اذهب إلى المحتوى
محاورات المصريين

تجديد جواز السفر


Recommended Posts

إخواني وأخواتي المغتربات المصريين منهم والمصريات....

إسمحولي أن أنضم إلى منتداكم الرائع دة بمعنى الكلمة...اللي بيخلي شعور الغربة يختفي مجرد ما تفتحه وتحس فيه بالروح المصرية الأصلية اللي كلها جدعنة وخفة دم....

الحقيقة أنا عندي كام سؤال بخصوص تجديد جواز السفر لو حد عنده أي معلومة يقولها ينوبه ثواب:

1- جواز سفري باقي على انتهاءه 11 شهر ينفع أجدده واللا لازم استنى لما يبقى على الجنط ؟

2- أنا مقيم في الخبر في السعودية ومعايا تأشيرة متعددة بتردد بيها على البحرين ينفع أروح السفارة البحرينية أجدد جواز سفري فيها

3- عموما لو جددت جوازي من السفارة سواء من الرياض أو المنامة سوف أحصل على جواز من الجديد اللي بالكمبيوتر واللا من القديم الكبير الحلو بتاع زمان

وأخيراً أنا حابب أتعرف على الناس الجميلة اللي هنا اللهما سفراء مصر الحقيقيين وخصوصا أي حد من الخبر.....

ويا جماعة أنا نازل مصر قريب لو حد عايز يبعت حاجة...جواب....كرتونة....غسالة.....ثلاجة.......أهو كله بتمنه :)

تمنه حبكم طبعا مش أي حاجة تانية لا سمح الله فكركم ميروحش بعيد يعني :closedeyes:

رابط هذا التعليق
شارك

الاخ الفاضل

حجاوب حضرتك على اللى اعرفة وباقى الاخوة يكملو

بالنسبة لتجديد جواز السفر انا جددت جوازى من حوالى شهرين من القنصلية المصرية فى الرياض وكان باقى على تجديدة حوالى 5شهور واعطونى جواز جديد بس من الكبير الاخضر بتاع زمان

دى حدود خبرتى بالموضوع

رابط هذا التعليق
شارك

السلام عليكم ورحمة الله وبركاته

اخي الفاضل عادي جدااا انك تجدد جواز سفرك من اي قنصليه مصريه سؤ الرياض ام المنامه المهم انك هتعمل نقل معلومات

اما بالنسبه للجواز فهو من القديم لان للان القاهره الكبري فقط الا اصدر فيها الجواز الجديد وربنا يوفقك

رابط هذا التعليق
شارك

منور ياباشا وأنا مقيم فى الخبر وأتشرف بمعرفتك وأكيد عايز أبعت مصر كيلو جبنة مصرى عشان هنا أرخص وهستنى رسالتك على الخاص

يدهشني أن يقول الأجانب :

Share What You Can To benefit The Others

وقد عملوا بذلك فتقدموا !

وقد قالها قبلهم أشرف الخلق سيدنا محمد (حب لأخيك ما تحب لنفسك)

أتمني أن لا نكون كالفراعنة القدامي أخفوا عِلمهم فمات معهم !

[وسط][/وسط]

027.gif

رابط هذا التعليق
شارك

خالد شحاته.............شكرا أخي الكريم هاجرب ان شاء الله و هاقولك اللي حصل معايا

غريب الخبر..............منورة باصحابها يا زعيم ياريت تعرفني بنفسك أكتر

رابط هذا التعليق
شارك

  • بعد 1 شهر...
  • بعد 1 سنة...

بخصوص تجديد جوازالسفر انا جددته ول مش غلطان المبلغ ف حدود 270 ريال من كذا شهر

وكان فاضل شهرين ع انتهائه بس كنت مسافر بيه لدبي فقولت اجدده قبل ما اسافر

التجديد بيتمعادي وبتاخد جوزاك من شغلك وتروح تجدده وتحط صورتين وبيتجدد الجواز لمده سبع سنين وشركتك بتنقل بيانت ع الجواز الجديد وخلاص

ولو عاوز تطلع الجديد الصغير بتطلعه لما تنزل مصر وانا سافرت بيه بعد التجديد وعادي لانهم كانوا بيقولوا الجواز القديم هيتوقف استخدامه ابريل 2010

ده كل معلوماتي المتواضعه بخصوص هذا الشان

رابط هذا التعليق
شارك

اصل انا سمعت قولين فى الموضوع ده

ناس بتقول انه بيتجدد لمدة سنتين بدون رسوم

وناس تانيه بتقول انه بيتجدد بـ 385 ريال

و قول ثالث بيقول ان الباسبور الجديد المميكن بـ 380 ريال

لا إله إلا انت سبحانك إنى كنت من الظالمين

رابط هذا التعليق
شارك

السلام عليكم ورحمة الله وبركاته

ذهبت يوم 20/4/2010 لتجديد جواز سفري وكمان جواز سفر المدام

من القنصلية بالرياض حي السفارات اخدو مني الجوازين وعملوا عليهم

تمديد لمدة سنتين من تاريخ انتهائهم بدون رسوم وذلك لحين بدء اصدار

الجواز الجديد والجواز القديم ممتد العمل بيه حتى نوفمبر 2015.

شكرا لكم والسلام عليكم

رابط هذا التعليق
شارك

يعني السفارات حتبدأ تصدر الجواز الجديد خلاص طيب قدامنا خمس سنين لسه مش مشكلة انا جوازي ينتهي 2017 و ابني نفس الشيء

يعني المفروض 2015 نروح نغيره بالجديد

رابط هذا التعليق
شارك

  • بعد 9 شهور...

أعتذر عن رفع موضوع قديم كهذا..و لكن أنا قلت كده أفضل من فتح موضوع جديد

أنا ان شاء الله عندي تجديد جواز بعد كام شهر..ودي أول مرة هعمل تجديد من السعودية

هل فيه جديد طرأ علي الموضوع ده ولا حاجة..ولا ان شاء الله النظام زي ما هو؟؟

و ايه هو الورق المطلوب بالظبط لما آجي ان شاء الله أروح السفارة؟

وجزاكم الله خيرا

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...