اذهب إلى المحتوى
محاورات المصريين

اين اماكن الترفية العائلى بالرياض


Recommended Posts

خلال فترة قصيرة لا تتعدى شهر ، وهى فترة وصولى الى المملكة

زرت خلالها الدمام وجدة ومكة والطائف

وجدت فى الدمام ومكة وجده حدائق عامة مفتوحة بها العاب للاطفال

ولكن فى الرياض لا اجد شىء يتسلى به الاطفال

فهل يعرف احدكم اماكن ترفية عائلية بالرياض

رابط هذا التعليق
شارك

عندك منتزه سلام

عندك حديقة المركز التاريخى

عندك المولات ال فيها مواقع ترفيه للاطفال زى العثيم مثلا فالربوة وخريص والسويدى والملك عبدالله

عندك الترفيه للحكير لاند

عندك فانتزى لاند

وبعدين هنا فالرياض

مفرشك فشنطة عربيتك .... وشايك وميتك و تسليتك معاك

اجدع حتة تعجبك تنزل وتركن وتفرش فيها

واهو ده احلى ترفيه

واتمنى لك اوقات ترفيهية سعيدة ان شاء الله

0329100703378vi4z91lu5pj76.gif
رابط هذا التعليق
شارك

والله يسأل في ذلك الحاج سي السيد زميلي في الرياض الشقيقه

بس عموما العيشه في الرياض معموله اساسا عشان الشغل و الفلوس

اما الترفيه بمعناه الحقيقي فهو غير موجود

فقط ترفيه جزئي او وهمي

الا اذا اعتبرت التمشيه في المولات نوع من انواع الترفيه بحكم كونه مكان مكيف على الأقل

في رأيي جده افضل حالا كثيرا من الرياض في موضوع الترفيه الجزئي

بالتوفيق

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

ما تسيبنا في همنا يا عم زهيري

ولا نيجي نولع لك في هانوفر ومونتريال وبريتيش هامبورجر بتاعتك دي

ماما نونا .... لكي تحياتي ... انتي من الاحرار

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

ما تسيبنا في همنا يا عم زهيري

ولا نيجي نولع لك في هانوفر ومونتريال وبريتيش هامبورجر بتاعتك دي

أموت انا في الديره و المنفوحه -_-

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

انا كنت ساكت ومش عاوز احرجك قدام الناس

طب .. انتو في كندا بطولها وعرضها ... عندكو صالات تزحلج عالثليج ؟

ها

قول بقى

قول

احنا عندنا هنا كذا صالة

احرجتك ... مش كده ؟

طب اسمع النكته دي

واحد بيقول للتاني

تصدق ان ربنا غضبان على بتوع كندا ؟

قال له ليه ؟

قال له وهو لو كان راضي عنهم كان رماهم بعيد كده

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

بعد السلام عليكم

المولات الكبيرة بها ملاهى اطفال وقعدات عائلية

الثمامة ممكن استئجار استراحة عائلية

الروضة مليانة اماكن ترفية

1)حديقة الروضة العامة

2)ملاهى الروضة

3)العديد من الحدائق الصغيرة بالروضة بها ملاهى اطفال

وبعد كدة تطلب دليفرى وحمضيات وتسترخى بالمنزل المكيف

وشكرا :roseop:

عاشق النيل

رابط هذا التعليق
شارك

بعد السلام عليكم

المولات الكبيرة بها ملاهى اطفال وقعدات عائلية

الثمامة ممكن استئجار استراحة عائلية

الروضة مليانة اماكن ترفية

1)حديقة الروضة العامة

2)ملاهى الروضة

3)العديد من الحدائق الصغيرة بالروضة بها ملاهى اطفال

وبعد كدة تطلب دليفرى وحمضيات وتسترخى بالمنزل المكيف

وشكرا :roseop:

طب ما الرياض كويسة اهة اومال بتقولوا عليها وحشة لية ؟

دون الخروج عن الموضوع الجنة هى الحتة اللى فيها الناس اللى بحبهم حتى لو كانت مصر شوفتوا ازاى

والجنة من غير ناس ما تنداس حتى لو كانت كندا

بس الكل مضطر

ربنا مع الجميع

( يا بني إذا افتخر الناس بحسن كلامهم فافتخر بحسن صمتك ) .

رابط هذا التعليق
شارك

انا كنت ساكت ومش عاوز احرجك قدام الناس

طب .. انتو في كندا بطولها وعرضها ... عندكو صالات تزحلج عالثليج ؟

ها

قول بقى

قول

احنا عندنا هنا كذا صالة

احرجتك ... مش كده ؟

طب اسمع النكته دي

واحد بيقول للتاني

تصدق ان ربنا غضبان على بتوع كندا ؟

قال له ليه ؟

قال له وهو لو كان راضي عنهم كان رماهم بعيد كده

والله يا احمد كنت انا و مراتي في مكه سنة 93 لما منلاقيش حاجه نعملها خالص و بعد ما نعمل عمره و خلصنا خلاص و ويك اند بقى نعمل ايه؟

نطلع على جبل و نقعد مسهمين و نرجع على البيت

يا إما نروح مزدلفه نتفرج ع الناس اللي فارشه و قاعده في الخلاء

يا إما نروح السوبر ماركت الوحيد ايامها كان اسمه بن داود

غير كده حتى المطاعم كانت ممنوع فيها العائلات ايامها يعني ماينفعش ادخل آكل انا و مراتي

يا إما نروح جده

كانت فتره صعبه جدا

جده بقى مختلفه كتير عن مكه و اماكن التنزه كتير جدا بالمقارنه

الرياض ماخففش عننا فيها غير اننا كنا ساكنين في كمبوند و جيراننا محترمين قوي و بقينا زي الاهل

الخبر ما طقتهاش

صغيره و مفيهاش غير انك تروح البحرين كل اسبوع

ده ملخص السعوديه

نسيت صحيح....

كان فيه جنينة حيوانات في الرياض ممنوع يدخلها الرجاله

يعني الزوجه و الاطفال فقط :roseop:

لسه دي زي ما هي؟

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

الجنة هى الحتة اللى فيها الناس اللى بحبهم حتى لو كانت مصر شوفتوا ازاى

والجنة من غير ناس ما تنداس حتى لو كانت كندا

بس بقى يا انجي احسن هاعيط والله :roseop:

---------------

كان فيه جنينة حيوانات في الرياض ممنوع يدخلها الرجاله

يعني الزوجه و الاطفال فقط

لسه دي زي ما هي؟

لأ يا خويا

الجونينه دلوقت بقت زي الفل وجددوها وعملوا استقدام لحيوانات جديدة .. بس لسه بيأكلوا الاسد فول سوداني لانه جاي بتأشيرة قرد والبيه مش عارف يغير مهنه ولا لاقي مُعقب كويس يغيرها له عشان يدوق اللحمه

وفتحوها كمان للعائلات وكله تمام

آه بالحق

الزرافه بتسلم عليك وبتقول فين ايام زهيري هو الوحيد اللي كان طويل وحاسس بيه

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

يااااااااااه يا عم زوهيرى

ده انت لفيت المملكة كلها

من ايام زمان اوى

انا من مواليد السعودية - الرياض

وكل ما افتكرالرياض دى كانت ازاى والوقت ىازاى

اقوووول سبحان الله

ده احنا كنا اموات

لا كان فيه سوبر ماركت

ولا مطاعم

ولا خروج من اصله

ولما كنا نحب نخرج نطلع عالجبل شوية ونرجع

شوف بفى الرياض الوقتى ايه

على فكرة حديقة الحيوانات الوقتى بقوا يدخلوها حريم ورجال واطفال وكل ال عايزهم يدخلو ابعتهم انت بس واحنا تحت امرك

فيها ايام للعائلات وايام للرجال فقط وايام للحريم فقط

ورمضان كريم

0329100703378vi4z91lu5pj76.gif
رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 0
      تنتظر جماهير الكرة المصرية بفارغ الصبر موعد نهائى كأس مصر بين الأهلى والزمالك فى صراع جديد بين قطبى الكرة العرض المقال كاملاً
    • 41
      أهداف النادي أ‌) تكوين ملتقى اجتماعي وثقافي ورياضي وترفيهي، ذو هوية مصرية خالصة، للتواصل بين أفراد الجالية المصرية بالرياض، وممارسة الأنشطة المتنوعة.ب‌) إيجاد مكان لالتقاء المصريين وأسرهم لتبادل الخبرات والمنافع، والعمل على إيجاد مناخ ثقافي واجتماعي مصري للتواصل بين الأطفال. ت‌) تقوية وتفعيل أساليب التواصل مع الوطن، وإيجاد سبل للمشاركة الفعالة والإيجابية. ث‌) تقوية أواصر التعاون والتفاعل الإيجابي بين الجالية المصرية، والسفارة المصرية، وتفعيل مفاهيم الحقوق والواجبات بين الطرفين. ج‌) تكوين
    • 0
      روج عدد من نجوم الغناء على صفحاتهم بمواقع التواصل دعايا لحفل رأس السنة الذى تنظمه هيئة الترفيه السعودية بمديعرض الصفحة
    • 0
      السلام عليكم  أنا احتمال اسافر للمدينة المنورة بس كنت خايفة من الحياة هناك خاصة الحياة الجتماعية مقارنة بالقاهرة خاصة اني اتربيت و اتولدت في جدة و رجعت مصر في اعدادي و دلوقتي متجوزة و مخلفة بنت بس مليش حياة اجتماعية معرفش اعمل علاقات مليش اصدقاء مليش هوايات مليش رياضة مفضلة ولا حتي بعرف اسبح و مش عاوزة بنتي تتعرض للحياة دي خاصة ......انا عارفة ان هناك اطهر مكان علي وجه الارض و لما كنت بسافر للمدينة من جدة وانا طفلة     بس محدش ينكر فهلوة و خفة دم المصريين فاكرة اني كنت بكون مرتاحة و مبسوطة نفس
    • 5
      سافرت نهائي وعدت بتأشيرة جديدة طبعاً رخصة القيادة سارية بس عليها إسم الكفيل السابق إيه إجراءات تغيير إسم الكفيل ولكم جزيل الشكر
×
×
  • أضف...