواقعة لانه يحرض الناس علي الإتجار بحجارة الأهرامات .

[Scorpion]

حديث عاري من الصحه

يحيط جوانب الهرم الأربع عشرة افراد مابين اثريين وامن

كل الحكايه نصاب كان بيحاول يضحك علي سائح وتم

القبض عليه ، وكل كام شهر هتلاقي نفس البوست منشور

مصطفي بيحكي لها او ابن صاحبتها قال لها ...

هو مقطع الفيديو ده اتصور فين يا باهي  ؟ ما هو لزق في الهرم اهه ... و مافيش ريحة امن و لا حراسة و لا حد هوب جنبهم في اي لحظة و هما بيشيلوا و يحطوا و يدقدقوا ... 

و لما عبد البصير بيقول الزوار بيتفتشوا تفتيش ذاتي .. اكيد التفتيش و انت داخل .. مش و انت خارج .. علشان اللي عملت عبده زي ما قالها صاحبنا جوه شنطتها موجودة  حجارة من الهرم ..

و بعدين اللي يكشف المصيبة اللي تحصل هما اللي يتقبض عليهم و الا معدومي الضمير اللي بيعملوها ؟؟

يعني انا علشان اثبت حاجة عمالين يقولوا انها ما بتحصلش يتقبض عليا ؟؟؟

 

لأ .. غلط

[herohero]

هو مقطع الفيديو ده اتصور فين يا باهي  ؟ ما هو لزق في الهرم اهه ... و مافيش ريحة امن و لا حراسة و لا حد هوب جنبهم في اي لحظة و هما بيشيلوا و يحطوا و يدقدقوا ... 

و لما عبد البصير بيقول الزوار بيتفتشوا تفتيش ذاتي .. اكيد التفتيش و انت داخل .. مش و انت خارج .. علشان اللي عملت عبده زي ما قالها صاحبنا جوه شنطتها موجودة  حجارة من الهرم ..

و بعدين اللي يكشف المصيبة اللي تحصل هما اللي يتقبض عليهم و الا معدومي الضمير اللي بيعملوها ؟؟

يعني انا علشان اثبت حاجة عمالين يقولوا انها ما بتحصلش يتقبض عليا ؟؟؟

 

لأ .. غلط

ممم

انتوا بجد مستغربين وشايفين ان ازاي ده بيحصل ؟؟؟ طب ده الهرم قبل كده كان شاهد عيان ع فيلم اباحي اتصور هناك

 

ياجماعة خدوا الامور ببساطة وعادي يعني ،مش فاهم بجد اوقات بحس اننا مش مصريين ومانعرفش مصر بنسأل وبنتعجب من حاجات غريبة

 

قال مفيش تمثيل امني ف منطقة الهرم (  ) ده حاميها حراميها 

 

روقوا ياجماعة

[باهى الطائر الحزين]

معالي سكور باشا

حجر من الأرض مالوش تلاتين لزمه

وصناع الفيديو هدفهم الترويج لأفعال مماثله

والتصوير ماكنش صدفه ده له مؤلف ومعد ومخرج

زي افلام السنيما تمام ..

ثم حجارة الأهرامات اقيم منها الكثير من القصور

لمستعمرينا وحكامنا في غابر العصور ...

[Scorpion]

يا باهي يا عزيزي .. سيبك من انها حجارة او حتي رمل .. بالرغم من ان دي مصيبة لوحدها و ممكن نشوف فيها الف حالة فساد ابسطها سمعتنا كدولة محترمة و مكانة اثارنا اللي فيه اجانب بيشوفوا انهم بشوية فلوس ممكن يشتروا حتت منها كسوفينير من جمّال او من سواق كاريتة بحصان ..

خلينا في المسئولين اللي بيقولوا ان حرم الاهرامات متغطي و متأمن بالكامل سواء دوريات شرطة سواء أمن المنطقة .. بالأضافة الي كاميرات مراقبة في كل حتة   ...

فين بقي الكلام ده كله من اللي عملوه في الفيديو .. اللي ممكن يكون موضوعه مختلف و عن اي حاجة .. نعمل اي حاجة و نصورها و تتذاع و نخلص علي ان هي دي مصر يا عبلة او هي دي مصر يا عالم ... 

[Scorpion]

 

حجر من الأرض مالوش تلاتين لزمه

 

 

 أكد الدكتور الحسين عبد البصير، مدير عام منطقة آثار الهرم، أن فيديو بيع أحجار من الأهرامات، الذي تداولته مواقع التواصل الاجتماعي خلال الأيام الماضية، تم تصويره بجوار الهرم الثالث «خفرع»، مشيرا إلى أن الأحجار التي تم بيعها تعتبر أثرية، ولكنها ليست من جسم الهرم، وإنما أحجار مفككة من المصطبة الأولى للهرم، والتي تعامل معاملة الأثر.

وأضاف عبد البصير، في تصريحات خاصة لـ"فيتو"، أنه سيتم اتخاذ إجراءات صارمة مع أصحاب الخيول والجمال "الخراتية" بالمنطقة، ومن المتوقع تقنين أوضاعهم ومنع دخولهم تماما إلى داخل المنطقة الأثرية.

وأوضح أن "الخراتية" يرتكبون أخطاء وتجاوزات كثيرة داخل المنطقة الأثرية، ويجب التعامل مع هذا الملف الشائك بأقصى سرعة لعدم تشويه المنطقة الأثرية وحمايتها من أي تجاوزات.

 

 

ايه رأيك بجاااااااااااا ؟

[باهى الطائر الحزين]

ايه رأيك بجاااااااااااا ؟

 

الثلاثة سطور الأخيره

هي صلب الموضوع ...

[herohero]

بيع تمثال "سخم كا" الفرعوني في مزاد ببريطانيا جريمة أخلاقية

http://www.bbc.com/arabic/artandculture/2015/08/150825_egypt_uk_skhem_ka

 

وصف وزير الآثار المصري ممدوح الدماطي بيع متحف بريطاني لتمثال فرعوني قديم بأنه "جريمة أخلاقية ضد الإنسان والتراث المصري".

وكان مجلس بلدية نورثمبتون قد باع تمثال "سخم كا" لأحد المشترين الأجانب في يوليو / تموز 2014 ، لكن الحكومة البريطانية فرضت حظرا مؤقتا على خروج التمثال من البلاد.

وقال إنها أول عملية بيع معروفة لأثر مصري من جانب متحف، مضيفا أن مصر علقت تعاملاتها مع المتحف احتجاجا على بيع التمثال.

وأكد الدماطي ضرورة أن تشتري مصر التمثال على الرغم من إقراره بأن مصر لا تمتلك أي إثباتات بملكيته.

وكان الدماطي دعا المواطنين في مصر إلى جمع 15.76 مليون جنيه استرليني لشراء التمثال قبل انتهاء حظر خروجه من بريطانيا بحلول يوم الجمعة.

 

 

[herohero]

https://www.youtube.com/watch?v=BQmEhfOBRA8

[أبو محمد]

هذا مقطع من مسلسل الجماعة .. العضو الفاضل وضعه بدون تعليق (مخالفة)

استرجعته واستمعت إليه فهو من مسلسل عُرض فى رمضان فى 2010 قبل 25 يناير بحوالى 5 شهور

https://www.youtube.com/watch?v=BQmEhfOBRA8

يختتم المهندس العجوز حواره مع المذيعة الشابة (خطيبة وكيل النيابة) بهذا الحوار Conclusion
أرى فيه روعة وصدق الفنان "وحيد حامد" الذى هاجمه الكثير من أعضاء المحاورات (فى ذلك الوقت)

كما هاجموا المسلسل الذى كنت أراه من أفضل - إن لم يكن أفضل - المسلسلات فى رمضان من ذلك العام

وتقريبا كنت الوحيد الذى يغرد خارج السرب فى هذا الموضوع

 

هذا هو الحوار الذى اختتم به وحيد حامد المشهد بين المهندس العجوز والمذيعة الشابة

ولم يصدق أحد تلك الرؤية الصادقة لكاتب وفنان صادق .. ولكنى كنت أصدقها

 

- الأيام دى زى ما تكون الكآبة اتفرضت على المصريين بالقوة الجبرية

- وحضرتك شايف ان القوة الجبرية دى من برة مصر ولا من جوة مصر

- ماهو اللى برة بقى جوة يا بنتى

- ازاى ؟

- عدوك يحط لك فى بيتك فيران وهى تولد وتعيش براحتها .. بلدنا الايام دى مليانة فيران

ولما الفيران تكتر فى بلد تعرفى ان الطاعون بيدق على بابها

 

من مؤشرات صدق وعبقرية الفنان أو الكاتب (شكسبير مثلا)

هو أن تجد ما يكتبه ليس خاصا بفترة زمنية محددة بالرغم من أنه يظهر وكأنه كذلك فى العمل

 

أرى أن فكرة وحيد حامد بكلامه عن تصدير العدو لفئران لتعيش داخل الوطن وتتوالد فيه

هى فكرة "عامة" تصلح لكل وطن مستهدف من أعدائه وكل زمان

وان تكاثر تلك الفئران هو نذير بقدوم الطاعون

أوصى بقراءة الموضوع الذى أشرت إليه

لنعرف كيف كانت هناك غمامة يزداد سمكها على العيون والعقول

مسلسل الجماعة , حقائق, إفتراءات أم إستخفاف بعقل المشاهد

حتى حدث ما حدث من مقدمات وما انتجته من نتائج بلغت ذروتها فى السنة "الكاشفة"

 

وهذا كاريكاتير وضعته فى "صورة وتعليق" منذ ثلاثة أيام

وهو مصداق لرؤية "وحيد حامد" على لسان المهندس العجوز ابو طربوش

مع اختلاف الظروف

 

إلهى ينكِّد عليكم صبح ومسا .. إنتم واللى زيِّكم .. يا كئيب يابن الكئيبة منك له

 

 

 

[herohero]

 

هذا مقطع من مسلسل الجماعة .. العضو الفاضل وضعه بدون تعليق (مخالفة)

استرجعته واستمعت إليه فهو من مسلسل عُرض فى رمضان فى 2010 قبل 25 يناير بحوالى 5 شهور

https://www.youtube.com/watch?v=BQmEhfOBRA8

يختتم المهندس العجوز حواره مع المذيعة الشابة (خطيبة وكيل النيابة) بهذا الحوار Conclusion

أرى فيه روعة وصدق الفنان "وحيد حامد" الذى هاجمه الكثير من أعضاء المحاورات (فى ذلك الوقت)

كما هاجموا المسلسل الذى كنت أراه من أفضل - إن لم يكن أفضل - المسلسلات فى رمضان من ذلك العام

وتقريبا كنت الوحيد الذى يغرد خارج السرب فى هذا الموضوع

 

هذا هو الحوار الذى اختتم به وحيد حامد المشهد بين المهندس العجوز والمذيعة الشابة

ولم يصدق أحد تلك الرؤية الصادقة لكاتب وفنان صادق .. ولكنى كنت أصدقها

 

- الأيام دى زى ما تكون الكآبة اتفرضت على المصريين بالقوة الجبرية

- وحضرتك شايف ان القوة الجبرية دى من برة مصر ولا من جوة مصر

- ماهو اللى برة بقى جوة يا بنتى

- ازاى ؟

- عدوك يحط لك فى بيتك فيران وهى تولد وتعيش براحتها .. بلدنا الايام دى مليانة فيران

ولما الفيران تكتر فى بلد تعرفى ان الطاعون بيدق على بابها

 

من مؤشرات صدق وعبقرية الفنان أو الكاتب (شكسبير مثلا)

هو أن تجد ما يكتبه ليس خاصا بفترة زمنية محددة بالرغم من أنه يظهر وكأنه كذلك فى العمل

 

أرى أن فكرة وحيد حامد بكلامه عن تصدير العدو لفئران لتعيش داخل الوطن وتتوالد فيه

هى فكرة "عامة" تصلح لكل وطن مستهدف من أعدائه وكل زمان

وان تكاثر تلك الفئران هو نذير بقدوم الطاعون

أوصى بقراءة الموضوع الذى أشرت إليه

لنعرف كيف كانت هناك غمامة يزداد سمكها على العيون والعقول

مسلسل الجماعة , حقائق, إفتراءات أم إستخفاف بعقل المشاهد

حتى حدث ما حدث من مقدمات وما انتجته من نتائج بلغت ذروتها فى السنة "الكاشفة"

 

وهذا كاريكاتير وضعته فى "صورة وتعليق" منذ ثلاثة أيام

وهو مصداق لرؤية "وحيد حامد" على لسان المهندس العجوز ابو طربوش

مع اختلاف الظروف

 

بصراحه مالقيتش تعليق مناسب احطه لان المشهد لوحده كافي 

والمسلسل انا كنت من أشد المعجبين به ،وبصراحه وحيد حامد كان موضوعي في عرضه 

والمسلسل مليان مشاهد بصراحه كل مشهد فيها يعتبر حالة مصرية