اذهب إلى المحتوى
محاورات المصريين

أضحك ... أضحك ...أضحك...أضحك


Diab

Recommended Posts

كسلان دخل الامتحان وقع منه القلم ........‏سلم الورقة

مره توني بلير و بوش و حسني مبارك عمله ماتش كوره

و همه بيلعبوا الكره وقعت في بحيره مليانه تماسح مفترسه

توني بلير امر واحد من الحرس بتوعوه انه ينزل يجيب الكره من البحيره..

الحرس قال له ماينفعش انزل علشان انا عندي ولاد و عايز اعيش و اربيهم

قام بوش امر واحد من الحرس بتوعه انه ينزل يجيب الكره من البحيره

برده اعترض و قاله ماينفعش انزل علشان عندي ولاد وعايز اعيش و اربيهم

قام حسني مبارك امر واحد من الحرس بتوعه انه ينزل يجيب الكره من البحيره....

العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره

فبيسألوه انت ليه نزلت مع انك عارف ان البحيره مليانه تماسيح مفترسه

قلهم انا برضه عندي عيال و عايز اعيش و اربيهم

مره مبارك قال إبليس قولى بقى اعمل ايه تانى فى الشعب

قاله فى ودنه ششششششششششش

قاله لا قديمه قولى حاجه تانيه

قاله ششششششششششششش

قاله برده قديمه

قاله امال انت عملتلهم ايه؟

مبارك قاله فى ودنه شششششششششش

الشيطان قاله يا شيخ اتقى الله

قرر الشيطان هجرة مصر؟ فبسرعه راحوله المصريين وقالوله:أرجوك ماتمشيش هاتلاقي فين زينا كذابين ومنافقين وعاوزين يروحو النار؟ قالهم أنتوا ماتستهلوش!!!! الواحد منكم يجيني شحات وحافي أخليه يسرق عشان ياكل ويلبس ويغش عشان يتخرج بامتياز ويزور في الانتخابات ويرشي عشان يبقي عضو مجلس شعب وأول مايبقي (ريس) ألاقييه معلق وراه (هذا من فضل ربي )

مرة حسني مبارك نزل متنكر هو ونظيف وركبوا طاكسي فبيسالو السواق أنت إيه رأييك في الحكومة قالهم كلهم حرامية ومفتريين وقالو طب إيه راييك في البرلمان قالهم كدابين ومنافقين .كل ده والريس زعلان أوي , فقام نظيف وسأل السواق طب إيه رأييك في نظيف ومبارك , قالو السواق الأول ** والُثاني ** , وقبل ما يخلص كلامة لقى الريس خلاص كشف نفسه ووشو مليان غضب ,

راح السواق كمل كلامه وقال والثالت ما بيشتغلش , إيه العربية الزبالة دي

جماعة صحفيين بلدياتنا راحوا يعملوا تحقيق حول اغتيال السادات ، فقابلوا واحد مسؤول وسألوه : عايزين نعرف هو مات كِيف .

قال لهم : والله كنا قاعدين ، جم ناس ممعاهم سلاح وضربوا النار على الكل ، والرصاص جه فيه فمات .

قعدوا يهرشوا في دقنهم وقالوا له : يعني نفهم من كده إنه مات مسموم؟

واحد مسطول سطيـــــــــــــــحه .. دخل امتحان عربي ... جاتله في

الورقه :

اذكر معني الجمل الاتية :

1- ( سور الصين العظيم )

2- ( مرض جنون البقر )

اخينا تنح شويه ... وبعدين راح قايل ....

اجابة البتاعه الأولانيه ( سور الصين العظيم )

سور : هو البتاع اللي بينط من فوقه الحرامي عشان يخش البيوت ويسرق

الصين : نوع من انواع الادوات المنزليه ... بس نوع مفتخر ... الطقم بيوصل ل 100 جنيه في العتبه

العظ : لما بيخش عليك حيوان بيعمل كده ... واشهر حيوان معروف بالحاجه دي ... هو الكلب

يم : تقريبا والله أعلم ... بحر او حاجه كده

يعني الجمله كلها معناها -----

لما ينط حرامي من فوق سور ... عشان يسرق طقم صيني .... الكلب هايعضه .. في البحر

اجابة البتاعه التانيه ( مرض جنون البقر )

مر : دي الحاجه اللي طعمها بيجيب مراره في الحلق

..... ويخليك تفصل دماغك قوام

ض : تقريبا حاجه زياده ... شوية حبر في الورقه ولا حاجه ... مالهاش لازمه من الاعراب

جن : اللهم احفظنا من العفاريت والجن والحركات دي يارب ... احنا ناقصين مزاوله

ون : دي اصلا انجليزي ... ومعناها ( رقم واحد ) ... لغات انا برضه

ألب : دي جبال موجوده في بلاد بره ... وجبال عاليه قوي ... بتاع 200 كيلوجرام فوق سطح برج الجزيره

قر : اختصار لكلمة ( قرنفل ) ...

يبقى معنى الجمله دي ------

المراره لما تجيلك .. هات جني ( نمبر وان ) .. عشان يطلع جبال الألب ... ويجيبلك قرنفلايه

مسطول شاف لوحة على محل انترنت مكتوب عليها "الساعة بعشرة جنيه" دخل للمحل وقال "هي ضد الميه"

سواق تاكسي قعدت جنبه بنت حلوة قوي قاللها : تعرفي تسوقي؟

قالتله : لأ

قالها : أنا تسوقي.

عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!

مرة ديناصور بيقول لديناصورة هاتى بوسة قالتلوا لا قالها عشان كدة احنا انقرضنا

مرة مدرس عربى سأل التلميذ ما معنى كلمة سبيل اجاب طريق سأله ما معنى

سلسبيل اجاب طرطريق

حرامي ( ندل ) دخل بيت .. ما لقاش شيء يسرقه ... اتصل على أمريكا ووساب السماعة مرفوعة !!!

اتنين اندال ماشيين حبوا يشوفوا مين منهم اكتر ندالة من التانى

الأولانى شاف ست عجوزة راح رفسها في بطنها

و قال للتاني شفت النداله ؟

التانى قاله:انا اندل منك لان دى امى

ندل صور أبوه وهما بيدفنوه فيديو وكل يوم يفرج الشريط لأمه!!

واحد نشر في إعلانات مبوبة :مطلوب زوجة!!! تاني يوم جاله 100 جواب

فيهم نفس الرد: تاخد بتاعتي؟؟ :rolleyes:

واحد بيقول لمراته ... انا النهاردة عايز رومانسية فى البيت ... راحت

الزوجة سألت امها : يعنى ايه رومانسية ؟؟ الام : مش عارفة بس احتياطى إنقعى الرز

Femail-BrainSS6447010062.jpg

155991099791.gif

1584991065392.jpg

yjtyj2726683152.jpg

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

  • الردود 2.6k
  • البداية
  • اخر رد

أكثر المشاركين في هذا الموضوع

معليش يا خواننا .. دياب بيعتذر لكم لإنه هايغيب كام يوم لظروف طارئه

مع السلامه يا ديب .. هاتوحشنا .. ما تنساش ماكينة الحلاقة ومعجون السنان

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

بصرحه شوية نكت جميله

غير أن الأثنين الأندال بصراحه مفيش أندل منهم في العالم

شكراً أخونا دياب وبارك الله فيك على شويةالضحك دول

ramadan-4.gif

AA.gif

4038bd765d.gif

رابط هذا التعليق
شارك

حلوة تسلم ايدك

وخلينى اضيف انا كمان عليهم شوية من عندى :lol:

1093799563856.jpg

130119.jpg

b0478162622.jpg

b0478162440.jpg

1329cm0rx.jpg

alex_tcm6-565373.jpg

1371of.jpg

تم تعديل بواسطة نجفة المغرورة

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك

إهيء إهيء إهيء

دياب يا عيني هيروح في الحتة دي

إسمها ايه

ورا الشمس

ياريت تتصور هنك يا ديبو

105724557.jpg

ألام على هواك وليس عدلا ................ إذا أحببت مثلك أن ألاما

رابط هذا التعليق
شارك

شوفوا ده

فضـــــــيـــــحة بالــــعنـــجلـــيزي

أنا مش حـتكلم خالــــص p30.gifrofl.gif

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

حيبينا الغالي أبو محمد :

الموقع أعلاه بيوضح لك المبادئ الحقيقية بصحيح للنادي الأهلي .

خش واتفرج أهو كله ببلاش :roseop:

اسألوا الأيام .......... اسألوا الآلام

من الملام إذا ......... وكلنا لوام

رابط هذا التعليق
شارك

دياب.....بجد انت مش طبيعي :roseop:

خليتني اموت من الضحك ياراجل :wub:

امنيتي بس ياصاحبي اني اقابلك ولو حتى ساعه واحده ف عمري......ده هيكون شرف ليا ياصاحبي.... :roseop:

يارب الرحمه..!!

رابط هذا التعليق
شارك

لا ولابس اللي ع الحبل وبيكلم بوكير مدرب الإسماعيلي السابق و بيقوله

مستر بيكيباسو what 's your opnion ( رأيك أيه ؟)

بوكير about what exactly? ( في أيه بالظبط )

المذيع أبو واسطة about football match ( رأيك في كرة القدم رأية في ماتش ) pleasantry.gif

في حد يقول لمدرب كورة رأيك أيه في كرة القدم وكل شوية يقول about about about about زهقنا

المترجم جاي يلحق المذيع اللي بيهيس راح قايلة انا عارف أنا فاهم فاهم nunu0000.gif

فاكرين لما سعيد صالح بيقول لسهير البابلي في مدرسة المشاغبين

أنا عارف كل حاجة بس مدكن image5.gif

مرسي أبن الزناتي أتهزم يا mens ( رجالة ) أبوسترف إس

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

سوادني راح يخطب سألوه إش شغــآل قال في النهار مريح وبالليل شغال مع أخويه

قالو وين يشتغل أخوك قال اخوي بالليل مريح وبالنهار شغال معايه

رابط هذا التعليق
شارك

  • بعد 1 شهر...

واحد بيتخانق مع مراته فبيقولها:انتى ليه مابتحبيش قرايبى قالتله

لا والله انا بحبهم بدليل ان انا بحب حماتك اكتر من حماتى

واحده ست اشتركت فى من سيربح المليون جوزها طلقها عشان اتصلت بصديق

مرة في زوجة قالت لزوجها دلعني قالها انت قمر قالتله انت شمس

قالها انت لؤلؤ قالتله انت ماس قالها انت قطة قالتله انت كلب قالها انت طاااااااااااااااااالق :roseop:

واحده بتقول لجوزها قولى كلمه تحسسنى بالامان

قالها حرس الحدود

مرة واحد صعيدى راح بيت مشبوه

لقى مراته هناك قال الحمد لله مكتوب لى الحلال

مره واحده اتجوزت من ورا ابوها اتدور شافها

واحد اهلاوى اتجوز واحد زملاكاويه جابوا المأذون من إيطاليا wst::

واحد بلدياتنا لسه نازل مصر طازه موصيونه فى البلد وقالولوا خللى بالك اوعى الحرميه ينشلوك فى الزحمه صاحبنا ماشى فى المحطه واحد نشال خد باله منه راح خابطه كتف وقاله مساء الفل وخد المحفظه صاحبنا بيحسس ملقاش المحفظه اتنرفز اوى شويه وواحد نشال تانى خبطه كتف وقاله مساء الورد قاله خدها بتاع الفل

واحد راح يتجوز بنت صاحب عماره ابو العروسه قاله بتشتغل ايه قاله مقدم قاله لا انا باخد خلو

واحد طرشجى راح يخطب ابو العروسه قاله بتشتغل ايه قاله تاجر قطع خيار

فى يوم الاستاذ كنتاكى ومراته نزلوا البحر و مبيعرفوش العوم ، ... كنتاكى "ماك" لكن مراته "ناجتس

مرة فار عمل ورشة تصليح افيال جالو فيل كبييييييير قالو ظبطني نط الفار جوة بقوا ومرة وحدة عطس الفيل اتنطر الفار بعيد فجالوا قالو انا قلتلك دور

مرة واحد عايز يحتفل بعيد الطفولة ..... راح عملها علي روحه

مره مدرس عربى قال للتلميذ ضح كلمة سكر فى جمله فقال التلميذ : إنى أقوم من النوم أشرب الشاى .. قال له الاستاذ وفين السكر قاله مهو فى الشاى

مذيعة تليفزيون قابلت شاب فى الشارع سألته سؤال جاوب إجابة صحيحة ، طلبت منه يحب يشوف أيه ، أجاب الشاب بسرعة: أمى الله يرحمها ، ردت المذيعة مستحيل و ترجته انه يطلب طلب آخر ، فكر الشاب ثم قال : أحب أشوف الزمالك وهو بياخد الدورى ... ردت المذيعة بسرعة لأ أجيب أمك أسهل. :rolleyes:

مرة واحد قهوجى اشترى تلفزيون ماركة توشيشا

مره واحد فافى اسمه سوسو مره كان عايز يشترى سمك فراح للسماك و قال له عمو عمو قال له نعم يا سوسو قال له عندك سمك طازه؟ فرد عليه السماك لسه بيلعب فرد سوسو طاب ممكن العب معاه؟

في جندي قالوله انه اول ما يمر الرئيس بتطلق 21 طلقة قاللهم: واذا جبتو من اول طلقه

فرعون قعد على القهوة طلب حجر رشيد

مره أمير قال نكته لواحد فضحك وقال له:يخرب قصر سعادة شيطان سمو حضرتك يا فندم (يقصد يخرب بيت شيطانك )

مره واحد هندي راح الحج يرمي في الجمرات ويقول هذا شيطان مافي كويس سمسم كفيل انا

بيقولك مرة واحد قرر يرشح نفسه رئيس الجمهورية، مسكوه بتوع أمن الدولة و قالولوا أنت عبيط ولا ايه،

قالهم هو شرط؟

مره واحد لبناني عطس رد عليه شيخ اللي جانبه وقاله يرحمكم الله اللبناني قاله حبيب قلبي

هبط رواد الفضاء الى المريخ واذا بهندي يطرق الزجاج ويقول: غسل صاروخ صديج

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

بشير بيه التابعي

بيتكلم أنجليزي

this is this

لما وقع من الاتوبيس

تم تعديل بواسطة Diab

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

يا سلام يا دياب على الفشل اللي فيه الناس

محدش عارف يتكلم كلمتين إنجليزي صح وعامل مذيع

بس النكت حلوة

105724557.jpg

ألام على هواك وليس عدلا ................ إذا أحببت مثلك أن ألاما

رابط هذا التعليق
شارك

هههههههههههه ههههههههههههههه ههههههههههههههه هههههههههههههههه ههههههههههههههه ههههههههههههه بس حرام عليك يا دياب كفاية يا راجل الواحد فطس من الضحك.

وبعدين انت الموضوع ده كاتبه من زمان انا شايف التاريخ بس نفسي اسال دياب فين في اي معتقل دلوقتي يا رب ما تكونش في العقرب يا دياب لانك هتشوف تشوف ايه انت احتمال ما تشوفش تاني يا معلم .

هههههههههههههههههههههه هههههههههههههههههههه ههههههههههههههه

بوكير بيقولوا ايه : DO NOT YOU UNDERSTAND ?هيه دي كفايه الراجل اتزنق زنقة وحشة قوي يا جماعه اعتقد انه بطل يعلق بعد اللقاء ده هههههههههههههههههه هههههههههههه هههههههههههه ههههههههههههههههه

أنا مصري

ولو كمموا صوتي يوم واتخرست

أو زادوا العقارب فيكي واتقرصت

بحبك يام البلاد والكون

لا عمري زعلت منك ولا حتي اتقمصت

....

وأنا مصري

حبيت الطمي في نيلك

ومهما الغربة خادتني

حلمي إني آجيلك

ولو ف يوم ماقدرتش

قلبي وعمري أهديلك

....

وانا مصري ويحلالي

أقولها ف النهار والليل

وحبك مش مقياس ولا كيل

ده زرع جذوره في قلبي

وشايلك جوه عيني شيل

.....

أنا مصري

ونفسي يا مصر

أكحل عيني بترابك

ولما آجي

ما يحوشني العس علي بابك

وأحكيلك

وأشكي الهم

وأقولك أنا درويش

مضموم لزمرة أحبابك

.............

وف نيلك أغسل رجس الترحال

وغربة عمر

وهجرة ما كانت ع البال

وأبوس إيدك

ولا اسيبك

منقول عن احد الشعراء واسمه ابن طيبة بارك الله له

رابط هذا التعليق
شارك

  • بعد 2 شهور...

قصة مرعبة !!

في ليلة شديدة الظلام في وسط العاصفة ...

كانت العاصفة شديدة والليل

حالك

...

والليل يمر ببطء ولم تمر سيارة واحدة ...

مرت ساعات وساعات وهو واقف ..

لم يكن يستطيع أن يرى مكان قدميه ..

كان واقفا على جانب الطريق ينتظر أن توصله سيارة عابرة .. فهو يريد الذهاب للبلدة المجاورة

أخيرا ..

وبعد طول انتظار ..

مرت سيارة تسير ببطء كأنها شبح .. شبابيكها سوداء

... خرجت من خلف الظلام وبلا أضواء ...مرت ببطء متجهة إليه حتى توقفت أمامه .. ركب الرجل داخل السيارة

وأغلق الباب مبتسما ..

فجأة شاهد ما لم يتوقعه

أبدا ..

لا يوجد سائق لهذه السيارة !!

السيارة بدأت تتحرك ببطء مرة أخرى ..

بدأ الرعب يدب في قلب الرجل ..

وبدأت السيارة تسرع قليلا ..

اقتربت

السيارة من منعطف خطير جدا .. الرجل بدا يدعو ربه من اجل

البقاء على قيد الحياة ..

لا محالة السيارة سوف تخرج عن الطريق وسوف يواجه الموت !!

فجاه قبل المنعطف بقليل ..

دخلت يد من النافذة وأمسكت الدركسيون !!

وقادت السيارة عبر المنعطف

بأمان ..

أصبح الرجل فرحا مع بقاء الخوف والرهبة في داخل قلبه .. الرجل أصبح يرى اليد تدخل من النافذة مرات عدة كلما وصلوا إلى احد

المنعطفات .. !!!!!

أخيرا ..

قرر الرجل الهروب من السيارة .. ففتح باب السيارة وقفز منها ولاذ بالفرار

وذهب إلى اقرب بلده وكان مبتلا وفزعا .. ذهب إلى احد المطاعم وبدأ

يخبر قصته المخيفة والمرعبة للجميع .. بعدما تأكدوا من هيئته انه غير

سكران أو ناقص العقل وكان الجميع ينصت للقصة ..

في أثناء ذلك وبعد حوالي نصف ساعة .. دخل رجلان إلى نفس المطعم ..

وعندما شاهدوا الشخص المرعوب .. قال احدهما للآخر

مش هوا ده الأهبل اللي ركب العربية واحنا بنـزقها ؟؟؟؟ !!!!

:roseop: :P

منقول

تم تعديل بواسطة Diab

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

ايه يا دياب ده كله انا اترعبت من الحكاية

قلت ربنا يستر متكونش النهاية وحشة عشان اعرف انام النهاردة

ربنا يوفقك

مرمر

عندما نتكلم بصدق.....

ونستمع بهدوء....

وننقد بإخلاص......

نحصل على حوار هادف.....

لست مجبرة أن يفهم الآخرين من أنا؟ فمن يمتلك القلب والروح أنا له كتاب مفتوح

اللهم اغفر للمؤمنين والمؤمنات والمسلمين والمسلمات الاحياء منهم والاموات

رابط هذا التعليق
شارك

لا بجد ايه رأيك

القصة حلوة

صح

عجبتني جدا

تم تعديل بواسطة Diab

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

ههههههههههههههههه

والله بجد موضوع جميل جدا يا أخ دياب

واحب اضيف نكتيتين كدة

مرة أجتمعت 3 المصرية والامريكية والبريطانية

قالو احنا هانطلق اسد فى الغابة ولاى يعرف يجيبة بسرعة تبقى دى افضل حكومة

الحكومة البريطانية دخلت الغابة ساعة ساعتين راحت خرجة بالأسد

الحكومة الامريكية دخلت قعدت ساعه راحت خارجة بالأسد

الحكومة المصرية أعدت ساعه ساعتين يوم بحالة فقلقو قالو نخش نشوفهم

دخلو لقوهم مسكين ارنب معلقينه وبيعزبوة وبيقولولة قول انا اسد

قاضى بيحاكم سواق مقطورة قالة انتا ازاى تخش بالمقطورة فى فرح تموت خمسين واحد

قالة يا باشا انا ماشى فى طريق ديق بسرعة

لقيت فرح على يميني واتنين مشيين على شمالى

جيت اهدى ما لقتش فرامل

يا أخ فى الاتنين الماشيين اموتهم لا اخش فى اخش فى الفرح اموت الناس الى فية

قال القاضى الافضل انك تخش فى الاتنين تموتهم افضل من انك تخش الفرح تموت خمسين واحد

قالةمهوا هوا دا الى عملتة دخلت فى الاتنين موت واحد والتانى جرى على الفرح جريت وراة

واحد احول بيعاكس واحدة حولة بيقولها انتوا بنات زى العسل

قالتله وانتوا شباب ما اتربتوش

وطواط احول الشارع ادامة مفتوح دخل فى عمارة

سبحان الله وبحمدة سبحان الله العظيم

اللهم وفقنا لما تحبة وترضاة

رابط هذا التعليق
شارك

  • بعد 1 سنة...

هههههههههههههههههههههههههه الله يخرب شقة شيطان حضرتكوا :rolleyes:

بجد زي العسل :)

رابط هذا التعليق
شارك

  • بعد 1 شهر...

الموضوع مهم

وهو كيف يسعد الراجل زوجته

وكذلك كيف تسعد الزوجة زوجها

كيف يسعد الرجل امرأة؟

على الرجل أن يكون

1

صديق

2

رفيق

3

حبيب

4

أخ

5

أب

6

سيد

7

رئيس

8

كهربائي

9

نجار

10

سباك

11

ميكانيكي

12

مصمم ديكور

13

صاحب أسلوب

14

طبيب نفسي

15

مبيد حشرات

16

طبيب معالج

17

مستمع

18

مرتب

19

يعشق النظافة

20

عاطفي

21

رياضي

22

دافئ

23

يقظ ومتنبه

24

أنيق

25

ذكي

26

مرح

27

مبدع

28

حساس

29

قوي

30

يتفهم

31

يتحمل

32

متعقل

33

طموح

34

ذو مقدرة ومؤهل

35

شجاع

36

مصمـِّم

37

صادق

38

يـُعتمد عليه

39

يمدحها بانتظام

40

يحب التسوق معها

41

محترم

42

غني جدا

43

لا يتسبب برفع ضغطها

44

لا ينظر لغيرها من النساء

كيف تسعد المرأة الرجل؟

1

بس تتركه في

حاله

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 31
      سلاح الوفد الفتاك []
    • 4
      ﻓﻲ ﺍﻭﻝ ﺻﻔﺤﺔ ﺑﺎﻟﺠـﻮﺍﺯ ﺍﻻﻣﺮﻳﻜﻲ !! ﻣﻜﺘـﻮﺏ : . . . ... ... . . ﺣﺎﻣﻞ ﻫﺬﻩ ﺍﻟﺠﻮﺍﺯ ﺗﺤﺖ ﺣﻤﺎﻳﺔ ﺍﻟﻮﻻﻳﺎﺕ ﺍﻟﻤﺘﺤﺪﻩ ﺍﻻﻣﺮﻳﻜﻴﻪ ﻓﻮﻕ ﺍﻱ ﺍﺭﺽ ﻭﺗﺤﺖ ﺍﻱ ﺳﻤﺎﺀ ﻭﻓﻲ ﺍﻟﺠﻮﺍﺯ ﺍﻟﻜﻨﺪﻱ : ﻧﺤﺮﻙ ﺍﺳﻄﻮﻟﻨﺎ ﻣﻦ ﺍﺟﻠﻚ . . . . . . . . وفي ﺍﻟﺠﻮﺍﺯ المصرى ﻋﻨﺪ ﻓﻘﺪﺍﻥ ﺍﻟﺠﻮﺍﺯ ﺗﺪﻓﻊ ﻏﺮﺍﻣﻪ ﻣﺎﻟﻴﻪ ولا يستبدل
    • 28
      مش عارف طالبه معايا اليومين دول ثقافة وفن وحركات ... يمكن هروب من قرف المذاكرة - أنا كان مالي ما كنت في حالي وكبيري أضرب ميكي أو سوبر ميكي .. إيه اللي رماني رمية المذاكرة والوجبات المنزلية وزمزمية الميه كل يوم وشاندوشت الجبنه بالقوطة اللي زي ما يكون مقرر عليه هو راخر - المهم اتكعبلت من يومين تلاته في موقع فاروق حُسني .. قصدي الفنان فرفور حُسني اللي عيني عينك بيستغل مركزة كوزير ثقافة وكل شويه يرزعنا معرض انقح من التاني ويبيع لوحاته بملايين .. في تحدي صارخ لكل الأعراف والقوانين اللي بتمنع أستغل
    • 47
      السلام عليكم ورحمه الله وبركاته يا ربى ان عظمت ذنوبى فلقد علمت ربى بأن عفوك اعظم هذه تذكره لمن تطيب انفسهم بأطلاق العبارات الكاذبه بغرض الضحك وان كان الغرض المقصود منها هو تسليه الوقت وترويح القلب ولكنها لاتخرج عن نطاق الكذب ايها الاخوه الاحباب أولم تسمعوا يا اخوتى الى حديث الرسول صلى الله عليه وسلم فقد ثبت عن النبي صلى الله عليه وسلم أنه قال: "ويل للذي يحدث بالحديث ليضحك به القوم فيكذب، ويل له ويل له"، أخرجه أحمد وأبو داود والنسائي عن معاوية بن حيدة. قال ابن حجر: إسناده قوي وحسنه الأل
    • 16
      أضحك واللا .... أعيط كاريكاتير الاستاذ مصطفي حسين الموقع الأخبار
×
×
  • أضف...