المناضلتان : ريا وسكينة

[tarek hassan]

اقتباس

 

كانتا مناضلتين ضد الاحتلال الانجليزى للاسكندرية وكانوا هم وشركاؤهم عبدالعال و حسب الله وغيرهم عرابي حسان وعبد الرازق يوسف يستدرجون الجنود الانجليزى ويقتلوهم .
ولم يقتلوا نساء كما اشاعت افلام السينما والمسرح والمسلسلات .
وقدم المخرج السنمائى ( احمد عاشور ) رواية أغرب من الخيال قال أنها موثقة من واقع التحقيقات وسجلات القضية المودعة بأرشيف القضاء المصرى، وشهادات الشهود، ويؤكد أن ريا وسكينة كانتا من المناضلات ضد الاحتلال البريطانى، وأن الجثث التى عثر عليها لم تكن لنساء أصلا وإنما لجنود تابعين لجيش الإحتلال .
وأنه بعد القبض عليهن تم إلصاق هذه التهم المشينة لهن، وتعديل القانون الذى كان يحظر وقتها إعدام النساء .
وبذلك يكون الشعب المصري تعرض لأكبر قصة خداع طوال قرن تقريبا، وأن أفلام السينما والمسرحيات التى تناولت القضية كرست لصورة السفاحتين ريا وسكينة، برغم أن الحقيقة غير ذلك،
وأضاف أن التحقيقات الأصلية بالأسكندرية برأت الرباعي ريا وسكينة وحسب الله وعبد العال من تهمة خطف وقتل النساء، وأن وكيل نيابة الإسكندرية رفض ضغوط القنصل البريطانى لتوريطهم فى القضية لعدم وجود أدلة .
وفى الحقيقة تقدم وكيل نيابة الاسكندرية باستقالته لرفضه اتهامهم بالباطل وفى المسلسل ايضا وكيل نيابة الاسكندرية تقدم استقالته دون تقديم لماذا تقدم باستقالته .
الدليل الوحيد الذى أدان المجموعة بالكامل هو شهادة الطفلة بديعة والتى تم تلقينها الكلام مؤكدين لها اذ قالت هذا الكلام سيتم الافراج عن امها .
وبعدها تم إيداع بديعة دار رعاية الأحداث التى احترقت بكل من فيها بعد شهور قليلة لتموت الحقيقة قرنا كاملا.
#القاهرة_والناس
أهلا بكم فى العاصمة

 

هل يمكن في زمن الاحتلال أن تنشغل المصريات بخطف السيدات ويتركن الإنجليز 

ظني أن هذه الرواية قد تكون واقعية ومقبوله وعليه نكون أخذنا القصة المزيفة من الأفلام والمسلسلات 

[Grandma]

هو كل حاجة تطلع مزيفة كدا ؟!!

انا الحقيقة مصدقة قصص الافلام و المسلسلات لان جدتي الله يرحمها كنت اسمعها تقول

ان ريا و سكينة فعلا كانوا بيستدرجوا النساء و يسرقوهم لكن مش بيقتلوهم بنفسهم و أكيد كان فيه مبالغة في العدد

ورد على سؤال حضرتك : هل يمكن في زمن الاحتلال أن تنشغل المصريات بخطف السيدات ويتركن الإنجليز 

أه ...عادي جدا 

[tarek hassan]

في 4/9/2016 at 00:52, Grandma said:

هو كل حاجة تطلع مزيفة كدا ؟!!

انا الحقيقة مصدقة قصص الافلام و المسلسلات لان جدتي الله يرحمها كنت اسمعها تقول

ان ريا و سكينة فعلا كانوا بيستدرجوا النساء و يسرقوهم لكن مش بيقتلوهم بنفسهم و أكيد كان فيه مبالغة في العدد

ورد على سؤال حضرتك : هل يمكن في زمن الاحتلال أن تنشغل المصريات بخطف السيدات ويتركن الإنجليز 

أه ...عادي جدا 

طيب إيه حكاية إن أدهم الشرقاوي كان حرامي وهجام وعمره ما كان بطل وطني 

هل فعلا تم تشويه ريا وسكينة لنضالهما وتلميع أدهم الشرقاوي لأنه حرامي 

 

[Grandma]

في 8/16/2016 at 14:07, tarek hassan said:

 

 

اقتباس

طيب إيه حكاية إن أدهم الشرقاوي كان حرامي وهجام وعمره ما كان بطل وطني 

ممكن جدا ... أنا أسمع برضو حاجة زي كدا 

ما دام ابو خليل قال كدا يبقى ممكن أصدقه ... أغلب كلامه بيطلع صحيح 

و على اي حال انا مؤمنة ان للحقيقة أكثر من وجه .. لانها الحقيقة من وجهة نظر قائلها و المؤمن بها 

عند حضرتك مثلا السيسي بطل قومي ومنقذ لمصر عند السيساوية و قاتل خائن من وجهة نظر الاخوان و الغرب 

صدام حسين نفس الحكاية 

يعني العهدة على الراوي 

اقتباس

هل فعلا تم تشويه ريا وسكينة لنضالهما وتلميع أدهم الشرقاوي لأنه حرامي 

ما اعتقدش ان دا تم بقصد وانما الروايات ورغبة الجمهور ( العقل الجمعي ) اللي عاوز كدا هي اللي عملت من الشرقاوي ملحمة ومن ريا وسكينة سفاحات 

[أبو محمد]

كلامك كله زين يا سيدتى الفاضلة Grandma

مع تحفظى على رأيك فى (ابو خليل) ابراهيم عيسى

كما هو الحال فى رأيك فى (ابو حجاج) يوسف زيدان

مع احترامى الكامل لكونك - مثلى - مؤمنة بان للحقيقة أكثر من وجه

 

[Grandma]

4 ساعات مضت, أبو محمد said:

كلامك كله زين يا سيدتى الفاضلة Grandma

مع تحفظى على رأيك فى (ابو خليل) ابراهيم عيسى

كما هو الحال فى رأيك فى (ابو حجاج) يوسف زيدان

مع احترامى الكامل لكونك - مثلى - مؤمنة بان للحقيقة أكثر من وجه

 

طيب ناس كتير متفقين معنا يا سيدي الفاضل  ومُقرين بأن الحقيقة تختلف باختلاف المنظور 

لكن مش كتير شايفين ان  (الحقيقة المجردة )  قد تكون مختلفة مع نفسها

حضرتك هتسألني ازاي 

سيبني بقى احط رجل على رجل و آخذ نفس عميق و اتفلسف شوية 

الحقيقية المجردة ممكن  تكون متناقضة أو تحمل صفات متناقضة  ..يعني تحمل في ذاتها شحنات موجبة و سالبة تطلقها حسب ما يتراءى لها وحسب الظروف و الزمان و المكان 

و بصورة مبسطة يعني زي اللي بيغير  جلده او شخصيته او يرتدي أقنعة او يحمل صفات الطيبة و الشر في آن واحد

الانسان نفسه بيتغير مع التقدم في الزمن و كذلك الحقيقة 

وماهو حقيقة اليوم بكرى ممكن ما يبقاش حقيقة 

حضرتك ممكن تقولي ما هو  اللي بقاش حقيقة كان في الاصل مش حقيقة 

 _ لأ ما دام الكل آمن في وقت ما انه الحقيقة يبقى كان لازم يفضل حقيقة والا ما يبقاش حقيقة 

 

 

 

 

[أبو محمد]

2 ساعات مضت, Grandma said:

الانسان نفسه بيتغير مع التقدم في الزمن و كذلك الحقيقة 

وماهو حقيقة اليوم بكرى ممكن ما يبقاش حقيقة 

حضرتك ممكن تقولي ما هو  اللي بقاش حقيقة كان في الاصل مش حقيقة 

 _ لأ ما دام الكل آمن في وقت ما انه الحقيقة يبقى كان لازم يفضل حقيقة والا ما يبقاش حقيقة 

 

حضرتك هنا بتؤيدى ما أقوله من حيث تحسبين أنك تعارضينه

حضرتك هنا تتكلمين عن الحقيقة "النسبية"

ولكن ياريت حضرتك تلاحظى الفرق فى الرسم الفوقانى ده بين "الحقيقى" و "الحقيقة"

وزى ما حضرتك حطيتى رجل على رجل وأخذتى نفس عميق

إسمحيلى أتعوج وأعوج لسانى وأقول لك إن هناك فرق بين الـ True و الـ Truth

رأى حضرتك وحضرتى فى كل من ابو خليل وابو حجاج "حقيقى" من وجهة نظر كل منا

يعنى من الزاوية التى ينظر منها كل منا (فى مثال الرسم التوضيحى)

يعنى حضرتك ممكن تشوفيهم مستطيلات وانا اشوفهم دواير .. ده حقيقى و ده حقيقى

حقيقة نسبية .. أما الحقيقة المطلقة فهى شئ لم أره أنا ولم تريه حضرتك

(برضه خلينا فى الرسم التوضيحى وبلاش ندخل فى الميتافيزيقا)