هاني بدر

السلام عليكم ورحمة الله وبركاته لو امكن الافاده بخصوص استقدام الزوجه في حالة ان الزوج حاصل على مؤهل متوسط والمهنه في جواز السفر " اخصائي تسويق " وللجميع كل الشكر والتقدير

احنا بنلاعب خصم عنيد وتقيل مش بنلاعب شوية العيال اللي في الشارع اللي على ناصيته الممر الآمن من رابعه

عزيزي استاذ هيرو هيرو انا لم استخدم هذا العنوان الواسع او المانشيت البراق ماقلته انا انت تفضلت لاحقا بذكره في تعليقك مع اخونا الفاضل استاذ طارق عندما قلت ولكن اسمح لي ان تفسر لي كيف يكون " عدم الانصاف " بعدم محاسبة كل من آتي بعد مبارك على ما افسده مبارك

✔هو السيسي اللي خاف ع الكرسي وأجل قرارات الإصلاح الإقتصادي ولا مبارك؟! ✔هو السيسي اللي باع القطاع العام وخصخصه ولا مبارك؟! ✔هو السيسي اللي خاف علي شعبيته وساب الدنيا سبهلله ولا مبارك؟! ✔هو السيسي اللي ساب الدولة 30 سنه معتمده علي قناة السويس والسياحة وتحويلات المصريين بس ولا مبارك؟! ✔هو السيسي اللي أهمل كافة مرافق ومؤسسات الدولة ولا مبارك؟! ✔هو السيسي اللي الفساد انتشر واتربي وتفحل في عهده ولا مبارك؟! ✔هو السيسي اللي فضل 30 سنه احتياطي البلد معداش 35 مليار دولار ولا مبارك؟! ✔هو السيسي اللي ساب ثرواتنا في البحر المتوسط تتسرق من اسرائيل وتركيا ولا مبارك؟! ✔هو السيسي اللي ساب اراضي البلد الزراعية تتبور وتبقي مباني عشوائيات ولا مبارك؟! ✔هو السيسي اللي ساب الجيش 30 سنه من غير تسليح محترم ولا مبارك؟! ✔هو السيسي اللي فضل يستلف من برا ويدين البلد ومشي بمبدأ طفحني انهاردة وموتني بكره ولا مبارك؟! ✔هو السيسي اللي وصل الدين العام في البلد لمستوي 100% تقريبا ولا مبارك؟! ✔هو السيسي اللي ساب المترو من غير تطوير ولا مبارك؟! ✔هو السيسي اللي ساب سيناء من غير تنمية ولا مبارك؟! ✔هو السيسي اللي ساب المواني والمطارات والسكة الحديد من غير تطوير ولا مبارك؟! ✔هو السيسي اللي معملش مدن جديدة وسابنا زي الأرانب فوق بعض ولا مبارك؟! ✔هو السيسي اللي خلي كل احتياجات البلد مستورده وقفل مصانعنا لصالح الحيتان ولا مبارك؟! ✔لو فضلت اقول لحد السنه الجاية مش هخلص منقوووووول رفع اسعار الوقود خطوه جديده في طريق اصلاح ما افسده الزمن

هكررها لك تاني عزيزي هيروهيرو انا دورت على اللي يخصني وانت دورت على اللي يخصك واللي يخصك ممكن يكون من منظوري هو اللي انت متعاطف معاه او هو عدو عدوك اللي انت مختلف معاه اللي هو النظام الحالي واى اسهاب منك في نفي تهمه انا ما اتهمتكش بيها مالوش معنى وخلينا ننتظر لحد ماتخلص "العاركه" اه العاركه اهى افضل من المسرحيه

جميله العباره دي وده مثل اقول والحق تستحق عليه كل التحيه شوف ياعزيزي انا قلت نصاًجايز نفسر اللي عمله عصام الحضري على انه بدوافع التطبيل وده جايز ومقبول والباقي ياريت تقراه مره تانيه لان ردك مش شايف له اى علاقه باللي انا قلته عن احفاد والي عكا " توفيق الدقن " ده على افتراض صحة احداث فيلم الناصر صلاح الدين وماتزعلشي مني لو قلت لك ان هو ده الفرق بيني وبينك لاني لوبصيت لتاثير عصام الحضري فانا هشوف تاثيره على اللي يخصني ( المواطن المصري ) لكن انت شايف وبتدور على اللي يخصك " قناة الجزيره " قطر يعني حاضنه الاخوان المسلمين . نقطه ومن اول السطر

جايز نفسر اللي عمله عصام الحضري على انه بدوافع التطبيل وده جايز ومقبول لكن المؤكد من اللي بنقراه في مواقع التواصل الاجتماعي وفي محافل كثيره من دفاع غريب ومستميت عن قطر من مصريين آه والله مصريين بصراحه مش شايف له غير تفسير واحد وبسهم عربي مسموم احييك بصوت فيرجينيا جميلة الجميلات

وعبدالباري عطوان ناقص يحلف لنا بالطلاق انه صراع قبلي والاطراف المتنازعه فيه ماحدش هيكسب حاجه ومصر مش متضرره على مدار سنوات من الشقيقه قطر ومصر خلاص مش موجوده ع الخريطه ماهى مفعول بيها وجماعة الاخوان المسلمين جماعه كيوت " وهذا الذي يحدث في سيناء سيتوقف في اللحظه التي نضغط فيها على زر ستوب " بصوت البلتاجي اه نسيت اقول لحضرتك اني عايش في جنوب سينا تقريبا من 2007م وليا اصدقاء كتير عايشين في الشمال واهل سينا زى الفل والحمد لله وتجارتهم شغاله بس اوقات الدوله بتخنق عليهم شويه غلاثه كده من الدوله ربنا يهدي الدوله وياريت بدون الدخول في تفاصيل تخص اهل سينا انا هاخد برايك صديقي العزيز استاذ هيروهيرو واقعد اتفرج واستنى نهاية مسرحية القرن

اعتقد علشان اقفل باب العبارات التي تبحث عنة كلمات والكلمات التي تبحث عن حروف انا ذكرت جمله قاصد تماما صياغتها في ردي السابق وهى "مع الاخذ في الاعتبار ان الاعلام عامل مشترك في الموضوعين" لكن مش عارف هل حضرتك تعمدت اعفالها لعدم الاجابه عن السؤال اللي انا طرحته ولا ايه بالظبط لكن نكرر لحضرتك السؤال مين بطل المسرحيه دي وفين المكاسب او الغنائم ؟؟؟ وده كله من وجهة نظر حضرتك وبالنسبه لموضوع ان مصر ضيف شرف وقطر لاتذكرها من قريب ولابعيد فعلا انت عندك حق لا لا انا بعتذر انت عندك الف والفين الف حق والدليل ان قطر عملت قناة الجزيره مباشر الرياض . وفعلا مصر مش في الحسبان خالص خالص , امير العرب تميم لو مش عارف قيمة تحرك مصر عمره ماكان ضرب كرسي في الكلوب واستدعى ابن عمومة اعداء الامه " اردوغان سود الله وجهه " ولا كان جري بالبوكسر على ايران وبعتذر على تطاولي على اردوغان لاني صائم وفعلا المفروض نقعد نستنى اسدال الستار على المسرحيه دي اللي انت برضو مش راضي تقول لي هتخلص امتى وهتخلص على ايه ؟؟

لمجرد ظبط الزوايا .... حوار تركيا ايه وجه الشبه بينه وبين حوار قطر ؟؟ ما اذكره عن حوار اردوغان انه كان تمثيليه ( مسرحيه هزليه) انتهت بعد ساعتين او اكثر بقليل من بعد رفع الستار بتشليح الجيش التركي وبمكاسب لاتعد ولا تحصى لبطل المسرحيه... !!! آه اردوغان يعني لكن هنا في موضوع قطر المكاسب لمين ( صعب جداً يكون الاطراف الرئيسيه بيلعبوا لنتيجة التعادل ) لازم على الاقل يكون في اردوغان في قصة قطر ( ممثل بارع يعني )... ها مين بقى اللي بيلعب دور اردوغان ؟؟ مع الاخذ في الاعتبار ان الاعلام عامل مشترك في الموضوعين " الانقلاب العسكري التركي المزعوم" و الانقلاب العربي الخليجي القطري ( المزعوم برضو ده لو انت حابب تسميه كده ) " واهو اردوغان صادق على قرار البرلمان التركي بارسال ياميش رمضان لاخواتنا المقهورين في قطر على المدى القريب ( في خلال ايام او ساعات معدوده يعني ) في مصر لا السياحه هترجع ولا الارهاب هيخلص بقطع العلاقات مع قطر لكن اكيد ده هيحصل لما نجيب الكلب والراعي ونخلي للقطيع فايده غذائيه

اعتقد انه فعلا اللي جاى هيكون صادم بكل المقاييس والحقائق والوقائع الممسوكه تلبس يالهوي ده ولا الف مصنع ملايات بيضا هيكفي الناس الشمال اللي اتقفشت اللهم اني صائم

ولا اى اندهاش رحمة الله على من قالوها ونحن صغار " طول عمرك يارضا وانت كده " قناة الجزيره تُعَد احد اهم مؤسسي علم الفبركه والتضليل

حجم الوثائق السريه اللي سربها الاعلام السعودي اليومين اللي فاتوا لقطر معناه ان مفيش ورقه مضى عليها تميم أو أبوه إلا وفي نسخه منها في الرياض ده حتى التصريحات اللي تميم قال مدسوسه عليا في تسجيل صوتي ليها مع السعوديه الموضوع كبير يا جماعه مش عاركه في خماره

صباح الخير انا قاعد بتفرج ع الفيلم الامريكي ومستني القوس اللي اتفتح ده يتقفل وللاسف انا وصديقنا العزيز " هيرو هيرو " ما اتفقناش امتى هنقول عبارة " كنتم مع " بمعنى ادق نهاية الفيلم من وجهة نظر المخرج هتكون ايه ؟؟

عزيزي الفاضل الكريم انت دائما تريد ان تبتعد بنا عن فكرة ان قطر قد قدمت دعماً كبيراً للمتطرفين وللجماعات الارهابيه التي تنتهج العنف سبيلاً لها بالرغم من احتضانها لمعظم قيادات جماعة الاخوان المسلمين وفتح ابواقها الاعلاميه لهم لنشر سمومهم في نفوس شباب مصر والبلدان العربيه ومهاجمة الدوله المصريه بالحق او بالباطل وتشويه صورتها امام العالم طوال الوقت ولان الدوله المصريه ليست من الدول التي تهوى العدوان والتعدي على سيادة الآخرين على اراضيهم فاكتفت بالطرق السلميه والدبلوماسيه لتصحيح كل الصور المسيئه التي ابتكرت معظمها تلك القناه المشبوهه عبد الناصر امم قناة السويس وجعلها شركه مساهمه مصريه وتميم رفض تاميم قناة الجزيره وجعلها شركه مساهمه قطريه عبدالناصر جاؤه الرد بالعدوان الثلاثي وتميم ايضا جاؤه الرد بالتقويم السداسي