كنوز فنيه غنائيه موسيقيه نادره

[MZohairy]

بعد ما ربنا وفقني و بقيت أعرف أحمل الأعمال الموسيقيه و انزلها في المحاورات قلت أفتح الموضوع ده عشان اشارك اخواني ويشاركوني في ممتلكاتهم من الأعمال الموسيقيه او الغنائيه النادره

تسجيل نادر لعبد الوهاب وهو يتلو سورة الضحى

http://www.BLOCKED77/file/4147025/3ef0c0...quran_doha.html

تسجيل نادر لأم كلثوم تغني يا ليلة العيد بحضور الملك فاروق

http://www.BLOCKED77/file/4147121/385f6e...m_kalthoum.html

والبقية تأتي

والدعوه مفتوحه للجميع للمشاركه بأي تسجيل نادر

تم تعديل 30 سبتمبر 2006 بواسطة mzohairy

[Folana]

السلام عليكم ورحمة الله .....

شكراً لمجهودك اخى الفاضل امرؤ الزهيرى...والله رمضان كريم .. اهو انت نسيتنا شوية من تحفك السنية..وارد عم عطية بتاع الطعمية...

تسجيلات جميلة فعلا ..ربنا يفتح عليك...بس الملاحظ ان عبد الوهاب ماكانش دارس قرءان لانه بيتلو بدون احكام....يعنى مافيش اخفاء ولا قلقلة ..وبرضه الجيم مش بيعطشها ..لانه المعروف ان الجيم لازم تنطق متعطشة بثلاث تقط يعنى تحتها فى القراءن...

على فكرة ..انا مش باغلس والله ولا بانتقد كده والسلام..بس مجرد ملحوظة حبيت اضيفها على كنزك الجميل...ومنتظرين البقية............

صباحك جميل............... :)

[MZohairy]

لا بقى يا فولانه :)

السوره فيها 4 جيم و كلها الراجل معطشها

اذا سجى (بتعطيش الجيم)

ألم يجدك يتيما فآوى ( بتعطيش الجيم)

و وجدك ضالا فهدى (بتعطيش الجيم)

و وجدك عائلا فأغنى (بتعطيش الجيم)

عايزاه يعطش ايه تاني؟

الدنيا صيام واحنا عاطشانين خلقه :P

[Folana]

لا بقى يا فولانه :)

السوره فيها 4 جيم و كلها الراجل معطشها

اذا سجى (بتعطيش الجيم)

ألم يجدك يتيما فآوى ( بتعطيش الجيم)

و وجدك ضالا فهدى (بتعطيش الجيم)

و وجدك عائلا فأغنى (بتعطيش الجيم)

عايزاه يعطش ايه تاني؟

الدنيا صيام واحنا عاطشانين خلقه :P

السلام عليكم ورحمة الله............

لا بقى يا امرؤ ...اسمع كويس ..مافيش تعطيش خالص....ومافيش اخفاء خالص كمان برضه.....فيه تنوين وبعده فاء...ومن الاحكام هنا ..الاخفاء ..حيث يتم اخفاء النون الساكنة والتنوين بغنة....لو اتى بعدهما عدة حروف ومنها الفاء......وكمان بيلحن فى القراءة وده مش صح....

لالالالالالالالالالالالالالالازم يعطش..اشمعنى احنا..بس خلاص المرة دى سماح علشان خاطرك وعلشان هو مش مقرىء ...

عملت الفيتوتشينى ولا لسه ياترى...والبلانش ده رشيته عليه ولا حتحمره لوحده :P

تم تعديل 30 سبتمبر 2006 بواسطة folana

[MZohairy]

جلسه خاصه اذاعيه نادره في منزل عبد الوهاب بين عبد الوهاب و فريد الأطرش ويستعرض فيها فريد مهاراته العجيبه في العزف على العود و يغنيان سويا

http://www.BLOCKED77/file/4172339/5c6589...______-___.html

لقاء تليفزيوني بين عبد الحليم حافظ و فريد الأطرش من تليفزيون لبنان (قعدة صلح)

http://www.BLOCKED77/file/4172359/a3f2eb..._interview.html

تم تعديل 1 أكتوبر 2006 بواسطة mzohairy

[MZohairy]

عملت الفيتوتشينى ولا لسه ياترى...والبلانش ده رشيته عليه ولا حتحمره لوحده :wub:

عملنا الفيتوتشيني و الباقي على ربنا :angry2: هو الستار

أما البلانش فربنا أكرمنا آخر كرم

لقيت واحد فرارجي بيبيعه جاهز و زي الفل ومن غير تحمير و قلبة دماغ :lol:

[MZohairy]

حلقه من حلقات العظيم عمار الشريعي غواص في بحر النغم بتاريخ 7-8-2006

http://www.BLOCKED77/file/4259923/836972...r_7-8-2006.html

تسجيل اذاعي مع الشيخ مصطفى اسماعيل ويحكي عن لقاؤه بأم كلثوم

http://www.BLOCKED77/file/4260023/b6107ca7/d8_____.html

مفيش حد عنده حاجه نادره ينزل الملعب معايا؟ ;)

[MZohairy]

مفيش حد عنده حاجه نادره ابدا!!! :closedeyes:

44 واحد دخلوا حملوا ومحدش اضاف حاجه :unsure:

ياللا رمضان كريم -_-

خدوا دول

لقاء اذاعي نادر مع فريد الأطرش يهاجم فيه أم كلثوم وينتقدها بشده

http://www.BLOCKED77/file/4520593/bbaaf1ff/___online.html

مونولوج جميل أوي لشكوكو ( حبيبي شغل كايرو.. مفيش في القلب غيرو)

http://www.BLOCKED77/file/4520659/f58ce9b4/___.html

[نانو]

يا شباب لو سمحتوا عايزه

اغنيه اول همسه لفريد الاطرش

[White heart]

شوف يا مون شير - موسييه mzohairy .... انا كنت أناوى أحط الأغنية دى فى موضوع " ياللا نغنى " ... بس قولت لا .... مكانها ممكن يكون أحسن هنا - صحيح هى مش من نفس مستوى كنوزك القيمة - لكن أهو حاجة على قدى :closedeyes: ... على فكرة انا من رأيي أى حاجه من ريحة التراث - لازم تبقى كنز ...

تحياتى لك و لموضوعك المميز و للجميع ....

الخط ده خطّي

الخط ده خطّي .. و الكلمة دي ليَّ

غطّي الورق غطّي .. بالدمع يا عينيّ

شط الزتون شطّي .. و الأرض عربية

نسايمها أنفاسي .. و ترابها من ناسي

و إن كنت أنا ناسي .. ما حتنسانيش هيّ

الخط ده خطّي .. و الكلمة دي ليَّ

لاكتب على عيني .. يحرم عليكي النوم

و احبس ضيا عيني .. بدموعي طول اليوم

قبل الوفا بديني .. زَي الصلا و الصوم

ده الدين في عُرف الحر .. هم و مذلة و مر

و هموم تجيب و تجُر .. أحزان مخبِيَّة

لاكتب على كفي .. و الحبر من دمي

يا عِزوتي كفي .. يا همتي ضمي

أول ما حنوَفي .. بالوعد حنسمّي

باسم اللي ماتوا صغار .. في المدرسة و الدار

و المصنع اللي انهار .. فوق الصنايعية

الخط ده خطي .. و الكلمة دي ليَّ

يمكن سماع الأغنية بالضغط على صورة الشيخ إمام عيسى

[MZohairy]

يا وايت يا رايق ياشديد :wub:

خدوا دي

ولا يهمك ياريس من الأمريكان يا ريس

حواليك اشجع رجال

غناها عبد الحليم لعبد الناصر في اواخر مايو 1967 :sad:

http://www.BLOCKED77/file/4656499/4b6283b4/____-_.html

[Folana]

استاذ وايت هاريت..باشكرك جدا على الاغنية الجميلة دى ..من زمان كان نفسى تكون عندى على جهازى...بالرغم من انى امتلك المجموعة كاملة للشيخ امام واحمد فؤاد نجم على شرائط مسجلة ..الا انى كنت اتمنى سماعها من جهازى...شكراا لك مرة اخرى ..وياريت بقى لو بقية المجموعة يبقى كتر خيرك.....

ايه ده ..معلش كنت حانسى

السلام عليكم ورحمة الله ...

اخى العزيز امرؤ الزهيرى...تسلم ايديك على المجموعة الهايلة اللى تعبت ونزلتها لنا هنا ...وفى انتظار الباقية.....

(عملت ايه فى الفورماج....اياكش يكون مااخدتش سوا معاك)

[MZohairy]

(عملت ايه فى الفورماج....اياكش يكون مااخدتش سوا معاك)

مشكلته بس انه مليان بزر

على ما نضفته و نشفته وابتديت اقمعه كان ابتدى ينفش تاني

رحت شايله في الفرييزر

[Modest]

قبل ما نودع رمضان نسمع المسحراتي

(بصوت سيد مكاوي)

إضغط على صورة المسحراتي للذهاب لصفحة تحميل الملف

و إلى اللقاء مع أغنية "يا ليلة العيد أنستينا"

.

تم تعديل 16 فبراير 2008 بواسطة Modest

[White heart]

folana كتبت:

استاذ وايت هاريت..باشكرك جدا على الاغنية الجميلة دى ..من زمان كان نفسى تكون عندى على جهازى...بالرغم من انى امتلك المجموعة كاملة للشيخ امام واحمد فؤاد نجم على شرائط مسجلة ..الا انى كنت اتمنى سماعها من جهازى...شكراا لك مرة اخرى ..وياريت بقى لو بقية المجموعة يبقى كتر خيرك.....

يا ستى العفو ... على ايه .... انا سعيد انى قدرت احط حاجه تعجبك ... و اتمنى انى أقدر البى كل طلباتك انشاء الله.

هو عمل تراثى قديم، نسبه الأستاذ "كمال النجمي" المؤرخ الموسيقي المعروف للشيخ "محمد عبد الرحيم المسلوب"، و لكن نسبه اخرون الى "سليم المصري" .. العمل أو الموشح مشهور و معروف ... اسمه " لما بدا يتثنى " و قد غناه الكثير من الفنانين المصريين و العرب ... كنت أنوى أن أضع نسخه بصوت الفنانة العظيمة " فيروز " ... و لكنى تذكرت اننى قد سبق و ان وضعتها بالفعل من قبل ... و لهذا أصررت أن أبحث ( و أدعبس ) عن نسخة بصوت أقدم حتى تليق بالموضوع القيم دة، و صاحبه، و المشاركين فيه، و اللى متابعينه ....

يالله ... حطوا " الإبرة " فى دراع " الجرامافون " دة، و املوا " الزنبرك " .... و عيشوا دقايق مع الفنان الراحل " سيّد الصّفتي " ...

تحياتى.

لما بدا يتثنى ... اماااااااان .. امااااا .......

لما بدا يتثنى ... اماااااااان .. امااااا .......

حبي جمال فتنا... اماااااااان .. امااااا .......

أومى بلحظ أسرنا ... اماااااااان .. امااااا .......

أومى بلحظ أسرنا ... اماااااااان .. امااااا .......

... غصن سبا حينما غنى هواه و مال

وعدي و يا حيرتي .... ما لي رحيم شكوتي بالحب من لوعتي إلا مليك الجمال

... اماااااااان .. امااااااااان ... اماااااااان

بالحب من لوعتي إلا مليك الجمال

... اماااااااان .. امااااااااان ... اماااااااان

اللى لاحظته ان الاستاذ غالبا كان ساعتها فى ملكوت المعمعة، لأنه فيه كلمات من القصيدة ما قلهاش ... لا دة فيه كمان بيتين " كلهم " زى ما كل بعض الكلمات .. على الرغم ان القصيدة مش كاملة أساسا، يعنى احنا لو شلنا الامان امااان امااان المفروض القصيدة تبقى بالشكل دة:

جادك الغيث إذا الغيث هما يا زمان الوصل في الأندلس

لم يكن وصلك إلا حلما في الكرى أو خلسة المختلس

لما بدا يتثنى قضى الصبا و الدلال حبي جمال فتنا أفديه هل من وصال

أومى بلحظ أسرنا بالروض بين التلال غصن سبا حينما غنى هواه و مال

وعدي و يا حيرتي .... ما لي رحيم شكوتي بالحب من لوعتي إلا مليك الجمال

تحياتى. :)

[نانو]

اخواني الافاضل

كل سنه وانتم طيبين...فين يا ليله العيد انستينا ؟؟؟

[MZohairy]

كل سنه وانتو طيبين

ياليلة العيد موجوده في الصفحه الأولى :)

عيد مبارك

ويا جمال العيد

وعاشت مصر والسوزان :)

[Modest]

اخواني الافاضل

كل سنه وانتم طيبين...فين يا ليله العيد انستينا ؟؟؟

في الإعادة إفادة بعد إذنك يا زهيري :)

معلش يا نانو ما رضيتش أنزّل الأغنية امبارح مراعاة لشعور اخواننا الصايمين في مصر :)

حضري الكحك و الغريّبة و البيتي فور و اضغطي على الصورة لتحميل الأغنية

و كل عام و أنتم بخير

تم تعديل 16 فبراير 2008 بواسطة Modest

[MZohairy]

الله عليك ياموديست يا رائع

[نانو]

و انت طيب و بخير يا مودست و كل اسرتك

تسلم يا ايديك علي الاغنيه و يالا هات العيله و تعالي اتفضل الكحك البيتيفور و الغريبه جاااااااااااااااهز