اذهب إلى المحتوى
محاورات المصريين

محاور

الأعضاء
  • إجمالي الأنشطة

    1,386
  • تاريخ الانضمام

  • آخر نشاط

  • إجمالي الأيام الفائز بها

    1

فاز محاور آخر مرة في يوم 18 فبراير 2015

محاور كان صاحب المحتوى الأكثر إعجاباً!

1 متابع

معلومات الصفحة الشخصية

  • النوع
    Not Telling

آخر الزوار للصفحة الشخصية

432 زيارة للملف الشخصي

الإنجازات الخاصة بـمحاور

عضو جديد

عضو جديد (1/14)

112

الشعبية

  1. طيب طالما انك جبت معلوماتك من ويكيبيديا - و التى لا تعد مصدرا موثوقا فيه للمعلومات أصلا... فلماذا لا تكمل المعلومة الموجودة على ويكيبيديا, و التى اخترتها انت بنفسك و بكامل ارادتك كمصدر لمعلومتك المغلوطة؟ :) مش هكتب بقية المعلومة التى تغاضيت انت عن بقيتها و عرضت الجزء الذى يعجبك فقط لا غير, و لكن كلى ثقة أنك تدرك تماما أن عرضك لمعلومة جزئية بشكل مقتطع و مضلل هو أمر غير مقبول - بالنسبة لى على الأقل... بس ممكن تروح تعمل الكلام ده مع حد تانى مبيعرفش يقرا انجليزى, و مبيعرفش يبحث عن المعلومات على الشبكة العنكبوتية. :) و لو هما وحشين, خلينا يا عم ناخد الحلو منهم و نسيبلهم الوحش... ولا احنا لازم ناخد اوحش مافيهم و نسيب الحاجات الحلوة اللى بيعملوها؟ منطق غريب والله... أنا بجد ماشفتش كده فى أى حتة فى العالم! ايه الدفاع المستميت عن الباطل ده! هى البلد ضاعت من شوية! الله يخرب بيتك يا مرسى ههههههههههههه
  2. ازيك يا تيتة عاملة ايه؟ ليكى وحشة والله... لا يا تيتة اللى حصل ده مش عادى, لإنه لا يقل عن ضرب قصر الرئاسة او مبنى المخابرات او مبنى وزراة الدفاع مثلا, و رغم ان كل هذه المبانى لا تحمل اى قوة فى حد ذاتها, إلا أنها تحمل رمزية الحكم و الدولة, و اى اعتداء عليها يمثل شكلا و صورة من صور الانقلاب المحتمل. اما عن بناء الانسان و ليس البنيان, فاحنا صوتنا اتنبح فى الكلام ده... تفتكرى يا تيتة لو انا و انتى و كل مصرى و مصرية مخلصين لوطنهم عايزين نعمل حاجة فى حيز منطقتنا التى نسكن فيها لتغييرها للأفضل, كمحو الامية او تنظيف الشوارع او اى شىء من تحسين جودة الحياة, هل هيسمحوا لنا نعمل ده؟ للأسف لأ... الحالة الوحيدة إننا لازم نعلق يافطة اننا بنعمل ده تحت رعاية الفاشل اللى بيحكم مصر.... حتى يتم نسب اى عمل له. دولة فاشلة مضمحلة متخلفة و عمرها ما هتقوم طول ما الفاشل ده و اللى زيه بيحكموها.
  3. الفاشل ده مش رئيسى... الفاشل ده لازم يمشى. اما مشكلة ماسبيرو, فيبدو انك لا تعلم بان الارسال قد انقطع امس لأكثر من 40 دقيقة, فى سابقة تاريخية لم تحدث فى الدول التى تمتلك إعلاما رسميا سوى فى حالات الانقلابات على نظام الحكم فقط لا غير. و انقطع الارسال اليوم ايضا على رئيس الوزراء اثناء افتتاحه لدار الوثائق, لمدة 5 دقائق تقريبا. أما إن كنت على علم بما حدث فى ماسبيرو أمس, فيبدو انك ترى الامر عاديا, و بالتالى فهذا الموضوع ليس موجها لمن يحملون ارائك, و لكنه موجه لمن يعتقدون بأن المسار الذى تسير عليه مصر الآن معناه اننا قد عبرنا آخر خط من خطوط الفشل و غصنا فيه و سنغوص لعقود. أردت فقط ان اوضح لك الخبر بالكارثة التى حدثت فى ماسبيرو أمس... ربما لست على دراية بما حدث. و لا اريد ان اضع سيناريوهات محتملة لما كان ممكن أن يحدث, خصوصا ان الارسال توقف عن جميع القنوات لمدة 40 دقيقة على الاقل, فلك ان تتخيل مثلا قناة مثل الجزيرة لو اذاعت ان هناك احتمالا بأن هناك انقلابا فى مصر... فمن كان سيخرج و يكذب الشائعة بعد مرور 40 دقيقة عليها دون وجود وسيلة رسمية للتواصل بين الحكومة الرسمية و الشعب؟ ده أقل سيناريو عندى... بلاش اقول السيناريوهات الباقية لإنها مرعبة...
  4. يا ترى فيه حد لسه ليه عين او يجرؤ انه يقول ان مصر مش دولة متخلفة و فاشلة؟ تخيلوا معى لو تم قطع البث عن ماسبيرو اثناء حديث من يحكم مصر الآن... معناه ايه؟ معناه ان رئيس الجمهورية اتقتل - حتى لو لسه عايش. انا مش قادر افهم اللى بيحصل ده من تدبير ربنا و لا من تدبير بشر - و إن كان كله من تدبير ربنا طبعا... لكن اللى اقدر افهمه ان الحاكم لما يكون فاسد مفسد فى الارض, ربنا بيشجعه انه يزيد من فساده كمان و كمان, عشان بعد كده ياخد على قفاه مرة واحدة و على فجأة و على أهون سبب والله... حاكم فاشل تآمر على الحكم لكى يصل إليه, و كانت النتيجة ان البلد مشافتش يوم واحد استقرار من ساعة ما حكم.... هل هيتعظ و يعتبر لفشله و يركن على جنب؟ ولا لسه مصمم و مصر انه ياخد البلد و تقع بيه مهما كانت التضحيات؟ ربنا يستر... الله أكبر... ### إضافة بالمناسبة, التليفزيون المصرى بيعرض صور لثورة 25 يناير و بيقول هنكمل المشوار... انا معنديش فكرة إذا كان هذا البرومو او الاعلان بتاع هنكمل المشوار قديم او جديد, و لكن إذا كان جديد, فهذا يشى بأن ثمة أمرا ما يحدث فى الخفاء و سيطفو على السطح قريبا بعد ان يتم التمهيد له بشكل كامل للشعب... بس الشعب مش هيخرج عشان حد تانى خلاص. نفس الاسلوب الانقلابى استخدمه الفاشل من يحكم مصر الآن, عندما انشد المؤدون فى مسرح الجلاء اغنية خلى السلاح صاحى عدة مرات و ركزوا على مقاطع محددة... و كان هذا فى ابريل 2013... و كان بمثابة رسالة تمهيدية لما سيحدث من انقلاب عسكرى فى يوليو 2013.
  5. أستاذى الكريم إسلام, نعم الارسال مقطوع فى ماسبيرو منذ سنوات طويلة, و لكن على الاقل كان هناك حد أدنى شكلى ظاهرى يتم الحفاظ عليه, مهما كان المضمون. أستاذى الكريم التونسى, و كأنك تقول بأن الله سيفرجها قريبا و سنرى نهاية لكل هذا الظلم و العشوائية و التخلف الذى نعيش فيه الآن. بالمناسبة لقد تم قطع البث منذ دقائق و قد رأيت انقطاع البث بنفسى عن رئيس الوزراء. هل ما يحدث انقلاب على من يحكم مصر الآن؟ القاصى و الدانى - داخل اروقة الدولة - يعلم ان هناك ثمة صراع على الحكم و محاولات السيطرة, و لكنى لا استطيع ان اتخيل بأن الصراع الدائر الآن قد يصل الى هذه الدرجة من تشويه و تدمير للدولة... و هل يجرؤ هذا الحاكم الفاشل الذى يحكم مصر الآن, ان يخرج و يتحدث بصراحة عن فشله؟ و ان يعتذر لمن اختاروه و ان يرحل فى صمت و هدوء؟ أم اننا سنضطر ان نرى صراعا دمويا على الحكم قد ينتقل الى الشوارع قريبا؟ و بالمناسبة يعنى الناس مش هتنزل عشان خاطر حد تانى خلاص... الناس لو نزلت تانى الشوارع, هتنزل عشان تاخد حقها بإيدها, لكن احنا جربنا كل القوى السياسية بما فيهم العسكر, و الكل اثبت فشله بجدارة, و هذا يعنى ان التفرد بالسلطة هى فكرة فاشلة بكل المقاييس! عندما قامت الثورة, فقد قامت أصلا لإقامة دولة العدل و القانون, و إيقاف و محاكمة كل من حاد و يحيد عن العدل فى البلاد, و لكنه للأسف حاد الشباب عن الطريق و لم يكن لديهم خطة واضحة لإقرار العدل و القانون و ترسيخه, و انجرفوا وراء مشاكل شكلية مثل الدستور و غيرها من الخناقات التى أودت بحياة الثورة و أنهتها. إن ما يحدث الآن, إن لم يكن انقلابا على الحكم, فهذا يعنى ان من يحكم مصر الآن قد فشل فشلا ذريعا... و هذا وعد الله بالمناسبة... فوعد الله ان كل من سيصدر نفسه للحكم دون أن يكون عادلا, فإن الله سينهى حكمه بطريقة تراجيدية مأساوية... و عموما من يحكم مصر الآن يتحرق بجاز ميفرقش معايا... انا اللى يفرق معايا البلد... اننا كده هندخل فى مرحلة جديدة من التسيب و الاضمحلال معناها ان الناس ممكن تدخل تسرق المحلات و تسرق الحاجة و كله يشتغل بإيده.. فيه حالة من القرف و الاكتئاب و انهيار للأمل و المعنويات تعيشها مصر الآن... و يعيشها المصريون نظرا لأنهم يشعرون بأنه لا جديد... و الناس بدأت تتكلم فى الميكروباصات و وسائل النقل العامة و فى الشوارع... و لما الناس بتتكلم, فده معناه إن لو الحاكم استغبى و عمل فيها اطرش, انهم سيخرجوا عليه عاجلا او آجلا ليأكلوا الاخضر و اليابس...
  6. من يحكمون مصر الآن... و من حكموها فى السابق... و من سيحكمونها فى المستقبل القريب او البعيد... كلهم يعملون تمام العلم كيف تتقدم الأمم, و يعرفون كيف يضعون مصر على الطريق الصحيح. ببساطة شديدة لأن كتاب التقدم تم كتابته بالفعل, و إن ارادت اى أمة أن تنهض و تكسر كافة حواجز فشلها, فكل ما عليها فعله ان تتبع طريق الامم السابقة... و لهذا يطلق على دولنا "الدول النامية".... لان طريق التقدم طريق محتوم, و كل ما علينا فعله هو ان نسير عليه! فى مشهد سينمائى خطير لن انساه أبدا... فى فيلم "زمن حاتم زهران" للفنان نور الشريف يقول فيه للفنانة بوسى: اى قانون فى البلد دى هتلاقى له 100 استثناء ممكن ننفد منه. و كان هذا - على ما اتذكر - عندما حاول حاتم زهران إدخال ماكينات فى الميناء بشكل استثنائى لا يسمح به القانون - و لكن تسمح به الاستثنائات فى البنود المرفقة فى القانون. و آخر استثناء قرأت عنه حديثا فى الصحف المصرية, هو استثناء رئاسة الجمهورية و مجلس الوزراء من قانون الخدمة المدنية الجديد, و بهذا فقد تم دفن هذا القانون قبل حتى ان يدخل حيز التنفيذ, ببساطة لأن الاستثناء كفيل بأن يشعر المواطن بالظلم, و بالتالى يبدأ فى الاهمال و الكفر بقوانين البلد, بل و يسعى لكى يكون ممن يشملهم هذا الاستثناء. فى هذا الفيديو, ستجد اليابانيون لا يعرفون شيئا اسمه الاستثناء... و إذا اردنا ان نتقدم و ان نتغير و ان نوقف هذا الكم الرهيب من الفساد, علينا ان نتوقف عن الاستثناء بكل اشكاله و صوره... و ان يكون القانون فوق الجميع بلا اى شكل من اشكال الاستثناء مهما كان... و كما قال رسول الله: لو أن فاطمة بنت محمد سرقت لقطعت يدها. https://www.youtube.com/watch?v=eKl-v1TtDsY
  7. ظن أن لن يقدر عليه أحد... ظن أن الله سيخلف وعده و سيترك المجرمين يعيثون فسادا فى الارض دون أن يحاسبهم فى الدنيا و الآخره... و وصلت بهم الوقاحة حتى زار المجرم جمال الأهرامات... فأراد الله ان يقول لنا بأنه لن يترك المجرمين دون محاسبة فى الدنيا و الآخره, مهما وصلت بهم الوقاحة و السفالة و الطغيان و الفساد فى الارض. اسأل الله ان يموت هذا اللامبارك فى السجن - و إن شاء الله سيموت فى السجن, ليشفى الله صدور قوم مؤمنين... و لينصرن الله من ينصره. ليكون عبرة لكل مجرم و فاسد و إماما للكفر و الفساد بأن الله لن يخلف وعده أبدا... و أنه مهما طال الزمان... فلنقول للذين لا يؤمنون بأن يعملوا على مكانتهم فإنا عاملون... و لينتظروا فإنا منتظرون... و ليعلم كل فاسد مجرم بأن الله أكبر... و ليدرك كل صالح مؤمن بأن نصر الله قريب... و ليعلم كل من سيدافع عن هذا المجرم - الذى لم يحاسب بعد على كل جرائمه فى حق هذا الشعب المسكين - بأنه سيكون مجرما مثله... و اسأل الله ان يحشر من يدافع عنه معه يوم القيامة... اللهم أذل ائمة الكفر بما افسدوا فى البلاد... و أعز المؤمنين و ارزقنا الوعد الحق... سبحانك إنك لا تخلف الميعاد.
  8. ما حدث فى مدينة الانتاج الاعلامى, و ما حدث امس فى ماسبيرو لأول مرة فى تاريخه منذ إنشاؤه عام 1960, يعبر بشكل اصيل عن دخول مصر منعطف جديد و اسود من الفشل و الاضمحلال. هذا ليس تشاؤما و لكنه تقدير موقف - دون اى اعتبار لاى مشاعر - لما نعيش فيه الآن. إذا كان ما حدث فعلا نتيجة الاهمال يا سادة, فهذا يعنى اننا لا نحتاج الى اى مؤامرة لكى ندمر بلادنا بأيدينا... ماسبيرو امن قومى شديد الحساسية و الخطورة, و جميعنا نتذكر ما قام به السادات فقط لمجرد سماعه بأن هناك من يقول بأنه سيمنعه من دخول ماسبيرو - حتى و إن كان من قال هذا الكلام, اعترف فيما بعد بأنه يقوله على سبيل الهراء... فهذه الامور لا هراء فيها... مصر الآن دولة فاشلة بكل المقاييس و المعايير.... و من الاخر كده احنا ممكن ناخد على قفانا بكرة الصبح من اى دولة ماتسواش تلاتة تعريفة... هل سيفيق المصريون؟ هل سيدركون بأننا قد عبرنا مرحلة السقوط, و اننا قد سقطنا فى الهاوية بالفعل؟ لا يهمنى كثيرا إن كان ما حدث مؤامرة قد دبرتها احدى اجهزة الدولة, او الاخوان, او كان هذا اهمالا... فالمحصلة واحدة... المحصلة تقول بأننا دخلنا عصرا جديدا من الاضمحلال و الفشل, و بنظرة خاطفة للتاريخ, فالدخول فى منعطفات الاضمحلال و السقوط و الفشل قد يأخذ عقودا حتى يشتد عود الدولة مرة أخرى. إن لم يشعر المصريون بحالة الخطر التى وصلنا إليها, فإننا سنفيق قريبا على كارثة ستدمر هذا المجتمع و تقتله معنويا... شكلا و موضوعا... و سنفقد آخر رمق لهذه الدولة, حتى و إن كان رمقا شكليا ظاهريا لا يغنى ولا يسمن من جوع! شخصيا فقد قررت بشكل نهائى ان اغادر فى خلال الشهور القادمة, فالوضع فى مصر اصبح غير مؤتمن, و يبدو ان الصراع الدائر الآن سيطفو قريبا, و سنراه جليا فى الشوارع عيانا بيانا. إنا لله و إنا إليه راجعون... و اسأل الله ان يفيق المجتمع و المصريون, قبل ان تتدهور الامور اكثر من هذا, و كلى ثقة فى أن الله معنا... و إن كان الله معنا, فلن يضيعنا أبدا. لله الامر من قبل و من بعد... و حسبنا الله و نعم الوكيل.
  9. و يا ترى ده بقى اسمه ايه؟ هو انتو ليه مش بتنفذوا الحاجات اللى بتكتبوها هنا؟ ليه فيه فجوة بين كتاباتكم بالشكل الفج ده؟ ليه بتقولوا حاجة و ساعة التنفيذ بتعملوا حاجة تانية؟ يعنى حتى دينكم اللى انتو بتدعوا ليه, مش بتنفذوه على نفسكم ليه؟ للدرجة دى مش مقتنعين بالكلام اللى انتوا بتقولوه؟ ازاى تستخدموا التشهير بالشكل ده؟ ازاى تقذفوا المحصنات الغافلات بالشكل ده؟ و ازاى تشهروا بيهم دون بينة بالشكل ده, حتى لو كان تشهيركم تلمحيا و ليس تصريحا؟ انا فعلا مش قادر افهم ايه الازدواجية دى؟ مش قادرين حتى تنفذوا قناعاتكم اللى اختارتوها بنفسكم, و بتعملوا حاجات عكسها طول الوقت؟ يعنى حتى قناعاتكم اللى اختارتوها بنفسكم مش قادرين تحافظوا عليها؟ لا حول ولا قوة الا بالله.
  10. الحادثة دى برضه بتفكرنى بحادثة حصلت لعلاء مبارك - او جمال مش فاكر... الحادثة كانت انه اتخانق مع ظابط فى بنزينة فى مصر الجديدة, و الظابط ضربه لما عدمه العافية... الظابط ده اتفشخ فى امن الدولة و علاء راح ضربه هناك بنفسه, رغم ان مبارك نفسه طلع اتكلم عن الحادثة دى و قال انه معملش للظابط حاجة. مش هشرح كتير عن معانى القصة دى... ممكن تفهموها بنفسكم. :)
  11. الكلام اللى مكتوب هنا عن الكعبة بيقول ان اللى كاتب الكلام ده حاجة من الاتنين... لإما لم يقرأ القرآن او لإما لم يذهب لأداء العمرة او الحج. القرآن مكتوب فيه ان الكعبة موجودة فى واد غير ذى زرع.... ده الوصف القرآنى للمكان. و اى حد قام بتأدية الحج او العمرة, عارف كويس ان حتى لو المبانى دى مش موجودة, فبرضه مش هيقدر يشوف الكعبة, لإن الكعبة فى وادى... و الوادى ده بين جبلين... و الكعبة موجودة فى منتصف الوادى تقريبا فى اكثر النقاط انخفاضا فيه. يعنى حتى لو مفيش ولا مبنى من دول, و واحد داخل الكعبة... لازم ينزل الوادى علشان تبقى على مستوى نظره. و اى حد بيدخل من اى باب من ابواب المسجد الحرام, لما يضرب بعينه كده... هيلاقى ان الكعبة قصيرة... اقصر من مدى نظره.... لإنها موجودة تحت. بصراحة انا محتار... هل المفروض الواحد يقول الكلام ده؟ و يرد؟ ولا الردود خلاص مبقاش ليها اى قيمة... او بمعنى اصح, لازم نرد بس على اللى عنده رغبه فى انه يغير فكرته لو ثبت له فعلا ان فكرته غلط؟
  12. هى المقالات دى تنويرية فعلا؟ :) الغريبة ان ده نفس الكلام اللى بيقوله الاخوان... و اللى بيراهنوا عليه... ان يتم عمل محاكمة جنائية دولية.
  13. عنوان الموضوع للأسف مضلل و ليس صادم.... لإننا اعتادنا على مثل هذه الادعائات المضللة التى يتم الصاقها دائما بالازهر.... بل و بالقرآن نفسه... بل والله نفسه سبحانه و تعالى. و آدى نموذج من نماذج الادعائات المضللة. قطع يدى السارق ليست من الاسلام. طيب الآية اللى فى القرآن اللى بتقول لنا نقطع يد السارق... نعمل فيها ايه؟ هل معنى كده انها انتهت صلاحيتها؟ طيب هل فيه دليل من القرآن بيقول مثلا ما معناه ان الآن عفونا عن السارق و انتهى العمل بهذا؟ لإن اى حكم نزل فى القرآن و تم تعديله... هتلاقى التعديل فى القرآن برضه... الآن خففنا عنكم... قد علمنا ان فيكم ضعفا... الى آخره. اما الادعاء الاخطر بقى... مسألة هجر القرآن. تحب اجيب لك كام آية فيها إقرار بطاعة الرسول... و بعدم مجادلته فى الحق... و تشير إلى ان الرسول تم الوحى اليه بطريقة اخرى غير القرآن بأن يفعل كذا و كذا... يعنى إذا كان القرآن بيتكلم مثلا عن خبر وصل للرسول و الرسول قاله للصحابة... و الخبر ده مش موجود فى القرآن... يعنى لم يتم ذكره قبل هذه الآية... فهذا يعنى ان الرسول قد يصله وحى فى صورة مغايرة للقرآن... يعنى القرآن ليس الصورة الوحيدة للوحى, و لكن الوحى له صور متعددة. و بينى و بينك المشكلة اكبر من كده بكتير. المشكلة مش ان الواحد يقول رأيه و يعرضه مهما كان رأى شاذ او مختلف او منفتح... المشكلة ان اللى بيقول الرأى ده, مش بيفصل بين الرأى و بين المعلومة... و معندوش استعداد انه يبحث عن المعلومة. فيه فرق كبير قوى بين المعلومة و الرأى.... بين الخبر و بين الرأى... و لما واحد جاهل بالمعلومة يصدر نفسه علشان يفتى, فدى كارثة... و الكارثة الاكبر انه يصر على جهله. عموما نصيحة يا ريت تقرا القرآن الاول و بلاش تهجره انت... علشان لو قريت فى القرآن, هتشوف حاجات هتصدمك.
  14. احسن واحد يكلمك عن ال Bullying https://www.youtube.com/watch?v=6P2nPI6CTlc
  15. استاذى الكريم الدكتور ياسر... مش هتكلم عن الكلام الكتير اللى اتقال عن سقوط الازهر و انهياره و ان خلاص اسلام البحيرى انتصر للأبد... bla bla bla و كل الكلام الكتير ده اللى سمعناه و كإن خلاص, اسلام بحيرى هيبقى شيخ الازهر الجديد و انه قد انتهت المذاهب الاربعة و اتحرقت كتب التراث كلها... و الكلام ده مكتوب هنا و لم يتم مسحه... لكى يشهد ان التاريخ ان هييجى 50 الف اسلام بحيرى و هيروحوا, و هيفضل الازهر و الاسلام صامدين. لكن انا هتكلم على ظاهرة تانية خالص... عارف البنات اللى مش لابسين حجاب اصلا؟ عارف الصنايعية البسطاء اللى مبيركهوعاش؟ عارف الستات اللى شغالة نميمة و مضايقات فى جيرانها طول الليل و النهار؟ اهم دول اللى دافعوا عن الاسلام و عن الدين... تصدق؟ فيه فرق رهيب جدا بين انى بعمل معصية بس فاهم كويس انها معصية... و بين انى بعمل المعصية و انا مستمتع و شايفها انها مش معصية ولا حاجة... و هقول نفس الكلام اللى بقوله دايما.. لو اهلكنا الله او رحمنا... من الذى سيجير الكافرين من العذاب؟ هل سينفى هذا وجود العذاب؟ هل سينفى هذا الحقيقة؟ ولا الحقيقة هتفضل هى الحقيقة حتى و لو انكرها كل البشر؟ الحقيقة هتفضل هى الحقيقة... و يوم القيامة جى... و ربنا سبحانه و تعالى واحد احد لا شريك له فى الملك... و محمد رسول الله... و الملائكة حق... و الكتب حق... و الجنة حق... و النار حق... و الرسل حق... و يوم القيامة حق... لكن حكاية بقى ان ياللا هيلا بيلا كلنا هنخش الجنة يا ولاد و مفيش كفار و اصل احنا مانعرفش الحقيقة و اصل مفيش منهج... ده كلام حتى لو اللى بيقوله مؤمنين, فده طريق غلط يؤدى للكفر... و النماذج كتير من ناس اعرفهم بشكل شخصى فضلوا مقتنعين بالافكار دى لغاية اما اعلنوا الحادهم او لادينتهم ولا أدريتهم بشكل صريح.
×
×
  • أضف...