التاكد من التاشيرة

[shabana]

كيف اتاكد من التاشيرة

انا جاتلى التاشيرة وكنت عاوز اعرف اتاكد ازاى

ياريت الرد ضرورى

وجزاكم الله كل خير

[shabana]

هل هناك موقع ادخله رقم التاشيرة يدينى البيانات

برجاء الرد ضرورى علشان انا قلقان

[المخنوق دائما]

بص ياسيدى فيه اكتر من طريقه للتأكد من التأشيره

أضمنهم انك تروح على القنصليه السعوديه فى جاردن سيتى بشارع عائشه التيموريه بجوار قسم قصر النيل وهى جنب مكتب جامكا اللى هتاخد منه جواب الكشف الطبى لو مكنتش لسه عملته وهناك هما هيقولولك كل حاجه.

ثانيا وانت هناك برضه جنب القنصليه هتلاقى ورقه مكتوبه فيها اسماء مكاتب السفريات المضمونه وده برضه بيبقى حاجه تأكدك شويه

ثالثا عايزك تدخل علي موقع وزارة الخارجيه السعوديه علشان تشوف التاشيره بنفسك

https://visa.mofa.gov.sa/

لما تدخل الموقع دور علي خدمات التاشيرات الالكترونيه واطلب البحث عن (تأشيرة مقدمة إلى وزارة الخارجية) وبعدين هايطلب منك رقم التاشيره ورقم السجل المدني لصاحب العمل اكتبهم هيظهرلك ورقه صفراء بها كل الوظائف التى طلبها الكفيل بتاعك وعددها مثلا 4 محاسب و 3 طبيب وهكذا ومكتوب اعلى هذه الصفحه اسم الكفيـــــــــــــــــــــــــــــــــــــــــــــــــل وبعدين دور على المسمى الوظيفى بتاعك مثلا محاسب او فنى حسابات او عامل الخ...

ودى برضه هتطمنك شويه ان الكفيل بتاعك مش اسم وهمى او نصاب وانه فعلا طلب الوظائف الموجوده فى الورقه الصفراء

وبعد كده تاخد رقمك ده وتطلع على المكتب اللى هيتبعتلك عليه ورقك وتخليه يوريك اسمك على النت والوظيفه اللى هتسافر بيها

وربنا معاااااااك

تم تعديل 10 مارس 2009 بواسطة المخنوق دائما

[shabana]

هو انا لما ادخل رقم التاشيرة مفروض يدينى بياناتلا

ولا يدينى ايه بالضبط

هو بيقللى انه فيه تاشيرة بهذا الرقم واسم الشركه

هل يوجد طريقه ادخله رقم التاشيره يدينى بيناتى

[المخنوق دائما]

مانا قلتلك يازعيم

انت كده اتأكدت ان فيه تأشيره مبعوته من الكفيل فلان الفلانى بهذا الرقم وانت عايز تعرف هى باسمك وللا لا صح؟

مش هتتاكد الا لما تروح للمكتب اللى انت متفق معاه او اللى الكفيل بتاعك بيتعامل معاه وهوه بيبقاله الصلاحيه انه يطلع على اسماء اصحاب الوظائف

واى سؤال ياباشا

[shabana]

هى التاشيره اتحطتلى على الباسبور اصلا بس كنت عاوز اعرف صحيحه ولا مضروبه

جزاك الله كل خير

[المخنوق دائما]

كده يبقى مفيش قدامك الا مشوار للقنصليه يامعلم والف مبروك مقدما

[megan]

هل في طريقه اعرف بيها ان التفويض اتعمل على مكتب معين من على النت

[mostafa youns]

انا عندى نفس المشكلة دية تاخر التاشيرة وانا مخلص الشهادة الصحية من 23/8/2014 ياريت حد يفدنا عايز اعرف اذا كان فعلا الجواز دخل السفارة ولا لا وكمان التاشيرة فعلا موجودة ولا لا