اذهب إلى المحتوى
محاورات المصريين

ما هي تكاليف المعيشة في قطر؟


Recommended Posts

السلام عليكم

أنا صيدلي في مصر...

قدامي عقد لقطر بـ5200ريال قطري وبدون بدلات...

هل هذا العقد جيد؟ أم أن المعيشة هناك مرتفعة والمرتب لن استطيع توفير مبلغ كبير منه؟

- ارغب في توفير 50 ألف جنيه في السنة على الأقل-

ما رأيكم في العقد؟

وشكرا لكل من يشارك بمعلومة

تم تعديل بواسطة خالد م ص ر ي
رابط هذا التعليق
شارك

السلام عليكم الأخ خالد

أولاً الراتب ضعيف جداً جداً جداً انت للأسف ماتقدرش تعيش بيه مش تحوش كمان

لابد أن تنتبه للأتي فى حالة السفر لقطر تحديداً

1- سكن أو بدل سكن ملائم فى حالة أنك متزوج السكن هنا بيبتدى بــ 7000 ريال فى الشهر وفى أماكن بعيدة شوية عن الدوحة ولو عازب مش أقل من 2000 ريال وتسكن مع مجموعة

2- هنا لابد أن تشترى سيارة لأن الإنتقالات صعبة جداً والسيارة القسط بتبدأ من 1500 ريال وده طبعاً بيكون من راتبك

3- فى حالة انك متزوج مش هاتقدر تصرف أقل من 3000 ريال مصاريف بيت فى الشهر أو على الأقل 2500

أرجوا ايضاح حالتك عازب ولا متزوج ولو متزوج عندك أولاد فى مدارس ولا لأ ، وحالة إذا كانوا كلموك فى بدل سكن ولا لأ وأخيراً تمنياتي لك بكل الخير

رابط هذا التعليق
شارك

الأخ خالد السلام عليكم ورحمة الله وبركاته

أولا الراتب للأسف الشديد ضعيف جداً جداً جداً فالحياة مرتفعة جداً جداً فى الدوحة وبخاصة السكن ومش هاتقدر تعيش بالراتب ده ناهيك عن انك مش هاتعرف تحوش فلابد تاخد بالك من بعض الأمور الهامة للمعيشة فى قطر

1- السكن فى حالتك بتقول مافيش بدلات وبالتالي يعنى مافيش بدل سكن أو سكن والسكن هنا لو انت متزوج مش هايقل بحال من الأحوال عن 7000 ريال فى الشهر وفى ضواحى الدوحة مش الدوحة نفسها كمان أو لو عازب مش هايقل عن 2000 ريال وهاتسكن مع مجموعة

2- لابد من توافر سيارة ولو جبت سيارة بالقسط مش هايقل قسطها عن 1500 ريال شهرى

3- فى حالة انك متزوح مصارف البيت والذى منه مش هاتقل عن 3000 ريال قول مش أقل من 2500 ريال

برجاء توضيح حالتك متزوج أم عازب ولو متزوج عندك ولاد فى مدارس ولا لأ لأن دى ميزانية تانية وربنا يعينك

رابط هذا التعليق
شارك

الأخ خالد السلام عليكم ورحمة الله وبركاته

أولا الراتب للأسف الشديد ضعيف جداً جداً جداً فالحياة مرتفعة جداً جداً فى الدوحة وبخاصة السكن ومش هاتقدر تعيش بالراتب ده ناهيك عن انك مش هاتعرف تحوش فلابد تاخد بالك من بعض الأمور الهامة للمعيشة فى قطر

1- السكن فى حالتك بتقول مافيش بدلات وبالتالي يعنى مافيش بدل سكن أو سكن والسكن هنا لو انت متزوج مش هايقل بحال من الأحوال عن 7000 ريال فى الشهر وفى ضواحى الدوحة مش الدوحة نفسها كمان أو لو عازب مش هايقل عن 2000 ريال وهاتسكن مع مجموعة

2- لابد من توافر سيارة ولو جبت سيارة بالقسط مش هايقل قسطها عن 1500 ريال شهرى

3- فى حالة انك متزوح مصارف البيت والذى منه مش هاتقل عن 3000 ريال قول مش أقل من 2500 ريال

برجاء توضيح حالتك متزوج أم عازب ولو متزوج عندك ولاد فى مدارس ولا لأ لأن دى ميزانية تانية وربنا يعينك

جزاكم الله خيرا على الاهتمام والرد...

أنا أعزب...

بس لو سمحت ممكن توضح لي اكتر... او تأكد لي اكتر نقطة بدل السكن...

أنا مذهووووول من الارقام اللي حضرتك قلتها....

7000 في الشهر للسكن؟!!!!!!!!!! و2000 في الشهر ومع مجموعة؟!!!!!! غير قسط السيارة ومصاريف المعيشة؟!!!!!!

طيب اتبقى ايه للواحد يحوشه؟!!!!!!!

تم تعديل بواسطة خالد م ص ر ي
رابط هذا التعليق
شارك

والله فعلاً يا خالد الأرقام تخض بس هو ده الواقع

انت لو تابعت قطر الفترة اللى فاتت كانت الأولى فى معدل دخل الفرد بين دول مجلس التعاون الخليجي حتى الإمارات ما وقفتش قصادها ودلوقت داخله على أعلى معدل دخل فى العالم وده طبعاً علشان بلد صغير والدخول فيه فعلاً مرتفعة (طبعاً للمواطنين أو الأجانب ذوى العيون الخضر) يعنى أنا والله مش عارف انت جبت الراتب ده منين لأنه راتب قليل جداً وطبعاً زيادة الرواتب تعنى زيادة وغلاء فى المعيشة وبخاصة السكن ، والسكن على فكرة أبو 7000 ريال فى الشهر ده سكن عائلى مكون من غرفتين نوم وموجود فى المنطقة الصناعية يعنى كمان مش فى الدوحة داخل الدوحة بقى نفس السكن مش هايقل عن 9000 أو 10000 ريال فى الشهر، أما سكن العزاب فعلاً فى داخل الدوحة هايكون مشترك ومش هايقل عن 2000 ريال فى الشهر وممكن أكتر كمان

أما بخصوص السيارة هنا التاكسى ممكن يكون غالى يعنى بداية فتح البونديرة 4 ريال وده طبعاً لو لقيته لكن فيه اتوبيس وده طبعاً بمواعيد علشان كده هنا السيارة لابد منها يبقى لازم تجيب واحدة وزى ما قولتلك قسطها مش هايقل عن 1500

أما تكاليف المعيشة فيعنى أنا مش عارف أقولك أرقام محددة فى الموضوع ده لأنه موضوع نسبي فيه واحد عايش باكل كويس وبيشرب كويس وفيه طبعاً اللى بيديق على نفسه لكن انا طبعاً عارف مصاريف المنزل اللى تخص المتزوجين اللى أنا منهم :lol: واللى ما ينفعش بند من البنود نتنازل عنه

رابط هذا التعليق
شارك

الدكتور خالد السلام عليكم ورحمة الله وبركاته

انا صيدلي عايش في قطر من 2005 وكلام الأخ أوسميل مضبوظ 100 في 100 5200 مشفي من غير بدلات ده راتب ضعيف ممكن يكفيك وانت فرداني بس اول ماتقول ياجواز يبقى سلامتك :roseop:

انت قدامك حل من اتنين

1) تطلب منهم انهم يوفرولك السكن لأن ده أغلى حاجة في قطر ولو موافقوش متوافقش انت كمان :unsure:

2)تيجي قطر وتستحمل كام سنة لحد مربنا يكرمك بحاجة أحسن امتى وازاى ده في علم علام الغيوب

عليك بتقوى الله إن كنت غافلاً

يأتيك بالأرزاق من حيث لا تدري

فكيف تخاف الفقر والله رازقا

وقد رزق الطير والحوت في البحر

رابط هذا التعليق
شارك

الدكتور خالد السلام عليكم ورحمة الله وبركاته

انا صيدلي عايش في قطر من 2005 وكلام الأخ أوسميل مضبوظ 100 في 100 5200 مشفي من غير بدلات ده راتب ضعيف ممكن يكفيك وانت فرداني بس اول ماتقول ياجواز يبقى سلامتك :roseop:

انت قدامك حل من اتنين

1) تطلب منهم انهم يوفرولك السكن لأن ده أغلى حاجة في قطر ولو موافقوش متوافقش انت كمان :unsure:

2)تيجي قطر وتستحمل كام سنة لحد مربنا يكرمك بحاجة أحسن امتى وازاى ده في علم علام الغيوب

طيب لو عقد ب 5500 ريال مع توفير سكن....ما رأيك فيه؟

وما هو متوسط الاجور الجيدة في قطر بصفة عامة؟

- في السعودية مثلا...اليومين دول افضل عقد بيكون ب5الاف ريال + بدلات...والمتوسط 4ونص + بدلات... والعهادي 3500 + بدلات... والمنخفض اقل من كدة -

التكاليف لي كعازب هتبقى تقريبا كام؟

وممكن تكلمنا ولو باختصار عن طبيعة عمل الصيادلة في قطر؟

وجزاكم الله خيرا

رابط هذا التعليق
شارك

طيب ياجماعة لو متزوج وعنده اطفال المصاريف تكون في حدود كام؟؟ وراتب الدكتور يكون في حدود كام لو هيوفرو السكن؟؟

في البدء كان البحر والبر هو استثناء

في البدء كنت أنت ثم كانت النساء

رابط هذا التعليق
شارك

طيب ياجماعة لو متزوج وعنده اطفال المصاريف تكون في حدود كام؟؟ وراتب الدكتور يكون في حدود كام لو هيوفرو السكن؟؟

الدكتور المحترم أنا شوفت مداخلتك فى حوارات المصريين فى قطر وأعتقد أنك قولت ان معروض عليك 9000 + سكن والله الراتب ده معقول بس مش حلو برضه وفى حالة انك أب لثلاث أبناء (ذى حالاتى يعنى) فالمصاريف هاتكون مرتفعة وممكن نقول

1- الولاد فى المدارس طبعاً لا يمكن أن تدخلهم مدرسة حكومية إلا لو كنت بتشتغل فى حكومة وحالتك انك فى مجمع عيادات خاصة بالمناسبة مجمع العيادات ده أسمه أيه لأنى لى أصدقاء كتير صيادلة وأطباء فى أماكن كتير وممكن أسألهم عليه

2- حالة ولادك عايز تدخلهم مدرسة لغات وطبعاً دى المطب اللى كلنا وقعنا فيه أنك تسأل فيقولولك "المدرسة المصرية للغات" أياك ثم أياك ثم أياك المدرسة دى فاشلة بمعنى الكلمة مدير فاشل وإدارة وعلم كوليكشن من الفشل وكمان فيه شوية نصب ولى فى منتديات كتيير حكيت على البلاوى اللى أنا شوفتها منهم على العموم فيه بقى المدارس القطرية المستقلة ودى برضه مش قد كده ويأتى أخيرا المدارس الدولية ودى طبعاً مصاريفها حدث ولا حرج :lol:

3- مصاريفك المنزلية هاتكون ما بين 2500 و 3000 ريال شهرياً

4- مدرسة سواقة علشان تطلع الرخصة ما بين 1250ريال لو معاك رخصة مصرية أو 2300 ريال لو ما معاكش وهاتتعلم

5- قسط سيارة يبدأ من 1500 ريال وعلى فكرة لو ليك فى السيارات الغلبانة اللى تمشى الحال فيه سيارات فى حدود 10000 ريال بس طبعاً ها تتحمل نتيجة اختيارك

6- بخصوص الإمتحان حدد أيه نوعه علشان الأخوة الأفاضل يقدروا يساعدوك

7- بخصوص السكن وضح هل سيعطونك سكن جاهز ومؤثث ولا هايدولك بدل سكن وحدد البدل علشان نقدر نساعدك اذا كان مناس ولا لأ

أخيراً حاول على قد ما تقدر أنك ترفع الراتب مع تمنيات صادقة بالتوفيق :lol:

رابط هذا التعليق
شارك

  • بعد 8 سنة...
  • الزوار
Guest طالب جامعى

معروض عليا زياره للدوحه 3شهور معلم سباحه ومتوفر السفر والسكن والمواصلات فكنت عايز اعرف اقل مرتب ينفع اكل واشرب منه كام وانا عازب يعنى لو 1500 ريال يكفونى اكل وشرب وامكانيه انى احوش            

  انا اول مره اخش هنا فارجو الافاده وشكرا

 

رابط هذا التعليق
شارك

  • بعد 7 شهور...
  • الزوار

السلام عليكم،

لو سمحتوا حضرتكم

انا اريد ان اسال لو راتب 10000 ر.ق

و بدل السكن 6000 و بدل التنقل 2000. هذا عرض جيد ام لا؟ لزوج و زوجة..

و مواعيد الحافلات منتظم و في كل وقت ؟ وفي زحمة؟

و المدارس الحكومية أفضل ام الدولية؟وتقريبا كم تكلف في السنة؟

ارجو المعذرة من كثرة الاستفسار

ولكم جزيل الشكر.

 

رابط هذا التعليق
شارك

  • الزوار

السلام عليكم ورحمة الله وبركاته

بالنسبة للرقم ده اذا البدلات دي بخلاف الراتب فأعتقد ده جيد إلى حد كبير خصوصا ان الفترة اللي فاتت السكن نزل إلى حد ما بس ده يتوقف على مستوى المعيشة المطلوب يعني ممكن تحصل سكن في حدود 6000 أو أكتر شوية غرفتين وصالة معقولين وممكن مفروشين وممكن أكبر حسب المنطقة لأن في فروق كبيرة إلى حد ما بين المناطق وبعضها

بالنسبة للحافلات فمش بأنصح بيها لأن الفرق بين مواعيدها كبيرة وممكن تستحملوها في الشتا لكن في الصيف صعب ويكاد يكون صعب جدا فممكن تستعينوا بأوبر أو غيره وفي ناس ممكن تحصلوا اعلانتهم في الجرايد والمواقع بيشتغلوا في موضوع التوصيل وبالمشوار بس طبعا كأسرة لازم عربية واحدة على الأقل

المدارس الحكومية متاحة لموظفين الحكومة مجانا بس فيه رسوم إضافية زي الباصات وبعض الأشياء الأخرى ومستواها بيختلف مش كلها زي بعض لأن الرقابة بتكون حسب المدير أكثر من الوزارة. في مدارس ناس كتير بتمدح فيها هي اسمها الأندلس ممكن تسألوا عليها إن شاء الله إن كان لكم نصيب هي المشكلة هتكون بعد المكان والاتاحة لأنها مدرسة بحسب كلام البعض متميزة والكادر ملتزم ومهتم فعلا 


المدارس الدولية في منها كتير بس مكلفة حسب المستوى ومدى التميز وممكن توصل 50 ألف وأكثر في السنة وحسب المرحلة وبصراحة بشوف في رأيي انها مضيعة للمال لأن كل الفائدة الرئيسية بتكون في اللغة والتفكير النقدي اللي لو حضرتك اهتميتم  بتطويرهم من خلال برامج مستمرة ممكن توصل لنفس المستوى في رأيي بدون التكلفة المبالغ فيها وده كلام عن تجربة شخصية وفيه برامج ممكن الشخص يتعلم من خلالها وهو قاعد في بيته مجانا بس المشكلة بتبقى الالتزام وأعتقد اللي مستعد يلتزم بالمدارس الدولية ومتطلبتها هيكون أسهل عليه النوع ده من الالتزام وبالمناسبة ليها مواعيد للحجز بتكون تقريبا بدري كتير  وفي منها مناهج مختلفة انجليزي وأمريكي وفرنسي وغيرهم

كمان فيه المشكلة من الناحية الأخلاقية ومن ناحية التربية الدينية فده في معظم المدارس دي ضعيف إلى شبه معدوم  إن لم يكن بصورة سلبية وده من واقع تجارب وملاحظات شخصية 

فيه شيء مهم ودي نصيحة افضل استثمار متابعتك للأولاد وتدريبهم بشكل مباشر أفضل من أي مدرس أو مدرسة لأن العلم بدون اخلاق لا قيمة له والزمن القادم لن يكون لمن يملك أفضل شهادة وانما لمن يمتلك مهارات أكثر من مهارات المستقبل والتعليم التقليدي أصبح لا يفي بمعظم المتطلبات دي فالأفضل استثمار الفلوس دي في برامج تدريب وتنمية قدرات أولادكم بشكل منهجي وبفائض الفلوس مممكن تكون نواة لمشروع لأن لو حسبتوا مصاريف المدارس الدولية خلال 12 سنة تعليم هيكون الرقم المدفوع للفرد أكثر من نصف مليون ريال إن لم يكن أكثر واذا مقدرتوش تحافظوا على ده للأخر فمش هيكون في نتيجة ملموسة بل ممكن يكون صدمة خصوصا ان الطفل هيكون اتعود على مستوى معين 

وكمان المبلغ اللي هتوفروه ممكن تدخلوه جامعة محترمة 

أخر نقطة العلاج مكلف جدا فيه تأمين صحي توفره الدولة لكنه بطيء جدا (طبعا بخلاف الطوارئ) يعني مممكن تاخدوا موعد أسنان بعد شهرين أو أكثر ودي بتكون مشكلة والقطاع الخاص ممكن كشف واشعة وشوية تحاليل تكون ألف ريال أو أكثر حسب الأشعة بخلاف العلاج نفسه

وأخير بالتوفيق لكم إن شاء الله
 

 

 



 

 

رابط هذا التعليق
شارك

السلام عليكم متوفر لدي فرصة عمل في قطر براتب ٨٠٠ دولار + سكن موجود  والسكن بالقرب من العمل هل العرض جيد ارجو الرد هام جدا العمل في مجال الحلويات العربية وانا شاب اعزب

تم تعديل بواسطة Mhmad Maher Ajaj
رابط هذا التعليق
شارك

  • بعد 9 شهور...
  • بعد 5 شهور...
  • الزوار
Guest ام محمود

السلام عليكم ، قبلت لإعارة للتدريس في قطر براتب 8000 ريال ، هل هذا العرض جيد ؟ هل يستطيعوا أولادي الدراسة في المدارس الحكومية ؟ علما بأني معلمة حكومية في فلسطين.

رابط هذا التعليق
شارك

  • بعد 1 شهر...
  • الزوار

السلام عليكم 

معروض علي عقد عمل تعليمي في مدارس دولية ب 7000 ريال مع التكفل بالسكن والفرش والتنقل ووتعليم ولد واحد مع العلم أنه لدي ولدين بالإضافة إلى ضمان صحي لي وللزوجة دون الأولاد فهل هذا العرض جيد

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 1
      مجرد تكلفة تجديد ترخيص البرمجيات يتطلب اكثر من عشرة آلاف جنيه مصري وتكلفة استضافة الموقع تتطلب مائة دولار سنويا موقع الذكاء الاصطناعي gemeni.google.com  كر لي اكثر من مرة ان الموقع مغلق لوفاة مؤسسه عادل ابوزيد لا مفر من توقف موقع محاورات او ربما التوصل الى برمجيات اخرى غير الinvision board  في انتظار تعقيبكم على هذه الرسالة
    • 1
      السلام عليكم انا مدرسة ومعروض عليا عمل في مدرسة اسمها التهذيب القسم العامي بمرتب 6500 شامل السكن والمواصلات هل حد عنده معلومات عن المدرسه دي او اذا كان الراتب هيكفي المعيشة فرد واحد اقدر اصرف واحوش منه؟ لكم جزيل الشكر
    • 0
      تحولات تاريخية تشهدها المملكة المتحدة بسبب الأزمة الاقتصادية العالمية حيث تشهد العاصمة الإنجليزية لندن مظاهراعرض المقال كاملاً
    • 0
      السلام عليكم ورحمة اللة وبركاتة    السعودية من أفضل الدول الخليجية من حيث المعيشة لكل واحد بيفكر يسافر عشان يشتغل في المملكة    هنا بييجي السؤال ، اية مستوي المعيشة وتكاليفها في السعودية وهل المصاريف هتتناسب مع الراتب والا لاء ؟   من المتعارف علية إن أغلب اللي بيسافر بيسافر علي مرتبات من 2000 ريال فأكثر وعشان تقدر تعرف هل الراتب دة هيتناسب مع دخلك والا لاْ شوف المقالة دي اللي هتفصصلك كل ما يخص تكاليف المعيشة في السعودية  وخدلك لفة في القسم اللي موجود علي موقع ا
    • 1
      السلام عليكم ورحمة الله وبركاتة  إخواني وأخواتي لو بتدوروا عن مصادر موثقة تعرفوا بيها عن تكاليف المعيشة في سلطنة عمان ( قطر ) (الكويت )الدول العربية (دول الخليج) عموما بيقدملكم موقع الجراب أبحاث موثقة شاملة كل شئ من أسعار تذاكر الطيران لحد تكاليف الايجار والاكل والشرب وتعليم الاطفال وحتي أنظمة التأمين الصحي    وبيتم توجيهكم للمصادر الحكومية اللي فيها كل المعلومات الخاصة بالموضوع بشكل شامل ، وممكن تراجع أحدث مقال بيتكلم عن كل ما يخص تكاليف المعيشة في سلطنة عمان ومعدلات الرواتب والأ
×
×
  • أضف...