اذهب إلى المحتوى
محاورات المصريين

هل قناة السويس الجديدة أولوية الآن ؟


عادل أبوزيد

Recommended Posts

مقال ل هشام خليل في جريدة المصري اليوم بتاريخ أول يوليو سنة 2015  في صفحة  12 ، المقال صدمني  بمعلومتين ذكرهما الكاتب أولهما  أن متوسط عدد السفن المارة يوميا هو 49 سفينة يوميا  و القدرة اإستيعابية للقناة  هي 76 !!!

 

و المعلومة الصادمة الثانية هي أنه  لن تكون هناك إستفادة من المشروع قبل  خمس سنوات !!!

 

إليكم نص المقال :

 

 
هشام خليل يكتب: هل قناة السويس الجديدة أولوية الآن؟ 

       ١/ ٧/ ٢٠١٥

فيه كلام كتير متداول حاليا بيحاول يسفّه من مشروع قناة السويس الجديدة هندسيا، وبيحاول يبين أنه ترعة وإن الحفر طبقا للخرائط لا يتعدى الـ ١٥ كم وخلافه. الموضوع فى وجهة نظرى مختلف شوية، وبما إن مفيش أرقام متاحة لدراسة الجدوى لمشروع قناة السويس، فقررت أدرس الموضوع شوية وطلعت بالآتى:

باختصار محاولة التقليل من حجم العمل الهندسى للمشروع مضللة شوية، لأن الموضوع المعلن من أول يوم هو إن مشروع القناة الجديدة متقسمة جزأين، جزء وهو حفر القناة الجديدة بطول ٣٥ كم، وجزء تعميق وتوسيع الممرات الحالية فى البحيرات المرة بطول ٣٠ كم وتوسعة وتعميق تفريعة البلاح بطول ٧ كم. بإجمالى حوالى ٧٢ كم.

وعلشان مبيعش دماغى لحد دخلت على برنامج ظريف تقدر تعرف منه المسافة عى خرائط جوجل، بتحدد له المسار وهو بيقولك المسافات (مرفق صور للمسارات ومسافاتها) واللى عايز يتأكد بنفسه يدخل على اللينكات دى. صوره ١،٢،٣،٤

daftlogic.com/projects-google-maps-distance-calculator.htm

مسار تعميق الممرات فى البحيرات المرة ٣٠كم

tinyurl.com/pt٥٥ab٩

مسار حفر القناة الجديدة ٣٥ كم

tinyurl.com/pt٥٥ab٩

مسار توسعة وتعميق ممر البلاح ٧كم

tinyurl.com/nr٢٧٩٩h

بس الموضوع أكبر من كده، الموضوع متعلق أكتر بالجدوى الاقتصادية القصيرة الأجل والطويلة الأجل، والعوائد المتوقعة منه ومقارنتها بأولويات أخرى.

فيه شوية معطيات لازم نبقى عارفينها علشان نعرف نتكلم فى الموضوع ده. وهى كالآتى:

■ إن متوسط عدد السفن اللى بتعدى فى القناة هو ٤٩ سفينة يوميا، والقدرة الاستيعابية حاليا هى ٧٦ سفينة يوميا، وأقصى عمق غاطس للسفينة هو ٢٢ مترا وأقصى وزن مسموح به هو ٢٤٠ ألف طن (Dead weight).

■ الإحصائية التانية المؤثرة هى إن القناة بوضعها الحالى من عمق غاطس وعرض الممر قادرة على خدمة٦٤٪ من ناقلات البترول، ٩٦.٨٪ من أسطول سفن الصب و١٠٠٪ من باقى أنواع السفن، يعنى التعميق والتوسعة ممكن تساعد فى زيادة عدد ناقلات البترول الضخمة فقط ولا تأثير لها على أنواع السفن الأخرى لأنها كلها ممكن تعدى من غير توسعة ولا تعميق. (صوره ٥)

■ ناقلات البترول العملاقة اللى أكبر من السويس ماكس نوعين

الـ VLCC- Very Large Crude Carrier،

ULCC- Ultra large Crude carrier

إحنا مينفعش يعدى عندنا الـ ( ULCC (Ultra Large Crude Carrier) لأنها بتحتاج تعميق يصل إلى ٣٥ مترا وبتحتاج موانئ مخصوصة ودول بياخدوا طريق رأس الرجاء الصالح، أما الـ VLCC فالغاطس بتاعهم يتراوح بين ٢١ مترا و٢٨ مترا، فبعضهم لحد غاطس ٢١ مترا بيقدر يعدى فى قناة السويس والبعض الآخر اللى الغاطس أعمق بيخف الحمولة من البترول وبتعدى فى أنابيب سوميد وبيرجع يملا تانى فى سيدى كرير أو بيخف حمولة على سفن أصغر. لكن دى عملية مكلفة وبتاخد وقت كتير.

الأهداف المعلنة للمشروع الأتى:

■ الهدف الأول من مشروع القناة الجديدة هو تقليل فترة الانتظار وزيادة سرعة التقاطر، علشان المتوقع سنة ٢٠٢٣ هيصل حجم المرور فى القناة إلى ٩٧ سفينة يوميا.

■ الهدف التانى هو تعميق القناة إلى ٢٤ مترا بحيث تستوعب ناقلات أكتر من فئة

(VLCC- very large crude carriers also known as supertankers) اللى بتحتاج غاطس بين ٢١ مترا و٢٨ مترا، وحمولة تصل إلى ٣٠٠ ألف طن. علما بأن التعميق لحد ٢٤ متر مش معناه زيادة الغاطس إلى ٢٤ متر، لأن غاطس السفن لازم يبعد من ٢ إلى ٤ أمتار من قاع القناة.

■ الهدف التالت المروج له إعلاميا من تحت لتحت هو قطع الطريق على مشروع خط القطار (ميد ريد) اللى إسرائيل بتفكر تعمله بين ميناء إيلات على البحر الأحمر وميناء أشدود على البحر المتوسط بطول ٣٥٠ كم.

طيب، لو قارنا إحصائيات عبور القناة فى الخمس سنين اللى فاتت بدءا من انهيار السوق العالمى فى ٢٠٠٨ هنلاقى إن عدد للسفن بيقل من ١٧٩٩٣ سفينة فى ٢٠١٠ إلى ١٧١٤٨ سفينة فى ٢٠١٤، لكن فى نفس الوقت اللى فيه عدد السفن بتقل نلاقى إن متوسط الحمولة للسفينة بيزيد من ٤٧ ألف طن فى ٢٠١٠ إلى ٥٧ ألف طن فى ٢٠١٤. نقدر نستنتج من ده إن فى توجه نحو الاعتماد على سفن أكبر وبالتالى التعميق هيكون مهم لاستيعاب التوجه العالمى نحو السفن الأكبر ذات الغاطس الأعمق. وده بيصب فى صالح أهميه التعميق والتوسيع للقناة الحالية لاستيعاب النمو المتوقع فى السفن الأكبر حجما ذات الغاطس الأعمق. (صورة ٦)

وزى ما قلنا فى المعطيات السابقة إن القناة بحالتها الحالية بتستوعب إن يعدى منها تقريبا ١٠٠% من أنواع السفن، وبتستوعب إن يعدى منها ٦٤% فقط من أنواع ناقلات البترول، لأن الناقلات الكبيرة أوى متقدرش تعدى علشان العمق. نقدر نستنج من كده إن أى شغل فى القناة الهدف منه زيادة حصة مصر من عبور ناقلات البترول.

طيب، إحنا مر من القناة عندنا سنة ٢٠١٤ عدد ٤.٠٥٣ ناقلة بترول، منها ٧٣ ناقلة بترول من فئة الـ VLCC (تقريبا ٢% من ناقلات البترول اللى بتعدى فى القناة من فئة الـ VLCC) وزى ما قلنا إن الفئة دى نسبة كبيرة منها مينفعش تعدى فى القناة علشان عمق الغاطس أو تكلفة تخفيف الحمولة. وبعد التعميق عدد أكبر من ناقلات الـ VLCC تقدر تعدى من القناة. (صوره ٧)

بمعنى أدق إن الهدف القصير الأجل هو زيادة عدد ناقلات البترول من فئة الـ VLCC لحد غاطس ٢٢ متر اللى تقدر تعدى من القناة بعد التعميق.

وبالتالى نقدر نحسب الجدوى الاقتصادية القصيرة الأجل بحسبة بسيطة:

إجمالى عدد ناقلات البترول VLCC فى العالم سنة ٢٠١٤ بلغ ٦٣٨ ناقلة بمتوسط ٦.٥ رحلة سنويا للناقلة الواحدة، يعنى حوالى ٤١٥٠ رحلة سنويا، ولو أخدنا حصتنا العالمية وهى ٨% من إجمالى النقل البحرى العالمى يبقى هيعدى عندنا ٣٣٠ سفينة. وزى ما قولنا إن جزء فقط من هذه السفن اللى الغاطس بتاعها لا يتعدى ٢٢ متر هيقدر يعدى فى القناة، يبقى لو كنا متافئلين جدا ونفترض إننا هناخد ٦٦% من الـ ٣٣٠ ناقلة بترول. علما إن قناة السويس بتشترط على الناقلات العملاقة اللى عرضها بيصل إلى ٦٠ متر إنها تخفف الحمولة علشان الغاطس بتاعها لا يتعدى ١٦.٧ متر علشان حاجة فنيه ليها علاقة بعرض السفينة وعمق الغاطس. (beam to draft).

لكن استكمالا لمبدأ التفاؤل اللى ماشيين بيه فى الحسابات. هنفترض إن التعميق قدر يضاعف عدد السفن من فئة الـ VLCC إلى ٣ أضعاف من ٧٣ سفينة إلى ٢٢٠ ناقلة بمتوسط حمولة ٢٥٠ ألف طن، ده هيؤدى لزيادة إجمالى صافى الحمولة السنوى تقريبا بـ ٣٦.٥ مليون طن، اللى تمثل زيادة فى إجمالى الحمولة السنوية تقريبا بـ ٣.٨% (٣٦.٥ مليون طن سنوى /٩٦٢ مليون طن سنوى) يعنى لو حولناها فلوس، وناخد فى الاعتبار إن رسوم عبور القناة بتختلف طبقا لنوع الحمولة واتجاه العبور، يعنى ناقلات البترول الخام بتدفع أقل رسوم عبور، تليها سفن الحاويات ثم ناقلات البترول وأعلى شريحة سفن الكارجو، لكن إحنا هنحسب على المتوسط للتبسيط، الزيادة فى الإيراد بناء على متوسط رسوم العبور هتمثل زيادة من ٥.٤٠٥ مليار دولار إلى ٥.٦١٠ مليار دولار. يعنى ٢٠٥ ملايين دولار سنويا! (صوره ٨)

الرقم التالت المهم هو إن القناة الجديدة هتوفر فترة المرور اللى بتستغرقها السفن للعبور فى القناة من ١٨ ساعة إلى أقل من ١١ ساعة، لكن ده مش سبب كافى لحفر قناة جديدة النهارده، لأن القناة كده كده بحالتها القديمة بتوفر مسافة من ٣٣٠٠ ميل إلى ٤٨٠٠ ميل أكتر من رأس الرجاء الصالح وده على حسب الرحلة، يعنى لو الرحلة من طوكيو بتوفر ٣٣٠٠ ميل ولو من جدة بتوفر ٤٨٠٠ (تقريبا)، يعنى على الأقل بتوفر ١٠ أيام لو الناقلة ماشية بدون توقف. يعنى الست ساعات التوفير مش هما اللى هيفرقوا فى زيادة الطلب على المرور فى القناة.

أما بخصوص قطع الطريق على خط القطار (ميد ريد) اللى إسرائيل بتفكر تعمله بين ميناء إيلات على البحر الأحمر وميناء أشدود على البحر المتوسط بطول ٣٥٠ كم.

خط القطار ده لو اتنفذ اصلا لا يمثل أى تهديد لقناة السويس لعدة أسباب أهمها:

أولا: الخط ده هينقل حاويات فقط ومش هيقدر ينقل أى حاجة سايلة أو بترول أو غاز أو غيره، والحاويات بتمثل ٣٠٪ فقط من البضاعة اللى بتمر من قناة السويس.

ثانيا: ٣٢ مليون حاوية بتعدى فى قناة السويس كل سنة، فى حين إن دراسة الخط الإسرائيلى بتقول إنه أقصى حمولة له هى ١٥٠ ألف حاوية سنويا، يعنى نص فى المية (٠.٥٪) من عدد الحاويات اللى بتنقل فى قناة السويس.

ثالثا: الجدوى الاقتصادية لخط القطار منعدمة، بمعنى إن الشحن البرى لحمولة سفينة عبر إيلات قد يستغرق ٢١ يوما، إذ ستصل كلفة تفريغ وشحن الحاوية الواحدة قرابة ألف دولار، بينما فى قناة السويس عبور السفينة لا يستغرق ١٤ ساعة وكلفة الحاوية الواحدة لا تتعدى ٣٠ دولارا.

رابعا: تكلفة خط القطار ١٠ مليارات دولار وهيتنفذ فى ٥ سنين، وده مشروع قديم من أيام بن جوريون ومتنفذش لحد دلوقتى لعدم جدواه الاقتصادية.

أما النقطة الجوهرية الخاصة بزيادة عدد السفن العابرة من ٤٩ سفينة يوميا النهارده إلى المرجو وهو ٩٧ سفينة يوميا سنة ٢٠٢٣، العامل المؤثر فى زيادة عدد السفن المارة فى القناة هو نمو حجم التجارة من وإلى أوروبا، وده ابتدى يحصل فعلا بس بنسبة نمو ضعيفة، يعنى طبقا لمعدل النمو فى حجم التجارة ممكن نقدر نوصل لأقصى عدد من السفن العابرة حاليا ٧٦ سفينة يوميا فى سنة ٢٠٢٠، وفى أحسن الظروف نوصل الكثافة الجديدة وهى ٩٧ سفينة يوميا سنة ٢٠٢٣ (طبقا للأرقام الحكومية المعلنة)

نقدر نستنج من ده إن العائد قصير الأجل من مشروع القناة هيكون من تعميق القناة اللى هيسمح بعبور عدد أكبر من ناقلات البترول العملاقة، مش من تقليل وقت الانتظار أو زيادة سرعة المرور.

أقدر أستنتج إيه من الأرقام اللى فوق، كذا حاجة:

أولا: إننا مش هنبتدى نستفيد فعليا من زيادة عدد السفن المارة فى قناة السويس قبل ٥ سنين وده متوقف على حجم التجارة من أوروبا. يعنى كان ممكن تأجيل الحفر للقناة الجديدة على الأقل ٥ سنين واستغلال الفلوس دى فى أولويات تانية.

ثانيا: المكسب الفعلى القصير الأجل هو تعميق الممر الملاحى اللى هيسمح بمرور عدد أكبر من ناقلات البترول العملاقة VLCC، وده فى تقديرى مش هيزود الإيراد أكتر من ٤% فى المدى القريب.

ثالثا: المشروع فعلا مشروع (هندسى) عملاق واستثمار (يمكن تأجيله) فى المستقبل، مش زى ما فيه ناس بتحاول تسفهه، وتنفيذه فى سنة واحدة إعجاز هندسى، وزى ما اتريقنا على جهاز الكفتة لازم ندى الناس اللى اشتغلت على الأرض فى المشروع ده حقهم، ونشيد بيهم لتحملهم المسؤولية وتحمل تبعات إن مشروع كان مدروس له أنه يتنفذ فى ٣ سنين وفى لحظة تجلى بقت سنة وقبلوا التحدى ونفذوا، ومش ذنبهم إن المشروع كان ممكن المفروض يتدرس أحسن من كده أو مش أولوية دلوقتى، أو كان ممكن تأجيله والاكتفاء بالتعميق فى المرحلة دى، أو توجيه الاستثمارات دى فى مشاريع أخرى ممكن تدر عائد برضو زى مشاريع الطاقة، أو الاستثمار فى تنمية المحور اللوجيستى الخدمى لقناة السويس.

الخلاصة بالنسبة ليا هى مسألة الأولويات، يعنى الأولوية الأولى بالنسبة ليا هى الاستثمار فى الإنسان سواء صحته أو تعليمه وهو استثمار لا يقدر بثمن، ولو عايز أستثمر فى مشاريع تجيب عائد هتكون الأولوية لمشروع تنمية المحور اللوجستى لقناة السويس اللى ممكن يعمل طفرة فى حجم الاستثمارات وتنمية مستدامة بجد. لكن واضح إن الدولة أولوياتها مختلفة، أولوياتها إنها تعمل مشاريع قومية كبيرة تعمل بيها شو إعلامى حتى لو كانت غير مدروسة جيدا ولا حصل عليها نقاش مجتمعى محترم. ولا من خلال رؤية متكاملة للأولويات. وده فى وجهة نظرى مينفعش مع بلد خربانة ومفلسة أساسا. الكلام ده ينفع مع بلد زى الإمارات، اللى ممكن تعمل حاجة زى كده غناوة، لكن فى ظروفنا إحنا منستحملش سفه. الموضوع ده عامل زى ما يكون واحد عنده ١٠ عيال فقرر إنه يشحت علشان يودى واحد يتعلم فى هارفرد علشان يستثمر فى مستقبله، والتسع عيال التانيين عندهم كانسر ومش لاقيين ياكلوا.

علشان كده بتقول إن النية الصافية مش كافية، وإن المشاريع الكبيرة مهم تتعرض بشفافية تامة للنقاش المجتمعى وأكيد ده هيفتح زوايا تانية للرؤية، ويكون فيه مجلس شعب منتخب فيه كفاءات محترمة تقدر تراقب وتدرس وتشرع.

أنا عارف انه كلام غلس بس حد لازم يقوله، وأتمنى من كل قلبى أطلع غلطان.

 

 

 

 

مواطنين لا متفرجين


رابط هذا التعليق
شارك

  • الردود 93
  • البداية
  • اخر رد

أكثر المشاركين في هذا الموضوع

 

مقال ل هشام خليل في جريدة المصري اليوم بتاريخ أول يوليو سنة 2015  في صفحة  12 ، المقال صدمني  بمعلومتين ذكرهما الكاتب أولهما  أن متوسط عدد السفن المارة يوميا هو 49 سفينة يوميا  و القدرة اإستيعابية للقناة  هي 76 !!!

 

و المعلومة الصادمة الثانية هي أنه  لن تكون هناك إستفادة من المشروع قبل  خمس سنوات !!!

 

هذا هو ما سبق وأن أشار اليه المهندس محمد سامي فرج، عضو نقابة المهندسين هنا في هذا التقرير القديم:

أن القناة الحالية تستطيع زيادة القدرة الاستيعابية إلى 98 سفينة من خلال تعديل نظام المرور واستخدام كافة التفريعات الحالية، وفق التقرير الصادر عن هيئة قناة السويس في سنة 2013 في الاجتماع الدولي لمنظمة BIMCO، وذلك بزيادة 20 سفينة عن السعة الاستيعابية الفعلية للقناة، وذلك مع العلم أن متوسط عدد السفن التي تعبر القناة يوميا عام 2013 هو 48 سفينة.

رقم الــ 48 سفينة يومياً هذا يمكننا مُطالعته في أكثر من مصدر .. وليكن هذا التقرير بجريدة " التليجراف " :

Around 8 per cent of world trade is handled by the canal and over 17,000 vessels traverse it every year, at a rate of 47 per day.

وهو ما تؤكده تلك الأرقام من على موقع هيئة قناة السويس نفسها.

تم تعديل بواسطة White heart

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

 

مقال ل هشام خليل في جريدة المصري اليوم بتاريخ أول يوليو سنة 2015  في صفحة  12 ، المقال صدمني  بمعلومتين ذكرهما الكاتب أولهما  أن متوسط عدد السفن المارة يوميا هو 49 سفينة يوميا  و القدرة اإستيعابية للقناة  هي 76 !!!

 

و المعلومة الصادمة الثانية هي أنه  لن تكون هناك إستفادة من المشروع قبل  خمس سنوات !!!

 

إليكم نص المقال :

 

 

 

 

كلام يبدو مدروسا ومدعما بأرقام ويمكن القول أنه "مبهر"

ولكن

1) ينقصه معلومات أو معلومة عن الـ Trend فى حركة الملاحة فى السنوات القادمة

2) فى العادة من يكتب مقالات بهذه الطبيعة "المبهرة" يضع نبذة عن علمه ومقدار تخصصه فيما يكتب

3) هذا الموضوع "المبهر" مخلوط بديماجوجية "إحنا بلد فقير" .. "التعليم أولى" .. "الصحة أولى"

4) أستطيع ويستطيع إى ديماجوجى أن يضع قائمة بما هو أولى بـ "صرف الفلوس" من أى مشروع فى العالم

5) المشروع - خلاص - سيفتتح كمان كام يوم .. ماهو المطلوب ؟ نردم يعنى ؟ .. ولا نخلع السيسى ونحاكمه ؟

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

 

5) المشروع - خلاص - سيفتتح كمان كام يوم .. ماهو المطلوب ؟ نردم يعنى ؟ .. ولا نخلع السيسى ونحاكمه ؟

 

المطلوب عمل نفس ما تم عمله مع مشروع " اللواء "  عبد العاطي ونظرية صباع الكفتة !

 

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

 

كلام يبدو مدروسا ومدعما بأرقام ويمكن القول أنه "مبهر"

ولكن

1) ينقصه معلومات أو معلومة عن الـ Trend فى حركة الملاحة فى السنوات القادمة

2) فى العادة من يكتب مقالات بهذه الطبيعة "المبهرة" يضع نبذة عن علمه ومقدار تخصصه فيما يكتب

3) هذا الموضوع "المبهر" مخلوط بديماجوجية "إحنا بلد فقير" .. "التعليم أولى" .. "الصحة أولى"

4) أستطيع ويستطيع إى ديماجوجى أن يضع قائمة بما هو أولى بـ "صرف الفلوس" من أى مشروع فى العالم

5) المشروع - خلاص - سيفتتح كمان كام يوم .. ماهو المطلوب ؟ نردم يعنى ؟ .. ولا نخلع السيسى ونحاكمه ؟

 

الموضوع ان حضرتك كنت من اشد المدافعين عنه عندما طرحنا تلك الافكار في حينها فما وجدنا منك الا الهجوم على كل من يفكر ان ينقد المشروع نقدا تحليليا وعن جدوى المشروع وخصوصا وان القناة لا تعاني من قوائم انتظار وقد سلمنا ساعتها ان المشروع هو مشروع سيجني ثماره في المدى البعيد وهناك اولويات تستحق الصرف في غنى عن ذكرها لانها قائمة طويلة 

خلاصة القول ان افكار الستينات تدير الدولة في الالفية الثالثة وان هناك من اشار للرئيس بحتمية وجود مشروع قومي على غرار مشاريع الستينات تخلد له ذكراه حتى ولو على حساب اشياء اخرى اكثر الحاحا 

عموما المشروع خلص والله وحده اعلم بتقنياته التي بنيت على اساسه وهل ستظهر عواره في المستقبل القريب ام لا ؟ كل هذا ستوضحه الايام المقبلة لان العملية مش عند وخلاص لما الخبراء العالميين يقولو مش اقل من ثلاث سنوات فهم يبنون دراساتهم ليس على وهم ولكن على بناء سليم يعيش دهرا او عمر افتراضي محسوب بالورقة والقلم 

ممكن ابني لك برج سكني مكون من 40 دور في ست شهور لكن عندما تقول الدراسات انه وفق المعايير الهندسية لا يمكن بناءه في اقل من ثلاث سنوات هذا لا يعني الا شيء واحد ان البناء الذي انتهينا منه في ست شهور وكان الطبيعي له ان ينتهي في ثلاث سنوات معناه ان هذا البناء اتسلق ولم يأخذ حقه من العناية المهنية والهندسية الكافية 

لذلك اقول لك علينا الانتظار حتى نرى باعيننا اذا كان في العمر بقية حصاد هذا البناء المسلوق 

(.....إِنْ أُرِيدُ إِلاَّ الإِصْلاَحَ مَا اسْتَطَعْتُ وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ) (هود : 88 )



رابط هذا التعليق
شارك

أستاذ إسلام .. حضرتك برضه مش واخد بالك


لا أنا ولا أى ممن ناقشوا هذا الموضوع تطرق إلى الجدوى الاقتصادية


 


أنا كنت اتكلم كمهندس متخصص فى أن المشروع الخطى Linear


يمكن تقليل مدة تنفيذه بواسطة خمسة أشياء ذكرتها فى حينها


واعتقد إن المية كدبت الغطاس


 


ياريت نركز فى المقال اللى وضعه الأستاذ عادل


ومن كان منكم متخصصا فى إعداد ومراجعة وتصحيح دراسات الجدوى فليدل بدلوه


ولا داعى لخلط الأمور


نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

  ان افكار الستينات تدير الدولة في الالفية الثالثة وان هناك من اشار للرئيس بحتمية وجود مشروع قومي على غرار مشاريع الستينات تخلد له ذكراه حتى ولو على حساب اشياء اخرى اكثر الحاحا 

لا أستبعد هذا الرأى !

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

 

أستاذ إسلام .. حضرتك برضه مش واخد بالك

لا أنا ولا أى ممن ناقشوا هذا الموضوع تطرق إلى الجدوى الاقتصادية

 

أنا كنت اتكلم كمهندس متخصص فى أن المشروع الخطى Linear

يمكن تقليل مدة تنفيذه بواسطة خمسة أشياء ذكرتها فى حينها

واعتقد إن المية كدبت الغطاس

 

ياريت نركز فى المقال اللى وضعه الأستاذ عادل

ومن كان منكم متخصصا فى إعداد ومراجعة وتصحيح دراسات الجدوى فليدل بدلوه

ولا داعى لخلط الأمور

 

في الحقيقة انا لما رجعت للموضوع وجدت بعض فقرات تتعرض لهذه الجزئية وانقل منها الاتي

 

الدراسة ايضا تؤكد ان ازدواج القناة لن يؤدي الى زيادة الربحية لان زيادة الربحية مرتبطة بزيادة الطلب على العرض وانه ساعتها كان المشروع ملحا واسترشد بانه لا توجد قوائم انتظار للسفن خارج مينائي بورسعيد والسويس حتى تكون الحاجة ملحة لسرعة مررهم وبالتالي فازدواج القناة لن يؤدي الى سيولة مرورية اكثر من الوضع الحالى لان الوضع الحالي هو اقصى وضع تتحمله القناة وتمر السفن في هذا الوضع بسلاسة وبدون قوائم انتظار

 

 

وبعدين  جدوى المشروع اللي لا  توجد قوائم انتظار  لحركة  المراكب والسفن وبالتالي فليس  هناك امر ملح للتوسعة والازدواج

اما الفقرة دي فلاخونا وايت 

 

 

اما عن المشروع فهو مشروع قومي والراجل محتاج حاجة كدة زي السد العالي عشان يبقى زعيم زي جمال عبد الناصر

(.....إِنْ أُرِيدُ إِلاَّ الإِصْلاَحَ مَا اسْتَطَعْتُ وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ) (هود : 88 )



رابط هذا التعليق
شارك

 

                من كان منكم متخصصا فى إعداد ومراجعة وتصحيح دراسات الجدوى فليدل بدلوه

ولا داعى لخلط الأمور

 

مش عارف ليه مش مستريح للجملة دي يا عزيزي ...

يتفكرني بجملة : " ... إطلع برة من برة برة ... "  gsp_)

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

مش عارف ليه مش مستريح للجملة دي يا عزيزي ...

يتفكرني بجملة : " ... إطلع برة من برة برة ... "  gsp_)

أنا برضه قصدى كده :quest: :Exclam:

:)

تتكسر كيبوردى يا وايت

نغيرها عشان خاطرك

 

من يعلم منكم عن دراسة الجدوى للمشروع فليتفضل بنشرها

من يعلم منكم عن مراجعة و "نقد" وتصحيح لدراسة جدوى المشروع فليتفضل بنشرها

 

إنما دخول المواضيع من نصها بالشكل اللى فى المقال ده

فأنا أتهمه بأنه دخول ديماجوجى .. مؤكد يلاقى استحسان البعض

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

  • بعد 1 شهر...

من يعلم منكم عن مراجعة و "نقد" وتصحيح لدراسة جدوى المشروع فليتفضل بنشرها

2) بالنسبة للثقة فى الإرادة السياسية وبالتالى بين المستثمر والنظام

أعتقد ظهرت بوضع تحدى فى أغسطس الماضى تمنى البعض أن يكون هو "الضربة القاضية" للانقلاب

ولم تكن ضربة ولم تكن قاضية .. بل خرج منها "الانقلاب" أكثر قوة وحاز على ثقة أغلبية الغريب والقريب

 

 

nouveau_canal_suez2-36857056.jpg?ts=1438

هذا هو ما كُتب اليوم كتقرير عن الحدث " هدية مصر الى العالم "  في الجريدة الأولى بدوقية لوكسمبورج.

سأحاول القيام بعمل ترجمة (قدر إمكانياتي اللغوية) للمقطوعات الى قمت بتظليلها، وأرى ان لها علاقة مباشرة بما نتحاور حوله:

لتحقيق المشروع أعطى الرئيس المصري فترة عام لتحقيقه. كسب الرهان بفضل إكتتاب لبضعة 9 مليارات دولار التى جذبت الكثير من المصريين.

تؤكد القاهرة أنه بحلول عام 2023 لابد للمر الجديد أن يسمح بمضاعفة المرور ليسمح بذلك بمرور 97 سفينة بالقناة في اليوم في مقابل 49 سفينة حالياً.

الشريان الجديد سيسمح بالمرور في الإتجاهين، مخفضاً بذلك فترة إنتظار السفن من 18 الى 11 ساعة، وينتقل بدخل القناة من الـــ 5.3 مليار دولار (حوالي 4.7 يورو) المنتظرة في عام 2015 الى 13.2 مليار دولار (11.7 مليار يورو) في عام 2023 وفقاً للمسئولين.

ولكن بالنسبة لخبراء بالتجارة الدولية الأمر يتعلق بثمن باهظ لـــ << رغبة غير قابلة للتحقيق >>، الأمر يتعلق بالتبذير، في الوقت الذي تتحرك فيه التجارة العالمية بخطواط حساسة.

يعلق " رالف ليسزينسكي " المدير بشركة " برانشيرو كوستا " الإيطالية للسمسرة البحرية:

<< الاولية لملاك السفن هى تخفيض تكاليف النقل، وليس زيادة سرعتها >>

ويشرح :

<< الإتجاة مؤخراً هو تقليل سرعة السفن لتخفيض إستهلاك الوقود >>

ويستنتج:

<< في النهاية الجميع سعداء بالوقوف بالطابور لإجتياز قناة السويس طالما سنتكلف أقل >>

بالنسبة للسيد السيسي، الطامع بإعتراف غربي منذ قيامه بعزل السيد مرسي - الرئيس الأول المنتخب ديموقراطياً في مصر - تلك << القناة الجديدة >> تهدف ايضاً الى تثبيت شرعيته على الساحة الدولية. انه يقدم الشريان الجديد على انه << هدية مصر الى العالم >>

شعبية السيد السيسي كبيرة جداً بسبب تعب عدد من السكان المصريين من جراء 4 أعوام من الفوضى.

ولكن المنظمات الدولية للدفاع عن حقوق الإنسان تتهم نظامه بأنه - يقمع دموياً - المعارضة الإسلامية، ويخرس كل معارضة ليبرالية وعلمانية بشكل أكثر قمعاً من نظام مبارك.

وكإنتقام، مصر أصبحت مسرح لعدة محاولات ارتكبت بواسطة الجماعات الجهادية، التى من ضمنها الفرع المصري للدولة الإسلامية، <<  ولاية سيناء >>.

 

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

1) لا أرى علاقة بين الاقتباسات والجزء المترجم 


2) لا أستطيع التعليق على جزء مقتطع من سياقه 


خصوصا عندما يكون بلغة يادوب أعرف استهجاها


:)


وأفك خطها .. وزين ابين


نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

 

1) لا أرى علاقة بين الاقتباسات والجزء المترجم

 

معذرة يا عزيزي .. لم أفهم عن أى إقتباسات تتحدث؟

 

2) لا أستطيع التعليق على جزء مقتطع من سياقه 

خصوصا عندما يكون بلغة يادوب أعرف استهجاها

هذا هو إجتهادي ... علاوة على ان تلك ليست مشكلتي !

أمامك التقرير كاملاً ... أنا خصصت مايلزم من وقت لترجمه ما آراه له علاقة بفكرة موضوع الحوار ... وتجاهلت المقطوعات التى تتحدث عن مسألة خطف الرهينة الأوكراني،  ووصف الإحتفال، ومسألة العلاقة بين حضور الرئيس الفرنسي للإحتفال وصفقة طائرات الرافال والفرقاطة " فريم " .. وذكر لبعض رؤساء وامراء الدول من الحضور ... فإذا كنت تفضل التعليق على ما هو ليس له علاقة بفكرة موضوع الحوار .. فأهلاً وسهلاً كلي آذان صاغية لسماع ومناقشة وتفنيد ومقارعة إجتهادك ... أما أذا أردت التعليق على المقطتفات المترجمة والتي لها علاقة بفكرة موضوع الحوار .. فأيضاً الف أهلاً وسهلاً وكلي آذان صاغية ... أنت حر تماماً ومرحب بك في أى إختيار يناسبك ... :hi:

 

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

علاوة على ان تلك ليست مشكلتي !

 

 

وهل طلبت منك حل مشكلتى 

تأكد أننى لن أزعجك بطلب كهذا

 

معذرة يا عزيزي .. لم أفهم عن أى إقتباسات تتحدث؟

 

 

اقتباساتك  من مداخلاتى التى تفضلت بالتعليق عليها

كنت أظن الأمر واضحا .. فمعذرة سأراعى ذلك فى المرات القادمة

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

فيه كونسبت اقتصادي اسمه تكلفة التنافس ...او البقاء في المنافسه

يعني بافتراض وهمي انه حتى لو مكانش انفاقك في سبيل تحقيق مزيد من الربحيه فهو في سبيل الابقاء على حظوظك من الايراد كما هي بدون نقصان

و الا لاتجه السوق الى غيرك و نقص ايرادك تدريجيا

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

وهل طلبت منك حل مشكلتى 

دعني أرى من جديد كيف  كانت صيغة تعليقك هذا:

2) لا أستطيع التعليق على جزء مقتطع من سياقه 

خصوصا عندما يكون بلغة يادوب أعرف استهجاها

متى تفضلت بوضع هذا التعليق؟

بعد قيامي بوضع التقرير الوحيد عن هذا الحدث بأكبر جريدة في دوقية لوكسمبورج.

وانت تريد ولكنك لا تستطيع التعليق على ما ورد به لإعتقادك ان ما قمت بتجاهله عند الترجمه يُمكن أن يُغير من المعنى " الخلاصة " للتقرير ككل، وتُفَضِل ربما ولو كان كله مترجماً ... أذن بعد تعليقك هذا ما هو المنتظر يا ترى ممن قام بالإتيان بالتقرير وترجمة مقطتفات منه؟

1- أما أن يقوم بترجمة التقرير كاملاً .. حسب رغبتك، وحتى تسطيع التعليق (لأنك مهتم وتريد).

2- أما أن يوضح مُلَخِصاً فحوى المقطوعات التى تجاهلها، ويوضح أسباب تجاهله لها، ويطلب منك صراحة أن تعلق بدورك سواء على ما قام بترجمته بالفعل، او حتى على ما لم يقم بترجمته (على الأقل إحتراماً له ولجهده ولوقته حتى ولو كان متواضعاً وليس على قدر المستوى)

3- أما أن يعتبر انك تخاطب الهواء ... ويتجاهل تماماً تعليقك .. ويهرب منه! (قلة ذوق، وعدم إحترام لإهتمامك ولرغبتك! )

وأنا يا عزيزي وببساطة إخترت الخيار الثاني .. وأنظر ماذا كان رد فعلك أنت؟!؟

اقتباساتك  من مداخلاتى التى تفضلت بالتعليق عليها

الأن قد فهمت ... تقصد طلبك هذا:

من يعلم منكم عن مراجعة و "نقد" وتصحيح لدراسة جدوى المشروع فليتفضل بنشرها

الا تعتبر أن الثلاثة أربع الأولى من المقطتفات المترجمة من التقرير هى ببساطة " نقد " لدراسة جدوى المشروع ؟!؟

وهذا:

2) بالنسبة للثقة فى الإرادة السياسية وبالتالى بين المستثمر والنظام

أعتقد ظهرت بوضع تحدى فى أغسطس الماضى تمنى البعض أن يكون هو "الضربة القاضية" للانقلاب

ولم تكن ضربة ولم تكن قاضية .. بل خرج منها "الانقلاب" أكثر قوة وحاز على ثقة أغلبية الغريب والقريب

" ثقة في الإرادة السياسية" + "حاز على ثقة أغلبية الغريب" ...

أنظر معي رجاء على ما ورد في الربع الأخير المترجم من ذات التقرير:

بالنسبة للسيد السيسي، الطامع بإعتراف غربي منذ قيامه بعزل السيد مرسي - الرئيس الأول المنتخب ديموقراطياً في مصر - تلك << القناة الجديدة >> تهدف ايضاً الى تثبيت شرعيته على الساحة الدولية. انه يقدم الشريان الجديد على انه << هدية مصر الى العالم >>

شعبية السيد السيسي كبيرة جداً بسبب تعب عدد من السكان المصريين من جراء 4 أعوام من الفوضى.

ولكن المنظمات الدولية للدفاع عن حقوق الإنسان تتهم نظامه بأنه - يقمع دموياً - المعارضة الإسلامية، ويخرس كل معارضة ليبرالية وعلمانية بشكل أكثر قمعاً من نظام مبارك.

وكإنتقام، مصر أصبحت مسرح لعدة محاولات ارتكبت بواسطة الجماعات الجهادية، التى من ضمنها الفرع المصري للدولة الإسلامية، <<  ولاية سيناء >>.

هل فعلاً نستخلص من مثل هكذا وصف، تحليل، وإنطباع، ما تحدثت عنه أنت من " ثقة في الإرادة السياسية" + "إستحواذ على ثقة أغلبية الغريب" .. أم ببساطة وصف لـــــ " إنـــــــــــــقــــــــلاب " وإحدى تبعاته ؟!؟

هل مازلت لا ترى العلاقة بين إقتباساتي من مداخلاتك وبين الجزء المترجم؟

تأكد أننى لن أزعجك بطلب كهذا

إطلاقاً !

أنا يشرفني من قبل أن يُسعدني أن تطلب مني سواء مثل هذا الطلب، أو غيره وفيما يتعلق بما يجمعنا جميعاً هنا ... أى حب ومصلحة بلدنا ...

 

أرق تحياتي وإحتراماتي :hi: 

تم تعديل بواسطة White heart

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

فيه كونسبت اقتصادي اسمه تكلفة التنافس ...او البقاء في المنافسه

يعني بافتراض وهمي انه حتى لو مكانش انفاقك في سبيل تحقيق مزيد من الربحيه فهو في سبيل الابقاء على حظوظك من الايراد كما هي بدون نقصان

و الا لاتجه السوق الى غيرك و نقص ايرادك تدريجيا

 

وكمان كونسبت تكلفة الفرصة البديلة

يعنى لو اعتبرنا توفير التلاتين مليار جنيه بتوع الحفر والتعميق "فرصة"

فالسؤال هو : إيه تكلفة هذه الفرصة ؟

تكلفتها إن القناة بتخرج تدريجيا من المنافسة 

وبتشجع المنافسين على المضى قدما فى المنافسة ("أشدود - إيلات" و "ممر القطب الشمالى" مثلا)

التلاتين مليار جنيه دول يعنى 4 مليار دولار .. يعنى أقل من الإيراد السنوى الحالى 

معنى هذا أن تكلفة هذه الفرصة البديلة اللى هى توفير الـ 30 مليار جنيه

هى المخاطرة بإيراد أصل من أصولك بل والتخلى عن تنمية إيراد هذا الأصل

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

نرجع تانى للى عمال أهاتى فيه من أول ما بدأ الكلام عن هذه الترعة أو هذا الطشت

وهو ما أكده السيسى فى خطابه فى الافتتاح (المشروع ده خطوة من الف خطوة لازم نمشيها)

لما آجى أفكر فى تنفيذ مشروع تنمية (وليكن منطقة سكنية)

أول حاجة فى هذا التنفيذ هو البنية التحتية أو البنية الأساسية Infra-structure

يعنى (طرق - كهربا - مياه - صرف صحى - اتصالات)

من غير دول مفيش مشروع .. مفيش تنمية

وهناك قول للمتخصصين فى مجال التطوير Development
بيقولوا إيه بقى ؟
Build the road and they will come

وقناة السويس هى "الطريق" وأهم شئ فى "البنية التحتية لمشروع التنمية"

 

وبناء على هذا فإن إجابتى على سؤال عنوان الموضوع هى :

"نعم .. قناة السويس الجديدة هى اولوية الآن .. وأولوية أولى كمان"

ده إذا كنا ناويين نعمل تنمية 

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

بافتراض وهمي انه حتى لو مكانش انفاقك في سبيل تحقيق مزيد من الربحيه فهو في سبيل الابقاء على حظوظك من الايراد كما هي بدون نقصان

و الا لاتجه السوق الى غيرك و نقص ايرادك تدريجيا

أعتقد ووفق مفهومي المتواضع، ان هذا " الكونسبت " يُصبح صحيحاً أذا ما كان لديك رصيد أو إحتياطي " معقول " تستطيع أن " تُغامر " على أساسه .. أما عندما تكون - على سبيل المثال -  بعض من معطياتك الواقعية تشير الى انك من ضمن الــ 20 دولة الأكثر تضخماً على مستوى دول العالم الـــ 222 ... وإحتياطك من النقد الأجنبي آخذ في الهبوط منذ سنوات ... وبنكك المركزي يدفع بعملتك المحلية وللمرة الثانية في أقل من عام بالهبوط أمام الدولار ... ونصيب المواطن الواحد في بلدك من الدين العام قد وصل الى 30 ألف جنيه ... والقوة أو القيمة  الشرائية للجنيه المصري في هبوط متواصل  ... ناهيك عن حالة إستمرارية الفساد المالي ... فوفق مثل هكذا "حزمة" مُعطيات واقعية مُجتمعة، اذا لم تُحسن إختيار أوليات توظيف مدخولك من أى أموال ... سيُصبح هذا " الكونسبت " ليس نوع من أنواع " المغامرة " بل " المُقامرة " .. ان لم يكن " إنتحار " وليعاذ بالله !!!

تم تعديل بواسطة White heart

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...