اذهب إلى المحتوى
محاورات المصريين

مطبخ الست غاليه .. حلاوة الأكلة الشعبيه :)


لولا

Recommended Posts

الست غاليه .. ايييييييه مين بس بقي ميعرفش الست غاليه اشهر طباخة فيكى يا مصر بتطبخ اكل شعبي محصلش على الهواء مباشره عبر الأقمار الصناعيه فى اول برنامج فريد من نوعه على قناة خمسه وعشرين :cheer:

فاكرة اول مره اكتشفت فيها البرنامج عن طريق الصدفه فى رمضان يااااه مش معقول قد ايه حصلتلي حاله ازبهلالالالالالالال واعجاب بفكرة البرنامج والطبيخ والبساطه و .... برطامانات المخلل والقلل اللى فوق الثلاجه :P

وهووووب عينت نفسي فى منصب مديره الحملة الإعلانيه لبرنامج الست غاليه مش سبت حد الا وحكتله عن البرنامج وفضلت وراه لغايه ما شافه :egyflag: .

فكرت افتح الموضوع دوت عشان نبقي نتشاور فى طبخات الست غاليه اللى فعلا مدرسه والله رغم بساطتها الشديده..

تيب اول حاجه غريبه جدا حابه اقولها هى طبخه اول مره اعرفها شكلها حلو مش جربتها لسه بس حابه اتشاركها معاكم عشان لو حد حابب يجربها ..

الأكله دى صنف حلو اسمه سخينه الموز :egyflag:

اول مره اسمع عنها الأكله دى

المقادير عباره عن موز ، سمنه/ زبده، وكيلو برتقان نعمله عصير ونحطله سكر وندوب بره تلات ملاعق نشا

نسخن السمنه ونحمر فيها كويس شرايح الموز اللى اتقطت بالطول نرصها فى صينيه ونحط عليها عصير البرتقال اللى بالنشا وندخلها الفرن تتحمر ...

وبالهنا والشفا

ياخبر ايه السهوله دى بس ..

ممكن حد يجربها بليز ويقولى طعها ايه انا عايزه اعرف لو هى هتطلع متماسكه زى الكيكه ولا بتماسك المهلبيه مثلا ؟؟

انا مش شوفت الطبخه هتطلع ازاى للأسف ..

عمار يا مصر .

لولا

طائره ورقيه

رياح شديده

خيط قصير

الطائره ليست بين السماء ولا الأرض

..هذه انا!!

لولا

رابط هذا التعليق
شارك

حلوة فكرة الموضوع

تسلم ايديكي

:give_rose:

شكلها تجنن

بس غالبا حتبقى زي المهلبية يا جميل

سوائل + نشا

عموما أجربها و أصورها

و ابقى آجي نتشارك سوا النتائج

:cheer:

أعد شحن طاقتك

حدد وجهتك

و اطلق قواك

رابط هذا التعليق
شارك

لولا الغالية طلعت م المطبخ وعايزة حد تجرب فيه :D

الست غالية .. سرقت الكاميرا من جميع القنوات اللى بتقدم أكلات

السبب .. بساطتها .. أكلاتها الشعبية .. مطبخها الغير مستفز للغالبية العظمى من ستات مصر .. مفيش أسماء أجنبية بتتقال .. كله مصرى شعبى

أم محمد بتحبها جدا

عارفين بتتذاع على قناة إيه .. بتتذاع على قناة 25tv .. بتاعة الأخوان المسلمين ..

شايفين الشغل ؟ .. ما تزعلوش بقى لما يتفوقوا على "النـُخب" فى أى انتخابات ..

"حزب الشلتة" تعداده كبير يا "اخوانا" ngh:

اتفضلوا يا ستات .. حتلاقوا كل حلقاتها على اليوتيوب

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

الغريب انى كنت بدردش مع الزوجه قبل ما اشوف البرنامج حول الفكرة نفسها ولما مراتى شافتها

جلها استبحس وقاللتى انت بتقرا الغيب ولا ايه

شفت كذا حلقه لها وكان انطباعى انها فكرة ممتازة بتطبيق سئ جدا

مش ممكن الحلقه كلها تليفونات ورغى وكلام فى الهايف انا اعصابى بتتعب من كتر التليفونات والرغى الى ملوش لازمة

وكاننا قاعدين على مصطبه

رابط هذا التعليق
شارك

وكاننا قاعدين على مصطبه

على "الشلتة" وانت الصادق يا أستاذ موعود .. والتليفونات دى لزوم قعدة "الشلتة" .. هو الحزب الكبير ده كده .. الحزب اللى النخبة بتوع الفضائيات مش شايفينهم .. وعلشان كده بياخدوا منهم كل قلم والتانى وبرضه مش واخدين بالهم .. زى اللى انضرب سبعتاشر قلم على سهوة

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

من فترة شوفت التقرير التالى على الجزيرة, فعلا الست غالية اصبحت ظاهرة مؤثرة:

الست غالية محمود امرأة مصرية بسيطة في الـ33 عمرها وتسكن بحي فقير في مصر. كانت صاحبة مطبخ متواضع في ركن مجهول تطهو الطعام وتقدمه في أدواتها البسيطة. وكانت تستخدم مقادير سهلة ورخيصة لخدمة زبائنها.

عملت الست غالية خادمة في مصر القديمة. لكن هذا كان قبل 25 يناير، بداية الثورة التي وقف فيها المعدم والموسر جنبا إلى جنب في ميدان التحرير بالقاهرة لإجبار دكتاتور البلد على التنحي وانتهاء نظام طالما احتفى بالنخبة في حين كانت الطبقة المعدمة لا تكاد تقوى على العيش.

لكنها أصبحت نجمة تلفزيونية بعد هذا التاريخ عندما قدمها محمود جوهر، مؤسس محطة تلفزيونية جديدة سميت بيوم بداية الثورة. فانتشلها من مطبخ أخته التي كانت تعمل فيه ووظفها طاهية في البرنامج وأوكل إليها تعليم المصريين كيفية إعداد الأطباق التي يستطيعون تحملها.

واستطاعت غالية بالدعابة ومدخرات بسيطة أن تقدم البرنامج بسهولة وأصبحت رمزا لحركة هدفت إلى حفظ روح التغيير والعدالة الاجتماعية في هذا البلد الذي يقطنه أكثر من 80 مليون نسمة.

ويقول جوهر إن هذه القناة تجعل المصريين يشاهدون أنفسهم في برنامج الطهي الذي بدأ مع بداية شهر رمضان ليقدم لجمهوره بديلا عن أكثر المسلسلات شعبية أثناء شهر الصوم.

وتشير واشنطن بوست إلى أن الست غالية تطهو في برنامجها وجبات يمكن أن تطعم أسرة جائعة بمقدار 4 دولارات فقط. وتجذب مشاهديها بكلامها الجميل بأن كل النساء يستطعن الطهي وأنهن يتصفن بالذكاء ويستطعن عمل أي شيء إذا حاولنه.

وفي منزلها تقوم غالية على خدمة 15 شخصا في أسرتها الكبيرة الممتدة بدخل لا يتجاوز 200 دولار شهريا. فهي تطهو اللحم مرة واحدة في الأسبوع لأن هذا كل ما تستطيع تحمله هي وزوجها الذي يسوق إحدى حافلات النقل الصغيرة. وفي برنامجها يتم إعداد اللحم لأيام الجمع فقط.

وتقول الصحيفة إن غالية كانت تحلم بالزواج وهي صغيرة وأن تزف في سيارة مرسيدس جديدة لكن الحال انتهى بها في سيارة فيات قديمة. وقد مات والدها عندما كانت طفلة وخرجت هي وإخوتها الثمانية للعمل في فترة المراهقة لتوفير لقمة العيش للأسرة.

وخلال برنامجها يسألها الأطفال أسئلة ويعبرون عن حبهم لها. ويتودد إليها الناس حتى إن أحدهم أنشأ صفحة ويب منفصلة ورشحها للرئاسة. وحتى النساء الأنيقات يتصلن بها لمعرفة طريقة عمل شربة العدس وكانت البسمة تعلو وجهها والعالم يتغير لها.

وقالت الصحيفة إن الرسائل الرقيقة التي يبثها برنامجها تحمل دروسا أكبر من مجرد طهي الطعام. فهي تقدم أيضا وصفات أطعمة للأقباط الذين يمتنعون عن أكل اللحم ومنتجات الألبان أثناء صيامهم. وتقول إنها تفعل ذلك لتثبت أن التوترات الطائفية المتزايدة، التي تعتقد أن الحكومة هي التي كانت تقف وراءها، غير موجودة في الأحياء المصرية.

المصدر:واشنطن بوست

المصدر - الجزيرة نت

ليس من المهم اين نقف، ولكن من الضرورى معرفه فى اى اتجاة نسير

رابط هذا التعليق
شارك

يا سلااااااااااام

كل ده عالست غالية وكمان الواشنطن بوست

دى طلعت جامدة قوى واحنا مش عارفين

عموما ربنا يوفق الجميع

﴿ قال رسول الله صلى الله عليه وسلم
كلمتان خفيفتان على اللسان ثقيلتان فى الميزان حبيبتان الى الرحمن


24556918.jpg

nX0pp2.png
رابط هذا التعليق
شارك

بالهنا والشفا يا جماعة, باين عليها أكلة شتوية تنفعنا فى التلج اللى احنا فيه ديه.

تصحيح واقعة يا أستاذ أبو محمد :) , معلش الواحد مخه اتلحس من السياسة والكلام فى السياسة, قناة 25 مش هى بتاعة الإخوان, دى المفروض إنها قناة شبابية, وزى ما بتجيت الست غالية بتجيب برامج عن الفيسبوك والتويتر, على كل لون يعنى.

أما قناة الإخوان بقى اسمها مصر 25, حتلاقى اسمها Misr25 فى الريسيفر.

بدون مبالغة، اللي ناقص عشان نفهم، إن المشير يطلع في بيان على الهوا وفي ايده السلاح ويقول: أيوة يا شعب احنا الطرف التالت، واحنا اللي ورا موقعة الجمل وماسبيرو والعباسية (1) والسفارة الإسرائيلية ومسرح البالون ومحمد محمود ومجلس الوزراء وبورسعيد والعباسية (2)، عايزين حاجة يا شعب؟

shawshank

رابط هذا التعليق
شارك

صباح الخير يالولا .

منورة الدنيا كلها مش المحاورات بس.

بما انك عارفة انى ( كسلانة شوية ) مش بكتب كتير يعنى ..لكنى فعلا عند رؤيتى موضوعك ضحكت وقلت لولا هى لولا ..........كأنها قرأت افكارى وعرفت انى كنت عايزة اتكلم ف الموضوع ده بالذات .

شوفى يالولا حكاية معرفتى بقصة الست غالية ..

كنت اتحدث مع شقيقاتى الاثنتين من حوالى عشرة ايام وفوجئت بأختى الصغرى تقوللى ..

شوفى على الفيس بوك الست غالية وحاتحسى انك عايشة ف مصر بالأكلات اللى بتعملها وحاتعجبك قوى لأنها بسيطة جدا .......وردت اختى التانية وقالت لى لالالالالالا مش حاتعجبك لأنها معجبتنيش وحسيت ان كل ده سرحان بالناس وضحك عليهم ..

والمهم...

دخلت بقى عن طريق اليوتيوب .....وشفت الست غالية .

وسوف اتحدث بكل الصدق عن احساسى الأول بها ....ثم ....احساسى بعد تفكير قليل.

اولا .........قلت فكرة ذكية وشئ جرئ ان التصوير داخل مطبخها لأنها بتقول ( مطبخى مطبخى مطبخى على أدى ) ...

ثم...بعد رؤيتى لكذا حلقة ورا بعض يعنى .....لقيتها بتقول .

اسمحوا لى اشرب اصلى عطشانة ..........ومدت ايدها واخدت القلة وشربت .(( على رأى الاسكندرانية يعنى ...حركة قارعة قوى وتقرب لشريحة كبيرة ))

رغم ان عندها تلاجة ؟؟ محبكش يعنى ؟؟؟

بس البساطة بقى لابد تظهر ..

هههههههههه

ساعتها بقى ...

ساعتها بقى ...

انا فقت من حالة التوهان اللى كانت عاملاهالى بحكاية البساطة دى وتقول امى ( كانت بتعمل لنا فتة سمك ) هههههههههه........بما انى اسكندرانية اصيلة .

مسمعتش عن فتة السمك دى نهائياااااااا..

وده ملهوش علاقة لا بفقر ولا بغنى ...

يعنى بتقول أكلات ....بيخترعوها علشان كانوا عدد كبير..

ماعلينا ..

انتبهت بقى للى بيتكلموا معاها ........والأخوة العرب .

والست البسيطة ((( المدردحة ....الواعية ...اللى بتعرف ببساطة من اين تؤكل الكتف )))

اعذرينى لصراحتى يالولا ...

فهمت بقى ساعتها رأى ....شقيقتى رقم اتنين اللى فاهمة الامور ماشية ازاى .

الست غالية ست مصرية بسيطة وشاطرة ومفتحة .........عملت فى اعمال كثيرة ومن ضمنها طباخة (( وكان عيب وميصحش يقولوا خدامة .بس بقى الجزيرة عاوزة تعمل فرقعة اعلامية وتحط شوية بهارات ..)) .

يعنى ف الحقيقة .......قدموها بعد تفكير ودراسة لتأثير الموضوع ده على الناس خصوصا وسط الغلاء اللى كسر ظهورهم .

المطبخ مش مطبخها طبعاااا.

ده ديكور مدروس كويس ..

المكاسب الحقيقية مش ف جيبها ..........طبعاااااا.

اللى قدمها ( اسمه ايه ) من مطبخ اخته وأخدها ...

هو اللى كسب من وراها دهب ............ورضاها بشوية فتافيت من اللى بتحطهم ف الشوربة .

وف نفس الوقت ......يضمن اقبال جماهيرى على القناة ( بتاعتهم ) ..

شوفى يالولا ..

نقول الخلاصة ؟؟؟

البياع الشاطر .......بيبيع لكل زبون السلعة اللى عارف انها حاترضيه.

ودول ؟؟

باعوا لنا ....مصر اللى بنفتقدها .....على هيئة الست غالية ..

و..

رغم كل شئ ....لابد اقول ان هذه الظاهرة تثبت ان كل ( حد ) بيحاول ينتهز فرصة الثورة بطريقته .

وآهى ......أرزاق .

الله يرزق كل الغلابة وكل الناس الطيبة ..... :clappingrose: :clappingrose: :clappingrose:

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

حلوة فكرة الموضوع

تسلم ايديكي

:give_rose:

شكلها تجنن

بس غالبا حتبقى زي المهلبية يا جميل

سوائل + نشا

عموما أجربها و أصورها

و ابقى آجي نتشارك سوا النتائج

:cheer:

بيرو حبيبتى حتعمليها وتصوريها كماااان :wub:

هتبقي حاجه لطيفه جدا .. آه والله نفسي نبقي نتشارك فى النتايج ههههه الست دى عامله انقلاب ثورى محصلش وبتقول نصايح فضيعه وسط ما بتطبخ .. عايزين نعرف بيها اى حد مش لسه مش يعرفها عشان اللى مش بيتابعها فعلا فاته نص عمره :happy:

طائره ورقيه

رياح شديده

خيط قصير

الطائره ليست بين السماء ولا الأرض

..هذه انا!!

لولا

رابط هذا التعليق
شارك

لولا الغالية طلعت م المطبخ وعايزة حد تجرب فيه :D

الست غالية .. سرقت الكاميرا من جميع القنوات اللى بتقدم أكلات

السبب .. بساطتها .. أكلاتها الشعبية .. مطبخها الغير مستفز للغالبية العظمى من ستات مصر .. مفيش أسماء أجنبية بتتقال .. كله مصرى شعبى

أم محمد بتحبها جدا

عارفين بتتذاع على قناة إيه .. بتتذاع على قناة 25tv .. بتاعة الأخوان المسلمين ..

شايفين الشغل ؟ .. ما تزعلوش بقى لما يتفوقوا على "النـُخب" فى أى انتخابات ..

"حزب الشلتة" تعداده كبير يا "اخوانا" ngh:

اتفضلوا يا ستات .. حتلاقوا كل حلقاتها على اليوتيوب

ههههه نو نو مش دخلت المطبخ لسه اطبقها انا قلت حد يطبقها ويقولى فأتشجع اكتر انا اصلا عاجبنى جدا اسمها وبساطه مكوناتها

الحاجات البسيطه دى بتفكرى لما كنا اطفال كانت ماما بتعملنا حاجات بسيطه من اصناف الحلويات فى البيت وبتشكل جزء جميل من ذكريات الطفوله ... بيصعب عليا الجيل الحالى هيكبر يفتكر ايه بس ؟؟ انه كان بيجب كريسبي دونات ولا سينابون من بره ؟؟

ريحه الفرن والكيك والحلويات اجمل شيء بيعمل فى البيت دفا وتتجمع حوليه العيله ... :wub:

آه طبعا ليها حق ام محمد تحبها حقيقي الست دى بتطبخ من قلبها وبصدق ومن غير تكلف وبحس انها قدرت تدخل قلوبنا عشان هى فعلا حد بسيط واصيل ومش مصطنع ..

انا بستمتع جدا جدا بفقرة التليفونات .. عارف بحب فى الفقره دى انى ناس مختلفه من كل شكل ولون وطبقه اجتماعيه بتتصل واحس فى الساعه اللى بتتذاع فيها الحلقه انى خدت جرعه مهوله من ريحه مصر واصالتها فى صدرى ياااااااه احساس مش يتوصف ابدا ابدا .

كنت لسه عايزه انزل بأى يوتيوب ليها عشان لو حد مش عارفها يعرفها ويتابعها على القناه بتاعتها هى بتقدم حلقه كل يوم

احد وتلاثاء وخميس .

منور التوبيك ياغالى :give_rose:

طائره ورقيه

رياح شديده

خيط قصير

الطائره ليست بين السماء ولا الأرض

..هذه انا!!

لولا

رابط هذا التعليق
شارك

الغريب انى كنت بدردش مع الزوجه قبل ما اشوف البرنامج حول الفكرة نفسها ولما مراتى شافتها

جلها استبحس وقاللتى انت بتقرا الغيب ولا ايه

شفت كذا حلقه لها وكان انطباعى انها فكرة ممتازة بتطبيق سئ جدا

مش ممكن الحلقه كلها تليفونات ورغى وكلام فى الهايف انا اعصابى بتتعب من كتر التليفونات والرغى الى ملوش لازمة

وكاننا قاعدين على مصطبه

تصدق انا كنت لسه بقول لعمو ابو محمد انى بحب فقرة التليفونات .. بحسها جزء اصيل من اصاله البرنامج على فكره

فى ناس بستمتع جدا بطريقتهم البسيطه قوى فى الكلام ولهجتهم وتنوع الأماكن اللى بيتصلو منها فى مدن وقرى واقاليم مصر شيء جديد ومختلف جدا مش اتعودت عليه ولا سبق شفته .. كأنى بشوفهم من خلال صوتهم وروحهم وهى بتتكلم وتحكى جزء من مشكله او تفاصيل حياة او تبعت تهنئه بحب كبير وبساطه محصلتش .. تفتكر غياب كل دوت وتفاعل الشريحه الرهيبه دى من الشعب مع البرنامج لايف كان هيخليه يحتل نفس المكانه فى نفوسنا ؟؟

انا عن نفسي حبيته جدا كده .. وبدأت اعرف الست فيفي لما بتتصل من مصر الجديده مثلا واسمع حكايتها وانا مستمعه بحكايات الست المصريه اللى بتحكى بمنتهى خفه الدم والبساطه كأنها حد من جيرانك ..

لسه بضحك كل ما افتكر حكايتها انها جربت تطبخ الخرشوف لأول مره فرمت قلب الخرشوف وطبخت القشره :)

والأسبوع دوت اتصل راجل بسيط بيشتغل فى تجاره وتحميل الخضار وكان بيقول ان خضروات امشير كلها مسكره وفضل يوصفها بطريقه حسستنى انى مفتقده تفاصيل مصر دى .. نكهه الخضار .. الفلفل الرومى وريحته .. والبطاطس اللى بتيجى مسكره .. الناس البسيطه دى جواها كنوز مهوله من الرضا وحب الحياة وسط كل اللى هما فيه..

كنت بسمعه وبفكر زى كل مره الناس دى بسيطه قوى وغلبانه قوى وراضيه قوى واصيله قوى .. كان بيحكى انهم طلعوا يجيبو شحنه خضار واتغدو فى البلد وكان الجو والقعده جميله جدا جدا ... ياااه شوف ازاى الناس دى بكل اللى هما فيهم اكله جميله وبسيطه وشويه هوا حلو خلوه يحس انه سلطان زمانه ..

عظيمه يا مصر بشعبك .. و ,,, شعب مصر نسبه الناس البسيطه قوى دى اللى فيه اكبر من النسبه اللى محتله كل القنوات الفضائيه والأرضيه .. هنستكتر عليهم حتى البرنامج الشعبى ده يطلع فيه صوتهم ونقول مصطبه :protest:

تحياتى لحضرتك :clappingrose:

طائره ورقيه

رياح شديده

خيط قصير

الطائره ليست بين السماء ولا الأرض

..هذه انا!!

لولا

رابط هذا التعليق
شارك

من فترة شوفت التقرير التالى على الجزيرة, فعلا الست غالية اصبحت ظاهرة مؤثرة:

الست غالية محمود امرأة مصرية بسيطة في الـ33 عمرها وتسكن بحي فقير في مصر. كانت صاحبة مطبخ متواضع في ركن مجهول تطهو الطعام وتقدمه في أدواتها البسيطة. وكانت تستخدم مقادير سهلة ورخيصة لخدمة زبائنها.

عملت الست غالية خادمة في مصر القديمة. لكن هذا كان قبل 25 يناير، بداية الثورة التي وقف فيها المعدم والموسر جنبا إلى جنب في ميدان التحرير بالقاهرة لإجبار دكتاتور البلد على التنحي وانتهاء نظام طالما احتفى بالنخبة في حين كانت الطبقة المعدمة لا تكاد تقوى على العيش.

لكنها أصبحت نجمة تلفزيونية بعد هذا التاريخ عندما قدمها محمود جوهر، مؤسس محطة تلفزيونية جديدة سميت بيوم بداية الثورة. فانتشلها من مطبخ أخته التي كانت تعمل فيه ووظفها طاهية في البرنامج وأوكل إليها تعليم المصريين كيفية إعداد الأطباق التي يستطيعون تحملها.

واستطاعت غالية بالدعابة ومدخرات بسيطة أن تقدم البرنامج بسهولة وأصبحت رمزا لحركة هدفت إلى حفظ روح التغيير والعدالة الاجتماعية في هذا البلد الذي يقطنه أكثر من 80 مليون نسمة.

ويقول جوهر إن هذه القناة تجعل المصريين يشاهدون أنفسهم في برنامج الطهي الذي بدأ مع بداية شهر رمضان ليقدم لجمهوره بديلا عن أكثر المسلسلات شعبية أثناء شهر الصوم.

وتشير واشنطن بوست إلى أن الست غالية تطهو في برنامجها وجبات يمكن أن تطعم أسرة جائعة بمقدار 4 دولارات فقط. وتجذب مشاهديها بكلامها الجميل بأن كل النساء يستطعن الطهي وأنهن يتصفن بالذكاء ويستطعن عمل أي شيء إذا حاولنه.

وفي منزلها تقوم غالية على خدمة 15 شخصا في أسرتها الكبيرة الممتدة بدخل لا يتجاوز 200 دولار شهريا. فهي تطهو اللحم مرة واحدة في الأسبوع لأن هذا كل ما تستطيع تحمله هي وزوجها الذي يسوق إحدى حافلات النقل الصغيرة. وفي برنامجها يتم إعداد اللحم لأيام الجمع فقط.

وتقول الصحيفة إن غالية كانت تحلم بالزواج وهي صغيرة وأن تزف في سيارة مرسيدس جديدة لكن الحال انتهى بها في سيارة فيات قديمة. وقد مات والدها عندما كانت طفلة وخرجت هي وإخوتها الثمانية للعمل في فترة المراهقة لتوفير لقمة العيش للأسرة.

وخلال برنامجها يسألها الأطفال أسئلة ويعبرون عن حبهم لها. ويتودد إليها الناس حتى إن أحدهم أنشأ صفحة ويب منفصلة ورشحها للرئاسة. وحتى النساء الأنيقات يتصلن بها لمعرفة طريقة عمل شربة العدس وكانت البسمة تعلو وجهها والعالم يتغير لها.

وقالت الصحيفة إن الرسائل الرقيقة التي يبثها برنامجها تحمل دروسا أكبر من مجرد طهي الطعام. فهي تقدم أيضا وصفات أطعمة للأقباط الذين يمتنعون عن أكل اللحم ومنتجات الألبان أثناء صيامهم. وتقول إنها تفعل ذلك لتثبت أن التوترات الطائفية المتزايدة، التي تعتقد أن الحكومة هي التي كانت تقف وراءها، غير موجودة في الأحياء المصرية.

المصدر:واشنطن بوست

المصدر - الجزيرة نت

الست غاليه عدت يا جودعااااااااان :P

تسلم ايدك على التقرير :clappingrose:

طائره ورقيه

رياح شديده

خيط قصير

الطائره ليست بين السماء ولا الأرض

..هذه انا!!

لولا

رابط هذا التعليق
شارك

الحاجات البسيطه دى بتفكرى لما كنا اطفال كانت ماما بتعملنا حاجات بسيطه من اصناف الحلويات فى البيت وبتشكل جزء جميل من ذكريات الطفوله ... بيصعب عليا الجيل الحالى هيكبر يفتكر ايه بس ؟؟ انه كان بيجب كريسبي دونات ولا سينابون من بره ؟؟

ريحه الفرن والكيك والحلويات اجمل شيء بيعمل فى البيت دفا وتتجمع حوليه العيله ... :wub:

ايوة والله يا لولا

دي أغلب ذكريات طفولتي

أيام الشتاء و الأكلات الساخنة اللذيذة

و أيام الصيف و الحلويات الخفيفة و العصائر الطبيعية

و الا ايام رمضان المحفورة في الفؤاد خصوصا رمضان 84 له أجمل ذكريات

وكان أول رمضان أصومه كله

:wub:

يااااااااااااه

تعرفي انا دخلت الموضوع و شجعت الأكلة من غير ما اشوف الست دي

بس اما شفتها حسيت بألفة غريبة

و جذبتني بشكل غير طبيعي

اموت انا في الستات المدبرة وده سر نجاحها على فكرة

تعرفي انا لما بالاقي برنامج طبخ مليان اسماء اجنبية و حاجات جاية من كوكب تاني باحول القناة على طول

في برامج فعلا مستفزة جدا

مش بس انها حاجات غالية في سعرها

بل كمان لأني باحسها مكلكعة كده و استعراضية

هو في احلى من مصر و أكل مصر

البلدي يوكل يا ناس

وحشتني مصر اوي اوي اوي

وخضار مصر

و أكلات مصر الشعبية اوي

تعرفي يا لولا

أنا بامووووووووووووت في الفول و الطعمية و الكشري و العدس و البصارة و القرنبيط و الباذنجان

و الفجل و الجرجير و الخس

و التوابل المصرية

و المشروبات المصرية

كل ما هو مصررررررررري

يارب

احفظ مصر و زيح الغُمة يااااااااااااارب

آمين

آمين

آمين

أعد شحن طاقتك

حدد وجهتك

و اطلق قواك

رابط هذا التعليق
شارك

صباح الخير يالولا .

منورة الدنيا كلها مش المحاورات بس.

بما انك عارفة انى ( كسلانة شوية ) مش بكتب كتير يعنى ..لكنى فعلا عند رؤيتى موضوعك ضحكت وقلت لولا هى لولا ..........كأنها قرأت افكارى وعرفت انى كنت عايزة اتكلم ف الموضوع ده بالذات .

شوفى يالولا حكاية معرفتى بقصة الست غالية ..

كنت اتحدث مع شقيقاتى الاثنتين من حوالى عشرة ايام وفوجئت بأختى الصغرى تقوللى ..

شوفى على الفيس بوك الست غالية وحاتحسى انك عايشة ف مصر بالأكلات اللى بتعملها وحاتعجبك قوى لأنها بسيطة جدا .......وردت اختى التانية وقالت لى لالالالالالا مش حاتعجبك لأنها معجبتنيش وحسيت ان كل ده سرحان بالناس وضحك عليهم ..

والمهم...

دخلت بقى عن طريق اليوتيوب .....وشفت الست غالية .

وسوف اتحدث بكل الصدق عن احساسى الأول بها ....ثم ....احساسى بعد تفكير قليل.

اولا .........قلت فكرة ذكية وشئ جرئ ان التصوير داخل مطبخها لأنها بتقول ( مطبخى مطبخى مطبخى على أدى ) ...

ثم...بعد رؤيتى لكذا حلقة ورا بعض يعنى .....لقيتها بتقول .

اسمحوا لى اشرب اصلى عطشانة ..........ومدت ايدها واخدت القلة وشربت .(( على رأى الاسكندرانية يعنى ...حركة قارعة قوى وتقرب لشريحة كبيرة ))

رغم ان عندها تلاجة ؟؟ محبكش يعنى ؟؟؟

بس البساطة بقى لابد تظهر ..

هههههههههه

ساعتها بقى ...

ساعتها بقى ...

انا فقت من حالة التوهان اللى كانت عاملاهالى بحكاية البساطة دى وتقول امى ( كانت بتعمل لنا فتة سمك ) هههههههههه........بما انى اسكندرانية اصيلة .

مسمعتش عن فتة السمك دى نهائياااااااا..

وده ملهوش علاقة لا بفقر ولا بغنى ...

يعنى بتقول أكلات ....بيخترعوها علشان كانوا عدد كبير..

ماعلينا ..

انتبهت بقى للى بيتكلموا معاها ........والأخوة العرب .

والست البسيطة ((( المدردحة ....الواعية ...اللى بتعرف ببساطة من اين تؤكل الكتف )))

اعذرينى لصراحتى يالولا ...

فهمت بقى ساعتها رأى ....شقيقتى رقم اتنين اللى فاهمة الامور ماشية ازاى .

الست غالية ست مصرية بسيطة وشاطرة ومفتحة .........عملت فى اعمال كثيرة ومن ضمنها طباخة (( وكان عيب وميصحش يقولوا خدامة .بس بقى الجزيرة عاوزة تعمل فرقعة اعلامية وتحط شوية بهارات ..)) .

يعنى ف الحقيقة .......قدموها بعد تفكير ودراسة لتأثير الموضوع ده على الناس خصوصا وسط الغلاء اللى كسر ظهورهم .

المطبخ مش مطبخها طبعاااا.

ده ديكور مدروس كويس ..

المكاسب الحقيقية مش ف جيبها ..........طبعاااااا.

اللى قدمها ( اسمه ايه ) من مطبخ اخته وأخدها ...

هو اللى كسب من وراها دهب ............ورضاها بشوية فتافيت من اللى بتحطهم ف الشوربة .

وف نفس الوقت ......يضمن اقبال جماهيرى على القناة ( بتاعتهم ) ..

شوفى يالولا ..

نقول الخلاصة ؟؟؟

البياع الشاطر .......بيبيع لكل زبون السلعة اللى عارف انها حاترضيه.

ودول ؟؟

باعوا لنا ....مصر اللى بنفتقدها .....على هيئة الست غالية ..

و..

رغم كل شئ ....لابد اقول ان هذه الظاهرة تثبت ان كل ( حد ) بيحاول ينتهز فرصة الثورة بطريقته .

وآهى ......أرزاق .

الله يرزق كل الغلابة وكل الناس الطيبة ..... :clappingrose: :clappingrose: :clappingrose:

ماما سلوى :wub: :give_rose:

ههههه تصدقى انا قعدت كذا حلقه افكر فى موضوع المطبخ دوت ... بعدين عرفت تالت حلقه كنت خلاص طبعا استوعبت انه مش مطبخها شور شور ..قصدى آه عارفه ان دوت استديو متجهز فيه مطبخ بسيط يحاكى اى مطبخ بسيط جدا لأى ست بسيطه وهى بتتعامل معاه بالروح دى بتشريله ادوات الطبيخ اللى بتجيبها فى بيتها الأصلى زى لما فى حلقات رمضان نزلت تشترى كام شفشق بلاستيك بسعر بسيط عشان العصيرات وسيرفيس وقالت ان مرايل الطبيخ دى مش بتاعتها لأنها اصلا مش تقدر تشترى مرايل طبيخ غاليه هو انا مش حسيت ابدا انها بتكدب بمعنى تكدب او تتظاهر هى ذكيه طبعا وبسيطه وقعدت مع معدين ومخرج وفريق اعداد لشرح وتوصيل فكره وروح البرنامج اللى عايزينها توصل عن طريقها للجمهور من خلال محاكاة مطبخ بسيط وميزانيه بسيطه وادوات بسيطه وبهارات متوفره فى كل بيت وطرح امثله شعبيه وكل دوت

الثوره اسفرت عن ظواهر كتير كتير

الست غاليه وشريحتها الإجتماعيه لو كان حد فكر يديهم المساحه البسيطه دى لبرنامج زى دوت قبل الثورة كان برضو هينجح بنفس القدر.

هههههه بس مش حتقوليلي انك مش بتفتحى صدرك كده تاخدى جرعات مصريه مركزه مركزه وانتى بتابعى الطبخات اللى بتفكرك بريحه وطعم الأكل فى مصر وتفاصيل الحياة الحلوه .

على فكره اقدر اقولك بمنتهى الثقه بمنتهى الثقه ان كل المكالمات اللى بتتصل من السعوديه بالست غاليه هى مكالمات حقيقيه جدا وان شعبيتها فى السعوديه رهيبه فى الأوساط الحجازيه مكه والمدينه وجده يعنى خصوصا عند الأجيال اللى عاشت روح مصر فى السبعينات والتمانينات وكانت مصر جزء اصيل مؤثر فى كل شيء وبتحتل بكل تفاصيلها مكانه فى وجدان كل عربي قبل الدمار اللى احدثه مبارك وده شيء انا عارفاه كويس من احاديث وعلاقات مع ناس كتير من مراحل عمريه مختلفه ليها فى مصر ذكريات وارتباطات وجدانيه كبيره للمصرين واكل مصر والشخصيه المصريه الأصيله معزه كبيره .

امممم بس اول مره فى حياتى اعرف ان فى فته سمك ... بتشتغلنا غاليه فى الحته دى يعنى :P

طائره ورقيه

رياح شديده

خيط قصير

الطائره ليست بين السماء ولا الأرض

..هذه انا!!

لولا

رابط هذا التعليق
شارك

الحاجات البسيطه دى بتفكرى لما كنا اطفال كانت ماما بتعملنا حاجات بسيطه من اصناف الحلويات فى البيت وبتشكل جزء جميل من ذكريات الطفوله ... بيصعب عليا الجيل الحالى هيكبر يفتكر ايه بس ؟؟ انه كان بيجب كريسبي دونات ولا سينابون من بره ؟؟

ريحه الفرن والكيك والحلويات اجمل شيء بيعمل فى البيت دفا وتتجمع حوليه العيله ... :wub:

ايوة والله يا لولا

دي أغلب ذكريات طفولتي

أيام الشتاء و الأكلات الساخنة اللذيذة

و أيام الصيف و الحلويات الخفيفة و العصائر الطبيعية

و الا ايام رمضان المحفورة في الفؤاد خصوصا رمضان 84 له أجمل ذكريات

وكان أول رمضان أصومه كله

:wub:

يااااااااااااه

تعرفي انا دخلت الموضوع و شجعت الأكلة من غير ما اشوف الست دي

بس اما شفتها حسيت بألفة غريبة

و جذبتني بشكل غير طبيعي

اموت انا في الستات المدبرة وده سر نجاحها على فكرة

تعرفي انا لما بالاقي برنامج طبخ مليان اسماء اجنبية و حاجات جاية من كوكب تاني باحول القناة على طول

في برامج فعلا مستفزة جدا

مش بس انها حاجات غالية في سعرها

بل كمان لأني باحسها مكلكعة كده و استعراضية

هو في احلى من مصر و أكل مصر

البلدي يوكل يا ناس

وحشتني مصر اوي اوي اوي

وخضار مصر

و أكلات مصر الشعبية اوي

تعرفي يا لولا

أنا بامووووووووووووت في الفول و الطعمية و الكشري و العدس و البصارة و القرنبيط و الباذنجان

و الفجل و الجرجير و الخس

و التوابل المصرية

و المشروبات المصرية

كل ما هو مصررررررررري

يارب

احفظ مصر و زيح الغُمة يااااااااااااارب

آمين

آمين

آمين

آمين يا عبير ... آمين يا حبيبتى

ربنا يحمى مصر وشعبها من كل شر ونشوفها فى المكانه اللى تستحقها ويستحقها الشعب العظيم دوت.

مين بس مش يحب الأكلات الشعبيه البسيطه بطعمها ..بجوها .. بناسها كمان وحتى بأماكنها الشعبيه

مرة كنت حكيت من زمان اول ما كنت بروح مع اهلى الحسين واكل الحمام فى مطعم فرحات والزحمه لحد الفجر فى الشارع الضيق قوى دوت

وشعبيه كل كل حاجه هههه اول مره كنت لسه فى مرحله المراهقه بقي وفضلت اتنطط وحلفت ميه يمين مش واكله من الأكل دوت ولا فى الجو دوت والقطه عاملالى رعب وهى بتعدى من تحت الطربيزه تخيلي بعدها لما فتح فرع لفرحات فى ميدان لبنان ورحت وكان الجو مختلف واطباق صينى وشوك وسكاكين ونظام مطاعم حسيت ان روح الأكل مختلفه جدا جدا وحنيت جدا لمطعم الحسين والشارع الضيق واطباق الميلانين والقطه اللى بتعدى من تحت الطربيزه :happy:

الطبقه الشعبيه فى مصر هى الروح الأصيله لمصر .. وناسها المغمورين الغلابه المطحونين هما اللى بيعملوا لمصر لون وريحه وطعم بكل تفاصيلهم وكلنا مهما علينا وسافرنا وشفنا بيوحشنا ساندوتش طعميه بسيط وطيق كشرى وطبق فول الصبح معصور عليه نص لمونه .

شيء ساحر قوى ان المطابخ البسيطه جدا جدا للشريحه دى والمكونات الأبسط تطلع الأكلات الجميله دى كلها بالطعم دوت

عايزه اقول بعنصريه بقي مش هتلاقي كده غير فى مصر ولما تلاقي كده هتبقي اكيد فى مصر.

ايا كانت بقي الست غاليه واجنداتها الخفيه :P انا بحب البرنامج دوت وبحب الست دى وكل ما بفتح البرنامج بفتح صدرى واخد نفس جامد اشم فيه ريحه مصر البسيطه اللى بتوحشنى قوى قوى :wub:

حاولى بقي تشوفيها ياعبير الحد والتلات والخميس لو فتحتى من سبعه لتمانيه هتلاقيها على قناة خمسه وعشرين .

طائره ورقيه

رياح شديده

خيط قصير

الطائره ليست بين السماء ولا الأرض

..هذه انا!!

لولا

رابط هذا التعليق
شارك

قرأت الموضوع مساء أمس و تحدثت مع زوجتي عنه واتصلت بالفضل ابو محمد اسأله عن تردد القناة التى تبث البرنامج

ما سبق كان إستهلالا لابد منه

حادثين الفاضل أبو محمد مساء أمس و أخبرني أن إعادة البرنامج يتم بثها الآن و ناديت زوجتي و بدأنا في المشاهدة و لا أريد أن أكرر كل ما جاء بالموضوع و لكننا ببساطة إنبهرنا بالبرنامج ومحتواه

اليوم فتحت الفيديو كليب المعروض هنا و ركزت فيه جداً كل شئ يبدو طبيعيا جداً إلا وجود صينية القلل في المطبخ. ووجود بلاص في الركن المجاور البوتاجاز وحيث أني أذكر تماماً وجود البلاص في بيتنا كجزء من المخزون السلعي الضروري و لأننا نمتلك عصارة لصناعة العسل الأسود في قريتنا فكان وجود البلاص عندنا شيء عادي أستطيع أن أجزم أن المطبخ طبيعي جداً. و لعله هو الموجود فى كل البيوت المصرية

ملاحظة : تردد القناه هو10911 رأسي 27500 3/4 و إسم القناة 25tv

مواطنين لا متفرجين


رابط هذا التعليق
شارك

الست غاليه عدت يا جودعااااااااان :P

تسلم ايدك على التقرير :clappingrose:

شكرا على الوردة,

انا شوفت الست غالية ( علشان محدش يفهم غلط كانت زوجتى بتشوفها على اليوتيوب), وعجبنى قوى الاسلوب البسيط الى بتقدمة كمان عدم الاحراج عن الكلام عن التوفير والفصال مع البياعين وتقديم الوصقات السهلة الى مش بتحتاج كتير من العناء,

واتمنى ليكم بالهنى والشفاء :)

ليس من المهم اين نقف، ولكن من الضرورى معرفه فى اى اتجاة نسير

رابط هذا التعليق
شارك

قرأت الموضوع مساء أمس و تحدثت مع زوجتي عنه واتصلت بالفضل ابو محمد اسأله عن تردد القناة التى تبث البرنامج

ما سبق كان إستهلالا لابد منه

حادثين الفاضل أبو محمد مساء أمس و أخبرني أن إعادة البرنامج يتم بثها الآن و ناديت زوجتي و بدأنا في المشاهدة و لا أريد أن أكرر كل ما جاء بالموضوع و لكننا ببساطة إنبهرنا بالبرنامج ومحتواه

اليوم فتحت الفيديو كليب المعروض هنا و ركزت فيه جداً كل شئ يبدو طبيعيا جداً إلا وجود صينية القلل في المطبخ. ووجود بلاص في الركن المجاور البوتاجاز وحيث أني أذكر تماماً وجود البلاص في بيتنا كجزء من المخزون السلعي الضروري و لأننا نمتلك عصارة لصناعة العسل الأسود في قريتنا فكان وجود البلاص عندنا شيء عادي أستطيع أن أجزم أن المطبخ طبيعي جداً. و لعله هو الموجود فى كل البيوت المصرية

ملاحظة : تردد القناه هو10911 رأسي 27500 3/4 و إسم القناة 25tv

آه يا قلبي مش مسدقه " عارفه يا عمو محمد انها مش تكتب كده :P " بابا عادل ابو زيد بذات نفسه هنا وبقي من جَمهورك يا غاليه :happy: :happy: :cheer: :

انشاء الله بقي كل حد مش لسه بيتابع الطبخات المصرية الجميلة الأصيله البسيطه دى يبقي يتابعها ونبقي نتشاور فى طبخاتها ونصايحها

النهارده كان صديق عزيز بيحكيلي احساسه لما كان بيتفرج بالصدفه على جزء من حلقتها واذ بها بتطلع ببطرمان اللفت المخلل .. فجأة الولد حصله فلاش باك ياعينى للعصر السحيق ايام ماكانت الأمهات بتعمل لفت مخلل وانقرضت الحاجات دى خلاويص :Head:

اممممم عايزه اقول ان عشت سنين الجواز كلها بعمل محشي بتنجان وارصه بالعرض ويادى الكسوف يادى الخيبه يادى الوكسه اكتشفت من غاليه انه بيترص بالطول :blink: حتقولى دى معلومه عبيطه واساسي حقولكم مانا مكنتش اعرف :Head: :sad:

ياحلاوة الأكلة الشعبيه ياجدعان بطريقتها الأصيله المعتبره :egyflag:

طائره ورقيه

رياح شديده

خيط قصير

الطائره ليست بين السماء ولا الأرض

..هذه انا!!

لولا

رابط هذا التعليق
شارك

الست غاليه عدت يا جودعااااااااان :P

تسلم ايدك على التقرير :clappingrose:

شكرا على الوردة,

انا شوفت الست غالية ( علشان محدش يفهم غلط كانت زوجتى بتشوفها على اليوتيوب), وعجبنى قوى الاسلوب البسيط الى بتقدمة كمان عدم الاحراج عن الكلام عن التوفير والفصال مع البياعين وتقديم الوصقات السهلة الى مش بتحتاج كتير من العناء,

واتمنى ليكم بالهنى والشفاء :)

ايووووووووون لازم تفهمنا تومامن لماذا كنت تشاهد الست غاليه وهل كنت تفعل ذلك بصحبة زوجتك او ... من وراها :blink:

بهزر انت منور وياريت ديما تتابع غاليه مع المدام وتنقلنا تعليقاتك هنا .

ههههههه اكتر حاجه كانت بتضحكنى فى الحلقات الأولى ان فى رجاله بتتصل وتسلم وتسترسل وهوووووووب تقولها والنبى ياغاليه خدى المدام اشرحليها طريقه عمل شوربه كذا ولا الرز مش بيطلع معاها مفلفل خدى قوليلها الطريقه هههه بيموتونى من الضحك استحالة العالم ده كله كده على بعضه من الشرق للغرب يكون فيه رجالة جميلة كده زى شخصية الرجل المصرى فعلا ..

عظيم ياشعب والله عظيم

طائره ورقيه

رياح شديده

خيط قصير

الطائره ليست بين السماء ولا الأرض

..هذه انا!!

لولا

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...